ހިތާމަ

މާލޭގެ މަގުތައް އާދަޔާ ޚިލާފަށް ހަލަބޮލިވެފައިވި ވަގުތެކެވެ. ދުއްވާ އެއްޗެހީގެ ބަރުގޮނުގެ އަޑު ގަދަވެފައިވިއެވެ. ގޭގެ ދޮރާށި ކައިރިއަށް ނުކުމެ ހުރި އިވްޔާގެ ދެފައި އެއްތާކު ނުޖެހެއެވެ. ހާސްވެފައި ހުރެ އޭނަ ބަލަމުން ދިޔައީ އަތުކުރީގައި އަޅާފައިވާ ގަޑިއަށެވެ. ލޮލުގައި އަޅާފައިވާ ނަންބަރު އައިނު ހެޔޮވަރުކޮށްލާފައި ދެފަހަރަކު ގަޑިއަށް ބަލާލައިފިއެވެ. ގަޑިން މެންދަމުން އަލިވެ އެކެއް ޖެހީއެވެ. އިންތިޒާރު ކުރަމުންދިޔަ ފަރާތް އަދިވެސް ގެއަކަށް ނާދެއެވެ. އެއީ އެހާ ލަސްވަންދެން ބޭރުގައި އުޅޭ މީހެއް ނޫނެވެ. އިވްޔާ […]

“އަހަރެން ހައިޒަލްގެ ފުރާނައާއިމެދު ވިސްނަނީ އަޒްހާންގެ ދެކެ ނުވި ލޯބި އޭނަދެކެ ވެގެންނޭ އައްމާރުއަށް ހީވަނީ ކީއްވެގެންތަ؟ އަޒްހާންއާއި ހައިލާގެ ލެއިން ދެއަތް ކަޅިކޮށްގެން ހުރެގެން ތުއްތު ޒެލް އަހަރެންގެ އަތުތެރެއަށް ލީދުވަހު އަހަރެން އަމިއްލަ ނަފްސަށް ވައުދެއްވިން… އެއީ ދަރިއެއްފަދައިން ހައިޒަލް ބަލާބޮޑުކުރަން… ރިހާނާގެ ދެކޮޅުހެދުމާއި އަދި ނުރުހުމާއިއެކު އަހަރެން ހައިޒަލް ބަލާބޮޑުކުރީ ލޯބިވާތީކީ ނޫން… މި ވިޔަފާރީގެ ހިއްސާދާރަކީ އަދި ވާރުތަވެރިޔައަކީ ހައިޒަލްއަށްވާތީ… އަޒްހާންގެ ވަސިއްޔަތުގައިވާގޮތަށް ހައިޒަލްގެ އުމުރުން އަށާރަ އަހަރުވުމާއިއެކު އަހަންނަށް މިވިޔަފާރީގެ […]

މަލްޝާވެސް ހުދުކުލައިގެ ޓީޝާޓަކާއި ކަޅު ސްކިނީއެއް އަދި ކަޅު ބުރުގާއެއް އަޅައިގެން ގެއިން ނުކުތް އިރު އީވާ މާ ކުރިން ހިނގައްޖެއެވެ. ގޭ ދޮރާށިން ބޭރަށް ފިޔަވަޅެއްވެސް ނޭޅެނީސް ކުލަޕެކެޓުތައް އުކައިގަތް ގޮތުން ހީވީ ކުލަ ޖަހާނެ މީހަކު ނުފެނިފައި ތިބި ހެންނެވެ. މަލްޝާވެސް އަޅައިގެން ހުރި ބެކްޕެކްއިން ކުލަޕެކެޓެއް ނަަގައިގެން ދުއްވައިގަތެވެ. ދުއްވައިގަތް ތަނާހެން މީހަކު އޭނާގެ އަނގަމަތީގައި އަތް އެޅުމުން މަލްޝާ ދިޔައީ ސިއްސައިގެންނެވެ. ހިމަ ދިގު އިނގިލިތަކެއްގެ ވެރި، އެމީހަކީ ކާކުތޯ ބަލާލުމަށް މަލްޝާ އަނެއްފަރާތަށް އެނބުރިލި