BlackBeauty

” ނީޝްގެ އުފާވެރިކަން ދެގުނައަށް ބަދަލްވީ ދޮންތަގެ 20ވަނަ އުފަންދުވަހު ދޮންތަ އަކްރަމްބެ އާއި އިންނަން އުޅޭކަން ޢިއުލާން ކުރުމުން”                            ———————————————————————————————————————— “އަކްރަމްބެ އާއި ދޮންތަ ރައްޓިހިވެގެން އުޅޭތާ އޭރު 2 އަހަރު ވާނެ… އަކްރަމްބެ އަކީ އޭރުގެ ޔޫތު މިނިސްޓަރ…. އަކްރަމްބެ އޭރު ވަރަށް ރަގަނޅުވާނެ….. އާއިލާ މީހުންނަށް އެކިކަންކަމުގަ އެހީވެދީހަދާ އެންމެންނާ އިވެސް ވަރަށް ގުޅިގެން އުޅުނީ….. ދެރަ އާއި ހިތާމައަކީ ކޯޗެއްކަމެއް އޭރަކު ނީޝް އަކަށް ނޭންގޭ، އަބަދުވެސް ހުރީ އުފަލުން. މުޅި ގެއިންވެސް އަބަދު އިވިއިވި ހުންނާނީ ހުނުމުގެ އަޑު. އެކަމް އެހުރިހާ އުފަލެއް ދެމިހުރީ 14އަހަރު ވަންދެން….” ******************** “ހެޕިބާރތްޑޭ ޓުޔޫ، ހެޕިބާރތްޑޭ ޓުމައި ޕްރިންސަސް….” އެސީގެ ފިނިކަމާއެކު މަޑު ތަންމަތީގައި ނިދާފައި އޮތް ބީނިޝް ނިދިބަރު ގޮތަކަށް ލޯ ހުޅުވައިލީ ކޮޓަރީގެ ތެރެއިން އިވެމުންދާ އުފަންދުވަހުގެ ތަހުނިޔާ ލަވަ އަޑުއިވިފައެވެ. ހަމަ އެސިކުންތުގައި ފުޅާ ހިނިތުން ވުމަކާއި އެކު ފުންމައިގެން ތެދުވީ ކުރިމަތިން ފެންނަންހުރި ދަނބު ކުލައިގެ ބޮޑު ޕާރިސަލް އާއި ބޮޑު ލެވެންޑާ މާބޮނޑި ފެނިފައެވެ. އަވަސް އަވަހަށް އެދުންފައިބާ މާބޮނޑި ނެގުމަށްފަހު ނޭފަތް އެތެރެއަށް ދަމާލީ އޭގެ ވަސް ބަލާލާ ހިތް އޮތްލެއް ބޮނޑު ކަމުންނެވެ. އެވަގުތު ބީނިޝްގެ ލޯ މެރިގެންދިޔައީ މާބޮނޑިން ދުވި ލުއި މީރުވަހެއްގެ ސަބަބުންނެވެ. “ބައްޕާ”، މާބޮނޑީގެ މީރުވަހުން ހިތްފުރިފަހުރެ ބޯ އެތްފަރާތަކަށް ކުޑަކޮށް އަރިކޮށްލާ ބީނިޝް އޭނާގެ ބައްޕައަށް ގޮވާލީ ކޮޓަރީގެ ތެރެއިން އަޑު އިވެމުންދިޔަ ތަހުނިޔާ ލަވައިގެ އަޑު ކެޑުމުންނެވެ. އެވަގުތު އެތަނުގައިހުރި އަލަމާރީގެ އަނެއްފަރާތުން ނިކުތް ބަޝީރު ފެނި ބީނިޝްގެ މޫނުމަތީގައިވާ ހިނިތުންވުން ފުންވެގެން ދިޔައެވެ. އަދި އަވަސް އަވަހަށްގޮސް އޭނާގެ ގައިގަ ލޯބިން ފުރިގެންވީ ގޮތަކަށް ބައްދައިލީ އެކަމަށް ބޭނުން ވެފައިހުރިލެއް ބޮޑުކަމުންނެވެ. “ހެ..ހެ..ހެ.. ދަރިފުޅަށް ކިހިނެތްތަ އިގުނީ ބައްޕަކަން. ބައްޕަ ނުބުނަމެއްނު މިއަދު އަންނަ ވާހަކައެއްވެސް.” ހިނިތުންވެހުރެ ލޯތްބާއެކު ބީނިޝްގެ ބޮލުގައި ފިރުމާލަމުން ބަޝީރު އަހައިލިއެވެ. “އަޅުގަނޑަށް އެނގެއޭ މީބައްޕަގެ ކަމެއްކަން. އަބަދުވެސް ބައްޕައެއްނު އަޅުގަނޑަށް ފުރަތަމަ އުފަންދުވަހުގެ ތަހުނިޔާ ކިޔާނީ . ބައްޕަނޫން އަހެންމީހަކު ފުރަތަމަ ކިޔާކަށް ބޭނުމެއްވެސްނޫން.” ބަޝީރުގެ ގައިގައި