ރޭގަނޑު ދުވާ މެޝިނަށް އަރާ ނައިޝާ ދުވަން ސިޓިންރޫމްގައި ހުއްޓާ ސައިފް އައިސް ގެއަށް ވަނެވެ. “ހަހަހަ…ތިއަށް ކިތަންމެ ވަރަކަށް އަރާ ދުވިޔަސް ހުންނާނީ ބެޓެރިއެއްހެނޭ އަޅޭ” މަލާމާތުގެ ހިނިގަނޑެއް ޖަހާލަމުން ސައިފް ނައިޝާ އަށް ބުންޏެވެ. ސައިފް ކޮޓަރިއަށް ވަނުމުން ނައިޝާ ރޯންފެށިއެވެ.ކުރިއާ ޚިލާފަށް މިފަހަރު ނައިޝާ ރުޅި އައެވެ. ދުވާ މެޝިން ނިއްވާލުމަށްފަހު ރޮމުން ކޮޓަރިއަށް ނައިޝާ ވަނެވެ.ސައިފްގެ މަލާމާތަށް އިތުރަށް ކެތްނުކުރެވުމުގެ ސަބަބުން ހިކެން ނައިޝާ ކުރި ހިތްވަރާއި އަޒުމް މުޅިން ކެނޑުނެވެ. […]
ސައިފް ސަނާ ކައިރި ސިއްރުން ވާހަކަތަކެއް ދެއްކި ދުވަހުން ފެށިގެން ސަނާ ނައިޝާ އާއި ދުރުވިއެވެ. އެކުގައި ވަގުތު ހޭދަކުރުން މުޅިންހެން ހުއްޓުނެވެ.ނައިޝާ ސަނާގެ ކޮޓަރިއަށް ވަނަސް ކޮންމެވެސް ބަހަނާ އެއް ދެއްކުމަށް ފަހު ނައިޝާ އެކޮޓަރިން ނެރެއެވެ.މިކަމާ ނައިޝާ ވަރަށް ދެރަވެ ވިސްނެން ފެށިއެވެ. ނައިޝާއަށް ސައިފްގެ ވާހަކަތަކާ ދުރަކަށް ނުދެވުނެވެ. ސައިފްގެ އެވާހަކަތައް އަބަދުމެ ނައިޝާގެ ބޮލުތެރޭގައި އެނބުރެއެވެ. ބަދިގެ ތެރޭގައި ކައްކަން، ޚިޔާލަކަށް ގެއްލިފައި ހުރި ނައިޝާ ފޯނު ރިންގުވި އަޑަށް ސިއްސައިގެން […]
“އަހަންނަށް ފެނޭ ސަނާ ނައިޝާގެ ކޮޓަރިއަށް ވަންނަ ތަން…އަހަރެން ހިއެއް ނުކުރަން ނައިޝާ މިކަން ބޮޑު ކަންތައް ގަނޑަކަށް ހަދާލަފާނެ ކަމަކަށް” ސޯފާގައި އިށީނަމުން ހިތްހަމަ ނުޖެހިހުރެ ސައިފް ބުންޏެވެ. ސައިފަށް ރައްދު ދިނުމެއްނެތި ނައިޝާ ސަނާ ކޮޓަރީގައި މަޑުމަޑުން ޓަކިޖެހިއެވެ.ދެތިން ފަހަރަކު ޓަކި ޖެހުމަށްފަހު ސަނާ ދޮރު ނުހުޅުވުމުން ނައިޝާ ތަޅުގައި ހިފާލިއެވެ.ދޮރު ތަޅުނުލައި ހުރުމުން ނައިޝާ މަޑުމަޑުން ދޮރު ހުޅުވާލުމަށްފަހު ކޮޓަރިތެރެއަށް ވަނެވެ. “ސަނާ” އެނދުމަތީގައި ބަންޑުން އޮށޯވެގެން އޮތް ސަނާއަށް ނައިޝާ މަޑުމަޑުން […]
