ޔަލާން އަތުގައި ބިޑިއަޅުވައިގެން އާކިންގެ އިތުރުން 3 ފުލުހަކު ނުކުތެވެ. އެއާއި އެކު އެމީހުންގެ އިންތިޒާރުގައި ތިބި ނޫސްވެރިން އަހިސް އެމީހުން ގާތު ތަތްވެގަތީ ހަކުރުފެނިގެން ހިނިތަށް ދުއްވައިގަންނަހެންނެވެ. މަންޒަރު ބަލަން ދުރުގައި ހުރި އަލަކާއަދި އަލާޔާގެ އިތުރުން ލުބާންއަށް ޔަލާން ބަލައިވެސް ނުލިއެވެ. އެކަމުގެ ސަބަބުން އެތިން ހިތުގައިލީ ނުފިލާނޭ ކޫރެކެވެ. “ޝަނުމްއަށް އެހެން ހެދީ ކީއްވެގެންތޯ؟” “ޝަނުމްއާއި ޔަލާންގެ މެދުގައި މައްސަލައެއް ޖެހުނީތޯ؟” “ތިމާގެ ކުއްޖަކަށް ވެހުރެ އެހެން ހަދަންވީ ކީއްވެގެންތޯ؟” ރިޕޯޓަރުންގެ ސުވާލުތަކާއި […]
ދުންޔާގެ އަނގަމަތީ ޔާދިން އަވަސް އަވަހަށް އަތްއެޅިއެވެ. “ޝްޝް އަހަރެންނޭ މީ.. ތަނަކަށް ތަދުވަނީތަ؟” ޔާދިން މަޑުމަޑުން ދުންޔާގެ ގާތު ސުވާލުކޮށްލިއެވެ. ދުންޔާ މަޑުމަޑުން ބޯޖަހައިލިއެވެ. “ކޮންތާކަށް ތަދުވަނީ..؟” ދުންޔާގެ އަނގަމަތިން އަތްނަގަމުން އޯގާތެރި ރާގަކަށް ޔާދިން ސުވާލުކޮށްލިއެވެ. “ބަނޑަށް..” ދުންޔާ ވޭނުން ފުރިގެންވީ އަޑަކުން ބުންޏެވެ. “ބަނޑަށް ކީއްވެ؟ އެއްޗެއް ހެރުނީތަ؟ ނޫނީ ތަނެއްގަ ޖެހުނީތަ؟؟” ހާސްވެފައި ޔާދިން އަހައިލިއެވެ. އަދި އަވަސް އަވަހަށް އެނދު ކައިރީގައި ހުރި ސްވިޗް ބޯޑުން ސްވިޗްއެއް ޖައްސައި ބޮކި […]
ޖެހިގެން އައި ދުވަހެވެ. އަލަކާއާއި އެކު ބޭރު ކުނި ކަހަން އުޅިފައި ގެއަށް ވައިން ލުބައިނާ ދިޔައީ ދެމީހުނަށް ކޮފީ ގިރުމަށެވެ. “ޓީވީ އަޅުވާލަބަ. މިހާރު ހަބަރު ކިޔާނެއްނުން؟” 8 ޖަހާފައި ހުރުމުން ލުބައިނާ ބުންޏެވެ. އަލަކާ ސޯފާގައި އިށީންދެފައި ޓީވީ ހުޅުވާލިއެވެ. “ދެން އޮތް ޙަބަރާއި އެކު އަޅުގަނޑު ކުރިއަށް ގޮސްލާނަން. ހދ ނޭކުރެންދޫގައި ރޭގެ ވަގުތެއްގައި ވަނީ ގަބޫލު ކުރަން ދަތި ހާދިސާއެއް ހިނގާފައި. ރޭގެ ދަންވަރުގެ ވަގުތެއްގައި އުމުރުން 14 އަހަރުގެ ފިރިހެން […]
