ކޮޓަރިތެރޭގައިވީ ހަމަހިމޭންކަން ނަގައިލަމުން ދިޔައީ އަހަރެންގެ ފޯނަށް އަންނަމުން ދިޔަ މެސެޖުތަކުގެ އަޑެވެ. އެހެނަސް އެކަމަކަށް އަހަރެންގެ އެއްވެސް ފަރުވާލެއް ނެތެވެ. އެ މެސެޖު ކުރަނީ ކާކުކަމާއި ކީއްކުރަންކަންވެސް އަހަރެންނަށް ވަރަށް ރަނގަޅަށް އެނގެއެވެ. ފޯނުގެ ރިންގު ކަނޑާލައިފައި އަހަރެން ތެދުވެ ހިނގައިގަތީ ކުޑަދޮރާ ދިމާލަށެވެ. އެތާ ކައިރީގައި ހުރި ކުނިވަށިގަނޑުގައި އޮތީ، އަހަރެން ވަރަށް ލޯބިވި އަދި އަހަރެންގެ ހިތުން އަހަރެންދެކެ ވެސް އެހާމެ ލޯބިވާ، ޖައިލަމް ދިން މާބޮނޑިއެކެވެ. ނަމަވެސް މިއަދު އެ މާތައް […]
ނޯޓް: މިއީ އަޅުގަނޑުގެ ރަހުމަތްތެރިއެއް ފަޅުރަށަކަށް އޭނަގެ އާއިލާއާއި އެކު ދިޔަ ދަތުރެއްގައި ދިމާވި ހާދިސާއެކެވެ. ރީތި އަވިދޭ ދުވަހެކެވެ.ފަތިހުގެ ފިނި ރޯޅިތަކުން ލިއްބައިދޭ ހިތްހަމަޖެހުމަކީ ދުލުން ބަޔާންކޮށްދެވޭނެ އިހުސާސް އެއް ނޫނެވެ. އެ ހުދު ދޮންވެލި ގަނޑުގައި އަނާ (ހިޔާލީ ނަމެއް)ގެ ފައި ޖެހުމުން އަނާއަށް ދެލޯ މަރާލެވުނެވެ.އިރުކޮޅަކު އެހެން ހުއްޓާ ކުއްލިޔަކަށް މީހަކު އަނާގެ އަތުގައި ހިފައިގެން ދަމައިގަތުމުން އަނާއަށް ހަޅޭއްލަވައި ގަނެވުނެވެ. އަނާގެ ކޮށްކޮ ކަމައްވާ އަފާ އަނާގެ އަތުގައި ހިފައިގެން ދަމާފަގެންގޮސް […]
މުޅިން އައު ދުވަހަކަށް މަރުހަބާ ކިޔަމުން, އިރު ދުނިޔެ މައްޗަށް ފައުޅުވިއެވެ. އެނދުމަތީގައި ނިދާ ހެދުން ލައިގެން ފޯން ކުޅެން އޮތް ލަޔާ އޮތީ އޭނާގެ އަމިއްލަ ދުނިޔޭގައެވެ. އިރު އިރު ކޮޅާ ތުންފަތަށް ލުއި ހިނިތުންވުމެއް ވެރިކޮށްލައެވެ. މޫނަ ގެންނަ ހަރަކާތް ތަކުން އެއިނީ ވަރަށް އުފާވެފައިކަން ދޭހަވެއެވެ. އަތުގަ އޮތީވެސް އެންމެ ފަހުގެ އައިފޯން އެކެވެ. ” ދަރިފުޅާ! އަދިވެސް ނިދަނީތަ! ލަޔާ! ތެދުވެބަލަ” ޝަރީފާ ދޮރުގާ ތަޅަންފެށީ ނިކަން ބާރަށެވެ. ފޯނަ ގެއްލި […]
