”ނަތާޝާ. ކިހިނެއްތަ؟ މިގުޅާލީ ވަރަށް ބޮޑު ކަމަކުއޭ.” އާކިފްގެ އެދުމުގެ މަތިން ޒާހިދާ ވާހަކަ ދައްކަމުން ދިޔައީ އޭނާގެ އެކުވެރި ނަތާޝާއާއެވެ. ”ހަމަ ވަރަށް ރަނގަޅު. އަނެއްކާ ކޮން ކަމަކު ބާ ތިގުޅާލީ؟” ”އާކިފްވެސް މިހާރު ރަށުގަ އުޅޭބަ. ކިހާ ދުވަހެއް ވެއްޖެ އަހަރެމެން ބައްދަލު ނުވާތާ. އެއްސުފުރާ މަތިން ނުކާލާތާ. އެހެންވެ. މާދަން ހަވީރު ހަތަރަކަށް ދައުވަތު ދޭން ވެގެން ގުޅާލީ މި. އެންމެން ގޮވާގެން އަންނައްޗެ.” ނަތާޝާގެ ޖަވާބެއް ލިބުމުން ޒާހިދާ ވަގުތުން ފޯނު […]
އުންމީދުގެ ކުލަ ޖެހެމުންއައި ހަޔާތް އަނެއްކާވެސް ބަނަވެގެން ހިނގައްޖެއެވެ. ކުރެވުނު އުންމީދުތައް ވެއްޔާ މޮޑެވިއްޖެއެވެ. އަޒާންއަށް ވީގޮތެއްވެސް ނޭނގުނެވެ. އައިރާގެ ގޭކައިރިން އަޒާން ނުފެންނަން ފެށިއެވެ. އޭނާ ފުރައިގެން ދިޔަކަން އައިރާއަށް އެނގުނީ މިލްނާގެ ފަރާތުންނެވެ. އަޒާން އެދިޔައީ އައިރާގެ ހިތާއި ހިތުގައިވާ ދިރުންވެސް ހިފައިގެންނެވެ. އައިރާއަށް އެ ހިތް ހޯދަން ދެވޭހިސާބަށްވުރެ މާދުރަށެވެ. އައިރާ ބޭނުންވެގެން އުޅޭ ފަދަ އިޝާރާތްތަކެއްކޮށް އައިރާ ސުވާލު މާކެއްގެ ތެރެއަށް ދޫކޮށްލާފައެވެ. އާނއެކެވެ. އައިރާއަށް ގަބޫލުކުރެވުނެވެ. ހިތް ހެދީ މަކަރެވެ. […]
ސިންގަލް އެނދެއްގައި ނިދާފައި އޮތް އަންހެން ކުއްޖާގެ މޫނުމަތީގައި ވަނީ މައުސޫމު ކަެވެ. އެލަރމގެއަޑަށް އެއަންހެން ކުއްޖާ ސިހިފައި ތެދުވިއެވެ. އެއަށްފަހު ކަންނެތް ހިނގުމެއްގައި ފާހާނައަށް ވަދެ މޫނު ދޮވެލައިގެން ވުޟޫ ކޮށްލައިގެން ނުކުތެވެ. ދެން ސައިޑް ކަބަޑު މަތީ އޮތް މުސައްލަ ނަގާ ނަމާދުކުރަން ފެއްޓިއެވެ. ނަމާދުކޮށްގެން ޤުރުއާނުން މިންވަރެއް ކިޔަވާލުމަށްފަހު އަނެއްކާވެސް އޮށޯތީ ހުކުރު ދުވަސްކަމުންނެވެ. **** ކުއީން ސައިޒް އެނދުގައި ނިދާފައި އޮތް އަންހެން ކުއްޖާ އަށް ހޭލެވުނީ ދޮރުގައި ޓަކިދޭ އަޑަށެވެ. […]
ދަންވަރުގެ ވަގުތެވެ. ބޯކޮށް ވިއްސާރަ ވެހެމުން ދިޔަ މާލޭގެ މަގުތަކުގައި ވަނީ ފެން ބޮޑުވެފައެވެ. ގަޑިން 2 ޖެހުމާއި ކައިރިވެފައި ވީ ނަމަވެސް މަގުތަކުގެ ކޮޅުކޮޅުން ފެންނަމުން ދިޔަ މީހުންނާއި އުޅަނދުތައް މަދެއް ނޫނެވެ. އެވަގުތު މ.