“ކިހާ ދެރަ ކަމެއްތަ ދީނާ؟ ކީއްވެތަ އަބަދު ޒިމްނާ ޒިމްނާ އޭ ތި ކިޔަނީ؟ ދިނާ ކުރިމަތީ މަންމަ ކައިރީ އަހަރެން ބުނީމެއްނު ތި ކަމެއް އަހަރެން ނުކުރާނަމޭ؟ ކިހިނެއް ހެދިއްޔާތަ ދީނާ ގަބޫލު ކުރާނީ؟” ހިތްހަމަ ނުޖެހުމާ ރުޅިއާ އެކު ރާއިދުގެ އަޑު ކުރިއަށް ވުރެ ބާރުވިއެވެ. “އަހަންނަށް އެނގޭ ޒިމްނާއާ ވިޔަސް އެހެން މީހަކާ ވިޔަސް ރާއިދު އިންނަން ބޭނުން ނުވާ ކަން. އަހަންނާ އިނދެގެން ރާއިދުއަށް އުޅެވޭނެ ގޮތް އަހަރެން މި ބުނީ. […]
އަހަރެންނަށް ތެޅިގެން ފައި ހޭލެވުނު އިރު ކުރިމަތީގައި ވާރެޔާ ކޮންމެސް ވަރަކަށް ތެމިގެން ހުރި ރިޝްވާން ފެނުމުން ނިދިވެސް ފިލާދިޔައެވެ. ކުއްލިޔަކަށް ރިޝްވާން އަހަރެންގެ ގައިގަ ބައްދާލުމުން ދެމީހުން އެއްކޮށް އެނދުމައްޗައް ވެއްޓުނެވެ. ހަމަ މިސްވާވަރުން މި އައީ ރިޝްވާން ބުނެލިއެވެ. އަހަރެންގެ މޫނަށް ބަލަލަމުން އަހަރެންގެ ނިތްކުރީގައި ރިޝްވާން ބޮސްދިނެވެ… އަހަރެންގެ ތުންފަތުގައި ރިޝްވާން ބޮޑުވާ އިނގިލި ޖައްސާލިއެވެ…ރިޝް މިހާ ދުވަސް ވީ އިރުވެސް ވީ ނެވާ ކިސް ދޯ؟ ރިޝްވާން ބުނި އެއްޗަކުން އަހަރެން […]
އިރުއަރާ އޮއްސެމުން ދިޔައީ އެތައް ދުވަހެއް ދުނިޔެއާ އަލްވަދާއު ކިޔަމުންނެވެ. އެއްބަޔަކު ރޮއްވަމުން އަނެއްބަޔަކު ހެއްވަމުންނެވެ. ރައްޓެހިން ބީރައްޓެހިންނަށްވަމުންނެވެ. މިތުރުން ހަތުރުންނަށް ވަމުންނެވެ. ލޯބީގައި ގޮށްޖެހިގެންދާ އެތައް ޖޯޑެއް ވަފާތެރިކަމުގައި ދުވަސްތައް ގުނަމުން ދަނީއެވެ. ލޯބީގައި މަޖްބޫރުވެފައިވާ ބައެއް މީހުން ހިތާއި ދެކޮޅަށް ދުނިޔެ އާރާސްތު ކުރެވޭތޯ ބަލަނީއެވެ. ބަދަލު ވަމުންދާ ލޯބީގެ އެކި މަންޒަރުތަކުގައި ތަފާތު ކުލަތައް ޖެހެމުން އަހަރުތައް ނިމިދަނީއެވެ. ނުހަނު ބާރަށެވެ. އެހެނަސް އިންތިޒާރު ކުރަމުންދާ ހިތްތަކަށް އެއީ ވޭންދޭހާ ދިގު މުއްދަތެކެވެ. […]
ފަނަރަ ވަރަކަށް މިނެޓު ފަހުން ލޮލަށް ނިދި ސަވާރުވިއެވެ. ލޯ މެރި މެރި އޮއްވަ ފޯނަށް ނޮޓިފިކޭޝަނެއް އައެވެ. އެ ނުބަލާ ނުނިދޭނެތީވެ ކިރިޔާ ފެންނަ ވަރަށް ލޯހުޅުވައިގެން ކޯޗެއްތޯ އައީ ބަލާލީމެވެ. ފޯނަށް އައިސްފައި އިން މެސެޖު ފެނިފައި ވަގުތުން ނިދި ފިލައި ދިޔައެވެ. އަހަންނަށް މި ކިޔެނީ ރަނގަޅަށް ތޯ ބަލަން ދެތިން ފަހަރު މެސެޖު ކިޔާލީމެވެ. *** ހުކުރު ދުވަހުގެ ހަވީރެވެ. ބާބަކިއުއެއް ހަދަން އާއިލާ އެންމެން ދިޔައީ ހުޅުމާލެ ފޭސް ޓޫ […]
މާލޭ މާފަންނުގައި ހުރި ގެއެއްގެ އަށްވަނަ ބުރިއެވެ. ވާރޭކެރިތައް ބިމަށް ވާސިލުވަމުންދިޔައީ ހުއްޓުމެއްނެތިއެވެ. ކޮފީތަށި ހިފައިގެން ހިޔާކޮށްފައިވާ ބެލްކަންޏަށް އަހަރެން ނިކުތީ މަންޒަރު ބަލާލުމަށެވެ. މަގުތަކުގައި އެކި ކުލަކުލައިގެ ކުޑަހިފައިގެން އުޅޭ މީހުން ވަރަށް ގިނައެވެ. ޖެހެމުންދާ ފިނިފިނި ވައިރޯޅިން ގަސްތަަަށް ހެލެމުންދިޔައީ ބިރުވެރިގޮތަކަށެވެ. މިދުވަސް އަހަރެންގެ މާޒީގެ ސަފުހާއަކާ ވަރަށް ވައްތަރެވެ. އެކަމަކު މިއަދު މަދީ އޭނައެވެ. ކުޑައިރުއްސުރެ އަހަރެމެން ދެމީހުންނަކީ ގާތް ރަހުމަތްތެރީންނެވެ. “ބެސްޓް ފްރެންޑްސްއެވެ.” ވާހަކަ ނުދެކެވޭ އެންމެ ދުވަހެއްވެސް ނުދާނެއެވެ. ދިޔަނަމަވެސް […]