ބައްދައިލައިގެންހުރެ ޅަ ގޮތަކަށް ބީނިޝް ބުނެލިއެވެ. “އެކަމް ރޭގަ އަޅުގަނޑު ގުޅީމަވެސް ބުނީމެއްނު ނާދެވޭނެއޭ. ދެންނުދާނަންދޯ އެހާއަވަހަކަށް.” ކަމެއް ހަދާންވާފަދަ ގޮތަކަށް ދުރުވެލަމުން އަނެއްކާވެސް ބީނިޝް އަހައިލިއެވެ. “ދެންހީވޭތަ ބައްޕަގެ ރާނީގެ އުފަންދުވަހު ބައްޕަ ނައިސްހުންނާނެހެން. ހަމަ ސަޕްރައިސް އެއް ދޭހިތުން ދަރިފުޅުގެ ކައިރީއެހެން ބުނީ. ކަމުދޭތަ ސަޕްރައިސް”. ލޮތްބާއެކު ބަޝީރު އެހެން ބުނެލީ ބީނިޝްގެ ދަތްދޮޅީ ގައި ހިފާލަމުންނެވެ. “ލައްބަ، ވަރަށް ވަރަށް  ކަމުދޭ. ޝުކުރިއްޔާ.” ދެވަނަބުރަށްވެސް އަތުގައިވާ މާބޮނޑިން ވަސްބަލާލަމުން ބީނިޝް ބުނެލީ އޭނައަށް ލިބިފައިވާ ހަދިޔާ އާއިމެދު ވަރަށް ހިތްހަމަޖެހި ހުރެއެވެ. “އެހެންވީމަ އަވަހަށް ތައްޔާރުވެލައިގެން އާދޭ ސައިބޯން. ދަރިފުޅުއައީމަ ފަށްޓާނީ.” ބިނިޝްގެ ކައިރީގައި ތައްޔާރުވެގެން ނިކުންނަން ބުނަމުން ބަޝީރް އެކޮޓަރިން ނިކުމެގެން ދިޔައީ އަދިވެސް އެއްފަހަރު ލޯބިވާ ދަރިފުޅުގެ ގައިގަ ބައްދާލަމުންނެވެ. ބަޝީރު އެކޮޓަރިން ނިކުތުމުން ބީނިޝް އަވަސްވެގަތީ އަތުގައިވާ މާބޮނޑި މާޓުކުރިޔަށް ޖެހުމަށެވެ. ސައިޑްޓޭބަލް ކައިރިޔަށްޖެހިލާ ކުޑަކޮށް އެނދުގައި އިށީންދެލަމުން އެކުޑަ މޭޒުމަތީ ބަހަށްޓައިފައިހުރި، މާޓުކުރިން މަސްނޫޢީ މާތަށް ނަގަންފެށިެއވެ. އަދި އަގައިން މަޑު ރާގެއް އަޅުވައިލަމުން ލެވެންޑާ މާބޮނޑިން ފަހަރަކު މަލެއް ނަގާ މާޓުކުރިޔަށް ޖަހަންފެށިއެވެ. ރީތި ރާގެއް އަޅުވައިލައިގެން މާޓުކުރި ޒީނެތްތެރިކުރުމަށް ގެއްލިފައި އިން ބީނިޝްއަށް ސިހުންވެރިކަމެއް ގެނުވީ މޭޒުމަތީގައި ބާއްވާލައިފައި އޮތް އޭނާގެ ފޯންގެ ރިންގުންނެވެ. ފޯން ނަގައި ބަލާލަމުން ހިނިތުންވެހުރެ ބީނިޝް ކަންފަތާ ފޯން ކައިރިކޮށް ލިއެވެ. “ވަރަށް އުފާވެރި އުފަން ދުވަހަކަށް އެދެން މަގޭ ލޯބިވާ….. ދެން އަވަހަށް އަހަންނަށް މީރު ކެއުމެއްދެއްވާށި…….” ބީނިޝް އަށް ބޭއިހްތިޔާރުގައި ބާރަށް ހީގަނެވުނީ އޭނާގެ އެންމެ ގާތް އެކުވެރިއާ އުލްވާ އޭނާޔަށް އުފަންދުވަހުގެ ތަހުނިޔާ ކިޔާލި ގޮތުންނެވެ. “ސާބަސް، އެރި އިރާ އެއްކޮށް ގުޅާފަ ކާ ވާހަކަ ތިދައްކަނީ، މިއަދު އަދި ސީމައްތަ ސައިނުދޭތީ ދޯ………” ބީނިޝް ވެސް މަޖާވެލާފައި މަހާއަށް ބުނެލިއެވެ. “ފޫހި އަންހެނެއް…. އަޅެ ތިހެންބުނުމުގެ ބަދަލު ކީއްތަވާނީ ކެއުމަކަށް ދަޢުވަތު ދިނިއްޔާ…. މިއަދު ހައްގުވާނެ ދިނުންވެސް………” މޫނުމަށްޗަށްފޫހި ވައްތަރެއް ޖައްސާލަމުން އުލްވާ އިއްވައިލިއެވެ. “ހޫމް… ކެއުންދޭނަމޭ… ތިއެއްނޫނޭ އިގޭތަ މައަދު……” “ހޫމް… އިނގޭ، ބަޝީރުބޭގެ މޮޅު ހަދިޔާއެއް ލިބުނީދޯ” ބީނިޝްގެ ވާހަކަ ފުރިހަމަ ނުވަނީސް އަވަސް އަވަހަށް އުލްވާ ބުނެލިއެވެ. “ހެ….