އިރާކޮޅު ވަގުތެވެ. ހަމަ ހިމޭން ކަމާއި އަމާން އޮމާން މަގުތަކުގައި ވަނީ އަނދިރި ކަމުގެ ތެރެއިން ވާ ނާމާން ކަމެވެ. ބިރުވެރި ކަމެވެ. އެކަނި ހުރެ އަހަރެން ކާށިދޫ ބޮޑު މަގުން ފުއްޓަރު ފަރާތަށް ހިނގަމުން ދިޔަ އިރު ކުރެވެނީ ބިރުވެރި އިހްސާސެކެވެ. އަހަރެންގެ ކުރިމަތިން ވެސް ކުރެވެނީ ނާމާން ކަމުގެ އިހްސާސެވެ. ހަމަ އެގޮތަށް އަހަރެންގެ ފުރަގަހުން އެ އިހްސާސް ކުރެވޭލެއް މާ ބޮޑަށް ވެސް ބިރުވެރިއެވެ. އެ ނާމާން ކަމުގެ ތެރެއިން ވެސް އަހަރެން ހިނގަމުން […]
މާއިލް އާއި ރަމްޕެ އިރުކޮޅަކަށް ހުއްޓުން އެރިއެވެ. އަހަރެން ބުނި ވާހަކައިގެ ސަބަބުން އާޝޯޚު ވެފައި ތިބެ އެމީހުން ދިޔައީ އަހަންނަށް ބަލަމުންނެވެ. ޚާއްސަކޮށް އަހަރެންގެ ފިރިމީހާ މާއިލްއެވެ. “އިތޫ! ކީއްކުރަން ދަނީ؟ އިތޫ އަކަށް ނޭނގޭނެ ރަމްޕެ ކަހަލަ މީހުން އުޅޭ ގޮތެއް. އައްޑާއަށް ގެންގޮސް ކޮންމެ ކަހަަލަ ގޮތެއް ވެސް ހަދާލަފާނެ. ގޭގަ ހުރޭ… މަ އެބަ އަންނަމޭ..” އަހަރެންގެ ކަންފަތް ދޮށަށް މާއިލްގެ ތުންފަތް ކައިރި ކޮށްލަމުން ސިއްރުން ބުނެލިއެވެ. “އަހަރެން ދާނަމޭ… […]
ރޯދަމަސް އަންނާތީ އުފާ ނުކުރަނީ ކާކުހެއްޔެވެ. ރޯދަ މަހާ ބައްދަލްކޮށްލުމުގެ ފުރުސަތު އަލުން ލިބުމަކީ ކިހާ ބޮޑު ނިއުމަތެއްތޯއެވެ. އާ އަޒުމަކައިގެން ތިބާގެ ނަފްސު އިސްލާހުކޮށްލުމަށް އަލުން ލިބޭ ފުރުސަތު އިސްރާފްނުކޮށްލަން މަސައްކަތްކުރަމާތޯއެވެ. މުސްތަފާއަކީ މެދު އުމުރުގެ ޒުވާނެކެވެ. މަސައްކަތްތެރި ހީވާގި ވަޑާންކުރަން މޮޅަށް ދަންނަ މީހެކެވެ. އެތައް ބަޔެއްގެ މަސައްކަތްތައް ނަގައިގެން ބުރަކޮށް އުޅެލުމަށް ކޮންމެ ދުވަހަކުވެސް މުސްތަފާ ނުކުންނަނީ ފޮނި އުންމީދުގައެވެ. ނަމަވެސް މުރާލި މުސްތަފާގެ ދެރައީ އެންމެ ތަންކޮޅެކެވެ. އޭނާއަކީ ނަމާދަށް ވަރަށް […]
