“ދެން އެހާ ކުރީގެ ހަނދާނެއް ނުވެސް ހުންނާނެތާދޯ؟ އެކަމަކު އަހަރެން ހަނދާން އެބަހުރި. ޔޫ ވާ މައި ޗައިލްޑްހުޑް ކްރަޝް!” އަޙްސަން ހެވިފައިހުރެ ބުނެލިއެވެ. އޭނަގެ ފުރިހަމަ ހިނިތުންވުން ފެނިފައި އަފްރީން އުނދަގުލެއްވެގެން އުޅޭ ފަދައަކުން ދުރުބަލަން ފެށިއެވެ. އެތެރެއަށް ދާންވީއޭ ހިތަށްއެރިއެއްކަމަކު އިސާހިތަކު ބައްޕަ އައިސްދާނެއޭ ހިތް ބުންޏެވެ. އަފްރީނަށް މަގުގެ ވާތް ފަރާތަށް ބަލާލެވުނީ ޖިޕެއްގެ ނިޝާނެއް ފެނޭތޯއެވެ. އޭނައަށް ނޭނގި ހުއްޓާ އަޙްސަން ލަސް ފިޔަވަޅުތަކެއްގައި އޭނަ ގާތަށް އަންނަން ފެށިއެވެ. އަޙްސަން […]
ކާފަގެ މިޖުމުލަތައް އަހަރެންގެ ކަންފަތުގައި ގުގުމަމުންދިޔަ އެވެ. މިނެޓެއްތެރޭ ހިތަށްއެރި ތަކެއްޗާއެކު މަޑުމަޑުން އަހަރެންގެ ގައިން ވާގި ދޫވާންފެށި އެވެ. މުޅިތަން އަނދިރިވަމުން ގޮސް އެއްކޮށް ކަނު އަނދިރި ކަން ވެރިވެގަތެވެ. *********************************** ގަދަ އައްޔެއްގެ ސަބަބުން އަހަންނަށް ލޯ ހުވާލެވުނެވެ. އަލި އަންނަ ދިމާއެއް ފާހަގައެއް ނުކުރެވެ އެވެ. މުޅިތަން ހީވަނީ ފަސް ވޯޓުގެ ގިނަ ޢަދަދެއްގެ ހޮޅިބުރިތަކެއް އެއްފަހަރާ ދިއްލާފައިވާހެންނެވެ. ލޯ ދިލުވާލެވޭވަރުވަނީ ހަމަ ކިރިޔާ އެވެ. އަހަރެން މި ގޮތް ނޭނގޭ ޞަރަޙައްދުގައި […]
“އޭނަ އައިއްސި.” ޒުވާނާ ބުނެލީ ހަމައެކަނި އެހާވަރަށެވެ. އަފްރީން ފެންޑާ ތެރެއިން ހިނގާފައި ގޮސް މިޞްބާޙްގެ ގޭގެ ލައްޕާލެވިފައިވާ ދޮރާއި ހަމަވުމުން މަޑުކޮށްލިއެވެ. އަދި އިރުކޮޅެއް ވަންދެން ކުރިމަތީގައި ހުރި ރަން ކުލައިގެ އަތްގަނޑެއް ލެވިފައިވާ މުށިކުލައިގެ ދޮރާއި ދިމާލަށް ބަލަހައްޓައިގެން ހުއްޓެވެ. މިވަގުތު އޭނަ ސަލާމް ގޮވާލުމުން ވާނެގޮތް އަފްރީން ޚިޔާލަށް ގެނެވޭތޯ މަސައްކަތް ކުރިއެވެ. މިޞްބާޙް އެ ދޮރު ހުޅުވާލަމުން ހިނިތުންވުމަކާއެކީ އަންނާށޭ ބުނެލާތަން ސިފަ ކުރެވުމުން ވެސް އަފްރީންގެ ފައިން ވާގި […]
