ވަންހަނާ (1ވަނަ ބައި)

އޭރު އަހަރެންގެ އުމުރުން ވާނީ އަށާރައަހަރެވެ. އަހަރެންނަކީ އަބަދުވެސް ކެއުމަށް ވަރަށް ބަލައިގެންއުޅޭ ކުއްޖެއްކަމުން ސާޅީސްއަށް ކިލޯއަށްވުރެ ދުވަހަކުވެސް ބަރެއްނުވެއެެވެ. އިސްކޮޅުގައި ފަސްފޫޓުފަސް އިންޗި ހުރެފައި ލިބިފައިވާ ލޫޅާފަތި ހަށިގަނޑުގެ ސަބަބުން އެތައްބައެއްގެ ލޯތަށް އޭރުވެސް އަހަރެންނަށް އަމާޒުވަމުންދިޔައީ މަދެއްކޮށެއްނޫނެވެ.

ބައްޕަ ނިޔާވެފައި ވިއެއްކަމަކު މާލޭގައި މަންމަގެ އަމިއްލަ ގެހުރުމުގެ ސަބަބުން ގެއިންބައެއް ކުއްޔަށްދީގެން އަހަރުމެން ދެމައިން އުޅެމުންދިޔައީ އުފާވެރި ދިރިއުޅުމެކެވެ. ބައްޕަނިޔާވިފަހުން މަންމަ އިތުރުކައިވެންޏެއް ކުރަން ބޭނުންނުވީ އެކަމުން އަހަރެންނަށް ލިބިދާނެ ދެރައަކާއި ދޭތެރޭގައި ވިސްނުމަށްފަހުއެވެ.

އެއީ ހަފްތާއިން ހުކުރު ދުވަހުގެރެއެވެ. ގަޑިންއޭރު ރޭގަނޑު ދިހައެއް ޖަހަނީއެވެ. އަހަރެން އަވަސްއަވަހަށް މަސައްކަތްކުރީ ދިހަގަޑިބައިވުމުގެކުރިން މޭކަޕްކޮށް ނިންމާލެވޭތޯއެވެ. ލީލާގެ އުފަންދުވަހުގެ ޕާޓިއަށް ހާއްސަކޮށް މަންމަފަހަދިން ކަކުލާއި ހަމައަށް އަންނަ ކަޅުކުލައިގެ ހެދުން ލުމަށްފަހު ޑްރެސިންޓޭބަލް މަތީގައިހުރި ޑީކޭއެންވައި ސެންޓުފުޅި ނަގައި މުޅިގަޔަށް ބުރުވައިލީމެވެ. އަދި އަހަރެންގެދިގު ފަންއިސްތަށިގަނޑުން ބޮލުގެ ފަހަތަށް ބޮޑުހުޅިއެއްޖަހައި ލޮލުގައި އަނދުންއަޅައި ތުންފަތުގައި ގަދަ ފިޔާތޮށިކުލަ ޖައްސައިލީމެވެ.
ލޯގަނޑު ކުރިމަތީގައިހުރެ ދެފަރާތަށް އެނބުރިލަމުން އަމިއްލަ ހަށިގަނޑަށް ބަލަމުންދިޔައީ މިރޭ އަހަރެން ހާދަރީއްޗޭ ހިތަށްއަރަމުންނެވެ. އަލަމާރީގެ ތިރީދޮރުފަތް ދަމާލުމަށްފަހު އޭގެތެރެއިން ފުންނާބުއުސް ކަޅުކުލައިގެ ބޫޓެއްނަގައި އަވަސްއަވަހަށް އެއަށްއަރައިގެން ފަރިހިނގުމެއްގައި ކޮޓަރިން ނިކުތީމެވެ.

“މާޝާ ﷲ … މަގޭ ދަރިފުޅު ހާދަހާރީއްޗޭ.” މަންމަ ހެވިފައިހުރެ އަހަރެންގެ ކޯތާފަތުގައި ފިރުމާލަމުން އަހަންނަށް ތަޢުރީފު ކުރިއެވެ. މަންމަގެ ކޮލަށް ބޮސްދިނުމަށްފަހު އަހަރެން އަވަސް އަވަހަށް ގެއިންނިކުތީ އޭރުގަޑިން ދިހަގަޑި ބައިވެބޮޑުވެފައި ހުރުމުންނެވެ. އެގާރަޖަހާއިރު ޕާޓީފެށޭނެވާހަކަ ލީލާ އޮތީ މާކުރިންވެސް ބުނެފައެވެ.

