އިކާން އާއި އަހަރެން ދިމާވީ ރައްޓެއްސެއްގެ އުފަންދުވަހުގެ ޕާޓީއެއްގެ ތެރެއިންނެވެ. ފުރަތަމަ ނަޒަރުންވެސް އިކާންގެ ރީތިކަމަށް ތައުރީފް ކުރެވުނެވެ. ކުރުކޮށް ކޮށާލެވިފަ އިވާ އިސްތަށިގަނޑަކާއި ދިގުކޮއްފަވާ ތުނބުޅި ފެނި އަހަރެންނަށް ފުރަތަމަ ނަޒަރުންވެސް އިކާން ވަރަށް ކަމުދިޔައެވެ. ކަސްރަތީ ހަށިގަނޑެކެވެ. އިކާން އަށް ޓަކައި އަހަރެންގެ ހިތުގައި ވިންދު ޖަހަންފެށި އެވެ. އިކާންގެ ހުއްދަޔަކާއި ނުލައެވެ. ޕާޓީ ތެރޭގައި އިކާންވެސް އަހަރެންނަށް ބަލަމުން ގެންދިޔަދިޔަތަން އަހަންނަށް ފެނުނެވެ. ރަކި ހިނިތުންވުމަކާއއެކު އިރުއިރުކޮޅާ އަހަރެން ހުރިދިމާލަށް ބަލާލައެވެ. އެރޭގެ […]
ތިޔަ ލޯބިން ހިތް އަދު ޒަޚަމް ވަނީވެސް ލޯބިންނޭ ތިޔަ ސޫރަ ހިތުން ނުފިލާނޭ ކެރިހުރެ ވަޢުދުވަމޭ މެހެކް އެބުނި އެއްޗަކުން މާކިންއަށް ލަމުން ދިޔަ ނޭވާވެސް ހުއްޓުނު ފަދައިން ހީވިއެވެ. ދެލޯ ބޮޑުކޮށްގެން ހައިރާންވެފައި މެހެކްގެ ހިތާމައިން ފުރިގެންވާ މޫނަށް ބަލަހައްޓައިގެން ހުރިއިރު ލަދުވެތިކަމުގެ ސާލެއް އޭނާގެ ގައިގައި އޮޅެމުން ދިޔަ ފަދައެވެ. ތުންފަތުގައި ދަތް އަޅާލަމުން އިސް ޖަހާލެވުނު އިރު މާކިންގެ ލޯ ވެސް ކަރުނައިން ފުރިއްޖެއެވެ. އޭނާއަށް އެވަރު ވިސްނާ ނުލެވުނީ […]
ވެލާނާ އިންޓަނޭޝަނަލް އެއާޕޯޓް ގައި ފްލައިޓް ޖެއްސުމާއެކު އަހަރެންގެ ހިތް އުފަލުން ފޮޅުނު ކަހަލައެވެ. އެތަކެއް ދުވަހަކަށް ފަހު އުފަން ބިމުގައި ފައި ޖައްސާލެވޭނެ ވަގުތަކަށް ކެތްތެރި ކަމެއް ނެތި އިންތިޒާރު ކުރެވެމުން ދިޔައެވެ. 5 މިނެޓެއް ހާއިރު މަޑުކޮށްލުމަށްފަހު ބޯޓުން ފައިބައިގެން އެރައިވަލްސް ގޭޓުން ވަދެގެން އަހަރެން މިސްރާބު ޖެހީ ފޮށި ނަގަން ދިއުމަށްށެވެ. މަންމަ އާއި ބައްޕަގެ ފޮނި ހުވަފެންތައް ހަޤީގަތަކަށް ހަދައިދެވުނު ކަމުގެ އިހުސާސްތަށް ހިތަށް ވެރިވި ހިނދު ހިތް އުފަލުން ނަށާލި […]
”އަސްލު ލަހެއް ނޫނެއްނު. ހުރިހާކަމެއް ރަނގަޅަށެއްނު މިދަނީ. ސޯ އިޓްސް އޯކެއި.” އައިލީޝްވެސް ނައިޝަމްގެ މޫނަށް ބަލައިލިއެވެ. އެވަގުތު ދެމީހުންގެ ހަތަރު ކަޅި ހަމަވެ ދެމީހުންގެ ހިތުގައިވެސް ރާގުތައް ކުޅެން ފެށިއެވެ. ދިހަ އަހަރުވެގެން ދިޔައިރުވެސް ދެމީހުންކުރެ އެކަކުވެސް އެމީހުންގެ ހިތުގައި އުފެދެމުން އަންނަ ލޯބީގެ ގުލްޒާރުގެ ވާހަކައެއް އެއްވެސް މީހެއް ކައިރިއަކު ނުބުނެވެ. ދެމީހުންގެ ހިތުގެ އެންމެ އަނޑިއަށް އެކަންތައް ލައިގެން ސިއްރުކޮށްފައި ބަހައްޓާފައި އެހުރީ މަސްލަހަތަށް ޓަކައިއެވެ. ދެމީހުން އެކަކު އަނެކަކަށް އެހައި ބޭނުންވެފައި […]
