ާއަހަރެންނަށް ބުނެވުނީ އެވަރަށެވެ. ކުރިމަތިން ފެނުނު މީހާ ފެނިފައި އަހަރެންގެ ދެލޯ ބޮޑުވިއެވެ. ގަބޫލު ނުކުރެވިގެން، އަހަރެންނަށް ހީވި ގޮތެއް ކަމަށް ބަލާ އަވަސް އަވަަހަށް ދެލޯ މަރާލާ ހުޅުވާލީމެވެ. އެހެންނަމަވެސް މަންޒަރު ތަފާތެއް ނުވިއެވެ. ކުރިމަތީ ހުރީ ކުރިންވެސް ހުރި މީހާއެވެ. އަހަރެންގެ ހިތަށް ބިރުވެރިކަން ވަނެވެ. ކުރާނެ ކަމެއް، ހަނދާނެ ގޮތެއް ނޭނގި ސިކުނޑި ސުމަކަށް ދިޔައެވެ. މުޅި މީހާގެ ގައިން އޮށްދާ ހިއްލަން ފެށިއެވެ. އެހެން ކަމުން އަތުގެ ނުފުށުން އަހަރެން ނިއްކުރި […]
އީސްޓަން ހައި ކޮލެޖުގެ ބެލް ޖެހުމާއެކު ހުރިހާ ކުދިން ގޭޓުން ވަންނަން ދިޔައެވެ. ކައިޒިލް ހުރީ އޭނާގެ ބެސްޓް ފްރެންޑް ޒިވްޔާ އާއެކު ގަައެވެ. ދެކުދިންވެސް ތިބީ ކޮލެޖުގެ ފުރަތަމަ ދުވަސް ކަމުން ކުޑަކޮށް ނުތަނަވަސް ވެފައެވެ. ކޮންމެ ކުއްޖެއްވެސް އެކުއްޖެއްގެ ކުލާހަށް ދިއުމަށް މިސްރާބު ޖެހިއެވެ. ކައިޒިލް ދާންޖެހެނީ ބިޒްނަސް މެނޭޖްމެންޓް ކުލާހަށެެވެ. އެހެނަސް ޒިވްޔާ ދާން ޖެހެނީ ސައިންސް ކުލާހަށެވެ. ދެއެކުވެރިން ހިނިތުންވެލާ އަތާ އަތް ޖަހާލަމުން ހުރިހާ ކަމެއްވެސް ރަނގަޅުވާނެކަމަށް ބުނެލިއެވެ. ކައިޒިލް ކުލާސްތެރެެއަށް ވަނުމުން ގިނަ ކުދިންނެއްގެ ނަޒަރު އޭނާއަށް ހުއްޓެން ފެށިއެވެ. ނަމަވެސް މާބޮޑު ކަމަކަށް ނުހަދާ ގޮސް 2 ވަނަ ބަރީގަ އިން ހުސް ގޮނޑިއެއްގައި އިށީނެވެ. އިރުކޮޅަކުން ކުލާސްތެރެއަށް ފިރިހެން ވަންތަ ހިނގުމެއްގައި ކުއްޖަކު ވަނެވެ. އޭނާގެ އިސްތަށިގަނޑުވަނީ މިޒަމާނުގެ ގޮތައް ސްޓައިލް ކުރެވިފައެވެ. ދިގު ކަސްރަތީ ހަށިގަނޑެއްގެ ވެރިއެކެވެ. އެ ޒުވާނާގެ ރީތިކަން އެންމެ ބޮޑަށް ހާމަވަނީ އޭނާގެ އަޅި ކުލައިގެ ހިތްގައިމު ކަޅިއެވެ. ކޮނޑުގައި އަޅާފައިވާ ދަބަހުން ފެޝަނަށް ލޯބި ކުރާ ޒުވާނެއްކަން ހާމަވެއެވެ. ގިނަ އަންހެން ކުދިންނެއްގެ ނަޒަރު ދިޔައީ އޭނާއަށް ހުއްޓެމުންނެވެ. އެހެނަސް އެޒުވާނާ އެއިން ކަމަކަށް އަޅާލުމެއްނެތި ގޮސް ހުސްކޮށް އިން ގޮނޑިއެއްގައި އިށީނެވެ. ކައިޒިލް އަށް މީހަކު އައިސް އިށީންކަމުގެ އިހުސާސް ވެސް ނުވާ ފަދައެވެ. ކައިޒިލް އިނީ ނާވަސްވުމުން އިސްދަށަށް ޖަހައިގެންނެވެެ. އިރުކޮޅަކުން ޕްރޮފެސަރ ރަޖިސްޓަރ މާކު ކުރަންފެށިއެވެ. ޕްރޮފެސަރ ކައިޒިލްގެ ނަން ގޮވާލިއެވެ. މަަރްޔަމް ކައިޒިލް މާޖިދް. ކައިޒިލް ޔެސް ސާރ އޭ ބުނެލިއެވެ. އެ ސިކުންތިގައި އެ ޒުވާނާގެ އަމާޒު ކައިޒިލް