މުދިންބެ މިސްކިތުން ނިކުމެ ހިނގައިގަތެވ.ެ އެވަގުތު ފަހަތުން ދުވެފައި ކަހަލަ ގޮތަކަށް އައިސް އަތުގައި އެ ހިފާލީ ކުޑަކުޑަ އިސްމާއިލެވ.ެ ކޮންމެ ނަމާދަކަށްފަހ،ު އާދަވެގެން ހިނގަމުންދާ .ކަމެއްކަމަށްވާތ،ީ މުދިންބެގެ މޫނުމަތިން ފެނުނީ ހިނިތުންވުމެކެވ.ެ އަދި އިސްމާއިލުގެ އަތުގައި ހިފާލައިގެން ގެޔާ ދިމާލަށް މިސްރާބު ޖެހިއެވެ އިސްމާއިލުގެ އުމުރުން އެންމެ ދިހަ އަހަރެވ.ެ އިސްމާއިލުގެ ބައްޕަ ދުނިޔެއަކު ނެތެވ.ެ ސުނާމީ ކާރިސާގައި ގެއްލުނު ގޮތަށް އަދި އަދަށްދާންދެންވެސް ނުފެނެއެވ.ެ އޭގެފަހުން މިހާރުވީ ދުވަހެއްވީއެވ.ެ އެކަމެއް ހިނގާ ދިޔައީ އިސްމާއިލުގެ […]
މިހާރު ހިތަށް އަރައެވެ. އެ ހިތުގެ ޝަކުވާތައް އަޑު އެހުނު ނަމައެވެ. ވާހަކަ ދައްކަން އުޅުނު ވަގުތު އަޑު އެހުނު ނަމައެވެ. ރޮމުން އައި ވަގުތު މަސަލަސް ކުރެވުނު ނަމައެވެ. އަނިޔާވި ވަގުތު ޒަޙަމުގައި ބޭސް އެޅުނު ނަމައެވެ. ލޯބިން ކައްކައިދިން ދުވަހު ކެވުނު ނަމައެވެ. ކަމަކު އެދުނު ދުވަހު އެ ކަމެއް ކޮށްދެވުނު ނަމައެވެ. ނަމަވެސް ކުރާނީ ކީއްހެއްޔެވެ؟ ނަމައަކުން ކެއްކޭނެ ރިހައެއް މިއަދަކު ނެތެވެ. އަހަރެންގެ ފަރުވާކުޑަކަމާ ޖާހިލުކަމާ ހިތްހަރުކަމުން އެ ލޯބި ނެތި […]
ފަތިހުގެ ފަނޑު އަލިކަން ދުނިޔެމައްޗަށް ފެތުރެން ފެށީ، ރޭގަނޑުގެ ކަނު އަނދިރިކަން މަޑުމަޑުން ފިލުވައިލަމުންނެވެ. އިރުމަތީ ފަރާތު އުދަރެސް ރަން އަލިކަމުން ފުރި، އުޖާލާވަމުން އައީ މުޅި ފަޒާގައި އާރޯކަމާއި ދިރުން އުފައްދަމުންނެވެ. ދޫނިސޫފާސޫފީގެ ހިތްގައިމު އަޑުތަކުން މާހައުލު ގުގުމާލިއިރު، ޖެހެމުންދިޔަ ފިނިރޯޅިތައް ގައިގައި ބީހިލަނީ އައު އުންމީދުތަކަކަށް ދައުވަތު ދެމުންނެވެ. ކަނޑުގެ ނޫކުލައިގެ ރާޅުތަކުގެ ތެރެއިން އިރު މައްޗަށް އަރައިގެން އައި ރީތި މަންޒަރަކީ ކޮންމެ މީހެއްގެ ހިތަށް ވެސް ތަސައްލީއެއް ގެނެސްދޭނެ ފަދަ ހިތްގައިމު […]
