މުލައިލް ޒައިވާގެ ދަތްދޮޅީގައި މަޑުމަޑުން ހިފައިލަމުން ޒައިވާގެ މޫނު އޭނައާ ދިމާލަށް އަނބުރައިލިއެވެ. ޒައިވާގެ ކަރުނުން ފުރިފައިވި ދެލޯ ފެނުމުން މުލައިލްގެ ހިތަށްގޮތެއްވިއެވެ. “ހޭ ކިހިނެތްވީ ކީއްވެ ތި ރޮނީ؟” ޒައިވާގެ މޫނުކޮޅުގައި ދެއަތުން ހިފައިލުމަށްފަހު ބޮޑުވާ އިނގިލި ޒައިވާގެ ކޯތާފަތުގައި ހިންގައިލަމުން މުލައިލް އަހައިލިއެވެ. “ޒިވީ.. މުލް ޒިވީ އިޒް ޑެޑް.. އެމީ..ހުން..” ޒައިވާއަށް އެހިސާބަށް ބުނެވުނު ތަނާހެން ބަޑި ފަޅައިގެންދިޔައެވެ. މޫނުމަތީ އަތް އަޅައިލުމަށްފަހު އަޑުން އަޑު ނަގާ ރޯންފެށިއެވެ. މުލައިލް ސޯފާގައި އިށީންނަމުން […]
ކަޅުކުލައިގެ ބަނަ ވިލާތަކުން ދުނިޔެ ވަށައިލީ ސާދަ ވިލޭރޭގެ މިލަ ހަނދުވަރުގެ އަލި ފަޑުކޮށްލަމުންނެވެ. ޖެހިލާ ބާރު ވައިރޯޅިތަކުން ގަސްތައް އެގޮތް މި ގޮތަށް ހޫރެމުން ދިޔައިރު، ދޫނި ސޫފާ ސޫފީގެ އަޑު އެ ވައިރޯޅިތަކުގެ އަޑަށް ހިނދެމުން ދިޔައެވެ. ވާރޭ ކަނިތައް ބިމަށް ހަމަލަ ދޭން ފެށުމުން މާހައުލުގެ އަޑު ވާރޭ ކަނިތަކުގެ އަޑުން އެއް އަޑުކޮށްލިއެވެ. ބާ ގެގަނޑެއްގެ ތެރެއިން އަންހެންކުދިންތަކެއްގެ މަޑު ރުއިމުގެ އަޑު އިވޭހެން ހީވިއެވެ. އެހެންނަމަވެސް އެ އަޑު ވާރޭގެ […]
އައްސަލާމު ޢަލައިކުމް، ހުރިހާ ކިޔުންތެރިންގެ ހާލު ރަނގަޅުވާނެ ކަމަށް އަޅުގަނޑު އުންމީދު ކުރަން. އަޅުގަނޑުގެ ވާހަކައިގެ ބައިތައް ލަސްވުމަކީ ވަރަށް ގިނަ ކިޔުންތެރިންގެ ކިބައިން ލިބިފައިވާ ޝަކުވާއެއް.. އަޅުގަނޑަކީ ކިޔަވާ، އަދި ފުލް ޓައިމް ވަޒީފާ އަދާކުރާ ކުއްޖެއް.. އެހެންކަމުން ވާހަކައިގެ ބައިތައް ލަސްވެދާނެ ކަމަށް ކުރިން ވެސް ބުނެލިން. މި އަހަރަކީ އަޅުގަނޑުގެ ބެޗްލާރސް ޑިގްރީ ފެށޭ އަހަރުކަމުން، ކުރިއަށްވުރެ ވާހަކަ ލިޔުމަށް ލިބޭ ވަގުތު ކުޑަވެގެންދާނެ.. އޭގެ ސަބަބުން އަވަސް އަރުވައިލައިގެން ވާހަކަ ލިޔެވިގެންދާނެ، އަދި ވާހަކައިގައި ކުށް ބަސް […]