އަށް ހުއްޓުނެވެ. އަދި ބޭއިހުތިޔާރުގައި ހިތާހިތުން އެނަން ކިޔާލެވުނެވެ. އެވަގުތު ކައިޒިލް އަށް މީހަކު ބަލާހެން ހީވިއެވެ. މޫނު އަނބުރާލި ހިނދު ކައިރީގައި އިން ޒުވާނާ އިނީ ސީދާ އޭނައަށް ބަލަހައްޓައިގެންނެވެ. ކައިޒިލް ކުޑަކޮށް ލަދުގަތެވެ. އެހެންކަމުން އިސްދަށަށް ޖެހިއެވެ. އިރުކޮޅަކުން ޕްރޮފެސަރ ގޮވާލިއެވެ. އިބްރާހިމް ޝަހުދާން ޝާމިލް. އެވަގުތު ޝަހުދާން ޔެސް ސާރ އޭ ބުނެލއިެވެ. ކައިޒިލްއަށްވެސް އިހުތިޔާރަކާ ނުލައި އެނަން ހިތާހިތުން ކިޔާލެވުނެވެ. ޝަހުދާން އަށް އިނދެވުނީ އޭނާގެ ކައިރީ އިން ހޫރެއް ފަދަ ރީތި ކުއްޖާއަށް ގެއްލިފައެވެ. ކައިޒިލް އަށް އުނދަގޫވިއެވެ. ހޭ ޖޯކާ. ވަޓް އާ ޔޫ ލުކިން އެޓް. އަނގަޔަށް މެއްސެއް ވެއްޓިދާނެ. ޝަހުދާން ބަދަލުގައި ހިނިގަނޑެއް ޖަހާލިއެވެ. ނަތިން މަޗް. ހެހެހެ.. އެނީ ވޭ. އައިމް ޝަހުދާން.. އޭސް ޔޫ ހޭވް ހާޑް ސާރ ސޭއިން ބިފޯ. ކައިޒިލް ބުނެލިއެވެ. ޔާ ޔާ ޔާ.. އައި ނޯ. ވިއާޑޯ.. އެންޑް ޔޫ އާ ކަޕްކޭކް. ކައިޒިލް ރުޅިއައިމަ ކޯ ހުންނަ ގޮތުން ހީވަނީ ކަޕް ކޭކެއް ހެން. ހެހެހެހެހެހެ.. ކައިޒިލް ރުޅިގަދަވިއެވެ. ޔޫ ބިގް އިޑިއަޓް. އައިމް ކައިޒިލް ނޮޓް ކަޕްކޭކެ. ފްރީކް… ހެހެހެހެ.. މިހާރު މާ ވައްތަރު ކަޕްކޭކާ.. ހިހިހެހެހެހހިހެހެހެ.. ޝަހުދާން އިތުރަށް ކައިޒިލް ރުޅިއަރުވާލިއެވެ. އިރުކޮޅަކުން ކުލާސް ފެށުނެވެ. އެހިނދު ކައިޒިލް ޝަހުދާންއަށް ލޯއަޅާލިއެވެ. ރައްދުގައި ޝަހުދާން ހިނިގަނޑެއް ޖެހިއެވެ. ހެހެ.. ސީ ޔާ އާފްޓާ ކްލާސް. ކަޕްކޭކް، ހެހެ.. މިހެން ބުނުން ކައިޒިލް ފޫހިވައްތަރެއް ޖައްސާލިއެވެ. އަދި ފިލާވަޅާއިގެން ކުރިއަށް ދިޔައެވެ.. ބްރޭކް ގަޑިޖެހުމުން ކުދިން ކުލާސްތަކުން ނިކުތެވެ. އެހިނދު ކައޒިލްވެސް އަވަހަށް ކުލާހުން ނިކުމެ ޒިވްޔާ އާ އަރާ ހަމަވިއެވެ.. ޒިވްޔާ ފެނުމުން ދެކުދިން މިސްރާބު ޖެހީ ކެންޓީނަށެވެ. ކެނޓީނަށް ވަދެ އެއްޗެއް ގަތުމަށްފަހު ގޮސް މޭޒެއް ކައިރި ތިއްބެވެ. އިރުކޮޅަކުން ޒިވްޔާ ވަރަށް ބާރަށް ގޮވާލިއެވެ. ތުއްތޫ… ހައު ވޯޒް ޔޯ ފަސްޓް ޑޭ؟ އެވަގުތު ފަހަތަށް އެނބުރުނު ކައިޒިލް ވަގުތުން ހުއްޓުން އެރިއެވެ. އޭރު އެ ޒުވާނާ އައިސް ޒިވްޔާއަށް ހައި ފައިވް އެއް ދެނީއެވެ. އިރުކޮޅަކުން އެ ޒުވާނާ އެތާ ހުރި އަންހެން ކުއްޖާއަށް ބަލާލިއެވެ. އެހިނދު އޭނާގެ ދެލޯ ބޮޑުވިއެވެ. ދެވަނަ ސިކުންތުގައ ކައިޒިލްި ޒިވްޔާއަށް ބަލައިލެވުނީ ސުވާލުގެ ނަޒަރަކުންނެވެ.
