“ދައްކާ ސީސީޓީވީ. އަސްލާންއާ އެއްކޮށް ބޭރަށް ދިޔަ ރޭތަކުގެ ސީސީޓީވީ ދައްކާ.” އަސްލާން ގެއްލުނު ހިސާބުން ފެށިގެން، ޕަޒްލްއެއްގެ މަދުވާ ބައިފަދައިން އަހަރެންގެ ހަނދާނުން ފިލާފައިވާ އެ ކަންތައް މަތިން ހަނދާންވިއެވެ. އަހަރެން ބޭރަށް ދިޔަކަން ފެނުނުއިރު އެކަކުވެސް އަހަރެން ނުހޯދީ ކީއްވެހެއްޔެވެ؟ ދިޔަ ތަނަކާއިމެދު ސުވާލު ނުއުފެއްދީ ކީއްވެހެއްޔެވެ؟ މި ސުވާލުތަކުގެ ޖަވާބުލިބެން އޮތީ އެރޭތަކުގެ ސީސީޓީވީ ފުޓޭޖް ބަަލައިގެނެވެ. ******************** ރޫބީ އަހަރެންގެ މޫނުގެ ކުލަވަރަށް ބަލައިލާފައި، އިތުރު ސުވާލު ކުރުމަކާއިނުލައި މޮނިޓަރިން ރޫމްތެރެއަށް […]
“ދެން… ގޯސް ހަބަރަކީ؟” އުފާވެރި ހަބަރުން ލިބުނު އުފާވެރިކަން ފިލާނެހާ ގޯސް ހަބަރެއް ނީވޭނެއޭ އަހަރެންގެ ހިތަށްއެރިއެވެ. ނަމަވެސް ކަންތައްވީ ހީއާއި މުޅިން އިދިކޮޅަށެވެ. އެ ހަބަރު އިވުމުން، ދުވަހަކުވެސް ބަލި ރަނގަޅު ނުވިނަމައޭ، އޭރަށް މި ހަބަރު ނީވުނީސްއޭ ހިތަށްއަރާވަރުވިއެވެ. *************************** “ލުއާ ކުޑައިރު ދިރިއުޅު އޯފަނޭޖްގަ އުޅުން ހުރިހާ އެންމެން… ލުއާ ފިޔަވާ ހުރިހާ އެންމެން ވީ މަރުވެފަ… މަރުވީ…ލުއާ ހިންގި އަލިފާނުގެ ހާދިސާއެއްގަ….. އެއީ ލުއާއަށް އައި އެންމެ ފުރަތަމަ އެޕިސޯޑް…” އިރުކޮޅެއްގެ […]
ފަތިހުގެ ހަމަހިމޭން ހތްްގައިމުވަގުތުކޮޅަށް މަރުހަބާ ކިޔަމުން އުޑުމަތިން ފައުޅުވި ފަޖުރުތަރީގެ ވިދުމާއިއެކު، ރަށުގެ ދެކުނުފަރާތުގައި ތެޅިގަލާއި އުވައިން އިމާރާތްކޯށް ފުޅިބަށްތިތަކުން ޒީނަތްތެރިކޯށްފައިވާ ރަށުގެ ހުކުރު މިސްކިތުން ގޮވަންފެށި ފަތިސްނަމާދުގ ބިންގީގެ އަޑު މުޅިރަށުތެރޭގެއި ގުގުމާލައިފިއެވެ. ދޫނިސޫފާސޫފިތަށް އެސޮރުމެންގެ ހާލިތަކުން ނިކުމެ ދުވާލުގެ ހަލަބޮލިކަމުގެެތެރެއިށް ގެއްލެން ފަށައިފިއެވެ. އާދައިެމަތިން މިއަދުވެސް އަހަރެންނަިށް ހެލެވުނީ ކުކުޅު ހާތަކުގެ ރީތި ނަލަ ގޮވާލުމުންނެވެ. ކުޑަދޮރުން ފުރޭނިގެެން ކޮޓަރިތެރެއިށް ވަންނަމުންދިޔަ އިރުގެ ރަންދޯދިތަކުން ރިށްކާތެރިވުމަށް މޫނުމިތ އަިތްއަޅައިގެން ފާހާނާއާއި ދިމާލަށް މިސްރާބުޖެހީމެވެ. ދަތްއުނގުޅާ މޫނުދޮވެގެން ލޮލުން ނިދިފިލުވަން ދެލޯއުނގުޅަމުން ނިދާހެދުމުގައި ސިޓިންރޫމަށްދާން ހިނގައިގަތީ އާދައިގެމަތިން ގޭގެއި […]