ދުވަހަކީ ހުކުރު ދުވަސް ކަމުން ތަންތަން ސާފުކުރުމަށް ނައިޝާ އުޅުނެވެ.ކޮޓަރިއާއި ސިޓިންރޫމްތެރެ ސާފުކުރުމަށް ފަހު ސަނާގެ ކޮޓަރި ސާފުކުރަން ނައިޝާ އެކޮޓަރި ދޮރުގައި ޓަކި ދިނެވެ.ތިންވަރަކަށް ފަހަރު ޓަކިޖެހި ފަހުން ސަނާ ކުޑަކުޑަކޮށް ކޮޓަރި ދޮރު ހުޅުވާލިއެވެ. “ސާފުކޮށްލަން މިއައީ” ކޮޓަރިއަށް ވަންނަން ދޮރު ކޮއްޕާލަމުން ނައިޝާ ބުންޏެވެ.އެވަގުތު ސަނާ ދޮރުގައި ހިފެހެއްޓުމަށްފަހު ނައިޝާ އެތެރެއަށް ވަނުމަށް ހުރަސްއެޅިއެވެ. “މިތަން ސަނާ ސާފުކޮށްލާނަން…އެހާ ހަޑިއެއް ނުވޭ… މިތަން ސާފުކޮށްފަ ހުންނާނީ ވެސް” ވަރަށް ކުޑަކޮށް ދޮރު ހުޅުވައިގެން […]
ކޮޓަރިން ނިކުތް ނައިޝާގެ ކޯތާފަތްމަތިން ހޯސްލާފައި ކަރުނަތައް އޮހޮރިގެން ދިޔައެވެ.ސައިފްގެ ފަރާތުން ކުރިން ލިބުނު ލޯތްބާއި އަޅާލުން ނައިޝާ އަށް ނުލިބޭތާ ސައިފާ ވާހަކަވެސް ދައްކާލުމަކީ މިހާރު އުދަނގޫ ކަމެކެވެ. މިއީ ނައިޝާ ބޭނުންވި ދިރިއުޅުމެއް ނޫނެވެ.ނައިޝާ ބޭނުންވީ އޭނާގެ ފިރިމީހާއާއި އެކީ ވަރަށް ލޯބި ދިރިއުޅުމެއް އުޅޭށެވެ. ކަރުނަތައް ފޮހެލުމަށްފަހު ސޯފާގައި އިށީނދެ ނައިޝާ ކުޑަކޮށް ވިސްނާލީއެވެ.ނައިޝާ އަކީ ކުރިންވެސް ސިފަ ރީތި މީހެއްނޫނެވެ.އެހެންނަމަވެސް ކުރިއަށްވުރެވެސް ބޮޑަށް މިހާރު ނައިޝާގެ ސޫރަ ހަޑިވެއްޖެކަން ޚުދު އޭނައަށްވެސް […]
ނައިޝާ ގޮސް ފާހަނަ ދޮރު ހުޅުވާލިއެވެ. އެވަގުތު ފެނުނު މަންޒަރުން ނައިޝާ މޭނުބައިކުރިއެވެ.ޖަންގުޝަން މަތިގަނޑު މަތީގައިވާ ވަނީ ހުސް އިސްތަށްޓެވެ.ފާހަނާއިގެ ޓައިލްސް ތަކާއި ބިލިގާ ގެ އިތުރުން ފާހަނަ ތަށިވެސް ވަނީ ލޮނދި ޖަހާ ވަރަށް ބޮޑަށް ހަޑިވެފައެވެ. ސަނާ އުޅޭ ކޮޓަރި އާއި ފާހަނަ ފެނިއްޖެ މީހަކު ނަމަ އެއީ ހުސްވި ހަފްތާގައި ސާފުކުރި ތަންތަނޭ ނުބުނާނެއެވެ.ހުސްވި ތިން ހަފްތާ ތެރޭގަ ސާފުކުރަން ނައިޝާ އެކޮޓަރިއަށް ވަންނަ ކޮންމެ ފަހަރަކު އެތަންތަނުގެ ހާލަތު ހުންނަ ގޮތަކީ […]
