އިޙްސާސް

ހަވީރުގެ ހިތްގައިމު ވަގުތުގައި މޫދަށްއެރި މަޖާކުރަމުން ދިޔަ، އަހަރެންގެ އުމުރުފުރާގެ ކުދިންތަކަށް ބަލަން އަހަރެން އިނީމެވެ. އަހަރެން އިނީ، އެމަޖަލުގައި ބައިވެރިވާހިތުންނެވެ. އެގޮތަށް ސާމާސާކޮށް އުޅުމަށް ދާހިތުންނެވެ. ދުރުދުރުން އަތުގުޅާލައިގެން ހިނގަމުންދާ ޖޯޑު ތަކަށް އަހަރެން ބަލާލީމެވެ. ލޯތްބާއެކު އެކަކު އަނެކަކުގެ މޫނަށް ބަލަމުން ދެމީހުން ގޮސް އެއިށީންދެލަނީ މިވަގުތުގެ އުފާވެރިކަން ހިއްސާ ކުރަމުންނެވެ.އަހަރެންވެސްމީ އެއްދުވަސްވަރެއްގައި އެގޮތަށް އުޅުނު ފުރާވަރުގެ މީހަކީމެވެ. އެފަދަ އުފާވެރި ކަމެއްގައި އަހަރެން އުޅުމަށް މިއަދު ދުނިޔެ ހުރަސްއަޅަނީ ކީއްވެ ހެއްޔެވެެ؟ ދުނިޔެ އަހަރެންނާ ކުޅެމުން މިގެންދަނީ މުޅިން އެހެން ކުޅިވަރެކެވެ. މިކުޅިވަރު ކުޅެން ޖެހިފައި މިވަނީއަހަރެން އެކަނި މާއެކަންޏެވެ. ޝަކުވާ ކުރަން ބޭނުމެވެ.ނަމަަވެސް ކާކު ގާތުގަހެއްޔެވެ؟

ދުނިޔޭގައި އުޅެމުންމިދަނީ މަރުނުވާތީ އުޅެން ޖެހިފައިވާ މީހަކު ފަދައިންނެވެ. މިއިމްތިހާނަށް ކެތްކޮށްގެ ހުރެވޭނީ ކިހާ ދުވަހަކު ބާވައޭ ހިތަށް އަރައެވެ. އަހަރެންވެސް އަހަރެންގެ އުމުރުގެ އެހެން ކުދިންނެކޭ އެއްގޮތަށް ޒަވާޖީ ހަޔާތެއް ފަށަން ބޭނުމެވެ. އަޅާލާނެ ހީވަގި އޯގާތެރި އަންބަކު ބޭނުމެވެ.ނަމަވެސް އަހަރެން ބަލާލިޔަސް އަންހެންކުދިން ފޫހިވަންޏާ ދެންއަހަރެން ކުރަންވީ ކީއްހެއްޔެވެ؟