ހެ…ހެ… ހޫމް، އިގޭތަ ލެވެންޑާ މާބޮޑިއެއް….” ދެލޯ ބޮޑު ކޮށްލާ ފުޅާ ހިނިތުންވުމާއި އެކު ބީނިޝް އެހެން ބުނެލިގޮތުންވެސް ފޯންގައި ހުރި އުލްވާ އަށް އޭނާގެ އެކުވެރިޔާ އުފާ ވެފައި ހުރި މިންވަރު އިހުސާސްވެގެން ދިޔައެވެ. “އާޗާ…. ތިފޮނިވެފަ ހުރި ގޮތުންވެސް ހީވިއޭ އެހެން…. އަޅެ ގައިމު އަހަންނަށްވެސް ތިކަހަލަ ބައްޕަ އެއް ލިބޭނަމަ….” އެކުވެރިޔާގެ އުފަލަށްޓަކާ އުފާކުރާ ހާލު އުލްވާވެސް އެކުވެރިޔާގެ އުފަލުގައި ބައިވެރިވެލިއެވެ. “އެކަހަލަ އެހެން ބައްޕައެއް ނުލިބޭނެ… އެއީ ހަމައެކަނި ނީޝްގެ ބައްޕައެއް… ނޯ ކޮޕީސްސް… އަދި އެއްވާހަކަ… އުލްގެ ބައްޕައަކީ ގޯސް މީހެއްނޫން އިގޭ… ދެވަނަދުވަހު އުސްމާނުބެއާ އެހެން މީހުންނާ އަޅާ ނުކިޔައްޗޭ… އަޑު އިވިއްޖެ…” […]

“އަޅުގަނޑުގެ އާއިލާ މީހެއްތޯ؟ އަޅުގަނޑު ރަށުމީހެއްތޯ؟ ހަމަ އެސިކުންތުގައި މޫނު މަށްޗައް އުފާވެރިކަން ގެންނަމުން ބީނިޝް  އިކްޒާގެ އަތުގައި ހިފާލުމަށްފަހު އަވަސް އަވަހަށް އަހައިލިއެވެ.” އެއަޑުގައިވި ޖޯޝާއި ފޯރި އިހުސާސްވެ، އެތަނުގައި ތިބި ދެ ފުލުހުންނަށްވެސް ތިބެވުނީ ބީނިޝް އާއި ދިމާލަށް ބަލަހަށްޓައިގެންނެވެ. “ނޫން، އާއިލާމީހެއްނޫން. ނޫސްވެރިއެއް. ބީނިޝްގެ އިންޓަރވިއުއެއް ނަގަން ބޭނުންވާތީ” ތަނަށްވެރިވެފައިވާ ހިމޭންކަން  ކަނޑުވާލަމުން ނިޔާޒް ބުނެލިއެވެ. ނިޔާޒްގެ މިޖުމްލައާއެކު އުފާވެރިކަން ފާޅުވަމުންދިޔަ، ބީނިޝްގެ މޫނުމަތި މިލާމޯޅިވެ މޫނުމަތީގައި ހިތާމަވެރިކަމުގެ ކުލަވަރު ފާޅުވެގެންދިޔައެވެ.  “އަޅުގަނޑުރެޑީ ވާނަން.” އިސްޖަހާލުމަށްފަހު ލޮލަށް ޖަމާވެފައިހުރި ކަރުނަތަށް އަތުގެ ބޮޑުވައި އިގިލިން ފުހެލަމުން ބީނިޝް ބުނެލިއެވެ. އިކްޒާވެސް ހިނިތުންވުމާއެކު ބީނިޝްގެ ބޮލުގައި ފިރުމާލުމަށްފަހު ނިޔާޒް އާއި އެކު އެތަނުން ނިކުތުމަށް ހިނގައިގަތެވެ. ***************** މާލޭގެ ހަލަބޮލިވެފައިވާ މަގުމަށްޗައް ނަޒަރު ހުއްޓައިލައިގެންހުރެ ދުއްވަމުން ދާހާ ކާރަކަށް، މަހާ އަތްނަގަމުން ދިޔައީ ފުރަން ހަމަޖެހިފައިވާ ގަނޑިޔަށް ޖެޓީއަށް ނުދެވިދާނެތީއެވެ. އޭރު އޭނާގެ ކޮއްކޮ ޖައިޝާންވެސް މަހާއަށް އެހީވުމުގެ ގޮތުން ދިއައީ ކާރެއް ލިބޭތޯ ބަލަމުންނެވެ. “އަޅެ މިދެން ކިހާދެރަކަމެއ،ް އަވަހަށް ތާކައް ދާންއުޅެންޏަ ކާރެއްވެސް ނުލިބޭނެ.” ފޫހިކަން އެކުލެވޭ ރާގަކަށް ޖައިޝާންއަށް  ބަލާލަމުން މަހާ ޝަކުވާއެއް ކޮށްލިއެވެ. މަހާގެ ބަހަށް ރައްދެއްނުދީ ޖައިޝާން