އައުސް 2

އައުސްގެ ހިތުގެ އަޑު އަޑުއިވެން ފެށީ އޭނާގެ މަންމަ ނިޔާވިތާ ފަސް އަހަރު ފަހުންނެވެ. އެއީ އޭނާގެ ދޮންމަންމަ ނަފީސާ މި ދުނިޔެ ދޫކޮށްދިޔަ ދުވަހެވެ. އެ ދުވަހު އައުސްގެ ދިރިއުޅުން މުޅިން ބަދަލުވެގެން ދިޔައެވެ. “ދޮންމަންމައިންނަކީ ނުލަފާ ބައެއް. އެމީހުން ދަރިންނަށް އަޅާލުމެއް ނުހުރޭ.” މިއީ އައުސް އަބަދުވެސް ދެކެމުން އައި ގޮތެވެ. ނަމަވެސް ނަފީސާއަކީ އެހެން މީހެކެވެ. އޭނާއަކީ އައުސް ދެކެ ނުހަނު ލޯބިވާ، އަޅާލުން ބޮޑު، އައުސް އަށް އަަބަދުވެސް ހެޔޮއެދޭ މީހެކެވެ.

އައުސްގެ ހިތުގައި މިހާރު އުފެދެމުންދަނީ ހިތާމައިގެ ރާގެކެވެ. އެ ރާގު އުފެދެނީ ނަފީސާއާ ދޭތެރޭ ކަންތައް ކުރެވުނު ގޮތުންނެވެ. “ކީއްވެބާ އަހަރެން އެހާ ހިތްދަތި ވީ؟ ކީއްވެބާ އަހަރެން އެހާ ރުޅިއައީ؟” އައުސް އަމިއްލަ ނަފްސާ ސުވާލު ކުރަމުން ދިޔައެވެ.

މިހާރު އައުސްގެ ދިރިއުޅުން ވަނީ މުޅިން ފޫހިވެފައެވެ. ކުރިން ފެންނަމުން ދިޔަ އުފާވެރި ކުލަތައް މިހާރު ވަނީ ފަނޑުވެފައެވެ. ދުވަސްތައް ވޭތުވަމުން ދަނީ ހަމަ އެއްގޮތަކަށެވެ. ހެނދުނު ތެދުވެ، މަސައްކަތަށް ގޮސް، ގެއަށް އައިސް، ނިދަން އޮށޯވެލުމެވެ. “ނަފީސާ ދޮންމަންމާ، އަހަރެން ދެރަވެއްޖެ. މާފުކުރޭ.” އައުސްގެ ލޮލުން ކަރުނަ ފޯރަމުން ދިޔައެވެ. އޭނާގެ ހިތުގައި އުފެދުނު ޝުޢޫރުތަކުގެ ސަބަބުން އޭނާގެ މުޅި ހަށިގަނޑު ތުރުތުރު އަޅަން ފެށިއެވެ

އައުސްގެ ހިތުގެ އަޑު މިހާރު ވަނީ ވަރަށް ބާރުވެފައެވެ. އެ އަޑު ބުނަމުން ދަނީ ދިރިއުޅުމުގައި ލިބޭ ފުރުޞަތުތައް ބޭކާރު ނުކުރުމަށެވެ. ލޯބިވާ މީހުންނަށް ލޯބި ދެއްކުމަށެވެ. އަދި ކުދިކުދި ކަންކަމުގައި އުފާވެރިކަން ހޯދުމަށެވެ. އައުސްގެ ދިރިއުޅުމުގެ ފޮތުގައި މިހާރު ވަނީ އާ ޞަފްޙާއެއް ހުޅުވިފައެވެ. އެ ޞަފްޙާގައި ލިޔެވެމުންދާ ވާހަކައަކީ އުއްމީދާއި ހެޔޮ ބަދަލުގެ ވާހަކައެވެ. އައުސްގެ ހިތުގެ އަޑު މިހާރު ވަނީ އޭނާގެ ދިރިއުޅުމުގެ މަގުދައްކާ ބައްތިއަކަށް ވެފައެވެ. މާޒީގެ ސަފުޙާތަކުގެ ތެރެއަށް ޣަރަގުވެފައި އިން އައުސް ސިހިގެން ދިއައީ ބަންގީގެ މާތް ކަލިމަތަކުގެ އަޑަށެވެ. އޭނާ މިސްކިތަށް ދިއުމަށް އަވަސްވެގަތީ ހިތުގައިވާ އުދާސްތަށް ހެއްދެވި ފަރާތަށް ދެންނެވުމުގެ ނިިޔަތުގައެވެ.

ޢިބްރަތް: “ލޯބިވާ މީހުންގެ އަގު ވަޒަންކޮށް، އަމިއްލަ ނަފްސަށް މާފުކުރުމާއި، ދަތި ޙާލަތްތަކުގައި ހެއްދެވި ފަރާތުން ވާގި އެދުމުގެ އިތުރުން، އުއްމީދާއެކު ދިރިއުޅުމުގައި ހެޔޮ ބަދަލު ގެނައުމަކީ މުހިންމުކަމެވެ.”

(ނިމުނީ)