“ދުރުވެބަލަ ކަޔާން! އަހަރެން ގަޑި ޖެހެނިއްޔޭ!” އިޒްހާއަށް ރުޅިއާދެވުނެވެ. “އަރާ!” އިޒްހާ ކަޔާންއަށް ބަލައިލީ ހައިރާންކަމުން ފުރިގެންވީ ނަޒަރަކުންނެވެ. “ލަސްވެގެނެއްނު ތި އުޅެނީ؟ ދެންވެސް އަރާބަލަ އަވަސްކުރަން ބޭނުމިއްޔާ.” ކަޔާން އެހާ ސީރިއަސްކޮށް އެހެން ބުނުމާއިއެކު އިޒްހާއަކަށް ދެކޮޅު ހަދާކަށް ނުކެރުނެވެ. ***** އިޒްހާ ހިމޭންކަމާއިއެކު ގޮސް ކަޔާންގެ ސައިކަލުގެ ފަހަތަށް އެރީ އަރަން ނާރަން ހުރެފައެވެ. ކަޔާން ގާތަށް އައީ ލާނެތް ހިންޏެކެވެ. “ވަޓް؟” އިޒްހާ ދެބުމަ ކައިރިކޮށްލިއެވެ. “ހާދަ ލަދުންނޭ ދޯ ތި އުޅެނީ.. […]
ބޭބެއިންނާއެކު ޔޫސުފްގެފާނު ބައްޕާފުޅު އަރިހުން ނިކުމެ ވަޑައިގެން ދަތުރު ފެއްޓެވިއެވެ. ބައްޕާފުޅުގެ އަރިހުން ތަންކޮޅެއް ދުރަށް ދެވުމުން އެބޭބެއިން ޔޫސުފްގެފާނަށް އެއްޗެހި ގޮވަން ފެށިއެވެ. އަދި ޔޫސުފްގެފާނު ގޮވައިގެން ފުންވަޅެއްގެ ކައިރިއަށް ގޮސް ގަދަކަމުން އެކަލޭގެފާނުގެ ގަމީސްކޮޅު ބޭލުވިއެވެ. އަދި ވާގަނޑެއް ޖަހައި ޔޫސުފްގެފާނު އެވަޅަށް ތިރިކޮށްފައި އެބޭބެމެން ދިޔައެވެ. މާތްﷲ ގެ ރަޙްމަތްފުޅުން،އެކަލޭގެފާނަށް ފައިންޕުޅު އެޅުއްވުނީ ބޮޑު ހިލައެއްގެ މަތީގައެވެ. އެހިނދު އެކަލޭގެފާނަށް ބިރުވެރިކަން އިހުސާސް ކުރެވުނެވެ. ނަމަވެސް މާތްﷲ އެބިރުވެރިކަން ފިލުއްވައި ދެއްވިއެވެ. އަދި […]
އެއްދުވަހަކު ޔައުޤޫބުގެފާނު އިންނެވީ އެކަލޭގެފާނުގެ އެންމެ ތުއްޕުޅު ދެބޭފުޅުން ކަމުގައިވާ ޔޫސުފްގެފާނާއި ބިންޔާމީންއާއެކު ކުޅުއްވާށެވެ. ދެން ތިއްބެވި ދިހަ ބޭފުޅުން ތިއްބެވި އެމަންޒަރު ބައްލަވާށެވެ. އަދި ބައްޕާފުޅު އެބޭފުޅުންނަށް އެއްވެސް ސަމާލުކަމެއް ނުދެއްވާކަން ފާހަގަ ކުރެއްވިއެވެ. އަދި ބައްޕާފުޅުގެ ލޯބި ޔޫސުފްގެފާނަށާއި ބިންޔާމީނު އަށް ލިބިވަޑައިގަންނަވާތީ އެކަމާ ނުރުހުންވެ ތިއްބަވާ އެތަނުން ދުރަށް ވަޑައިގެން ވާހަކަފުޅު ދައްކަވަން ފެށްޓެވިއެވެ. ފަހެ އޭގެ ތެރެއިން އެއް ބޭފުޅަކު ކޯފާވެވަޑައިގެން ހުންނަވާ ވިދާޅުވިއެވެ. ހަމަކަށަވަރުން އަހަރުމެންގެ ބައްޕާފުޅު އަހަރެމެންނަށް ވުރެ […]