“ނަޞްރާ ޙައިރާންވޭތަ؟ އަހަރެން ނުވޭ. މީނަ ކުއްލިއަކަށް ދަރިފުޅާއޭ ކިޔައި ވާހަކަ މި ދައްކަނީ އަހަރެންގެ ރިޕޯޓުތަކުގެ ސަބަބުން މީނައަށް ވޯޓު ގެއްލޭހެން ހީވާތީ.” ޔޫނުސް އިންތިހާ ދަރަޖައަށް ނުރުހުންވެފައިހުރެ ވާހަކަ ދެއްކިއެވެ. ޔޫނުސްގެ ބަސްތައް ތޫނު ތީރުތަކެއް ފަދައިން ގޮސް ނަވާޒްގެ ހިތަށް ހެރުނެވެ. އޭނަގެ ހުރިހާ ހުވަފެނެއް އެއްފަހަރާ ވިއްސިވިހާލިވެގެން ދިޔަހެން ހީވިއެވެ. ޔޫނުސް އޭނައާއިމެދު އިޙްތިރާމާއެކީ ކަންތައްކުރާނެ ކަމަށް ހީކޮށްގެން ހުއްޓާ މިވީ ކިހިނެއް ހެއްޔެވެ؟ އޭނައަށް ކުރެވުނީ މަޢާފު ނުކުރެވޭނެ ވަރުގެ […]
“އެންމެ ކުޑައިރުންސުރެން ފެށިގެންވެސް ކާފަ ދެނީ ހަމަ އެއް ނަޞޭޙަތެކެވެ. އެ ނަޞޭޙަތުގެ މުޙިއްމުކަން އަންދާޒާ ކޮށްލެވުނީ އަދި ކިރިޔާ އެވެ. ކާފަ ބުނެ އުޅެ އެވެ. ‘އަހަރެންގެ ލޯބިވާ ދަރިފުޅާ އެވެ! ނަމާދު އޭގެ ވަޤުތުގައި ކުރުމަށް ހަނދާން ކުރާށެވެ! އަދި ނަމާދު ކުރުމުގައި މަޑުމޮޅިވާށެވެ. ގިނައިން ދުނިޔޭގެ ކަންކަމާއިމެދު ވިސްނާށެވެ. އޭރުން ދަރިފުޅަށް އަހަރެމެންގެ ޚާލިޤުވަންތަ ރަސްކަލާނގެ ކުޅަދުންވަންތަ ކަން ވިސްނާލެވޭނެ އެވެ. އެއީ ﷲ އެވެ. އެކަލާނގެ ފިޔަވައި އެހެން އެއްވެސް ކަލަކު […]
“ވަޓް؟!” ލިބުނު ޝޮކާއިއެކީ ސިނާން އަހާލިއެވެ. މިޞްބާޙް ދެލޯ މަރާލިއެވެ. އަދި ހިމޭންކަމުގެ ވަގުތުކޮޅަކަށްފަހު ވާހަކަ ދެއްކިއެވެ. “ސިނާން، އެހެން މީހަކަށް ދެރައެއްދީގެން އަހަރުމެންނަށް ކޯޗެއްތަ ލިބޭނީ؟” މިޞްބާޙް ކޮށްލީ ސުވާލެކެވެ. “އައިމް ސޮރީ ވަޓް؟” ސިނާނަކަށް ސާފެއްނުވިއެވެ. “ސިނާން…….ސިނާންގެ ވެސް އަންހެން ކޮއްކޮއެއް ހުރޭ. ސިނާން ދުވަހަކުވެސް އެދޭނަންތަ އެ ކޮއްކޮއަށް މީހަކު އެފަދަ އަނިޔާއެއްދޭން؟” މިޞްބާޙް އަހާލިއެވެ. “ކޮންކަހަލަ ވާހަކަތަކެއްތަ ތި ދައްކަނީ މިޞްބާ؟ އަހަރެން ބޭނުމެއްނުވާނެއެއްނު ރާޔާއަކަށް […]
