ހިތާމަ

“އެއީ އޭނައަކަށް މިހާރު އަހަރެމެންނާ ވާހަކަދައްކާނެ ވަގުތެއްނުވޭ.. އަހަރެމެންނަކީ ރައްޓެހިންކަން އޭނަ ހަނދާން ނެތިއްޖެ.. އޭނަ އޭނަގެ ދުނިޔޭގަ އުފަލުގަ އުޅެން ދޫކޮށްލާ.. އަހަރެމެން އަހަރެމެންގެ ހާލައިގެން އުޅުނީމަ ނިމުނީ.. އެހެންވީމަ މާޒް ގާތުވެސް މިބުނީ އޭނަ އަންނާނެކަމަށް ތިހެން ޚިޔާލީފޮލާ ނުކައްކާ އޭނަގެ މަތިން ހަނދާން ނައްތާލާށޭ..” ލީން އެހެން ބުނެލުމުން މާޒްގެ ހިތަށް ވަރަށް ތަދުވިއެވެ. އައިކާ ހަމަ އެހާވަރަށް ބަދަލުވީ ހެއްޔެވެ؟ އޭނާގެ މަތިން ހަނދާން ނައްތާލިޔަސް އޭނާގެ ހިޔަނި ފަދައިން އުޅުނު […]

ހަނާގެ އުމުރުން އެންމެ 15 އަހަރެވެ. ސާނަވީ ތައުލީމު ހާސިލް ކުރަމުން ދާއިރު، ހަނާ ކިޔަވަމުން ދިޔައީ ގްރޭޑް 10 އެއްގައެވެ.  ހަނާއަކީ ކިޔެވުމުގައި މޮޅު، އަދި ތޫނުފިލި ކުއްޖެކެވެ. ދުވަހަކީ އާދާގެ މަތިން ރަސްމީ ކިޔެވުން އޮތް ދުވަހެކެވެ.  ސްކޫލް ނިންމާލުމަށް ފަހު ގެޔަށް އައިރު ގޭތެރެ ވަނީ އާދަޔާ ޙިލާފަށް ހަލަބޮލިވެފައެވެ. މީހުން ގިނަވެ ތޮއްޖެހިފައެވެ. ހަލަބޮލި  މާހައުލުގައި އެންމެންގެ މޫނުމަތިންވެސް ފެންނަނީ ހާސްކަމެވެ. ހަނާވެސް ބަލަން ނުހުރެ ވެގެން އުޅޭގޮތް ބެލުމަށްތަކައި އެތެރެއަށް  ވަނެމެވެ. ހަނާ ހުރީ ވަރަށް ހާސް ވެފައެވެ. އެންމެންގެ މިސްރާބް މަންމަގެ ކޮޓަރިއަށް ހުރުމުން އިތުރަށް ހާސްވާ ގޮތް ވިއެވެ. ހަނާއަށް ލިބުނީ ކުއްލި ހައިރާން ކަމެކެވެ. އަނގަމަތީ އަތްއެލުނީ ބޭއިޙްތިޔާރުގައެވެ. އަހަންނަށް މި ފެންނަނީ ހުވަފެނެއް ބާވައޭ ހިތާހިތުން ސުވާލު ކޮއްލެވުނެވެ. ހުވަފެނެއްނަމަ ކިހާ ރަނގަޅު ބާއެވެ. މީހަކު ކޮނޑުގައި  ހިއްވަރުދިނުމުގެ ގޮތުން އަތް ބާވާލިހެން  ހީވެގެން ބަލާލެވުނެވެ. އެވަގުތު މުޅި ދުނިޔެ ހުއްޓުނު ކަހަލައެވެ. ހިތުގެ ވިންދުވެސް ހުއްޓުނު ކަހަލައެވެ. އެމީހާ ކުޑަކޮށް ހަނާ ތަޅުވާލިއެވެ. ވެގެން އުޅޭގޮތް ރޭކާލީ ދެނެވެ. އުދުއްސާގަންނާނެ ގަލެއް ނޭނގިފަ ހުރިހެން މުޅި މީހާގެ ހަތަރެސްފައި ގަނދުވެ، ކަރުތެރޭ އަޑުބެދޭގޮތްވިއެވެ. އިސާހިތަކު ދެލޯ ފުސްވެ ކަރުނަތައް  ދޮން ކޯތާފަތު މައްޗައް ބޮސްދެމުން ފައިބާ ގަތެވެ. އިރުކޮޅަކުން ގައިން ވާގިގޮސް ހަބަރު ހުސްވާ ގޮތް ވިއެވެ. ހަނާއަށް ހޭވެރިކަމެއް ވީއިރު އޮވެވުނީ ހޮސްޕިޓަލްގައެވެ. ބައްޕަ ގާތުގައި އިންއިރު ބައްޕަގެ މޫނު ވަނީ އެއްކޮށް މިލާފައެވެ. “މަންމާ” އޭ ކިޔާ ހަނާ އަށް ރޮއިގަނެވުނެވެ. ހަނާއަށް ވިސްނާދޭން ހަމީދު މަސައްކަތް ކުރުމުންވެސް އެކަން ވީ ބޭކާރެވެ. ހިނެއުމާއި ކަފުންކުރުމުގެ މަސައްކަތް ނިމުމާއެކު އާއިލާ މީހުންނާއި ގާތް ތިމާގެ ރަހްމަތްތެރިން  މޫނު ބަލާން ޒިޔާރާތް ކުރިއެވެ.  ހަސްނާގެ  މަރާ ގުޅިގެން އާއިލާ އެންމެން ހިތާމާގެ ކަނޑެއް ކަޑައްތު ކުރީރު އެންމެ އަސަރު ކުރީ ހަސްނާގެ ހަގައް  ހުރި ދަރި، ހަނާއަށެވެ. ހަނާއަށް ހަމަ އަކަށް އެޅެން ދުވަސްކޮޅެއް ނެގިއެވެ. ނަމަވެސް މަންމަ މަތިން ހަދާންވާ  ކޮންމެ ފަހަރަކު ހަނާގެ ދޮން ކޯތާފަތް ތެންމާލައެވެ. ހަސްނާގެ މަރާ ގުޅިގެން ހަނާގެ ދިރިއުޅުމަށް ވަރަށް ގިނަ ގުނަ […]

