އެއް އަހަރު ފަސް މިއަދު އަހަރެންގެ ދިރިއުޅުން މީގެ އެއް އަހަރު ކުރިއާ ވަރަށް ތަފާތެވެ. އަހަރެންގެ ޑިޕްރެޝަނައް މިވަނީ އެތައް ލުޔެއް ލިބިފައެވެ. އަހަރެންގެ ހިތާމަތައް މިހާރު މިވަނީ ފަނޑުވެފައެވެ. ސަބަބެއްނެތި ހިތައް ވަންނަ ބިރުތަކައް އަހަރެން މިހާރު ޖާގައެއް ނުދެމެވެ. އަހަރެންގެ ހިތައް ހެރިފައިވާ ތީރުތައް އަހަރެން މަޑުމަޑުން ނަގައި އުކައިލާފީމެވެ. އެ ޒަހަމްތަކައް ﷲގެ ހެޔޮ ރަހުމަތުން މިހާރުވަނީ ފަރުވާ ލިބިފައެވެ. ނަމަވެސް މިއީ ހުއްޓުމެއް ނެތި ކުރި ބުރަ މަސައްކަތުގެ ނަތީއްޖާއެވެ. […]
ވިތުރީގެ ތިން ރަކުއަތް ކޮށްނިންމާފައި އަހަރެން ދެއަތް އުފުލާ ﷲ ކިބައައް ދުޢާ ކުރަމުން ދިޔައީ އަހަރެންގެ ވޭންތަކައް ލުއި ދެއްވާތޯއެވެ. އަދި ހިތުގައި އެކި މީހުންނާއިމެދުގައިވާ އުދާސްތައް ނެތި ކުރައްވާތޯއެވެ. އެޔާއިއެކު އުސްތާޒާގެ ވާހަކާގައި މީހުންނަށް މާފްކުރުމަށް އެދުނު ހަނދާންވުމުން ފުން ނޭވާއެއް ދޫކޮށްލެވުނީ އެކަމާއިމެދު ޔަޤީން ނުވާ ހާލުގައެވެ. ނަމަވެސް ﷲއަށްޓަކައި އެކަންކުރަން ހަނދާންވުމުން، ﷲއަށްޓަކައި އެ އެންމެނަށް މާފްކޮށްފީންކަމަށް ﷲގެ ހަޟްރަތުގައި ދެންނެވުނެވެ. އެމީހެއްގެ އަމަލެއް އެމީހަކައްތާއޭ ހިތައް އެރިއެވެ. އަހަރެންގެ ހިތައް […]
“މިރޭ ވާހަކަ ދައްކަން މިއުޅެނީ އަހަރެމެންގެ ސިކުނޑިއަށް ވަންނަ ނެގެޓިވް ޚިޔާލުތައް ހުއްޓުވާނީ ކިހިނެއް ކަމާއިމެދު. އެއްކޮޅުން އަހަރެމެންގެ ނަފްސު އެތައް ޚިޔާލުތަކެއް ސިކުނޑިއަށް ވައްދައި ކަންކަމައް ފިކުރު ކުރަން އަންގާއިރު، އަނެއްކޮޅުން ޝައިޠާނާވެސް އެތައް ވަސްވާސެއް އަހަރެމެނައް ދެމުން ގެންދޭ. އަހަރެމެންގެ ސިކުނޑިއަށް ވަންނަ ކޮންމެ ޚިޔާލަކީ ރަނގަޅު ޚިޔާލެއް ނޫން. ބައެއް ޚިޔާލުތަކަކީ ބޭކާރު ޚިޔާލުތައް. އަދި ނުރަނގަޅު ޚިޔާލުތައް.” އުސްތާޒާގެ ވާހަކަ ފެށުމާއިއެކު އަހަރެންގެ ނޭވާ އަވަސްވާން ފެށިއެވެ. ހީވީ ސީދާ […]
