‘ހަލޯ..؟’ ނިދި ބަރުވެފައިވައި އަޑަކުން ނިޒްކާ އޭނާގެ ފޯނަށް ޖަވާބު ދިނެވެ. އެއާއެކު އޭނާއަށް ދެލޯ ބޮޑުކޮށްލާ ކޮޓަރީގެ ފާރުގައި ހަރުކޮށްފައި އިން ރަތް ކުލައިގެ ގަޑިއަށް ބަލާލެވުނެވެ. ‘އޯހް ގޯޑް ޒައި.. ކީވެތަ ކުރިން ނުގޮވީ..؟’ އެކޮޅުން ވާހަކަ ދައްކަމުން ދިޔަ ޒައިނީއާއި ނިޒްކާ ވާހަކަ ދައްކަމުން ދިޔައެވެ. ‘އޯކޭ.. މި ރެޑީވަނީ.. ޔޫނުސް ކައިރި ބުނޭ އަހަރެން ބަލާއަންނާށޭ..’ ފޯނު ބޭއްވުމާއި އެކު ނިޒްކާ އޭނާގެ އެނދުން ފުންމައިގެން ކަހަލަ ގޮތަކަށް ތެދުވެ، ފާހަނައަށް ވަދުނެވެ. ދިހަ ވަަރަކަށް މިނެޓު ފަހުން ތުވާލި އަނދެގެން ނިޒްކާ ފާހަނައިން ނުކުތެވެ. ހަމަ އެއާއެކު އަނެއްކާވެސް އޭނާގެ ފޯނު ރިންގް ވާން ފެށިއެވެ. ފޯނު ނެގުމަށް އަވަސްވެގަތުމުގެ ތެރޭގައި ބިންމައްޗަށް އެޅިފައި ހުރި ފެން ކޮޅަކަށް އެރި ކައްސާލައިގެން އޭނާ ވެއްޓުނެވެ. ބިންމަތީގައި އޭނާ ޖެހުމާއިއެކު މަޑު އާހެއް އޭނާގެ އަނގައިން ނުކުތެވެ. ނަމަވެސް ދެވަނަ ސިކުންތުގައި އޭނާ އަވަސްގޮތަކަށް ކޮޅަށް ތެދުވެ ފޯނާ ދިމާލަށް ހިނގައިގަތެވެ. ގުޅަނީ ކާކުތޯ ބަލާވެސް ނުލާ އޭނާ ފޯނު ނަގައިފިއެވެ. ‘ޒައި ޔޫނުސް އައީ ދޯ.. ބުނޭ ފައިވް މިނެޓްސް މަޑުކޮށްލާށޭ.. ހަލޯ.. ހަލޯ؟..’ ނިޒްކާއަށް ދެތިންފަހަރަކު ގޮވާލުމާއިއެކު އެކޮޅުން ވަރަށް ބާރަށް ހޭ އަޑު އިވުނެވެ. ‘އަޅެ ނަވްރީން ދޯ މިގުޅަނީ.. ދެން..ޔާ އެބަ ރެޑީވަން.. ނޫން ނޫން އަހަރެން ކައްސާނުލަން ކިހިނެތް ވީ..؟’ ނަވްރީން އޭނާއަށް ސުވާލުކުރަމުން ދިޔަ ވަގުތު ނިޒްކާ އެޔަށް އެކި އެކި ޖަވާބު ދެމުން ދިޔައެވެ. ‘ބޭކާރު ވާހަކަ ނުދައްކާ.. މަށަށް އެނގެޔޭ ނިޒް ވެއްޓިގެންކަން ތިއުޅެނީ… ތަދުވިތަ..؟ ޝޫޓިންގއަށް އާދެވޭވަރުވާނެތަ؟’ ކަންބޮޑުވެފައި ނަވްރީން ސުވާލު ކުރަން ފެށުމުން ނިޒްކާ އޭނަޔަށް ދެންމެ ވީގޮތް ކިޔައި ދިނެވެ. ‘އޭ.. ނިޒް މިއުޅެނީ ރެޑީވެ.. ފަހުން ގުޅާނަން އިނގޭ..؟’ ފޯނު ކެނޑުމާއިއެކު އަނެއްކާވެސް އޭނާ ތައްޔާރު ވުމަށް އަވަސް ވެގަތެވެ ‘ޔޫނުސް.. ކޮންތަނަކު އޭ؟.. ހްމްމްމް.. މި ނިކުންނަނީ..’ ފޯނު ޖީބަށް ލުމަށްފަހު، ނިޒްކާ އޭނާގެ ރަތް ކުލައިގެ އެޑިޑަސް ބޫޓަށް އަރާ މޭޒު މަތީގަ އިން ގޫޗީ ދަބަސް އަތަށް ހެޔޮވަރު ކޮށްލަމުން އޭނާ ކޮޓަރިން ނުކުތެވެ. އެ ކުޑަ ވަގުތު ކޮޅުވެސް އޭނައަށް ގިނަބައެއްގެ ނަޒަރު ވަނީހުއްޓިފައެވެ. އެހެން ނުވާންވީ އެއްވެސް ސަބަބެއް ނެތެވެ. ކަޅު ކުލައިގެ ސްކިނީއަކާއި އެއްކޮށް ލައިފަ ހުރި ކަޅާއި ރަތް ކުލައިގެ ގޮޅިޖެހި ގަމީހުގެ ގޮށްތަށް ދޫކޮށްލާފައި ވާއިރު، އެތެރެއިން ލައިފަ އިން ކަޅު ކުލައިގެ ބޮޑީޝޫޓުގައި ނިޒްކާ ފެންނަނީ ނުހަނު ޗާލު ކޮށްނެވެ. އެވަގުތު ބޭރުން އަޑުއިވެމުންދިޔަ ކާރެއްގެ ބަރުގޮނޑުގެ އަޑަށް ނިޒްކާގެ ސަމާޅުކަން ވަނީ ހުއްޓިފައެވެ. އަޅައުފައިވާ ކަޅު ކުލައިގެ ޝޯލް ރީތި ކޮއްލަމުން ނިޒްކާ އޭނާގެ ހޮޓެލުން ނުކުތެވެ. ‘ކޮބާ، ނައްޓާލަންވީ ދޯ؟’ ހޮޓެލް ދޮރުމަތީގައި މަޑު ކޮށްގެން އޮތް ކަޅު ކުލައިގެ މަރސީޑްސް ކާރުގެ ފަހަތު ސީޓަށް ނިޒްކާ އަރާ ހަމަޖެހިލުމާއި އެކުހެން ކާރުގެ ދުއްވާ ބައިގައި އިން ޔޫނުސް ލާނެތް ގޮތަކަށް ބުނެލިއެވެ. ‘ދެން ނައްޓާލައިގެން ދޯ ޝޫޓިންގް އަށް ދެވޭނީ.. ހަމަ ޖެއްސުން ކުރާންވެގެން އުޅޭނީ މީނަ..’ ނިޒްކާ ތުން އަނބުރާލަމުން އޭނާގެ ކަންފަތަށް ހެޑްސެޓް ލައްވާލަމުން ލަވަ އެއް ޖަހާލިއެވެ. ހަމަ އެވަގުތު ޔޫނުސް ކާރު ދުއްވާލިއެވެ. މަގުމަތިން ދިޔަ ހާ ކާރަކާއި ސައިކަލެއް އެ މަރސީޑްސް އަށް ތަންދެއްކުމަށްޓަކައި އަވަސް ވެގަތެވެ. އެއްބައިމީހުން އެކާރުގެ ތެރޭގައި އިނީ ކާކުތޯ ބަލަން މަސައްކަތް ކުރަމުން ދިޔަ އިރު އަނެއްބައި މީހުން އެ ކާރު ފަހަތުން ދުވަމުން ދިޔައީ ފޮޓޯ އެއްނެގުމުގެ ބޭނުމުގަ އެވެ. ‘އެއީ އެއްކަލަ ދުވަހު ރާއްޖެ އައި ބަންގްޓަން ގަރލްސްއެއް ނޫންތަ؟’ މަގުމަތީ ހިނގަމުން ދިޔަ ދެ އަންހެން ކުދިންގެ ތެރެއިން އެއް ކުއްޖަކު ބުނެލިއެވެެ.’ހްމްްމްމް.. އެކަމު އޭގައި އިނީ އެންމެ މީހެކޯ..’ އަނެއް އަންހެން ކުއްޖާ މަގުމައްޗާއި ދިމާލަށް ބަލާލަމުން ބުންޏެވެ. ކާރު ދުއްވަމުން ދިޔަ އިރު ނިޒްކާ އިނީ ކުޑަދޮރުން ބޭރުން ފެންނަމުން ދިޔަ މަންޒަރުތަކަށް ގެއްލިފައެވެ. ހުޅުމާލޭގެ މަގުތަކުގައި ދުއްވާތަކެތި މަދު ކަމުން އޭނާ ހުރީ ހައިރާންވެފައެވެ. މާލެވެސް މިހާ ހިތްފަސޭހަ ނަމަ ކިހާރަނގަޅު ހެއްޔެވެ. މަގުމަތީގެ ދެފަރާތުގައިގަސް އިންދާފައި ހުރުމުންނާއި ބައެއް ގަސްތަށް އެވަރަކަށް ކޮށާފައި ވުމުން ފެންނަ އިރު ނުލާހިކު ހިތްގައިމެވެ. ގުދުރަތުގެ ރީތިކަމަށް ލޯބިކުރާ ނިޒްކާ އެ މަންޒަރުތަކުގެ ފޮޓޯ ނަގާ ފޯނަށް ރައްކާކޮއްލިއެވެ. އިންސްޓަގްރާމް އަށް ފަހުން ލާންކަމަށް ނިންމައިގެންނެވެ. އޭނާއާއެކު އުޅޭ އެހެން އަންހެން ކުދިންނާއި ޚިލާފަށް ނިޒްކާ އަކީ ފޮޓޯއެއް ނަގައިފިއްޔާ އެ ފޮޓޯއެއް ފޭސްބުކަށް ނުވަތަ އިންސްޓަގްރާމް އަށް ނުލެވިގެން އުޅޭ ކުއްޖެއް ނޫނެވެ. އުމުރުން އަދި 19 އަހަރު ވި އިރު އޭނާއަކީ އޭނާގެ މައިންބަފައިންގެ ބަސްއަހާ ސްކޫލު ދައުރުގައި އެމީހުން ފަޚުރުވެރިވާ ފަދަ ނަތީޖާތަކެއް ހޯދަފައިވާ ދަރިއެކެވެ. އުމުރުން 14 އަހަރުގައި ބަންގްޓަން ގަރލްސް އަށް ވަން ފަހުން އޭނާއަށް ވަނީ ގިނަ ފާޑު ކިޔުންތަށް ލިބިފައިއެވެ. އެހާ ޅައުމުރަކު އެފަދަ ބޮޑު ބޭންޑެއްގައި އުޅޭ ނަމަ ކިޔެވުމަށް ބުރޫއަރާނެކަމަށް އެއްބައި މީހުން ބުނަމުން ދިޔައިރު އަނެއްބައި މީހުން އޭނާއާއި ގުޅުން ކަނޑާލާނެ ކަމަށް އިންޒާރު ދެމުން ދިޔައެވެ. ނަމަވެސް އެއިން އެއްވެސް ކަމަކަށް ސަމާލުކަން ނުދީ ނިޒްކާ ކުރިއަށް ދިޔައެވެ. ‘ކޮބާ.. މި އާދެވުނީ…’ ކާރުގެ ދުވެލި ސުމަކަށް ހުއްޓާލުމަށްފަހު ޔޫނުސް ފަހަތަށް އެނބުރި ނިޒްކާއާއި ދިމާލަށް ބަލާލަމުން ބުނެލިއެވެ. އެވަގުތު ފެނުނު މަންޒަރަކުން އޭނާގެ ހިނިގަނޑު ފަޅައިގެން ދިޔައެވެ. *ނުނިމޭ*
