ފަތިހުގެ ފިނި ފިނި ވަގުތެވެ. އަތިރިމައްޗަށް ބީއްސާލާ މޫދުގެ ރާޅުތައްދަނީ ދޮންވެލި ފަސްގަނޑުގައި މަޑުމަޑުން ބޮސްދީފައެވެ. އިރުއޭގެ ވަޒީފާ އަދާކުރަމުން ދުނިޔެއަށް އަލިކަން ފޯރު ކޮށްދެމުން އާދެއެވެ. އުދުހޭ ދޫނިސޫފާ ސޫފީގެ އަޑުތަށް މަޑުމަޑުން އިވެމުންދެއެވެ. އިރުއަރަމުން އެދާ ވަގުތުގައި ދައްކުވައިދެނީ ގުދުރަތީ ރީތިކަމުގެ ވަރަށްވެސް ފުރިހަމަ މިސާލެކެވެ. ގުދުރަތުގެ މިފުރިހަމަ މަންޒަރުތަކަށް ގެއްލިފައިހުރި ޝާމްގެ މޫނުމަތީ ގައިވީ ފެންނަ ކޮންމެ މީހެއްގެ ހިތްތައް ކަތިލާފަދަ ފުރިހަމަ ހިނިތުންވުމެކެވެ. އޭނާއަށް ގުދުރަތުން ދެއްވާފައިވާ ރީތިކަމަކީ އެކަމައްކައްޓަކައި އޭނާއަށް އެތަކެއް އަންހެން ކުދިންނެއް ފިދާވާ ރީތިކަމެކެވެ. އެ އަޅިލޮލަށް ޓަކައި ފިދާވާ އެތަކެއް ކުދިންނެއް އުޅެއެވެ. އެ ހިނިތުންވުން އެންމެ ފަހަރަކު ދެކެލުމަށް މަރުދޭ އެތަކެއް އަންހެންކުދިންނެއް އުޅެއެވެ. މީހުންނަށް ނުފެންނަނީ އެރީތި ސޫރައިގެ ފަހަތުގައި ފޮރުވިފައިވާ ވޭންތަކާއި އުދާސްތަކެވެ. އެރީތި ލޮލުގައި ފޮރުވިފައިވި ލޭކަރުނަތެކެވެ. އެ ހިނިތުންވުމުގެ ފަހަތުގައި ފޮރުވިފައިވާ ހިތާމަތަކެވެ. އެކިއެކިކުލަތަކުން ކުލަޖެއްސިފައިވާ އޭނާގެ މާޒީއެވެ.
*******
ބިއްލޫރިކޮޅެއްފަދަ މޫދުގެ ލޮނުގަނޑު ކަފަމުންއައި ލާންޗުގެ މިސްރާބުހުރީ ކުރިމަތިންފެންނަން އޮތް ރަށް ކަމުގައިވާ ދ.ކުޑަހުވަދޫއާ ދިމާލަށެވެ. ލާންޗުގައި ހުރި ޝާމްއަށް ކެއްތެރި ކަމެއްނެތި އިންތިޒާރު ކުރެވެމުން ދިޔައީ ލާންޗު ރަށާއި ކައިރިކުރާނެ ވަގުތަކަށެވެ. އަތުގައިއޮތް މާބޮނޑިއާއި ޑައިމަންޑްޖެހި އަނގޮށްޓިއާ ދިމާލަށް ބަލާލެވޭކޮންމެ ފަހަރަކު އެ މޫނުމަތީގައިވި ހިނިތުންވުން ފުންވެގެން ދެއެވެ. އޭރުއެހިތުގައި ރަނިކަން ކުރަމުން ދިޔައީ އެ ހިތުގެ ރާނީ ސަނާގެ ހިޔާލްތަކެވެ. އެމޫނުމަތީގައިވި އުޖާލާ ކަމުގެ އަސްލަކީވެސްއެއީއެވެ. ސަނާއަކީ ޝާމްގެ އަބަދުގެވެސް އެންމެ ގާތް އެކުވެރިޔާއެވެ. އެހެން ގޮތަކަށް ބުނާނަމަ ބެސްޓްފްރެންޑެވެ. ގްރޭޑްއެކަކުން ފެށިގެން ދެމީހުންނަކީ އެކުގައި އުޅޭދެކުދިންނެވެ. އަބަދުވެސް ހުރިހާކަމެއްގައި ވެސް އެކަކުއަނެކަކަށް ވެވުނު ވަރަކުން އެހީތެރިވެދެވޭތޯ ބަލައެވެ. އެކުވެރިކަމުގެ ފުރިހަމަ މިސާލެކެވެ. ފުރާވަރަށް އަޅަމުން ދިޔައިރު ޝާމްގެ ހިތުގައި ދިޔައީ ސަނާއަށް ޓަކައި ގޮތް ނޭނގޭ އިހްސާސްތަކެއް އުފެދެމުންނެވެ. އަބަދު އެ ސޫރަ ދެކެލުމަށް ހިތްއެދެވެއެވެ. އަބަދު ކައިރީގައިވުމަށް ބޭނުންވެއެއެވެ. އޭނާއަށް ސަނާގެ ކޮންމެ އާދައެއް ކަމުދާން ފެށިއެވެ. މި އިހްސާސްތަކަށްދޭނެ ނަމެއް އޭނާއަކަށް ނޭނގުނެވެ. ނޭނގިހުރެ އެހިތް ސަނާއަށް ހަދިޔާ ކުރެވުނެވެ.
އޭނާއަށް މިވާހަކަތަށް ސަނާއާއި ހިއްސާކުރާކަށް ނުކެރުނެވެ. އެ ދެމެދުގައިވި އެކުވެރިކަމުގެ ގުޅުމަށް ބުރުލެއް އެރުމަށް އެހިތް ނޭދޭތީއެވެ. ނަތީޖާއަކަށްވީ ދެމީހުންގެ އޭލެވެލް ނިމުނުއިރުވެސް އޭނާއަށްއެވާހަކަ ސަނާކައިރީގައި ނުބުނެވުމެވެ. އޭގެ ތިންމަސްދުވަސް ފަހުންސަނާ ހަމަސްދުވަހުގެ ޓީޗިންކޯސްއެއް ހެދުމަށް މާލެދިޔައެވެ. ސަނާ ކޯސްފުރިހަމަކޮށްގެން އައީމައި ލޯބި ހުށައެޅުމަށް އަޒުމްކަނޑައަޅައިގެން ހުއްޓައި ޝާމްގެ އިންޖީނިއަރިންގެ ކޯސްހަމަޖެހި ފަސްއަހަރަށް ރާައްޖެއިން ބޭރަށްފުރަން ޖެހުނީއެވެ. ދެމީހުން އެތައްމޭލެއް ދުރުގައި ތިބިނަމަވެސް މީސްމީޑިއާގެ އެހީގައި އެރަހުމަތްތެތިކަން ދެމީހުންވެސް ބޭއްވިއެވެ. އެގުޅުމަށް ބުރުލެއް އެރުމުގެ ފުރުސަތެއް އެކަކުވެސް ނުދެއެވެ. ސަނާގެ ވާހަކަތައް ހުންނަގޮތުން އޭނާވެސް ޝާމްދެކެ ލޯބިވާހެން ހީވެއެވެ. ކޯހުގެ ބްރޭކަށް އައިސް ލޯބި ހުށައެޅުމަށް ޝާމްނިންމި އަސްލު ސަބަބަކީވެސް އެއީއެވެ.
ރަށަށް ލާންޗުކައިރިކުރުމާއެކު އެހިތްއަވަސްވެގެންދިޔައެވެ. އެހިތުގެ މަލިކާދެކެލުމަށް ދެލޯ ބޭގަރާރުވިއެވެ. އަވަސްއަވަހައް ފައިބައި ރަށުތެރެއަށް ނަޒަރު ހިންގައިލިއެވެ. ނަމަވެސް ކަންވީ އުންމީދުކުރި ގޮތަކަށް ނޫނެވެ. އެހިތުގެ މަލިކާއެއް ނެތެވެ. މާޔޫސްވި ނަމަވެސް އެކަން މޫނުމަތިން ނުދައްކައި އިސްތިގުބާލްގައި އައިސްތިބި އާއިލާ މީހުންނާއެކުގައި ގެއަށްދިއުމަށް މިސްރާބު ޖެހިއެވެ. އެ ވަގުތު އޭނާގެ ފޯނަށް ސަނާގެ މެސެޖެއްއައެވެ. އޭގައި ވަނީ އޭނާއަށް ޝާމް ލެފިތަނަށް ނުދެވުނީތީ މައާފަށް އެދި ، އަދި އޭނާ ވާހަކައެއް ބުނަން ބޭނުންވާ ވާހަކަ އާއި ރޭގަނޑު ބައްދަލުކުރުމަށް ބުނެފައެެވެ. މެސެޖު ފެނުމާއި އެކު އޭނާއަށް އުފަލުގޮސް ފުންމައި ގަނެވުނެވެ. އެއާއެކު މަގުމަތީގައި ތިބި މީހުން އޭނާއަށްބަލަން ފެށުމާއެކު ލަދުން އިސްދަށަށް ޖެހިއެވެ. އަދި ބޮލުގެ ފުއްކިބައިގައި މަޑުމަޑުން ޖަހާލިއެވެ. އޭނާއަށް ހީކުރެވުނީ އޭނާ ސަނާއަށް ލޯބިހުށައެޅުމުގެ ކުރިން ސަނާ ، އޭނާއަށް ލޯބިހުށައަޅަން އުޅެނީ ކަމަށެވެ. އަރާމްކުރުމަށް ކަމަށްބުނެ ކޮޓަރިއަށްވަދެ އޭނާދުވަހުގެ ބާކީބައި ހޭދަކުރީ ލޯގަނޑު ކުރިމަތީގައިހުރެ ސަނާއަށް ލޯބި ހުށައަޅާނެ ގޮތްތައް ޕްރެކްޓިސް ކުރުމަށެވެ. އެރޭގެ 8:30 ވީއިރު އޭނާހުރީ އަތިރިމަރީގައި ސަނާގެ އިންތިޒާރުގައެވެ. އޭރު އޭނާގެ އަތުގައި އޭނާ ސަނާއަށް ދިނުމަށްގަތް ރަތްފިނިފެންމާ ބޮނޑިއާއި އަނގޮށްޓިއޮތެވެ.