އަތުކުރީގައިއޮތް ގަޑިއަށް ބަލައިލުމަށްފަހު ގެއިންނިކުމެ ހިނގާފައި ޕާޓީ ބޭއްވުމަށް ހަމަޖެހިފައިވާ ހޮޓެލްއާއި ދިމާލަށް މިސްރާބުޖެހީމެވެ. ދިޔަމަގުމަތީގައި ދޭތެރެއަކުން ސައިކަލުގައިދާ ފިރިހެންކުދިން އަހަރެންނާއި ކައިރިވެލާފައި ހާދަރީއްޗޭ ބުނެ ފޮށިލައެވެ. އެހެނަސް އެއިންއެއްވެސް މީހެއްގެ ބަހަކަށް ފަރުލުވާލެއްނެތި އަހަރެންގެފަރި ހިނގުމުގައި ބާރަށް ކުރިއަށް ދިޔައީމެވެ.

ގެއިންނިކުތްތާ ބަރާބަރު ފަސް މިނެޓުތެރޭގައި ހޮޓެލްއާއި ހިސާބަށްދެވުނެވެ. އަހަރެން މަޑުމަޑުން އެތެރެއަށްވަދެ ކައުންޓަރުގައި އިން ކުއްޖާގެއަތަށް ދައުވަތުކާޑު ދިއްކޮށްލުމުން އެކުއްޖާ އަހަރެންގެ އަތުންކާޑު އަތުލުމަށްފަހު ރަންކުލައިގެ ރީތިމާސްކެއް އަހަރެންގެއަތަށް ދިނެވެ.
“ދިސް އިޒް ފޯރ ވަޓް؟” އަހަރެން މަޑުމަޑުން އެހެން އަހައިލީ ޕާޓީގައި މާސްކް އަޅައިގެން އުޅެންޖެހޭނެ ވާހަކަ ލީލާ ބުނެފައި ނުވާތީއެވެ.
“މިޕާޓީއަށް އަންނަ ކޮންމެ ބޭފުޅަކުވެސް މާސްކު އަޅަައިގެން އުޅޭގޮތަށް ހަމަޖެހިފަ އޮތީ… ޓެރަސްއަށް ދުރުވޭ.. ޕާޓީ މިހާރު ފެށިއްޖެ.. ޕާޓީއަށް ޖޮއިންކުރުމުގެކުރިން މާސްކް އަޅާތި އިނގޭ.. ” އެކުއްޖާ ހީލަމުން އަހަރެންނަށް ކަންކުރަންވީގޮތް ކިޔައިދިނެވެ.

އަހަރެން މާސްކު ހިފައިގެންގޮސް ލިފްޓުން ޓެރަހަށް އެރީމެވެ. އަދި ލީލާ ފެނޭތޯ ވަށައިގެން ހޯދާލީމެވެ. އެހެނަސް މާހައުލުގައިވާ ފަނޑުރަތްއަލިކަމުގެ ތެރެއިން މީހަކުވަކިވާވަރެއްނޫނެވެ. ހަތަރުފަރާތުގައިވާ ބޮޑެތި ސްޕީކަރުތަކުން އިވެމުންދިޔަ ޝަކީރާގެ ލޯކާ ލޯކާ ލަވައިގެއަޑު ވަނީ މުޅިތަނުގައި ބާރަށް ގުގުމާލާފައެވެ. އޭރު ކޮންމެމީހަކުވެސް އެމީހެއްގެ ބައިވެރިޔާއާއިއެކު ލަވައިގެ މިއުޒިކަށް ފައިހަމަ ކުރަމުންދިޔައީ ނުހަނު ގައިގޯޅިކޮށްތިބެއެވެ. އެހެނަސް މޫނުމަތީގައި އަޅާފައިވާ މާސްކުތަކުގެ ސަބަބުން ކޮންމެމީހެއްގެ މޫނުންވެސްވަނީ ބޮޑުބައެއް ފޮރުވިފައެވެ.

