އައުޅެން އަނިޔާގެ ޝިކާރަކަށްވެ ނިމިއްޖެއެވެ. އިސްމާޢީލް ޢަލީ ކަނދޮޅުދޫ ޙަޔާތުގެ ނައު ދަތުރު ފެށީ އަމާން ކަމާއެކުގައެވެ. ކައިވެނީގެ މަތިވެރި ގޮށްޖެހީ އިތުބާރާއެކީގައެވެ. ލޯބީގެ ހަދިޔާ ދިނީ ޔަޤީން ކަމާއެކުގައެވެ. ޖިސްމަށް ރޫޙީ އުފާ ދިނީ ލޯތްބާއި އެކުގައެވެ. މުޅި އުމުރު ވަފާތެރިވާނަމޭބުނީ ޖޯޝާއެކުގައެވެ. ކުޑަ ދުވަސްކޮޅަކަށްފަހު ނައުގެ މިސްރާބު ގެއްލިއްޖެއެވެ. މަފަކީރު ގެވެށި އަނިޔާގެ ޝިކާރަކަށްވެ ނިމިއްޖެއެވެ. ނުރުހުމުގެ ބަސްތައް އަމާޒުކުރުން އާދައަކަށް ވެއްޖެއެވެ. ގޮށްމުށުގެ ބާރާއި،ނުފޫޒުން ހިތްތޮރުފަމުން ދިޔައެވެ. މާނާޅާ ގަހެކޭ ބުނެ ހިތްރޮއްވައިލައެވެ. […]
އައުޅެން ޙަޔާތް ތިބާއަށްޓަކައި އިސްމާޢީލް ޢަލީ ކަނދޮޅުދޫ ތިބާއަށްޓަކައި ފިދާވާން ތައްޔާރު ވީމެވެ. ތިބާއަށްޓަކައި ހެޔޮ ދުޢާ ކުރީމެވެ. ތިބާ ފެންނަ ފަށުގައި އަބަދުމެ ހުރީމެވެ. ތިބާގެ ހިތުން އެހެންމީހަކަށް ޖާގަ ދީފާނެތީ ހިތްތެޅެއެވެ. ތިބާގެ ރީތި ކަމުގެ ތަސައްވަރުގައި ދިވާނާ ވީމެވެ. ކޮންމެ ހިނދުކޮޅަކީ ތިބާގެ އިންތިޒާރުގެ ވަގުތެވެ. ތިބާގާތްވަމުން ދިޔަ ވަރަކަށް ހިތްކަނުވަމުން ދިޔައެވެ. ތިބާގެ ކޮންމެ އެދުމަކަށް ތަރުޙީބު ދިނީމެވެ. ތިބާއަށްޓަކައި ގެއިން ވައްކަން ކުރީމެވެ. މަންމަގެ އަގޮބޮޑު ރަން ފައްޓަރުބައިވެސް ނެގީމެވެ. […]
އައުޅެން ޙަޔާތުގެ ހިތި އަސަރު އިސްމާޢީލް ޢަލީ ކަނދޮޅުދޫ ރާޅު ބީއްސާ ހިސާބުގައި އޮށޯވެލީމެވެ. ނޫ އުޑުގައިވާ އިރުންހޫނުކަން ލިބެމުން ދެއެވެ. ރާޅު ބީހިލާ ވަގުތު ފިނިކަން އިޙްސާސް ވެއެވެ. ހުދުވެލިގަޑުގައި މޫނު ޖައްސާލީމެވެ. ކުރެވުނު ކަންތަކާ މެދު ވިސްނާ ލެވުނެވެ. އެ ފާފައަށް އަރައި ނުގަނެވުނު ނަމައެވެ. އެ ފަޅުގެއަށް ނުވަދެވުނު ނަމައެވެ. އެވަގުތު ބިރުވެރިކަން އިޙްސާސް ނުވީ ކީއްވެބާވައެވެ. ޢިއްފަތްތެރި ކަމުގެ އަގު ވަޒަން ނުކުރެވުނީ ކީއްވެބާވައެވެ. މި ސިއްރު ފަޅާ އަރާނެއެވެ. މިކަމުގެ […]
