ފުންމައިގެން އަހަރެން ތެދުވީމެވެ. މައިނޭވާލަމުން އަހަރެން ވަށައިގެން ބަލާލީމެވެ. އަހަރެން އިނީ ހޮސްޕިޓަލް އެނދެއްގައެވެ. ޕްރައިވެޓް ރޫމްއެއްގައެވެ. ކައިރި އިން ގޮނޑީގަ ޝާޔާ ނިދިފަ އިނެވެ. އަތަށް ބަލާލިއިރު އައިވީ ގުޅާފަ އޮތެވެ. “ޝާޔާ،” އަހަރެން މަޑުމަޑުން ގޮވާލީމެވެ. ކަރުތެރެވަނީ އެއްކޮށް ހިކިފައިކަމުން ރަނގަޅަށް އަޑެއް ބޭރެއް ނުވިއެވެ. އެކަމު ޝާޔާއަށް އަހަރެންގެ އަޑުއިވުނެވެ. އޭނާ ތެދުވެ އަހަރެން ކައިރިއަށް ވަގުތުން އައެވެ. “މަންމަ އޯކޭތަ؟ ކިހިނެއް ހަދައިދޭންވީ؟” އޭނާ އަހާލިއެވެ. އަހަރެން ފެންބޭނުންވާ ވާހަކަ ބުނުމުން […]
“އެރޭ އަހަރެންގެ އުއްމީދުތައް ފުނޑުފުނޑުވީއިރު، އަހަރެންގެ އެންމެ އަގުބޮޑު ޚަޒާނާ ނަވީންގެ ދެއަތުން ނިގުޅައިގަތްއިރު ނަވީނުގެ ހިތުގައި ރަޙުމެއް ކުލުނެއް ވެސް ނެތްކަން އަހަންނަށް އެނގުނެވެ. އަހަރެން އެ ވޭންތައް ތަޙައްމަލުކުރިއިރު ނަވީން އިންޒާރުދިނީ އެކަކު ކައިރީ ވެސް އެ ވާހަކަތައް ނުބުނާށެވެ. މިއީ އަހަންނަށް އެޅުނު ކަތި ފިޔަވަޅެއްކަން އިހުސާސުވީ މާފަހުންނެވެ. އެރެއަށްފަހު ކޮންމެ ދުވަހަކު ވެސް އަހަންނަށް އިންޒާރުގެ މެސެޖުތައް ނަވީންގެ ފަރާތުން އައީ ލިބެމުންނެވެ. އެކަކު އަނެކަކާ ދިމާވިޔަސް ނަވީންގެ ކަމަކީ އަހަންނަށް […]
ޒާޔާ އެނދުން ތެދުވެ ލޯގަނޑު ކުރިމައްޗަށް ގޮސް ބޮލުގައި އަޅާފައި އޮތް ބޮޑު ބުރުގާ ރީތިކޮށްލިއެވެ. އެވަގުތު ލޯގަނޑުން ފެންނަން ހުރި އޭނާގެ ސޫރައަށް ބަލަހައްޓައިގެން ހުރެވުނެވެ. އެ ސޫރަ، މަލައިކާ ދެންމެ ދެއްކި ކޮންމެ ވާހަކައެއް ކިޔައިދެމުން ދިޔަ ކަހަލައެވެ. މަލައިކާ ދެއްކި ހުރިހާ ވާހަކައެއް ހަނދާންވި ވަރަކަށް ޒާޔާއަށް މަޑުމަޑުން ހިނިތުންވެލެވުނީ ދެން އަންނަން އޮތީ އުފާވެރި ދުވަސްތަކެއް ކަމަށް އެ ހިތަށް ޔަޤީންވެ، ވަރަށް ބޮޑު ހިތްވަރެއް އެ ހިތަށް ލިބުމުގެ ސަބަބުންނެވެ. […]
މަލްޝާއަށް ހޭލެވުނީ ފިރެހެންވަންތަ އަޑެއް ގޮވާ އަޑު އިވިގެންނެވެ. “އޭތް ކިހިނެތްތަވީ؟” މަލްޝާގެ ނިތްކުރީގައި އަތްލަމުން ޒަޔާން ސުވާލުކުރިއެވެ. “ކީކޭ؟” ކިޔާ އެއްޗެއް ރަނގަޅަށް އަޑު ނީވޭތީވެ، މަލްޝާ ސުވާލުކުރިއެވެ. އިރުކޮޅަކުން ހަމަޔަކަށް އެޅުމުން މަލްޝާ މުށިތަކުމަތިން ކޮޅަށް ތެދުވެ، ސާފުކުރަން ގެންގުޅުނު ފޮތިކޮޅު ހިފައިގެން އެ ކޮޓަރިން ދުވެފައި ނުކުތެވެ. ޒަޔާން ހުރީ މަލްޝާއަށްޓަކައި ހާސްވެފައެވެ. ނަމަވެސް އެގޮތަށް އެއްޗެކޭ ނުބުނެ މަލްޝާ ދިޔުމުން ޒަޔާން ރުޅިއައެވެ. މަލްޝާ ކޮޓަރިއަށް ވަދެ މޫނުގައި އަތް އަޅައިގެން […]
