ނިދިފައި އޮތް މާއިންއަށް ހޭލެވުނީ ފަތިސް ނަމާދުގެ ބަންގީގެ އަޑަށެވެ. އިޔެއްގައި މިންނާއާ ބައްދަލުވެ ދެކެވުނު ވާހަކަތަކާއި މެދު ފިކުރުކޮށް ލަހުން ނިދުމުގެ ސަބަބުން މާއިންގެ ބޮލުގައި ވަނީ ރިހުމެއް އުފެދިފައެވެ. ނަމަވެސް އަވަހަށް ތެދުވެ ވުލޫކޮށް ތާޒާވެލުމަށްޓަކައި ފާހަނާއަށް ވަނީ އަވަހަށް މިސްކިތަށް ދިއުމަށެވެ. މާއިން ގެއަށް އައިސް ވަންއިރު ގަޑިން ވަނީ ހަގަޑިބައި ވެފައެވެ. އޭރުވެސް ބޮލުގައި މަޑު ރިހުމެއް ހުރުމުން މަޑުނުކޮށް މާއިން ކޮޓަރިއަށް ދިޔައީ އޮށޯވެލުމަށެވެ. ނަމަވެސް އެނދުގައި ޖައްސާލުމާއެކު އެކި […]
ކުއްލިއަކަށް އަހަރެންނަށް ހޭލެވުނީ އެއްޗެއް ވެއްޓޭ އަޑަށެވެ. އަހަރެން ގައިގެ މަތީގައި އޮތް ރަޖާގަނޑު އެއްލައިލައި، އެނދުން ތެދުވެ މަޑު މަޑުން ދޮރާއި ދިމާލަށް ޖެހެލީމެވެ. އެވަގުތު އަހަރެންނަށް ފެނުނީ އަހަރެން ދުވަހަކުވެސް ބަލަން ބޭނުންވާނެ ކަހަލަ މަންޒަރެއް ނޫނެވެ. އަހަރެންގެ މައިންބަފައިން އެކަކު އަނެކަަކާއި ޒުވާބުކުރާ މަންޒަރެވެ. އަހަރެންގެ ފައިގެ އަޑިން ބިންގަނޑު ދަމައިގަންފިހެން ހީވިއެވެ. ހިތުގައި އެޅުނީ ވަރުގަދަ ލަކުނެކެވެ. އަހަރެންގެ ސަބަބުން މިއަދު އަހަރެންގެ ޢާއިލާގެ ތެރޭގައި ވަނީ ހަމަނުޖެހުންތަކެއް އުފެދިފައެވެ. ދޮރު […]
އަލަގަހަކުން ކެޔޮ ނިރެއް ފަޅާނެތަ؟! އަހަރެންގެ އަސްލަކީ ކޮބާ؟! މަސްލަހަތަށްޓަކައި އަމިއްލަ ނަފްސުގެ ހަމަޖެހުން ނަގާލެވިއްޖެ! ކީއްވެތަ އަހަންނަށް އެހާ ނަފްރަތު ކުރަނީ؟ މިއީ ކިހާބޮޑު އޮޅުވާލުމެއް؟
“އެކަމަކު.. ބައްޕަ ދުވަހަކުވެސް ހިއެއް ނުކުރަން ބައްޕައަށް މާޒީގައި ކުރެވުނު ކުށުގެ ސަބަބުން ދަރިފުޅުގެ ހަޔާތް ބަރުބާދުވެގެން ހިނގައިދާނެ ކަމަކަށް.. ބައްޕައަށް މައާފު ކުރޭ ދަރިފުޅާ.. މިއަދު ބައްޕަ އަކީ ދަރިފުޅުގެ ވެސް ކުށްވެރިއެއް..” އިސްދަށަށް ޖަހައިގެން ހުރެ ޝަޔާމްއާ ވީ ދިމާއަށް އެނބުރިލަމުން ޝިޔަލް ބުނެލިއެވެ. އެހެނަސް، ޝިޔަލް ބުނި އެއްވެސް ވާހަކައަކަށް ރައްދެއް ނުދީ އިން ޝަޔާމް، ޝިޔަލްއާ ދިމާއަށް ބަލައިލުމެއްވެސް ނެތި، އެ ކޮޓަރިން ނުކުމެގެން ދިޔައީއެވެ. ލޯބިވާ ދަރިފުޅު ހަގީގަތުގައި ވެސް […]
“އަޅެ ގުޅަލަބަ ރައި ކޮބާ ތޯ” އަލާރާ ވެސް ލިއާނާއަށް ލަފާ ދިނެވެ. ޒެވިއަލް ފޯނު ކަނޑާލުމުން އައި ރުޅީގައި ވަގުތުން ނޫނެކޭ ބުނެ އޭނާ މިސްރާބު ޖެހީ އަލާރާ ގޮވައިގެން ގެޔަށް ދިޔުމަށެވެ. *** “ނެތް ދޯ ރައީ އެއް” އެތެރެއަށް ވަދެފައި ދެތިންފަހަރަކު ރައިހާއަށް ލިއާނާ ގޮވާލުމުން ވެސް ހިލަމެއް ނުވުމުން އަލާރާ ބުނެލިއެވެ. “ޔާހް.. އަދި ނާންނަނީ ކަންނޭގެ.. ވަރަށް ޓްރެފިކް ކަންތައް ވެސް ބޮޑު ގަޑިއެއް މީ..އެހެންވެ ކަންނޭގެ ނުފޯރައިގެން އެއުޅެނީ” […]
