“ގަބުރަސްތާނުގައޭ… އަހަރެންގެ ދަރިފުޅަށް ތިމީހުން ކީއްކުރީ!” ފާރު ކައިރީގައި ސިހިފައި ހުރި ޝެލީ ރޮމުން އައިސް އަނިލް ލައިގެން ހުރި ގަމީހުގެ ގިރުވާނުގައި ހިފަހައްޓާ ކޮށްޕާލަމުން ބުންޏެވެ. “ޝެލީ އަހަރެންނަށް މަޢާފު ކުރޭ. އީޝާލް މިދުނިޔެއާއި ވަކިވީ އަހަރެންގެ އިހުމާލުން. މަޖީދީ މަގުގައި ހިނގި ކާރު އެކްސިޑެންޓެއްގައި. އެދުވަހު އަހަރެން އީޝާލް ސުކޫލުން ނެރެފައި ގެއަށް ލާން ދެވެން ނެތީމަ ޓެކްސީއެއްގައި ފޮނުވާލީ. އެކާރު އެކްސިޑެންޓެއްވެ އީޝާލްގެ ބޯ ފަޅައިގެން ގޮސް ލޭ ސިކުޑިއަށް އެޅިގެން މަރުވި.” […]
ލޯންޗުން ރަށަށް ފޭބި އިރު ރައިހާގެ ކައިރިއަށް ފާލަމުގައި ހުރި ޒުވާން އަންހެންކުއްޖަކު އާދެއެވެ. އެކުއްޖާ ސަލާމަށް އަތްދިއްކޮށްލުމަށްފަހު ހިތްހެޔޮ ހިނިތުންވުމެއް ރައްދުކުރިއެވެ. ” ނިޝާ.. އަޅުގަނޑު މީ ސްޕެޝަލް ނީޑްސް ސެންޓަރ ގެ މެނޭޖަރގެ އެސިސްޓެންޓް.” އޭނާގެ ކުޑަ ތަޢާރަފެއް ހާމަކުރިއެވެ. ޓެކްސީގައި ނިޝާ ރައިހާ ގޮވައިގެން ދިޔައީ ހާއްސަ އެހީއަށް ބޭނުންވާ މީހުންގެ މަރުކަޒު ކައިރީގައި ހުރި ހޮޓެލް އަކަށެވެ. އަދި އެކޮމެޑޭޝަން ހަމަޖެހިފައިވަނީ މި ހޮޓެލް ގައި ކަމަށް ބުނުމަށްފަހު ހަވީރު ހަތަރެއް […]
ދެލޮލުން ފައިބަމުންދިޔަ ކަރުނަތައް ފޮހެލާފައި ދެތުންފަތް ފޫއަޅުވާލާފައި ނިކުންނަމުންދިޔަ ވޭނީ ގިސްލުން ގަދަކަމުންކަހަލަ ގޮތަކަށް ހުނުމަކަށް ބަދަލުކުރިއިރު އެ އަޑުގައިވީ އިންތިހާދަރަޖައިގެ ވޭނެވެ. ދެލޮލުން ހިފެހެއްޓުމެއްނެތި ފައިބަމުންދިޔަ ކަރުނަތަށް ފޮހެމުންފިޔައިރު މުޅި ކޮޓަރިތެރޭގައިވެސް ފެތުރިފައިވަނީ އެ އަންހެންކުއްޖާގެ ވޭނުންފުރިގެންވި ހުނުމުގެ އަޑެވެ. **** ތާޒާ ވެލައިގެން ނުކުތްއިރު ފަތިސްނަމާދު ބަންގީގެ އަޑު އިވުމާއެކު އެ އަންހެންކުއްޖާ އަވަސްވެގަތީ ނަމާދުކުރުމަށެވެ. އެއީ އޭނާގެ ހިތަށް ހަމަޖެހުންލިބި ކެއްތެރިކަން ލިބޭވަގުތުކޮޅެކެވެ. ދިރިއުޅުމާއިންގެން ކުރިއަށްދާން ލިބޭ ކުޑަ ކުޑަ ހިތްވަރެކެވެ. އެހެން […]