“ޒެނީޝްއާ އަޔާންގެ ކާވެނި އަވަސް ކޮއްދެވިދާނެތޯ؟” ސުޒާނާގެ ބަސްތައް އަޑު އިވުމުން ޒަހުވާއާއި ނާއިފް އެކަކު އަނެކަކަށް ބަލާލީ ހިނިތުން ވެލާފައެވެ. ******************************* އަރާގެން އައި އިރުގެ ދޯދިތައް ޒެނީޝް މޫނަށް އެޅުމުން އުދަގޫވެގެން ޒެނީޝް އެނެފަރާތަށް ފުރޮޅިލިއެވެ. ނަމަވެސް ކޮޓަރިތެރޭހުރި އަލިކަމުގެ ސަބަބުން ނިދި އެކީހެން ފިލާދިޔައެވެ. މަޑުމަޑުން ތެދުވެލާފައި ޒެނީޝް މޯޅިއަކަށް ދެމިލިއެވެ. ކޮންމެވެސް ވަރަަކަށް ކެހިފަހުރި ބެލްކަނީގެ ފޮތިގަނޑުގެ ތެރެއިން ފުރޭނިގެން އެޅިފައިވާ […]
އަމިއްލަ ހިތާ ޝަކުވާކުރަމުން ދިޔަ ނާޔާ ސިއްސައިގެން ދިޔައީ ފޯނަށް މެސެޖެއް އައި އަޑު އިވުމުންނެވެ. ބޭނުންނުވެފައި އޮވެ ވެސް ފޯން ބަލައިލަން މަޖުބޫރުވީ ފުލުފުލުން އެއަށް މެސެޖް އަންނަ އަޑު އިވުމުންނެވެ. ކުދިކިޔަމުން ގޮސް ފޯން ބަލައިލި ނާޔާގެ ހިތުގެ ހިނގުން އަވަސްވެ އޮތްތަނުން ކުއްލިއަކަށް ތެދުވެވުނީ މެސެޖް ކުރަނީ ކާކުކަން އެނގުމުންނެވެ. ******************************************************************************** ” މާދަމާރޭ 8 ޖަހާއިރު ރަސްފަންނަށް.. އިންތިޒާރު ކުރާނަން…” ސޭވްކޮށްފައި ނެތް ނަމަ ވެސް އެއީ އައިޒަންގެ ނަމްބަރުކަން މީ […]
“މަންމާ..” ގަތްބިރުން އަންޖަލް ވެއްޓުނެވެ. އަދި ފަހަތަށް އެބުރި ޖައިޝްއަށް ބަލާލިއެވެ. މިފަހަރު އެއަށްވުރެ ބާރަށް އަންޖަލް އަށް ހަޅެއްލަވައިގަނެވުނެވެ. ޖައިޝްގެ ސިފަ އަންޖަލްއަށް ފެނުނު މީ ފުރަތަމަ ފަހަރެވެ. ބޯދިގުކޮށްފައި ހުރި އިރު މޫނު ވަނީ ފޮރުވިފައެވެ. ހަމައެކަނި ޖައިޝްގެ މޫނުން ފެންނަން ހުރީ ދެލޮލާއި ނޭފަތެވެ. ތުބުޅިއާއި މަތިމަސް ދިގު ކޮށްފައި ވުމުން މީހާގެ ރީތިކަން ގެއްލި ހީވަނީ “ބެއާ” އެއް ހެނެވެ. އަންޖަލް އަވަސް އަވަހަށް ކަކުލުގައި އަތް އަޅައިގެން ކޮރު ޖަހަމުން […]
އަހަރެން ދުވަހަކުވެސް މާގިނަ ރަހުމަތްތެރިންނެއް ހުންނާކަން ނޭދެމެވެ. ހަމަ އެކަނި ބޭނުންވަނީ އަހަރެން އެރަހުމަތްތެރިއާދެކެ ލޯބިވާ ފަދައިން އަހަރެންދެކެވެސް ލޯބިވާ ވަފާތެރި ރަނގަޅު ރަހުމަތް ތެރި އެކެވެ. ގިނަ ފަހަރު އަދު އިވެނީ ރަހުމަތް ތެރިންނަކީ ފެނިގެއްލޭ ބައެކޭ ބުނާ އަޑެވެ. ނަމަވެސް އަހަރެން ތިބާއާ ބައްދަލުވެ ވާހަކަ ދައްކަން ފެށިވަގުތުން ފެށިގެން އެބުނުމަކީ ތިބާއަށް ބުނެވިދާނެ ބުނުމެއް ނޫންކަން އަހަރެންނަސް ޔަޤީން ވިއެވެ. އެކަނިވެރިކަމުގައި އެކަނިވެރި ވަގުތުތަކުގައި ހިނިތުންވެލާނެ ސަބަބުތައް އަމިއްލައަށް ވިސްނައި ހިނިތުންވަމުންދިއަ ދުވަސްތައް އަހަރެން ހަނދާންވެއެވެ. އެކަނިވެރިކަމުގައި ދިރިއުޅުމުގައި ދިމާވާ ކަންތައްތަކުގެ ތެރޭގައި “ނެގަޓިވް” ވިސްނުންތަކުގައި އަހަރެން ވީމުއެވެ. ތިބާއެވެ. އަހަރެންގެ ދިރިއުޅުމުގައި ތިބާއާ ބައްދަލުވުމަކީ ލިބުނު ވަރަށް ބޮޑު އުފަލެކެވެ. އަހަރެންނަށް ހެއްވާ މަޖާ ވާހަތައް ކިޔައިދިން ހަނދާންތައް އެބަހުރިއެވެ. ލޮލަށް ނުފެންނަން މީހެއް މީހަކަށް އިތުބާރު ކުރާ ފަދައިން އަހަރެން ތިބާއަށް އިތުބާރު ކުރަމެވެ. ތިބާއަށް އަހަރެންގެ ވާހަކަތައް އަކުރުން އަކުރަށް ކިޔާދިނީމުއެވެ. އަހަރެންނަކީވެސް މުހިއްމު މީހެއްކަން އަހަރެންނަން ތިބާ އިހްސާސްކޮށް ދިނީމުއެވެ. މެންދަމުގެ ވަގުތުގައި ތިބާއަށް ގުޅައި ތަކުން ތާކުން ނުޖެހޭ ކަންކަމާ ކަންބޮޑުވެ ހުރެ ވާހަކަތައް ހިއްސާ ކުރި ދުވަސްތައް އަހަރެން ހަނދާން ވެއެވެ. ތިބާ ނެތްނަމަ އަހަރެންގެ މި ހަޔާތް އަހަންނަން ނުލިބުނީސްކަން ޔަޤިނެވެ. އެންމެ ރަގަޅަށް އަހަރެންގެ ހަޔާތް އިނގޭނެ ފަރާތަކީ ތިބާ އެވެ. އަހާށެވެ. މިހާރު އަހަރެމެންނަން ވާހަކަ ނުދެއްކުނު ނަމަވެސް އަހަރެން އަބަދުވެސް ތިބާގެ ފޯން ކޯލަކަށް މަރުހަބާ ކިޔާނަމެވެ. އަހަރެން ދޫކޮށް އެހެން “ބެސްޓް ފުރެންޑް” އެއް ނުހޯދާށެވެ. އަހަރެންނަން ކޮށްދިން ހުރިހާ ކަމަކަށް ޝުކުރުވެރިވަމެވެ. އަހަރެންގެ މިޖާޒު ތިބާއަށް ކަމުދާކަމަށް އަހަރެން އުއްމީދު ކުރަމެވެ.
މިއީ ދުވަހަކުވެސް އަންހެނެއްގެ ފަރާތުން ސަމީރަށް ފެނިފައި ނުވާ ސިފައެކެވެ. އަފީފާ ހިތްވަރުގަދައީއެވެ. ޖެހިލުން ކުޑައީއެވެ. މޭގެ ތެރޭގައި ފޮރުވިފައިވާ ސަމީރުގެ ހިތް ތެޅިފޮޅެންފަށައިފިއެވެ. ސަމީރުގެ ހިތްބުނާކަހަލައެވެ. މީއަނެއްކާ ކޮންފަދަ ކަމެއްބާއެވެ؟ ވިސްނަންވީ އަމިއްލަ ފައިދާއަށް ހެއްޔެވެ؟ ނޫނީ ކުދިންގެ މުސްތަޤްބަލަށް ހެއްޔެވެ؟ މިއީ ޙަޔާތަށް އަންނަން އުޅޭ ތޫފާނެއްބާއެވެ؟ ނޫނީ ހަމަ ހިމޭންކަމުގެ އައްސޭރިއަކަށް ދެވެން އުޅެނީބާއެވެ؟ “އަފީފާ! ތީ އަހަންނަށްވުރެ އުމުރުން ހަގު މީހެއް. އަހަންނަކީ ކޮންފެންވަރެއްގެ ކާކުކަންވެސް ރަށުގެ އެންމެނަށް އިނގޭނެ. ހިޔެއްނުކުރަން […]