އިރުއޮއްސުނުކަމުގެ ނިޝާންތައް އުޑުމަތިން ފާޅުވަމުން ދިޔައިރު މުޅި ފަޒާގައި ގުގުމާލާފައި ވަނީ ބަންގީގެ މޫރިތި ކަލިމަތަކުގެ އަޑެވެ. މަގުމަތީގައި މަދު މަދުން މީހުން ފެންނަން ތިބި އިރު ގިނައީ ޖަމާޢަތަށް އައުމަށްޓަކައި މިސްކިތާ ދިމާލަށް އަންނަ މީހުންނެވެ. ހޮސްޕިޓަލުގެ ބަލިމީހުންތައް ބާއްވާފައި އޮންނަ ވޯޑުތަކުގެ ތެރެއިން ވޯޑެއްގައި އޮތް އަންހެން ކުއްޖާ ބަންގީގެ އަޑާއި އެކު އެސްފިޔަތަޅުވާލުމަށް ފަހު މަޑުމަޑުން ދެލޯ ހުޅުވާލިއެވެ. އެކުއްޖާގެ ކަނާއަތަށް ކެނިއުލާއެއް ގުޅާލާފައި ވީއިރު ގައިގެ އެތަން މިތަނަށް ގުޅާފައި މެޝިންތައް […]
އަތްތިލަ ބަޑީގެ އަޑުން މުޅި މާހައުލު ގުގުމާލިއެވެ. ކަށިއިގިލީ ގައި އޮތް ރިހި އަނގޮއްޓި ދައްކާލަމުން އެލީނާ އުފަލުން ހީލިއެވެ. އޭނާގެ އަތުގައި ހިފާލައިގެން ހުރި މެޓް ވެސް ހިނިތުންވެލީ އޭނާގެ އަނގޮއްޓި ދައްކައިލަމުންނެވެ. ރޯޔަލް ބްލޫ އާއި ހުދުކުލައިގެ ކުދިކުދި މާތަކުން ޒީނަތްތެރި ކޮށްފައިވާ ހޯލް ތެރޭގައި އަތުރައިފައިވާ ގޮޑި ތަކުގައި ހުރީ ހުދު ފޮތިގަނޑެއް އައްސާލުމައް ފަހު ރޯޔަލް ބުލޫ ރެބަން އޮޅާފަ އެވެ. އެ ބޮޑު ހޯލް ގައި އާއިލާ މީހުންނާއި އެކުވެރިން […]
އެއީ އަހަރެންގެ ހަޔާތުގައި ދުވަހަކުވެސް ހިތާމައިގެ އެފަދަ ބޮޑު ޚަބަރެއް އަޑުއަހަން ޖެހުނު ފުރަތަމަ ދުވަސް. އަހަރެންގެ މަންމަ އަވަހާރަވެއްޖެކަން އަންގައިދިން އެ ފޯނު ކޯލް ލިބުނު ވަގުތު، އަހަރެންގެ ހިތުގެ ވިންދު ހުއްޓުނު ކަހަލަ އިހުސާސެއް ކުރެވުނެވެ. އެ ހިނދުކޮޅު އަހަރެންގެ ލޮލުން ކަރުނަ ފަޅައިގެން ދިޔައެވެ. މަންމައަކީ އަހަރެންގެ ހަޔާތުގެ އެންމެ މުހިންމު އެއް ފަރާތެވެ. އަހަރެން ހެޔޮގޮތުގައި ބޮޑުކޮށް، ތަރުބިއްޔަތު ކޮށްދިން ލޮބުވެތި މައިންބަފައިންގެ ތެރެއިން އެއް ބޭކަލެކެވެ. އެކަމަނާގެ ހިތްހެޔޮކަމާއި، އޯގާތެރިކަމާއި، […]
އަސްރު ނަމާދު ކޮއްލައިގެން ނާހިޒާ އުނދޯލީގައި އިނީ ހަވީރުގެ ޒިކުރު ކިޔާށެވެ. އެއް އަތުން ޒިކުރު ފޮތް ހިފައިގެން، އަނެއް އަތަށް ލައިގެން އިން ވާގަނޑު މެދުވެރިކޮށް އުނދޯލި ހެއްލަމުން ދިޔައެވެ. ދުވަހަކީ އުޑުމަތި ސާފު، މޫސުން ވަރަށް ރީތި ދުވަހެކެވެ. ޖެހެމުން ދިޔަ މަޑުމަޑު ވައިރޯޅި އާއި އެކު ވަށައިގެންވާ ގަސްތަށް ދެކޮޅަށް ނަށަމުން ގެންދިޔައެވެ. ދުނިޔޭގެ އެއްވެސް ހިޔާލެއްނެތި ކައިރި ގަސްތަކު ތެރެއިން ކަނބިލިތައް ލަވަކިޔާ އަޑު އިވެއެވެ. ޒިކުރު ކިޔާ ނިއްމާލުމަށްފަހު އުނދޯލިން […]
މަންމައަކީ ދުނިޔޭގައި އަޅުގަނޑުމެންނަށް އެންމެ ލޯބިވާ އެއްފަރާތެވެ. މަންމަގެ ހިތްހެޔޮކަމާއި، އޯގާތެރިކަމާއި، ލޯބި އަޅުގަނޑުމެންނަށް ދެއްވާ މިންވަރު ބަޔާންކުރާނެ ބަހެއް ނެތްހާ ގިނައެވެ. އެހެންނަމަވެސް، އަޅުގަނޑުމެން އެންމެންވެސް ދުނިޔެ ދޫކޮށް ދާންޖެހޭނެކަން ޔަގީނެވެ. މަންމައާއެކު ހޭދަކުރެވުނު އެންމެފަހު ވަގުތަކީ އަޅުގަނޑުގެ ހިތުގައި އަބަދުވެސް ރައްކާވެފައި އޮންނާނެ ހަނދާނެކެވެ. އެދުވަހު މަންމަގެ އެނދުކައިރީގައި އިށީނދެ، މަންމަގެ އަތުގައި ހިފަހައްޓައިގެން އިން ވަގުތުކޮޅު އަދިވެސް ހަނދާން އާވެއެވެ. މަންމަގެ ލޮލުން އަޅުގަނޑަށް ބަލާލި ބެލުމުގައި ހުރި ލޯބި، އަޅުގަނޑަށް […]