އޭނާ ކުރަމުންއައި އިންތިޒާރަށް ނިމުމެއްއައީ ފަހަތުން ފިޔަވަޅުތަކެއްގެ އަޑުއިވުމުންނެވެ. އޭނާއަށް ހައިރާން ކަމެއް ލިބުނީ މީގެކުރިން އޭނާ ނުދެކޭ ޒުވާނަކާއި އެކުގައި ސަނާ ހުރުމުންނެވެ. ސަނާ އެޒުވާނާއަށް ޝާމް ތައާރަފް ކޮށްދިނެވެ. “އިދާން.. މިއީ ޝާމް… އަހަރެންގެ ބެސްޓީ!!! ޝާމް މިއީ އަހަރެންގެ ވާންއުޅޭ ފިރިމީހާ އިދާން…” އޭނާގެ ފަހުޖުމްލައާއި އެކު ޝާމްއަށްް ހީވީ އޭނާގެ ކަންފަތް ކައިރީގައި މީހަކު ބޮމެއް ގޮއްވާލި ހެންނެވެ. އެހިތަށް އެތަށް ހާސް ތޫނު ކަށިތަކެއް ހޮރާލުމުން ކުރެވޭ ފަދަ އިހުސާސެއް އޭނާއަށް ކުރެވުނެވެ. ހިތުން ލޭކަރުނަ އޮހޮރެމުން ދިޔަ ނަމަވެސް އޭނާގެ މޫނުމަތިން އުފާވެރިކަން ދެއްކުމުގައި ކާމިޔާބު ކުރިއެވެ. ހިތިހިނިތުންވުމަކާއިި އެކުއެދެމީހުންނަށް މަރުހަބާކިއެވެ. އެހިތުގައި އެތައް ވާހަކަތަކަކާއި ޝަކުވާތަކެއްވިއެވެ. ނަމަވެސް އެއިން އެކައްޗެއްވެސް އެ ދުލަކާއި ހަމައަކަށްނައެވެ. ސަނާ އިދާންގެ މޫނަށް ބަލަންހުރެ އެދެމީހުންގެ ލޯބީގެ ފަސާނާ އިއްވަމުން ދިޔައެވެ. އެނާގެ ކޮންމެ ޖުމްލައެއް ދިޔައީ ޝާމްގެ ހިތައް ތޫނުތީރެއް ފަދައިން ހެރެމުންނެވެ. އޭނާ އެންމެ ފަހަރަކު ޝާމްގެ މޫނަށް ބަލައިލި ނަމަވެސް އެ މޫނުމަތީގައިވީ އަސަރުތައް ފެނުނީހެވެ. ސަނާގެ ދެލޮލުން އޭނާއަށް ފެނުނީ އިދާން އަށްތަކައިވީ ތެދުވެރި ލޯތްބެވެ. އޭނާއަށް އިދާންއާނުލައި ނޫޅެވޭނެއޭ ބުނި ވަގުތު އެ ހިތަށް ތޫނު ހަންޖަރެއް ހަރާލިފަދަ އިހްސާސެއް ޝާމްއަށް ކުރެވުނެވެ. އިތުރަށް އެ ވާހަކަތައް އަދުއަހާނެ ހިތްވަރު އޭނާގައިން ހުސްވިއެވެ. ހަދިޔާއެއް ކަމަށް ބުނެ ގެނައި މާބޮނޑި ސަނާއަށް ދިނުމަށްފަހު އޭނާ އަނގޮއްޓިހިފައިގެން ދިޔައީ އިތުރަށް އެތަނުގައި ހުރުމަށް ނުކުޅެދުމުންނެވެ. އެރޭގެ ފަތިހުގެ ފްލައިޓުން އޭނާއެނބުރި މާލެގޮސް ހަމައޭގެ އަނެއް ދުވަހުގެ ފްލައިޓުން އޭނާ މެލޭޝިއާއަށް ދިއުމަށް ފުރިއެވެ.
*******
މިއަދު އޭގެ ތިން އަހަރުފަހުން އަނެއްކާވެސް އޭނާ އެހުރީ އެއަތިރިމަތީގައެވެ. އޭނާއަށް އޭނާގެ ލޯބި ގެއްލުނު މަންޒިލްގައެވެ. އެދެމީހުން އެކުގައި ހޭދަކުރި އުފާވެރި މަޖާވަގުތުތައް ފްލެޝްބެކެއް ގޮތަށް އޭނާއަށް ފެންނަމުން ދިޔައެވެ. ދެމީހުން އެކުގައި ސަކަރާތްޖަހައި މަޖާކޮށް އުޅުނު ދުވަސްތަކެވެ. އެއާއެކު ލޮލުން ވެއްޓުނު ކަރުނަތިއްކަކާއި އެކުވެސް އެ މޫނު މައްޗަށް ހިނިތުންވުމެއް ވެރިވިއެވެ. އެއިން ކޮންމެ ހަނދާނެއްވަނީ އެހިތުގެ އެންމެ ފުންމިނުގައި ރައްކާކުރެވިފައެވެ. އެދުވަހު އޭނާއެތަނުން ދިޔައީ ލޯބިވާމީހާގެ އުފަލަށްޓަކައި އަމިއްލަ އުފާތަކާއި ލޯބި ގުރުބާން ކޮއްފައެވެ. އޭނާއަށްޓަކައި ލޯބީގެ ދެވަނަ ނަމަކީ ގުރުބާނީއެވެ.
Other Articles
ލޯބިވަން 5
ވެހޭ ވާރޭ ތެރެއިން…1
21 Comments!
Comments are closed.
Wow just wow
Mi vaahaka dhonthi au hama varah reethi ??????I just love it❤❤❤❤ Rishibbe ge faraathun adhi mikahala reethi vaahakathakeiy kiyaalan libeynekamau ummeedhukuran??????
Tysm… inshaallah…
V salhi… mi Vhk liyunu meehaa ah v v v v v bodah shukuriyya…. I love it…. ??
Tysm dear….. means a lot….??
varah reethi . rishibbe thee kudahuvadhoo meehehthA.
Tysm dear?….. yes mee kudahuvadhoo meeheh….
Tysm??… yes mee kudahuvadhoo meeheh
Varah furihama and l totally read this story 10 times ? I just love this story ????
Awwn…. thanks dear… . Means a lot….?
Im in l9ve with the cover???
Hehe… thanks dear…
Ma Sha Allah vaahaka varah reethi. Rishibbe ge ithuru vaahaka thakeh ves fennane kamah ummedhu kuran.
Tysm kiyara… u nd ifoo are my favourite writers on esfiya…
Varah reethi
Thanks dear….?
Alhey haadha sad story eh.. Shaam ah sana dhin nana.. Varah dhera vejje kiyaalafa.. But story hama varah reethi ingey.. Masha allah keep up the good work dear rishibbege ehn vaahakaeh varah avahah kiyaalan libeyne kamah ummeedhu kuran
Thanks dear…. ???inshaallah….
V reethi!❤️Ithuru vaahaka thakeh kiyaalan libeyne kamah unmeedhu kuran
Thanks dear… ??inshaallah…
what a co-incidence???alhugaduge life aai v ehgoiy..thafaathy shaam ge magaamuga anhenkujjaku hurefa best friend akee alhugadahvun..keehkuraanee..alhugadu marry kohgen baby eh libunu dhuvahakee e sirru e bestfriend ge faraathun egigen dhiya dhuvas…adhives e relation ah deynjehey nameh alhugadakahves neygunu…maaxee…!!!vaahaka v chaalu…
Wow… @Rishma… ?
You did a great job!!!!!!! ??????????
Varah varah reethi mi part vs Masha Allah ????????
Rishma ge faraathun mi Haa furihama Ehen vaahaka eh kiyaalan libeyne kamah ummeedhukuran ???????????????????????????????
Best of luck dear??????????????