އަހަންނަކީ މީހެއްގެ ދަރިއަކީމެވެ. އަންހެން ކޮއްކޮއެއްގެ ދައްތައަކީމެވެ. މީހެއްގެ އަތްނބަކީމެވެ. ލޯބި ލޯބި އަންހެން ކުއްޖެއްގެ މަންމައަކީމެވެ. އަހަންނަކީ ވަޒީފާއަދާކުރާ މީހެކެވެ. މުދައްރިސާއެކެވެ. ކުދިންނަށް ކިޔަވައިދިނުމަކީ އަހަރެން ވަރަށް ކުރާ ހިތުން ކުރާ ކަމެކެވެ. ޒަވާޖީ ޙަޔާތެއް ފެށުމާއިއެކީގައި އެންމެ އުންމީދު ކުރެވޭނެ ކަމަކީ މަންމާއޭ ކިޔާފައި ލޯބިން ގޮވާލާނެ ފުރާނައެކެވެ. އެކުގައި ހީ މަޖާކޮށް ހަދާނެ ކުޑަކުޑަ ކޮކާލެކެވެ. އެގޮތުން އަހަރެންގެ ހިތް ވެސް އެދިގޮވީ އެފަދަ ކަމަކަށްށެވެ. އިރާދަކުރެއްވީތީ އެ އުންމީދު ހާސިލުވުމުގެ ހުޅުކޮޅު […]
ރަގީބްއަކީ ރަށުތެރޭގައި މަސައްކަތްތެރި ޒުވާނެކެވެ. ކުރަނީ އޮޑިބަނުކުމެ މަސައްކަތެވެ. ކޮންމެ އަހަރަކުވެސް އޮންނަ ބޮޑު މައުލޫދަށް ރަށްރަށުން މީހުން އަންނަމުންދެއެވެ. ބޮޑު މައުލޫދު ދުވަސްވަރު މައުލޫދުކިޔާ މީހުންނަށް އެހީތެރިވާން އުޅެނިކޮށް ރަގީބްއާ ޒުވާން ރީތި ކުއްޖަކާ ދިމާވިޔެވެ. ރަގީބްގެ ހިތް އޭނާއަށް ކިޔަންފެށީ އަމަށަކު ވަރަކަށްނޫނެވެ. ކުއްޖާއާ ވަހަކަދެއްކުމަށް އެތައް މަސައްކަތެއްކޮށްގެންވެސް ކާމިޔާބުވާގޮތްނުވިޔެވެ. ނަމަވެސް ކުޑަ މައުލޫމާތެއް ލިބިގެންދިޔައެވެ. އެކުއްޖާއަކީ ކައިރި ރަށެއްގެ ކުއްޖެކެވެ. ނަމަކީ އަޝްފާއެވެ. ބޮޑު މައުލޫދު ނިންމާ މީހުންގަނޑު ފުރައިގެން ދިޔައިރު އެކުއްޖާވެސް […]
އަތިރިމަތީގައިވީ މީހުންތައް މަދުވާން ފެށީ އިރު އޮއްސުމުގެ ދަޅަތައް ފެންނަން ފެށުމުންނެވެ. މީސްމީހުން އެމީހުންގެ ދަރިންތައް ގޮވައިގެން ގެއަށް ދާން ފެށި އިރު ކާޅާއި ކޮވެލިތައް ވެސް އެސޮރުމެންގެ ގޭތަކަށް ދިޔުމައް އުދުއްސައިގަނެއްޖެއެވެ. ހުރިހާ އެންމެން އެމީހުންގެ ގޭގެއަށް ދާން ފެށި އިރު ވެސް އުމުރުން 25 އަހަރުގެ އަޔާޒް އިންގޮތަށް އިނެވެ. ސާފު ހުދު ވެލިގަނޑުގައި އިށީނދެލައިގެން އިން އިރު ކަކުލުގައި ދަތްދޮޅި ޖައްސާލައިގެން އިން އަޔާޒްގެ މޫނުމަތީގައި ވީ ހުސްކަމެވެ. އެކަނިވެރިކަމެވެ. ހިތާމައެވެ. އެ […]
