ގޭ ބޮޑު ދޮރާށި ހުޅުވާލުމާއެކު ފެނުނު މަންޒަރުން އަހަރެންގެ ހިތް ކުދިކުދި ވި ކަހަލައެވެ. ނަގަން އުޅުނު ފިޔަވަޅު މަޑުޖެހި، ފެންނަމުން ދިޔަ މަންޒަރު އަހަންނަށް ގަބޫލު ކުރަން ދަތިވިއެވެ. އަހަރެންގެ ކޯތާފަތްމަތީ ހުއްޓުމެއް ނެތި ކަރުނައިގެ ރޮނގުތައް ދެމެމުން ދިޔައެވެ. އަހަރެން އެންމެ ދެކެން ބޭނުންވާ ދުވަސް ދެން އަހަރެންނާ ބައްދަލު ނުވާނެކަން އަހަރެންނަށް އެވަގުތު އެނގުނެވެ. ގޭ ހޯލު ތެރޭގައި ގާތްތިމާގެ މީހުންނާއި ބައެއް ރަހުމަތްތެރިން ހޭލަމޭލަ ވަމުން ދިޔައެވެ. ލޮލުން އޮހޮރެމުން ދިއަ […]
މާލޭ މާފަންނުގައި ހުރި ގެއެއްގެ އަށްވަނަ ބުރިއެވެ. ވާރޭކެރިތައް ބިމަށް ވާސިލުވަމުންދިޔައީ ހުއްޓުމެއްނެތިއެވެ. ކޮފީތަށި ހިފައިގެން ހިޔާކޮށްފައިވާ ބެލްކަންޏަށް އަހަރެން ނިކުތީ މަންޒަރު ބަލާލުމަށެވެ. މަގުތަކުގައި އެކި ކުލަކުލައިގެ ކުޑަހިފައިގެން އުޅޭ މީހުން ވަރަށް ގިނައެވެ. ޖެހެމުންދާ ފިނިފިނި ވައިރޯޅިން ގަސްތަަަށް ހެލެމުންދިޔައީ ބިރުވެރިގޮތަކަށެވެ. މިދުވަސް އަހަރެންގެ މާޒީގެ ސަފުހާއަކާ ވަރަށް ވައްތަރެވެ. އެކަމަކު މިއަދު މަދީ އޭނައެވެ. ކުޑައިރުއްސުރެ އަހަރެމެން ދެމީހުންނަކީ ގާތް ރަހުމަތްތެރީންނެވެ. “ބެސްޓް ފްރެންޑްސްއެވެ.” ވާހަކަ ނުދެކެވޭ އެންމެ ދުވަހެއްވެސް ނުދާނެއެވެ. ދިޔަނަމަވެސް […]
މި ވާހަކަ އަކީ ދިވެހި ބަހުގެ އެކަޑަމީ އިން އައްޝައިޚް މަލިމް މޫސާ މާފަތްކަލޭފާނުގެ ވާދައިގެ ރަށްޓަޢް ބޭއްވި ކުރުވާހަކަ ލިޔުމުގެ 33 ވަނަ ޤައުމީ މުބާރާތުގެ މަތީ ޘާނަވީ ގިންތިން މުޅި މުބާރާތުން 3 ވަނައަށް އައިސްފައިވާ ވާހަކައެކެވެ. ދާނޭހޭ ތިހަނދާން ފިލާ ލޯހުޅުވާލުމާއެކު، ލުމާކަށް ހީވީ އަލިގަދަކަމުން، ދެލޯ ތަރަތަރަޖަހައިގެން ދިޔަހެންނެވެ. ދެތިންފަހަރު އެސްފިޔަޖަހާ ލޯތަޅުވާލިފަހުން އޭނާއަށް ތަންދޮރު ވަކިވާވަރުވިއެވެ. އޭނާއަށް މިއޮވެވެނީ ހޮސްޕިޓަލެއްގެ އެނދެއްގައެވެ. އިތުރު ހަރަކާތެއް ހަށިގަނޑަށް ގެންނަން ވަގުތުކޮޅެއް ނެގިއެވެ. […]
