އެމީހުނަށް ނޭނގުނު ނަމަވެސް އޭރު ދުރުގައި އޭނާ ހުއްޓެވެ. ޑަކްޓަރު ޔޫނީފޯމުގައި ހުރުމުން އެއްވެސް މީހަކަށް އެއީ ކާކު ކަމެއް ނޭނގުނެވެ. “އެވަރުންވެސް އެކުއްޖާގަނޑު މަރުވާކަށް ނޫޅުނުތާ” އަޅައިގެން ހުރި މާސްކު ތިރިކޮއްލަމުން ޔައިލް ބުންޏެވެ. އޭރު އޭނާގެ ދެލޮލުން ދިޔައީ އަލިފާން ކަނި ބުރަމުންނެވެ. ހެނދުނުގެ ވަގުތެވެ. އެންމެން ހޮސްޕިޓަލުގައި ތިބި ނަމަވެސް އެންމެންގެ މޫނު މަތީގައިވީ މާޔޫސްކަމެވެ. ލުބައިނާގެ އޮޕަރޭޝަން ކާމިޔާބުވީނަމަވެސް އޭނާ އޮތީ ކޯމާއެއްގައެވެ. މެންދުރުގެ ވަގުތެވެ. ލުބައިނާ ގާތަށް ވަންނަން ހުއްދަ […]
ފުން ޚިޔާލެއްގެ ތެރޭގައި ކަޑައްތުވެފައި ބެލްކަނީގެ ރެއިލިން ކައިރީގައި ހުރި އިވްލީންއަށް ދޮރާއި ދިމާއަށް ބަލާލެވުނީ ދޮރުގައި މީހަކު ޓަކި ދޭތީއެވެ. ދޮރުހުޅުވައިލުމާއެކު އަސްމާގެ ސުވާލާއި އިވްލީންއަށް ކުރިމަތިލާންޖެހުނެވެ.”ކޮބާ ޒިލާލް؟” * * * * * * އިވްލީންއަށް އިސްދަށަށް ޖަހައިލެވުނީ ހަމައެއްގޮތަކަށް ވެސް އެ ސުވާލަށް ދޭނެ ޖަވާބެއް ނޭނގުމުންނެވެ.” ދަރިފުޅަށް ހަމަ ނޭނގޭތަ ޒިލާލް ދިޔަތަނެއް؟” މިފަހަރު ސުވާލު އައީ ޒުބޭރުގެ ފަރާތުންނެވެ. “ނޭނގެ” ކުރު ޖަވާބެއް ދެމުން އިވްލީން އަސްމާއާއި ދިމާއަށް […]
ޒެވިއާރް އަންނަންދެން އިން ލުބައިނާ ސިހުނީ ފަހަތުން މީހަކު އަހިސް އޭނާ އަނގަމަތީގައި މީހަކު ފޮތިގަނޑެއް އެޅުމުންނެވެ. ލުބައިނާގެ ހިތް ތެޅިގަތީ އިނދެވުނީ އަނދިރި ހިސާބަކައްވެފައި ފެންނަ ހިސާބުގައި މީހަކުވެސް ނެތުމުންނެވެ. ކަރުނައިން ފުސްވެފައިވީ ލުބައިނާގެ ދެލޯ މެރި އޭނާގެ އަތްމަައްޗައް ދެމުނީ ސިކުންތުކޮޅެއް ތެރޭގައެވެ. ޒެވިއާރް އެނބުރިއައި އިރު ލުބައިނާ ފެންނަން ނެތުމުން އޭނާގެ ހިތްތެޅިގަތީ އެޔެއް މިޔެއް ބަލާފައެއްނޫނެވެ. ކޮންމެވެސް ނުބައެއް އުޅޭ ކަމުގެ ސިގްނަލް އޭނާގެ ހަވަނަ ނަފްސު ފޮނުވާލިއެވެ. ފަޔައް ލެވުނު […]
ހަމައެވަގުތު މަންމަ، ކާފަ އަހަރެންދެކެ ލޯބިވާވަރު ހާމަކޮށްދިނުމަށް ކިޔައިދިން ވާހަކައެއް މަތިން ހަނދާންވިއެވެ. އެވާހަކަ ހަނދާންވާ ކޮންމެ ފަހަރަކު އަހަރެންގެ ދެލޮލުން ކަރުނަ ހިލެއެވެ. ކާފަ ހަމަ އަސްލުވެސް އެދުވަހު އެގޮތަށް ކަންތައް ކުރިހެއްޔެވެ؟ ސުބުޙާނަﷲ! ކޮންފަދަ މަތިވެރި ލޯތްބެއް ހެއްޔެވެ؟ އެއީ އަހަރެންގެ އުމުރުން 4 ވަރަކަށް އަހަރުގައި ހިނގިކަމެކެވެ. އަވައްޓެރި ގެއެއްގެ ކުއްޖަކު ގޮނޑިއަކާއި ބޯޅައެއް ހިފައިގެން ކުޅެން އުޅުނެވެ. އަހަރެންވެސް އެކުއްޖަ އާއިއެކު ބޯޅަ ކުޅެން ބޭނުންވެގެން އެކުއްޖާގެ ކައިރިއަށް ދިޔުމުން އެކުއްޖާ […]