ރުޅިއައިސްފައި ހުރި ވަރުން އޭނަގެ ހަށިގަނޑަށް އާދަޔާހިލާފު ބާރުގަނޑެއް އަރާފައިވެއެވެ. ހަށިގަނޑުގައި އަޅަމުން ދިޔަ ވޭނަށް ކެތްނުކުރެވިގެން ނަދީހު ހޭނެތުނެވެ. އެ ޒުވާނާގެ ހަރަކާތްތަކަށް މަޑުޖެހުމެއް އައީ ނަދީހުގެ ހަށިގަނޑުގެ ހަރަކާތް ހުއްޓުމުންނެވެ. އެތަނުން ނިކުތުމަށްފަހު އެތަން ރަނގަޅަށް ތަޅުލިއެވެ. ސިޑި ކައިރީ ހުއްޓުނު އިރު އެ ޒުވާނާގެ ދެލޯ ފުސްވެގެން ދިޔައީ އޭނަގެ ދެލޮލަށް ޖަމާވެގެން ދިޔަ ކަރުނަތަކުގެ ސަބަބުންނެވެ. ***ޕާޓް 13*** މެންދުރު ވަގުތު އައި ފޯނު ކޯލަކާއިއެކު މުޅި ސްޓޭޝަންތެރެ ހަލަބޮލިވެގެން ދިޔައެވެ. […]
ކައިލްއަށް ހޭލެވުނީ ފަތިސް ނަމާދުގެ ވަގުތަށް ފޯނު އެލާރމްވާން ފެށުމުންނެވެ. އެލާރމްވި ކަމެއް ނޭނގި ކައިލް އެލާރމް ކަނޑައިލުމަށްފަހު އެނދުމަތީ ތެދުވެ އިށީނެވެ. ލޯ އުނގުޅައިލުމަށްފަހު އޭނަ މައިރީން އާއި ދިމައިލަށް ބަލައިލިއެވެ. ފެންވަރައިލައިގެން ވުޟޫކޮށްގެން އައިސް ކައިލް އެނދުމަތީ އިށީނެވެ. މައިރީންއަށް ނިދުނީ އޭނަ ދެކެ ރުޅިގަދަވެގެން އެތަކެއް އެއްޗެކޭ ކިޔާފައެވެ. އެހެންކަމުން ގޮވީމަ ވެސް ރުޅިގަދަވާނެކަން ކައިލްއަށް އެނގެއެވެ. އެނދު ކައިރީ ހުރި މޭޒުގައި ހުރި ފެންފުޅި ފެނުމުން ކައިލްގެ ބޮލަށް މޮޅު ހިޔާލެއްއައެވެ. އެއްމިޔަކަނުން […]
“އިދީ މީ ކޮން ކުއްޖެއް؟” އަލިޝްކާ އަހައިލިއެވެ. “މިއީ ލަޔާޝާ… މިގޭގަ ގެސްޓުރޫމްގަ ބަހައްޓައިލަން ގެނައި ކުއްޖެއް..” އައިދަން ހަމަޖެހިލަމުން ބުންޏެވެ. “ލަޔާޝާއޭ؟؟ ޔާޝް؟؟” އަލިޝްކާ ދެލޯ ބޮޑުކޮށްލަމުން އަހައިލިއެވެ. ލަޔާޝާއާއި ދިމާލަށް ރަނގަޅަށް ބަލައިލިއިރު އަލިޝްކާގެ ދެލޯ ފެންކަޅިވެއްޖެއެވެ. އޭނަގެ ވޮލެޓްގައި އަބަދުހެން އޮންނަ ފޮޓޯގަނޑު ނެގުމަށްފަހު ބަލައިލިއެވެ. އަލިޝްކާގެ ހަރަކާތްތަކުން ނަގާނެ މާނައެއް ނޭނގިފައި ލަޔާޝާއަށް ހުރި ތަނުގައި ހުރެވުނެވެ. ***ޕާޓް 11*** އަލިޝްކާއަށް އަދި ވެސް ހުރެވުނީ ކުރިމަތިން ފެންނަމުން ދަނީ ހަގީގަތެއް […]
