މުދައްރިސުންގެ ދުވަހުގެ ތަހުނިޔާ އާއި ވެދުން

އޮކްޓޯބަރުގެ ފަސްވަނަ ދުވަސް ކިހިނެއް ހިތުން ފިލުވާލަނީ

އެކުވެރި ދެވަނަ ތީ ޢާއިލާ ހުރިހާ މުދައްރިސުނަށް ވެދުން

ހަންހާރަވެތި އެދުރުންގެ ބިޔަ ގިންތީ ތެރޭ ހިމެނިފަ ވުމުން

ދަންނަވަމެދުވަހުގެ ތަހުނިޔާ ޝުކުރާ އެކީ ކުރަމުން ވެދުން

ފަރިވެފައެވާ ނަލަ މާތަކާ ފޮޅިފައި އެވާ ހުރިހާ މަލުން

އަރިއަހަށް މިތުރު އެދުރުންގެ މިދުވަހު ކުރަމޭ ތަހާނީ އަދު ވެދުން

އެކުވެރިކަމާ އަޚްވަންތަކަން، ޢަމަލާ ބަހުން އަދި ދައްކަދިން

އެކުގައި މިއަދު ނުވިޔަސް މަށާ، އެކުވެރި މުދައްރިސުނަށް ވެދުން

ޑީ. އެމް. ޓުވެންޓީ ފައިވް ބީ، މާ ޚާއްޞަވޭ ދުވަހުގަ މިއައި،

ތީ އެންމެ ނިޔަނެތި އެކުވެރިން ކިޔަމޭ  ތަހާނީ މާމަލުން

ވާދޫ ސްކޫލުގެ އެންމެހާ ލޮބުވެތި އަޚުން އަދި އުޚުތުނަށް

ވާދޫގެ ނަލަ ގޮނޑުދޮށް ފަދައިން މާ ޗާލުކޮށް ކުރަމޭ ވެދުން

ކުޑަފަރި ސްކޫލުގެ ޓީޗަރުން، ލޮބުވެތި ސްޓާފުން އަދި ވެރިން

ކުޑަބޮޑު ކުދިންނާ މައިންބަފައިން ހިމެނޭ ގޮތަށް ކުރަމޭ ވެދުން

މިހިތުން ތިނަން ފިލުމެއްނުވޭ ތިވެދިން އެހީ ފަނޑުވުން ނުވޭ

މިހިތުގަ ދަރިންފަދައިން ގުނޭ ލޮބުވެތި ސްޓޫޑެންޓުންނަށް ވެދުން

ކެރިގެން އަބަދު އިސްކޮށްއުޅޭ ކުޑަބޮޑު ނުބަލަ ނުވައެއް ހިތްވަރުން

ފުރިހަމަ ކަމުން އެ އިވެންޓްތައް ތަކުރާރުކޮށް ޝުކުރާ ވެދުން

އަގުހުރި ބެލެނިވެރި ބޭފުޅުން ތިޔައީ ޙަޤިޤީ މާހިރުން

ވަގުތާ މުނާސަބުކޮށް އަނާ ޝުކުރާ އެކީ ފޮނުވަން ވެދުން

އެތަކެއް ނަމެއް އަދު ޚާއްޞަވޭ، އެތަކެއް ރޮނގުން އަދި ހަނދުމަވޭ

އެހެނަސް މިޅެން ނިންމާލަމުން ދުވަހުގެ ތަހާނީ އާ ވެދުން