ހަގީގަތަކީ ކޮބައިހޭ؟…23

“ދާން އެއީ ތެދެއްތަ؟…..މަންމަ އެކިޔަނީ ކީކޭ؟….” ޝަރުއާނު އަހާލިއެވެ. “އެއީ ތެދެއް ބައްޕާ…..” ފައިނާ ބުނެލިއެވެ. ޝަރުއާނާއި ދެން ތިބި މީހުން ވެސް ފައިނާއަށް ބަލާލިއެވެ. ފައިނާ ދެން ބަލާލީ ދުރުގައި ހުރި މެހެކަށްށެވެ. މެހެކު ހުރި ގޮތުން ފައިނާ ވެސް ދެރަވިއެވެ. ނަމަވެސް މިއީ ހަގީގަތް ކިޔައިދޭންވީ ވަގުތުކަން އޭނާއަށް އެނގެއެވެ. ނޫނީ ވަގުތު ފާއިތުވެދާނެއެވެ.

ފައިނާ މަޑުމަޑުން މެހެކު ކައިރިއަށް ދިޔައެވެ. މެހެކު ފައިނާއަށް ބަލާލިއެވެ. “މެހެކު….އައި އެމް ސޯ ސޮރީ……އެކުޗުއަލީ….ނަވީން…ނަވީން އިޒް ނޮޓް ގުޑް…ހީ ހޭޒް ބީން މެނިޕިއުލޭޓިން ޔޫ…..” ފައިނާ ބުނެލިއެވެ. “ވަޓް؟…” މެހެކު ބުނެލިއެވެ. “ތެދެއް އެއީ މެހެކު..ނަވީން ފަސް އަހަރުވަންދެން ކުޑޭގެ ބޮލުގައި ހުރިހާ ކަމެއް އަޅުވައިގެން އުޅުނީ….” ޝާއިންގެ އަޑަށް އެ ދިމާލަށް މެހެކު ބަލާލިއެވެ. ފައިނާ ބޯ ޖަހާލީ އެއީ ތެދެކޭ ބުނާ ފަދައިންނެވެ.

“ކީކޭ…ތި ބުނީ މަގޭ ދަރި މީއްކޮގެ އަސްލު ގާތިލަކީ ނަވީންހޭތަ؟….” ޝެހެނާޒު އެންމެންގެ ކުށްހީ ސާފުކޮށްދިން ފަދައެވެ. ޝާއިން އާއި ފައިނާ އެއްފަހަރާ ބޯ ޖަހާލީ ތެދެކޭ ބުނާ ފަދައިންނެވެ. އެއާއިއެކު މެހެކުގެ ވަށައިގެން އެނބުރެމުންދިޔައީ އެ ދުވަހު ނަވީން އޭނާގެ ގާތުގައި ބުނި ވާހަކަތަކެވެ. އަދި ބަލި އެނދުގައި އޮތް ޝިމާލު ބުނި ވާހަކަ ވެސް މެއެވެ. ފައިނާމެން އެ ދުވަހު އޭނާއަށް ހަގީގަތް އަންގަދޭން ކުރި މަސައްކަތެވެ. މެހެކުގެ ބޮލުގައި ރިއްސައިގަތީ އެނައަށް ކުށެއް ކުރެވިއްޖެ ކަމުގެ އިހުސާސު ކުރެވުނީމައެވެ.

“އެނގޭތަ މީއްކޮ ލޯބިވީ ކާކު ދެކެކަން….” ޝަދާން ބުނެލިއެވެ. ނަޒަރު ސީދާވެފައި ހުރީ ޝެހެނާޒަށްށެވެ. ޝެހެނާޒު ޝަދާންއަށް ބަލާލިއެވެ. ޝަދާން ދެން އޭނާގެ ކޮޓަރިއަށް ވަދެފައި އިރުކޮޅެއްނުވެ ނިކުތީ ކުޑަ ނޯޓު ފޮތެއް ހިފައިގެންނެވެ. އެންމެން ސުވާލުގެ ނަޒަރަކުން ޝަދާނަށް ބަލާލިއެވެ. އެންމެންނަށް ބަލާލުމަށްފަހު އެ ނަޒަރު ދެން ގޮސް ހުއްޓުނީ ދުރުގައި ހުރި މެހެކަށްށެވެ. ޝަދާން ގޮސް މެހެކުގެ ކުރިމަތީގައި ހުއްޓުނެވެ. އަދި އަތުގައި އޮތް ކުޑަ ފޮތް މެހެކަށް ދިއްކޮށްލިއެވެ.

މެހެކު އެއްފަހަރު ޝަދާންއަށް އަނެއްފަހަރު އެ އަތުގައި އޮތް ކުޑަ ފޮތަށް ބަލާލައެވެ. “މީ މީއްކޮގެ ޑައިރީ…މީތި ކިޔާލަބަ އެއިރަށް އެނގޭނެ ވަރަށް ބޮޑު ސިއްރެއް….” ޝަދާން ބުނެލިއެވެ. މެހެކު ފޮތް ހުޅުވަން އުޅުމުން ޝަދާން ހުއްޓުވިއެވެ. މެހެކު ސުވާލުގެ ނަޒަރަކުން ޝަދާނަށް ބަލާލީ މިހާރު ކިހިނެއްވީހޭ އަހާފަދައިންނެވެ. “މިހާރަކު ނޫން…މެހެކު ކޮޓަރިއަށް ގޮސް މި ފޮތް ކިޔާލާ….” ޝަދާން ހަމައެކަނި ބުނެލި އެހެންނެވެ.

މެހެކު އެ ފޮތް ތިރިކޮށްލާފައި އެތާ ތިބި މީހުންނަށް ބަލާލާފައި އެތަނުން ނުކުމެގެން ގޮސް އެނާގެ އެޕާޓުމަންޓަށް ވަދެއްޖެއެވެ. އަދި ތަޅުލާފައި ގޮސް އޭނާގެ ކޮޓަރިއަށް ވަދެ ދަބަހާއި ދެން ހުރި ސާމާނު ވެސް އެކި ތަންތަނަށް އުކާލާފައި ގޮސް އެނދުގައި ބަންޑުން އޮށޯވެލިއެވެ. ދެން އަތުގައި އޮތް ފޮތް ހުޅުވާލިއެވެ. ހަމަޖެހިލައިގެން ފުރަތަމަ ޞަފުހާ ކިޔަން ފެށިއެވެ.

މީސަމްގެ ޑައިރީ (ސިއްރު ހިފަހައްޓައިދޭ އެކުވެރިޔާ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.