’އާނ ރެޑީގަ ހަމަ…ކައެ ގުޅަންދެން މިހުންނަނީ. ހާދަ ރަނގަޅު ގަޑިއެއްގައި ތިގުޅާލީ… އޭ ބޭރުގަތަ؟ އޭ ކައެ ކޮންތާކު؟!‘ އެކޮޅުން ވާހަކަ ދެއްކީ އަހަރެންގެ ގާތް ރަހުމަތްތެރިއެއް ކަމަށްވާ އަނޫކެވެ.އަހަރެންގެ ދިރިއުޅުމުގެ ވަރަށް ގިނަ ސިއްރުތަކެއް އެނގޭ ރަހުމަތްތެރިއެކެވެ.އޭނާއަކީ ޕޮލިހުގައި މަސައްކަތްކުރާ ޒުވާނެކެވެ. ’ބުރިޖް ވިއު ކައިރީގައި‘ އަހަރެން ބުނެލީމެވެ.’ކަލޭ؟ ބުރިޖް ވިއު ކައިރީ؟ މިއޮއް ފަދަ ގަޑީގަ؟ކައެ އަކާ ނުވެސް ގުޅޭ…ކަލޯ ކައެއަށްވެސް އެ އިޝްގީ ބަލިގަނޑު ލައްވައިލީތަ؟ހެހެހެ…‘ އަނޫކަކީ ސަމާސާ ބޮޑު މީހެކެވެ.’ތީ އެންމެ […]
މިޔާ ދާން ނުދާން ހުރެފައި އެންމެ ފަހުން. ދާރިއަންގެ ގާތަށް ދިޔައެވެ. އޭނަ ދާރިއަން އެނދު ކައިރީ ހުރި ގޮޑީގައި އިށީންނުމުން ދާރިއަންގެ މޫނަށް އަލިކަމެއްވެރިވެގެން ދިޔައެވެ. “ލިޔާ ކޭސްގެ ކަންތަކުގަ އުޅޭތީ ނާދެވުނީ.. ބުނި ދޮންބެ ކައިރީގަ ސޮރީ ބުނާށޭ..” ދާލިޔާ ބުނި ވާހަކަ ހޫރީން ބުންޏެވެ. ދާރިއަން ބޯޖަހައިލިއެވެ. އޭނަގެ ނަޒަރު ހުއްޓިފައިވަނީ މިޔާގެ މޫނަށްށެވެ. “ރެޕަންޒިލް އަހަރެންނަށް ލަވައިދޭންވީނުން.. އަހަރެންގެ ގައިގަ ވަރަށް ރިއްސާ އެބަ.. އަދި އަތުން ކެވޭކަށް އަތުގަ ނިޔަފަށްޗެއްވެސް […]
ޒީކާން އާއި މިޝްޔާ ފެރީ ޓާމިނަލް އާއި އަރާ ހަމަކޮށްލި ވަގުތުވީ ވިދުވަރަކާއި އެކު ގުގުރި އެއް ޖަހާލި ވަގުތަށް ވުމުން އޮޅުމަކުން މިޝްޔާ އަށް ހިފުނީ ޒީކާން ގެ އަތުގައި އެވެ. ކުރެވުނީ ކިހާ ވަރެއްގެ ކަމެއް ކަން އެނގުމާއި އެކު މިޝްޔާ ޒީކާން އާއި ދުރުވެލި އެވެ. “ސޮރީ” ކިރިޔާ ޒީކާން އަށް އަޑު އިވޭހާ މަޑުން މިޝްޔާ ބުނެލި އެވެ. ޒީކާން މިޝްޔާ އާއި ދިމާލަށް ބަލައިލުމަށް ފަހު އޭނާގެ އަތުގެ އިނގިލިތައް […]
އަހަރެންްގެ ދުލުން ބޭރުވި އެ ބަސްތަކުން އެންމެންނަށް ސިހުން ގެނުވިއެވެ.ބިރެއް ފެނިގެން ބަލައިލިހެން މަންމަ އަހަންނާއި ދިމާލަށް ބަލައިލިއެވެ.އުސައިދުގެ މޫނުމަތިންވެސް ފާޅުވެގެން ދިޔައީ ޖެހިލުންވުމުގެ އަސަރެވެ.އޭނާގެ ކުރިމަތީގައި އަހަރެން އެފަދަ ގޮތަކަށް ބަސް ބުނި އަޑު އިވުނު މިއީ ފުރަތަމަ ފަހަރު ކަމަށް ވީމާ ތޯއްޗެކެވެ.ބައްޕަވެސް ހުރީ ނިތައް ރޫ ގިނަވެ ދެލޯ މުދުނަށް އަރައިފައެވެ. ’ޒައިފް ކީކޭތަ ތިކިޔަނީ!؟‘ބައްޕަ ވަރަށް ހިތްހަމަނުޖެހިފައި އަޑަށް ބާރުލާފައި ބުނެލިއެވެ.އެހެނަސް އިޝާރާތުން އަހަރެން ބައްޕަ ގާތުގައި ހަމަޖެހުމަށް އެދުނީމެވެ. **** […]
**21 ވަނަ ބައި** އަލަކާ ހީކުރި ގޮތާއި ހިލާފައް އަހުމަދު އޭނާ ގާތައް އައެވެ. އޭރު އެކުއްޖާ އޮތީވެސް އަލަކާގެ އަތުގައެވެ. “މިހާރު ދެން ތިވިހީނުން؟ ދެން އުޅޭ ގެއަށް ދާން؟” އެކުއްޖާ އުރާލުމެއްވެސް ނެތި އަހުމަދު އެއްސެވެ. އަލަކާ އިސްޖަހާލިއެވެ. “މިދުވަސްކޮޅު އިހަކައް އަލަކާ މިގޭގަ ބަހައްޓަދޭންވީނުން؟ އަދި އަލަކާއަކައް ބޭބީ ބެލުމުގެ އެއްވެސް ކަމެއް އަނެއްހެން ނުވެސް އެނގޭނެއްނުން؟” ލައިނާ ބުނެލިއެވެ. ބޯކަހާލާފައި އަހުމަދު “އޯކޭ” އޭބުނެލިއެވެ. “އެހެންވެ ބައްޕަ މިދަނީ. ވަރަށް ނިދި […]