މެންދަމުން އަލިވެ ދެއެއް ޖެހީއެވެ. ހަމަހިމޭން ކަމުގެ ތެރޭގައި އިވެމުން ދިޔައީ ހަމައެކަނި ފަންކާގެ އަޑެވެ. ސިޓިންރޫމް ސޯފާގައި އިށީންދެލައިގެން އަހަރެން އިނީ ނިދީގެ ސަބަބުން ތާޔާ ޖެހިޖެހިއެވެ. އިރު އިރުކޮޅާ ލޯ ހުޅުވައި ލުމަށްފަހު ފާރުގައި ހަރުކޮށްފައި ހުރި ގަޑިޔަށް ބަލައިލަމެވެ. ގަޑީގެ ކަށިތައް ހިނގަމުން ދާލެއް ލަސްހެން އަހަންނަށް ހީވެއެވެ. ނޫނެކެވެ. ޔަގީނެވެ. ގަޑީގެ ކަށި ލަހުން ހިނގަނީ އަހަރެން މިވަރަށް ބަލާތީ ކަންނޭނގެއެވެ. އެކަމަކު ނުބެލޭނެ ހެއްޔެވެ؟ ހަމަ ގައިމުވެސް އާދައިގެ މަތިން […]
ޝަބާ ޢަލީއަކީ އޮންލައިން ދުނިޔޭގައި ވަރަށް މަޝްހޫރު، އެތައް ބައެއްގެ ހިތްތައް އޭނާގެ ލިޔުންތަކުން ފަތަޙަކޮށްފައިވާ ވާހަކަ ލިޔުންތެރިއެކެވެ. އޭނާގެ ކޮންމެ ވާހަކައަކީ، ހިތްދަތިކަމާއި، ވަކިވުމުގެ ވޭނާއި، ލޯބީގެ ތެރޭގައި ގެއްލިފައިވާ ފަރާތްތަކުގެ އިހުސާސްތައް ދިރިހުރި ގޮތަކަށް ސިފަކޮށްދޭ އަސަރުގަދަ ލިޔުންތަކެކެވެ. މި ލިޔުންތަކުން އެތައް ހާސް ބަޔަކަށް އަސަރުކޮށްފައިވެއެވެ. ޝަބާގެ ލިޔުންތައް ކިޔާ މީހުންނަށް، އޭނާއަކީ ހިތްވަރުގަދަ، ހިތްތިރި އަދި މީހުންގެ އިހުސާސްތައް ދަންނަ މީހެއްގެ ގޮތުގައި ފެނިގެންދެއެވެ. ނަމަވެސް، މި ހިތްގައިމު ލިޔުންތެރިޔާގެ ހަޔާތުގެ އަޑީގައިވަނީ، […]
ރަށާއި ވަދާޢީ ސަލާމްކޮށްލުމަށްފަހު އަހަރެން މާލެއައީ ފޮނި އުއްމީދުތަކަކާއި އެކުގައެވެ. މާލެއިން ތަޢުލީމު ޙާސިލްކުރުމަށްފަހު ދިޔައީ ބޭރަށެވެ. މަތީ ތަޢުލީމު ޙާސިލްކުރުމަށްފަހު ރަށަށް، އަހުލުންގެ ގާތަށް އައީ އެތައް ހަނދާންތަކަކާއި އެކުގައެވެ. ލޯބިވާ މާމަގެ ހަނދާނެވެ. ބޮޑުދައިތައާއި އީސަ ކޮއްކޮގެ ހަނދާނެވެ. ޢާއިލާ އެއްބައި ކުުރުމުގެ މަޝްރޫޢުގެ ހަނދާނާއެކުއެވެ. މޫސުން ހެޔޮވަރު ރޭގަނޑެއްގެ ދަތުރަށްފަހު ދޯނި ރަށާއި ގާތްވަމުން ދެއެވެ. އަހަރެންގެ ހިތް އަވަސް ވަމުން ދިޔައެވެ. ބޭސް އަތްވަށްވުރެ ގަދަ އަވީގައި ހިޔާގަނޑުން ނުކުމެ ދިރުބާ […]