އެހެންހުންނަތާ ގާތްގަނޑަކަށް މިނެޓެއްވީތަނާ އަންހެނަކު އައިސް އަހަރެންގެ ކައިރީގައި ހުއްޓުނެވެ. އޭނާގެ މޫނުމަތީގައިވެސް ހަމައަހަރެން އަތުގައިއިއޮތްކަހަލަ މާސްކެއްއަޅާފައި ވެއެވެ.
“ހާއި…. ސުމާ… ނަސީބެއްނު މާސްކުނާޅާ ވަތްކަން… އެހެންނޫންނަމަ ނުވެސްއެނގުނީސް…. އަވަހަށް ތިއަޅާބަލަ… އެހެރަމޭޒުގައި އެހުރީ ހެދިކާ އާ ޖޫހާ.. ތަންކޮޅެއް ފަހުންދޯ ކާނީ..ހިނގާ ނަށާލަން….”
އެއީލީލާއެވެ. އޭނާ ހެމުން އަހަރެން އަތުގައިއޮތް މާސްކް ނަގައި އަހަރެންގެ މޫނުމަތީގައި އެޅުވިއެވެ. އަދި އަހަރެންގެ އަތުގައި ހިފައިގެންގޮސް މީހުން ތަކުގެތެރެއަށް ވައްދައި ނަށަން ފެށިއެވެ. އަހަރެންވެސް ލީލާއާއިއެކު އެންމެންގަނޑުގެ ތެރޭގައިހުރެ ނަށަމުންދިޔައީމެވެ.

” އެބަ އަންނަން..” އަހަރެންގެ ކަންފަތް ކައިރީގައި މިހެންބުނެ ލީލާ އެހެން ދިމާލަކަށް ދިއުމުން އެކަނިހުންނަން އަހަރެން ޖެހިލުންވީނަމަވެސް ނަށަމުން ދިޔައީމެވެ.

“ހާއި .. އެކަނިވެފަތަ؟ ޔޫ ޑޯންޓް ހޭވްއަ ޕާޓްނަރ ދޯ؟” ކުއްލިއަކަށް ކަންފަތުގައި ޖެހުނު ރީތިފިރިހެން ވަންތައަޑުން އަހަރެން ފަސްއެނބުރި ބަލައިލީމެވެ. އޭރު އިސްކޮޅުންދިގު އެފިރިހެނާ ހުއްޓިގެންހުރީ އަހަރެންގެ މޫނާއި މޫނު ޖެހޭހާ ކައިރީގައެވެ. އެހެން ފިރިހެނުންނެކޭވެސް އެއްގޮތަށް އޭނާގެ މޫނުމަތީގައިވެސް ވަނީ ބުޅަލެއްގެ މޫނުސިފަވާގޮތަށް ހަދާފައިވާ ރިހިކުލައިގެ މާސްކެއްއަޅައިފައެވެ. އެހެން ކަމުން އެހާކައިރީގައި ހުރިއިރުވެސް އޭނާގެ ސިފަ އެނގޭވަރެއް ނުވިއެވެ.

“ޔާ.. ނޯ ޕާޓްނަރ.” އަހަރެންގެ ޖަވާބު ލިބުމާއިއެކު އަހަރެންގެ އުނަގަނޑުގައި އޭނާގެ ވައަތުން ހިފުމަށްފަހު ކަނާއަތުން އަހަރެންގެ ވައަތުގައިހިފައި މިއުޒިކުގެ ހަމައަށް ނަށަންފެށިއެވެ. ލީލާ ދިއުމުން އެކަނިވެފައި ހުރުމުން އަހަރެންވެސް ވަގުތުގެ ބޭނުން ހިފައިލީމެވެ.

“ހާދަ މީރުވަސް ދުވާސެންޓެކޭ.. ކޯއްޗެއް؟” އޭނާގެ ގައިން ދުވަމުންދިޔަ މީރުވަހުން ނުހުރެވިގެން އަހަރެން އަހައިލީމެވެ.
“ގުޗީގެ ގިލްޓީބްލެކް” އޭނާ އަހަރެންގެ ކަންްފަތާއި ވަރަށް ކައިރި ވެލާފައި ވައިއަޑަކުން ބުނެލިއެވެ. އެވަގުތު އޭނާގެހޫނުނޭވާ އަހަރެންގެ ކަންފަތަށް އެޅިގެންދިއުމުން ގައިން ހީބިހި ނަގައިގެން ދިޔައެވެ.

