މިވާހަކައަކީ 2008 ވަނަ އަހަރުގައި ހިނގައިދިޔަ ހަގީގީ ހާދިސާއަކާއި ގުޅުވައިގެން ލިޔެފައިވާ ޙިޔާލީވާހަކައެކެވެ. އިރުގެއަތްވާއި އެކު އާވިއަރައަރަ ހުރި މަގުތަކުގައިވީ ހޫނުކަން ފިލަތް ތެތް ފިނިކަމަށް ބަދަލުވާން ފެށިއެވެ. ގަޑިން އޭރު ކިރިޔާ 30 8 ވަނީއެވެ. އުޑުމަތީގައިވީ ސާފު ހުދުވިލާތަށް ކަޅުވެލީ އަންނަންއޮތް ވިއްސާރައިގެ ތޫފާނުގެ ރަތް ސިގުނަލްދޭފަދައިންނެވެ. ވައިގަދަވާން ފެށިއެވެ. ވިދަން ފެށިއެވެ. ދުވާލުގެ ވަގުތު ނަމަވެސް އެއަލި އަހަރެން އިން ކޮޓަރީގެ ދޮރިފޮތިގަނޑުތެރެއިން ފުރޭނިގެން އަހިސް ކޮޓަރިއަށް ވަނެވެ. ފުރަތަމަ ގުގުރީގެ އަޑުއިއްވާލީވެސް […]
މިހެންކަމުން އެއްދުވަހަކު އަހަރެންގެ ދޮންބެ އަހަރެން ގާތަށް އައިސް މާފަށް އެދުނެވެ. ދޮންބެ ދައްތަވެސް އައެވެ. އެކަމުގައި އެމީހުންގެ ކުށެއް ނެތްކަން އަހަރެންނަށް އެނގެއެވެ. ނަމަވެސް ބޯހަރު ކަމުންނާއި ފިރެހެނުން ދެކެ ވެފައި ހުރި ފޫހިން އަހަރެންނަށް އެކަންތަށް އެޅުވުނީ އެންމެ ލޯބިވާ ދޮންބެގެ ބޮލުގައެވެ. ދޮންބެމެން އަހަރެންގެ ގާތު އެދުވަހުވީ ކަންތަކުގެ ބަދަލަށް ކޮންމެ ކަމެއްވެސް ކޮށްދޭނަން ކަމުގައި ބުންޏެވެ. އެއަޑު އިވި އަހަރެންގެ ބޮލަށް ޝައިތާނާ ސަވާރުވިފަދައެވެ. އަހރެން ބޭނުންވީ އެ ޓެކްސީ ދުއްވި […]
ނޯޓް : މި ވާހަކައަކީ ހަޤީޤީ ހާދިސާއަށް ބިނާކޮށް ބަދަލުތަކާއި އެކު ލިޔެފައިވާ ހިޔާލީ ވާހަކައެކެވެ. ވިއްސާރަ ދުވަހެއްކަމުން މަގުމަތި އެއްކޮށްވަނީ ފެންބޮނޑުވެފައެވެ. ހީކަރުވާ ފަދަ ފިނިވަޔެއް ޖެހެމުންދިޔައެވެ. ގަސްތައް ހީވަނީ ދެންމެ ދެންމެއަކު ވިއްސާލަފާނެ ހެންނެވެ. މަގުމަތިން މަދުމަދުން ކާރާއި ސައިކަލުތައް ފެންނަމުން ދިޔައެވެ. އުޑުމަތިވަނީ ކަޅުކަންގަދަ ބޯ ވިލާ ތަކުން ބައްދާލާފައެވެ. އެ ކަޅުކަންގަދަ ވިލާތަކުގެ ހައްޔަރުގައިވާ ވާރޭގެ ކަނިތައް ބިމަށް ދެންމެ ދެންމެއަކުން ހަމަލާދޭން ފަށާފާނެހެން ހީވެއެވެ. ވައިރޯޅިތަކުން އަންނަން އުޅޭ […]