ބާބު 3 – ބާރުތަށް ފަނޑުވެފައިވާ ދޫންޏަކީ ސާމަރާ ދޫންޏެކެވެ. އެ ރީތި ސާމަރާ ދޫނި އަހަރެން ކައިރިއަށް އައިސް ފަތްގަނޑު ފަތުރާލިއެވެ. ހީވަނީ ފަތްތަކުގައި އަތްލަން ދިންހެންނެވެ. އޭގެންފަތެއްގައި އަތްލަން އުޅުނީމެވެ. އޭގައި އަތް ބީއްސާލީމެވެ. އެ ފަތް އޮމާން ބާލީހެކޭ ބުންޏަސް ދޮގަކަށް ނުވާނެއެވެ. ނަމަވެސް އިރުކޮޅެއް ތެރޭގައި އަހަރެންގެ ހަށިގަނޑު ތެރެއިން ކަޅު ޖިންނިއެއް ނިކުތެވެ. އެ ޖިންނީގެ ހާލުވަނީ ސުމަކަށް ގޮއްސައެވެ. އިރުކޮޅެއްތެރޭ އެ ޖިންނި ގެއްލުނެވެ. ސާމަރާދޫނި އަހަރެންގެ ގަޔާއި […]
ގުދުރަތުގެ ގާނޫނާ އެއްގޮތަށް އިރު ވަށާ ދުނިޔެ ދައުރުވަމުން ދެޔެވެ. އާ ދުވަހަކަށް އިރު އެރުމާއެކު ވާނުވާ ނޭނގޭހާ އަވަހަށް އިރުއޮއްސި ދުވަސް ފާއިތުވަމުން ދެޔެވެ. ގޮނޑުދޮށުގައި ބަރަވެލި އަޅާލާ ރޮގުތަށް ގޮނޑުދޮށަށް ބިއްސާލާ ރާޅުތަކުން ފޮހެވިގެން ދާ އުސޫލުން އެދުވަހުގެ ކަންތައް މާޒީއަށްވެ ގިނަ ކަންތައް ހަނދާނުން ފޮހެވިގެންދެޔެވެ. ކުރިމަތިވާ އާ އިމްތިހާންތަކާ ކުރިމަތި ލާން ޖެހުމުން ވޭތުވި ހިތާމައާ މާޒީއާ ދޭތެރޭ ވިސްނާ ރޯނޭ ވަގުތެއް ނޯވެއެވެ. ނޭވާ ލާ ހިނދަކު ދިރިއުޅުމާގެން ކުރިއަށް […]
މެންދުރަށް ކާން މޭޒުމަތި ތައްޔާރުކޮށްފައި ނައިޝާ ކޮޓަރިއަށްވަދެ ފެންވަރައިގެން ޑިއުޓީއަށް ދާން ތައްޔާރުވިއެވެ. މެންދުރު ދޭއް ޖަހަން ތިރީސް މިނެޓް ކުރިން ނައިޝާ އެޕާޓްމެންޓުން ނިކުންނަން ދިޔައެވެ. އެވަގުތު ސަނާއާއި ސަައިފް ކާމޭޒުދޮށުގައި ކާން ތިއްބެވެ. “ދައްތަ ނުކާތަ ތި ދަނީ؟” ދޮރާދިމާއަށް ހިނގައިގަތް ނައިޝާއަށް ސަނާ ބުންޏެވެ. “ދައްތަ އައިއްސަ ކާނީ” ހިނިތުންވެލަމުން ނައިޝާ ޖަވާބު ގައި ބުންޏެވެ. “ކިހާއިރަކު ދައްތަ ނިމޭނީ؟” އަނެއްކާ ވެސް ސަނާ އަހާލިއެވެ. “6ޖަހާއިރު…. އަނެއްކާ ރޭގަނޑު 8 ގަ […]