“ނީޝްގެ އުފަންދުވަސް ވެގެން ބައްޕަ ހަމަ ތަންކޮޅެއް އަވަހަށް އައީ……” ބަޝީރް މިހެން ބުނުމާއެކު އަކްރަމް އަށް ބަލައިލެވުނީ އެތަނުގައި ހެވިދިލިފައި ހުރި ބީނިޝް އަށެވެ. “ކޮބާ އަޅުގަނޑުގެ ހަދިޔާ….” އަކްރަމް ބަލައިލުމާ އެކު އަވަހަށް އަތް ދިއްކޮށްލަމުން ބީނިޝް ބުނެލިއެވެ. އޭނާ އެހެން ބުނެލި ގޮތުން ހީވީ އަކްރަމް ކައިރީގައި އެހެން ބުނަން ލަސް ވެފަހުރިހެންނެވެ. އެވަގުތު އަކްރަމް އެންމިޔަކަނުން ހެވިފަ އިދެ ދެއަތް ދެއަތަށް އުގުޅާލީ ބީނިޝް ރުޅިއަރުވާލާނަމޭ ހިތަށް އެރުމުންނެވެ. އަދި މޫނުމަތިން ދެރަވާ ގޮތް ދައްކާލަމުން ބީނިޝް އާއި ދިމާލަށް އެބުރިލާ، ކަންފަތުފޫޅު ގައި ހިފައިލި އެވެ. “ވަރަށް ބޮޑަށް މާފް ކުރޭ… އަކްރަމްބެ އެއް ގޮތަކަށްވެސް ހަދާނެއްނެތް….. އެހެންވީމަ ކިހިނެއް ހަދިޔާ އެއް ގެންނަނީ…..” “ހަދާން ނެތުނީއޭ….” ޤަބޫލް ނުކުރެވޭ ފަދަ ގޮތަކަށް ދެލޯ ބޮޑު ކޮށްލާ އަކުރުތަކަށް ދަމާލަމުން ބީނިޝްއަށް އެހެން ބުނެލެވުނީ އެއީ އޭނާ އުންމީދު ކުރިކަހަލަގެ ޖަވާބަކަށް ނުވީމައެވެ. އެވަގުތު ބީނިޝްގެ މޫނުމަތީގައިވާ ހައިރާންކަން ފެނި އެތާ ތިބި އެންމެން ވެސްތިބީ ބަޑަށް ހީލަ ހީލައެވެ. “ހަދާންނެތިދާނެ އެއްނު….. ނީޝް އަށް އިގޭތަ ހަދާން ނެތުމަކީ އުޒުރެކޭ….” އަނެއްކާވެސް މޫނުމަތިން ދެރަވާގޮތް ދައްކާލަމުން އަކްރަމް ބުނެލިއެވެ. “ހަދާން ނެތުނީއެއްނޫން…. ހަމަ ގަސްތުގަ…..” ތުންކޮޅު އަބުރާލަމުން އަނެއްފަރާތަށް އެބުރިލާ ބީނިޝް ރުޅިވެރިކަމާއެކު ބުނެލިއެވެ. ބީނިޝް އެހެން ބުނެލުމާއި އެކު އެތާތިބި އެންމެން ނަށްވެސް ހޭންފެށުނީ އިތުރަށް ހިނިގަނޑު ހިފަހަށްޓަން އުދަގޫވީ މައެވެ. އެވަގުތު ގުރައިޝާވެސް ތަބަކަކަށް ޖޫސް ތަށްޓެއް ލައިގެން އައިސް އަކްރަމްއަށް ދިއްކޮށްލިއެވެ. އަދި ގޮސް ބަޝީރް ކައިރީގައި އިށީންދެލި އެވެ. “އޯކޭ….