“އަހަރެން މިވާހަކަ ދައްކާކަށް ބޭނުމެއްނޫން. އެކަމަކު މިވާހަކަދައްކައިގެން ނޫނީ އަހަރެންގެ ސިކުނޑިއަކަށް ލުޔެއްނުލިބޭނެކަންނޭނގެ” ޔަޒްދާން ބުނެލިއެވެ. ………………………………………………………….. ހައަހަަރު ކުރި “ދަރިފުޅާ އެޔޮތްގަޑި ޖެހެނީ! އަވަހަށް ސައިބޯން އާދެބަލަ!” ސަލީމާ އޭނާގެ ދަރިފުޅު ޔަޒްދާންއަށް ގޮވަންފެށިއެވެ. ”ލައްބަ މަންމާ. މިދަނީ.” ސައިބޯން ނުކުންނަމުން ޔަޒްދާން ބުނެލިއެވެ. ”ދޮންބޭ! އަދި ގަޑި ޖެހެން ފަނަރަމިނެޓު އެބައޮތޭ. ތިހާއަވަސް އަރުވާނުލިޔަސް ގަޑިނުޖެހި ދެވޭނެޔޭ.” ޔަޒްދާން މާއަވަސްއަރުވާލާފަ ސައިބޯން އުޅުނުތަންފެނިފަ އޭނާގެ ކޮއްކޮ ޝަޒްރާ ބުނެލިއެވެ. ”ޕްރިފެކްޓް ކުދިންދާން ޖެހޭނެ ދިހަމިނެޓުކުރިން. […]
އަހަރެން ޝާއީ ގާތުގައި ތައްޔާރުވާން ބުނީ އެރޭގެ ނުވައެއް ޖަހާކަށްހާ އިރަށެވެ.ދެ ނަމާދު ދޭތެރޭ އަހަރެން ޖޯލިފައްޗަށް ނުކުތް އިރު ޝާއީ ބަދިގެ ފަރާތުގައި ހަރަކާތްތެރި ވާތީ ފެނެއެވެ. އަހަރެން ޝާއީއޭ ކިޔައި ދެފަހަރަކު ގޮވައިލުމުން އޭނާ އައީ ކޮފީ ތަށްޓެއް ތައްޔާރުކޮށްގެން އެ ހިފައިގެންނެވެ. އަހަރެން ޝާއީއާއި ދިމާލަށް ނިތް އަރުވައިލުމުން އޭނާ ހިނިތުންވެލިއެވެ. **** ’ކިހިނެއްވީތަ؟ ދެން މިހާ ދުވަސްވީއިރު އަހަންނަށްވެސް އެނގޭނެއެއްނު މިގަޑީ ޒައިފް ކޮފީއެއް ބޭނުންވާނެކަން… ނޫންތަ؟‘ ޝާއީ ހީލާފައި ބުނެލިއެވެ. […]
” ކޮންމެ ކަމަކީ ވެސް ކުރަން ބޭނުންވެއްޖެ ނަމަ ކުރެވޭނެ ކަމެއް” އަޑަށް ބާރުލައި އަހަރެން ބުނީމެވެ. ކުރިއަށްވުރެ ބާރަށް ހިތްތެޅެން ފަށައިފިއެވެ. މެހެފިލްގެ އެންމެންގެ މޫނަށް ނަޒަރު ހުއްޓާލީމެވެ. ވަކި ވަކިން ކޮންމެ މޫނަކަށް ބަލައިލީމެވެ. ”ވަގުތަކީ ހޯދީމަ ލިބޭ އެއްޗެއް، ކިތަންމެ ބޮޑު އަގަކަށް ވެސް ގަނެވޭނެ އެއްޗެއްނޫން..!” ހިތުގެ ތެޅުން ސިކުނޑިން ދޮގުކޮށް ކުރިއަށްދިޔައީމެވެ. ކޮންމެ ލަފުޒަކީ އަދު އަހަރެންގެ ހިތުގެ ފުން މިނުން އެތައް ދުވަހެއްގައި ފަސްދާނުލެވިފައވި ބަސްތަކެވެ. ތަގުރީރެއްގެ ސިފައިގައި […]