ވަގުތު ހައިރާންވީ ކުރިމަތިން ފެނުނު ސޫރައަކުންނެވެ. ” ރާއިން… ” މަލްޝާ ހުރީ ކުއްލިއަކަށް ރާއިން ފެނުމުން ހައިރާންވެފައެވެ. މިއަދު ހެނދުނު އީދު ނަމާދުން ފެނިގެން ހީލީމާ ފެންނަ ކަމަށްވެސް ނަހަދާ ދިއުމުން މަލްޝާ ހީކުރީ ހިތްހަމަނުޖެހިފައި ކަމަށެވެ. އެ ހައިރާންކަންމަތީ މަލްޝާ ހުއްޓާ، މޫނުމަތީގައި ކުލަ ހާކާފައި ރާއިން ދުއްވައިގަތެވެ. ހޭވެރިކަމެއް ވީ ދެނެވެ. ރާއިންގެ ފަހަތުން ދުއްވައިގަތް މަލްޝާއަށް އެހެންލާފައި ދިޔަ ގްރޫޕެއް ހަމަލާ އަމާޒުވިއެވެ. ހަމަލާ ތަކުން ރެކެމުން ދުވި މަލްޝާއަށް ރާއިން އަތުކުރެވޭ ވަރު ވީ ވަރަށް ދުރަށް ދެވުނު ފަހުންނެވެ. ދަބަހުން ނެގި ކުލަ ޕެކެޓުތަކުން ހުރިހާ ކުލައެއް އަތަށް އަޅައިގެން ގޮސް ރާއިންގެ މޫނުގައި ކޭއްތުމަށްފަހު މަލްޝާ ދުއްވައިގަތީ އެނބުރި އައި ކޮޅަށް ދާށެވެ. އެނބުރުނު ވަގުތު ގޮސް ޖެހުނީ މީހެއްގެ މޭމަތީއެވެ. މަލްޝާއަށް ފަހަތުން ރާއިން ހޭ އަޑު އިވެއެވެ. ދެ ފިޔަވަޅު ފަހަތަށް އަޅާލުމަށްފަހު ކުރިމަތީގައި ހުރި މީހާއާ ހަތަރުކަޅި ހަމަކޮށްލީ މާފަށް އެދޭށެވެ. ނަމަވެސް ގޮށް ޖަހާފައިވާ ކަޅުކަން ގަދަ ބޯ ބުމައިގެ ތިރިން އަޅިކުލައިގެ ލޮލަށް ނަޒަރު ހުއްޓާލެވުނު ވަގުތު މަލްޝާގެ ހިނިތުންވުން ފޭދެމުން ފޭދެމުން ގޮސް އެކަށް ފޭދިއްޖެއެވެ. މޫނުމަތިން ނުތަނަވަސްކަން ހަނާއަޅާލަ އަޅާލަ ހުރި އިރު ލޮލު ތެރޭގައި ކަރުނައިގެ މުތީތައް ވިދަމުން ދިޔައެވެ. ” ބަލާލައިގެން އުޅޭކަށް ނޭނގޭތަ؟! އަންނަ ގޮތަށް އައިސް މަ ގައިގަ ޖެހިގަނެޔޭ އެބަ… ކިހާ ބޮޑު އުނދަގުލެއް މީ ދެން… ބޮއްކުރާ ދޮށަށް އޮޑި ކަނބަން ނޫޅެބޭ… މަށާ އަޅައިގަނެގެން ނެއްޓެން ނޭނގިގެން… ” ހަގީގަތުގެ ޒައްރެއްގެ މިންވަރުވެސް ނެތް، ރައުލްގެ ރަހުމު ކުޑަ ބަސްތަކުން މަލްޝާގެ ހިތް ވިރިގެން ފޭބީ ގަނޑުފެންކޮޅެއް ފަދައިންނެވެ. ކަރުނަތައް ހިފަހައްޓަން ތުންފަތުގައި ދަތް އަޅާލިވަރުން ތުންފަތް ރަތްވިއެވެ. ރައުލްއަށް ލޮލުގެ ތެރޭގައި ގައިދުކޮށްފައި ހުރި ކަރުނަތައް ދައްކަން