“ހަމްމް.. ކޮބާ؟ ކިހިނެއްވަނީ ވިޔަފާރި؟ ރަނގަޅުތަ؟ ރަނގަޅު ނުވިއްޔާ ވިއްކާ ތަކެތި ރަނގަޅުކޮށްލާ..” އަނގަފުރާ ދުފާލައިގެން އިން މުނާ ވާހަކަދައްކަމުން ދިޔައީ ފޯނު ކަންފަތުގައި ޖަހައިގެން އިނދެއެވެ. ކެއުމަށްފަހު އާދަކޮށް ދުފާލެވޭ އެތިކޮޅު ހަފާލަ ހަފާލަ އެތަށް އިރަކު އޭނާއަށް އިނދެވެއެވެ. އެކޮޅުން ދައްކަމުން ދިޔަ ވާހަކަތަކަށް ގެއްލިހުސްވެފައި އިން މުނާއަށް މީކާން ވަދެގެން އައިކަންވެސް އިނގުނީ އޭނާ ކުރިމައްޗަށް ހުއްޓި އަތުން އިޝާރާތްކޮށްލުމުންނެވެ. މީހާގެ ނޭވާ އެތެރެހަށީ ތާށިވީފަދައިން މުނާގެ ހަރަކާތްތަށް ހުއްޓި ސިހުނެވެ. ފޯނު […]
”މާދަން ހެނދުނު ދިހައެއް ޖަހާއިރަށް މިކޮޅަށް ދުރުވެވޭނެތޯ ކޮންޓްރެކްޓްގަ ސޮއިކޮށްލަން؟…” ފޯނުގެ އަނެއްކޮޅުން ވިވިއަން ބުނެލި އަޑު މަލްސާއަށް އިވުނެވެ. އުފާވެރިކަން ހިތަށް ވެރިވެފައިވި މަލްސާއަށް ވަގުތުން ބޯޖަހާލެވުނެވެ. އެމަންޒަރު ދެކެން ވިވިއަން ގާތުގައި ނެތްކަން ހަނދާންވުމާއެކު ކުރެވީ މޮޔަކަމެއްކަން ހިތަށް އެރުމުން އަމިއްލަ ނަފުސަށް ހިނިތުންވެވުނެވެ. އަދި އަވަސްއަވަހަށް ވިވިއަންގެ ސުވާލަށް ޖަވާބު ދިނެވެ. ފޯނުކޯލް ނިމުމުން ކަންފަތާއި ފޯނު ވަކިކޮށްލެވުނެވެ. އެނދަށް ހަށިގަނޑުގެ ބުރަހެލިކަން ދޫކޮށްލަމުން މުށުތެރޭގައި އޮތް ފޯނަށް ބަލަން މަލްސާއަށް އޮވެވުނެވެ. […]
ލައިބްރަރީއިން ފޮތްނަގައިގެން ދެކުދިން ގެޔަށްދާން މިސްރާބުޖެހިއެވެ. ގެޔަށް ދިޔަ މަގުމަތީގައި ގާލްގައިޑް ކުދިން ދިޔަ ކޮރެއާ ކޭމްޕްގައި ހިނގާދިޔަ ހުރިހާ ކަމެއް ހ އިން ޗ އަށް ރިހާމް ކިޔާދިނެވެ. “ކޭމްޕްގައި އުޅުނު ހުރިހާ ކުދިންވެސް ވަރަށް އެކުވެރި. އެބައޮތް ކޭމްޕްގައި އުޅުނު ރައްޓެހި ކުއްޖެއްގެ ނަމްބަރާއި އީމޭލް އެޑްރެސް ދީފައި އެކުއްޖާއަށް ގުޅަން. އެންމެ ސަޅީ ކޮންމެ ކޭމްޕްގައި އުޅޭ އެންމެންނަށްވެސް ކޮންސާރޓަކަށް ދާން ހިލޭ ޓިކެޓް ލިބޭތީ” “ހާދަ ސަޅިއޭ ދޯ؟ އިހޫވެސް ގާލްގައިޑްގައި […]