ކޮޓަރިން ނިކުމެގެން ގޮސް ސިޓިން ރޫމަށް ދިއުމަށް ހިނގައިގަތް ނޫރްގެ ފިޔަވަޅުތައް، ސިޓިން ރޫމަށް ނިކުންނަން ހުންނަ ގޯޅި ގަނޑުގެ ތެރޭގައި މަޑުޖެހިލީ، ޕާރޓީއަށް އައި އެއްވެސް މެހެމާނެއް އެތަނުން ފެންނަން ނެތުމުންނެވެ. މޫނުމަތިން ދާތިކިތައް ފައުޅުވެ ހާސްކަން ނޫރް ވަށާލީ ސިޓިން ރޫމުގައި ތިބި އުޒާމްއާއި އާދިލާ، އުޒްވާ އަދި ތޯރިޤުގެ އާއިލާ ފެނުމުންނެވެ. އޭގެން އެކަކުވެސް އެދިމާލަށް ބަލައިލައިފިނަމަ އެ އެންމެނަށް އޭނާ ފެންނާނެއެވެ. ގަނޑުވެ ގަބު އަރައިފައި ހުރި ނޫރް ސިއްސައިގެން ދިއައީ، […]
9 އަހަރު ފަސް ޔުމްނު ގެ އުމުރުން އޭރު ވާނީ 12 އަހަރެވެ. ޔުމްނު އުޅުނީ ގްރޭޑް 6 ގައެވެ. އެއީ 2011 ވަނަ އަހަރެވެ. ޔުމްނުގެ މަންމަ ނޭފަތް އޮޕަރޭޝަން ކުރުމަށްޓަކައި ޔުމްނުގެ ބައްޕަ އެއްބަނޑު ދޮންބޭބެގެ ގޭގައި ޔުމްނު ބެހެއްޓުމަށްފަހު އިންޑިޔާއަށް ދިޔައެވެ. ޔުމްނުވެސް ބޭނުންވީ އެގޭގައި ހުންނާށެވެ. ސަބަބަކީ އެގޭގައި ޔުމްނުއާއި އެއްއުމުރެއްގެ ޔުމްނުއާއި އެއްކުލާހެއްގައި ކިޔަވާ އަންހެން ކުއްޖެއް ހުންނާތީއެވެ. ޔުމްނުއަށްވުރެ 7 މަސް އެކުއްޖާ ބޮޑުވާނެއެވެ. ޔުމްނުއާއި އެކުއްޖާއަކީ ބެސްޓް […]
މާހިލްގެ ހިތައް އަރާނީވެސް ކީކޭ ހެއްޔެވެ. ލުމާ ލަދުގަންނަން ވެސް ފަށައިފިއެވެ. މިއަދަކީ އަނެއްކޮޅުން ހުރިހާ ސްޓާފުންގެ މީޓިންގ ވެސް އޮންނަ ދުވަހެވެ. މިކަންތަކަށް ފަހު އަނެއްކާވެސް މާހިލްއާ ކުރިމަތިލާން ޖެހުނީއެވެ. ދެބަޔަށް ވަކިން ހަދާފައިވާ ތަނެއް ހުރެ އެތަނުގައި ބޮޑު އަކުރުން ވަކިވާހެން ނަން އަޅައިފައި ހުއްޓާވެސް ލުމާއަށް ކުރެވުނު ކަންތަކުން އަވަހަށް އެތަނުން ނިކުމެގެން ދާންވެސް ހިތައް އެރިއެވެ. އެންމެންގެ ދިމާ ކުރުންތަކާވެސް ކުރިމަތިލާން ޖެހުނީއެވެ. ސައިގަޑީގައިވެސް މިއަދު ދެކަމެއް ނުކުރެއެވެ. އެންމެން ލުމާއާ […]
ޔަނާލް ގޮސް ފާރުގައި ތަތްވިއެވެ. * * * * * ޔަނާލްގެ މޫނުމަތިން ފެނުނީ ފޫހިކަމެވެ. އުނދަަގޫވެފައި ހުރިކަމުގެ އަސަރުތަކެވެ. ނަމަވެސް އެކަމުގެ ހިލަމެއް ކިޔާންއަކަށް ނުވިއެވެ. ކިޔާންގެ ހިތުގައި އޮތް އެދުން ހާސިލްކުރުމަށް އޮތް ޝަައުގެއްގެ ބޮޑުކަމުން ކަންނޭނގެއެވެ. އެންމެފަހުން ޔަނާލަށް ކެތްނުވެގެން ކިޔާންގެ މޭގައި އަޅާ އެނދާއި ދިމާލަށް ކޮށްޕާލިއެވެ. “ސޮރީ!” އެނދުގައި އެެއޮތްގޮތަށް އޮވެ ކިޔާން ބުންޏެވެ. ޔަނާލް މަޑުމަޑުން އެެނދުގައި އިށީނެވެ. އަދި ކިޔާންގެ ބުރަކަށީގައި ފިރުމާލިއެވެ. “ޔާން! ފިރިހެނަކު […]