ސާދަ ވިލޭރޭގެ ފުރިހަމަ ހަނދު ވަނީ ބޯ ވިލާތަކުން ފޮރުވިފައެވެ. ވެހެމުން ދިޔަ ވާރޭ ތިކިތައް ދަނީ  މިއުޒިކެއް  ފަދައިން ބިމުގައި ބޮސްދެމުންނެވެ. ހިއްގައިމު ފިނި ރޯޅިތަކުން ފަޒާއަށް ވަނީ ދުންފިނީގެ އަސަރު ފޯރާފައެވެ. މެންދަމުން އަލިވެ 2 ޖެހީރުވެސް ވެހެމުން އައި ވާރެއަކަށް ބަދަލެއް ނާދެއެވެ. މިހިއްގައިމު ރޭގެ ނިދިން މަޙްރޫމް ވެފާއި އޮތް ހަނާއަށް އޮވެވުނީ  ބޮޑު  އުދާހެއްގެ ތެރޭގައެވެ. ލޮލުގައި ނިދީގެ އަސަރެއް ނެތް ހިނދު އޮހެމުން ދިޔަ ކަރުނަތަކަކަށް ވެސް ބަދަލެއް ނާދެއެވެ. ކަރުނައިގެ ފުސްކަމުގެ ތެރެއިން ހަނާއަށް ސިފަވަމުން ދަނީ މަޒީގެ އަނދިރި ސަފްޙާ ތަކެވެ……………

ހަމަހިލާ އެކަކުވެސް އެރޭ ލޮލު ފިޔައެއް ނުޖަހައެވެ. އެންމެންގެ ހިޔާލުގައިވެސް ވަނީ ޔުޝްރާއާއެކު ހޭދަކުރެވިފައިވާ ވަގުތު ތަކެވެ. ********************************** އަނެއް ދުވަހު އެރި އިރާއެކު އެންމެން ތައްޔާރުވަމުން ދިޔައީ ރާއްޖެ ދާންށެވެ. ދެން އިތުރަށް އެތާ ތިބުމުގެ ބޭނުމެއް ނެތީމައެވެ. އެކަކުވެސް ބޭރު ފުށުން އެއްވެސް އަސަރެއް ދައްކާ ނުލާ ތިއްބަސް އެންމެންނަށްވެސް ޔުޝްރާ ނެތުމުން އެކަމުގެ ފަޅުކަން އިހްސާސް ވަމުން ދިޔައެވެ.   “މިހާރު ޗެކިން ފެށެން ވަގުތު ކުޑަތަން ވެއްޖެ. އަވަހަށް އާދޭ އެންމެން.” […]