**’ކޮބާ.. މި އާދެވުނީ…’ ކާރުގެ ދުވެލި ސުމަކަށް ހުއްޓާލުމަށްފަހު ޔޫނުސް ފަހަތަށް އެނބުރި ނިޒްކާއާއި ދިމާލަށް ބަލާލަމުން ބުނެލިއެވެ. އެވަގުތު ފެނުނު މަންޒަރަކުން އޭނާގެ ހިނިގަނޑު ފަޅައިގެން ދިޔައެވެ.** ‘ބަލަ ނިޒޫ.. ކީއްތިކުރަނީ؟’ ކާރުގެ ކުޑަދޮރުގައި މޫނު ތަތް ކޮއްގެން ބޭރު ބަލަން އިން ނިޒްކާ އާއި ސުވާލުކުރިއެވެ. އޭރު ވެސް ޔޫނުސް ދިޔައީ ހެމުންނެވެ. ‘ކަމް އޯން ޔޫނުސް.. މިހާ ރީތި ޕާކެއް ރާއްޖެއިން މިފެނުނީ އަދި އަލަށޭ.. ވާވް،، ބަލަ އެހެރަ ރީތީ ބުޝްތަކެއް.. އެހެރަ ފައުންޓައިން ވެސް.. އަދި އެހެރީ ލޮޓަސް ފެންގަނޑެއްވެސް.. އަޅޭ ފޮޓޯ އެއް ނަގަން ހާދަ ރީތި ވާނޭ..’ ނިޒްކާ އާށޯހު ވެފައި ހުރިލެއް ބޮޑު ކަމުން އޭނާއަށް ބުނެވެމުން ދިޔަ އެވެ. ‘އަދި އަލަށްތަ ބަގީޗާއެއް އެ ފެނުނީ.. ދެން ހާދަ ހެއްވައޭ މި މަންޖެ..’ ދުވާރު މަތީ ހުއްޓިގެން ކުޅި ބަލަން ހުރި އީނާލް ހިތާހިތުން ކުދި ކިޔައިގަތެވެ. ކައިރީގަ ޖެހިގެން ހުރި ނަވްރީން ދިޔައީ ޕާކުން ފެންނަމުން ދާ މަންޒަރުތައް އޭނާގެ އައިފޯން އެސް އީ އަށްރައްކާކުރަމުންނެވެ. އެއްބައިފަހަރު ސެލްފީ އެކެވެ. އަނެއްބައި ފަހަރު ހުޅުމާލޭގެ މަގުތަކެވެ. ރަތް ކުލައިގެ ކަކުލާ ހަމަ އަށް ދާ ގޫޗީ ހެދުމަކާއި، ކޮނޑާއި ހަމަ އަށް ދާ ގަދަ މުށި ކުލައިގެ އިސްތަށިގަނޑު އައްސާފައިވާއިރު، ބޮލުގައި ގޫޗީ ހެޑްބޭންޑް އެއް އަޅައިލާފައިވެއެވެ. އަދި ނުވީތާކަށް އަރާފައި ހުރީވެސް ގުޗީގެ ވެޖް އަކަށެވެ. ބަލާލި ކޮންމެ މީހަކަށްވެސް ނަވްރީން އަކީ ގޫޗީ އަށް ލޯބިކުރާ ކުއްޖެއްކަން ފަސޭހަ ކަމާއެކު ދަނެގަނެވޭނެއެވެ. ނިޒްކާ އަށް ކާރު ތެރެއިން ނުކުތުމާއެކު ނަވްރީން އޭނާގެ ފޯނު އަތަށް ހެޔޮވަރު ކޮއްލަމުން އެ ދިމާލަށް ހިނގައިގަތެވެ. ‘ހޭއި މައި ނިޒް ކާޖާ.. ހިނގާބަ ސެލްފީ އެއް ނަގަން..’ ނިޒްކާ އެއްބަސް ވުމުން ނަވްރީން ފޮޓޯ ނަގަން ފެށި އެވެ. އެހެންނަމަވެސް އެއިން ކޮންމެ ފޮޓޯ އެއްގައިވެސް ނިޒްކާ ހުންނަނީ މޫނު ކުނި ކޮށްގެންނެވެ. ނުވަތަ އެހެންކަހަލަ ވައްތަރެއް ޖައްސާގެންނެވެ. އެ ދެކުދިން ފޮޓޯ ނަގަމުން ދިޔަ ވަގުތު އީނާލް އިރު އިރު ކޮޅާ ފޯނަށް ބަލާލައެވެ. ކަޅު ކުލައިގެ ޓީޝާޓު ކޮޅެއްގެ މަތިން ރަތް ކުލައިގެ ޖެކެޓެއް ލާފައި ވާއިރު ޝޯލް އާއި އޭނާ ލައިގެން ހުރި ސްކިނީ ވަނީ ކަޅު ކުލައިންނެވެ. ޓީޝާޓު ސްކިނީ އާއި ދަށަށް ޖަހާފައި ވާއިރު އޭނާ ފެންނަނީ ނުހަނު ރީތި ކޮންނެވެ. މަގުމަތިން ދާހާ ފިރިހެނަކު 16 އަހަރުގެ އީނާލަށް ބަލަމުން ދިޔަ އިރު އޭނާ އެއިން އެއްވެސް ކަމަކާ އަޅައެއް ނުލައެވެ. ހަމަ އެވަގުތު ޔޫނުސްގެ އެއްކަލަ މަރސީޑްސް ކާރު އެތާ ކުރިމަތީ މަޑު ކޮއްލި އެވެ. މިފަހަރު އޭގެއިން ނުކުތީ ހަތަރު އަންހެން ކުދިންނެވެ. ‘ޒައި، ތުގާ، ޔޫލިން ދެން ކާކުތަ މީނީ..’ އީނާލް އެ ކުދިން ފެނުމާއެކު ބުނެލި އެވެ. އެހެން ނަމަވެސް އެންމެ ފަހުން ނުކުތް ކުއްޖާ އަށް ޖެއްސުން ކޮށްލުމުގެ ގޮތުން އޭނާ ނޭނގޭ ކަމަށް ހަދާލިއެވެ.’އަޅޭ ތިމީހުން ދިރި އެބަހުރިން ދޯ..’ ނަވްރީން އޭނާގެ ފޯނު ޖީބަށް ލަމުން އެ ކުދިންނާ ދިމާލަށްއައެވެ. ‘ބަލަ އަވަހަށް ވެސް އާދެވުނީހޭ މިތާ އުޅޭ ޓޮޑީ އަށް ނޭގުނު ވިއްޔަ އަވަސް ކުރާކަށް..’ ރަތް ކުލައިގެ ކަކުލާ ހަމަ އަށް ދާ ހެދުމަކާއި ކަޅު ޝޯލް އަކާއި ސްކިނީ އެއް ލައިގެން ހުރި ކުއްޖެއް ބުންޔެވެ. އޭނާގެ ދޮން މޫނުގައި މަޑު މޭކްއަޕް އެއް ކޮށްފައިވާ އިރު، ތުންފަތުގައި މަޑު ރަތް ކުލައެއް ޖައްސާލާފައި ވެއެވެ. އުމުރުން 19 އަހަރުގެ ޒައިނީ ޗުސް ތަޅަމުން ދިޔަ އިރު ތުގާ އެއަރ ޕޮޑްސް ޖަހައިގެން ބީޓީއެސްގެ ލަވަތައް އަޑު އަހަން ހުއްޓެވެ. ‘ހޫން ދެން ހެވޭ.. ހިނގާބަ އެތެރެއަށް ދާން.. ލަވްޒާ ވެއްޖެ ކަންނޭގެ އެތާ އެހުރި ބްރިޖް-އޯވަރ-ދަ-ލޭކް މަތީ..’ ޔޫލިން އޭނާ އަޅައިގެން ހުރި މަޑު ރަތް ކުލައިގެ ޝޯލް ރީތި ކޮއްލަމުން ބުނެލި އެވެ. ‘ޔާ މައި ޑިއަރ.. މިދަނީ އޭ..’ ނަވްރީން މިހެން ބުނަމުން ޕާކް ތެރެއަށް ހިނގައިގަތެވެ. ‘އަދި ޖެއްސުމަށޭ ނޭނގޭ ކަމަށް ހަދައިން އުޅެނީ.. ވަރަށް ފޫހި..’ ތުން އޫ ކޮށްލަމުން އީނާލް ކައިރިއަށް ދިޔަ ނައިލީ ބުނެލިއެވެ. ‘ނޫނޭ ހަމަ ނުފެނުނީ..’ އެއްލޯ މަރާލަމުން އީނާލް ބުންޔެވެ. ‘ހަމަ ނުފެނުނީ އެއްނޫން.. ނުފެންނަ ކަމަށް ހެދީ..’ ބޮޑާ ހާކަމުން ދިޔަ ކުޑަ ކުއްޖެކޭ އެއްވަރަށް ނައިލީ ދިޔައީ ކުސްތަޅަމުންނެވެ. ‘ދެން މައި ޔަމީ ލޯބިވާ ނެސްޓަމް ނުފެނި ދާނެތަ؟’ ‘ނެސްޓަމް އޭ؟؟ އެއީ އަނެއްކާ ކޯޗެއް؟’ ނައިލީ ފާޑަކަށް އީނާލް އާއި ދިމާލަށް ބަލާލިއެވެ. ‘ދަންނަންތަ ކުޑަކުދިން ކައި އުޅޭ އެއްޗެހި؟ އެގޮތަށް ހުންނަ އެއްޗެއް އެއީ..’ އީނާލް ހެމުން ހެމުން މިހެން ބުނެލާ އިރަށް ނައިލީގެ ލޯ ބޮޑު ވިއެވެ. ‘އައްޗީޑި.. އަދި އަހަންނަށް ކުޑަ ކުދިން ކާ އެއްޗަކާ އެއްވަރު ކޮށްފިޔޭ.. އިއޫ.. ސޯ ގްރޮސް.. ހިޔެއް ނުވޭ ދެން ހޮޑު ނުލާ ދުވަސް ނިމޭނެ ހެނެއް.. ހާދަ ފަކުރޭ.. ޖަސްޓް އިއޫ..’ ނައިލީ އަނގަ މަތީ އަތް އަޅަމުން ވާހަކަ ދެއްކި އެވެ. އީނާލް އެހުރި ގޮތަށް ހޭން ހުއްޓެވެ. ‘ނާންނަނީތަ؟’ ފަހަތް ބަލާލަމުން ނަވްރީން ގޮވާލި އެވެ. ‘އުހުން.. މި ދަނީ.. ކޮބާ ބާކީ ތިބި މީހުން؟ ވަނީ ތަ؟؟’ ދެކޮޅު ބަލާލުމަށް ފަހު ހިނގައިގަންނަމުން އީނަލް ބުންޏެވެ. ފަހަތުން ނައިލީ ވެސް އައެވެ. އޭނާ އަދިވެސް ހުރީ މޫނަށް ފާޑެއްގެ ގޮތެއް ހަދާގެންނެވެ. ‘އާނ.. އެމީހުން ތިބޭނެ ތިދެމީހުން މަރުވެ ކަފުން ކުރަން ދެކަށް ވެސް..’ ލޯ އަޅާލަމުން ނަވްރީން ބުންޏެވެ. ‘އެހެންތަ.. އެހެންވީރު ތި ވީ މާ ރަނގަޅަކަންނުން.. އަހަރުމެން މަރުވަންދެން ކައިރީގަ ބައަކު ތިބޭނެތާ..’ އީނާލް ހިނި ތުންވެލަމުން ބުނެލިއެވެ. ތިން އަންހެން ކުދިންވެސް އެ ޕާކަށް ވަނީ އެކި ވާހަކައިގާ ހުރެ އެވެ. ‘އާދެވިއްޖެ ދޯ؟..’ ލޮޓަސް ފެންގަނޑު ކައިރީ ހުއްޓިލައިގެން ހުރި ލަވްޒާ އަތް އުރާލައިގެން ހުރެ ބުންޏެވެ. ‘ނޫން އަދި ނާދެ ވޭ ކަންނޭގެ.. ލަވޫގެ ކުރިމަތީ މިހުރީ..’ އަނެއްކާވެސް އީނާލް ކިޔައިގަތެވެ. ‘ޕިސް ދެން ތި އަނގަ ހުއްޓޭނީ ކިހިނެތް ހެދީމަ؟’ ނައިލީ އީނާލް ގެ ބޮލުގައި ޖަހާލަމުން ބުންޏެވެ. ‘މި އަނގަ ހުއްޓޭނީ އަޅުގަނޑު މަރުވެ ކަފުންކޮށް ވަޅުލާ ދުވަހު.’ ހިނިގަނޑެއް ޖަހާލަމުން އީނާލް ބުންޔެވެ. ‘ހޫން ދެން ހެވޭ.. އޭތް.. މިތަނަށް ކިޔަނީ ކީކޭތަ އަނެއްކާ؟. ސަންސެޓް ޕާކް އޭތަ؟’ ނައިލީ ވާހަކަ ބަދަލު ކޮށްލުމުގެ ގޮތުން ބުނެލިއެވެ. އެއާއެކު އެތާ ތިބި ހުރިހާ ކުދިންތައް ހޭން ފެށިއެވެ. ‘ނޫނޭ ނައި.. ސެންޓްރަލް ޕާކޭ މީ.. ސަންސެޓް ޕާކެއް ނޫން..’ ހެމުން ހެމުން ޔޫލިން ބުންޏެވެ. އެއާއެކު ޔޫނުސް ކެމެރާ ތަކެއް ހިފައިގެން އައިސް އެކި ތަންތާގައި ބަހައްޓަން ފެށުމުން ހުރިހާ ކުދިންވެސް ވާހަކަ ދެއްކުން ހުއްޓާލިއެވެ. *ނުނިމޭ*
ރެ އިން ފެށިގެން އަދި ވާ ރޭ ނުހުއްޓައެވެ. ރިޝްމީ އޭނާގެ ކުޑަކޮއް ހުޅުވާފަވާާާާާާާާ ދެލޮލުންް ކުޑަދޮން ބޭ ރު ބަލާލިއެވެ.އެ އާ އެކު އޭނައައް ހީވީ އޭނަގެ މުޅި ހަށިގަނޑުގައި ކަ ރަންޓު ޖެއްސިހެންނެވެ.އެއާއެކު އޭނަމާޒީގެ ތެ ރެޔައް ގެބިގެން ދިޔައެވެ. ……………………… ރިޝްމީ އޭނާއައް ކޮފީއެއް ހަދާލާގެން ބެލްކަނިއައް ނުކުތެވެ. އެއާއެކު އޭނާގެ ގާގާ ޖެހުނީ ތެތް ފިނި ރޯޅިއެކެވެ. އެއާއެކު އޭނާގެ ބޮލުގައި ތިބި އިސްތަށިތައް ވަޔާ އެކު އޭނާގެ މޫނު މަތީގައި […]
‘ހަލޯ..؟’ ނިދި ބަރުވެފައިވައި އަޑަކުން ނިޒްކާ އޭނާގެ ފޯނަށް ޖަވާބު ދިނެވެ. އެއާއެކު އޭނާއަށް ދެލޯ ބޮޑުކޮށްލާ ކޮޓަރީގެ ފާރުގައި ހަރުކޮށްފައި އިން ރަތް ކުލައިގެ ގަޑިއަށް ބަލާލެވުނެވެ. ‘އޯހް ގޯޑް ޒައި.. ކީވެތަ ކުރިން ނުގޮވީ..؟’ އެކޮޅުން ވާހަކަ ދައްކަމުން ދިޔަ ޒައިނީއާއި ނިޒްކާ ވާހަކަ ދައްކަމުން ދިޔައެވެ. ‘އޯކޭ.. މި ރެޑީވަނީ.. ޔޫނުސް ކައިރި ބުނޭ އަހަރެން ބަލާއަންނާށޭ..’ ފޯނު ބޭއްވުމާއި އެކު ނިޒްކާ އޭނާގެ އެނދުން ފުންމައިގެން ކަހަލަ ގޮތަކަށް ތެދުވެ، ފާހަނައަށް ވަދުނެވެ. ދިހަ ވަަރަކަށް މިނެޓު ފަހުން ތުވާލި އަނދެގެން ނިޒްކާ ފާހަނައިން ނުކުތެވެ. ހަމަ އެއާއެކު އަނެއްކާވެސް އޭނާގެ ފޯނު ރިންގް ވާން ފެށިއެވެ. ފޯނު ނެގުމަށް އަވަސްވެގަތުމުގެ ތެރޭގައި ބިންމައްޗަށް އެޅިފައި ހުރި ފެން ކޮޅަކަށް އެރި ކައްސާލައިގެން އޭނާ ވެއްޓުނެވެ. ބިންމަތީގައި އޭނާ ޖެހުމާއިއެކު މަޑު އާހެއް އޭނާގެ އަނގައިން ނުކުތެވެ. ނަމަވެސް ދެވަނަ ސިކުންތުގައި އޭނާ އަވަސްގޮތަކަށް ކޮޅަށް ތެދުވެ ފޯނާ ދިމާލަށް ހިނގައިގަތެވެ. ގުޅަނީ ކާކުތޯ ބަލާވެސް ނުލާ އޭނާ ފޯނު ނަގައިފިއެވެ. ‘ޒައި ޔޫނުސް އައީ ދޯ.. ބުނޭ ފައިވް މިނެޓްސް މަޑުކޮށްލާށޭ.. ހަލޯ.. ހަލޯ؟..’ ނިޒްކާއަށް ދެތިންފަހަރަކު ގޮވާލުމާއިއެކު އެކޮޅުން ވަރަށް ބާރަށް ހޭ އަޑު އިވުނެވެ. ‘އަޅެ ނަވްރީން ދޯ މިގުޅަނީ.. ދެން..ޔާ އެބަ ރެޑީވަން.. ނޫން ނޫން އަހަރެން ކައްސާނުލަން ކިހިނެތް ވީ..؟’ ނަވްރީން އޭނާއަށް ސުވާލުކުރަމުން ދިޔަ ވަގުތު ނިޒްކާ އެޔަށް އެކި އެކި ޖަވާބު ދެމުން ދިޔައެވެ. ‘ބޭކާރު ވާހަކަ ނުދައްކާ.. މަށަށް އެނގެޔޭ ނިޒް ވެއްޓިގެންކަން ތިއުޅެނީ… ތަދުވިތަ..؟ ޝޫޓިންގއަށް އާދެވޭވަރުވާނެތަ؟’ ކަންބޮޑުވެފައި ނަވްރީން ސުވާލު ކުރަން ފެށުމުން ނިޒްކާ އޭނަޔަށް ދެންމެ ވީގޮތް ކިޔައި ދިނެވެ. ‘އޭ.. ނިޒް މިއުޅެނީ ރެޑީވެ.. ފަހުން ގުޅާނަން އިނގޭ..؟’ ފޯނު ކެނޑުމާއިއެކު އަނެއްކާވެސް އޭނާ ތައްޔާރު ވުމަށް އަވަސް ވެގަތެވެ ‘ޔޫނުސް.. ކޮންތަނަކު އޭ؟.. ހްމްމްމް.. މި ނިކުންނަނީ..’ ފޯނު ޖީބަށް ލުމަށްފަހު، ނިޒްކާ އޭނާގެ ރަތް ކުލައިގެ އެޑިޑަސް ބޫޓަށް އަރާ މޭޒު މަތީގަ އިން ގޫޗީ ދަބަސް އަތަށް ހެޔޮވަރު ކޮށްލަމުން އޭނާ ކޮޓަރިން ނުކުތެވެ. އެ ކުޑަ ވަގުތު ކޮޅުވެސް އޭނައަށް ގިނަބައެއްގެ ނަޒަރު ވަނީހުއްޓިފައެވެ. އެހެން ނުވާންވީ އެއްވެސް ސަބަބެއް ނެތެވެ. ކަޅު ކުލައިގެ ސްކިނީއަކާއި އެއްކޮށް ލައިފަ ހުރި ކަޅާއި ރަތް ކުލައިގެ ގޮޅިޖެހި ގަމީހުގެ ގޮށްތަށް ދޫކޮށްލާފައި ވާއިރު، އެތެރެއިން ލައިފަ އިން ކަޅު ކުލައިގެ ބޮޑީޝޫޓުގައި ނިޒްކާ ފެންނަނީ ނުހަނު ޗާލު ކޮށްނެވެ. އެވަގުތު ބޭރުން އަޑުއިވެމުންދިޔަ ކާރެއްގެ ބަރުގޮނޑުގެ އަޑަށް ނިޒްކާގެ ސަމާޅުކަން ވަނީ ހުއްޓިފައެވެ. އަޅައުފައިވާ ކަޅު ކުލައިގެ ޝޯލް ރީތި ކޮއްލަމުން ނިޒްކާ އޭނާގެ ހޮޓެލުން ނުކުތެވެ. ‘ކޮބާ، ނައްޓާލަންވީ ދޯ؟’ ހޮޓެލް ދޮރުމަތީގައި މަޑު ކޮށްގެން އޮތް ކަޅު ކުލައިގެ މަރސީޑްސް ކާރުގެ ފަހަތު ސީޓަށް ނިޒްކާ އަރާ ހަމަޖެހިލުމާއި އެކުހެން ކާރުގެ ދުއްވާ ބައިގައި އިން ޔޫނުސް ލާނެތް ގޮތަކަށް ބުނެލިއެވެ. ‘ދެން ނައްޓާލައިގެން ދޯ ޝޫޓިންގް އަށް ދެވޭނީ.. ހަމަ ޖެއްސުން ކުރާންވެގެން އުޅޭނީ މީނަ..’ ނިޒްކާ ތުން އަނބުރާލަމުން އޭނާގެ ކަންފަތަށް ހެޑްސެޓް ލައްވާލަމުން ލަވަ އެއް ޖަހާލިއެވެ. ހަމަ އެވަގުތު ޔޫނުސް ކާރު ދުއްވާލިއެވެ. މަގުމަތިން ދިޔަ ހާ ކާރަކާއި ސައިކަލެއް އެ މަރސީޑްސް އަށް ތަންދެއްކުމަށްޓަކައި އަވަސް ވެގަތެވެ. އެއްބައިމީހުން އެކާރުގެ ތެރޭގައި އިނީ ކާކުތޯ ބަލަން މަސައްކަތް ކުރަމުން ދިޔަ އިރު އަނެއްބައި މީހުން އެ ކާރު ފަހަތުން ދުވަމުން ދިޔައީ ފޮޓޯ އެއްނެގުމުގެ ބޭނުމުގަ އެވެ. ‘އެއީ އެއްކަލަ ދުވަހު ރާއްޖެ އައި ބަންގްޓަން ގަރލްސްއެއް ނޫންތަ؟’ މަގުމަތީ ހިނގަމުން ދިޔަ ދެ އަންހެން ކުދިންގެ ތެރެއިން އެއް ކުއްޖަކު ބުނެލިއެވެެ.’ހްމްްމްމް.. އެކަމު އޭގައި އިނީ އެންމެ މީހެކޯ..’ އަނެއް އަންހެން ކުއްޖާ މަގުމައްޗާއި ދިމާލަށް ބަލާލަމުން ބުންޏެވެ. ކާރު ދުއްވަމުން ދިޔަ އިރު ނިޒްކާ އިނީ ކުޑަދޮރުން ބޭރުން ފެންނަމުން ދިޔަ މަންޒަރުތަކަށް ގެއްލިފައެވެ. ހުޅުމާލޭގެ މަގުތަކުގައި ދުއްވާތަކެތި މަދު ކަމުން އޭނާ ހުރީ ހައިރާންވެފައެވެ. މާލެވެސް މިހާ ހިތްފަސޭހަ ނަމަ ކިހާރަނގަޅު ހެއްޔެވެ. މަގުމަތީގެ ދެފަރާތުގައިގަސް އިންދާފައި ހުރުމުންނާއި ބައެއް ގަސްތަށް އެވަރަކަށް ކޮށާފައި ވުމުން ފެންނަ އިރު ނުލާހިކު ހިތްގައިމެވެ. ގުދުރަތުގެ ރީތިކަމަށް ލޯބިކުރާ ނިޒްކާ އެ މަންޒަރުތަކުގެ ފޮޓޯ ނަގާ ފޯނަށް ރައްކާކޮއްލިއެވެ. އިންސްޓަގްރާމް އަށް ފަހުން ލާންކަމަށް ނިންމައިގެންނެވެ. އޭނާއާއެކު އުޅޭ އެހެން އަންހެން ކުދިންނާއި ޚިލާފަށް ނިޒްކާ އަކީ ފޮޓޯއެއް ނަގައިފިއްޔާ އެ ފޮޓޯއެއް ފޭސްބުކަށް ނުވަތަ އިންސްޓަގްރާމް އަށް ނުލެވިގެން އުޅޭ ކުއްޖެއް ނޫނެވެ. އުމުރުން އަދި 19 އަހަރު ވި އިރު އޭނާއަކީ އޭނާގެ މައިންބަފައިންގެ ބަސްއަހާ ސްކޫލު ދައުރުގައި އެމީހުން ފަޚުރުވެރިވާ ފަދަ ނަތީޖާތަކެއް ހޯދަފައިވާ ދަރިއެކެވެ. އުމުރުން 14 އަހަރުގައި ބަންގްޓަން ގަރލްސް އަށް ވަން ފަހުން އޭނާއަށް ވަނީ ގިނަ ފާޑު ކިޔުންތަށް ލިބިފައިއެވެ. އެހާ ޅައުމުރަކު އެފަދަ ބޮޑު ބޭންޑެއްގައި އުޅޭ ނަމަ ކިޔެވުމަށް ބުރޫއަރާނެކަމަށް އެއްބައި މީހުން ބުނަމުން ދިޔައިރު އަނެއްބައި މީހުން އޭނާއާއި ގުޅުން ކަނޑާލާނެ ކަމަށް އިންޒާރު ދެމުން ދިޔައެވެ. ނަމަވެސް އެއިން އެއްވެސް ކަމަކަށް ސަމާލުކަން ނުދީ ނިޒްކާ ކުރިއަށް ދިޔައެވެ. ‘ކޮބާ.. މި އާދެވުނީ…’ ކާރުގެ ދުވެލި ސުމަކަށް ހުއްޓާލުމަށްފަހު ޔޫނުސް ފަހަތަށް އެނބުރި ނިޒްކާއާއި ދިމާލަށް ބަލާލަމުން ބުނެލިއެވެ. އެވަގުތު ފެނުނު މަންޒަރަކުން އޭނާގެ ހިނިގަނޑު ފަޅައިގެން ދިޔައެވެ. *ނުނިމޭ* *ޖައުޝާންގެ ނަން ވަނީ ‘ޒައުޝާން’ މި ނަމަށް ބަދަލު ކޮށްފައެވެ.. މިކަން ހުރިހާ ކިޔުންތެރިންގެ ސަމާލުކަމަށް ގެންނަމެވެ*
އެވަގުތެ ބައްޕަ އަވަސް ނޭވާލާން ފެށިޔެވެ.ވަގުތުން އަހަރެން އެތަނުން ނެރެވުނެވެ.އަހަރެން ނުކުތްތަނާ ދޮންތަނާ ދޮންތަޔާއި ދޮންތަބެ އަހަރެންކައިރިޔަށް އައެވެ. ހުދާއްކޮ ކިހިނެއްވީ؟ކީކޭ ޑޭޑް ބުނީ….ދޮންތަ އެހިއެވެ.އަހަރެން އެއްވެސް އެއްޗެއް ނުބުނަމެވެ.ހަމަ ގިސްލަ ގިސްލާފައި ރޮވުނީއެވެ.ހިތަށް ކުރި އަސަރެއްގެ ބޮޑު ކަމުންނެވެ.މަންމައަށް ފަހު ބައްޕަ އަހަނާއި ވަކިވާކަށް ނޭދެމެވެ.ކުއްލިޔަކަށް އަ.އި.ސީ.ޔޫގެ ދޮރުހުޅުވުނެވެ.އަދި ދުއްވާއެދެއްގައި ބައްޕަ ނެރުނެވް.އަހަންނަށް ދުވެފައި ބައްޕަ ކައިރިޔަށް ދެވުނެވެ. ޑޭޑް ޕްލީސްއަހަރެން ދޫކޮށްފަ ނުދާތި މަންމަވެސް އަހަރެން ދޫކޮށްފަ ގޮސްސި ޑޭޑް ވެސް……… އަހަންނަށް […]
