ނޯޓް: މީ ވާހަކައެއް ނޫނެވެ. ކަލާ ހިތާމަކުރާ ކަމުގައިވާނަމަ އަހަންނަށް ގުޅާ ލައްޗެވެ. އަހަންނަށް ކަލާގެ ހިތް އުފާ ކޮށް ނުދެވިދާނެއެވެ. އެކަމަކު، އަހަރެން ކަލާ އާއިއެކު ހިތާމަކޮށް ރޮއި ހަދާނަމެވެ. ކަލާ މިދުނިޔެމަތިން ފޫހިވެ، ފިލަން ދުވާކަމުގައިވާނަމަ އަހަންނަށް ގުޅާލައްޗެވެ. އަހަރެން ކަލާއަށް ހުރަސްއަޅާ ހުއްޓުވާކަށް ނޫޅޭނަމެވެ. އެކަމަކު، ކަލާގެ ފަހަތުން ފިލަން ދުވޭތޯ ބަލާނަމެވެ. ކަލާ ހަނުހުންނަން ބޭނުންކަމުގައިވާނަމަ އަހަންނަށް ގުޅާލައްޗެވެ. އަހަރެން ކަލާއާއި ވާހަކަ ދައްކާކަށް ނޫޅޭނަމެވެ. އެކަމަކު، ކަލާއާއިއެކު މަޑުމަޑުން ހަނުހުންނާނަމެވެ. […]
ނޯޓް: މީ ވާހަކައެއް ނޫނެވެ. ކަޅި ޖަހާ ނުލާ އަހަރެން ބަލަހައްޓައިގެން ހުރީމެވެ. އެމޫނަށެވެ. ލޯބި ލޯބި މޫނެކެވެ. ލުއި ހިނިތުން ވުމެކެވެ. މަސްތީ ބެލުމެކެވެ. ބަލާ ފޫހިވުމެއް ނެތެވެ. އެހާވެސް ފުރިހަމައެވެ. ލަފެއް ލަކުނެއްނެތެވެ. ހިތަށް އެރިއެވެ. ރީތިކަމަކީ ހާދަހާ ވާ ފުރިހަކަމެއް ތާއެވެ. ބަސްހުއްޓުނެވެ. ފަން ފަށުވި އިސްތަށި ގަނޑެކެވެ. އޮފްއަރާއިރު ބަލާލަން ފުރިހަމައެވެ. ލޮލުގެ ކަޅިރަވަ ތޫނެވެ. އުޖާލާވެފައި ހިތްގައިމެވެ. ފާޑެއް ނުކިޔޭނެއެވެ. މަޑުމަޑު ފިޔާތޮށި ކުލައިގެ ތުނިތުނި ނާޒުކު ތުންފަތެކެވެ. ބީހެއްހިތްވާނެއެވެ. […]
ޢާއިލާއެއްގެ ދިރިއުޅުން ހަމަޖެހޭ އުފާވެރިގޮތެއްގައި ވޭތު ކުރެވޭނީ، އެޢާއިލާގެ އިސްކޮށް ތިބި މީހުންނަކީ ނުފޫޒުން އެއްކިބާވެގެންވާ މިނިވަން ވިސްނުމެއްގެ މަތީގައި ދިރިއުޅުން ވޭތުކުރާ ބަޔަކަށް ވެގެންނެވެ. މިތާނގައި ޢާއިލާއެއްކަމަށް ސިފަ މިކުރަނީ ދެމަފިރިންނާއި ދަރިންގެ މައްޗަށެވެ. މިދެންނެވި ޢާއިލާގެ ދިރިއުޅުން ހަމަޖެހޭގޮތެއްގައި ވޭތުކޮށް، ބާއްޖަވެރި ޙަޔާތަކަށް މަގުފަހިކުރެވޭނީ، ދެމަފިން، އެކަކު އަނެކެއްގެ މައްޗަށް ނުފޫޒު ނުފޯރުވާ، ގުޅިގެން އެއް ރޫޙެއްގައި ދިރިއުޅުން ވޭތުކޮށްގެންނެވެ. ނަމަވެސް، އަޅުގަނޑުމެންގެ މިމުޖުތަމަޢުގައި ޢާއިލާތައް ސިފަކުރެވިގެންދަނީ މިދެންނެވިގޮތާއި މުޅިން ޚިލާފަށެވެ. މިމުޖުތަމަޢުގައި ގިނައިން […]
މީހާ މީހަކަށް ވަނީ އިސްކޮޅުން ކުރުވެ، ގޮތްދާ ހިތްލާ، އަޑަށް ބާރުލާ ވާހަކަ ދައްކައިގެނެއްނޫނެވެ. ނުވަތަ، އަޑުއޮތްތަނަކަށް ހަޅޭއްލާ ހިތަށް އަރާ އެއްޗެއް ދެން ތިބި މީހުންނާއި ދިމާލަށް ބުނުމަކުންވެސް ނޫނެވެ. ނުވަތަ ތިމާ ބުނާއެއްޗެއްގެ މާނަ އެހެން މީހަކު ޝަރަޙަކޮށްދިނުމަކުންވެސް ނޫނެވެ. އަދި، ގަދަ ބާރުން މުޢާމަލާތްކޮށް، ދެން ތިބި މީހުންގެ ހިތްތައް ބިރުވެރިކަމުން ފުރާލާ، ތިމާ ބޭނުންވާ ކަމެއް އެވެނި ގޮތަކަށް ނުވަތަ މިވެނި ގޮތަކަށް ނަމަވެސް، ޙާޞިލްކުރާނެކަމަށް ބުނެ، އިންޒާރު ދީގެނެއްވެސް ނުމެ […]