އަހަންނަށްވެސް ލޯތްބޭމިކިޔާ އެއްޗެއް އިހުސާސް ކުރެވުނެވެ. އަހަންނަށް ފުރަތަމަ ފަހަރަށް އަންހެން ކުއްޖަކު ކަމުދިޔައީއެވެ. އެއީ ޖެހިގެން ހުރިގޭ ސަމާހާއެވެ.ހަމުގައި ދޮންކުލައެއްނެތަސް އެއީވަރަށް ރީތި ކުއްޖެކެވެ. ހަން އޮމާނެވެ. ބޮޑުކަޅުކުލަ ގަދަ ދެލޮލެވެ.އެއީ އަހަރެންގެ ހިތުގެމަލިކާއެވެ. އަހަރެންގެ ހުރިހާ އުފާތަކެއް އެކުއްޖަކަށްޓަކައި ގުރުބާން ކޮށްލީމެވެ. ނަމަވެސް އަހަރެން ހާލުގައި ޖެހުނު ދުވަހު އަހަރެން މީ ދަންނަމީހަކަށްވެސްނުހެދިއެވެ. މިހާރު ސަމާހާ ފެނުމުންއަހަންނަށް ބުނެވެއެވެ. އޭރު ވީލޯބިކޮބާއެއްޔެވެ؟ އަހަރެން ހާލުގަައި ޖެހުނީމައި ދޫކޮށްލީދޯއެވެ؟ ބަލައަހަންނަށް މިހާލެއް  ޖެހުނީ ތިޔަ ކަމަނާއަށް ގެއްލުމެއްވިޔަ ނުދޭން ކުރިހާ މަސައްކަތުންކަން ހަމަ ނޭނގެނީހެއްޔެވެ؟ ބައެއް ދުވަސް ދުވަހު ސަމާހާފަހަތުންވެސް އަހަރެން ދަމެވެ. ނަމަވެސް ލަދުން ބޯހަލާއްކޭކިޔާ ކޮއްޕާލާ މަގުމައްޗަށް ވައްޓާނުލާދުވަހެއް މަދުވާނެއެވެ.

ކޮންމެ ދުވަހަކުވެސް ސަމާހާ އޮފީހަށްދާ ގަޑިއަށް އަހަރެން ހުންނަނީ ނިކުމެ ފުޅަށް ފާރުކައިރީގައެވެ.މިއަދުވެސް އޭނާގެ އިންތިޒާރުގްއި އެތާ އިނީމެވެ. އިންނަތާ ގަޑިއެއްހާއިރު ވީއިރުވެސް އޭނާ ނައެވެ. އަވިއެރުމުން ދެން އިތުރަށް ނުހުންނަން ގޭތެރެއަށް ވަނީމެވެ. ފަހުން ޚަބަރު ލިބުނު ގޮތުގައި އޭނާ މީހަކާ އިންނަށް މާލެއަށް ފުރީއެވެ. އެއީ އޭނާގެ މިހާރުގެ ލޯބިވެރިޔާ އުޅެނީ މާލޭގައި ކަމުގައި ވާތީއެވެ. އެޜޭ އަހަރެން އެކަނި އިނދެ ރުއީމެވެ.އޭނާގެ ކައިވެނީގެރޭ އަހަރެން ދުނިޔެއާ ޝަކުވާކުރީމެވެ.އަހަރެންގެ ކުށަކީ ކޮބައިތޯ އެހީމެވެ. އޭނާ ސަލާމަތް ކުރުންތޯ އެހީމެވެ.

ހަމަސްފަހެވެ. އިއްޔެ ސަމާހާ ރަށަށް އައި ޚަބަރު ލިބުނެވެ. އެކަމަކު އަދި އަހަރެންނަކަށް އޭނާ ނުފެނެއެވެ. ހެނދުނާ ހަވީރުވެސް އޭނާ ފެނޭތޯ ނިކުތީމެވެ. މަސައްކަތްވީ ނާކާމިޔާބެވެ. އަހަރެންގެ އުނދަގޫ ޖެހިދާނެތީ ފިލައިގެން އުޅެނީތާއެވެ.

އާދުވަހަކަށް އިރު އަރައިފިއެވެ. ހެނދުނު ހެނދުނާ ގޭފުޅަށްފާރު ދޮށަށް ނިކުމެލީ ހިތްހަމަޖައްސާލުމުގެ ނިޔަތުގައެވެ. މަގުގެ ދެކޮޅު ހޯދާބަލައިލީމެވެ. އެއާއެކު ފެނުނު މަންޒަރުން އަހަރެންގެ ދެލޯ އިތުރަށް ހުޅުވުނެވެ.ދެފަހަރަކު އެސްފިޔާޖަހާލައި ރަނގަޅަށް ފެންނަން ހުރި މަންޒަރަށް ބަލާލީމެވެ. ޖެހިގެން ހުރިގޭ ފުޅަށް ފާރު ކައިރީގައި ފުރޮޅުލީ ގޮނޑިއެއްގައި އިށީންދެގެން ސަމާހާއިނެވެ. އިސްޖަހާލައިގެން ދެއަތްދެއަތާ ކުޅެލަކުޅެލައެވެ. ލޮލުން ފައިބައިފައިވާ ކަރުނަތައް ކޯތާފަތުގައި ހަރުލާފައި ހުއްޓެވެ. އަހަރެން އިށީންދެ އިން ގޮޑީގެ ފުރޮޅު އަނބުރަމުން ގޮސް ސަމާހާއިން ގޮޑި ކައިރިއަށް ދިޔައީމެވެ.