އެއްވަނަ އެޕިސޯޑުގެ ތެރެއިން.. ދެމީހުން ވެސް އިރުކޮޅަކުން ދެލޯ ހުޅުވާލިއިރު ހަތަރު ކަޅު ވަނީ ސީދާ ވެފައިއެވެ. ހައިޝަންގެ އަތް އައިރީގެ އުނަގަނޑު ގައިވާ އިރު އައިރީގެ އަތުން ވަނީ ހައިޝަންގެ ޓައީގައި ހިފަހައްޓާފައިއެވެ. ދެމީހުންވެސް ވަށައިގެން ވާކަންކަމުގެ ހިޔާލެއް ނެތިފައި އޮވެވުނީ ދެލޮލަށް ގެއްލިފައިއެވެ. އެހާ ކައިރިން އައިރީގެ މޫނު ފެނުމާއިއެކު ފުރަތަމަ ފަހަރަށް އައިރީގެ ރީތި ކަމާއިމެދު ހައިޝަންއަށް ވިސްނާލެވުނެވެ. ހަމައެގޮތަށް އައިރީ ވެސް ހައިޝަންގެ މޫނުން ނަޒަރު ވަކިކޮށްލަން ބޭނުންނުވާ ކަހަލަ އެވެ. […]
އައި މަގުމަތީ އޭނާގެ އެކުވެރިޔާ ދެއްކި ވާހަކަ އަކުން ގެއަށް ވައިން އިރު ވެސް ޝަރޫފްއަށް ދިޔައީ ހެވެމުންނެވެ. ނަަމަވެސް އެ ހިނިތުންވުން ދެމިގެން ދިޔައީ މަދު ސިކުންތުކޮޅަކަށެވެ. ގޭގެ ދޮރުމައްޗަށް އެރުމާއެކު އެތެރެއިން ފެނިގެން ދިޔަ ސޫރަ އަކުން ޝަރޫފް ހުއްޓުން އަރއިގެން ދިޔައިރު ދެފައިގައި ކަސްތޮޅު އެޅުވުން ފަދައެވެ. ************* ” މާމާ..” ވޭނުން ފުރިގެންވި އަޑަކުން ޝަރޫފް އޭނާގެ ބައްޕަގެ މަންމަ އަށް ގޮވާލިއެވެ. މާމާ ގެ ކުރިމަތީގައި އިސްޖަހާލައިގެން ހުރި އާޝިޔާަ […]
(އެގާރަވަނަބައި) ހެނދުނު ފާއިތުވެ މެންދުރު ވެގެން ދިޔައިރުވެސް އަލްޔާގެ ހަބަރެއް ނުވިއެވެ. އަކިއަލްގެ ހާސްކަން އިތުރުވެގެން ދިޔައީ ދެނެވެ. ކިތަންމެ ލަހުން ނިދި ނަމަވެސް މެންދުރުވާއިރު އަލްޔާ ކޮޓަރިން ނިކުންނާނެއެވެ. އަލްޔާގެ ފޯނަށް ގުޅުމުން ފޯނު ކެނޑިގެން ދިޔައިރުވެސް ފޯނެއް ނުނަގައެވެ. މެސެޖް ކުރުމުންވެސް އެއްވެސް ޖަވާބެއް ނުލިބުނެވެ. އަކިއަލް ސިޓިން ރޫމްގައި ފޯނު ހިފައިގެން ދެކޮޅަށް ހިނގާލަ ހިނގާލާ ހުއްޓެވެ. މިވަގުތު ގޭތެރޭގައިވެސް އޭނާގެ އިތުރުން އެހެން މީހަކު ނޫޅެއެވެ. މަލީހާއާއި މާކިން ދިޔައީ ޝާކިރު […]