އާޅެން މަގޭ މުދައްރިސް އިސްމާޢީލް ޢަލީ ކަނދޮޅުދޫ އޯގާތެރިކަމާއި،ކެތްތެރިކަމުގެ މާތްސިފަ ހުންނާނެއެވެ. ރުޅިމަޑުކަމާއި،ހިތްހެޔޮކަމުން ޒީނަތްތެރިވާނެއެވެ. މުސްތަޤްބަލްގެ ޗާޓު ކުރަހާލަ ދޭނެއެވެ. ކަޅާއިދޮނަށް ނުބަލައި، ހަމަހަމަކަމުގެ ސާލު ފަތުރާލަދޭނެއެވެ. އަދަބުދިނުމުގެ ބަދަލުގައި،ހެޔޮބަސްތަކުން ވެދުންކުރާނެއެވެ. މަސައްކަތަށް ފަޚުރުވެރިވާނެއެވެ. އުފާވެރިކަމާއި،ޝައުޤުވެރިކަމުގެ އިޙްސާސްވާނެއެވެ. މަޢުލޫމާތުގެ ޚަޒާނާ މުއްސަނދިކުރާނެއެވެ. ހުރިހާކަމެއްގައި ފުރިހަމަ ނަމޫނާ ދައްކާނެއެވެ. ޚިޔާލުތަނަވަސް ކުރުމުގެ ފުރުޞަތު ދޭނެއެވެ. ވާހަކަތައް އަޑުއަހައި،ޚިޔާލުފާޅުކުރުމުގެ ފެރުޞަތު ދޭނެއެވެ. ހިނިތުންވެތިބެ ކިޔެވުމުގެ ފުރުޞަތު ދޭނެއެވެ. ގުޅިގެން މަސައްކަތްކުރުމުގެ ރޫޙް ހުންނާނެއެވެ. ޤަވާޢިދުތައް ދަމަހައްޓަން މަސައްކަތް ކުރާނެއެވެ ތަރްޙީބާއި،އިނާމުދިނުމުގައި […]
އާޅެން ކުޅިވަރު އިސްމާޢީލް ޢަލީ ކަނދޮޅުދޫ ދުޅަހެޔޮކަމުގެ ކުރިފަޅައެވެ. ތާޒާކަމާއި ޒުވާންކަމުގެ ފެންލިބެއެވެ. ވާދަވެރިކަމުގެ ރޫޙް އުފައްދައެވެ. ހިތްވަރުކޮށްގެން ކާމިޔާބު ހޯދައެވެ. ހަމަތަކާއި،ޤަވާޢިދުތަކަށް ބޯލަނބަން ދަސްވެއެވެ. އުފަލާއި،ހިތްހަމަޖެހުން ގެނެސްދެއެވެ. ބަލިވުން ތަޙައްމަލު ކުރަން ދަސްވެއެވެ. ބުންވަރު އިތުރުވެ،ނަފްސު މަތަކުރެވެއެވެ. ގުޅިގެން މަސައްކަތްކުރަން ދަސްވެއެވެ. ރޭވުންތެރިކަމާއި،އިރްޝާދަށް ތަބާވެވެއެވެ. އުކުޅުތަކާއި،ހުނަރުތައް ކުރިއަރައެވެ. މަޝްހޫރުކަމާއި،މީހުންގެ ރުހުން ލިބެއެވެ. އެކުވެރިކަން އާލާވެ އެހީތެރިން ލިބެއެވެ. ޚިޔާލުތަކުން ދުރުކޮށްދީ ހަމަޖެހުން ގެނެސްދެއެވެ. ފޯރީއިތުރުވެ ޖޯޝް އުފެދެއެވެ. ލޯހުޅުވި މީހުންގެ ތަބީއަތު ހާމަވެއެވެ. ހެދޭ ގޯހުގެ […]
”ނޫން ނައީމް.. އެއްފަހަރު ވެސް ގުޅާބަލަ.. ފޯނު ނަގަދާނެއްނު.. ހެނދުނު ދިޔަ މީހަ ވިޔަ.. މިހާއިރު ވާއިރު އެދިޔަތަނަކުން އަންނަން ޖެހޭނުން.. އެހެންޏާ އެހާ ގިނަ އިރެއްނުވޭ ތަނަކަށް ދިޔަޔަސް..” ރޯޝީން ދިޔައީ ނައީމް ގާތުން އާދޭސްކުރަމުންނެވެ. އެންމެފަހުން ނައީމުއަށްވެސް ކެތްނުކުރެވިގެން ފޯނު ނަގައިފައި ފިއްތަކަށް އޮބައިލައިފައި ކަންފަތުގައި ފޯނުޖައްސާލިއެވެ. އެތަށް އިރަކު ރިންގް ވުމަށްފަހު ފޯނު ކެނޑުނީއެވެ. ފޯނަކަށް ޖަވާބެއެއް ނުލިބެއެވެ. ރޯޝީންގެ މޫނުމަތިން ފެންނަމުން ދިޔައީ މާޔޫސްކަމާއި އެއްވަރަށް ހިތާމަވެރިކަންވެސް މެއެވެ. ”ކޮބާ އަހަރެންގެ ދަރިފުޅު އާއިޒް؟ އަހަރެން ކިތައް ފަހަރު އައީމަތަ އެކުއްޖާ ވީ ތަނެއް ބުނާނި؟ ކަލޭމެންގެ ދަރިއާއި ހެދި އަަހަރެންނަށް […]