ރެސްޓައުރެންޓްއަށް ވަނުމުން ޝަނުމްއާއި ކައިލީން އިން މޭޒަށް ވުރެ ތަންކޮޅެއް ދުރުގައި އިން މޭޒެއްގައި ދެމީހުން އިށީނެވެ. ކައިލީންއާއި ޝަނުމްގެ ވާހަކަ އިވޭހިސާބުގައެވެ. ފަހުކަމަކަށް ކައިލް ފޯނު ރިކޯޑަށް ޖައްސާލިއެވެ. ފިހާރައަށް ވައިން އަލަކާ އެނބުރި ނުކުތީ މޭވާ ކޮޅަކާއި ޖޫސްފުޅިއެއް ގަނެގެންނެވެ. ހިނގާފައި އެކަނި އައުމުން އަލަކާ ބެލީ އަވަހަށް ގެއަށް ދެވޭތޯއެވެ. ކޮތަޅުތައް ހަމައަކަށް އަޅުވަމުން ދިޔަ އަލަކާ ސިހުނީ މީހެއްގައިގައި ވިދުމުންނެވެ. “ސޮރީ-” އަލަކާ ބުންނަން އުޅުނު ޖުމްލަ ކަރުގައި ތާށިވީ އަލަކާއަށް […]
ޝިޔާމާއާއި ރިޔާޒް ދިޔައީ ކައިލްއާއި އެތަކެއް ސުވާލެއް ކުރަމުންނެވެ. ކައިލް ހިނިތުންވެ ހުރެ އެއިން ކޮންމެ ސުވާލަކަށް އިހުތިރާމާއިއެކު ޖަވާބުދެމުން ދިޔައެވެ. މައިރީން ދިޔައީ ރުޅިއައިސްފައި ހުރެ ކައިލްގެ ހަށިގަނޑަށް އޭނަގެ ލޮލުން ހަންޖަރު ފޮނުވަމުންނެވެ. މިއަދު އޭނަ ކުރަން ހުރި މަސައްކަތް ފެނަށް ދުއްވައިލުމުންވެސް އޭނަ ހުރީ ރުޅިގަދަވެފައެވެ. ފެންފޮދެއްބޯން ތަށީގައި ތުން ޖަހައިލި ހިނދު މައިރީން ކުއްލިއަކަށް ކޮށިއަރައިގެން ދިޔައެވެ. އެންމެން ހާސްކަމުގެ މަތީގައި ހުރެ މައިރީންއަށް ބަލައިލިއެވެ. އޭރު ކައިލް ނުލަފާ ގޮތަކަށް […]
ހޮސްޕިޓަލާއި ދިމާލަށް ބަލައިލާފައި އޭނާ ނެގީ އޭނާ ޖީބުގައި އޮތް ކުޑަ ފުޅިއެވެ. މީސްލްސް ހިމެނޭ އެވެކްސިނަކީ ސީޒާރ ޖެހުމަށް އެހީތެރިވެދޭ ވެކްސިނެކެވެ. މީގެ ހަފްތާއެއްހާ ދުވަސްކުރިން އާދިލް ވަނީ “ޑިސާރތްރިއާ” އަދި “ޑިސްފޭޖިއާ” އަށް ޑަކްޓަރަށް ދައްކާފައެވެ. އެދުވަހު އާދިލްގެ ސިކުނޑީގައި ޓިއުމަރެއް އިންކަން ނުހާދުއަށް ވަނީ އެނގިފައެވެ. އެހެން ކަމުން އާދިލް ހަމަ މަރުވީބާއެވެ؟ ނުވަތަ ރޭވުމަކުން މަރާލީބާއެވެ؟ ޑިއުޓީ ނިންމާފައި ގެއަށް އައި ނުހާދުގެ މޫނު ވަނީ މިލާ މޯޅިވެފައެވެ. ފައިސާއަށް ޓަކައި […]