މިވާހަކައަކީ އޮމާންގައި ދިރިއުޅުނު އޮމާންގެ ކުޑަ އަންހެން ކުއްޖެއްގެ ހަޤީޤީ ވާހަކައެކެވެ. މިއަންހެން ކުއްޖާގެ ވާހަކަ ކިޔާދީފައިވަނީ އޭނާގެ އެކުވެރިންނާއި ޢާއިލާގެ މީހުންނެވެ. މިވާހަކަ ފެށެނީ އޮމާންގެ ޒުވާން ފިރިހެނަކު ހުޅަނގުގެ އަންހެނަކާ ކައިވެނި ކުރާ ހިސާބުންނެވެ. އަންހެން މީހާ ހުރީ އޭނާގެ ދީން ކަމުގައިވާ ކްރިސްޓިއަން ދީނުގެ މަތީގައެވެ. ނަމަވެސް އޭނާ ދިރިއުޅުމަށްޓަކައި، އޭނާގެ ފިރިމީހާޔާ އެކު ޔަމަނަށް އައެވެ. ފިރިހެން މީހާއަކީ ރަނގަޅު ވަޒީފާއެއްގައި އުޅޭ މުދާވެރި މީހެކެވެ. މިދެމީހުންނަށް ލިބުނު ކުދިންގެ ތެރެއިން […]
“އައްދެ! މި ސޮރު ކޮން ދުވަހަކުތަ ޝެއިޚަކަށްވީ؟” އަމީން އެހިއެވެ. އަމީނަށް ބަލަހައްޓައިގެން ހުރި މިޞްބާޙްގެ ހިތް ދެރަވިއެވެ. އޭނަގެ މަންމައާއި ބައްޕަ އޭނަ ދިން ނަޞޭޙަތަކަށް މަލާމާތްކުރިހެން ހީވުމުންނެވެ. “އަމީން…….އަހަންނަށް ހީވަނީ އަމީން ބުނާހެން މިޞްބާ ހަމަ އަސްލުވެސް މުސްތަޤްބަލުގަ ޕޯޑިއަމްތަކަށް އަރާފަ ހުންނަތަން ފެންނާނެހެން. އެކަމަކު ޕާޓީއެއްގެ ރައީސެއްގެ ގޮތުގައެއްނޫން. ދީނީ ދަރުސްދޭ މީހެއްގެ ގޮތުގަ.” ޒާހިޔާ ހެވިފައި އިނދެ ބުނެލިއެވެ. އަމީން ލުއި ހީލުމަކާއެކީ ހޫންލައްވާލަމުން އެތާ ވަކިން ހުރި ސޯފާއަށް […]
“އޭނައާ؟ ލޯބިން ވާހަކަ ދައްކަންވީ؟ ދުވަހަކުވެސް ނުކުރާނަން ތިކަމެއް. އަހަރެން އޭނަ ކާމިޔާބުވިޔަކަ ނުދޭނަން އެއްވެސް ކަމަކުން.” ޔޫނުސް ދެންވެސް ހަރު އަޑުން އެހެން ބުނެލަމުން ކުއްލިއަކަށް އެނދުން ތެދުވިއެވެ. އަދި ނަޞްރާ ބަލަބަލާ ހުއްޓާ ކޮޓަރިން ނިކުމެގެން ދިޔައެވެ. ޔޫނުސް ސިޓިންގް ރޫމަށް ގޮސް އެތާނގެ މެދުގައި މަޑުކޮށްލަމުން އޭނަގެ ޖިންސްގެ ޖީބުގައި އޮތް ފޯނު ނެގިއެވެ. އެއަށްފަހު ނަންބަރުތަކަށް ފިތާލަމުން ފޯނު ކަންފަތުގައި ޖައްސާލިއެވެ. “ހެލޯ.” އެކޮޅުން ޖަވާބު ދިނީ އައި.ސީ.ޔޫގެ […]