އޯކޭ…. ކަމަނާ… ދެންތި ރުޅިމަޑުކޮށްބަލަ…. އަކްރަމްބެ އާ ދޮންތަގެ ފަރާތުން އޮތް ހަދިޔާއަކީ މިރޭގެ ޕާޓީ….” އަކްރަމްހެމުންހެމުން އެންމެ ފަހުން އޭނަގެ ހަދިޔާގެ ވާހަކަ ބުނެލިއެވެ. “ޕާޓީ އޭ….” އަނެއް ކާވެސް އަކްރަމް އާއި ވީފަރާތަށް އެބުރިލަމުން ހައިރާން ކަމާއެކު ބީނިޝް އަހައިލިއެވެ. “ހޫމް…. ޕާޓީ…. މިރޭ އަކްރަމްބެގެ މާބުލް ހޮޓެލްގަ އޮންނާނެ ނީޝްކޮގެ 14ވަނަ އުފަންދުވަހުގެ ޕާޓީ…..” ލޮއިބާއެކު ބީނިޝްގެ ކޮލުގައި ހިފައިލަމުން މިފަހަރު އޭނަގެ ހައިރާންކަން ފިލުވައިލަ ދިނީ، އޭނާގެއެންމެ ކައިރީގައި ހުރި އޭނާގެ ދޮންތައެވެ. “އާޗާ…ހަމަ އަސްލުތަ….”ފުޅާ ހިނިތުން ވުމަކާއިއެކު އަކްރަމް އަށް ބަލައިލަމުން ބީނީޝް އަހައިލިއެވެ. “ހަމަ އަސްލަށް” އަކްރަމް ވެސް އިތުރަށް ބީނިޝް އަށް ޔަގީން ކޮށްދިނުމުގެ ގޮތުން ބުނެލިއެވެ. “އެހެންވީއިރު ޖެހޭނެއެއްނު ހުރިހާ އެންމެންނަށް އަންގަން.. އަންނާނަށް ފޯން ހިފައިގެން…” މިހެން ބުނެ ބީނިޝް އަވަސްވެގަތީ އެތަނުން ތެދުވުމަށްޓަކައެވެ. “އަންގަން ޖެހޭ ހުރިހާ އެންމެންނަށް އަންގައިފިން…. ނީޝްކޮ ޖެހޭނީ ހަމައެކަނި ޕާޓީ އަށް ރެޑީވެގެންދާން… އެންޑް، އުލްވާ ކައިރީބުނިން ނީޝްކޮ އާއެކު މިގޭން އެތަނަށްދާން މިގެއަށް އަންނާށޭ…” އެތަނުން ދިއުމަށްޓަކާ ތެދުވެހުރި ބީނިޝްގެ އަތުގައި ހިފައި އަލުން ސޯފާގަ ބައިންދަމުން ޝިމާނާ ބުނެލިއެވެ. ޝީމާނާ މިހެން ބުނެލުމާއެކު ބީނިޝް ހެމުން ހެމުން ޝިމާނާގެ ގައިގަ ބައްދާލިއެވެ. ލޯގަނޑު ކުރިމަތީހުރެ ދެކޮޅަށް އެބުރެމުން، ފަރިބަލަމުން ބީނިޝް ދިޔައީ އޭނާއަށް ތައްޔާރުވެވިފައި ހުރީ އެންމެ ފުރިހަމަޔަށްތޯ ޔަގީން ކުރިމަށްޓަކައެވެ. އެވަގުތު ކޮޓަރީގެ ދޮރު ހުޅުވުނު އަޑަށް ފަހަތަށް އެބުރިލާ، ބަލައިލީއިރު އުލްވާ އެކޮޓްރިއަށް ވަދެގެން އަންނަތަން ފެނުނެވެ. “މާޝާ ﷲ.. ހާދަރީއްޗޭ… ހީވަނީ މިރޭ ގެއްލޭނެހެން..” ކޮޓަރިއަށް ވަދެގެން އަންނަމުން އުލަވާ ބީނިޝް އަށް ތައުރީފް ކޮށްލިއެވެ. “ހެހެހެ… ޝުކުރު….. ދެންހިގާ އަވަހަށްދާން..” ކުޑަހިނިތުން ވުމަކާއިއެކު އުލަވާއަށް ޝުކުރުއަދާކުރަމުން ދެންކުދިން އެތަނުން ނިކުމެގެން ދިޔައީ މިރޭގެ ޕާޓީ އޮނަނާނެ ގޮތާމެދު މަޝްވަރާ ކުރަމުންނެވެ. މާބުލް ހޮޓެލް ކުރިމަށްޗަށް ކާރު ހުއްޓުމާއެކު އެންމެ ފުރަތަމަވެސް ކާރުންފޭބީ ބީނިޝް އާއި އުލަވާ އާއި ދެކުދިންނެވެ. އެހެން މީހުން