ލޯބި

“އައިހަމް ތީ  މި ސްކޫލް މިދިޔައަހަރު ނިންމި ކުއްޖަކަށް ނުވިޔަސް ދޮންތައާއެކު ޕާރޕޯމްކުރާތީ ޗާންސްް ލިބޭނެ.” ލިބާން އެކަށް ޔަގީންކޮށްދިނެވެ. “ސޯ މާދަމާ 9 އަށް  އަހަރުން ގެއަށް ދެމީހުން އަންނައްޗޭ! ޑޯންޓް ބީ ލޭޓް އިނގޭ! އިހަށް ދެން އަހަރުމެން ދަނީ އިނގޭ ބާއި ގާއިސް.” އެކުވެރިންނާއެކު ހިތްހަމަޖައްސާލުމަށް ވަގުތުކޮޅެއް ހޭދަކޮށްލުމަށްފަހު އިޝްރާއާއި އައިހަމް ގެއަށް ދާން ނިކުތެވެ. ގެއާއި ދިމާލަށް މިސްރާބުޖެހިވަގުތު އިޝްރާ އައިހަމްއާއި ވާހަކަދެއްކީ މާދަމާރޭގެ ޝޯއާއި ގުޅޭގޮތުން ސަމާލުވަންޖެހޭ ބައެއް ކަންތައް ހުރުމުންނެވެ. ” އައީ! އހަރުން ސްކޫލްގައި ބައެއް ގާލްސް ނިކަން އޯވަރ ވާނެ. ސޯ ބެޓަރ ޓު ޕްރެކްޓިސް މޯރ ސޯންގްސް. އައިމީން ލައިކް ސޯލޯ ސޯންގްސް. ސޯ ދެޓް ޔޫ ވިލް ބީ ރެޑީ ފޯރ އިޓް އީވެން އިފް ޔޫ ހޭޑް ޓު ޕާރފޯމް. ހެހެ. އައެމް ސޭއިންގް ތިސް ބިކޯޒް ދެއާރ އިޒް އަ ހައި ޕޮސިބިލިޓީ އޮފް ތިންގްސް ހެޕެނިންގް ލައިކް ދެޓް ވިތް ޔުއަރ ސުޕަރ ސިންގިންގް.” ވާހަކައިގައި ހުއްޓާ ހިސާޕަކު ގެއަ ހިސަބަށް އަދެވުމުން އިޝްރާް މިސްރާބު ޖެހީ ކާގެއާ ދިމަލަށެވެ. ޔަގީނުންވެސް މިގަޑީގައި އެންމެން އުޅޭނީ ކާގޭގައި ކަމަށް ވާތީއެވެ. އެއާއެކު އައިހަމް ސިޓިންރޫމަށް މިސްރާބު ޖެހިވަގުތު އިލްފް ގޮވައިގެން އިޒާން އުޅޭތަން ފެނުމުން އިލްފްއައިއެކު ސަކަރާތް ޖަހާލަން އައިހަމް އުޅުނެވެ. އޭނާ ކުޑަކުދިންދެކެ އިންތިހާއަށް ލޯބިވާތީ ގަތުގައި ކުޑަކުއްޖަކު ހުރެއްޖެނަމަ ކިތަންމެ ގިނައިރަކުވެސް އޭނަ ފޫހިކަމެއްނެތި އުޅެފާނެއެވެ. “ޒާން! އައިކޮ! އިލްފް ގޮވައިގެން އާދޭ ކާން!” ކާގޭގައި ހުރެފައި އިޝްޔާ ގޮވާލުމުން އައިހަމް އިލްފް އުރާލައިގެންހުރެ ކާގެއަށް ދިޔައެވެ. އެވަގުތު ކާއެއްޗެހީގެ ވަސް ދުވުމުން އައިހަމްއަށް ބަނޑުހައިކަން އިހުސާސްވިއެވެ. “ހަދަ ބަނޑުހައޭ! މި އިޝްއާ ހެދި ރަނގަޅަށް ކައިވެސް ނުލެވި މިއުޅެނީ.” ނިކަން ވެލާފައި އިޝްރައާއި ދިމާލަށް އެހެން ބުނެލުމުން އަިހަމްގެ ބޮލަށް އެރީ އިޝްރާގެ އަތުގެ ހޫނު ހަމަލައެކެވެ. ވީތަދުން