ބޭނުންނުވާތީ އިސްޖަހައިގެން ހުރެ މަޑު ހިނގުމެއްގައި ދުރަށް ހިނގައިގަތެވެ. އިސްއުފުލާލަން މަޖުބޫރު ކުރުވީ މީހަކު މަލްޝާއޭ ކިޔާފައި ގޮވާލި އަޑަށެވެ. ބަލާލިއިރު އަޒާން އައިސް މަލްޝާއާ ހަމަކުރަނީއެވެ. އަނެއްފަރާޓަށް އެނބުރި ލަމުން ލޮލުގައި ހުރި ކަރުނަތައް އަތުން ފުހެލީ އަޒާން ކުރާ ސުވާޅުތަކުެ އަމާޒަކަށް ވާން ބޭނުންނުވާތީއެވެ. އަދި މިއޮށް އުފާވެރި ދުވަސް ރައުލްއާ ހެދި ފަނިވާކަށް މަލްޝާ ބޭނުމެއް ނޫނެވެ. ” ހޭ… ” އަޒާން ބުނެލުމުން މަލްޝާ ހީލާފައި ބުމަ އަރުވާލިއެވެ. ” ހާދަ ކުލަކޮޅެއް ނެތޭ ދޯ މޫނުގަ… ” އަޒާން ފާޑަކަށް މަލްޝާގެ މޫނަށް ބަލަހައްޓައިގެން ހުރުމުން އަޒާންއަށް ޝައްކުވިޔަ ނުދިނުމަށްޓަކައި މަލްޝާ ވާޙަކައިގެ މިސްރާބު ބަދަލުކޮށްލިއެވެ. މި ފަހަރު ނަސީބު ނިޔާ ކުރީ މަލްޝާއާ އެއްކޮޅަށެވެ. ” އާން… ދެންމެ އޭ މި ނިކުތީ… ” މަލްޝާ އަޒާންގެ މޫނުގައި ކުލަކޮޅެއް ހާކާލިއެވެ. މަލްޝާއާ އަޒާން ދުއްވައިގަތީ ފެންނަ ކޮންމެ މީހެއްގެ ގަޔަށް ކުލަ ޖަހަމުންނެވެ. * * * * * * * * * * * *  ރޭގަނޑު އޮތް އީދު ޝޯއަށް ދިއުމަށް ތައްޔާރުވެގެން ނިކުމެ އީވާ ކާބަޔަށް ދިޔައީ ފެންތައްޓެއް ބޯލުމަށެވެ. އަލަމާރިން ފިނިފެންފުޅިއެއް ނެގުމަށްފަހު އީވާ ތައްޓަކަށް ފެން އަޅަމުން ގޮނޑިއެއް ދަމާލާފައި އިށީނެވެ. ” އީވާ… ” ނަރީމާ ގޮވައިލި އަޑަށް އީވާ ފެންތަށި މޭޒުމަތީގައި ބަހައްޓާފައި ތެދުވެލިއެވެ. ” ކީކޭ މަންމާ… ” ” ދަރިފުޅު ދާއިރު މަލް ގޮވައިގެން ދައްޗޭ ބުނަންވެގެން… މަލް އެކަނި ގޮއްސިއްޔާ ކިހާ ފޫހިވާނެ… އަނެއްކާ މި ޒަމާނަކު ނުވާނެ އަންހެންކުއްޖަކު އެކަނި ތަނަކަށް ފޮނުވާކަށްވެސް… މަލް އެކަނި ގޮއްސިއްޔާ ނޭނގިދާނެ ގެއަށް އަންނަންވެސް… ” އީވާއަށް މަންމަގެ ވާހަކައަށް މޫނު ހަދާލެވުނެވެ. މަލްޝާ އެގެއަށް އައި ފަހުން މަންމައާ ބައްޕަގެ ލޯބިން މަލްޝާއަށް ބައި އަޅަން ޖެހިއްޖެއެވެ. އޭނާއަށް ލިބޭ ކޮންމެ އެއްޗަކުން ދެބައި ކުޅަ އެއްބައި މަލްޝާއަށް ދޭން ޖެހެއެވެ. ގޭގެ ދެބައި ކުޅަ އެއްބައި މަލްޝާއަށް ހިބަކޮށްދޭކަށްވެސް މަންމައާއި ބައްޕަ ފަހެއް ނުޖެހޭނެއެވެ. އެކަން އީވާއަށް އިނގެއެވެ. ނަމަވެސް ޝައިތާނާގެ ވަސްވާސްތަކަށް ހެއްލޭކަށް އީވާ ބޭނުމެއް ނުވެއެވެ. މިފަދަ ޚިޔާލުތަކެއްގެ ތެރޭގައި ބަނދެވިފައި އީވާ ހުއްޓާ ފުލް ބްލެކް ޖަމްޕް ސުއިޓްއެއްގައި ބްރައުން ޝޯލްއެއް އަޅައިގެން ނިކުތް މަލްޝާ ފެނި ރީތިކަމުން ތައުރީފުގެ ބަހެއް ބުނެލާ ހިތްވިއެވެ. ” ވާއު… ޔޫ ލުކް ގޯޖަސް… […]

އައިލީން އިއްބާންގެ ކެބިންއާ އަރާ ހަމަވެފައި ޓަކިޖަހާލަން އަތް ނެގި ވަގުތު ސިއްސައިގެންދިޔައީ ބާރު އަޑުފައްގަނޑަކާއެކު އެއްޗެއް ތަޅައިގެންދިޔަ އަޑާއި އެކުވެގެން އިއްބާން ހަޅޭއްލަވައިގަތް އަޑު އިވިފައެވެ. *********************** ހާސްވެފައުހުރި އައިލީންއަށް ވިސްނުމަކާނުލައި ކެބިންގެ ދޮރުހުޅުވާލަމުން އެތެރެއަށް ވަދެވުނެވެ. މުޅި ކެބިންގެ ތަޅުންމަތީގައި ތަޅައިގެން ގޮސްފައިވާ ވާސްގެ ކުދިކުދި ބިއްލޫރިކޮޅުތައް މުތީތަކެއްފަދައިން ވިދަމުންދިޔައެވެ. މޭޒުކައިރީ ކޮޅަށްހުރި އިއްބާން ހުރީ މޭޒުގައި ދެޔަށް ވިއްދާލައިގެން ދެލޯމަރާ ބާރުކޮއްލައިގެނެވެ. އައިލީން ވަރަށް ސަމާލުވެހުރެ ވަރަށް ބަލައިން ހިނގާލާފައިގޮސް އިއްބާން ކައިރީ […]

ޝަޔަމް ސިހިގެންދިޔަވަރުން އަތުން ފޯނު ދޫވިއެވެ. އިސްއުފުލާ ބަލާލެވުނުއިރު ކާރުގެ ބިއްލޫރިގަނޑުގައި ކުރެހިފައިވާ ލޭގެ ތިކިތައް ފެނި ޝަޔަމްގެ ދެލޯބޮޑުވިއެވެ. ވަގުތުން ކާރުން ފޭބުނެވެ. ބޮނެޓްމަތީ ހަރަކާތް ހުސްވެފައިވާ ހަށިގަނޑު ފެނި އެދިމާލަށް ދެވުނީ ގާވެފައިހުރެއެވެ. އޭރު އެތަނަށް މީހުން އެއްވާންފަށައިފިއެވެ. ބައެއް މީހުން އެންބިއުލާންސަށް ގުޅަން ފަށައިފިއެވެ. ޝަޔަމް ބޮނެޓާއި ގާތްވެ އެއަންހެންކުއްޖާގެ ހަށިގަނޑަށް އަނިޔާއެއް ނުލިބޭނޭފަދައިން ފުރޮޅާލިއެވެ. އެއާއިއެކު އޭނަގެ ހަށިގަނޑުގެ ހުރިހާ ނާރުތަކެއް ބުރިވެގެންދިޔަފަދައެވެ. ބާރުބާރަށް ހަޅޭލަވައިގަނެވުނެވެ. ބޮޑަށް ހީވީ ރޮއެގަތީހެންނެވެ. “އިޒާ….” […]