ސުކޫލުގެ ގަޑި ނިމޭ ބެލް އެޅުމާއެކު ކުދިންތައް ދަބަސް ހިފައިގެން ކުލާހުން ނިކުންނަން ފެށިއެވެ. އޭގެތެރެއިން އެންމެ ކުރިން ސުކޫލުން ނިކުތް ކުދިންގެ ތެރެއިން ނޫރާއާއި ހުދާ ހިމެނެއެވެ. އެ ދެކުދިންނަކީ އެންމެ ތުއްތު އިރުއްސުރެވެސް ވަރަށް އެކުވެރިކޮށް އުޅޭ ދެކުދިންނެވެ. ސުކޫލުގެ ބޭރުގައި މަޑުކޮށްގެން ތިބި އެކުދިންގެ މަންމަމެންގެ އަތަށް ދަބަސް ދިނުމަށްފަހު ނޫރާއާ ހުދާ މަންމަމެންނަށް ވުރެ ކުރިން ހިނގައިގަތެވެ. “ނޫރާ.. ރޯދަމަސް އަންނަން ދެން ހަފްތާއެއްވެސް ނެތްދޯ.. ވަރަށް ސަޅި އައިޑިއާއެއް އައިސްފި. […]
ފަތިހުގެ މުލަ ހާލުގެ އަޑާއި އެކުވެގެން ދިޔައީ ކޮޓަރި ދޮރުގެ ޓަކީގެ އަޑެވެ. ފުންމައިގެން އެނދުން ތެދުވެ ކޮޓަރީގެ ދޮރު ހުޅުވާލުމަށް ފަހު ފާޚަނާއަށް ދާން ނެގި ފިޔަވަޅަށް ހުއްޓުން އެރީ ގުގުރާލުމަށްފަހު ވެހެން ފެށި ބޯ ވާރެއިންނެވެ. ދެ ފަހަރަކު ފުމެލުމަށް ފަހު ދުވެފައި ގޮސް ކުޑަދޮރު ހުޅުވާލި އިރު އަހަރެން ހުރީ ނުހަނު ބޮޑަށް ހިނިތުންވެފައެވެ. އަވަސް ކޮށްގެން ފާޚަނައަށް ވަދެ ދަތް އުނގުޅާ ވުޟޫކޮށްގެން ނިކުމެ ގޭގައި ނަމާދު ކޮށްލީމެވެ. މުޞައްލަ ނަގާ […]
އެ ފާދިރީ ހީނލައިފައި ބުނެލިއެވެ.” އޭ މިތުރާއޭ މީހެއްގެ ގާތަށް ދާންބުނާކަށެއް އަހަރެމެން މިއުޅޭހެން އުޅޭ ދީންވެރި މީހަކު އަހުރެނެކަށް ނޭނގެއެވެ. މިއޮތީ ފަތުރަތުގެ ޒަމާނެވެ. ޖާހިލުކަން މިވަނީ ޢާންމުވެފައެވެ. އެކަމަކު ނަބިއްޔެއްގެ ޒަމާން މިވަނީ ގާތްވެފައެވެ. އެ ބޭކަލަކު ފޮނުއްވޭނީ އިބްރާހިމްގެފާނުގެ ދީނާއިގެންނެވެ. ފާޅުވާނީ ހިޖާޒްކަރައިންނެވެ. އެ ބޭކަލަކު ދެ ފަރުބަދައެއްގެ ދެމެދުގައިވާ ކަދުރުރުއްގިނަ ތަނަކަށް ހިޖްރައަށް ވަޑައިގަންނަވާނެތެވެ. އެބޭކަލެއްގެ އެއް ޢަލާމަތަކީ އެބޭކަލަކު ސޮދަޤާތެއް ފަރިއެއްނުކުޅުއްވާނެއެވެ. ހަދިޔާ ފަރިއްކުޅުވާނެތެވެ. ދެބޮބިފަޅިދެމެދުގައި ޢަލާމަތެއްވާނެއެވެ.އެއީ ނަބީކަމުގެ ސިއްކައެވެ. […]