މާވިލް ގެ ގޭޓުން ކަޅުކުލައިގެ ކާރެއް ވަދެގެން ދިޔައެވެ. ގަރާޖުގައި ކާރު ބެހެއްޓުމައްފަހު އޭގެން ނިކުތް ޒުވާނާގެ އިސްކޮޅުން ދިގެވެ. ކަނދުރާއާ ހަމައަށް ދިގުކޮށްލެވިފައިވާ ފަންއިސްތަށިގަނޑުގެ ސަބަބުން އޭނަގެ ލޯ ނިވާވެފައިވެއެވެ. ވާރޭގެ ރަހުމެއް ނެތް ހަމަލާތަކުން އެ ޒުވާނާ ލައިގެން ހުރި ގަމީސް ތެމި ފޯވިއިރުވެސް މިއިން އެއްވެސް ކަމަކުން އެ ޒުވާނާ އަށް ފަރުވާލެއް ނެތް ފަދައެވެ. އިސްޖަހާލައިގެން ހުރެ ޖިންސްގެ ދެޖީބަށް އަތްކޮށްޕާލަމުން އޭނަ ގެއާ ދިމާލަށް ހިނގާގެންފިއެވެ. 5 ބުރިއަށް ނެގިފައިވާ މާވިލްގެ އިމާރާތުގެ ކޮންމެ ދިމާލަކުންވެސް ފެންނަމުންދަނީ ތަނަވަސްކަމާއި ހައިބަތުގެ ބޮޑުކަމެވެ. އިމާރާާތުގެކުރިމައްޗަށް ވާގޮތަށް ފެންއަރުވާ ވަޑާމެއް އޮތްއިރު އެކިކުލަކުލާގެ މާމެލާމެލީގެ ގަސްތަކުން މުޅި ފެންޑާ އޮތީ ފަޅުފިލުވާލައިފައެވެ. ވާރޭގެ ފެނާއި އެކުވެގެން އެކިކުލަކުލައިގެ ފިނިފެންމާތަކުގެ ކުލަގަދަވެފައި ހުރުމުން މަންޒަރަށް އިތުރު ފުރިހަމަކަމެއް ގެނުވައެވެ. އެޒުވާނާ ގޭގެ ދޮރުމައްޗަށް ހުއްޓެމުން އިނގިލީގެ ނިޝާން ޖަހާލުމާއެކު ދޮރުހުޅުވިގެންދިޔައެވެ. ލިފްޓަށް އަރަމުން އެޕާރޓްމެންޓަށް ދިއުމަށްޓަކައި ބަޓަނަށް ފިތާލިއެވެ. ލިފްޓުގެ ދޮރު ކެހިގެން ދިޔުމާއިއެކު ފެނިގެން ދިޔައީ ޒަމާނާ އެންމެ ގުޅޭގޮތަށް ފަރުމާކުރެވިފައިވާ އެޕާރޓްމެންޓެކެވެ. ސިޓިންރޫމާއި ޖެހިގެން އިން ކޮޓަރީގެ ދޮރު ހުޅުވާލުމަށްފަހު އެ ކޮޓަރީގެ ތެރެއަށް އެ ޒުވާނާ ދެމިގެންފިއެވެ. ލައިގެން ހުރި ގަމީސް ބޭލުމަށްފަހު ބެލްކަންޏާ ދިމާލަށް އޭނަ ހިނގާގެންފިއެވެ. ބެލްކަނީގެ ދޮރު ހުޅުވާލުމާއެކު އެ ޒުވާނާގެ ހާމަވެފައިވާ ހަށިގަނޑުގައި ބީހީލީ ތެތްފިނި ވައިރޯޅިއެކެވެ. ވެހެމުން ދިޔަ ވާރޭއަށް ނަޒަރުހުއްޓާލައިގެން އޭނާހުރިއިރު އޭނާގެ ކަޅުކަންގަދަ ދެލޯ ކަރުނައިން ފުރިގެން އައެވެ. ހިތާމަވެރިގޮތަކަށް އޭނާ ލޯމަރާލުމާއިއެކު ކަރުނައިގެ ރޮނގެއް ކޯތާފަތުގައި ދެމިލުމަށްފަހު ދެތުންފަތުގެ ދޭތެރެއަށް ވިރިގެން ދިޔުމާއިއެކު އޭނާއަށް ހިންދިރުވާލެވުނެވެ. އިރުކޮޅަކު އެހެން ހުރުމަށްފަހު އެއްޗެއް ހަނދާންވާ ފަދައަކުން ދޮރާދިމާލަށް ހިނގާގެންފިއެވެ. ހުސްގަޔާ ދޮރުހުޅުވާލުމަށްފަހު އެ ކޮޓަރިއާ ޖެހިގެންހުރި ކޮޓަރީގެ އެތެރެއަށް އޭނާވަނެވެ. ކޮޓަރީގެ މެދައްވާ ގޮތަށް ފިޔާތޮށިކުލައިގެ މެދުސައިޒުގެ އެނދެއް ބެހެއްޓިފައިވީއިރު މުޅި ކޮޓަރި ޒީނަތްތެރި ކޮށްލާފައިވަނީ ހުދާއި ފިޔާތޮށި ކުލައިންނެވެ. ކޮޓަރީގައި ހުރި އެނދުގައި ފަސްދޮޅަހަކައް އަހަރަށްދާ އަންހެނަކު ނިދާފައި އޮތްއިރު އޭނައާއި ދާދި ގާތުގައި ފަސްވަރަކަށް މަހުގެ ލޯބި ލޯބި އަންހެން ކުއްޖެއް ނިދާފައިއޮތެވެ. އެ ޒުވާނާ އެ ތުއްތުކުއްޖާއާއި ދިމާލަށް ގުދުވެލަމުން އެ ނިތްކުރީގައި އޭނަގެ ތުންފަތް ޖައްސާލިއެވެ. އެވަގުތު އެ ތުއްތުކުއްޖާ ދެލޯ ތަޅުވާލުމަށްފަހު ކުކުރިލައިފިއެވެ. މި އަޑަށް ކައިރީގައިއޮތް އަންހެން މީހާއަށް ސިއްސާގެން ހޭލެވިއްޖެއެވެ. އެއާއެކު އެ ކުއްޖާއާ ދިމާއައް ގުދުވެގެންއޮތް ޒުވާނާ އޭނާގެ ލޮލުގައި އަޅައިގެންފިއެވެ. “ޒާއިޝް” އެ އަންހެންމީހާގެ ކަރުފަޅާ އެ ނަން ނިކުތީ ވައިއަޑުންނެވެ. މިއަޑަށް އެ ޒުވާނާ އިސްއުފުލާ އެ އަންހެންމީހާއާ ދިމާލަށް ބަލައިލިއިރު ދެމީހުންގެ ދެލޯވެސް ކަރުނައިން ފުރެމުން ދިޔައެވެ. އެހެން ނަމަވެސް ޒާއިޝް އިސް އޮބާލުމަށްފަހު އެ ތުއްތު އަންހެން ދަރިފުޅު އޭނަގެ މޭގައި ޖައްސާލަމުން ކޮޓަރިން ބޭރަށް ނިކުމެއްޖެއެވެ. އޭނަގެ ކޮޓަރިއަށް ވަދެވުމާއިއެކު ޒާއިޝް ހަމަ އެހުރިގޮތަށްހުރެ އެނދުގައި އޮށޯވެއްޖެއެވެ. އޭރުވެސް އޭނާގެ ލޮލުން ހިފެހެއްޓުމެއްނެތި ކަރުނަ ފައިބަމުން ދިޔައެވެ. ޒާއިޝް އޭނާގެ މޭމަތީގައި އޮތް ތުއްތު ދަރިފުޅުގެ މުއްކަވާލެވިފައިވާ އަތުގައި ހިފާލުމަށްފަހު އޭނާގެ ތުންފަތުގައި ޖައްސާލިއެވެ.”ޒޫކީ…ބައްޕި އަށް… މާފުކުރޭ.. އައިމް ސޮރީ ސްވީޓްހާރޓް… އައިމް ރިއަލީ ސޮރީ” ގިސްލިމުންދިޔަ ޒާއިޝް އޭނާގެ މޭމަތީގައި އޮތް ޒުކާ އާއި މުޙާތަބުކޮށް ބުނަމުންދިޔައެވެ. ކުށްލިއަކަށް އޭނާގެ ކޮނޑުގައި މީހަކު އަތްލުމުން ސިހިފައި އޭނައަށް ފަހަތް ބަލާލެވުނެވެ. (ނުނިމޭ…)
“މިރޭ ނިހާން އަންނަން ވީނު މި ގެޔަށް؟” ދައުހާ އަހާލިއެވެ. “މިރެއަކު ނޫން. މިރޭ ދައުގެ ޓައިމް ދައުގެ ފެމިލީއަށް. އެކަމަކު ދައު ބުނެފިއްޔާ މިހާރުވެސް ދައު ބަލާ ގޮސްދާނަން. އިރުކޮޅަކުން އަޒްމަންގެ ފެމިލީ އަންނާނެ، އެ މީހުންނާ ދައުވެސް މީޓް ކޮށްލަން ވާނެއެއްނު؟” ނިހާން ބޭނުން ވީ އެ ބަހަނާގައި ނަމަވެސް ދައުހާއާ އެރޭ ބައްދަލުކޮށްލުމެވެ. “ތި އުޅެނީ ކޮންމެސް ގޮތަކުން އަހަރެން ގެންދަން ދޯ؟ އެހާ ދުވަސްކޮށްފަ މަންމަމެން އައި ދުވަހު ނުވާނެއެއްނު އެހެން […]
