ގެއަށް ވަދުމާއެކު ރޫޔާ ގޮސް އޮށޯތީ ސޯފާ މަތީގައެވެ. އަތުގައި އޮތް ދަބަސް މޭޒުމައްޗަށް އެއްލައިލުމަށްފަހު، ސޯފާގެ ބާލީހުގައި ބޯ އަޅައި ދެލޯ މަރައިލިއެވެ. ސިފަވެގެންދިޔައީ ރަޒާނާއި ލަމްޔާ ވާހަކަ ދައްކަން އިން މަންޒަރެވެ. އެހެންނާ ދުވަހަކުވެސް ނުފެންނަ ޢަމަލެއް މިއަދު ރަޒާންގެ ފަރާތުން އޭނާއަށް ފެނުނެވެ. ލަމްޔާއާ ވާހަކަ ދެއްކިއިރު ގެންގުޅުނު މަޑުމައިތިރި ރާގާއި، ދޭތެރެއަކުން ބޮލުގައި ފިރުމައިލާ ފިރުމުންތައް ވެގެން ދިޔައީ އެނާގެ ހިތުގައި ބިންވަޅު ނެގިގެން ދިޔަ ކަމަކަށެވެ. އެ ކުޑަ ހިނދުކޮޅު […]
މެންދުރު ނަމާދު ކޮށްލައިގެން ގެއަށް އެނބުރި އައި ޝަރަފްގެ ލޮލުގައި ފުރަތަމަވެސް އަޅައިގަތީ އޭނާގެ ގޭ ކައިރީ ގުދުވެގެން ހޮޑު ލާން އޮތް އަންހެން ކުއްޖާއެވެ. ވަގުތުން އޭނާއަށް ހުރެވުނު ތަންވެސް ނޭނގުނެވެ. ދުވެފައި ކަހަލަ ގޮތަކަށް ގޮސް ގެއަށް ވަދެ ފެންފުޅިއެއް ހިފައިގެން ނިކުތެވެ. އޭރު އޭނާ އިނީ ބިންމައްޗައް ޖެހިފައެވެ. އިށީނދެގެން އިން ނަމަވެސް އޭނާގެ ހަށިގަނޑުގައި އެއްވެސް ފަދައެއް ނެތެވެ. “މަޒީނާ…؟” އޭނާގެ ކުރިމަތީގައި ހުއްޓުނު ޝަރަފް ދިޔައީ ސިއްސައިގެންނެވެ. މާބަނޑުވެފައި ހުއްޓާ […]
“ޒަމް…”… ޖައިލަމް ގެ އަޑު އިވުމާއެކު އަހަރެން ޑައިރީ ލައްޕާލައި ބާލީސް ދަށަށް ކޮއްޕާލައި ހަމަޖެހެވޭތޯ ބެލީމެވެ .އޭރު އަހަރެންގެ ހިތް ތެޅެން ފެށިބާރަށް ހީވީ މޭފަޅާފައި ނިކުންނަން އުޅުނުހެންނެވެ. “ކީކޭ..” ކުރިމައްޗަށް އައިސް ހުއްޓުނު ޖައިލަމްގެ މޫނަށް ބަލަން އިނދެ އަހަރެން އަހާލީމެވެ. ޖައިލަމް ގެ މޫނުނަތިން ފެންނަން ހުރީ އެހެންޏާވެސް ފެންނަ ކުލަވަރެވެ. އޭނާއަކީ އަހަރެންނަށް ބަލާލައި ހީލާ ހަދާ މީހެއްނޫނެވެ. އަހަރެންނާ ވާހަކަދެއްކިޔަސް ހީވާނީ ބުދަކާ ވާހަކަ ދައްކާހެންނެވެ. “ވަރަށް […]
ވިލާތަކުން އުޑުމަތި ބައްދާލާފައި އޮތް ހަވީރެކެވެ. ކޮލެޖުގެ ބޮޑު ގޯތިތެރޭގައި ދަރިވަރުންގެ ހަލަބޮލިކަން ވަނީ ބޮޑުވެފައެވެ. ކްލާސްތައް ނިމިގެން ބައެއް ކުދިން ގެއަށް ދާން ހިނގައިގަތްއިރު، އަނެއް ބަޔަކު ގަސްތަކުގެ ހިޔަލުގައި ތިބެ ސަކަރާތް ޖަހަމުންދިޔައެވެ. މިއީ މާލޭގެ އެންމެ ބޮޑު އެއް ކޮލެޖުގައި އާދައިގެ މަތިން ފެންނަ މަންޒަރެކެވެ. ނަމަވެސް އެ މާހައުލުގެ ތެރޭގައި ތިބި ހަ ޒުވާނެއްގެ ހަޔާތް ވަނީ އެކަކު އަނެކަކާ ނޭނގޭ ގޮތްގޮތަށް ގުޅިލާމެހިފައެވެ. ގޯތިތެރޭގައި ހުރި ބޮޑު މާގަހެއްގެ ދަށުގައި […]
