ހާމިދަކީ ވަރަށް ސަކަމިޒާޖެއްގެ 14 އަހަރުގެ ކުއްޖެކެވެ. މިއަދު އޭނާ އުޅެނީ އޭނާގެ އެކުވެރި ހަސަނާއި ޖާވިދު އަދި ސައްތާރު ގޮވައިގެން މަހަށްދާށެވެ. “އޭ ކަލޯ ހާމިދާ މިައދު ފަނި ނުހަދައްޗޭ!!” ޖާވިދު ބުޅިފުޅިތެރެއަށް އަތްކޮއްޕައިގެން އިނދެ ހަޅެއްލަވައިގަތެވެ. ހާމިދު ދުރުނޫން ހިސާބެއްގައި ކަންވާރު ކަނޑަން ހުރެފައި ބުންޏެވެ. “މިއަދު ފަނިނުހަދާކަން ދައްކާލާނަން ހުރެބަަލަ!!” ޖާވިދު ވައްކަޅިއަޅައިގެން ހާމިދާއި ދިމާލަށް ބަަލަން އިނދެފައި އަންހެނެއްހެން ތުންއަނބުރާލާފައި އޭނާގެ މަސައްކަތާއިގެން އަނެއްކާވެސް ކުރިއަށްދިޔައެވެ. އޭނާ ކާރީގައި ބޯވާކޮށަން އިން […]
މިއަދަކީ ގުރޭޑު 6 ގެ އެއްވަނަ ޓާރމުގެ އެންމެ ފަހު ދުވަހެވެ. ޕީޓީއެސް މީޓިންގއަށް ދާން ފެންވެރުމުގެ ނިޔަތުގައި އަހަރެން ފާހާނައަށް ވަނީމެވެ. އަދި ނިކުމެ އަހަރެން ޔުނީފޯމު ލައި ރީތިވީމެވެ. “ދަރިފުޅާ! އަވަސްކުރޭ!!” އަހަރެންނަށް މަންމަ ގޮވި އަޑު އެވަގުތު އިވުނެވެ. ޖަވާބުގައި އަހަރެން ބުނީމެވެ. “މިދަނީ!” އަހަރެން ކޮޓަރިން ނިކުމެ ފެންފުޅިއަށް ފެން އެޅީމެވެ. މަންމަ އެވަގުތު އިނީ ފެންޑާގައި އަހަރެންގެ އިންތިޒާރުގައެވެ. އަދި އަހަރެން ގޮވައިގެން ސައިކަލަށް އަރާ ހަމަޖެހެވުމުން ސައިކަލުގައި އަހަރެންނާއި […]
އާދައިގެ މަތިން މިއަދުވެސް އިރު ފެނުން މައްޗަށް ތޮޅެލީ ލައިބާ، ރާފިލް ގެ ހިޔާލުގައި އޮއްވައެވެ.ފަތިސް ނަމާދު ކުރީއްސުރެ ލައިބާ އެގޮތުގައި އޮންނަތާ މިހާރު 30 ހަކަށް މިނެޓު ވެދާނެއެވެ. އެހެންނަމަވެސް ތެދުވާހިތް ނެތީއެވެ. ކުއްލިޔަކައް އޭނާ އަށް ތެދުވަން މަޖުބޫރުވީ އެނާގެ މަންމަ ހަފީޒާ ދޮރުގަ ތަޅަން ފެށުމުންނެވެ. ހަފީޒާ އަކީ ހީވާގި ކަނބަލެކެވެ. ފަތިހުގެ ހާލައް ހޭލާ ސަމަދު މަހަށް ދާންވާއިރަށް ސައިހަދާ ނިންމާނެއެވެ. ގޭތެރޭގެ މަސައްކަތުގެ އިތުރުން ދަރިން ތަރުބިއްޔަތު ކުރުމަށް ވެސް […]
މާލެ ދިވެހިރާއްޖެ އަޅުގަނޑުގެ ބައްޕައާއި މަންމައަށް ހެޔޮ ދުޢާ ސަލާމަށްފަހު ދަންނަވަން އަހަރެން މި ސިޓީ ލިޔުމުގެ ކުރިން ވަރަށް ވިސްނީމެވެ. މަންމައާއި ބައްޕަގެ ޤަދަރު ކުޑަ ކުރެވިދާނެ ކަމަށް ޓަކައެވެ. އިޚްތިރާމް ކުޑަ ކުރެވިދާނެ ކަމައްޓަކައެވެ. ނަމަވެސް މިކަމަކީ ތިދެމީހުންނަށް އެނގެން ޖޭހޭނެ ކަމެކެވެ. އަހަރެންގެ އިހުސާސްތައް މަންމައާއި ބައްޕައަށް އެނގެން އަހަރެން ބޭނުންވެއެވެ. އެއީ މަންމައާއި ބައްޕައަށް ފުރުސަތު ހޯދާ ދިނުމުގެ ގޮތުންނެވެ. އަހަރެމެން މަރުވަނެ ދުވަހެއް ނޭނގެއެވެ. މިވާހަކަ އެންމެ ފުރަތަމަ […]