އެއީ 2020 ވަނަ އަހަރުގެ ކުރީ ކޮޅެވެ. އޭރު އަހަރެން އުޅުނީ ލޯބީގެ ގޮތުން މީހަކާއި ގުޅިގެންނެވެ. އޭނާއާއިއެކު ޒަވާޖީ ހަޔާތެއް ފެށުމުގެ ފޮނި ހުވަފެންތައް އަހަރެން އައީ ދެކެމުންނެވެ.އެހެނަސް ތަގުދީރުގެ ކޮޅު އަހަރެންްގެ ފަރާތަކަށް ބުރައެއް ނުވިއެވެ.ދުވަހަކަށް ވުރެ ދުވަހެއް އޭނާ ދިޔައީ އަހަރެން ދެކެ ފޫހިވަމުންނެވެ. އެންމެ ފަހުން އިސްވެ އެ ގުޅުން ކަނޑައިލީވެސް އޭނާއެވެ.ރުޅި ނުވުމަށް އެދި އަހަރެން ވަރަށް ރޮއެ އާދޭސްވެސްކުރީމެވެ. އެހެނަސް އޭނާ އެއަޑެއް ނޭހިއެވެ. **** އެއީ އަހަރެން ރައްޓެހިވި […]
ބަގީޗާ ތެރޭގައި ހައްދާފައި ހުރި މާގަސްތަކުގެ ވަށައިގެން ރާނާފައި ހުރި ފާރުބުޑު މަތީގައި އަހަރެން ގޮސް އިށީނީމެވެ. އެ ވަގުތު ޖަހާލި ބާރު ގުގުރިއާއި އެކު ވާރޭ އޮއްސާލައިފިއެވެ. އަހަރެންގެ ލޮލުން އޮހޮރެމުންދާ ކަރުނަތައް ވާރެއާއި އެކުވެ ބިންމައްޗައް ފައިބަމުން ދިޔައެވެ. ހަނދުވަރު އޮއްސިފައިވާ ރެއެއްގެ އަނދިރިކަން އަހަރެންނަށް ހަމަ ރަނގަޅަށް ވެސް އިޙްސާސް ވަމުން ދިޔައެވެ. އަހަރެންގެ އެކަނިވެރި ދިރިއުޅުމާއި މެދު ވިސްނި ވަރަކަށް ސިކުނޑި ފަޅައިގެންދާ ވަރުވެއެވެ. އެހެން ނަމަވެސް އެ ހުރިހާ ކަމަކަށް […]
އަހަންނަށް ފުރަތަމަ ރިދާ އެނގުނީ މީގެ ފަސްވަރަކަށް އަހަރު ކުރީންނެވެ. އެއީ އަދި ދިިމާވެގެން ހަމަލޮލަށް ފެނިގެނެއްވެސް ނޫނެވެ.ރިދާއަކީ އޭރު އަހަރެންގެ ފިރިހެން ކޮއްކޮއާއި އެކު ދޭތެރެއަކުން ކޯލަކަށް އަރާ އޭނާއާއި އެއް އުމުރުގެ އަންހެން ކުއްޖެކެވެ. ***** ކޮއްކޮއާއި ރިދާ ދިމާވީ ގުރޭޑު ދިހައެއްގެ ސްޓަޑީ ކޭމްޕަށް ގޮސްފައި އެތަނަށް ދިޔަ ސްކޫލްތަކުގެ މެދުގައި ހެދުނު ވައިބާ ގުރޫޕަކުންނެވެ. އިސްވެ މެސެޖު ކުރިކަމަށް ވަނީ ރިދާއެވެ. ***** އޭރު ދެން އަހަރެންްގެ ކަމަކީ ކޮއްކޮ އޭނާއަށް […]
އިނގިރޭސިވިލާތުގެ ދުރު އަވަށެއްކަމުގައިވާ ރޯސްޓްރޯވްއަކީ ނިކަމެތިން ގިނަ އަވަށެކެވެ. އެ އަވަށުގައި މީހުން ނިކަމެއްޗަކަސް ފިސާރެ ބޮޑާ މީހުންވެސް އުޅެމުންދެއެވެ. ކިރިޔާ ފޯރުންތެރިކަމުގެ ކަންފުޅެއް ލިބުނަސް ފެންވަރު އޮޅެއެވެ. ޖޯޖްއަކީ މި އަވަށަށް ނިސްބަތްވާ ޒުވާނެކެވެ. ގިނަމީހުން ޖޯޖްގެ އުފެދުމުގެ ސިފަތައް ހުންނަގޮތުން މަލާމާތްކޮށް ފުރަސައްރަކޮށްހަދާ އެކަނިކޮށްލާފަ ބަހައްޓައެވެެ. އަދި ވަރަށް ގިނައިން އޭނާއާ ހަނގާވެސްކުރެއެވެ. ޖޯޖް ހުންނަ ގޮތުން އޭނާއާ ކައިވެނި ކުރާނެ މީހެއްވެސް ނުވާނެކަމަށް ބުނެ މަލާމާތްނުކުރާ ދުވަހެއް ނުދެއެވެ. އެއްދުވަހަކު އަވަށުތެރޭ އުޅެމުން […]