ކޮލެޖްތަކުގެ ކިޔެވުން މެދުކެނޑި، ޗުއްޓީގެ ދުވަސްތައް ބޯމަތިވެއްޖެއެވެ. “ދަރިފުޅާ، ހިނގާ ރާއްޖެއަށް ގޮސްލަން. މާމަމެން ކައިރިއަށް،” ޒުލޭޙާ މަޑުމައިތިރިކަމާއެކު ބުނެލިއެވެ. މަންމަ އެހެން ބުނުމާއެކު، ޒައިނާގެ މޫނުމައްޗަށް އަނދިރިކަމެއް ވެރިވި ކަހަލައެވެ. އެއްވެސް އެއްޗެއް ނުބުނެ އިށީނދެގެން އިން ސޯފާއިން ތެދުވެ، އަވަސް މިނުގައި ހިނގާފައި ގޮސް ކޮޓަރިއަށް ވަނެވެ. ކޮޓަރީގެ ދޮރު ބާރަށް ޖަހާލުމަށްފަހު، އެނދުގައި އޮތް ބާލިސް މޫނުމަތީގައި އަޅައިގެން އޮވެ ހިތްފުރެންދެން ރޮއެލިއެވެ. “ދޮންތީ، ދޮރު ހުޅުވަބަލަ. ޒީނިޔާ އެބައޮތޭ ވާހަކައެއް ދައްކަންވެފައި،” […]
އެއް މަސް ނުވެއެވެ. ނަމަވެސް އެ އަނދިރި ދުވަސްތަށް ނިމުމަކަށް އައި އިރު ހިތަށް ލުއި ކަމެއް ލިބިއްޖެއެވެ. އެ ދުވަސްތަށް ހަނދާނަށް އައުމުން އަހަރެންގެ ހިތް ނުތަނަވަސް ވެއެވެ. ހިތަށް އުނދަގޫ ވެއެވެ. ހިތުގައި ރިއްސައެވެ. ބުނެދޭން ނޭނގޭ ވޭނެއް މުޅި ހަށިގަނޑަށް ވެރިވެއެވެ. ދެލޯ ކަރުނައިން ފުރިދެއެވެ. ގައިގެ ވަރު ދޫވެއެވެ. މީހުން ބުނާތީ އަހަމެވެ. ދިރިއުޅުމަކީ އިމްތިހާނެކެވެ. އަންނާނީ އަޑިގަނޑަކަށް ފަހު އުސްގަނޑެކެވެ. ހިތާމަ އަކަށް ފަހު އުފާވެރި ކަމެވެ. އަހަންނަކީ މީގެ […]
“ދެން ކަލޭ ކީއްކުރާނީ އެމީހުން ދެރަވިއްޔޭ ކިޔާފަ؟ ހުރިހާ ވާހަކައެއް ކިޔާދޭނީތަ؟ ހަނދާން ނެތުނީތަ ކަލޭގެ އެކުވެރި އަޒީން ޖަލުން ނެރެ ގޭބަންދަށް ނެރެން އަހަރެންވީ އެހީ؟” އަކިޔަލް ކޮށްލި ސުވާލުން ރުޒައިކްގެ އަނގައިގައި ޒިބެއް ލެވުން ފަދައެވެ. (75 ވަނަ ބައި) މެންދުރުގެ ހޫނު ގަދަ ވަގުތެވެ. އެހެން ވިޔަސް ކެފޭތަކުގައި މީހުންތައް ވަނީ ތޮއް ޖެހިފައެވެ. މޭޒުތަކުން މީހުންތައް ހުސްނުވެޔެވެ. އެއްބަޔަކު ނިކުންނަ އިރަށް އަނެއް ބަޔަކު ވަދެޔެވެ. މޭޒުތައް ފުރިފައިވުމުން އެއްޗެހި ގަނެގެން […]
ޖޫނާ ހުޅުމާލޭގައި ކުރާނީ ކޮން ކަމެއް ހެއްޔެވެ؟ އޭނާއަށް ހަމައެކަނި އިހުސާސް ވަމުން ދިޔައީ މިނިވަން ކަމެވެ. ނަޒްލާމެން ގާތަށް ގޮސްފައި އުޅެމުން ވަޒީފާއެއް ހޯދާނެބާވައެވެ. ރަށުގައި ހިނގި މަރުތަކުގެ ތުހުމަތު އޭނާގެ ބައްޕައަށް އަދިވެސް ނިމިފައި އޮތެވެ. އެއީ ކާކުކަން ސީދާ ޕޮލިހުންނަށް ޔަގީންވޭ ހެއްޔެވެ؟ އާހިލު ހުޅުމާލެއަށް ދާނެ ހެއްޔެވެ؟ ޖޫނާ ފަހަތުން އާހިލު ދާނެ ހެއްޔެވެ؟ އާހިލު ޖޫނާއާ ދޭތެރޭ ވިސްނަނީ ކޮން ގޮތަކަށް ބާވައެވެ؟ ޖޫނާ އާހިލުއާ ދޭތެރޭ ވިސްނަނީ ކިހިނަކުން […]
އުފަލަކަށްފަހު އުފަލެކެވެ. ސާއިލުވެސް ބައްޕައަކަށް ވަނީއެވެ. ސިރުހާގެ ބަނޑަށް މިހާރު ތިންމަސް ވަނީއެވެ. އައްޑޫގައި ދިރިއުޅެމުން ދިޔަ ސައިނާވެސް އަލަތު ކައިވެންޏާ އެކު މާލެ ބަދަލުވެއްޖެއެވެ. ރޭޕް އާއި މަސްތުވާތަކެތީގެ މައްސަލައިގައި ހައްޔަރުކުރި ސުމާމު މިނިވަންވިއޭ ކިޔާ އަޑުތައްވެސް އިވެއެވެ. އެކަނިވެރިކަން ނޫނީ ބާސިލުގެ ހަޔާތުގައި ނެތްފަދައެވެ. އެއް އުމުރުފުރާގެ ހުރިހާ ކުދިންހެން މީހުންނާއި އިނދެ ދަރިން ހޯދީއެވެ. އުޅެވުނު ވިޔާ ނުދާ އުޅުމެއްގެ ސަބަބުން ދިރިއުޅުމެއް ފެއްޓޭ ގޮތްނުވީއެވެ. ދެރަ ދެވުނު ކުދިންގެ އަދަދު ދެއަތުން […]