އިރުއަރާނެކަމަށް ލަފާކޮށް ކަލަންޑަރުތަކުގައި ޖަހާފައިވާ ގަޑި ފަހަނަޅައި ދިޔައިރުވެސް އިރުގެ އަލިކަމެއް ނުފެނުނެވެ. ކަޅު ބޯ ވިލާތަކުގެ ރަސްކަން އުޑުމައްޗަށް ވެރިވެގަތްފައިވީ، ތެތްފިނިކަމުން ޖައްވުގެ އަރާމުކަން ދެގުނަކޮށްދެމުންނެވެ. ހިޔަލެއްނެތި ހާމަވެފައިވީ ކޮންމެ އެއްޗެއްގައި ޝަބްނަމަ ތިކިތަށް ބަބުޅައި، ބިމަށް ދަމާ ބާރު ގެންދާ ކޮޅަށް ދަތުރު ކުރަމުންދިޔަ މަންޒަރުވީ އެކަނިވެރި ހިތްތަކަށް ހިތްގައިމު މަންޒަރަކަށެވެ. ގޭގޭގެ ކުޑަދޮރުތަކުން އަލިކަމެއްގެ ނިޝާން ނުފެންނަނީ އަރާމު ތަންމަތިތަކަށް ބޮނޑިވެ ހުވަފެންތައް ބަލަމުންދިޔަ މީހުން ގިނަކަމުންނެވެ. ހިމޭންވެފައިވާ ހުޅުމާލޭގެ މަގަކުން، ފައިގައި […]
ކޮންމެއިންސާނަކުވެސް ދުނިޔޭގައި އުޅޭއިރު ތިމާގެ ވަށައިގެން އުޅޭ އެންމެންނަކީ ތެދުވެރިންކަމުގައިވާން ބޭނުންވާނެއެވެ. ވަފާތެރިން ކަމުގައިވާން ބޭނުންވާނެއެވެ. ނަމަވެސް ހިތާމައަކީ ތިމާއެންމެ ހީނުކުރާމީހާއެއީ ތިމާއަށް ހެވެއް ނޭދޭ މީހާ ކަމުގައިވާތީއެވެ. މިބުނާ މީހާ އަކީ ތިމާގެ މައިންބަފައިންގެ ތެރެއިން މީހަކަށް ވެދާނެއެވެ. ދަރިންގެ ތެރެއިން މީހަކަށްވެދާނެއެވެ. ގާތްތިމާގެ މީހަކަށް ނުވަތަ އަނބިމީހާ ނުވަތަ ފިރިމީހާއަށްވެސް ވެދާނެއެވެ. ލޯބިވާ އެކުވެރި ގާތް ރަހުމަތްތެރި އަކަށްވެސް ވުން އެކަށީގެންވެއެވެ. ********* މާލޭގެ ހަލަބޮލި މާހައުލުގައި ހުރި މ.ހިތަށްފިނިވާގެއަކީ އެގޭގެ ހައިބަތާއި ރީތިކަން […]
ހުޅުވާފައި ހުރި ކުޑަދޮރުން ވަތް ފިނި ވައިރޯޅިން ހުދު ދޮރުފޮތިގަނޑު ހުރަސްވީ، މޭޒުދޮށުގައި ފޮތަކަށް ގެއްލިފައި އިން ރާއިދާގެ ކުރިމައްޗަށެވެ. ފޮތުން ނަޒަރު ހިއްލާލައިފައި ކުރިއަށް ބަލައިލުމުން ދޮރުފޮތިގަނޑު އަނބުރައި އޭގެ މަގާމަށް ދިޔަހިނދު، ކުރިމައްޗަށް ވާގޮތަށް ތަންކޮޅެއް ދުރުގައި ހުރި މޭޒު ދޮށުގައި އިން ދާނިޝްއާއި ކަޅި ހަމަވިއެވެ. ކަޅި ހަމަވިތާ ފަޅި ސިކުންތެއްގެ ތެރޭގައި ދެ މީހުންނަށްވެސް އިސްޖަހައިލެވުނީ އެއްފަހަރާއެވެ. ސްކޫލުގައި ހުރި އެންމެ ހިމޭން ތަނުގައިވެސް އެހެން އިންސާނަކާއި ކަޅި ހަމަކުރަން ޖެހުމުން […]