އޭނާގެއަތް މަޑުމަޑުން އަހަރެންގެ ކަނދުރާގައި ބީއްސާލަމުން އަހަރެންގެ ހަށިގަނޑު އޭނާގެގަޔާއި ޖައްސައި ފިއްތައިލިއެވެ. އޭނާ ގެނައި މިކުއްލިހަރާކާތުގެ ސަބަބުން އަހަރެންގެމޭ ފިނިވެގެންދިޔައެވެ. އެހެނަސް އެއިހުސާސްތައް އަހަރެންނަށްވީ ލިބުނިއުފަލަކަށެވެ.

“އައިތިންކް ޔޫވިލްބީ ގުޑް އެޓްދެޓް ދޯ” މިހެންބުނެ އޭނާ މަޑުމަޑުމް ހީލިއެވެ. އޭނާ ވަށްބަހުން އެބުނިއެއްޗެއްގެ މާނަ ނަގައިގަންނަން ވަގުތުކޮޅެއް ނެގިނަމަވެސް އަހަރެންނަށް އެބުނީ ކީކޭކަން ވަރަށް ސާފުކޮށް ދޭހަވިއެވެ.
“މޭބީ” އަހަރެންވެސް ވަކިދެރަނުވާނަމޭ ހިތަށްއަރައި އޭނާގެ ކަންފަތް ކައިރިގައި ބުނެލީމެވެ.

އަހަރެން އެހެންބުނުމާއިއެކު އެބައަންނަމޭ ކިޔައި އޭނާ އަހަރެންނާއި ކުޑަކޮށް ދުރަށް ޖެހިލަމުން ޖީބުން ފޯނުނަގައި ކޯލެއްކޮށްލުމަށްފަހު އަނެއްކާވެސް އައިސް އަހަރެންގެ އުނަގަނޑުގައި ހިފަހެއްޓިއެވެ. “ލެޓްސްގޯ… ރޫމް އިޒް ރެޑީ… މި ހޮޓެލްގެ ފަސްޓްފްލޯގައިން ރޫމެއް.” އޭނާއަހަރެންނާއި ކައިރިވެލަމުން ބުނެލިއެވެ.
“އޯކޭ ލެޓްސްގޯ.” އޭނާގެ ދައުވަތަށް އަހަރެން ފުރަގަސްދޭން ބޭނުންނުވީ މޫނު ނުފެނުނެއްކަމަކު އޭނާގެ އަމަލުތަކުން އަހަރެންގެ ހިތް ކަތިލެވިފައިވަތީއެވެ.

ދެމީހުން އެކުގައި ލިފްޓަށް އަރައިގެންގޮސް ފުރަތަމަ ފަންގިފިލާގައިވާ ބޮޑުކޮޓަރިއަކަށް ވަނީމެވެ. އޭރު އަހަރެންގެ ހިތް ބާރަށް ތެޅެމުންދިޔައީ މިވާންއުޅޭ ކަންތަކުގެ ބޮޑުކަން އިހުސާސްވުމުންނެވެ. އޭނާ އެތެރެއަށްވަދެ ފާޚާނާގެބޮކި ދިއްލައި ފާޚާނާގެ ދޮރު ކުޑަކޮށް ހުޅުވައިލުމަށްފަހު އައިސް އަހަރެންގެ ކުރިމަތީގައި ހުއްޓުނެވެ. ކޮޓަރީގެ ބޮކި ނިއްވައިލައިފައި ހުރުމުން ކޮޓަރިތެރޭގައިވަނީ ފަޚާނާދޮރު ދޭތެރެއިން އެޅިގައިވާ ފަނޑުއަލިކަން އެކަންޏެވެ. ތަނުގައިވާ އަނދިރިކަމުންނާއި އޭނަގެ މޫނުމަތީގައިވާ މާސްކު ނުނަގާހުރުމުގެ ސަބަބުން ކިތަންމެވަރަކަށް އޭނާގެމޫނު ދެކިލަން ބޭނުން ވީނަމަވެސް އެމޫނު ފެންނަގޮތެއްނުވިއެވެ.