“ސަމާކިހިނެއްވީ؟” އިޝާރާތުގެ ބަހުން އަހަރެން އެހީމެވެ.ސަމާހާއަށް އެބަސް އެގޭކަން އަހަންނަށް ކަށަވަރެވެ.އެހެނީ އަހަރުމެން ކުރިން ވާހަކަ ދައްކައި އުޅުނީ އެބަހުންނެވެ. ސަމާހާއަށް ވާހަކަދައްކައި އުޅެވުނަސް އަހަންނަކީ މަންމަނަކީމެވެ.

” މާލޭގައިވީ ކާރު އެކްސިޑެންޓެއްގައި ދެފައި ހާލާއަކުވީ. ޕެރެލައިޒްވީ. އޭނާ އަހަރެން ވަރިކޮއްފި. އަހަރެންމީ އޭނާއަށް މުސީބާތަކަށް ވެއްޖެ.”ރޮމުން އިޝާރާތުގެ ބަހުން ސަމާހާ ބުންޏެވެ.

” ސަމާ. އެއްވެސްމީހަކަށް ދެރައެއްދީފައި އަނެކާއަށްް އުފަލަކުގަ ނޫޅެވޭނޭބުނެއެއްނު. ސަމާ ހަނދާންވޭތަ އަހަރުމެން ލޯބިން އުޅުނު ޒަމާން. ސަމާ ހަނދާންވޭތަ އެހާދިސާ ހިނގިރޭ. މުޅިހަރުގޭގަ ކުއްލިއަކަށް ރޯވީ. ބަޔަކުރޯކޮއްލީ. ކީއްވެކަމެއް ނޭންގެ.އަހަރުމެން ބައްދަލުކުރަންގޮސް ހުރީ އެތާތެރޭ. ހަނދާންވޭތަ ހުރި ހަނި ދޭތެރެއިން އަހަރެން ސަމާ ކޮއްޕައިލީބޭރައް. އަހަރެން ގެ ފަޔައް އަލިފާން ހިފާފައިވާ ފިލައެއް ވެއްޓުނީ. ސަމާ ސަލާމަތްކުރެވުމުން ލިބުނު ހިތްހަމަޖެހުމުގާ އަހަރެން ގަބޫލުކުރިން އަހަރެންގެ ފަޔަށް ރަނގަޅުނުވިއަސް ސަމާ އާއެކީ އުޅެވޭނެ ކަމަށް. އެކަމަކުވެސް….ސަމާއަށް އަަހަރެންގެ އިހުސާސްތައް ދެނެގަނެވޭކަމަކަށްނުވި. އަހަންނަށް ލިބުނު ނިކަމެތިކަމުގެ އިތުރަށް ނިކަމެތި ކޮށްލީ.އަހަރެން ނުކުޅެދޭމީހެއްކަންވެސް ރޭކާލީމާފަހުންނެއްނު.” އަހަރެން ހުރިހާ ވާހަކައެއް ދައްކާ ނިންމާލާފަ ދާންއެބުރުނީމެވެ. އަހަރެން ސަމާހާ ދެރަކޮއްލީކީނޫނެވެ. އަހަންނަށް ކުރެވުނު އިހްސާސްތައް އޭނާވެސް ދެނެގަންނަން ބޭނުންވީއެވެ