އީރަމްގެ ނަޒަރު އިރުއިރުކޮޅާ ހުއްޓެނީ ކުރިމަތީ އިށިނދެ އިން ވަހީދުއަށެވެ. ވަހީދުގެ ހަބަރެއް ދަބަރެއް އޭނާއަށް ލިބިފައިނުވި ސަބަބު އެނގުނީ ވަހީދުގެ ބަލިހާލަތު ހިއްސާކުރުމުންނެވެ. ލަމްޔާ ދުނިޔޭގައި ނެތުމުގެ ހިތާމަވެރިކަން ދެމީހުންވެސް އެއްވަރަކަށް އެދަނޑިވަޅުގައި ކުރިއެވެ. އަމިއްލަ ހާލަތުގައި އަމިއްލަ ބަލިމަޑުކަމުގެ ސަބަބުން އީރަމްއާއި ވަހީދުއަށް ލަމްޔާއާއި ދުރުވެވުނު ކަމަށްޓަކައި އެތަށް ހިތާމައެއްކުރިއެވެ. ލަމްޔާ އެކަނިވެރިވިޔަ ނުދެވުނުނަމައެވެ. އޭނާއަށް އެއްބާރުލުންދޭންޖެހުނު ދުވަހު އެދެމީހުންވެސް އޭނާއަށްޓަކައި ނުވުމީ އިންތިހާއަށް ދެރަވެ ހިތާމަކުރެވުނު ކަމަކަށެވެ. “ހަނދާންވޭ…! އަދިވެސް ހަނދާންވޭ ލަމްޔާ […]
“މައިޝާ ފަދައިން އަހަރެން ވެސް މައިޝާ ދެކެ ލޯބިވިން، އެކަމަކު އެ ލޯބި ގަތުލު މިހާރު ގަތުލުވެއްޖެ! މައިޝާ މިތަނުން ދޭ!” ކިޔުންތެރިންގެ އެދިލެއްވުމަކަށް މިފަހަރު ގެނެސްދޭން މިއުޅެނީ ލޯބީގެ ދިގު ވާހަކައެކެވެ. މި ވާހަކަ ގެނެސް ދޭނީ ބައިތަކަކަށް ބަހާލައިގެން ހަފްތާއަކު ބައެކެވެ. އިންތިޒާރުކޮށްލާށެވެ.
“މިޒްޔާން..” އޭނާ ބުނެލީ ހަމައެކަނި އެހެންނެވެ. އަދި އެހެން އެއްވެސް މީހަކަށް ބަލާލުމެއްނެތި ފިރިހެންވަންތަ ހިނގުމެއްގައި އީޝަލް ކައިރީގައި އިށީނީ އިތުރު ހުސް ގޮނޑިއެއް އެތަނުގައި ނެތުމުންނެވެ. އީޝަލްހަމަ އިސްޖަހާލައިގެން އެއިންގޮތަށް އިނީއެވެ. ނަމަވެސް ހިނދުކޮޅަކަށް މިޒްޔާންގެ ތޫނު ނަޒަރު އޭނާއަށް ހުއްޓުނުކަން އެނގުނެވެ. **** “ވަޓް؟..” ދެބުމަގޮށްޖަހާލާފައި އީޝަލް ބުނެލީ އަދިވެސް އެ އިންގޮތަށް މިޒްޔާން އޭނާއަށް ބަލަހައްތައިގެން އިންކަން އިޙުސާސްކުރެވުމުންނެވެ. “ނަތިންގ” ކޮނޑުއަރުވާލާފައި މިޒްޔާން ބުނިނަމަވެސް އެ މޫނުމަތީގައި ލާނެތްހިނިތުންވުމެއްވިއެވެ. “އޭރުން ދެން އަހަންނަށް […]
އަނެއްދުވަހު އޮފީހަށް ދިޔަ އީރަމް ހުރީ މީކާންއާއި ވާހަކަދައްކަން ބޭނުންވެފައެވެ. މީކާން ކިތަންމެ ރުޅިއަޔަސް އޭނާ މީކާން އާއި ކުރިމަތިލާނެއެވެ. އާދަވެގެން ކޮންމެ ރެއަކު ގުޅާ މީކާންގެ އަޑު ރޭގައި ނީވުމުން އެކަމާއި އީރަމް އިންތިހާއަށް ދެރަވިއެވެ. ނަމަވެސް އޭނާ ގޮތްދޫކުރަނީ މިކަމަށް ހުއްޓުމެއް ގެނެއްސައެވެ. އެތެރެއަށް ވަދެގެން އެ ދިޔަގޮތަށް އީރަމް ގޮސް ހުއްޓުނީ މީކާންގެ ކެބިން ދޮރުކުރިމަތީއެވެ. މީކާން ރުޅިވެރިކަމާއި އެކު ފައިލެއްގެ ގަނޑުތަށް އުކަމުންދިޔަތަން ބަލަންހުރެފައި އީރަމް އެތެރެއަށް ދެމިގަތީ ޓަކިވެސްޖެހުމެއްނެތިއެވެ. މީކާން ފާޑަކަށް […]