“އިޓްސްއަ ޑީލް. އެކަކުވެސް މާސްކު ނުނަގާނެ.. އެންޑް މިރެއަށްފަހު ދެމީހުންވެސް އެކަކު އަނެކަކު ހޯދާކަށް ނޫޅޭނެ. މާސްކު ނުނަގާ މިއަނދިރީގަ ނުވެސްއެނގޭނެ އެއްނު ކާކު ކަމެއް.”
އޭނާ ވާހަކަ ދެއްކީ ވައިއަޑުންނެވެ.
ކަންތައްވީ އަހަރެން ހީކުރިގޮތާއި މުޅިން ޚިލާފަށެވެ. އަހަރެން ހީކުރީ އޭނާގެމޫނު އަހަންނަށް ދައްކާނެކަމަށެވެ. އަދި އެރެއަށްފަހު ދެމީހުންގެ ގުޅުން އަބަދުވެސް ކުރިއަށްދާނެ ކަމަށެވެ.

“އޯކޭ…” އިރުކޮޅަކު ވިސްނަން ހުރުމަށްފަހު އަހަރެން އާނއެކޭ ބުނީ އަހަރެންވެސް އޭނާއެކޭ އެއްގޮތަށް އެއުފާތައް ބޭނުންވެފައި ހުރިވަރުންނެވެ.

އަހަރެންގެ ޖަވާބު އިވުމާއިއެކު އޭނާގެ ހަރަކާތްތައް އަވަސްވިއެވެ. އޭނާ އަހަރެން އުރާލުމަށްފަހު އަތްދަނޑި މައްޗަށް ލައިގެންގޮސް އެނދުމައްޗަށް ވައްޓައިލިއެވެ. އަދި ބަނޑުހައިވެފައިވާ ސިންގާއެއް ފަދައިން އަހަރެންގެ ގައިމައްޗަށް ޖެހިގަތެވެ. އޭނާގެ އެހަރަކާތްތައް އަހަރެންނަށް ކަމުދިޔަ ވަރުން އެބިޔަ ހަށިގަނޑުގެ މަސްތީ އުފާތަށް އުފަލުންހުރެ އަހަރެން ލިބިގަތީމެވެ.

ގަޑިން ދަންވަރު ދޭއްޖެހުމައިއެކު އަހަރެން ހެދުންލައިގެން ކޮޓަރިން ނިކުތީމެވެ. ގެއަށްދިޔަ މަގުމަތީގައި އެތަކެއް ސުވާލުތަކެއް އަހަރެންގެ ހިތަށް އަރައިފައިބަމުންދިޔައެވެ. އެއީ ކާކުބާއެވެ؟ އަނެއްކާ އެއީ މީހެއްގެ ފިރިއެއްބާއެވެ؟ މާސްކުގެ ދަށުގައި ފޮރުވިފައިވާ އެމޫނު އަހަރެންނަށް ދުވަހަކުވެސް ފެންނާނެ ބާއެވެ؟ ފެނުނިއްޔާވެސް ވަކިކުރާނީ ކީއްހެއްޔެވެ؟ އަހަރެންނަށް އޭނާ ވަކިކުރާކަށް ނެނގޭނެއެވެ. އަދި އޭނާއަކަށްވެސް އަހަންނެއް ނެނގޭނެއެވެ.

މިކަހަލަ ހިޔާލުތަކެއްގައިހުރެ ހިނގާފައިގޮސް ގެއަށްވަތްއިރު އަހަރެންގެ އިންތިޒާރުގައި މަންމަ ސިޓިންރޫމުގައި ހުރިސޯފާގައި އިނެވެ.
“ހާދަ ލަސްވީ… ދަރިފުޅުގެ ފޯނަށް ވަރަށްގުޅިން….ފޯނު ނުނަގާތީ މަންމަ ވަރަށް ކަންބޮޑުވެފަމީނީ… ” އަހަރެން ފެނުމާއިއެކު މަންމަ އައިސް އަހަރެންގެ ގައިގައި ބައްދާލިއެވެ. ވާނީވެސް އެހެންތާއެވެ. މިދުނިޔޭގައި މަންމަގެ ހުރިވެސް މީހަކި އަހަރެން އެކަންޏެވެ. ލަސްވީ ޕާޓީ ނިމެންދެންމަޑުކުރުމުން ކަމުގައިބުނެ އަހަރެން ގޮސް ކޮޓަރިއަށް ވަނީމެވެ.

ނުނިމޭ…