ސްމައިލީގެ ބައްޕަ އަހްމަދު ހަސަން އަދި އޭނާގެ އަންހެނުން އަފީފާއާއި ދެމީހުން ތިބީ ގޭގެ ޓެރަސްގައި ބަހައްޓައިފާވާ އުދޯލީގައެވެ. ހަނދުގެ އަލިން އެޅިފައިވާ ރިހިދޯދިތަކުން މުޅިތަންވަނީ އުޖާލާކޮށް ފައެވެ. އެތަނުގައި ހައްދާފައިވާ މީރުވަސްދުވާ މާގަސްތަކުގައި އަޅާފައިވާ މާމަލުގެ ފޮނިމީރުވަސްތައް މަޑުމަޑު ވައިރޯޅި ތަކުގެ އެހީގައި އެދެމަފިރިންގެ ހަށިގަނޑު ތާޒާކޮއްދެމުން ދިޔައެވެ. ނަމަވެސް އެހިތްގައިމު މާހައުލުން ވެސް ހަގީގީ އުފާވެރިކަމުގެ ޒައްރެއްގެ މިންވަރުވެސް އަހްމަދު ހަސަންގެ ހިތައް ލިބޭ ހެނެއް ހިއެއްނުވެއެވެ. އޭނާ މިހައިރުން މިހާރަށްވެސް ބޭނުންވަނީ ބޭކަރީގައި […]
ޝައިހާގެ ނޭވާވެސް ދުމުގެ ސަބަބުން ހާސްވަމުން ދިޔައެވެ. އަދި ކޮށިއަރަމުން ކެއްސަމުން ދިޔައެވެ. އެކޮޓަރިން ނިކުމެވޭނެ ގޮތެއް ފެނޭތޯ އޭނާ އުޅެގަތެވެ. ސްމައިލީގެ މޭޒުމަތީގައި އޮތް ބަރު އޭނަ ލޮލުގައި އަޅައިގަތެވެ. އަވަހަށް އެއާއި ދިމާލަށް ދުއްވައިގަތެވެ. ސްމައިލީގެ ފޯނު ފެނުނީ ބަރުނަގަން މޭޒުކައިރިއަށް ދިޔަ ވަގުތެވެ. އަވަހަށް ފޯނުނަގައި އަލިފާން ގަނޑުތެރެއަށް އެއްލައިލިއެވެ. ބަރުން އަތުގައި ހުރި ބާރެއްލައިފައި ދޮރުފަތުގެ ތިރީބައިގެ ބިއްލޫރި ގަނޑުގައި ޖެހިއެވެ. ދޮރުފަތުން ހެދުނު ބާގަނޑުން އޭނާއަށް ނިކުމެވޭ ވަރެއް ނުވިއެވެ. […]
ބުރާންތިވެގެން ނުވެއްޓުނީ ހަމަ ކިރިޔާއެވެ. މޫނުދޮންނަ ތަށީގައި ހިފަހައްޓާލެވުމާއި އެކު އޭނާއަށް މަޑުމަޑުން ގިސްލެވެން ފެށިއެވެ. ކަރުނަތިކިތަކުން އޭނާގެ މޫނު ތެމިއްޖެއެވެ. އެތައް އިރެއް ވުމައްފަހު މޫނު ދޮވެލުމަށް ފަހު ފާހާނައިން ނިކުންނަން ދޮރު ހުޅުވާލިއެވެ. ލިބިފައިވާ ހިތާމައާއި އެކު ކުއްލިއަކަށް ލިބުނީ ސިހުމެކެވެ. ކުރިމަތީގައި ހުރީ ސްމައިލީއެވެ. ބޭކަރީގެ މުވައްޒަފުންގެ ބްރޭކް ގަޑިއަށް ވުމުން އެހެން އިތުރު އެކަކުވެސް ނޫޅެއެވެ. ޝައިހާއަށް ޔަގީންވީ ހުރިހައި މަންޒަރެއް ސްމައިލީއަށް ފެންނާނެކަމަށެވެ. އަދި އެމަންޒަރުތައް ރައްކާ ކުރެވޭނެ ކަމެވެ. […]
ފިޔަވަޅު ލޯބިވާ މައިންބަފައިންނާއި އުޅެ ބޮޑުވި ފަސްގަނޑު ދޫކޮށް މާލެ ބަދަލުވީ ނަރސިން ދާއިރާއިން ލިބުނު ކޯހެއް ހެދުމަށެވެ. ކުރިމަގަށްޓަކައި ކުރެވުނު ފޮނިފޮނި ހުވަފެން ތަކެއްގައި ކުލަ ޖެއްސުމުގެ ހެޔޮ އަޒުމުގައެވެ. އަދި ހަތަރު އަހަރުގެ ޑިގްރީ ކޯސް ނިންމުމަށް ފަހު އަވަހަށް ގޮސް ރަށުގެ މީހުންނަށް ހިދުމަތް ކުރުމުގެ އުއްމީދުގައެވެ. ބޮޑު ގެއެއްގައި ތަނަވަސް ކޮޓަރިއެއް ދޫކޮށް ދެތިންހަތަރު ކުދިންނާއި އެކު ރޫމްއެއް ޝެއަރ ކޮއްގެން އުޅެވޭނެ ކަމުގެ ޔަގީން ކަމާއި އެކުއެވެ. ކޯހުގެ ފުރަތަމަ […]