އެ އުޚްތާގެ ވާހަކަ ނަމާދު ވަގުތައް ނިންމާލި އިރުގައި ހުރިހާ ބައިވެރިންވެސް ތިބީ ދިރިއުޅުމުގެ އެތައް ޞޮފްހާތަކެއްގެ ހިތްދަތިކަމުން އަރައިގަނެވޭނެ އަލިމަގު ލޮލުކޮޅައް ފެންނަ ހިސާބުގައެވެ. ދެން އޮތީ ހިތްވަރު ކޮށްގެން އެމަގުން އެއަލީގެ އަސްލާއި ހަމައަށް ވާސިލު ވެވޭތޯ އަމަލުން މަސައްކަތް ކުރުމެވެ. އަހަރެންގެ ދިރިއުޅުން އޮތީ ކޮންހިސާބެއްގައި ހެއްޔެވެ؟ އަހަންނައް އެއަލިކަމާއި ހަމައަށް ވާސިލުވެވިދާނެ ހެއްޔެވެ؟ މި ހިތާމަތަކުން މިންޖުވެވިދާނެ ހެއްޔެވެ؟ ހިތުގައި މިވާ އަހަރުތަކެއްވީ ޒަޙަމްތައް ފިލާ ގޮސްފާނެ ހެއްޔެވެ؟ އަހަރެން އަމިއްލަ […]
ހޯލު ތެރެއަށް ވަދެވުނު އިރު ހުރިހާ ބައިވެރިން ހަމަވެ ދަރުސް ދެއްވާ އުޚްތާ އޭނާގެ ވާހަކަ ފަށަން ތައްޔާރުވެލީއެވެ. “މިއަދު އަޅުގަނޑު ވާހަކަ ދައްކަން ބޭނުންވާ މައުޟޫއަކީ “ހިތާމައާއި ހިތްދަތިކަން”. މި މައުޟޫ ނަގަން މި ވިސްނި ސަބަބަކީ އިއްޔެގައި އަޅުގަނޑައް މިތަނުން ބައިވެރިއެއްގެ ފަރާތުން ލިބުނު މެސަޖަކާއި ގުޅިގެން. މެސެޖް ކުރި އުޚްތާ އޭނާގެ ދިރިއުޅުމުގެ ހިތާމަތައް ވަރަށް ކުރު ގޮތަކަށް ބުނެދީފައި މެސެޖް ނިންމާލަމުން ބުނެފައިވަނީ “ކޮންމެ ރެޔަކު އަޅުގަނޑު މި ރޯ ރުއިންތަކަށް […]
އެތައް ވާހަކަތަކެއް ދައްކާފައި އެ އުޚްތާގެ ވާހަކަތައް ކުރުކޮށްލީ އެ ދުވަހައް ކަނޑައެޅިފައިވާ ވަގުތު ހަމަވެގެންނެވެ. އެ އުޚްތާގެ ވާހަކަތަކަށް އަހަންނަށް ގެއްލި ހުސްވެފައި އިނދެވުނީ ވަގުތު ދާގޮތްވެސް ނޭނގިއެވެ. އެތައް ދުވަހެއްގެ ފަހުން މީހެއްގެ ވާހަކަތަކައް ޝަޢުޤުވެރި ވެވިއްޖެއެވެ. އެ ވާހަކަތައް ދައްކަމުން ދިޔަ ހިނދު އަހަރެންގެ ދިރިއުޅުމުގެ ބައެއް ޞަފްހާތައްވެސް ހިތައް ސިފަވަމުންދިޔައީ އެ އުޚްތާގެ ވާހަކަތަކާއި ގުޅިފައިވުމުންނެވެ. ވާހަކަތައް ކުރުކޮށްލާފައި ބައިވެރިންގެ ސުވާލުތަކަށް ޖަވާބު ދިނުމާއި، ބައެއް މީހުންނައް އޮޅުންއެރި ކަންކަމަށް ވެސް […]