ކޮޓަރިއަށް ވަދެވުމާއެކު ދެން ވާނެގޮތް ހިތަށް އެރުމުން އައިކާގެ އަތްފައި ފިނިވިއެވެ. ކޮންމެ އަންހެންކުއްޖަކަށްވެސް އާ ކައިވެނީގެ ރޭ މިފަދަ އިހުސާސްތަކެއް ކުރެވޭބާއޭ އޭނާގެ ހިތަށްއެރިއެވެ. ނޫންނަމަ މީ އޭނާގެ ފިނޑިކަމުން ވާ ގޮތްތަކެއްބާއޭ އޭނާގެ ހިތަށްއެރިއެވެ. ހާސްކަން ފޮރުވުމަށްޓަކައި އޭނާ ގޮސް އެނދުގައި އިށީނދެ ދެފައި ނަގާ މެޔާ ކައިރިކޮށްލައިގެން އިނެވެ. އެވަގުތު ދޮރު ހުޅުވާލާފައި ޔޫޝައު އެތެރެއަށްވަދެ ދޮރު ތަޅުލުމުން އޭނާއަށް ދެފައި ވަކިން ބޮޑަށް މެޔާ ގާތްކޮށްލެވުނެވެ. އައިކާގެ ހާލަތު ވިސްނި ޔޫޝައު […]

“ދެރަނުވޭ.. އިރާދަކުރެއްވިއްޔާ ފަހުން ވާން އޮތްގޮތް މާ ރަނގަޅުވާނެ..” ލީން މާޒްއަށް ހިތްވަރުދިނެވެ. އެވަގުތަކީ ޒިޔާން އައިސް އެމީހުން ގާތަށް މަޑުކޮށްލި ވަގުތެވެ. މާޒްއާ ތިންމީހުން ކުޑަކޮށް ވާހަކަ ދައްކާލުމަށްފަހު ލީން ޒިޔާންއާއެކު ދިއުމުން މާޒްވެސް އެއްގަމަށް ހިނގައިގަތެވެ. އޭނާ ވިސްނުމެއްގައި ހިނގަމުން ގޮސް މަޖީދީމަގުން ގޮސް ގޯޅިއަކަށް އެޅި ވަގުތު އެގޯޅިން ނުކުތް ޒުވާން އަންހެންކުއްޖެއްގެ ގައިގައި ލައިގަތެވެ. މާޒްގެ ގައިގައި ޖެހުމާއެކު އެ އަންހެންކުއްޖާ އަރިއަޅާލިއެވެ. މާޒް ހުޝިޔާރުކަމާއެކު އެކުއްޖާ ވެއްޓުނަ ނުދީ ހިފެހެއްޓިއެވެ. […]

“އިއްލު މިޔަދު ކާރަށް އެރީ!!!  އެކަމް ދުވަހަކުވެސް ނާރަމެއްނު. އެޔަށް ފޯބިޔާ ހުރޭނު؟؟” އެބުނީ ވެސް ތެދެކެވެ. މުލައިލް އަކީ އެއްވެސް އިރެއްގައި ކާރަށް އަރާ ކުއްޖެއް ނޫނެވެ. މުލައިލް ކާރަށްއަރަން ބިރުގަނެއެވެ. މުލައިލްއަށް ވެސް އެކަމާ މެދުވިސްނާލެވުނެވެ. ނަމަވެސް ކާރަށް އަރަން ބިރު ގަންނަން ޖެހޭ ސަބަބެއް ދުވަހަކުވެސް ނުވިސްނެއެވެ. “އެވާނީ ޔާނީ އަށް އެހެންވީމަ އަހަރެން ހާސްވެފަ ހުރި ވަރުން ކަމަށް. ” އެއްމިޔަކަނުން ހީލަމުން މުލައިލް އެހެން ބުނެލުމާއެކު ޔާނީއަށް އުފަލުން ހަޅޭއްލަވައި […]

ފިރިހެންވަންތަ ހިނގުމެއްގައި އައިސް ނިކްޔަލް މިއުޝީންގެ ކުރިމައްޗަށް މަޑުކޮށްލިއެވެ. އަދި ލަދުވެތިކަމުގެ ސަބަބުން ރަތްވެފައިވާ އެދޮންމޫނަށް ހިތްގައިމު ގޮތަކަށް ބަލައިލިއެވެ. އެތަންފެނި މިއުޝީންގެ ހުރިހައި ލޯލިތަކެއް ކޮޅަށް ޖެހިގެންދިޔައެވެ. ކޮންފަދަ ހިތްގައިމު ފިރިހެނެއް ހެއްޔެވެ؟ އެރީތިކަމަށް ބަލައި ފޫހިނުވާނެކަން ހަމަ ޔަގީނެވެ. ނިކްޔަލްގެ ލޯބިލިބޭނީ ހަމަ ޔަގީނުންވެސް ނަސީބުގަދަ ކުއްޖަކަށެވެ. އެހަޔާތުގެ ބައިވެރިއަކަށް ހޮވާ ކުއްޖަކަށް އުފަލުގެ ކޮޅެއް ނެތެވެ. އޭނާއަށް އެހިތުން ޖާގައެއް ލިބޭނޭ ނަމައެވެ. ހިތަށްއެރި އެއްޗަކުން ދެލޯބޮޑުކޮށްލަމުން މިއުޝީން ދެފަރާތަށް ބޯހޫރުވައިލިއެވެ. ކިތަންމެ […]