ރާޝިދާ ގޮވައިގެން ކޮޓަރިން ނުކުތް މައިރާ ސޯފާގައި އިށީދެގެން އިން އައިޒަން ދައްކާލިއެވެ. ރާޝިދާގެ މޫނުމައްޗަށް ވެރިވީ ފުޅާ ހިނިތުންވުމެކެވެ. އަވަސް ހިގުމެއްގައި ގޮސް އައިޒަން އިށީދެގެން އިން ސޯފާ ކައިރީ މަޑުކޮށްލުމަށްފަހު ސަލާމަށް އަތް ދިއްކޮށްލިއެވެ. އަދި އެއީ ރީޝަމްގެ މަންމަ ކަމުގައި ބުނެލިއެވެ. އެވަގުތު ރީޝަމްވެސް އައިސް ރާޝިދާގެ ގާތު މަޑުކޮށްލިއެވެ. “މަންމާ! މި ރީޝް ވަގު ދޯ.. އަހަރެމެންނަށް އަންގާވެސް ނުލާ ވިއްޔަ ދޯ ކަމެއް ކުރާ އިރުގަ.. ޔަގީނުން ވިއްޔާ މިއަދުވެސް […]
(މިއީ 2018 ވަނަ އަހަރު އަޅުގަނޑު ލިޔެފައިވާ ވާހަކައެކެވެ.) ފިނިފިނި ރޭގަނޑެއްގެ ހަމަހިމޭން ވަގުތެވެ. ނިދީގެ މީރުކަމަށް އެދިއެދި އަހަރެން އެނދުމަތީގައި ދެކައިރިއަށް ފުރޮޅިލަފުރޮޅިލާ އޮތީމެވެ. އެހެނަސް ހިތަށް ލިބިފައިވާ ނުތަނަވަސް ކަމާއި ބިރެއްގެ ސަބަބުން އަހަރެން ނިދިން މަޙުރޫމްވިއެވެ. ތުއްތު ޢުމުރުގައި މައިންބަފައިން ވަކިވުމަށް ފަހު ފާއިތުވެދިޔަ ކޮންމެ ދުވަހަކީ ވެސް އަހަންނަށް ވޭންދެނިވި ދުވަސްތަކެކެވެ. ބައްޕަ ގާތުން ވަރިވުމަށް ފަހު މަންމަ، ބައްޕައާއި އަހަރެން މުޅިން ވަކިކުރުވިއެވެ. އޭގެ ފަހުން ފާއިތުވި ތޭރަ އަހަރުގެ […]
(މިއީ 2018 ވަނަ އަހަރު އަޅުގަނޑު ލިޔެފައިވާ ވާހަކައެކެވެ.) އަހަރެންނާއެކު އޮފީހުގައި މަސައްކަތްކުރާ ރަޙުމަތްތެރިއެއްގެ އުފަންދުވަސް ފާހަގަކުރުމަށްޓަކައި ބޭއްވި ޕާޓީ ނިންމާލުމަށްފަހު ގެއަށް ދިއުމަށް މިސްރާބު ޖެހުނުއިރު ބާރަ ޖަހަނީއެވެ. އެކުވެރި ޒައިދާނާއެކުގައި ދެވޭގޮތް ނުވުމުން އަހަރެން ޕާޓީއަށް ދިޔައީ އެކަނިމާއެކަނި ފައިމަގުގައެވެ. އަހަރެންގެ މާ ގިނަ އެކުވެރިންނެއް ނުތިބެއެވެ. ސަބަބެއްނެތިއެއް ވެސް ނޫނެވެ. އަހަންނަކީ އެކަނިވެރިކަމާއި ހަމަހިމޭންކަމަށް ލޯބިކުރާ މިޒާޖެއްގެ ވެރިއެކެވެ. އެހެންކަމުން އަހަންނަށް ގެއަށް ދާން ޖެހުނީ ވެސް އެކަންޏެވެ. އިސްދަށަށްޖަހައިގެން މަޑުމަޑުން މަގުގެ […]
(މިއީ 2018 ވަނަ އަހަރު އަޅުގަނޑު ލިޔެފައިވާ ވާހަކައެކެވެ.) އިރު އޭގެ ވާޖިބު އަދާކުރަމަށް ފަހު ދުނިޔެއާ އަލްވަދާޢުކިޔުމަށް ތައްޔާރުވަމުންދިޔަ ވަގުތެވެ. ޖަރީ ކުލަތަކުން މުޅި އުދަރެސްމަތި ވަނީ ވިރުވާ އަޅާފައެވެ. ބެލްކަނީ ރެއިލިންގައި އަތް އަޅުވާލައިގެން އިނދެ، ފެންނަމުންދިޔަ ޤުދުރަތީ ރީތިކަމަށް ޚުޝާމަދުކުރުމުގައި އަހަރެން ވަގުތުތައް ގުނަމުންދިޔައީ ވެރިވެފައިވާ ހަމަހިމޭންކަމުން އުފާ ލިބިގަންނަމުންނެވެ. އެހެނަސް އެ ވަގުތު ވެސް އަހަރެންގެ ސިކުނޑިތެރޭގައި އެތަކެއް ޚިޔާލުތަކެއް ދައުރުވަމުންދިޔައެވެ. މީހަކާ ހިއްސާކުރަން ހިތް ނޭދޭ އެތައް ވާހަކަތަކެކެވެ. އަހަރެންގެ […]