މަގޭ ލޯބިވެރިޔާ އިސްމާޢީލް އަލީ، ކަނދޮޅުދޫ މިވާހަކައަކީ ލޯބިވެރިޔާ މިނަމުގައި އަޅުގަޑު ލިޔުނު އާޅެމެއްގެ މައްޗަށް ބިނާކޮށް ލިޔުނުވާހަކައެކެވެ. އެ ޅެމާއި،ޝަރަހަވެސް މިވާހަކައާއިއެކު ހިމަނާލާފައިވާނެއެވެ. އެއްފަހަރަކު ކުޑަ ރަށެއްގައި ދިރިއުޅުނު މީރާ ކިޔާ ޒުވާން އަންހެނެކެވެ. އޭނާ މަޝްހޫރުވެފައިވަނީ އޭނާގެ ރީތިކަމާއި ޝަރަފުވެރިކަމުން ނަމަވެސް ހަގީގަތުގައި އޭނާ ދަންނަ މީހުން ވާހަކަ ދައްކާނީ އޭނާގެ ބޭރުފުށުގެ ސިފައަށް ވުރެ ވިދާ މަދުން ނޫނީ ނުފެންނަ ސިފައެއްގެ ވާހަކައެވެ: އެއީ އޭނާގެ ވަކި ޙައްދެއް […]
އިންސާނާ މި ދުނިޔެއަށް އުފަންވަނީ އެންމެ ރިވެތި ސިފަތަކުން ޒީނަތްތެރިވެގެންނެވެ. ނަމަވެސް، ބައެއް އިންސާނުންގެ ކިބައިގައި އުނިކަންތައްތަކެއް ހުރުމަކީ ޙަޤީޤަތެކެވެ. އަޅުގަނޑަކީވެސް އުފެދުމުގައި އުނިކަމެއް ހުރި މީހެކެވެ. އުފަންވިއިރު ހިތުގައި ލޯވަޅެއް ހުރުމުގެ ސަބަބުން، އެކަމަށް ފަރުވާ ހޯދަން ޖެހުނެވެ. ﷲގެ ރަޙުމަތްފުޅާއެކު، ބޭސްފަރުވާއިން އަޅުގަނޑު ރަނގަޅުވިއެވެ. އަޅުގަނޑުގެ ނަމަކީ އަޙްމަދު ޝާއިންއެވެ. މިއީ އަޅުގަނޑުގެ ވާހަކައެވެ. ބޭސްފަރުވާއަށް މާލޭގައި ދެ އަހަރު ހޭދަކުރުމަށްފަހު، އަޅުގަނޑު ރަށަށް އައީ ކިޔެވުން ކުރިއަށް ގެންދިއުމުގެ މަޤްޞަދުގައެވެ. ސްކޫލް ނިންމުމަށްފަހު […]
ނޯޓް: މިއީ އަޅުގަނޑު މި ސައިޓުގައި ލިޔާ ފުރަތަމަ ވާހަކަ ކަމުން ކުށް ހުރުމަކީ އެކަށީގެން ވާކަމެކެވެ. އަދި މިއީ އަޅުގަނޑުގެ އެވުވެރިއެއްގެ އެދުމުގެމަތިން ލިޔެފައިވާ ހަޤީޤީ ވާހަކައެވެ. ހުރިހާ ކިޔުންތެރިންނަށް ވެސް ވާހަކަ ކަމުދާނެ ކަމަށް އުންމީދު ކުރަމެވެ. ހަވީރުގެ ވަގުތުގައި ޖެހެމުން ދިޔަ ހިތްގައިމު ފިނި ވައިރޯޅިން އެވި މީހުންގެ ހިތަށް ހަމަޖެހުމާއި އުފާވެރިކަން ލިބެމުން ދިޔައެވެ. އަހަރެންވެސް އިނީ އަތިރިމަތީގައި ބެހެއްޓިފައިވާ ބެންޗެއްގައި އިށީދެގެންނެވެ. މިރެޔަކީ އަހަރެމެންގެ ރަށުގައި ބާއްވަން ހަމަޖެހިފައިވާ ފުޓުބޯޅަ […]