ހީލަހީލާ ހުރީ އެއީ އޭނާގެ ދައްތަގެ އާދައެއް ކަމަށް ވާތީއެވެ. ހަމައެވަގުތު އެތަނަށް މަޑުކޮށްލި ކާރެއް ހުއްޓުވާ އެއަށް އެރުމަށްފަހު މަހާ އެނާގެ މަންޒިލަށް ދިއުމަށް ދަތުރުފެށިއެވެ. ***************** ކުރު ދަތުރަކަށްފަހު މާފުށީ ބަދަރާ ގާތްކުރި ލޯންޗުން ފަޅުވެރިއެންގެ އެހީގައި އެންމެ ފުރަތަމަވެސް ފޭބި މީހަކަށް ވާނީ މަހާއެވެ. ރަށުގެ ފަސްގަޑުގައި ފައިޖެހުމާއެކު ލޮލުގައިވާ އަވިއައިނު ނަގަމުން ދެކޮޅު ހޯދާބަލާލީ އޭނާގެ އެކުވެރި ނިޔާޒް ފެނޭތޯއެވެ. އެވަގުތު މަހާގެ މޫނު މަށްޗައް ހިނިތުންވުމެއް  ވެރިވީ ނިޔާޒް އޭނާގެ ކައިރިއަށް އަންނަތަން ފެނުމުންނެވެ. “ކޮބާ ދަތުރު ކިހިނެއް؟” މަހާގެ ކުރިމަށްޗަށް ހުއްޓުމަށްފަހު ސަލާމަށް އަތްދިއްކޮށްލަމުން ނިޔާޒް ސުވާލުކޮށްލިއެވެ. “ހަމަ ވަރަށް ބަރާބަރު” މަހާވެސް ހިނިތުންވުމާއެކު ސަލާމް ބަލައިގަތުމަށްފަހު ނިޔާޒްގެ ސުވާލަށް ޖަވާބުދެމުން ކުރިޔަށް ހިނގައިގަތީތަންކޮޅެއް ދުރުގައި ޕާކް ކޮށްފައި އޮތް ވެހިކަލަށް އެރުމަށް ޓަކައެވެ. މާފުށީ ޖަލަށް ވަދެވުމާއެކު ނިންމަންޖެހޭ ހުރިހާކަމެއް ނިމްމުމަށްފަހު މަހާ ނިޔާޒް އާއިއެކު ހިނގަމުންދިޔައީ ބީނިޝް ބަހައްޓާފަހުރިކޮޓަރިއާ ދިމާލަށެވެ. ކުޑަތަންކޮޅަކަށް ހިނގުމަށްފަހު ނިޔާޒް ގޮސް ހުއްޓެލީ އާދައިގެ ދޮރެއްގެ ކުރިމަށްޗަށެވެ. އަދި ދޮރުހުޅުވާލުމަށްފުއެތްކައިރިއަކަށް ޖެހެލީ މަހާ ވަނުމަށް ތަންދެއްކުމަށްޓަކައެވެ. އެތަނަށް ވަނުމައްޓަކާ މަހާ ނަގަމުންދިޔަ ފިޔަވަޅުމަތީ ހުއްޓެލީ ކުރިމަތީ ފެންނަންހުރި ފުރިހަމަކަން ފެނިފައެވެ. މަހާ އާއި 6 ފޫޓެއްހާ ދުރުގައި ހުރި ގޮނޑިއެއްގައި އިށީންދެލައިގެންއިން އަންހެންކުއްޖާ އަކީ ޤާތިލެކޭބުނަން މަހާގެ ޒަމީރު ދެކޮޅުހަދަމުން ދިޔައެވެ. ކަޅުބުރުގަލުގެ ތެރެއިން ފެންނަންހުރި މޫނުމަތީގައިވަނީ މައުސޫމް ކަމާއި ސާދާކަމެވެ. ލައިފައި ހުރި ބޮޑުހެދުމުގެތެރެއިން ފާޅުވަމުންދިޔަ ކުޑަ ހަށިގަނޑައް ބަލާލާފައި އެއީ 26 އަހަރަށްދާ ކުއްޖެކޭ މީހަކު ނުބުނާނެއެވެ. “ޤަބޫލެއް ނުކުރެވޭ ދޯ؟” ބަސްހުއްޓިފައި ބީނިޝްއަށް ބަލަމުންދިޔަ މަހާއަށް ހޭވެރިކަމެއްވީ ނިޔާޒް ސުވާލުކޮށްލުމުންނެވެ. “ހޫމްމް.. ޤަބޫލް ނުކުރެވިފަ މިހުންނަނީ. ހިތަށްއަރާ ﷲގެ ކުޅަދުންވަންތަ ކަމާއޭ، ނިޔާ ފޯނުން ގުޅާފަ ސިފަކޮށްދިން ވަރަށްވުރެއް  ވެސް މާފުރިހަމަ.” ބީނިޝް ކައިރިއަށް ދިއުމަށްޓަކާ ފިޔަވަޅު އަޅާލަމުން މަހާ ނިޔާޒް ކޮށްލި ސުވާލަށް ޖަވާބުދިނެވެ. “އައްސަލާމްޢަލައިކުމް، އަޅުގަނޑުމީ ޢައިޝަތު މަހާ، އަވަސް ނިޔުސްގެ ފަރާތުން”  ބީނިޝް ކައިރިއަށް ހުއްޓިލުމައްފަހު ސަލާމް އަށް އަތް ދިއްކޮށްލަމުން މަހާ އަމިއްލައަށް ތަޢާރަފްވެލިއެވެ. ހިނިތިންވުމަކާއެކު މަހާގެ ސަލާމް ބަލައިގަންނަމުން ބީނިޝް އެއްކައިރީިހުރި ގޮނޑިއަކަށް އިޝާރަތް ކޮށްލީ މަހާ އިށީންނުމައް ތަންދެއްކުމަށްޓަކައެވެ. “ބީނިޝް ދޯ؟ އިންޓަރވިއު އަށް ރެޑީ ތޯ؟” ވާހަކަދެއްކުމުގެ ގޮތުން މަހާ ބީނިޝް ކައިރީ އަހައިލިއެވެ. “ލައްބަ، އަޅުގަނޑު ރެޑީ، އެކަމު ޝަރުތެއްގެމަތިން” މަހާގެ ސުވާލަށް ބޯޖަހަލަމުން ބީނިޝް ސަމާސާ ރާގަކަށް ބުނެލިއެވެ. ބީނިޝްމިހެން ބުނުމާއެކު ހައިރާންކަން އެކުލެވޭ ގޮތަކަށް މަހާ ނިތް އަރުވާލީ ކޮން ޝަރުތެއްތޯ އަހާލާފަދަ ގޮތަކަށެވެ. “އަޅުގަނޑާ ތިހާ ރަސްމީކޮށް ވާހަކަ ނުދައްކާ ފެރެންޑެއް ގޮތަށް ވާހަކަދައްކަން ބޭނުންވަނީ” “އޯ…. އެންމެ ރަގަނޅު، އެހެންވީމަ ބީނިޝް ވެސް ޖެހޭނީ އެގޮތަށް ވާހަކަ ދައްކަން އިގޭ” ބީނިޝްގެ ޝަރުތަކީ ކޮބައިކަން އިގި ހިނިއައިއްސަ ހުރެ މަހާ ބުނެލިއެވެ. “އެހެންވީމަ ފަށަމާ ހިނގަދޯ… އަސްލު ބީނިޝްގެ އިންޓަރވިއު އެއްނަގަން މަހާމެންގެ ޓީމްއިން ނިންމީ ބީނިޝް މިތާ އުޅޭ ގޮތުގެވާހަކަ އަޑުއަހާފަ ބިނިޝްގެ ވާހަކަ އިގެން ބޭނުން ވާތީވެ. މަހާ އެންމެ ފުރަތަމަވެސް އިގެން ބޭނުންވަނީ ބީނިޝް އަތުގަ ތިވާ ފޮތާބެހޭ ގުތުން، ތީކޮން ފޮތެއްތަ؟” ބީނިޝްގެ މޭގައި ޖައްސާލައިގެންއިން ފޮތާ ބެހޭ ގޮތުން ސުވާލު އުފެދިފައިހުރެ މަހާ އަހައިލިއެވެ. މަހާގެ ސުވާލާއެކު ބީނިޝް މޭގައި ޖައްސާލައިގެން އިން ފޮތް ތިރިކޮށްލާ ޑޫޑުލް އާރޓްގެ ފުރިހަމަ ޑިޒައިނަކުން ފަރުމާކޮށްފައިވާ ފޮތުގައި ފިރުމާލި ގޮތުންވެސް އެއީ ބީނިޝް އަށް ވަރަށް ޙާއްސަ ފޮތެއްކަން އެތާތިބި ދެމީހުންނަށްވެސް އިގިގެން ދިޔައެވެ. “މީ މިހާރު ނީޝްގެ ދުނިޔެ، ނީޝްގެ ދިރިއުޅުން، މިފޮތުގައިވަނީ ނީޝް ދެކެ މިދުނިޔެމަތިންވެސް އެންމެ ލޯބިވި ދެމީހުންގެ  ހަދާންތައް.” ލޮއިބާއެކު ފޮތުގައި ފިރިމާލަމުން ބީނިޝް އެހެން ބުނެލީ އަސަރާއެކުއެވެ. ފޮތައް ނަޒަރުހުއްޓާލައިގެން ހުރި މަހާ އަށް ބީނިޝް ހުޅުވާލި ފޮތުތެރެއިން އެންމެ ފުރަތަމަވެސް  ފެނިގެން ދިޔައީ13،14 އަހަރަށްދާ އަންހިންކުއްޖަކު ވަރަށް ލޯބިން މީހެއްގެ ކަރުގައި ބައްދައިލައިގެން ހުރެ ނަގާފައިވާ ފޮޓޮއެކުވެ. އެފޮޓޯއައް ބަލާލުމުން ވެސް އެދެމީހުން ދެމެދުގައިވާލޯބި ހާމަވެގެންދެއެވެ. މަހާއަށް ބީނިޝް އާއި ދިމާލަށް ބަލާލެވުނީ ތަސްވީރުން ފެންނަމުން ދިޔަ ކުއްޖާ ބީނިޝްއާ ވައްތަރުކަމުންނެވެ. “މީ ނީޝްގެ ބައްޕަ، ދެން މީ ނީޝް.” ފޮތުގައިވާ ތަސްވީރުގައި އިގިލި ޖައްސާލަމުން ބީނިޝް