ތަނަވަސް މާހައުލެއްގައި އެކި ފުރައިގެ އެތައް އަންހެނުންތަކެއް އަހަންނާއިއެކު އެއްތަން ވެފައިވަނީ، އިޖްތިމާޢީ ޖަމްޢިއްޔާއަކުން ހިންގުމަށް ރާވާފައިވާ ނަފްސާނީ ދުޅަހެޔޮކަމާއި ގުޅޭގޮތުން ބާއްވާ ވާރކްޝޮޕެއްގައެވެ. ގްރޫޕް ގްރޫޕައް ތިބެވޭނޭހެން މޭޒްތައް ބަހައްޓާފައިވާއިރު އަހަރެން އިށީނދެ އިނީ މުޅިންވެސް ނުދަންނަ އަންހެނުންތަކަކާއި އެކުގައެވެ. އަހަރެން މި ވާރކްޝޮޕްގައި ބައިވެރިވީ ޝާތިރާގެ ވަރަށް ބޮޑު އެދުމެއްގެ މަތިން، އޭނާ ކިޔާވަރުންނެވެ. ޝާތިރާވެސް އަހަންނާއިއެކު އަންނާނަންކަމުގައި ބުނެ އަހަރެން ބައިވެރިކޮށް އެންމެ ފަހުވަގުތު އޭނާއަށް އާދެވޭ ގޮތް ނުވީއެވެ. އޭނާގެ ދަރިފުޅު […]
“ހިތުގެ ދިރުން” މި ވާހަކައަކީ އާންމު ދިރިއުޅުމުގައި އަންހެނުންނަށް ގިނައިން ކުރިމަތިވާ އެކި ކަހަލަ ހާލަތްތަކާއި ގުޅިގެން ކުރިމަތިވާ އެކި ކަހަލަ ނަފްސާނީ މައްސަލަތަކަށް އިސްލާމީ ސައިކޮލޮޖީގެ އިލްމުގައި ހައްލު ލިބޭނެ ގޮތްތަކާއި ބެހޭގޮތުން ލިޔެފައިވާ ވާހަކައެކެވެ. މިވާހަކާގައި ބޭނުންކޮށްފައިވާ ގިނަ ދަރުސްތަކަކަކީ ސައިކޮލޮޖީގެ ރޮނގުންނާއި، ޖާރނަލިޒަމް އަދި މާސް ކޮމިއުނިކޭޝަންގެ ރޮނގުން މަތީ ތައުލީމް ހާސިލް ކުރައްވައިގެން ހުންނެވި މޮޅު ލިޔުންތެރިއެއް، އަދި އިސްލާމިކް ސައިކޮލޮޖީގެ ރޮނގުން ހިތްގައިމު ދަރުސްތަކެއް ދެއްވާފައިވާ ބޭކަނބަލެއް ކަމަށްވާ ޔާސްމީން […]
އަހަރެންނަކީ އެކަނިވެރި މަޔެއްގެ ހުރި ހަމައެކަނި ދަރިފުޅެވެ. އަހަރެން ވަރަށްކުޑަ އިރު ބައްޕަ އާއި މަންމަ ވަކިވެ ބައްޕަ އެހެންމީހަކާއި އިނދެ އާ ދިރިއުޅުމެއް ފެށީއެވެ. ބައްޕަމެންގެ ދިރިއުޅުން ފެންނަނީ ނުލާހިކުވެސް އުފާވެރިކޮށެވެ. އެއް ރަށެއްގައި ދިރިއުޅެމުންދާތީ ހުރިހާ ކަމެއްވެސް އަހަރެންގެ ލޮލައް ފެނެއެވެ. ކޮންމެޔަކަސް ބައްޕަ ވަކިވެ ދިޔުމުން މަންމަގެ ބޮލުގައި އެތައް ޒިންމާއެއް އެއްފަހަރާ އެޅުނެވެ. ދެމައިންގެ ބަނޑުހައިކަން ފިލުވާނެ މަގެއް ހޯދަން ޖެހުނެވެ. އަމިއްލަ ހިތްދަތި ކަމާއިއެކު ނަމަވެސް އަހަންނަށްޓަކައި އެ މަންމަ […]