ފޮނި އުއްމީދު އިސްމާޢީލްޢަލީ ކަނދޮޅުދޫ އަހަރެންގެ ލޯބީގެ ހުޅުކޮޅު ދިއްލުވާލަދިނީ ރީތިޒުވާނެކެވެ. ހަމަ އެންމެ ފެނިލުމަކުން އަހަރެންނަށް އެ ޒުވާނާ ދެކެލޯބިވެވުނެވެ. އޭނާގެ ބޮޑު ނޭފަތް އަހަރެންނަށް ވަރަށް އަސަރު ކުރުވިއެވެ. އަހަރެންކިޔާފައިވާ ފޮތްފޮތުން އެނގޭގޮތުގައި ނޭފަތް އުފުލިފައި ބޮޑުކޮށް ހުންނަމީހުން އަނބިންނަށް ވަރަށް ލޯބިކުރާނެއެވެ. ގިނަގިނައިން ބޮސްދީ ހަދާނެއެވެ. މިކަންހިތުގައިއޮތުމާއިއެކު އަހަރެން ޤަބޫލުކުރީ އެޒުވާނާއާއި ގުޅިއްޖެނަމަ އަހަރެންނަށް އުފަލުގައި ދިރިއުޅެވިދާނެ ކަމަށެވެ. އަހަރެން އުޅެބޮޑުވީ މައިންބަފައިންގެ ލޯބިން މަޙްރޫމުވެގެން ކަމުގައިވާތީ އަހަރެންގެ ދެން އޮތް އުއްމީދަކީ […]
އަދި ޝާމު ކަރައިގައި معاوية رضي الله عنه ގެ ލަޝްކަރު ދުވަހެއް ދުވަހަކަށް ގިނަވަމުން ދަނީ ވަރަށް ހަލުވިގޮތަކަށެވެ. އެބައިމީހުންގެ ކުޅަދާނަކަމާއި ހަރަކާތްތައް ހުންނަލެއް ވަރަށް ފުރިހަމަ އެވެ. ކުޑަދުވަސްކޮޅެއްގެ ފަހުން އެއްގަމު ސިފައިންނާއި ކަނޑުގެ ސިފައިން ވަކިކުރައްވައި ދެބައިމީހުންގެ ކަންތައް މުޅިން ވަކި އިންތިޒާމުތަކެއްގެ ދަށަށް ގެންދަވައިފިއެވެ. އެކިއެކި ތަންތާގެ ގޮނޑުދޮށުގައި ނައު ފަހަރު ބަނުމުގެ ކާރުހާނާތައް އުފައްދަވައިފި އެވެ. މިހާރު މުޅި ޝާމު ކަރައޮތީ معاوية رضي الله عنه ގެފާނުގެ އަމިއްލަފުޅު […]
معاوية رضي الله عنه އަކީ މޫނުފުއަލި ހަށިކޮޅު ރީތި އިސްކޮޅު ފުޅުން ދިގު އަދި ވަރަށް ދޮން ބޭފުޅެކެވެ. އޭނާގެ މޫނުފުޅުގައި، މީހުން ސިހިގެންދާފަދަ ތޫނުފިލިކަމާއި ވަރުގަދަ ހައިބަތު އެއް ހުރެއެވެ. އެކަލޭގެފާނަކީ ވާހަކަފުޅު ދެއްކެވުމުގައި ޢިބާރާތްތައް ނުހަނު ރީތި بلاغة ތެރިކަންހުންނަ ބޭފުޅެކެވެ. ތަޤުރީރު ދެއްވުމާއި، ޚުތުބާ ވިދާޅުވުމުގައި ވަރަށް މޮޅުފުޅު ބޭފުޅެކެވެ. އެކަލޭގެފާނަކީ ކަންތަކުގައި ވަރަށް ފަރުވާހުންނަ ތެދުވެރި ބޭފުޅެކެވެ. އަދި ތަޤްވާވެރިކަމާއި ޒާހިދު ކަންވެސް ވަރަށް ބޮޑު ބޭފުޅެކެވެ. މިހެންކަމުން ކީރިތި […]