މިއަދަކީ އަހަރެން ޗުއްޓީއަށް މާލެއައިދުވަހެވެ. ވަގުތަކީ މެންދުރުގެ ރަތްދަކަ އަވިދިން ވަގުތެވެ. އަހަރެންނާއި އަހަރެންގެ އެކުވެރި ސަމާއާއެކު އުޅެން ހަމަޖެހިފައިވާ ގެއަށް އާދެވުނުއިރު ގަޑިން އެކެއްޖަހައި ބޮޑުވެއްޖެއެވެ. ކާރުން ފޭބުމަށްފަހު ޑްރައިވަރު އަތަށް ރަންދިހަ ފަހެއް ނޫޓުގެ 100 ރުފިޔާ ދިއްކޮށްލުމުން އޭނާގެ ދަތްޕިލަ ސޭލުއަޅުވާލުމަށްފަހު ހިނގައްޖެއެވެ. ހަށިފުރާ ފުން ނޭވާއެއްލުމަށްފަހު މަގުގެ ދެކޮޅު ބަލާލީމެވެ. ހާދަހާވާ މީހުން ގިނައެވެ. މަސްމާރުކޭޓަށްވުރެ ކަންތައް ނުބައެވެ. ދަތުރުކުރުމުން ވެފައިވާ ވަރުބައްޔެއްގެ ސަބަބުން އަވަހަށް ތަންމައްޗެއްގައި އޮށޯވެލުމަށް ހިތް ކިޔަން […]
ކަނޑުމައްޗަށް އަރާ ކޮންމެ ފަހަރަކު ސިކުނޑީގައި އެނބުރެމުން ދަނީ އެ ޚިޔާލުތަކެވެ. އެ ހަނދާންތަކެވެ. ހަމަ މިކަހަލަ މަޑު ވައިރޯޅި ޖެހޭ ދުވަހެކެވެ. އަހަރެމެން ރ.ވާދޫ އަށް ކުރި ދަތުރެކެވެ. ދަތުރުގައި ބައިވެރިވީ އަހަރެންނާއި ކޮއްކޮއާއި މަންމަ އަދި ބައްޕައެވެ. ދަތުރުކުރީ ހަމަ މިކަހަލަ ބޮޑު ލޯންޗެއްގައެވެ. އަހަރެންގެ ކައިރީގައި ހަމަ މިއަދެކޭވެސް އެއްގޮތަށް އަހަރެންގެ ލޯބިވާ ކޮއްކޮ ރަޒާން އިނެވެ. ނަމަވެސް އަހަރެންނަށް މިއަދު އިޙްސާސްވަމުން މިދަނީ ފަޅުކަމެވެ. އަހަރެންގެ ސިކުނޑި މަސައްކަތް ނުކުރާ ކަހަލައެވެ. […]
ދުވަހުގެ އިރު އޭގެ ވާޖިބު އަދާކުރުމަށްފަހު އޮއްސެމުންދާ ކަމުގެ ނިށާންތައް އުޑުމަތީގައި ހުރި ވިލާތަކުން ފެންނަމުން ދެއެވެ. ފާތިހު ގެއަށް ދާން ހިނގައިގަތްތަނާ ކުށްލިއަކަށް އިވުނީ ހޭޅިތަރެއިން މީހަކު ކުކުރާ އަޑެވެ. އެ އަޑު އިވިފައި ފާތިހު ދިޔައީ ސިއްސައިގެންނެވެ. ނާމާން ތަނަކުން އެފަދަ އަޑެއް އިވުމުން ވާނީ ވެސް އެހެނެއް ނޫންހެއްޔެވެ؟ ކޮންމެއަކަސް ދެތިން ދުވަސް ފަހުން އިވުނީ އަޖައިބުން ފުރިގެންދާނޭ ފަދަ ވާހަކަ އެކެވެ. ރަށުގަ މީހަކު ގެއްލިގެން އެ މީހަކު ހޯދުމަށްޓަކައި މަސައްކަތް […]