ކިތަންމެ ހިތްފަސޭހަ ދަންވަރެއް ވެސް ، ނާމާން ، ބިރުވެރި ، ހިތުން ފިލައިގެން ނުދާވަރުގެ ވޭނީ ރެއަކަށް ބަދަލު ވެގެން ގޮސްފާނެއެވެ. މީހާގެ އިތްފައިތެރިކަން ނަގާލާ ، ބޮޑު ލަދެއްގެ ތެރެޔަށް ވެއްތިގެން ދެއެވެ. އެއްވެސް ކުށެއް ނެތި އެތައް ބައެއްގެ ނަފްރަތާއި ރުޅިވެރިކަމާ ކުރިމަތި ލާން ޖެހިދާނެއެވެ. މީހުން ބުނާތީ އަޑު އަހަމެވެ. އެކަކަށް ގެއްލުމެއް ދީފިއްޔާ އޭގެ ބަދަލު އެ ގެއްލުން ދޭ މީހާއަށް ލިބޭނެއެވެ.އެހެންނަމަވެސް އޭގެ ބަދަލުގައި ގެއްލުމެއް ލިބުމުން އެކަމުގެ […]
މާލޭގެ މަގުތަކު މަތިން އަލި ދަތުރުކުރާހާ ބާރުމިނުގައި މަލައިކާ ހިނގަމުން ގޮސް އިޒްވާ ދިރިއުޅޭ ގެއާ އަރާ ހަމަކޮށްފިއެވެ. އޭރު އެ ގޭގެ ބޭރުން ފަނޑު އަލިކަމެއް މުޅިތަނަށް ފަތުރާލާ ބޮތްކެއް ދިއްލައިފައިވިއެވެ. އެ ބޮތްކަށް މަލައިކާ ދިނީ އެންމެ ނަޒަރެކެވެ. ހަމަ އެހިނދު އެ ބޮކި އަނދައިފިއެވެ. މަގުގެ ދެކޮޅު ބަލައިލުމަށް ފަހު މަލައިކާ ހުރިތަނަށް ޣައިބުވިއެވެ. ސިކުންތުކޮޅެއްގެ ތެރޭ މަލައިކާ އެ ގޭތެރެއަށް ފާޅުވެއްޖެއެވެ. އޭރު ދުރުން ކޮންމެވެސް މީހަކު ވާހަކަދައްކާ އަޑު […]
މަލްޝާއަށް ހޭވެރިކަންވީހެން އިވުނު އަޑަކުން އޭނާގެ ހިތަށް ބިރުވެރިކަން ގެނުވިއެވެ. އެއީ އޭނާގެ ބައްޕަގެ އަޑެވެ. ނަމަވެސް ޝަރީފު ހުއްޓާނުލާ މަޢާފަށް އެދެމުން ދިޔައެވެ. ޝަރީފުގެ އަޑުގައިވަނީ މަޑުމައިތިރިކަމެވެ. މަލްޝާ އޮތްތަނުން ތެދުވެ، އިށީނެވެ. އޭނާގެ އަތުގައިވަނީ ބިޑި އަޅުވާފައެވެ. ކައިރީގައިހުރި ހޮޅިއަށް އެ ބިޑިއަށްވަނީ ޗޭނު އަޅުވާފައެވެ. އަލިކަން ފަނޑު ބޮޑު ތަނެކެވެ. މަލްޝާއަށް ދެން ފެނުނީ އޭނާގެ ބައްޕަ ބަނޑާ ދިމާލުގައި އަތް އަޅައިގެން ބިންމަތީގައި އޮއްވައެވެ. ޝަރީފުގެ ބަނޑަށްވަނީ ވަޅި ހަރާފައެވެ. އޭނާގެ […]
ނިދިފައި އޮތް ލަޝްކާއަށް ހޭލެވުނީ ފޯނު ރިންގުވާ އަޑަށެވެ. ފަހަކަށް އައިސް އޭނާ ވަރުބަލި ވަނީ މާވަރަކަށެވެ. އަބަދުހެން އޮންނަނީ ނިދިފައެވެ. އެނދުގައި ދާއިޔަލް ނެތިފައި، މިސްކިތުގައި ނަމާދު ކުރާ އަޑު އިވޭތީ، އޭނާ ވާނީ މިސްކިތުގައިކަން އޭނާއަށް އެނގުނެވެ. ކައިރީގައި އޮތް އޭނާގެ ފޯނު ނަގާފައި ކަންފަތުގައި ޖަހާލީ ކާކުތޯ ވެސް ބަލާ ނުލައެވެ. އެއްއަތުން އިސްތަށިގަނޑުގައި އަތް ފުނަ އަޅާޅަމުން އެހެން ބުނި ލަޝްކާގެ ދެލޯ އޭރުވެސް ހުރީ މެރިފައެވެ. ނަމަވެސް އެކޮޅުން އިވުން […]
ރޭގަނޑުގެ އެންމެ ހަމަ ހިމޭން ވަގުތެވެ. ގޭގެ ގޯތި ތެރޭގައި ހުރި ޖޯލިފަތީގައި އޮށޯއްވެލައިން އޮތް މިންހާގެ ހަށިގަނޑުގައި ދިރުމެއް ނުވެއޭ ބުނެވިދާނެއެވެ. އޭނާ އޮތީ އެހާވެސް މަޑުންނެވެ. ދުރުން ބަލާ މީހަކަށް އޭނާ ސިފަ ކުރެވޭނީ މަރުވެފައި އޮތް މައްޔިތެއް ފަދައިންނެވެ. ވެދާނެއެވެ. އޭނާގެ އަތެއް ފައެއް ގުޑުވާލަން ވެސް ހަނދާން ނެތީ ކަންނޭނގެއެވެ. މިންހާގެ ސިކުނޑި އޭނަ އާއި ހާނގުރާމަ ކުރަނީއެވެ. އެ ސިކުނޑީގައި އުފެދިފައިވާ ހައިޖާނުގެ ބޮޑުކުޑަ މިން ކިޔައިދެވޭނީ މިނިވަން ވެފައި […]