އެއްރެއަކު ޔޫސުފްގެފާނު އަވަހާރަފުޅުލައްޕަވާފައި އޮންނަވަނިކޮށް ހުވަފެންފުޅެއް ދެކެވަޑައިގަތެވެ. އެއީ އެގާރަ ތަރިއާއި އިރާއި ހަނދު އެކަލޭގެފާނަށް ސަޖިދަ ކުރާތީއެވެ. އެކަލޭގެފާނު އަވަހާރަފުޅުން ތެދުވެވަޑައިގެން ބައްޕާފުޅު ޔައުޤޫބުގެފާނުގެ އަރިހަށް ވަޑައިގެން ދެންނެވިއެވެ. އޭ ބައްޕާފުޅާއެވެ ! އަޅުގަނޑަށް ޢަޖާއިބު ކުރުވަނިވި ހުވަފެންފުޅެއް ފެނިވަޑައިގެންފިއެވެ. ބައްޕާފުޅު ވިދާޅުވިއެވެ. އޭ ލޯބިވާ ދަރިފުޅާއެވެ. އެހުވަފެނަކީ ކޮބައިހެއްޔެވެ؟ ޔޫސުފްގެފާނު ބައްޕާފުޅަށް ދެންނެވިއެވެ. އަޅުގަނޑަށް ފެނުނު ހުވަފެނަކީ އެގާރަ ތަރިއާއި، އިރާއި ހަނދު އަޅުގަނޑަށް ސަޖިދަ ކުރާތީއެވެ. ޔައުޤޫބުގެފާނު އެހުވަފެންފުޅާމެދު ވިސްނާވަޑައިގަންނަވަން އިންނެވިއެވެ. ދެންފަހެ […]
ހަނގުރާމަ އަކީ މުސްލިމުން ކުރި އެންމެ ބޮޑު އެއް ހަނގުރާމައެވެ. އެހަނގުރާމާގައި މުސްލިމުންގެ އެތައް ހަނގުރާމަ ވެރިންނެއް ޝަހީދުވިއެވެ. އޭގެ ތެރޭގައި މުސްލިމުންގެ އެންމެ މޮޅު އެއް ހަނގުރާމަ ވެރިއެއް ކަމަށްވާ حمزة رضي الله عنه ޝަހީދު ވެގެން ދިޔައެވެ. މީގެ އިތުރުން مصعب بن عمير رضي الله عنه އާއި حنظله رضي الله عنه ވެސް ޝަހީދު ވެގެން ދިޔައެވެ. މުޅި ޖުމްލަ ހަތްދިހަ ބޭކަލުން ޝަހީދު ވެގެން ދިޔައެވެ. އުޙުދު […]
ރަށުގެ އަތިރިމަތީގައި އޮތް ބޮޑު ކުޅިއާއި ދިމާއަށް މާޝާގެ ނަޒަރު ހުއްޓާލައިގެން އިނެވެ. އެކި ފާޑުފާޑުގެ ދޫނިތައް މިނިވަންކަމާއެކު އުދުހި އުދުހިފައި އުޅެމުން ދެއެވެ. އެހިނދު މާޝާގެ ހިތަށް އަރަމުން ފައިބަމުންދިޔައީ އެ ދޫނިތައް ފަދައިން އޭނާއަށްވެސް މިނިވަންކަމާއެކު ކުރިން އުޅުނުހެން އަދި އުޅުވޭނެތޯއެވެ. ނޫޅެވެންވީ ކީއްވެ ހެއްޔެވެ؟ އޭނާގެ މަންމަ ވަނީ އޭނާއަށް އުމުރުން އެންމެ 15 އަހަރު ގައި ކެންސަރާއި ހަނގުރާމަކުރަމުން ދިޔުމުގެ ތެރޭގައި ނިޔާވެފައެވެ. ބައްޕަ ވެސް ވަނީ މަސްތުވާތަކެތީގެ އަވާގައި ޖެހި […]