ސަލްމާން ފާރިސިއަކީ ފާރިސްކަރައިގެ ސޮފާންގެ ދައްޔުއޭ ކިޔޭ ރަށެއްގެ މީހެކެވެ. ބައެއް ރިވާޔަތުގައި އަހުވާޒުގެ ބައްރިޔާތަކުގެ ތެރެއިން ޝާމްގެ ބައްރިޔާއެއްގެ މީހެއްކަމުގައި ވެއެވެ. ސަލްމާން ފާރިސީގެ ބައްޕައަކީ ސޮފާންގެ މާތްމީހެކެވެ. އެ ރަށުގެ ވެރިމީހާއެވެ. ސަލްމާންގެފާނުގެ ބައްޕަ ސަލްމާންގެފާނުދެކެވައި ލޯތްބަކުން އެސްފީނާއެއްޖެހިދާނެތީ އެއްގޮތަކަށްވެސް ގެއިން ބޭރަކަށް ދިޔަކަ ނުދެއްވައެވެ.އެއްގޮތަކަށްވެސް މީހުންނާއި މައްސުނިވެ އުޅުއްވިޔަކަ ނުދެއްވައެވެ. ސަލްމާންގެފާނުއަކީ އަލިފާނަށް އަޅުކަންކުރަމުން އައި މީހެކެވެ. އަޅުކަންކުރާ އަލިފާންގަނޑުގެ ކައިރީ އަބަދު އުޅެ އުޅެ އެކަމަށް ސަލްމާންގެފާނަށް ލޯބިޖެހިއްޖެއެވެ. ސަލްމާންގެފާނުގެ ބައްޕަ […]
އަބޫ ޔަޒީދުއަށް މީހަކު ދެންނެވިއެވެ. އޭ އަބޫ ޔަޒީދެވެ. މިރޭމިއީ ނަސާރާއިންގެ ޗުއްޓީ ޙަފްލާރެއެވެ. ވީމައި ހިނައިގަނެ އެމީހުންގެ މޮނެސްޓަރީއަށް ގޮސް އެމީހުންގެ ތެރެއަށް ވަންނާށެވެ. ﷲގެ ޙިކުމަތުން އަޖައިބުފެންނާނެއެވެ. އަބޫ ޔަޒީދު ހިނައިގެގެން ގޮސް އިރާޤުގައިވައި ބުސްރާގެ މޮނެސްޓަރީއަށްވަނެވެ. ދެން ފާދިރީ އެމީހުންނަށް ނަސޭހަތްދޭން ކޮޅަށް ހުއްޓުމުން ފާދިރީ ވިދާޅުވިއެވެ. އަހަރެންނަކަށް ނަސޭޙަތެއް ނުދެވޭނެއެވެ. މި މޮނެސްޓަރީއަށް މުހައްމަދީއެއް{މުސްލިމް މީހެއް} ވަދެއްޖެއެވެ. އެބައިމީހުން ސުވާލުކުރިއެވެ. މިތާ އަހަރެމެންގެ ތެރޭގައި މުހައްމަދީއެއް{މުސްލިމް މީހެއް} އިށީނދެއް އިންކަމެއް އެނގެނީ […]
އޭއަޙާއެވެ. ކުޑަ ހިނދުކޮޅަކަށް ކެތްކޮށްލާށެވެ. މިއީ ދުނިޔެއެވެ. ނެތިފަނާވެދާނޭ ދުނިޔެއެވެ. މިއީ ދާޢިމީ ގޮވައްޗެއް ނޫނެވެ. އެއްވެސް ހިތާމައެއް، އެއްވެސް އުފަލެއް މިތާނގައި ދާއިމަށް ދެމި ނޯންނާނެވެ. އުފަލާއި އަރާމަށްފަހު ވޭނާއި ކެކުޅުންވެސް ވާނޭކަން ޤަބޫލުކުރާށެވެ. އެއީ ދުނިޔޭގެ ހަޤީޤަތެެވެ. މި ހަޤީޤަތް ޤަބޫލުނުކުރާހާ ހިނދަކު ތިބާގެ ހިތަށް ހަމަޖެހުމެއް ނުލިބޭނެއެވެ. ﷲ ގެ މިންވަރުފުޅަށް އިމާންވާށެވެ. އެކަލާނގެ އުފަލާއިއެކު ހިތާމަ ލެއްވީ މި ދުނިޔޭގެ އަވައިގައި ތިބާ ނުޖެއްސެވުމަށްޓަކައެވެ. މިއީ ކެހިވެރިކަމުން ފުރިފައިވާ ތަނެކަން ހަނދުމަކޮށްދިނުމަށެވެ. […]