” އޯ ނޯ… ” ފާޚާނާއިން ނިކުން އަލޫފަށް އޭނަގެ ފޯނަށް ނަޒަރު ހުއްޓާލައިގެން އިން އީލާފް ފެނި ދެން ވާނޭ ގޮތް ހިތަށް އެރުމާއެކު ބުނެލެވުނެވެ. އޭރުވެސް އީލާފްގެ މޫނު މަތިން ކުރިންވެެސް ފެންނަން ހުރި ރުޅިވެރިކަން ފެންނަމުން ދެއެވެ. އަލޫފް ފެނުމާއެކު އީލާފް ކޮޅަށް ތެދުވިއެވެ. ” ވަޓް އީޒް ދިސް ދޮންބެ… ދޮންބެ… ދޮންބެ އުޅެނީ މިންހާ އާ ރައްޓެހިވެގެންތަ… ދޮގު ހެދީ ދޯ ދޮންބެ އަޅުގަނޑަށް… ” ރުޅި އައިސް ރަތްވެފައިވި […]
އައިކާއަށް ކަންބޮޑުވެފައި ބަލާލެވުނީ ކައިރީގައި އެވަގުތު އިން ޒޯހާގެ މޫނަށެވެ. ނަމަވެސް ޒޯހާގެ މޫނުމަތީގައި ނުތަނަވަސްކަމުގެ ކަނފުޅެއްވެސް ނެތެވެ. “ހަމަޖެހޭ.. އޭނަ އެއްވެސްކަމެއް ނުކުރާނެ އިކާއަށް އާދެބަލަ އަހަންނާއެކު..” އެވަގުތު ޖައިލަމް މަޑުމަޑުން އައިކާގެ ކަންފަތް ދޮށުގައި އެހެން ބުނުމާއެކު އަތުގައި ހިފައިގެން މިސްރާބުޖެހީ ދުރުގައި ހިނިތުން ވެފައި ބަލަންހުރި އާޔާ އާއި ދިމާއަށެވެ. ނުތަނަވަސް ވެފައިވާ ހިތަކާއެކު ނަމަވެސް އައިކާ ޖައިލަމްގެ ބަހަށް އިތުބާރުކޮށް ދިޔައީ ވެވިފައިވާ މަތިޭި ލޯތްބެއްގެ ސަބަބުންނެވެ. ********* މާހައުލުގައި ވެރިވެފައިވާ […]
”ކޮންތާކަށް ތި ދަނީ ދަރިފުޅާ؟” އިޔާން ކޮޓަރިން ނިކުމި އިރު ސޯފާގައި ނައީމު އިނީ ނޫހެއް ހިފައިގެން ކިޔާށެވެ. އަދި އިޔާން ފެނުމުން ތިދަނީ ކޮންތާކަށް ހޭ ސުވާލުކުރިއެވެ. ނަމަވެސް ނައީމު ކުރި ސުވާލަށް ޖަވާބު ދިނުމެއްނެތި ކުރިއަށް ބަލަމުން ދިޔައީއެވެ. އިޔާން ލޮލު ކޮޅަށް ގެއްލުމުން ނައީމުއަށް ދެ ފަރާތަށް ބޯހޫރުވާލެވުނީ އޭނާގެ ދަރިފުޅު އުޅޭ ގޮތުގެ ސަބަބުންނެވެ. އެދަރިފުޅަށް ވިސްނޭނީ ކޮން ދުވަހަކުން ބާވައެވެ. އެ އުޅޭ އުޅުން ދޫކޮށްލާނީ ކޮން ދުވަހަކުން ބާވައެވެ. މަގުމަތީގައި ހިނގާލިޔަސް އިވެނީ އޭނާގެ ދަރިފުޅުގެ ނުބައި ވާހަކައެވެ. ފިހާރައަކަށް ވަނިއަސް އިވެނީ ހަމަ އެ އަޑެވެ. ”ދަރިފުޅާ ލޫޝާން.. މަންމަ ބުނެފީމެއްނު ނުދާށޭ.. ރަނގަޅު ބަޔަކާއި އެއްކޮށެއް ނޫނޭ ތިދަނީ.. ދަރިފުޅުވެސް މިހާރު ތިހުރީ އެމީހުންނާއި ޖެހިގެން ހަލާކުވެފައި.. ރަނގަޅު އެކުވެރިން ހޯދަބަަލަ ދަރިފުޅާ.. ދަރިފުޅަށް ރަނގަޅަކަށޭ މިބުނަނި ނުދާށޭ.. ތި ބުނާ އިޔާން އަކީ މިރަށުގައި އުޅޭ އެންމެ ނުބައި އެކަކު.. ދާނި ކަމެއް ނެތް..” ރުހުޒީ އެތަށް ފަހަރަކު ކިޔަމުން އެ ދަނީ އޭނާގެ ދަރިފުޅުގެ ގާތުގައި އެ ދަތުރެއް ނުދިޔުމަށެވެ. ނަމަވެސް ލޫޝަން އަޑު އަހާނެ ހެއްޔެވެ؟ އެމީހުންގެ ސިކުނޑިވަނީ ޝައިޠާނާގެ ނުބައި ވަސްވާސްތަކުން ފުރާލާފައެވެ. ”މަ ބޭނުން ތަނަކަށް މަ ދާނި.. މަންމައަކަށް ނުބެހެވޭނެ.. މަށަށް ލިބޭނެ އެންމެ ރަނގަޅު އެކުވެރިން މަށަށް އެހުރީ ލިބިފައި.. އެއަށްވުރެ ރަނގަޅު އެކުވެރިންނެއް ދެން ނުލިބޭނެ މަށަކަށް.. މަގޭ އެކުވެރިންނާއި ދިމާއަށް ފާޑުފާޑުގެ އެއްޗެހި ނުކިޔާތި މީގެފަހުން..” ލޫޝަން އޭނާގެ މަންމައާއި ދިމާއަށް ބަލައިވެސް ނުލައެވެ. ހިތަށްއާހައި އެއްޗެއް މަންމައާއި ދިމާއަށް ކިޔަމުން ދިޔައިރު ހިތަށް ހަމަ އެކައްޗެއްވެސް ނާރަނީ ބާވައެވެ. އެހަށިގަނޑު ތެރޭގައި ހިތޭ މިކިޔާ އެއްޗެއްވެސް ނޯންނަނީ ހެއްޔެވެ؟ ”ތީ ކުރީގެ ލޫޝާން އެއް ނޫން.. ތީ ކުރީގައި ނަމާދު ކޮށް ޤުރްޢާން ކިޔަވައި މީހުންނަށް ހެޔޮކޮށްހިތި ލޫޝާން އެއް ނޫން.. ދަރިފުޅާ ކީއްވެ ތިހެން ތި އުޅެނީ.. މާތްﷲ އަށްޓަކައި ކުޑަކޮށްވެސް ހިތުގައި ބިރުވެރިކަމެއް ނެތީތަ.. މުޅި ދުވަސް އެއްކޮށް ތި ދުއްވާލަނި ރައްޓެހިންނާއެކީ… ތިހެން އުޅެން ހެޔޮވާނެތަ؟ ތިހެން އުޅެންތަ މަންމަ ދަރިފުޅަށް ދަސްކޮށްދިނީ.. ބައްޕައަކާއި ނުލައި ދަރިފުޅު ބަލާ ބޮޑު ކުރީ ކިހާ ލޯބިން.. ބައްޕަގެ ލޯބި އުނިވިއަކަ ނުދެން.. މަންމަމެން އެހާ ތަނަވަސް ނޫނަސް ދަރިފުޅު ބޭނުންވާ އެއްޗެހި ދަރިފުޅަށް ގަނެދިނިން.. އެވަރުން ވެސް ދަރިފުޅު މަންމައަތުން ވަގަށް ރުފިޔާ ނަގަނީ.. މަންމައަށް އިނގޭ އެކަން.. ކިތަންމެ ސިއްރުން ކަމެއް ކުރިނަމަވެސް ހުރިހާ ކަމެއް ދެނެވޮޑިގެންވާ އިލާހެއްވާކަން ގަބޫލުކޮށްބަލަ.. އޭގެ ބަދަލު ދޭންވީ ގޮތަކީ ތީތަ ދަރިފުޅާ.. މަންމައަތުގައި އެވަރަށް ރުފިޔާ ނެތީމައޭ ރުފިޔާ ނުދެނީ.. އެކަމަކު ބޭކާރު ގޮތުގައި ދަރިފުޅު މަންމައަށް ނޭނގޭ ގޮތަށް ވަގަށް ރުފިޔާ ނަގައިގެން ހޭދަކުރީ.. އިނގޭތަ؟ މަންމަ ކިތައް މީހުންނަށް ދަރަނިވެފައި ވާކަން.. ތިދަރިފުޅަށްޓަކައި.. ހަމައެކަނި ހުރި ދަރިފުޅަށްޓަކައި އަހަރެން މީހުން އަތުން ރުފިޔާ ނެގީ.. ތިދަރިފުޅުގެ އެދުންތައް ފުއްދައިދޭން.. އެކަމަކު… އެކަަމަކު ދަރިފުޅެއް އެކަމެއް ނުދަނޭ.. މަންމަ ދައްކާ ވާހަކައަށް ކޮންމެފަހަރަކުވެސް ދެނީ ބީރު ކަންފަތެއް.. މަންމަ ދަރިފުޅަށްޓަކައި ނުކުރަނީ ކޮން ކަމެއް.. ތީތަ މައިންބަފައިންނާއި މެދު އަމަލު ކުރަން ޖެހޭ ގޮތަކީ… ދަރިފުޅާ.. އަދިވެސް ވަގުތު އެބައޮތް.. ވަގުތުގެ ބޭނުން ހެޔޮ ގޮތުގައި ހިފާ.. ވެގުތު ބޭކާރު ކޮށްނުލާ.. ވަގުތަކީ އަބަދު ލިބޭނެ އެއްޗެއް ނޫން.. އިސްލާހުވޭ ދަރިފުޅާ.. ހެޔޮ މަގަށް އެބުރިއާދޭ ދަރިފުޅާ.. މަންމައަށްޓަކައި.. ދަރިފުޅު ނުހަނު ލޯބިވި ބައްޕައަށްޓަކައި.. ހެޔޮނުވާނެ ދަރިފުޅާ..” ރުހުޒީއަށް ހަމަ ރަނގަޅަށްވެސް ރޮވިއްޖެއެވެ. އެމައިމީހާގެ ހިތަށް ހާދަ އަސަރެއްކުރާނެއެވެ. ނުހަނު ގިނަ ހުވަފެންތަކެއް އެދަރިފުޅަށްޓަކައި ދެކުނު ރުހުޒީގެ ހިތް އެވަނީ ހަލާކުވެފައެވެ. ކުދިކުދިވެފައިއެވެ. ހުރި އެންމެ ދަރިއެއްގެ ސަބަބުންނެވެ. ކުރީގައިވެސް ކަންތައްކުރާ ގޮތަށް ލޫޝާން ދިޔައީ ރުހުޒީ ދެއްކި ވާހަކަތަކަށް ބީރު ކަންފަތެއްދީފައެވެ. ބަލާވެސް ނުލައެވެ. އެމައިމީހާ ރޮއިރޮއި އިންދައެވެ. އާދޭސްކޮށްކޮށް އޮއްވައެވެ. ”ކޮބާތަ ލޫޝާން؟ ގުޅާ ގުޅާ ފޯނުވެސް ނުނަގައި.. އޭނާގެ އިންތިޒާރުގައި ކޮންއިރެއް މިހާރު މިތާ އިންނަތާ..” އާއިޒް ޝަކުވާކޮށްލިއެވެ. […]
މިންހާމެނަށް ދަތުރު ދާން ހަމަޖެހިފައިވި މަންޒިލަށް ދެވުމާއެކު އެތަނުގެ ރީތިކަމުން އެންމެ ފުރަތަމަވެސް އެތަން ވަށާއިގެން ނަޒަރެއް ދެވުނެވެ. ހުދު ކުލައިގެ ބޮޑު ފަސްގަނޑާއި ސާފު ބިއްލޫރިކޮޅެއްފަދަ ރީތި މޫދު ފެނުމުން ކޮންމެ މީހެއްގެ ތުންފަތަށްވެސް ހިނިތުންވުމެއް ވެރިވިއެވެ. ބިޔަކޮށް ހެދިފައި ގަސްތަކުން ބޮޑު ހިސާބަކަށް ހިޔާ އެޅިފައިވާއިރު މައިޝާ އާއި ނަޝްފާ މަޝަނަކުން ފަތްތަކާއި ގާތައް އެއްފަރާތްކޮށް ރީތިކުރަން ހަރަކާތްތެރިވަމުން ދެއެވެ. އެހެން މީހުން އެއްޗިހިތައް ގެނެސް ހެދުމުގައި އުޅެއެވެ. ” އޭ ހެލޯ… ދެމީހުން […]
”އޭ.. ދީބަލަ ސިނގިރޭޓެއް..” ޔުނިކް ފުޑްގެ ހިތްގައިމު މާހައުލުގައި އިޔާން އިށީންދެލައިގެން އިނީ އޭނާގެ ރައްޓެހިންނާއެކު ކޮފީއެއް ބޯލައިށެވެ. ”އަން.. މިއޮތީ..” ޝިބާން އޭނާގެ އަތުގައި އޮތް ސިނގިރެޓް ފޮށިން ސިނގިރޭޓެއް އިޔާން އަށް ދިއްކޮށްލިއެވެ. ”އޭ.. ދާން ހިނގާ.. މިހާރު ކޮފީ ބޮއެ ވެސް ނިމުނީނު… ލޫޝާން.. ކައެ ރުފިޔާ ދައްކާ.. މަ އަތަކު ނެތް އެކައްޗެއްވެސް..” އިޔާން ފޯނަށް ނަޒަރު ހުއްޓައިލައިގެން އިނދެ ބުނެލިއެވެ. ”ކައެ އަތުގަ ދުވަހަކުވެސް ރުފިޔާ ހުރޭތަ؟ ނިކަން ކައެ މަންމަ އަތުން އަތުލަބަލަ.. މަވެސް މަންމަ އަތުން ވަގަށް ރުފިޔާ ނަގަނި… އޭނާ ނުދޭނެ ދޭން ބުނެފިއްޔަކާ.. ވަރަށް ފޮނި ވާނެ.. މަ ވަރަށް ފޫހިވެސް ވޭ އޭނާ ދެކެ.. ރުފިޔާ އެއް ދޭށޭ ބުނާއިރަށް ފަތިވަރު ދަމަން ފަށާނެ.. ހުވާ.. ރުޅިގަނޑު ހިފަހައްޓާލެވެނި ހަމަ ކިރިޔާ..” ލޫޝާން އަނގައަށް ޖައްސަމުން ދިޔަ ވައްތަރުގެ ސަބަބުން އިޔާން އާއި ޝިބާން އިނީ ހީހީ ބަނޑަށް ތަދުވެފައެވެ. ”ކައެ ވެސް ތހާ ވަރަށް ފަތިވަރު ނުދަމަ އަންނަން ވީ ދާން..” އިޔާން ގޮނޑިން ތެދުވެލައިފައި މޯޅިއަކަށް ދެމިލިއެވެ. ލާފައިވާ ޖިންސު ހުރީ އުނަގަނޑުން ވެއްޓޭ ނުވެއްޓޭ ހިސާބުގައިއެވެ. އަދި ލައިފައިވަނީ ގަޔަށް ދޫ ކަޅުކުލައިގެ ބޮޑު ޓީޝާޓެެކެވެ. އިސްތަށީގަނޑެކޭ ބޮޑު ނޫޑުލީސް ގަނޑެކޭ އެއްވެސް ތަފާތެއް ނެތެވެ. ކަރުގައި ބޮޑެތި ޗޭނުފަށްތަށް އޮޅާލައިފައިވާ އިރު އަތުގެ އިނގިލިތަށް ވެސް ވަނީ ރިހި ކުލައިގެ އަނގޮޓިތަކުން ފުރައިލައިފައެވެ. ދުވަހަކު ފެން ވެރި ހެން ވެސް ހީނުވެއެވެ. ލޫޝާން އަދި ޝިބާން ވެސް ހުރީ ހަމަ އެގޮތަށެވެ. އެ ތިން މީހުން ވެސް ވައްތަރީ ޕާޓޭންނާއިއެވެ. ޔުނިކް ފުޑްގެ ދޮރުމަތީގައި ހުރި ތިން ސައިކަލަށް އަރައި ތިން މީހުންވެސް ދުއްވާލިއެވެ. ބާރު ސްޕީޑްގައި ތިން މީހުންވެސް ގޮސް މަގުގެ ކޮޅަށް އޮބައިލީ ސިކުންތެއްގެ ތެރޭގައިއެވެ. ”ކޮންތާކުން ތިއައީ އިޔާން.. އެއޮށް މިހާރު މެންދަމު ދޭއް ޖަހަނީ.. ކޮން އިރެއް މިހާރު މަންމަ އިޔާންގެ އިންތިޒާރުގައި އިންނަތާ..” ރޯޝީންއަށް އިޔާން ފެނުމާއިއެކު އޭނާ އިށީންދެލައިގެން އިން ގޮނދިން ތެދުވެ ގޮސް އިޔާންގެ ކުރިމައްޗަށް ހުއްޓިލިއެވެ. ”ކަލެއަށް ކީއް މަ ކޮންމެތާކު އުޅުނަސް.. ކަލޭ އާއި ބެހޭ ކަމެއް ނުން އެއީ.. އަދި.. ކާކު ބުނެގެން މަގޭ އިންތިޒާރުގަ އިނީ.. ހަމަގައިމުވެސް މަނުބުނަން ކަލޭ ކައިރިޔަކު މަ އަންނަންދެން މިތާ އިންނާކަށް ވަގުތުތަށް ގުނާކަށް..” އިޔާން ދިޔައީ އޭނާގެ މަންމައާއި ދިމާއަށް ހަޅޭއްލަވަމުންނެވެ. އުފަން މަންމަކަން ވެސް ހަނދާން ނައްތާލާފައިވާ ކަހަލައެވެ. ”އިޔާން! ތީތަ މައިންބަފައިންނާ މުހާތަބު ކުރަން ޖެހޭ ގޮތަކީ؟.. ތީތަ އަހަރެމެން އިޔާން ތަރުބިއްޔަތު ކުރި ގޮތަކީ؟.. ތިހެން ވާހަކަ ދައްކަންތަ އަހަރެމެން އިޔާން އަށް ދަސްކޮށްދިނީ؟ ނޫނީ ސްކޫލުންތަ އިޔާން އަށް ތިހެން އުޅެން ދަސްކޮށްދިނީ؟ ބަލާބަލަ ހުރި ވައްތަރު.. ދުވަހަކު ފެން ވެރި ވައްތަރު ނުޖަހާ.. ބުނެބަލަ އެންމެ ފަހުން ބޯކޮށި ދުވަހެއް؟ އެންމެ ފަހުން ނަމާދެއް ކުރި ދުވަހެއް؟ ދުވާލުދާ ހަތަރުދަމު ރައްޓެހިންނާއިއެކު މުޅި ރަށް ކުޑަ ކުރުމުގަ.. އުފަލާއި މަޖަލުގަ.. ތީތަ އުޅެން ޖެހޭ ގޮތަކީ؟ ތީތަ މުސްލިމުން އުޅެން ވީ ގޮތަކީ؟ ދަރިފުޅާ އިޔާން ވަގުތު ފާއިތުވުމުގެ ކުރިން ތި އުޅުން ދޫކޮށްލާ.. ވަގުތެއް އަހަރެމެން ފަހަތަކުން ނުދުވާނެ.. އަހަރެމެން ޖެހޭނީ ވަގުތުގެ ފަހަތުން ދުވަން.. އިސްލާހުވޭ ދަރިފުޅާ.. ތި އުޅުން ދޫކޮށްލާ ދަރިފުޅާ..” ނައީމު ދިޔައީ އިޔާން އަށް ވިސްނައިދިނުމުގެ ގޮތުން ވާހަކަދައްކަމުންނެވެ. އެއަޑުގައި ހަރުކަށި ކަމެއްވެސް ހުއްޓެވެ. އަދި މަޑު ތުރުތުރެއްވެސް ހުއްޓެވެ. ހަމައެކަނި ހުރި ދަރި ނުބައިކޮށް އުޅެން ދޫކޮށްލާނީ ކާކު ހެއްޔެވެ؟ ނަމަވެސް އިޔާން އަށް ކަހައިރުވަކު ދަނބެކޭވެސް ހީނުވެއެވެ. އެކީ އެއްވެސް އެއްޗެއް އޭނާ އަޑު އެހި ހެންނެއް ހިޔެއް ނުވެއެެވެ. ”ކަލޭމެންނަކަށް ނުޖެހޭ މަ އުޅޭ ގޮތް ބަލާކަށް.. މަ އުޅެން ވީ ގޮތް އިނގޭނީ މަށަށް.. ކަލޭމެންނަކަށް ނޫން.. މަ އަމިއްލަ ކަންތަކަށް އަނގަ ނުބާނާތި.. މަށަށް މިހެން އުޅެން ދަސް ކޮށްދިނީ ތިހިރި ފެންނަ އަންހެނާ..” އިޔާން އަށް އެހެން ބުނެވުމާއިއެކު އޭނާގެ ކޯތާފަތަށް ހޫނު އެތިފަހަރެއް އެރިއެވެ. ވީ ތަދުން އޭނާއަށް ކޮލުގައި އަތް އަޅައިލެވުނެއެވެ. އަދި އެތަނުގައި ނުހުންނަން ވެގެން ސިޑީގެ ހަރުފަތްތަށް ގިރާކުރަމުން ބާރަށް ދުވެފައި ގޮސް އޭނާގެ ކޮޓަރިއަށް ވަނެ ބާރަށް ދޮރުޖަހައިފައި ތަޅުލިއެވެ. އިޔާން ދިޔަތަން ބަލަން ނައީމު އަށާއި ރޯޝީންއަށް ހުރެވުނީ ފެންކަޅިވެފައިވާ ދެލޮލުންނެވެ. ”ނައީމު.. އަހަންނަށް މަޢާފު ކުރޭ.. އަހަރެންގެ ސަބަބުން ހުރި ހަމައެކަނި ދަރިފުޅު ހަލާކު ވީ.. އަހަރެންގެ ސަބަބުން… އަހަރެންނަށް މަޢާފު ކުރޭ…” ރޯޝީންއަށް ބާރަށް ރޮއި ގަނެވުނެވެ. އަދި ނައީމްގެ ގައިގައި ބާރަށް ބައްދާލެވުނެވެ. ”ރޯޝީން.. އަހަރެން ރޯޝީން އަށް މަޢާފުކުރިތާ ކޮން ދުވަހެއް.. ރޯޝީން މިހާރު އޭރު އުޅުނި ގޮތް ދޫކޮށްލާފީމެއްނު.. ވަގުތު ފާއިތުވުމުގެ ކުރިން ތައުބާ ވެއްޖައީމެއްނު.. އަަހަރެމެންނަށް ދެން ޖެހޭނީ ހުރި ހަމައެކަނި ދަރިފުޅަށް ހެޔޮވިސްނުން ދެއްވާތޯ ދުޢާ ކުރަން.. އެނޫން ގޮތެއް ނެތް އަހަރެމެންނަކަށް.. ދުޢާ އަކީ މުއުމިނުންގެ އެންމެ ބާރުގަދަ ހަތިޔާރު.. އެކަލާނގެ އަހަރެމެން ކުރާ ދުޢާ ކޮންމެވެސް ދުވަހަކުން އިޖާބަ ކުރައްވާނެ.. އަހަރެމެން ވީ ހުއްޓާނުލާ ދުޢާކުރަން.. ރޯޝީން އަށް އެނގޭތަ އަހަރެންވެސް ހާދަ ދުޢާއެއް ކުރީމޭ ރޯޝީން އަށް ހެޔޮ ވިސްނޭތޯ.. އެންމެ ފަހުން މާތްﷲ އަހަރެންގެ ދުޢާ އިޖާބަ ކުރެއްވީ.. އަލްހަމްދުލިއްލާހް.. އަހަރެމެންގެ ދަރިފުޅަށް ވެސް އަދި ހެޔޮ ވިސްނޭނެ.. އަހަރެމެން ގާތުން މައާފަށްވެސް އެދޭނެ.. ކުރެވުނު ކުށަށް ތައުބާވެސް ވާނެ.. އިންޝާﷲ..” ނައީމު އޭނާގެ ލޮލުން ވެއްޓެން އައި ކަރުނަ ބޮޑުވާ އިނގިލިން ފޮހެލިއެވެ. އަދި ރޯޝީންގެ ކޯތާފަތުގައި ރޮގަކަށް ދެމިގެން އައިސްފައި ހުރި ކަރުނަތަށް ވެސް ފޮހެލަދިނެވެ. ”ދެން ހިނގާ ނިދަން ދާން.. އަހަރެންނަށްވެސް ހޭލެވުނި އިޔާން ބާރަށް ވާހަކަ ދެއްކި އަޑަށް..” ދެން ވެސް ވާހަކަ ދެއްކީ ނައީމުއެވެ. **** އިމާރާތްތަކުގެ ދޭތެރެ ދޭތެރެރިން ފޫއަޅުވައިލައިފައި އިރުގެ ރަން ދޯދިތަށް އައީ ހާލާއި ކޮވެލީގެ ރީތި މިޔުޒިކީ ރާގު އަޑު އަހަމުންނެވެ. ހެނދުނުގެ ހިތްގައިމު ވަގުތުގައި ދޫނިސޫފާއި ސޫފީގެ އަޑު ފިޔަވައި އިތުރު އަޑެއްނީވެއެވެ. އުޑުމަތީގައި އެންމެ ވިލާ ރޮއްޖެއްހާ ހިސާބުވެސް ނެތެވެ. މަންޒަރުފެންނަ މީހެއްގެ ހިތްތަށް ކަތިލާހާވެއެވެ. އެހައިވެސް ފުރިހަމައެވެ. ހިތްގައިމެވެ. ގުދުރަތީ ރީތި މަންޒަރެކެވެ. އެ ހިތްގައިމު ވަގުތުން އުފާ ހޯދުމުގެ ބަދަލުގައި ރޯޝީން އުޅުނީ ހެނދުނުގެ ނާސްތާ ތައްޔާރުކުރުމުގައި އަވަދިނެތިއެވެ. ”މިހާރުވެސް ބަނޑު ފުރިއްޖެ..” ނައީމުގެ ނޭފަތުގައި ކާއެއްޗެހީގެ މީރުވަސް ޖެހުމާއިއެކު ބޭއިޚްތިޔާރުގައި ބުނެވުނެވެ. ”އެހެންތަ؟ އެހެންނާ މޭޒުމަތިން ކާއެއްޗެހި ނަގަން ވީ ދޯ؟” ރޯޝީން އޭނާގެ މޫނުމަތީގައި ހުރި ދާތިކިތަށް ފޮހެލިއެވެ. ”ނޫނޭ.. އެހެން ނުހަދައްޗޭ..” ނައީމު އައިސް ގޮނޑިއެއް ދަމާލައިފައި އިށީންދެލިއެވެ. އަދި ރޯޝީން ގާތު އިޔާން އަށް ގޮވަންދާށޭބުނެލިއެވެ. ”ދަރިފުޅާ އިޔާން.. އާދޭ ސައިބޯން.. މަންމަ މިއަދު ހުންނާނި ދަރިފުޅާށް އެންމެ މީރު އެއްޗެހި ހަދާފަ.. ދެން ތެދުވެގެން އާދެބަލަ.. ބައްޕަވެސް އެބައިން…. އަވަސް ކުރޭ…ތެދުވޭ..” ރޯޝީން އިޔާންއަށް ގޮވަމުން ދިޔައީ ނުހަނު ލޯބިންނެވެ. ރޭގައި އިޔާން އޭނާއާއި ވާހަކަ ދެއްކި ގޮތް ހަނދާންވެސް ނެތްކަހަލައެވެ. ”ބޮޑު ކަމެއްނު.. މީހަކަށް ނިދާލެވޭކަށް ވެސް ނެތެއްނު ކަލޭގެ ކަންތަކާއި ހެދި… އަދި މާ ލޯބިވާ މީހަކަށް ހެދިގެން އެބަ އުޅެއެއްނު.. ދަރިފުޅާއޭ ކިޔާފަ މަށަށް ނުގޮވާތި.. މަމީ ކަލޭ ދަރިއެއް ނޫން.. މަ ނޫޅެން ކަލޭ ކައްކާފަ ހުންނަ އެއްޗެހި ނުކެވިގެންނެއް.. މަ ކުރިމަތިން ދާން އުޅޭ… މިހާރު މިކޮޓަރިންވެސް ނިކުމޭ..” އިޔާން ދިޔައީ އޭނާގެ އުފަން މަންމަ އާއި ދިމާއަށް ހިތުހުރިހާ އެއްޗެއް ގޮވަމުންނެވެ. ”ދަރިފުޅާ.. މަންމައަށް