އައިހަމްއަށް ބޮލުގައި އަތްއަޅައިލެވުނެވެ. “ދެން ތަދުވީއޭ ނުބުނާތި! އިޝްއެއް ނުހިފަހައްޓަން އައީ ކެޔަ ނުދީއެއް. އެއީ އިޝްގެ މައްސަލައެއް ނޫން އައީ ނުކައި ހުރުމަކީ އިނގޭ!” ގޮނޑި ދަމާލާފައި އިށީންނަމުން އިޝްރަ އައިހަމްއަށް ބުނެލީ އަދި ބޮލުގައި ފުއްޓަތްކެއްވެސް ޖަހާލާފައެވެ. އެވަގުތު ކާމޭޒުކައިރީގައި ތިބި އެންމެންގެ ހިިނިގަނޑުވެސް ފަޅައިގެން ދިޔައެވެ. “އާނ މަންމާ! އަދި ހަނދާންނެތިފައއޭ މިހިރީ! ބުނީމެއްނު ދޯ މާދަން ރޭ ޝޯއެއް އޮންނަ ވާހަކަ ދޯ! އެޝޯގައި ލަވަކިޔަން އިޝްއާއި އައީއަށް ފުރުސަތު ލިބިއްޖެ. ވަރަށް ކުއްލި ގޮތަކަށް ވީމަ މާދަމާ ހެނދުނު 9 ޖަހައިރު ލުބޫއާއި ބާންއާއި އަންނާނެ މިގެއަށް ޕްރެކްޓިސް ކުރަން. ލުބޫއަށްވެސް ފުރުސަތު ލިބުނު. ބާން މިދިޔަ އަހަރު އެންޓަރޓެއިންމެންޓް ކްލަބުގެ ކެޕްޓަނަށް ވީމައި މި ޗާންސް އިޝްމެނަށް އަސްލު މި ލިބުނީ. ހަގީގަތުގައި އައީ މަގޭ ކޮއްކޮއަކަށް ވީކަމުން އައީ ވަރަށް ނަސީބުގަދަ. މި ޝޯގައި ޕާރފޯމްކޮށްލަ އައީގެ މަޤްބޫލުކަން އިތުރުކޮށްލެވޭނެ ފުރުސަތެއް އައީ އަށް ތި ލިބުނީ މަގޭ ސަބަބުންނޭ ބުންޏަކަސް ދޮގަކަށް ނުވާނެ. ހެހެ!” ހިނިގަނޑެއް ޖަހާލަމުން އިޝްރާބުނެލި ގޮތުން އެންމެން ގާތަށްވެސް ހިނިއައެވެ. “އާނ ދެން އެހެންވީމައި މާދަމާ އަހަރުންނަށް މައްޗަށް އެރުން މަނާވީ ދޯ!” ހެމުން ހެމުން އިޒަން އެހެން ބުނެލީ އެންމެފަހުންފަހަރު އިޝްރާ، ލުބްނާ އަދި ލިބާން ސްކޫލް ލަވަ މުބާރާތަށް ޕްރެކްޓިސްކުރަން ތިއްބާ އިޝްރާގެ ފޮތެއް ބަލާ އެކުލާސް ކުއްޖަކު އައުމުން އެވާހަކަ ބުނަން އޭނަ މައްޗަށް އަރައިގެން އިޝްރާ އޭނާއަށް ކޮއްލި ވަރު ހަނދާންކޮށްލަމުންނެވެ. “އާނ! މާދަމާ 9 ގެ ފަހުން މަންމައާ ދޮންތައާ ދޮންތަބޭ އަދި އިލްކޮއަށް އިޝްމެން ޕްރެކްޓިސްކޮށް ނިމުމުގެ ކުރިން މައްޗަށް އެރުން މަނާ! އިޝްމެން ޕްރެކްޓިސްކޮށް ނިމޭ ފަހުން މައްޗަށް އެރިއަކަސް މައްސަލައެއް ނެތް!” ފަހަރަކު މީހަކާއި ދިމާލަށް ވަކިވަކިން ބަލާލަމުން އިޝްރާ ބުނެލިއެވެ. “ދެން މިރޭ ކޮންކަމެއް