އައުޅެން ވީރާނާވީ ޙަޔާތް އިސްމާޢީލް ޢަލީ ކަނދޮޅުދޫ ލޯބީގެ ބަގީޗާގައި މާތައް ފަރިވެ ފޮޅުނެވެ. ލޯބީގެ ބަސްތަކުން ހިތަށް ތަސައްލީ ލިބުނެވެ. އަބަދު އެކުގައި ވާނަމޭ ބުންޏެވެ. ދުރުގައި ހުންނަން އުނދަގޫވެއޭ ބުންޏެވެ. ކައިވެނީގެ ފަހުގައި އުޅޭނެގޮތް ތަސައްވަރު ކުރުވިއެވެ. ދަރިން ހޯދާނެ ގޮތުގެ ޕްލޭން ރޭވިއެވެ. ކައިވެނީގެ ފުރަތަމަރޭ ކުރިންބުނި އެތި ކެންސަލްވިއެވެ. މިހާރު ހުންނަން އުޅެނީ ދުރުގައެވެ. ލޯބީގެ މެސެޖް ތަކެއް ނުލިބެއެވެ. ފޯނަށް ޖަވާބު ލިބެނީ ހާދަ ހާލަކުންނެވެ. ދަރިފުޅުގެ އެއްވެސް ކަމަކާ […]
އައުޅެން ޙަޔާތުގެ ނައު އިސްމާޢީލް ޢަލީ ކަނދޮޅުދޫ ޙަޔާތުގެ ނައު ބެހިގެން ދިޔަ ނުދޭށެވެ. ޙަޔާތުގެ ކޮންމެ ހިނދުކޮޅެއް ނުހަނު އަގުބޮޑެވެ. ކޮންމެ ދުވަހަކު އެތައް ފުރުސަތެއް ލިބެއެވެ. ރާޅު ނަގާވަގުތު ދުވެލި މަޑުކޮލާފައި ކުރިއަށް ދެއެވެ. ގަދަކަނޑު ހުރަސްކޮށްފައި ދޯނި މަންޒިލަށް އާދެއެވެ. ޙަޔާތުގެ ނައު އޮޔާދިޔަދެނީ ކީއްވެހެއްޔެވެ. އީމާންކަމުގެ ނޫރުން ހިތްފުރާލާށެވެ. ދިމާވާދަތިތަކަށް ކެތްތެރިވުމުގެ ބާރުލިބޭނެއެވެ. ކުރިމަތިވާ ކޮންމެ ކަމަކީ އިމްތިޙާނެއް ކަމުގައިދެކޭށެވެ. ފާސްވެއްޖެނަމަ ކާމިޔާބު ލިބުނީއެވެ. ކޮންމެ ކަމެއްގެފަހަތުގައި އެތަކެއް ސިއްރުފޮރުވިފައިވެއެވެ. އެންމެ […]
މަގެ ލޯބި ނޫ މަލޭ ތީ ދޯ ހިތުގައި އަހާބަލާ އާ ދޯ ތި ހިތޭ މަލާ ދިނީ އާ އާ މި ފުރާނަ މީ މަލާ ހައްޤޭ މަގެ ލޯބި ނޫ މަލޭ ތީ ދޯ ހިތުގައި އަހާބަލާ އާ ދޯ ތި ހިތޭ މަލާ ދިނީ އާއާ މި ފުރާނަ މީ މަލާ ހައްޤޭ ………………………………………………….. މި ހިތާއި ޖާނު އެދިގެން އިރު ހަނދު އެކީގަ ލޯބިން ތިޔަ ލޯބި ހަނދުމަ ކުރަމުން […]