އިރުއޮއްސޭ މަންޒަރު ބަލަން ކުޑަދޮރު ކައިރީ ހުރި އަންހެންކުއްޖާގެ މޫނު މަތިން ފެންނަމުން ދިޔައީ މަސްހުނި އިހްސާސްތަކެކެވެ. އިރުގެ ރަން ދޯދިތައް އެކުއްޖާގެ މޫނަށް އެޅިފައިވީއިރު، އެ ކުއްޖާގެ ބޮޑު ކޮފީ ކުލައިގެ ކަޅި ފެނިގެން ދަނީ ޖާދޫވި ގޮތަކަށްށެވެ. ރުއިމުގެ ސަބަބުން ދިގު އެސްފިޔަތައް ތެމިފައިވީއިރު، ކަޅުކަން ގަދަ ވިދުމެއް އޭނަގެ އެސްފިޔަތަކުގައި ވިއެވެ. އޭނަގެ މޫނު މަތިން ފެނިގެން ދަނީ ވަރުބަލި ކަމެވެ. އިރު މަޑުމަޑުން ފެންގަނޑަށް ތިރިވަމުން އެދަނީ ދެހާސްފަންސަވީސް ވަނަ އަހަރަށް އަލްވަދާއު […]
“ރާކިން އިނގޭނެ ދޯ އޭނައަށް.. އައިނާ ކައިރީ އަހަ އަހާ އެއްޗެއް އެނގޭ ގޮތެއް ނުވި.. މިތަނުން އޭނަގެ ފައިލް ލިބުނީކީއެއް ނޫން..” ރުކައިން ބުނެލިއެވެ. “ބަޑީ.. އެންމެން ކަލޭ ކައިރީ ރާކިންގެ ކަންކަން ނުބަލަން ބުނަނީ ކަމަކުއޭ.. އެނގޭނުން މަޔާން؟ މައިރީންގެ ދޮންބެ؟ އޭނަ ރާކިންގެ މަރުގެ ހަގީގަތް ހޯދަން އުޅުނީމަކޮށްލާފަ އޮތް ވަރު އެ އޮތީ.. ރުކައިން އަދި ރާކިންގެ ސިފަ ހުރި މީހަކަށް ކިހިނެތްވާނީ؟” ރުކައިންއަށް ވިސްނައިދޭން މަސައްކަތް ކުރަމުން ކައިލް އަހައިލިއެވެ. “ދެން […]
“ތިޔަ ގާތް އެކުވެރިއަކީ ކާކު؟” އެ ޒުވާނާ އަހައިލިއެވެ. ނަދީހު ހޭން ފެށިއެވެ. “ކަލެއަކަށް އޭނައަކަށް އެއްވެސް ކަމެއް ނުކުރެވޭނެ.. މިހާރު ވެސް އޭނަ މަ ހޯދާނެ.. އޭނައަށް ކަލޭ ފެނިއްޖެއްޔާ ބޮލާ ކަނދުރާ ވަކިކޮށް ކަނޑު ފައްތާނެ!” މޮޔައެއްހެން ހެމުން ނަދީހް ބުންޏެވެ. ކުއްލިއަކަށް އިވުނު ބާރު ހަޅޭކުން އެތަނަށް ޒަލްޒަލާއެއް ގެނުވި ފަދައެވެ. “އަދި އެއްފަހަރު އަހަރެން ސުވާލު ކުރާނަން.. ކަލޭގެ ތިޔަ ގާތް އެކުވެރިއަކީ ކާކު؟” ނަދީހުގެ ކުޑަވާ އިނގިލި އޮތީ އެޒުވާނާގެ […]