މަޢާފުކުރޭ.. މަންމައަށް އޭރު އުޅެވުނި ގޮތުން މިހާރު ދެރަވެސް ވޭ.. އިނގޭ މަންމަ އާއި ހެދިކަން ދަރިފުޅު ހަލާކު ވީ.. މަންމައަށް މަޢާފު ކުރޭ.. މަންމަދެން ދުވަހަކުވެސް އެގޮތަކަށް ނޫޅޭނަން..” ރޯޝީން ދިޔައީ ގިސްލަގިސްލާފައި ރޮމުންނެވެ. ދަރިއަކު މައިމީހާއާއި ދިމާއަށް ހިތުހުރިހާ އެއްޗެއް ގޮވާއިރު ކެތް ވާނީ ފަހެ ކިހިނެއް ހެއްޔެވެ؟ އެ މައިމީހާގެ ލަގޮނޑި އަށް ކެތްވާނެ ހެއްޔެވެ؟ ”ކޮންމެހެން މަށަށް ދައްކަން ތި ކަރުނަ އެތި ބާލާނެ ކަމެއް ނެތް.. މަ ހިތަށް ނާރާނެ އެކައްޗެކޭވެސް… ދުވަހަކުވެސް އަހަރެންގެ މައާފެއް ކަލޭ އަކަށް ނުލިބޭނެ.. ހިތަށްވެސް ނާރުވާތި ލިބޭނޭ.. މިތަނުން ނިކުންނާށޭ..” އިޔާން އަދިވެސް ހުއްޓާކަށް ނޫޅެއެވެ. ރޯޝީން ކޮތަރިން ނިކުންނަން ނޫޅުމުން އެންމެފަހުން އިޔާން ގޮސް ރޯޝީން އެކޮޓަރިން ނެރުނެވެ. ކޮށްޕަމުންނެވެ. ރޯޝީން ރޮއިރޮއި އޮއްވައެވެ. ރަހުމުގެ ކަންފުޅެއްވެސް ނެތެވެ. އިޔާންގެ ބާރު އަޑަށް ކޮޓަރި ދޮރުމައްޗަށް ގޮސް ހުއްޓުނު ނައީމު އަށް ސިހުން ލިބުނީ އޭނާގެ ކުރިމައްޗަށް އިޔާން ރޯޝީން ވައްޓާލީމައެވެ. މައިމީހާއަށް އެހެން ހަދަން ހެޔޮވާނެ ހެއްޔެވެ؟ ރޯޝީން ތަޅުންގަނޑު މައްޗަށް ވައްޓާލާފައި އިޔާން އޭނާގެ ކޮޓާރީގައި ދޮރު ޖަހައިފައި ތަޅުލިއެވެ. ނައީމުއަށް ހުރީ ބުނާޏެ އެއްޗެއް ނޭނގިފައިއެވެ. އިޔާން އެހާ ރަހުމު ކުޑަވާނެ ހެއްޔެވެ؟ ކޮންމެ ގޮތެއްވިޔަސް އޭނާގެ ލޮލަށް އެފެނުނީ ހަގީގަތެވެ. ހުރި ހަމައެކަނި ދަރިފުޅުގެ ނުބައިކަމެވެ. ނައީމު އަވަހަށް ރޯޝީން ނަގައި އެތަނުން ދާން ހިނގައިގަނެވެ. ”އިޔައްޓޭ.. އަދިވެސް ނުހޭލެވޭތަ؟ ހޭލަބަލަ މިއުޅެނީ ދަތުރު ދާން.. ދާނަންތަ؟ ވަރަށް މަޖާވާނެ.. ދާނަން ދޯ؟” ޝިބާން ވާހަކަ ދައްކަމުން ދިޔައީ ވަރަށް ފޯރީގައިއެވެ. […]
ޕާޓީ ނިމުނުއިރު އެންމެންވެސް ތިބީ ނުހަނު ވަރުބަލިވެފައެވެ. ކޮންމެ މީހަކުވެސް ބޭނުންވީ ގެއަށް ގޮސް ތާޒާވެލައިގެން އަވަހަށް ނިދާލުމަށެވެ. މިންހާވެސް ގެއަށް ވަދެ އޭނަގެ ކޮޓަރިއަށް މިސްރާބުޖެހިއެވެ. ކޮޓަރިއަށް ވަދެ ދޮރު ޖަހާ ތަޅުލުމަށްފަހު ޓްރެސިން ޓޭބަލްގެ ކުރިމަތީގައި ހުއްޓި ހުރެ ޝޯލްގައި ޖަހާފައިވި ޕިންތައް ނަގަން ފެށިއެވެ. މަޑުމަޑުން ފަހަރަކު ޕިނެއް ނަގަމުން ދިޔަ މިންހާ ހުރީ ޚިޔާލަކަށް ގެއްލިފައެވެ. އޭނަގެ ޚިޔާލުގައިވީ މިރޭ އަލޫފް އާއެކު ހޭދަކުރެވުނު އުފާވެރި ވަގުތުކޮޅެވެ. އެހަނދާންތައް އާވަމުން ދިޔައިރު […]