ޒިވްޔާ ދޭތެރެއަކުން އޭނާ އާއި ދިމާއަށް ބަލާކަން އައިކަނަށް އިހުސާސް ވިއެވެ. އޭނާ އެބަލަނީ ހާދަ ވަރަކަށެވެ. ޒިވްޔާ ބަލާ ވަރުން އައިކަނަށް ކުރުހަން އުނދަގޫ ވިއެވެ. މައްސަލައެއް ނޫނެވެ. ޒިވްޔާ ދިޔުމުން ވެސް އޭނާއަށް ކުރެހިދާނެއެވެ. ޒިވްޔާ އޭރު އިންގޮތް އައިކަންގެ ހަނދާނުގައި މިހާރުވެސް އެބަހުއްޓެވެ. ތެދަށް ބުނަންޏާ އެ މަންޒަރުވަނީ އައިކަންގެ ހިތުގައި ބިންވަޅު ނެގިފައެވެ. ނަމަވެސް އެކަމަށް އައިކަން އެއްބަސް ވާނެހެން ހީވޭ ހެއްޔެވެ؟ އޭނާ ބޭނުންވީ ޒިވްޔާއަށް ޖެއްސުންކޮށްލާށެވެ. އެހެންކަމުން […]
ޒާއިނާއަށް ހީވީ އޭނާ ހުރީ ދިރޭ ދުނިޔެއަކު ނޫން ކަމަށެވެ. ޖިންނި ފުރޭތޭންގެ ބިންގަރާހެއްގައި ކަހަލައެވެ. ބިރުން ނުގަންނަން އުޅުނަސް އޭނާގެ ދެފައިވެސް ދިޔައީ ތުރުތުރު ލަމުންނެވެ. މިއީ ހަމަ ކޮންމެވެސް ނުބައި ބާރެއްގެ ފައްޅިފަދައެވެ. މައްޗަށް އެރުނުތަނާ އޭނާގެ ހަށިގަނޑު ރޫރޫއަޅައިގަތެވެ. އެއްވެސް އަޑެއް އިވޭތޯ އޭނާ މަޑުކޮށްލިއެވެ. ތަނުން އިވެމުންދިޔައީ އޭނާގެ ހިތުގެ ތެޅުމުގެ އަޑު އެކަނި ނޫންކަން އޭނާއަށް ޔަގީންވިއެވެ. މުޅި ތާއި ހަރުލާފައި ހުރީ ނާމާން ކަމުން ފުރިފައިވި ރާގެކެވެ. […]
“ގުޅާތި. ވާނުވާ އަންގާތި. ރަނގަޅަށް ކައިގެން އުޅޭތި..” މީހުންގެ ލޯތަކަށް ބެލުމެއް ނެތި މިކްޔާ އެޒިކިއެލްގެ ހަށިގަނޑުގައި އޮޅުލައިގަތެވެ. އެޒިކިއެލްވެސް އޭނާގެ ހަށިގަނޑުގައި ބައްދާލިއެވެ. ހިތް ބިރުގަންނަނީއެވެ. ހީވަނީއެވެ. ބޮޑު ކަމެއް ވާން އުޅެނީއެވެ. ދެމީހުން ބައްދާލައިގެން އިރުކޮޅަކު ތިއްބެވެ. ކަރުނައިން ފުރިގެން ވާ ހާލުގައެވެ. އެ ދެމީހުނަށް ނޭނގުނު ނަމަވެސް އޭރު ‘އޭނާ’ އެ މަންޒަރު ބަލަން ހުއްޓެވެ. (43 ވަަނަ ބައި) “އޯހްހްހް. އެހެންވެ އެޒިކިއެލްއަށް މާ ހާއްސަ މީހަކީތާ ދޯ މިއީ..؟ ހެހެހެ. ރަނގަޅު […]
ރޭގަނޑުގެ ކަނު އަނދިރިކަން މުޅި ޖަންގަލި ބިރުވެރިކަމާއެކު ވަށާލާފައިވާއިރު، އެ ހާސްކުރުވަނިވި އަނދިރިކަން ޒުނާމްގެ މޭ ފިއްތާލާފައިވަނީ ގަސްތަކުގެ އޮފިތައް އޭނާގެ ވަށައިގެން ބާރުވަމުންދާ ފަދަ އިހުސާސެއް ކުރެވޭ ހާލުގައެވެ. ގަސްގަހުގެ އޮފިތަކުން ސިއްރުތަކެއް ކިޔައިދެމުންދާ ކަހަލައެވެ. ނަމަވެސް އޭނާގެ ހިތުގެ ތަޅުވުން މާ ބާރުވުމުން، އެ އަޑުތަކެއް އޭނާއަކަށް ނީވެއެވެ. އޭނާ ނަގާ ކޮންމެ ފިޔަވަޅެއް ކުރީގެ ފިޔަވަޅަށްވުރެ ބަރުވެފައިވަނީ، ފައިދަށުގައިވާ ބިންގަނޑުވެސް އޭނާއަށް ގަބޫލުކުރަން ދަތި ހަގީގަތެއް ދަންނަ ކަހަލަ ބިރުވެރި ގޮތަކަށް ގުޑެމުންދާތީއެވެ. […]