ކާރުން ފޭބުމުގެކުރިން ދެކުދިން އެތަނަށް އަވަހަށް ވަދެގެން ދިޔައީ، އެތަން ތައްޔާރު ކުރެވިފައިވާ ގޮތް ބަލާލުމަށް ކެއްމަދުވެފައި ވާތީއެވެ. މާބުލް ހުޓެލްގެ އެންމެމަތީ ފަންގިފިލާއަށް ވަދެގެންއައި ބީނިޝް އާއި އުލްވާގެ ފިޔަވަޅުތަކަށް ހުއްޓުމެންއައީ އެތަންތައްޔާރު ކުރެވިފައިވާލެއް ފުރިހަމަކަމުންނެވެ. ބީނިޝްއަށް އެންމެރީތި ކުލަތަކާއި މާތަށްލައިގެން އެތަން ތަށްޔާރު ކުރެވިފައިވަނީ ވަރަށްވެސް ފުރިހަމަޔަށެވެ. “ނީނީޝްޝް” ތަނުގެރީތިކަމަށް ގެއްލިފަތިބި ބީނިޝް އާއި އުލަވާއަށް ސިހުންގެނުވީ ޕާޓީއަށް ހާޒިރުވެތިބ،ި އޭނާގެ އެކުވެރިންނާއި ކްލާސް ބައެއްކުދިން އެއްކޮށް އޭނާގެ ނަމުން ގޮވައިލުމުންނެވެ. އެވަގުތު ބީނިޝް ފުޅާ ހިނިތުންވުމަކާއިއެކު އަވަހަށް އައިސް ހުރިހާ ކުދިންނާއި ބައްދަލްކޮށް ޕާޓީއަށް އައިސް ދިނީތީ ހުރިހާ ކުދިންނަށް ޝުކުރުއަދާ ކުރިއެވެ. އޭގެ ހަމަ ކުޑަ އިރުކޮޅެއްގެތެރޭ ބީނިޝްގެ އާއިލާ މީހުން އަންނަތަންފެނި، ބީނިޝް ހިނގައިގަތީ އެމިހުންގެ ގާތަށް ދިއުމަށްޓަކައެވެ. އަދި އެމީހުންނާއި، އަރާ ހަމަވުމުން ފުޅާ ހިނިތުން ވުމަކާއިއެކު، ޝިމާނާގެ ގައިގަ ބީނިޝް ބާރަށް ބައްދާލިއެވެ. “ކޮބާ ކިހިނެއްވަނީ؟… ހިންހަމަޖެހޭތަ؟….” ބީނިޝްގެ އެއަމަލުން އުފާވެފައިހުރެ ޝިމާނާ އަހައިލިއެވެ. “ވަރަށް ހިންހަމަޖެހޭ…. ވަރަށް.. ވަރަށް… ފުރިހަމަ… ދޮންތިއާ އަކްރަމްބެއަށް ވަރަށް ބޮޑަށް ޝުކުރިއްޔާ…” ޝިމާނާއާށް ޝުކުރު އަދާ ކުރުމަށްފަހު ބީނިޝް އަވަސްވެގަތީ އޭނާގެ އާއިލާއަށް އޭނާގެ ރަށްޓިހިން ތައާރަފްކޮށް ދިނުމަށްޓަކައެވެ. އެހެންކަމުން ބީނިޝް އޭނާގެ ދައްތަގެ އަތުގައި ހިފައިގެން ކުރިއަށް ހިނގައިގަތެވެ. އާއިލާ އާއި ގިނައެކުވެރިން ތަކަކާއި އެކު މަޖާކޮށްލާ، އުފާވެރި ވަގުތު ތަކެއް ހޭދަކޮށްލާ، އެރޭގެ ޕާޓީ ނިންމާލީ ގައިގަޑަކަށް 12ޖަހަން ކައިރިވެފައި ވަނިކޮށެވެ. ޕާޓީ ނިންމާލުމަށްފަހު އާއިލާ އާއި އެކު ބީނިޝް ގެއަށް އައީ އުލްވާ ގެއަށް ލައިދީފައެވެ. ގޭކައިރިއަށް ކާރު މަޑުކޮށް ލުމާއިއެކު ބީނިޝް އަވަހަށް ކާރުން ފައިބާ، ލިބިފައިހުރި ހަދިޔާތަށް