އާޅެން ޚިދުމަތުގެ ފޮނިމޭވާ އިސްމާޢީލްޢަލީ ކަނދޮޅުދޫ ޖިސްމުބަލިކަށިވެ އެތައްވޭނެއް ތަހައްމަލުކުޜީމެވެ. ދެއްވި ރީތިސޫރަގެއްލި އޮނިގަޑަކަށް ބަދަލުވިއެވެ. އެންމެ ކުޑައިރުންފެށިގެން މައިންބަފައިންނަށް ޚިދުމަތް ކުރަން ޖެހުނެވެ. ޒުވާން ދުވަސްވަރުންފެށިގެން ފިރިމީހާއަށް ހޭހަން ކުރީމެވެ. ދަރިން ލިބެންފެށުމުން މުޅިޙަޔާ ވަޤުފުކުރީ އެކަމަށެވެ. މުސްކުޅި މައިންބަފައިން ބެލީ ކުޑަކުދިންނާއި އެއްގޮތަށެވެ. އެކަކަށް ހޭހަންކޮށްދީ ނުނިމެނީސް އަނެކަކުގެ މުހުތާދު އޮވެއެވެ. ފިރިމީހާއަށް ޚިދުމަތްދިނީ އިންތިޒާރީގެ ވަގުތުތަކާއި އެކުގައެވެ. ފިރިމީހާ ކަމަކަށް އެދިގޮވާލަފާނެތީ ހޭލާ އިންނަމެވެ. ކޮންމެ ޚިދުމަތެއް ފިރިމީހާއަށް ދިނީ އުފަލުން އިދެއެވެ. […]
އާޅެން ހިތުގެ ރިހުން އިސްމާޢީލް ޢަލީ ކަނދޮޅުދޫ ވޭނީ ޝަކުވާއަށް ދިނީ ބީރުކަންފަތެވެ. ހިތުގައި ވާތަދަށް އިތުރަށް ދަރުއަޅަމުން ދިޔައެވެ. ކުރިމަތީގައި ބޭވަފާތެރި ވަމުން ދިޔައެވެ. ރީތިހާ ކުދިން ގެއަށް ގެނެސް އެނދު ފަޅު ފިލުވިއެވެ. ދަރިފުޅުގެ ރުއިމުގެ ޒިންމާ އެޅުވީ މަގޭ ބޮލުގައެވެ. ޖެއްސުން ކުރުމުގެ ބޭނުމުގައި ދަރިރޮއްވަނީއޭ ބުންޏެވެ. އަނިޔާވެރި ޢަމަލުތައްކޮށް އިންޒާރު ދެމުން ދިޔައެވެ. މަލާމާތުގެ ބަސްތައް ރައްދު ކުރަމުން ދިޔައެވެ. މައިންބަފައިންގެ އަބުރާއިބެހި ހުތުރުހާ އެއްޗެހި ކިޔެވެ. މިހުރިހާ ކަމަކަށް ކެތްކުރަމުން […]
އާޅެން ތައުބާގެ ދޮރު އިސްމާޢީލް ޢަލީ ކަނދޮޅުދޫ ފަޅުގެއަށް ވަނީ ބޯވާރެއިން ސަލާމަތް ވުމަށެވެ. ފިނިމެންދަމުގައި ތިބާގެ ހޫނުން އަރާމުލިބުނެވެ. ތިބާގެ ނޭވާގެ މީރުކަމުގައި ހިތް ގެބެމުން ދިޔައެވެ. ބީހުމުގައިހުރިފޮނިކަން އިޙްސާސް ކުރެވުނެވެ. އަނދިރީގެ ތެރެގައި އަނދިރި ދުނިޔެއަށް ވަދެވުނެވެ. ހޭލެވުނީ ފަތިހުގެ ހާ ގޮވާ އަޑަށެވެ. އެއްވެސް މީހެއްގެ ހިލަމެއްވެސް ނުވެއެވެ. މުޅިތަނަށްވެރި ވެފައިވަނީ ހަމަހިމޭންކަމެވެ. ބަރަހަނާ ހާލު އެކަނިވެރިކަމުގއި ހިތަށް އެރިއެވެ. ފާފައިގެ ފޭރާމުގައި އުފަލެއްނެތެވެ. އެކަނިއޮންނަން ޖެހޭ ދުވަހާއި މެދު ސަމާލުވާންޖެހެއެވެ. ހިތް […]