އަހަރެންގެ ހިތަށް ހަމަޖެހެމެއް ނުލިބެއެވެ. ދެލޯ އަބަދު ނުހުއްޓި ރޮނީއެވެ. މާ ކުރީގެ ކަންކަމާއި ހަނދާންތަކުގައި ފީނަނީއެވެ. ބައެއް ފަހަރަށް އަހަރެން ޅަފަތުގެ ދުވަސްވަރެވެ. އަނެއްބައި ފަހަރު ސުކޫލް ދައުރުގެ ހިތި ދުވަސްވަރެވެ. ހަމަޖެހުމެއް ލިބޭތޯ އުޅި އުޅި އަހަރެން ވަރުބަލިވެއްޖެ؟ މުޅި ކާއިނާތު އަހަންނާއި ރުޅިހަދަނީ ކީއްވެހެއްޔެވެ؟ ހަޔާތުގެ އެ ފޮނި ދުވަސްތަކާއި ކަޅު ދުވަސްތަށް މާބޮޑަށް ހަނދާން ވަނީއެވެ. އެ ހަނދާންތަކުން އެކަނިވެރިކުރުވަނީއެވެ. ދުނިޔެއާއި ދުނިޔޭގައި ވާހާ ކަމަކުން މީހާ ބޭރުކޮށްލަނީ […]
ޒިހާންގެ ނަން އިވުމާއެކު އަހަރެންގެ ހިތުގެ ވިންދު އަވަސްވިއެވެ. ދެ މީހުން އުޅެ ބޮޑުވީ އެކީގައެވެ. ދިޔައީ އެއް ސުކޫލަކަށެވެ. ކިޔެވީ އެއްކުލާހެއްގައެވެ. އެއް މާއްދާ ތަކެކެވެ. ދެ މީހުން ދެތަން ވާން ޖެހުނީ ޒާން ޕައިލެޓުކަން ކިޔަވަން ރާއްޖޭން ބޭރަށް ފުރުމުންނެވެ. ހަމަ އެ އަހަރު ނަރުސް ކޯސް ލިބިގެން އަހަރެން ޗައިނާއަށް ބަދަލުވީމެވެ. ” ދަރިފުޅާ ޒިހާން އަންނައިރު އަންނަނީ އިންނާނެ ކުއްޖަކުވެސް ގޮވައިގެން ނޯ” މަންމަގެ އެ ޖުމްލަ އިވި ހިޔާލުގެ […]
ގަސްތަކުގެ ތެރެއިން ފުރޭނެމުން އައި ދޯދިތަކުން ހެނދުނުގެ ހިތްގައިމުކަން ހިތަށް ވެރިކުރުވިޔަސް، އެ މާހައުލުގައި އެއްވެސް ދިރުމެއް ނެތެވެ. އަހަރެން ވަށައިގެން ނަޒަރު ހިންގާލީމެވެ. ލޮލުގައި އެވަގުތު އަޅައިގަތީ ޒުވާން ފުރާގެ އަންހެން ކުއްޖެކެވެ. އެއްވެސް ދިރުމެއްނެތް ރީތީގެ ރާނީއެކެވެ. “އެހެރަ ފަރި ހީލުމެއްވެސް ދޯ؟ ” ހިތާ ހިތާ އަހަރެން ކިޔާލުމަށްފަހު ދާން ހިގައިގަތީމެވެ. އެ ހަަމަހިމޭން މާހައުލުން އަހަންނަށް ނުދެވެނީސް ފަހަތުން މީހަކު އައިސް ފުރަގަހުން ބައްދާލިއެވެ. އަދި ނުހަނު ލޯބިން އަހަރެންގެ […]