މީގެ ފަސް އަހަރު ކުރިއެވެ. އޭރު އަހަރެންގެ އުމުރުން ވާނީ 18 އަހަރެއެވެ. ރަން ވަނަތަކާއެކު ސުކޫލު ދައުރު ނިންމާލީ ފަޙުރުވެރި ދެވަނަ ދަރިވަރެއްގެ ގޮތުގައެވެ. ސުކޫލު ދައުރު ނިންމާލުމަށްފަހު އަހަރެން އިންގުލެންޑަށް ފުރުން ވީ މުޅި ދިރިއުޅުން ބަދަލު ކޮށްލި ކަމަކަށެއެވެ. ސަބަބަކަށް ވެގެން ދިޔައީ އަހަރެންގެ ކޮލެޖު ކެމްޕަހުން ބޭއްވި ސެމިނާއެއްގެ ތެރެއިން ،އަހަރެންގެ އެންމެ ގާތް އެކުވެރިޔާ ރުކާޝް އާ ދިމާވުމެއެވެ ރުކާޝް އަކީ ސުކޫލު ދައުރުން ފެށިގެން މިއަދާ ހަމައަށްޖެހެންދެންވެސް ދެބަސްވުމެއް […]
އީތަންއަކީ ޢުމުރުން 9 އަހަރުގެ، ވަރަށް ފަޤީރު ކުއްޖެކެވެ. އެހެނަސް ބަސްއަހާ އަޚްލާޤު ރަނގަޅު ކުއްޖެކެވެ. އީތަން ދިރިއުޅެމުން ދިޔައީ، މުސްކުޅިވެފައިވާ އީތަންގެ ބަލި ކާފަޔާއި އެކުގައެވެ. މުސްކުޅިވެ ގައިބާރު ދެރަވުމުގެ ސަބަބުން ކާފަޔަށް ހިނގެނީވެސް އަސައެއްގެ އެހީގައެވެ. އީތަން ސުކޫލަށް ދިއުމުން ކުދިންގެ މަލާމަތް ރައްދުވެއެވެ. އަދި ޖެއްސުންތަކުންނާއި އިހާނެތި ބަސްތަކުން އީތަން ރޮއްވާލައެވެ. އީތަންއަށް ޙަމްދަރުދީވެ އަޅައިލާނެ އެއްވެސް އެކުވެރިޔަކު ނުވަތަ މުދައްރިސަކު ވެސް ނެތެވެ. އީތަން އަބަދުވެސް މިކަމާއި ދެރަވެގެން ކާފަ ގާތުގައި […]
އެއިވެނީ ފަތިސްނަމާދު ބަންގީގެ އަޑެވެ. ގަދަކަމުން ކަހަލަ ގޮތަކަށް ދެލޯ ހުޅުވައިލަމުން ވެއްޓިގަނެގެން އޮތް ސޯފާމަތިން އަހަރެން ތެދުވަން މަސައްކަތްކުރީމެވެ. ނަމަވެސް ބޮލަށް އަރައިގަތް އެނބުރުމާއެކު އިހުއޮތްތަނުގައި އަހަރެންނަށް އޮށޯވެވުނެވެ. މަޑުމަޑުން ނިތުގައި ފިރުމައިލަމުން ވަށައިގެންވި މާހައުލަށް ނަޒަރު ހިންގައިލީމެވެ. އެއާއެކު ލުއި ހިނިތުންވުމެއް އަހަރެންގެ ތުންފަތުގައި ކުޅެލިއެވެ. ފަނޑުއަލިކަމެއް ވެރިވެފައިވި ކޮޓަރީގެ އެކި ހިސާބުގައި މަސްތުގެ ހާލުގައި ނިދި ޖެހިފައިތިބި އަހަރެންގެ އެކުވެރިންނަށް ބަލައިލަމުން އަނެއްކާވެސް އޮތްތަނުން ތެދުވެވޭތޯ މަސައްކަތްކުރީމެވެ. އެވަގުތު ފައިދަށުގައި އޮތް ރަގުމަތީގައި […]