ކާރުން ނެރެންފެށިއެވެ. އެވަގުތު ޝިމާނާވެސް ކާރުން ފައިބާ ބީނިޝް އަށް އެހީވާން ފެށިއެވެ. “ޝިމާ… ދެން މިރޭ ދަނީއިގޭ… ވަރަށް ލަސްވެއްޖެ މިހާރު… މާދަން މީޓިންނެއް އޮންނާތީ އަވަހަށް ތެދުވަންވެސް ޖެހޭ… ބާއްޖަވެރި ރޭގަނޑަކަށް އެދެން ހުރިހާ އެންމެންނަށް ވެސް..” ކާރުގެ ތެރެއިން ހަދިޔާތަށް ނަގައި ނިމުމާއިއެކު ޝިމާނާ އާއި މުހާތަބުކޮށް އަކްރަމް ބުނެލިއެވެ. “ދެން އެތެރެއަށް ވަދެވެސް ނުލާ ދަނީ ތަ؟… އާދެއެއްޗެއް ބޮއިލައިގެންދާން….” އަކްރަމް ގެއަށް ނުވަދެ ދާކަން އިގިގެން އެވަގުތުއެތަނަށް އަރާހަމަވި ގުރައިޝާ ކަންބޮޑުވުމާއި އެކު އަހައިލިއެވެ. “ނޫން މަންމަާ…. އަޅުގަނޑު ބަޑު ވަރަށް ފުލް… އަނެއްކާ މިރޭ މާލަސް ވެސް ވެއްޖެ… އެހެންވީމަ ދެން މިރޭ ގޮސްލަނީ… މާދަންއަންނާނަން…” ހިނިތުން ވުމާއިއެކު ގުރައިޝާ އަށް ޖަވާބު ދެމުން އަކްރަމް ކާރު ދުއްވާލިއެވެ. ޝިމާނާ ބީނިޝްގެ ހަދިޔާތަށް އޭނާގެ ކޮޓަރިއަށް ގެންދިއުމަށް ފަހު، އޭނާގެ ގައިގަ ކުޑަކޮށް ބައްދައިލާ ރޭގަނޑުގެ ސަލާމް ކިޔަމުންއެތަނުން ދިއުމަށް ހިގައިގަތެވެ. ޝިމާނާ ދިއުމާއި އެކު ބީނިޝް އަވަސްވެގަތީ، ވެފައިހުރި ވަރުބަލީގެ ސަބަބުން އަވަހަށް ނިދަންތައްޔާރު ވެލާށެވެ. ފާހާނައަށް ވަދެ ފެންވަރައިލައިގެން ނިކުމެ ނިދަން ތައްޔާރުވެލާ، ކޮޓަރިން ނިކުމެލީ އޭނާގެ ބައްޕަ ވީތަނެއް ބަލާލުމަށްޓަކައެވެ. […]
” ޔޫހާ ޔޫހާ ތެދުވެބަލަ . ހެނދުނުވެއްޖޭ.” ފާތުން ޔޫހާ ތެދުނުވެގެން ޔޫހާ އަށް ގޮވަނީއެވެ. މިއަދަކީ ފާތުން ގެ ރައްޓެހި މާޖިދް ފާތުން ގޮވައިން ކޮފީ އަކަށް ދާން ބުނި ދުވަހެވެ. ފާތުން ދާ ކޮންމެ ތާކަށް ޔޫހާ ގޮވައިގެން ދާތީ މިއަދުގެ ކޮފީއަށް ޔޫހާ ގެންދަން ބޭނުން ވިއެވެ. ” ޔޫހާ ތެދުވެބަ ލަސްވެޔޭ އެބަ. ” …. “އުމްމްމްްމް.. މިތެދުވިއްޔޭ ފާތުމަޔާ… ހާދަ އުނދަގޫވެސް ބޮދު މީހެކޭތި.. ހުއްހް!! ” ޔޫހާ ތެދުވުމާ […]