އޮތީ؟” ކައިނިމިގެން ތަށިދޮންނަން އިޝްރާ ދަނިކޮށް އައިހަމް އަހާލިއެވެ. “އިޝްދެން މި ދަނީ ނިދަން. ދޮންތަބެ ދާންވީނު އައީ ގޮވައިގެން ސައިކަލު ބުރެއް ޖަހާލަން! އައީ އަތުގައިވެސް އޮންނާނެ ލައިސެންސް. ދޯ އައީ!” އައިހަމްއަށް ދޯ ޖަހާލަމުން އިޝްރާ އެހެން ބުނެލުމުން އައިހަމް ބޯ ޖަހާލިއެވެ. “ކައިނިންމައިގެން ދެ ފިރިހެނުން މިސްރާބު ޖެހީ ސައިކަލު ދުއްވާލަން ދާށެވެ. އިޒާންގެ ސައިކަލު ފަހަތަށް އަރައިގެން ދެމީހުން ފުރަތަމަ މިސްރާބު ޖެހީ އިޒާންގެ ރައްޓެއްސެއްގެ ގެއަށް ސައިކަލެއް ހޯދާށެވެ. ސައިކަލު ހޯދައިގެން އެމީހުން ރަށުތެރޭގެ ހުރިހާ ހިސާބެއް ބަލާލުމަށް މުޅި ރަށުތެރޭގައި ދުއްވާލުމަށްފަހު ގެއަށް އާދެވުނުއިރު 10:30 ވެއްޖެއެވެ. އެހެންކަމުން އައިހަމްވެސް ދެން އިތުރަށް މަޑުކުރުމެއްނެތި ނިދަން ދަނީ ކަމަށް ބުނެ ކޮޓަރިއަށް ވަނެވެ. ކޮޓަރިއަށް ވަދެ އެއްޗެހި ބަދަލުކޮށްލައިގެން އައިސް އައިހަމް އެނދުމަށްޗަށް ވެއްޓިގަތީ ހަށިގަނޑަށް އިހުސާސް ކުރެވެމުންދިޔަ ވަރުބަލިކަމެއްގެ ސަބަބުންނެވެ. އެވަގުތު އޭނާގެ ހަނދާނަށް ވެރިވެގަތީ ލުބްނާއެވެ. މިއަދު ކަންތައް ހިނގި ހުރިހާ ކަމެއް އެވަގުތު އައިހަމްގެ ލޯމައްޗަށް ސިފަކޮށްލެވުނެވެ. ލުބްނާ ހާދަ ތަފާތެވެ. އަންގައިވެސް ލުމަކާއި ނުލާ އޭނާގެ ހުރިހާ އިޙްސާސްތަކަކާއި ކުޅެލައިފިއެވެ. އައިހަމްގެ ތުންފަތް މައްޗަށް ބޭއިޚްތިޔާރުގައި ފުޅާ ހިނިތުންވުނެއް ވެރިވިއެވެ. ލުބްނާގެ ޚިޔާލުތަކުގެ ފުން ކަނޑަށް ޣަރަޤުވެގެން އޮއްވާ ހިސާަތަކު އައިހަމްގެ ދެލޯ މެރިއްޖެއެވެ. ****9 ގަޑިއިރު ފަސް**** ސިއްސައިގެންގޮސް އައިހަމްއަށް ހޭލެވުނީ ސައިޑްޓޭބަލް މަތީގައި ހުރި ގަޑި ސޯނާވާން ފެށި އަޑަށެވެ. ގަޑިން 07:30 ވެފައި ހުރުމުން އިތުރަށް ނިދަން ނުހަދާ އެލާމް އޮފްކޮށްލުމަށްފަހު ތުވާލި ހިފައިގެން ފާޚާނާއަށްވަދެ ރީތިވެލައިގެން ސިޓިންރޫމަށް ނުކުމެލިއެވެ. އޭރު  އިޝްރާވެސް އުޅެނީ ސިޓިންރޫމުގައި އިލްފް ގޮވައިގެން ސަކަރާތް ޖަހާށެވެ. އައިހަމް ފެނުމުން އިޝްރާ އައިހަމަށް ރީތި ހިނިތުންވުމެއް ހަދިޔާކޮށްލިއެވެ.