ހާލަތަކީ ކިތަންމެ އަވަހަކަށް ވެސް ބަދަލު ވެދާނެ އެއްޗެކެވެ. ތަޤްދީރުގެ މޮޅެތި ރޭވުންތައް ހުއްޓުވުމުގެ ބާރު ލިބިފައިވާ އެއްވެސް ފަރާތެއް ދުނިޔޭގައި ނުވެއެވެ. މިއީ ކޮންމެ އިންސާނަކަށްމެ އިނގޭނެ ހަގީގަތެކެވެ. އެހެންނަމަވެސް ރާވާގޮތަށް ކަންތައްތައް ކުރިޔަށް ނުދިޔުމުން އެކަމާ ރޮއް ހިތާމަކޮށް ޝަކުވާ ކުރަނީ މަދުބައެއް ނޫނެވެ. އަހަރެންނަކީވެސް މިބުނާ ފަދަ މީހެކެވެ. އަހަރެންގެ އާއިލާ ބިނާކުރުމަށް ރޭވި ހުރިހާ ރޭވުންތަކާއި ދެކުނު ހުރިހާ ހުވަފެންތައް ވިއްސި ވިހާލެވިގެން ދިޔަ ވަގުތު ރޮއެ، ޝަކުވާ ކުރެވުނެވެ. އެއީ […]
“ވިދާ ބަބުޅާ ދެދޭހުންވެސް އަލިވޮށޭ ތިޔައީ އަހަންނަށް ލެއްވި މަތިވެރި ނޫރެކޭ ތިޔައީ” ބުނެދޭނީ ކިހިނެއް ހެއްޔެވެ؟ ކިޔައި ދޭނީ ކޮންގޮތަކުން ހެއްޔެވެ؟ ލޯބި ފެށެނީވެސް ތިއުގުންނެވެ. ދާއިމީ އުފާވެރިކަންވަނީވެސް ތިފައިތިލަ ދަށުގައެވެ. ތީ ހިތްވަރުގަދަކަމުގެ ނަމޫނާއެކެވެ. ދުނިޔެއަށް ލާމަސީލު މިސާލެކެވެ. ކުރުކޮން ފޮނިކޮންވިޔަސް ބުނެވޭތޯ އެބައުޅެމެވެ. މަންމަ ތިއީ ދިރިއުޅުމުގެ އެންމެ އަގުބޮޑު މުދަލެވެ. އެންމެ މަތިވެރި ނިޢުމަތެވެ. އެންމެ އިހުތިރާމުދޭ ހިތާހިތުން ލޯބިވާ ފަރާތެވެ. މަންމާ! މަންމައަކީ މިހަޔާތުގެ ހުރިހާ […]
ވެހެމން ދިޔަބޯ ވާރޭ ތެރެއިން ވިދާލިވިދުވަރާއި އެކު ވޭނީ ހަޅޭކެއްގެ އަޑު މުޅި ސަރަހަށްދުގައި ހިފައިލިއެވެ. ވިދާލި ވިދުވަރުގެ އަލިން އަނދިރިވެފައިވާ ގޯޅިގަނޑު އަލިވެގެން ދިޔައެވެ. އަހަރެންނަށް ހިތާއި ދިމާއުން މޭގައި އަތްޖައްސާ ބާރު ކޮށްލެވުނެވެ. އެސްފިޔަތަށް ފޫއަޅުވައިލައިފައި ކަރުނަތަށް އޮހެން ފެށާފިއެވެ. ނޭވާލާން ވެސް އުދަގުވިއެވެ. ހިތުގައި އަށަގެނެފައިވީ ބިރު އިތުރަށް ބޮޑުވިއެވެ. އޭނާ ޝަޔާ އަށް އެހަދަނީ ކިހިނެއް ހެއްޔެވެ. އަނެއްކާ އޭނާ ޝަޔާއަށް އަނިޔާކުރަނީ ބާއެވެ. އަހަރެން މިކަންތަކު ތެރެއަށް ވަނީ ކިހިނެއް […]