ހުސްނާއަށް ލޯބިވާ ދަރިފުޅުގެ ވާހަކަތައް އަޑުއިވުމައްފަހު ލޮލުން ކަރުނަތައް އޮހިގެންދިޔައެވެ. އެހިތައް ކެއްކުރަން އުދަގޫވީއެވެ. މަންމަގެ މަޑު ގިސްލުމުގެ އަޑު ފޯނުން އިވުމުން ޔާން އިތުރަށް ހާސްވިއެވެ. “މަންމާ އެއްފަހަރުވެސް ބުނެބަ ވެގެން އުޅޭގޮތެއް، މަންމަ ތިހެން ރޮންޔާ އަޅުގަނޑު ކިހާ ހާސްވާނެ.” ޔާން އަށް މަންމަ ރޯ އަޑު އަހަން ހުންނާކަށް ކެތެއްނުވިއެވެ. “ދަރިފުޅާ މަންމަ ދައްކަން ބޭނުން މިވާވާހަކަތައް ފޯނުން ކިޔާދިނުމެއް އެހާ ރަންގަޅެއް ނުވާނެ. އަހަންމަދުބެގެ ބޯޓް މިޔަދު ރަށައް އައްނަން ފުރާނެ، […]
މާޒް އަދިވެސް އެއްފަހަރު މަގުމައްޗަށް ބަލާލިއެވެ. އަދިވެސް ޔާނާއެއް ނުނިކުމެއެވެ. މިހާރު ފަނަރަ މިނެޓް ވެއްޖެއެވެ. އަސްތާއެވެ. އެ ނިކުތީ ޔާނާއެވެ. އޭނާގެ ހިތުގެ މަލިކާއެވެ. ކަޅު ކުލައިގެ ޓޮޕަކާއި ހުދުކުލައިގެ ޖިންސެއްގައި ޔާނާ ފެންނައިރު ހީވަނީ ހޫރު ޕަރީއެއްހެންނެވެ. މާޒް ހިނިތުންވެލިއެވެ. މާޒް އަށް ޔާނާ ފެނުނީ އޭނާ ގެ ރަހުމަތްތެރިއެއްގެ ކައިވެނި ޕާޓީންނެވެ. ޔާނާ ފުރަތަމަ ފެނުމާ އެކުވެސް މާޒްގެ ހިތުގައި ޔާނާއަށް ކަނެއްދެވުނެވެ. ޔާނާގެ ފުރިހަމަކަމާ ސާދާ މިޒާޖުގެ ސަބަބުންނެވެ. އޭނާގެ ލޯބި […]
“އިނގޭއިރުވެސް މައިލީން ތި އަހަނީ ކީއްކުރަން. އަހަރެން ލޯބިވާތީ. މައިލީން ބޭނުންވާތީ”ފަހަތުން އައިސް މައިލީން ގާތު ހުއްޓިލާ މައިލީން ގައިގައި ބައްދާލަމުން ޔުއާން ބުނެލިއެވެ. އޭނާ މައިލީން ގެ ކަނދުރާގައި ދަތްދޮޅި އަޅުވާލިއެވެ. މައިލީންގެ އަތްފައި ފިނިވެ ނޭވާ އަވަސްކުރުވައިފިއެވެ. އެއްވެސް އެއްޗެއް ނުބުނެ ޖެހި ބުދެއްހެން މައިލީން ހުއްޓެވެ. އޭނާގެ ލޮލުގެ ތެރެއަށް ފެންތައް ޖަމާވަމުން ދިޔައީ ކުޑަހިނދުކޮޅެއްގެ ތެރޭގައެވެ. އެ ޖުމްލަ އަޑުއަހަން އޭނާ ކެތްމަދުވެފައިވާވަރު އެވަގުތު އެ ހިތަށް އެގުން ވެގެން ދިޔައެވެ. […]
ރޭގަނޑުގެ ވަގުތެވެ. ކޮންމެ މީހަކުވެސް މަސައްކަތް ކުރަމުންދަނީ ނިދީގެ މީރުކަން އެންމެ ފުރިހަމަ ގޮތުގައި ހޯދޭތޯއެވެ. ނަމަވެސް އިޔާންއަށް އޮތީ ނުނިދިފައެވެ. ލޯމަރާލާ އިރަށްވެސް ފެންނަނީ ޒީކްގެ މައުސޫމް މޫނެވެ. ރާޅުބާނި އިސްތަށި ގަނޑާއި ހިތްތައް ކަތިލާފަދަ އެ ފުރިހަމަ ހިނިތުންވުމެވެ. ހިނިތުންވެލާއިރު ފެންނަ ހުދުމުތީތަކެއްފަދަ ދަތްތަކުން އިތުރު ފުރިހަމަ ކަމެއް ގެނެސްދެއެވެ. ފަސްފޫޓް ހަމަވާ އިސްކޮޅާއި އިސްކޮޅާއި ހަމައަށް ރޫފަހުރި ބަނިޔާދަން ހަށިގަނޑެކެވެ. އެބޮޑު ދެލޮލުން އިޔާންއަށް ބަލަހައްޓައިގެން ހުރިއިރު އޭނާގެ ބާރުގަދަ އަތުގެ ހިމާޔަތުގެ […]