ކާރު ދިޔަ ގޮތަށް ގޮސް ހުއްޓާލީ ބްލެކް ރޯސް ޕްރައިވެޓް ސުކޫލްގެ ގޭޓް ކުރިމައްޗަށެވެ. ******** ” ދަރިފުޅާ މުދައްރިސުންގެ ބަސްއަހާތި އިނގޭ. ބައްޕަ މިދަނީ. ސްކޫލް ނިމޭ ގަޑިއަށް ޑުރައިވަރު ޞާދިޤު ފޮނުވާނަން ދަރިފުޅު ބަލާ. “ ރައިނާ ކާރުން ފޭބުމުން، ޒާހިދު ކާރު ދުއްވާލަމުން ބުނެލި އެވެ. ހިނިތުން ވެލާފާ ރައިނާ ބޯޖަހާލިއެވެ. މަޑުމައިތިރި ހިނގުމެއްގާ ގޭޓުން އެތެރެއަށް ވަދެގެން އައި ރައިނާ ސިއްސައިގެން ދިޔައީ ފަހަތުން އައިސް ކުއްޖަކު އޭނާގެ ކަނާއަތުގާ އޮޅުލައި […]
އެ އިވުނީ ބަންގީގެ މަތިވެރި އަޑުން ދުވަސް ފަށައިދިން އަޑެވެ. ރައިނާ އޭނާގެ ގައިމަތީ އަޅާފައިވާ މަޑުމަޑު ފިޔާތޮށި ކުލައިގެ ރަޖާގަނޑު އެއްފަރާތް ކޮށްލުމަށްފަހު ކަންނެތް ގޮތަކަށް އޭނާގެ ދެލޯ އުނގުޅާލިއެވެ. ރައިނާ އެނދުން ފައިބައިގެން ގޮސް ތުވާލި ހަރުގާ އަޅުވާފައި ހުރި ފިޔާތޮށި ކުލައިގެ ތުވާލި ހިފައިގެން ގޮސް ފާހާނައަށް ވަނެވެ. އޭނާގެ މިސްރާބު ހުރީ ފާހާނަތެރޭ ވަކިން ބިއްލޫރި ޖަހާ ހަދާފައި ހުރި ފެންވަރާ ބަޔާ ދިމާއަށެވެ. ފެންވަރާ ބަޔަށް ވަދެ ވުމުން ރައިނާ […]
އާދައިގެމަތިން މިއަދުވެސް އަހަރެން ހޭލިއިރު ހަވީރުވާން ގާތްވަނީއެވެ. ހައިކަން އިހުސާސްވެފައި ހުރުމުންނާއިއެކު އަހަރެން އަވަސްވެގަތީ ފެންތިކެއްވަރައިލައިގެން ނިކުންނާށެވެ. ރޭގަނޑުދާ ހަތަރުދަމު އަހަރެން ވަގުތު ހޭދަކުރަނީ އަހަރެންގެ އެކުވެރިންނާއެކުގައެވެ. ޕާޓީ ކުރުމުގައެވެ. މަޖަލާ ފޯރީގައި ދީނުގައި ހަރާމް ކުރައްވާފައިވާ ކަންތައްވެސް ކުރަމުން ދިޔައީ ހެއްދެވި ފަރާތެއް ވާކަންވެސް ނޭނގޭ މީހެއްފަދައިންނެވެ. ބިރުގެކަންފުޅެއް ވެސް ނެތިއެވެ. އުމުރުން ފަނަރަ އަހަރަށް އަޅަންދެންވެސް އަހަރެންމީ ވަގުތުން ވަގުތަށް ނަމާދުކޮށް ދީނީކަންކަމަށް ސަމާލުކަންދޭ، ރަނގަޅު ކުއްޖެކެވެ. ނަމަވެސް އަހަރެންނާއި ދިމާވި ބީރައްޓެހި ދެ […]