“ރާއިދު…” ކައިރިއަށް ގޮސް އަހަރެން މަޑުމަޑުން ގޮވާލީމެވެ. ލޯ ހުޅުވާލާފައި އަހަންނަށް ބަލަން ރާއިދު އޮތީއެވެ. ހީވީ ފެންނަނީ ހަގީގަތެއް ކަމާކެދު ޝައްކުވެފައި ބަލަން އޮތް ހެނެވެ. “ކާން ވީނު؟” ދެންވެސް އަހަރެން ބުނީ ކުރިންވެސް ބުނިހާ މަޑުންނެވެ. ލޯ މަރާލާފައި ރާއިދު އަނެއްކާވެސް ލޯ ހުޅުވާލިއެވެ. މަޑުމަޑުން ޝިނާގެ ބޯ ދަށުން އަތް ދަމަލާފައި ތެދުވިއެވެ. “ކާން ހަދާފަ މި އައީ، އާދޭ” އެހެން ބުނެފައި އަހަރެން ނިކުތީއެވެ. ރާއިދު ނިކުތީ މޫނު ދޮވެ ތާޒާ […]
ހަމަ އެކަނި ސޯޓު އެއްލައިގެން ނިދާލާފައި އޮތް ރިޝްވާންގެ އެނދު ކައިރިއަށް ދިޔައީމެވެ… މަޑުމަޑުން ރިޝްވާންގެ ކައިރީ އިށީނީމެވެ…އަދި އަތުގައި ފިރުމާލީމެވެ…ރިޝްވާން އަށް އެވަގުތު ހޭލެވުނެވެ..އަދި އަވަސް އަވަހަށް ތެދުވިއެވެ… ރިޝްމީ މިތާ މިހާ ދަންވަރު ކީއްތި ކުރަނީ؟ ރިޝްވާން ސުވާލުކުރިއެވެ. އަހަރެން އެ ސުވާލަށް ޖަވާބު ދޭން ބޭނުން ނުވުމުން ނިކުންނަން ހިންގައި ގަތީމެވެ….ރިޝްވާން ހުރީ އެކަމަށް ވަރަށް ހުޝިޔާރު ވެގެން ހެން ހީވަނީ އަހަރެންގެ އަތުގައި ހިފާ ބާރަށް ދަމާލިއެވެ..އަހަރެން ގޮސް ޖެހުނީ ރިޝްވާންގެ […]
“ޝައްކެއްގެ މަތީ ހުރެ ދީނާ ވަރިއަށް ތި އެދެނީ، އަހަރެން މި ބުނަނީ ދީނާ ޝައްކު ކުރާ ވަރުގެ ކަމެއް އަހަރެން ނުކުރަމޭ” އަޑަށް ބާރު ލާފައި ރާއިދު ބުންޏެވެ. “ހެޔޮ، އިތުރަށް ދެން ރާއިދުއާ އިނދެގެން އުޅޭކަށް ބޭނުމެއް ނޫން. ވަރިކުރޭ!” އަހަރެން ބުނީމެވެ. އިތުރަށް ވިސްނާކަށް އަހަރެން ބޭނުމެއް ނޫނެވެ. “ދީނާ ތީ އަހަރެންގެ އަނތްބެއް ނޫން، ވަރިކޮށްފިން” އިރުކޮޅަކު އަހަރެންގެ މޫނަށް ބަލަން ހުރެފައި ރާއިދު އިއްވާލިއެވެ. ރާއިދުގެ އަނގައިން އެ ބަސްތައް […]
“ޒީން!….” ފަރީދު ބައްޕަ ގޮވާލިއަޑަށް ސިއްސައިންގޮސް އަހަރެން ބަލައިލީމެވެ. “ދަރިފުޅު ނިދަން ނުދަނީތަ؟ އެންމެ ރަނގަޅު. ބައްޕަ ބޭނުން މަންމަ ބުނިހެން ބައެއް ވާހަކަތައް ދަރިފުޅަށް ކިޔައިދޭން. އެތެރެއަށް ވަދެލަންވީނު.” ފަރީދު ބައްޕަ އެހެން ބުނަމުން ހިނގައިގަތެވެ. ލަސް ހިނގުމެއްގައިގޮސް އަހަރެން އިށީންދެލީ ފަރީދު ބައްޕަ ކައިރީގައި ހުރި ގޮނޑިއެއްގައެވެ. އަހަރެންގެ މޫނުމަތީގެ ތާޒާކަން ގެއްލިފައިވަނީ މަންމަ ދެކިލުމުގެ ފުރުސަތެއް ދެން އަނބުރާ އަހަންނަށް ނުލިބޭނެތީއެވެ. އަހަރެންގެ ހުރިހާ އުންމީދުތައް ގަދަ ކަނޑެއްގެ ތެރޭ އޮޔާދާން ދޫކޮށްލާފައި […]