އެއްމިޔަކަނުން ހީލަމުން އޭނާ ގޮނޑިން ތެދުވިއެވެ. ތުންގޮއްވަމުން ޖީބުގައި އޮތް ތަޅުދަނޑި ނަގާ އެތަނުގައި އިން ކަބަޑު ހުޅުވައިލިއެވެ. އެ ކަބަޑު ތެރޭގައި އޮތް ޔައިލީންގެ ހިތް ފެނި އެޒުވާނާގެ ތުންފަތް އެއްމިޔަކަނުން ދެމުނެވެ. (42 ވަނަ ބައި) ނިދަން އޮށޯތުމުގެ ކުރިން ޒާލާ ގެއިން ބޭރަށް ނިކުތީ ގޭ ދޮރާށި ތަޅުލުމަށެވެ. މިހާރު އަކްނާން ނިދަން ގެއަށް ނައުންވެސް އެއީ އާއްމު ކަމަކަށް ވާތީއެވެ. ދޮރު ތަޅުލާފައި ހުރުމުން އޭނާ ހުރީ ގޭގައި ކަމަށް ނައުރީންއަށް […]
ދެމީހުން ގޮވައިގެން މާހިން ދުރަށް ޖެހިލިއެވެ. ހަރަމް ބަނދެލަމުން އޭނާ ފުން ނޭވާއެއް ދޫކޮށްލިއެވެ. “ލައިލީންގެ މަރަކީ އާދައިގެ މަރެއް ނޫން. އެކަމުގައި މީހެއްގެ އަތެއް އެބަވޭ…” އެހިސާބުން މާހިން ހުއްޓާލީ ދެން ބުނަން އޮތް ޖުމްލަ ބުނަންވީ ގޮތެއް ނޭނގިގެންނެވެ. “ލައިލީންގެ… ހަށިގަނޑުގައި އޭނަގެ ހިތެއް ނެތް… މޭ ފަޅާލާފަ ފަހަންވެސް ފަހާފަ އޮތީ…” މަޑުމަޑުން މާހިން ބުނެލި ޖުމްލަ ޔައުލާންއަށާއި އެޒިކިއެލްއަށް އިވުނީ ހޮނު ގުގުރިއެއް ފަދައިންނެވެ. (41 ވަނަ ބައި) “ކި… ކީކޭ…؟” […]
ކާރު ތެރޭގައި ވަނީ ހަމަހީމެންކަމެވެ. އިވޭހާ ވެސް އަޑަކީ ދެ މީހުންގެ ނޭވާގެ އަޑެވެ. ކާރު ތެރެ ފަޅުފިލުވާލަން ލަވައެއް ވެސް ޖަހާފައެއްނެތެވެ. މެހެކު ހިތާހިތުން ކުދި ކިޔާލަ ކިޔާލާ އިނެވެ. “ހިތުން މަށަށް ކުދި ކިޔަނީ ދޯ؟..” މެހެކު ސިއްސައިގެން ދިޔައީ ޝަދާން ވާހަކަދެއްކި އަޑަށްށެވެ. މީހުންގެ ހިތު ތެރޭގައި ހުންނަ އެއްޗެހި ވެސް ޝަދާންއަށް އިނގެނީ ހެއްޔެވެ؟ ދުއްވަން އިން ޝަދާން މެހެކަށް ބަލާލިއެވެ. “ސޯ އަހަރެން ބުނީ ތެދުތާ ދޯ…..” އެއްމިޔަކަނުން ހީލަމުން […]
ކިޔުންތެރިންގެ ސަމާލުކަމަށް: “ޖަވާހިރުގެ ބާރު ސީޒަން 1ގައި ހުށަހަޅައިދެވިފައިވާނީ ފުރަތަމަ ނަޒަރުންނެވެ. ނަމަވެސް ސީޒަން 2 ހުށަހަޅައިދޭން އަޅުގަނޑު ގަސްދު ކުރަނީ ތިންވަނަ ނަޒަރުންކަމުގައި ދަންނަވަމެވެ.” ހުރިހާ އެންމެންވެސް މަގުތަކުގައި ދުވަމުން ދިޔައީ އެހާމެ އަވަހަށެވެ. ކުޑަކުދިންތައްވެސް ދުވަނީއެވެ. އެ ހުރިހާ އެންމެންގެ ފަހަތުން އައީ ބޮޑު ބިޔަ ބާޒެކެވެ. ކަޅުކަންގަދަ ދެ ފިޔަގަނޑުވެއެވެ. އެ ބާޒުގެ ލޯ ހުރީ ރަތް އަނގުރުގަނޑެއްހެންނެވެ. ބާރު ދުވެލީގައި ވައިކަފަމުން އުދުހިފައި އެ ބާޒު އާދެއެވެ. މުޅި އެ މާޙައުލު […]
“ޚުބާބު: ކޮއްކޮ، ދޮންބެ ޤަބޫލު ބައްޕަމެން އެދޭ ހެން މިލީ މިލަދުން ސަލާމަތްކުރަން. އޭނާއަށް އިންނަށް!” ނޫރިޔާގެ ކަންފަތް ދަށުގައި ހީވީ ބާރު އެތިފަހަރެއް މީހަކު ވިއްލާލި ހެންނެވެ. މިކަމުގައި އެކަމަކު އޭނާއަށް ވަކި ކުރެވޭނީ ކީއްހެއްޔެވެ؟ އެއް ހުވަފެނެެއް ތަކުރާރުކޮށް ލީނިޔާއަށް ފެންނަތާއި ދުވަސްކޮޅެއްވެއްޖެއެވެ. ހޭލެވޭ އިރު ކައިރީ ހަމަގައިމުވެސް މާއިޒު ނިދާފައި އޮވެއެވެ. މިލީހަމްއަށް ޤަވައިދުން އެއް ކަންތައްތަކެއް ވާންފެށިއެވެ. ބާރު އަޑު ފަންގަޑާއި ބަނޑު ފުފުމެވެ. ޖަނާވެރެއް ފަދަ އެއްޗެއް ބަނޑުތެރޭގައި ހަރަކާތްތެރިވާ […]