ޒީން ހަތަރުވަނަ ބައި ‘އޭ، ޒީން. ރޯމިއޯ އެނބުރި އައިއްސި. ތީނަ ލައްވާ ކޮފީ ތައްޔާރު ކުރާށޯ.’ ލިލީ އަޑު ގަދަ ކޮށްލިއެވެ. ސިއްސައިގެން ގޮސް ޒީން ގެ އަތުން ކިރު ފުޅި ވެއްޓުނެވެ. ‘ކޮން ރޯމިއޯ އެއް؟’ ‘މޮޑެލް އެއްގޮތަށް އެ ހުންނަ ފިރިހެން ކުއްޖާ.’ ‘ކޮން މޮޑެލްއެއް؟’ ސުވާލު އެއްކޮށް ނުނިމެނީސް ލިލީ ހިނގައްޖެއެވެ. ނަބީލާ އަށް ޕޭން ކޭކު ހެދުމަށް އެހީވެެދޭން ޒީން ހުރީ ބަދިދޭގައެވެ. ޒީން ބަދިގެއިން ބޭރަށްނުކުތެވެ. ހުރިހާ ކަސްޓަމަރެއްގެ […]
ހަނދުއޭގެ ވާޖިބު އަދާ ކުރުމަށްފަހު އިރަށްތަންދެމުން ދުނިޔެއާ އަލްވަދާއުކިޔެވެ. ދުނިޔޭގެ އެކިކަންކޮޅު ތަކުގައި އެކި ކުލަޖައްސަމުން އާހެނދުނަކަށް ދުނިޔެމަރުހަބާކިޔެވެ. ޓެރަސް ގައި ނިދާފައޮތް ޒަރީރު މޯޅިއަކަށް ދެމިލަމުން ތެދުވިއެވެ. ގިނައިރު ރުއިމުގެ ސަބަބުން ދުޅަވެފައިވާ ދެލޯ އުނގުޅާލިއެވެ. ދިގުވެފައިވާ ތުނބުޅީގައި އަތްހިންގާލަމުން ދެވަނަފަންގިފިލާއަށް މިސްރާބުޖެހިއެވެ. ބޮލަށްބަރުވެފައިވުމުން ހިގުންވީ އުނދަގޫކަމަކަށެވެ. އަޅާލާ ކޮންމެ ފިޔަވަޅަކުން ހަށިގަނޑަށް ވަރުބަލިކަން ގެނެސްދެމުން ދިޔައެވެ. ބޮލުގައި އުފެދިފައިވާ އާދިޔަހިލަފު ތަދު ފަހަރަކައްވުރެ ފަހަރެއް އިތުރުވަމުން ދިޔައެވެ.ގެއަށްއާދެވުމާއެކު ކޮޓަރިއާދިމާއަށް ހިތްވަރެއް ކޮށްލާފަ ދެވުނީ ހަމަކިރިޔާއެވެ. […]
ކުއްލިއަކަށް ހިތަށްއެރި އެތިން އަހަރެންގެ ހިތް ތެޅިގަތެވެ. އަސްލާންއާއި ކުރާ ބައްދަލުވުންތަކެވެ. އަހަރެން ބޭރަށް ދިޔަ ރޭރޭ ނުފެނުނީ ކިހިނެތް ހެއްޔެވެ؟ ބޭރުން ފިޔަވަޅުތަކެއްގެ އަޑު އިވެންފެށީ އެ ވަގުތުއެވެ. ***************************** އެ އަންނަ މީހަކު އެ ކޮޓަރިތެރެއަށް ވަދެދާނެތީ ބިރުން އަހަރެން އަވަސް ހަރަކާތްތަކަކާއިއެކު މޭޒެއްގެ ދަށަށް ދެމިގަތީމެވެ. މަކުނުވާތަކެއްހެން ތަރުތީބެއްނެތި ދެމިފައި ހުރި ވަޔަރުތަކުގައި އިސްތަށިގަނޑު އަޅައިގަތުމުން ވީ އުނދަގުލަކަށްވެސް ފަރުވާލެއް ނުދެމެވެ. ކައިރި ވަމުންދިޔަ ފިޔަވަޅުތަށް ހުއްޓުނީ ދޮރު ކުރިމައްޗަށެވެ. ދޮރު ހުޅުވުމާއެކު […]