އުޑުމަތި ސާފު ރީތި ދުވަހެކެވެ. ދުއްވާފައި ދިޔަ ލޯންޗުގައި ހުރި އިރު މޭލޭގެ މަލަމަތި ވަރަށް ސާފުކޮއް ފެންނަމުން ދިޔައެވެ. އޭރު މާއިޝްގެ ހިތުގައި ވަނީ އޭނައަށް ބައްދަލުކުރުމަށް ފެން ބޮވައިގެންފައި ހުރި އޭނާގެ ލޯބިވެރިޔާ “ޔަމަން”އެވެ. ގިނަ ދުވަސްތަކަކަށް ފަހު ލޯބިވެރިޔާއަށް ބައްދަލުވާން އުޅޭތީ އޭނަގެ ހިތުގައި ހިނގަމުންދަނީ ބަޔާން ކުރަން ދަތި އިޙްސާސްތަކެކެވެ. މާލޭގެ ފަޅަށް ލޯންޗު ގާތް ކޮޮއްލައިފިއެވެ. އަވަސް، އަވަހަށް ގެންގުޅުނު ދަބަސް ކޮނޑުގައި އަޅުވާލައިގެން މާއިޝް ލޯންޗުން ފޭބިއެވެ. އަދި […]
“ޝަރަފް!” އަފާފް ގޮވާލި އަޑަށް ޝަރަފްގެ ފައިގައި ތަޅު އެޅުވުނެވެ. މޭތެރޭގައި ވޭންއަޅަމުން ދިޔަ ހިތަށް ލިބުނު ސިހުމާއެކީ އޭނައަށް ފަސްއެނބުރި ބަލާލެވުނެވެ. އެ ހިނދު އަފާފް ހުރީ ކޮޅަށް ތެދުވެ އޭނަ ހުރި ދިމާލަށް ނަޒަރު ހުއްޓައިގެންނެވެ. އަފާފް ބުނާނެ އެއްޗަކަށް ޝަރަފަށް ކެތްތެރިކަމެއްނެތި އިންތިޒާރު ކުރެވުނީ އޭނަ ކިތަންމެ ބޭނުމެއްނުވިޔަސް އަފާފް ބޭނުން ގޮތަކަށް އޭނަގެ ހިތް ކުދިކުދިކޮށްލަން ދޫކޮށްލަމުންނެވެ. އެހެނަސް އަފާފް ދެން ބުނެލި ބަސްތަކުން ޝަރަފަށް ލިބުނީ ޙައިރާންކަމެކެވެ. “ޝަރަފް […]
އިންޝާއަށް ހޭލެވުނުއިރު ނަޒީލް ދޮރު ކަހާލައިފައި އެތެރެއަށް ވަންނަނީއެވެ. އިންޝާ މޯޅިއަކަށް ދެމިލަމުން ނަޒީލަށް ގޮވާލުމާއެކު ނަޒީލް ހުއްޓުން އެރިއެވެ. ދެން އިތުރަށް އެންމެ ފިޔަވަޅެއްވެސް ކުރިޔަކަށް ނޭޅިއެވެ. ފަރާތަކަށް ބަލާވެސް ނުލިއެވެ. ހީވީ ހުރިތަނަށް ގާވިހެންނެވެ. އިންޝާ ގޮވާލިއެވެ. ނަޒީލް އެއްވެސް ހަރަކާތެއް ނުކުރިއެވެ. އިންޝާ ތެދުވިއެވެ. ނަޒީލްގެ ގައިގައި އަތްޖައްސާލުމާއެކު ކަނޑާ ވައްޓާލި ރުކެއްހެން ހުރިތަނަށް ދެމުނެވެ. އިންޝާ ހާސްވެގެން ނަޒީލަށް ގޮވަމުން މޫނުމަތީގައި ތަޅަންފެށިއެވެ. ފެން ފުޅި ނަގައި މޫނަށް ފެންބުރުވާލިއެވެ. ލޯ […]