އޭނާ ހަމަ ފެނުމާއެކު އަހަރެން ކުރި ދިގު އިންތިޒާރު ނިމުމަކަށްއައެވެ. ހިތް އުފަލުން ނަށާލިއިރު ހިތުގެ ހިނގުންވެސް ބާރުވެގެން ދިޔައެވެ. ނުހަނު ހަލުވި ފިޔަވަޅުތަކަކާއެކު ގޮސް އޭނާގެ ކުރިމައްޗަށް ހުއްޓިލީމެވެ. ނަމަވެސް އޭގެ ދެވަނަ ސިކުންތުގައި ހިތް މާޔޫސްވެގެން ދިޔައީ އަަހަރެން ކައިރި ބަލައިވެސް ނުލައި އޭނާ އަހަރެން ފަހަނައަޅައި ދިޔުމުންނެވެ. އަނެއްކާވެސް އޭނާގެ ކުރިމައްޗަށް އެރީމެވެ. ނަމަވެސް ލިބުނީ ދިލައަކާއި ހޫނު އެކުލެވިގެންވާ ހަމަލާއެކެވެ. ކޯތާފަތުގައި އަތް އަޅާލަމުން ސުވާލުގެ ނަޒަރަކުން އޭނާއާ ދިމާލަށް ބަލައިލީމެވެ. […]
އުޝާ އިރުކޮޅަކު ދޮންބެއާއި ވާހަކަ ދައްކާލަން އިނުމަށްފަހު ބޭރަށް ނިކުމެލުމާއެކު އޭނާ އަށް ދެލޯ ބޮޑު ކޮށްލެވުނެވެ. ދެވަނަ ސިކުންތުގައި އެއްވެސް ހިފެހެއްޓުމެއް ނެތި ހެވެން ފެށުނެވެ. މިހުރާން ދޮންތަގެ ޝޯލެއް މުޅި ގައިގައި އޮޅާލައިގެން އިޝާން އާއި ދެ މީހުން ކަޕުލް ޑާންސް ކުރަނީއެވެ. އެޑް ޝީރަންގެ ‘ޕާރފެކްޓް’ ލަވަ ޓީވީއިން އަޅުވައިގެން ރިމޯޓު އަތަށް ލައިގެން ޔަނާލް ސޯފާގައި އޮވެގެން ހެނީއެވެ. އެހެން އެދެމީހުން ނަށަން ތިއްބާ ދޮންތައާއި ދޮންތަބެ އައުމުން މިހުރާން ލަދުން […]
ގޮނޑުދޮަށަށް ބިންދާލާ ބޮޑެތި ރަޅުތަކަށް ބަލަން ގެއްލިފައި އިން އަންހެން ކުއްޖާ ފަހަތް ބަލައިލީ އެމީހުންގެ އާއިލާ އުފަލުގައި އުޅޭތަން ބަލާލުމަށެވެ. ކުއްލިއަކަށް އެ އަންހެން ކުއްޖާގެ ދެލޯ ކަރުނުން ފުރިއްޖެވެ. މިއަދު އެއާއިލާން އެ އަންހެން ކުއްޖާ ވަނީ ބާކީ ކޮށްލާފައެވެ. މި ކަމުގެ ސަބަބުން އެ ކުއްޖާގެ ހިތަށް އެތަށް އަަސަރެއް ކުރެއެވެ. ބަނޑު އަޅައި ވިހެއި މާމީހާ ވެސް ވަނީ މި އަންހެން ކުއްޖާ އެތަކެއް ފަހަރު ބާކީ ކޮށް ތަފާތު ކޮށްފައެެވެ. […]