ކާމޭޒު ކައިރި އަހަރެން ސައިބޯން އިނީ މޫޑް އޮފްވެފައެވެ. އަހަރެންގެ މޫނުމަތީގައި ނެތް ތާޒާކަމެއް ވަކި މަންމަގެ މޫނަކުންވެސް މިއަދު ނުފެނެއެވެ. ބިސްގަނޑު އަޅަން ހުރި މަންމަގެ މޫނު ފެނުމާއެކު އަހަންނަށް އެކަން ޔަގީންވިއެވެ. މަންމަގެ ދުލަކު ބަހެއް ނެތެވެ. އެހެންޏާ ހަރަކާތްތެރިވާ މަންމަގެ ހަރަކާތްތައް މިއަދު މާ ކަންނެތެވެ. އަހަރެން މަންމައަށް ގޮވާލުމަށްފަހު ވެގެން އުޅޭގޮތް އަހާލީމެވެ. އެޔާއެކު މަންމަ އައިސް އަހަރެން ގާތު އިށީނެވެ. އަދި ވެގެން އުޅޭގޮތް މަޑުމަޑުން އޮޅުން ފިލުވައިދިނެވެ. ހަމައެވަގުތު، […]
ފުން ވިސްނުމެއްގެ ތެރެއަށް ގެއްލި އަހަރެން އިނީ އަތުގައިވާ ފޯނުގެ ކުލަ ސްކްރީނަށް ބަލާށެވެ. ދުރުން އަހަރެން ފެންނަ މީހަކަށް ހީވާނީ ހަމަ އެންމެ ރަނގަޅަށެވެ. އެއީ ހަމަ ރަނގަޅަށް ވެސް އަހަރެން އިނީ މާޔޫސްކަމާއެކު މަޑުމޮޅިވެފާކަމެވެ. ފޯނުގެ ސްކްރީން ބަލަމުން ދިޔަވަރަކަށް އަހަރެންގެ މުޅި ހަށިގަނޑަށް އުނދަގޫ ވާންފެށިކަން އަހަންނަށްވެސް އެނގުނެވެ. ހަމަގައިމުވެސް ފޯނު އަހަރެންގެ ލޮލަށް ދައްކަމުން ދިޔަ އެއްޗަކަށް ވުރެ ބޮޑަށް އަހަރެންގެ ސިކުނޑި އަހަންނަށް ވިސްނައިދެމުން ދިޔައީ މާޒީއެވެ. އެންމެ ކުޑައިރުއްސުރެ […]
މެންދުރު ނަމާދު ބަންގި ގޮވަން ގާތްވެފާ ވާތީ މަންމައާއެކު ވަލުތެރޭގައި ދަރުހޮވަން އުޅުމަށްފަހު ޒައިން މިސްރާބު ޖެހީ ގެއަށް ދިއުމަށެވެ. ޗުއްޓީ ދުވަހަކަށް ވުމާއެކު މަންމައާއެކު ވަލުތެރެއަށް ދަރުހޮވަން ދިއުމަކީ ޒައިންގެ އާދައެކެވެ. ޒައިންއަކީ ފަގީރު އާއިލާއެއްގެ ކުއްޖެކެވެ. އުމުރުން ތިން އަހަރުގައި ބައްޕަ ނިޔާވުމާއެކު އެކި މަސައްކަތް ކޮށްގެން ޒައިން ބަލަހައްޓަމުން އައީ އޭނާގެ މަންމައެވެ. އެހެނަސް ގިނަ ފަހަރު ލިބޭ މަދު ރުފިޔާކޮޅުން އޮންނަނީ ބޭނުންވާ އެއްޗެހި ނުގަނެވިފައެވެ. ސުކޫލަށް ގެންދާ ސާމާނަކީ އެކަށްވެސް […]
މަންމަ ފެނުމާއެކު ނިމްރާ ގޮސް މަންމަ ގައިގައި ބައްދައިގަތެވެ. މަންމަގެ އޯގާތެރި ފިރުމުމުގެ އިހްސާސް ވުމާއެކު ނިމްރާއަށް ބާރަށް ރޮވެން ފެށުނެވެ. “ކިހިނެއް ވީ ދަރިފުޅު؟” ހައިރާންވެ ހުރެ ނިމްރާގެ މަންމަ ބުނެލި އެވެ. ބޮޑުކަމެއް ވެގެން ނޫނީ ނިމްރާ ނުރޯނެކަން އޭނާގެ މަންމައަށް އެނގެއެވެ. “މަންމީ.. އެކުދިން ބުނަނީ ނިމް އަކީ ވަރަށް ކަޅު ކުއްޖެކޯ. ކަޅު ކުދިން ވަރަށް ހަޑިވާނެއޯ.. އެއީ ތެދެއްތަ މަންމީ..؟” ގިސްލަމުން ނިމްރާ ވާހަކަދެއްކިއެވެ. “އެކުދިން އެހެން ބުނީތަ؟” ނިމްރާގެ […]
ސުކޫލަށް ގެންދާނެ ހުރިހާ ސާމާނެއް ދަބަހަށް އެޅުމަށްފަހު ޔަޝްމީ ހިންދެމިލިއެވެ. މިއަދަކީ ޗުއްޓީ ދުވަސްތައް ހަމަވެ އަނެއްކާވެސް ކިޔެވުމަށް ވަގުތު ހުސްކުރަންވީ ދުވަހެވެ. ޔަޝްމީއަށް ބަލައިލުމުން އޭނާ އިނީ ކުޑަކޮށް ހާސްވެފައިކަން އެނގެއެވެ. “ދަރިފުޅާ.. ދަބަހަށް ހުރިހާ އެއްޗެއް އެޅިއްޖެތަ؟” އެވަގުތު ކޮޓަރިއަށް ވަދެގެން އައި ޔަޝްމީގެ މަންމަ ލޮތްބާއެކު އަހާލިއެވެ. “ލައްބަ މަންމާ…” ފުން ނޭވައެއް ލަމުން ޔަޝްމީ ބުނެލިއެވެ. ޔަޝްމީގެ މަންމަ އައިސް ޔަޝްމީގެ ގާތު އިށީނެވެ. އަދި ޔަޝްމީގެ ގައިގައި ލޮތްބާއެކު ބައްދާލިއެވެ. […]