ޔުއާން އެއްވެސް ކަމެއް ކުރާ ހިތެއް ނުވެއެވެ. ހަނާގެ ކައިވެނީގެ ކަންތައް ހަމަޖެހެން އުޅޭކަން ޔުއާންއަށް އެނގުނު ހިސާބުން މުޅި މީހާގެ މޫޑު އެއްކޮށް ޚަރާބު ވެއްޖެއެވެ. އޭނާ ކުރި އެއްވެސް އާދޭހެއްގެ އަޑެއް ހަނާނޭހިއެވެ. ހަނާގެ ހިޔާލުތަކުގައި ބަނދެވިފައި ހުރެ ސާރާވެސް ދޫކޮށްލައިފިއެވެ. އަނެއްކޮޅުން ޗުއްޓީ ހަމަވެއްޖެ ތާވެސް އެތައް ދުވަހެއް ވެއްޖެއެވެ. ވަޒިފާއަށް ނުނިކުންނާތީ ވަޒީފާއިން ކަނޑާލާނެ ކަމުގެ މެސެޖުވެސް ލިބިއްޖެއެވެ. ނަމަވެސް އެތަނަށް ދާނެ ހިތްވަރެއްވެސް ޔުއާންގެ ކިބަޔަކު ނެތެވެ. އޭނާއަށްޓަކައި ހަނާ […]
ކިޔާން އަށް ހުރެވުނީ ބުނާނެ އެއްޗެއް ނޭނގިފައެވެ. ތާރާގެ ރީތިކަން މިރޭ އިންތިހާއެވެ. ކަޅު ޑަބަލްނެޓް ފޮތީގެ ތަނބިކަށްޓާއި ހަމައަށް އަރާ ވަރުގެ ވައްތިރި ހެދުމެއް ލައިގެން ހުރިއިރު އުނަގަނޑުގައި ހުދު ކުލައިގެ ބެލްޓެއް އަޅާފައި ވެއެވެ. އެ މަޑު މުށި ކުލައިގެ އިސްތަށިގަނޑު އަބަދުވެސް ހުންނަހެން ހުރީ ހުޅި ޖަހާފައެވެ. ތުންފަތުގައި މަޑު ފިޔާތޮށި ކުލައެއް ޖެއްސުމުގެ އިތުރުން އެއްވެސް އިތުރު މޭކަޕެއް ޖައްސާފައި ނުވެއެވެ. މިރޭ އެ އަޅިފެހި ކުލައިގެ ދެލޯ އިތުރަށް ފެހި […]
ހުމޭޝްގެ މެސެޖު ހުޅުވައިލުމުން ހަނާގެ ހިތައް ހަމަޖެހުމެއް ލިބިގެން ދިޔައެވެ. ހުމޭޝްއަށް އާއެކޭ ބުނެ ޖަވާބު ދިނުމަށްފަހު ނިދޭތޯ ލޯމަރާލިއެވެ. ހެނދުނު ތެދުވެ ހަނާއަށް ފުރަތަމަ ކަމަކަށްވެސް މިރޭ ބައްޕައާ ބައްދަލުކޮށްލަން މެހުމާނަކު އަންނާނެ ވާހަކަ މަންމަ ކައިރީގައި ބުނެލެވުނެވެ. ފަލާޙާއަށް ހަނާގެ މޫނުމަތީގައިވާ ހިނިތުންވުން ސިއްރެއް ނުކުރެވުނެވެ. ނަމަވެސް ހަނާ ބުނީއެއީ ސިއްރެއް ކަމަށެވެ. އަދި ބައްޕައަށް އެވާހަކަ ނަންގަނެ ދެއްވަން ހަނާ ބުންޏެވެ. ދުވަހަކީ ހުކުރު ދުވަސްކަމުން ހަނާވެސް ވަރަށް ފަތިހާ ހޭލައިގެން ނިކުތެވެ. […]
މާހިލްގެ ހިތައް އަރާނީވެސް ކީކޭ ހެއްޔެވެ. ލުމާ ލަދުގަންނަން ވެސް ފަށައިފިއެވެ. މިއަދަކީ އަނެއްކޮޅުން ހުރިހާ ސްޓާފުންގެ މީޓިންގ ވެސް އޮންނަ ދުވަހެވެ. މިކަންތަކަށް ފަހު އަނެއްކާވެސް މާހިލްއާ ކުރިމަތިލާން ޖެހުނީއެވެ. ދެބަޔަށް ވަކިން ހަދާފައިވާ ތަނެއް ހުރެ އެތަނުގައި ބޮޑު އަކުރުން ވަކިވާހެން ނަން އަޅައިފައި ހުއްޓާވެސް ލުމާއަށް ކުރެވުނު ކަންތަކުން އަވަހަށް އެތަނުން ނިކުމެގެން ދާންވެސް ހިތައް އެރިއެވެ. އެންމެންގެ ދިމާ ކުރުންތަކާވެސް ކުރިމަތިލާން ޖެހުނީއެވެ. ސައިގަޑީގައިވެސް މިއަދު ދެކަމެއް ނުކުރެއެވެ. އެންމެން ލުމާއާ […]