ބުނެލިއެވެ. “ނީޝް ހަދާން ހުންނަން ފެށީން ސުރެއްވެސް އުޅެމުންއައީ މާލޭގައި. އެކަމް މަންމަ އާއި ބައްޕަ އަކީ ރާއްޖެތެރޭ ދެމީހުން. ނީޝްގެ ކުޑަ އާއިލާ އާއިއެކު ނީޝް ދިރިއުޅެމުން އައީ ވަރަށް އުފަލުން. އާއިލާގައި ތިބޭނީ މަންމަ އާއި ބައްޕަ އާއި ދޮންތަ އާއި ދެން ނީޝް. ނީޝްގެ ހުންނާނީ ވަރަށް ސަކަ މިޒާޖެއް. އެހެންވީމަ ނީޝް އަށް ރައްޓިހިން ހޯދާކަށް އުދަގުލެއް ނޫން. ނީޝްއަށް ސާދަ  އަހަރު ވަންދެން އުޅުނީ އުފަލާ މަޖަލު ވަރަށް އެކުވެރި މާހައުލެއްގަ، އެންމެންގެވެސް ލޯބި ލިބިގެން. ނުލިބި ހުރީ ހަމައެކަނި މަންމަގެ ލޯބި. އަބަދުވެސް މަންމަ ހުންނާނީ ނީޝް ދެކެ ނުރުހިފަ. ހުރިހާ ކަމެއް ކޮށްދޭނީވެސް ދޮންތަ އަށް. އެކަމް އޭރު އެކަން ނީޝްބޮޑުކަމަކަށް ނުހަދަން. އެހާ ދެރައެއްވެސް ނުވޭ. އެއީ އެއަށް ވުރެއް ބޮޑަށް ދޮންތަގެ ލޯބި ލިބޭ. ބައްޕަގެ ލޯބި އިންތިހާއަށް ލިބޭ. ބައްޕަގެ ދުނިޔެއަކީ އަހަރެން ކަހަލަ. ނީޝްގެ ހުރިހާ ކަމެއް ކޮށްދެމުން އައީ ބައްޕަ. ބޮލުގަ ފުނާއެޅުމުން ކެއުމާ ހަމައަށް، އިސްކޫލް އަށް ގެންދިއުމާ ފިލާވަޅުތަށް ހަދައިދީ ނިދުމާ ހަމައަށް ހުރިހާ ކަމެއް ކޮށްދޭނީ ބައްޕަ. ބައްޕަ ނީޝްއަށް ދުނިޔެ އަކީ ކޮންކަހަލަ ތަނެއްކަން ބުނެދިން. ހެވާ ނުބައި ވަކިކޮށްދީ ކެތް ތެރިކަމާއެކު ދުނިޔޭގަ  އުޅޭނެގޮތް ދަސް ކޮށްދިން. ބައްޕަގެ ވަޒީފާގެ ގޮތުން ފަހުން ފަހުން އައިސް ބައްޕަ ގިނައިން ރާއްޖޭން ބޭރަށް ދާންޖެހުނު. އެދުވަސްތަކުގަ ނީޝްގެ ކަންތަށްތަށް ކޮށްދޭނީ ދޮންތަ. ބައްޕަ ނީޝްދެކެ ކިތަންމެ ލޯބިވިޔަސް ދުވަހަކުވެސް ދޮންތަ އާއި ދެމީހުންގެދެމެދުގަ ތަފާތު ކަމެއް ނުގެންގުޅޭ. އެހެންވެ އޭރުގަ ދޮންތަވެސް ވަރަށް ލޯބި ވާނެ. ނީޝްގެ ކަންތަށްތައް ކޮށްދޭނީ ބައްޕަވެސް […]

“މަހާއްކޮ މިފަހަރު ހީވަނި ވަރަށް ހާއްސަ މީހެއްގެ އިންޓަރވިއު ނަގަން އުޅޭހެން، އެހެންނާ އުޅޭވަރައްވުރެއް ބޮޑަށް މިފަހަރު އެބައުޅޭ ވިއްޔަ”. އަގައަށް ރޮށިކޮޅެއް ލަމުން މަހާގެ ދައްތަ މާހީ އަހައިލިއެވެ. “ޔެސްސްސް… ޝީއިޒް ރިއަލީ ސްޕެޝަލް”.. “އަސްލު ދޮނާ އަށް އިގޭތަ، ސްޕެޝަލް އަށްވުރެއްބޮޑަށް ތަފާތީ. ވަރަށް ތަފާތު ކުއްޖަކާ މިފަހަރު އިންޓަރވިއު ކުރަނީ. އެހެންނާ ރާއްޖޭގެ ކޮންމެވެސް މަޝްހޫރު މީހަކާނު މިއިންޓަރވިއު ކުރަނީ، އެކަމް މިފަހަރު މިއުޅެނީ  ޖަލުގަހުރި ކުއްވެރިއެއްގެ ވާހަކަގެނެސްދޭން”. މަހާ މިހެންބުނުމާއެކު ހިމޭން ކަމާއެކު ކަމުންދިޔަ އާއިލާގެ މެންބަރުން މަހާގެ ވާހަކައަށް ސަމާލުވެލިއެވެ. “ކުއްވެރިއެކޭ؟؟؟؟؟ ކަާކު؟؟ އެހެންނޫނަސް ކުއްވެރިއެއްގެ ވާހަކަ ކޮންތަފާތެއްވާނީ. ހުރިހާ ކުއްވެރިންގެވެސް އޮންނާނީ ސޭމްސްޓޯރީ އެއް. ކުށްކޮއްފަ އެކަން ފޮރުވަން ކޮންމެވެސް ބަހަނާއެއް ދަައްކާނެ”. ކުށްވެރިއެއްގެ ވާހަކަ ބުނުމާއެކު މާހާގެ ކޮއްކޮ ޖައިޝާން ބުނެލިއެވެ. “ޖައިއްކޯ.. ތިހެންބުނާކަށް ނުވާނެ. ކުޑާވެސް ފުރަތަމަ ތިހެން ހީކުރިން. އެކަމް އެކުއްޖާ ޖަލުގަ އުޅޭ ގޮތުގެވާހަކަ އަޑުއާހާފަ ކުޑާ އަށްވެސް އިގުނު އެކުއްޖާގެ ވާހަކަ ތަފާތުވާނެކަން. އެހެންވެ އެކުއްޖާގެ ވާހަކަ ގެނެސްދޭން ނިންމީވެސް. އެހެންނޫނަސް އެންމެން އެއްގޮތެއްނުވާނެ”. ޖައިޝާންގެ ބަހަށް ރައްދެއްދެމުން މަހާ ބުނެލިއެވެ. “ކާކު ދަރިފުޅަށްދިން ހިޔާލެއްތީ؟ އެކުއްޖާ ތަފާތުވި ގޮތެއް ނިކަން ބައްޕަ މެންނަށްވެސް ކިޔައިދީބަލަ”. ހިނިތުންވުމާއެކު އަހުސަނުވެސް އެކުދިންގެ ވާހަކައިގައި ބައިވެރިވެލިއެވެ. “މީ އަޅުގަނޑުގެ ފްރެންޑެއް ދިންހިޔާލެއް. އިގެއެއްނު ޕޮލިސް ނިޔާޒް، މިހާރު އޭނަ އެޅެނީ މާފުށީ ޖަލުގަ. އޭނަ މިހާރު އެތާންގަ އުޅޭތާ ޓޫ އެންޑް ހާފް އިޔާރސް ވެދާނެ. އޭނަ އެކުއްޖާގެ ވާހަކަ އަޅުގަނޑު ކައިރީބުނީ. ހަނދާންވޭތަ މީގެ ހަތަރު އަހަރު ކުރިން މިނިސްޓަރެއް މަރާލި ޒުވާން އަންހެންކުއްޖެއްގެ ވާހަކަ. އެކުއްޖާގެ ވާހަކަ މިދައްކަނީ”. މަހާ ބައްޕައަށް ބަލާލަމުން ބުނެލިއެވެ. “އާން.. ބައްޕަ ހަދާންވޭ. އެއީ މިނިސްޓަރ އަކުރަމް”. ހަނދާންވާފަދަ ގޮތަކަށް ބޯޖަހާލަމުން އިހުސާން ބުނެލިއެވެ. “ނިޔާ ބުނި އެއީ ވަރައްތަފާތު ކުއްޖެކޭ. މިހާ ދުވަސްވީއިރުވެސް ނުދެކެމޯ މީހުންނާ ޒުވާބު ކުރާ ތަނެއް. ވަރަށް މަޑުމަޑުންނޭ ބުނި ހުންނަނީވެސް. ނަމާދުކޮށް ޤުރުއާން ކިޔަވާ، އެތާންގަ ކުރަންދޭ ހުރިހާ މަސައްކަތެއް ބަރާބަރައްނިންމާ. އަބަދުވެސް ފޮތެއްހިފައިގެން އެކަނިއޯ ހުންނަނީ. އަދި ވަރަށް ހިތާމަ ކުރާތަން ފެނެއޯ އެ ފޮތައް ބަލާފަ. އެކަމް ގައިދީންނާއެކު އުޅޭއިރު ވާހަކަ ނުދެއްކިޔަސް މީހުންނަށް ބަލާލާނީވެސް ހިނިތުންވެ ހުރެއޯ. އަދި އެންމެ ހައިރާންވަނީ އޭނަ އެތާ އުޅޭ ގޮތުގެ ބިހޭވިޔާރ އަށް ބަލާފަ އޭނަޔަށް ފުރުސަތު ލިބުނޭބުނި މިނިވަންވާންވެސް. ނޫނިއްޔާ އޭނަގެ އުމުރު ދުވަހުގެ ހުކުމް އެއަށްވުރެއް ލުއި ކުރަންވެސް. އެކަމް އޭނަ ބޭނުމެއްނުވިއޯ. އެކަންވެސް ދޫކޮއްލިވާހަކަ ބުނީ”. ވަރަށް ޝައުގުވެރި ކަމާއެކު މަހާ އޭނާގެ ވާހަކަ ކިޔައި ނިންމާލިއެވެ. އޭރު އެންމެންވެސް ތިބީ ނާސްތާކޮއްނިމިފައެވެ. “ހޫމް.. އިންޓްރަސްޓިން އިގޭ. ގުޑްލަކް، އޭ މަހާއްކޯ.. ކޮންނަމެއްތަ އެކުއްޖާއަށް ކިޔަނީ”. ބަދިގޭން ނިކުންނަމުންދިޔަ މަހާއަށް ގޮވާލަމުން މާހީ އަހައިލިއެވެ. “ބީނިޝް”.. މަހާ މަޑުކޮއްލުމަށްފަހު ހަދާންކުރާ ގޮތަކަށް ލޯމަރާލާ ބޯހަލުވާލަމުން މަހާއަށް ޖަވާބު ދިނެވެ. އަދި އަނެއްކާވެސް އެތަނުން ނުކުތުމަށް ހިގައިގަތެވެ. ………………………………… މާފުށީ ޖަލުގެ ގޮޅިއެއްގެ ތެރޭ ފޮތެއް މޭގައި ޖައްސާލައިގެން ހިޔާލަކަށް ގެއްލިފައި އިން، އަންހެންކުއްޖާ ސިއްސައިގެންދިއައީ އެތަނުގެ ދޮރު ހުޅުވުނު ބާރު އަޑުފައްގަޑާ އެކުއެވެ. އޭރު އެތަނުގެ ޖަލު ބަލަހައްޓަމުންދާ، އިކްޒާ އާއި ނިޔާޒް އެތަނަށް ވަންނަނީއެވެ. “ބީނިޝް” ހިނިތުންވުމާއެކު އިކްޒާ އެކުއްޖާކައިރީގައި އިށީންނަމުން ގޮވާލިއެވެ. “ކިހިނެއް؟” އަނެއްކާވެސް އިކްޒާ ސުވާލުކޮށްލިއެވެ. “އަޅުގަނޑު ރަނގަޅު. އެހެންނާ ނާންނަ ގަނޑިޔަކުތިދުރުވީ އަނެއްކާ ކަމެއްދިމާވީތޯ؟” ބީނިޝް ވެސް ހައިރާންކަމާއެކު އިކްޒާއަށް ބަލާލަމުން ސުވާލުކޮށްލިއެވެ. “ނޫނޭ، ކަމެއްދިމާވީކީނޫން، މި އައީ ބީނިޝްއަށް ކަމެއް އަންގާލަން. މިއަދު ހަވީރު ބީިނިޝްއާ ބއްދަލުކުރުމަށް އަންނާނެ ކުއްޖެއް. އެހެންވެ ރެޑީވެހުންނާށޭ ބުނެލަންމިއައީ” އިކްޒާ މިހެންބުނުމުން ބީނިޝްގެ މޫނުމަތީގައިވާ ހައިރާންކަން އިތުރުވެގެން ދިޔައެވެ. “އަޅުގަނޑާތޯ؟ ކާކު އަޅުގަނޑާ ބައްދަލް ކުރަން އަންނާނީ” ހައިރާންކަމާއެކު އަމިއްލަމޭގައި ޝަހާދަތް އިގިލި ޖައްސާލަމުން ޤަބޫލް ނުކުރެވޭފަދަ ގޮތަކަށް ބީނިޝް އަހައިލިއެވެ. ވާނީވެސް އެހެންތާއެވެ، މިވީ ހަތަރު އަހަރު ދުވަސްތެރޭ ޖަލުގައި ހޭދަ ކުރީއިރުވެސް އެއްވެސް މީހަކު އެގޮތަށް އޭނާ އާއި ބައްދަލް ކުރަން އައިސްފައެއް ނުވެއެވެ. އަދި ބައްދަލު ކުރަން އަންނަވަރުގެ މީހަކު ނެތްކަން އިގޭތީވެސްމެއެވެ. “އަޅުގަނޑުގެ އާއިލާމީހެއްތޯ؟ އަޅުގަނޑުގެ ރަށުންތޯ؟” ހަމަ އެސިކުންތުގައި މޫނު މައްޗަށް އުފާވެރިކަންގެންނަމުން ބީނިޝް އިކްޒާގެ އަތުގައި ހިފާލަމުން އަވަސްއަވަހަށް އަހާލިއެވެ. …. ނުނިމޭ ….    

“މާރިޔަމް ބީނިޝް، މިނިސްޓަރ އަކްރަމް މަރާލިކަމަށް ސާބިތުވެފައިވާތީ، ގަސްދުގައި މީހަކު މަރާލި ކަމުގެ ހުކުމުގައި މަރިޔަމް ބީނިޝްގެ މައްޗަށް އުމުރުދުވަހުގެ ނިޔާ ކަނޑައެޅުމަށް ހުކުމް ކުރަމެވެ”. ކްރިމިނަލް ކޯޓްގެ ޤާޒީ އެންމެ ފަހުބަސް އަޑު އިވިގެން ދިޔައިރު، ބީނިޝް ހުރީ އިސްޖަހާލައިގެންނެވެ ބީނިޝްގެ ދެފަރާތުގައި ތިބި ދެ ފުލުހުން ބީނިޝް ގެންދިއުމަށްޓަކާ އޭނާގެ އަތުގައި ހިފައިގެން ހިގައިގަތެވެ. ފުލުހުންގެ ދެ އޮފިސަރުންނާއެކު ލަސްހިނގުމެއްގަ ދިޔަ ބީނިޝްގެ ފިޔަވަޅުތަކަށް ހުއްޓުމެއްއައީ، ކޯޓުގެ ދޮރުމަތީގައި ރުޅިވެރި ނަޒަރަކުން ބަލަމުންދިޔަ އޭނާގެ […]