ދުވަހަކީ އަވިގަދަ ދުވަހެކެވެ. ވައިވަނީ ހިނދިފައެެވެ. ގަހެއްގައި ފަތެއްވެސް ހިރިނުލައެވެ. ދުނިޔެ އަކީ އެކައްޗަކަށް މަރުވެފައިވާ ކަހަލައެވެ. އަހަރެން އޮތީ ގޭގެ ސިޓިންގްރޫމް ސޯފާގައި އޮށޯވެލައިގެންނެވެ. ޚީޔާލަށް އަންނަނީ ޙަޔާތުގެ ސަފްޙާތަކުގައި ކުޑަވަގުތުކޮޅެއްގެ ހުޅުހިފި ތެރޭގައި ހަނދާންތަކެވެ. އަހަންނަކީ ޝާޙީ ޢާއިލާއަކަށް ނިސްބަތްވާ އުމުރުން އެންމެ ވިހި އަހަރުގެ ފިރިހެން ކުއްޖެކެވެ. އެންމެ ކުޑައިރުއްސުރެވެސް ޢަޒުމަކަށްވީ މަތީ ފެންވަރުގެ ވަކީލަކަށްވާށެވެ. ލަކުނެއް ފަދައިން ފާހަގަ ކޮށްލެވޭފަދަ އަގުހުރި ޚިދުމަތެއް ޤައުމަށް ކޮށްދިނުމެވެ. އާދެ އަހަންނަކީ ޒައިދުއެވެ. ޢާއްމު […]
ހަޔާތުގެ ބައިވެރިޔަކު ހޯދުމަށް އަހަރެން ކުރަމުން އައި ދަތުރު ނިމުމަކަށް އައީ ރިފާލް އާއި ދިމާވި ހިސާބުންނެވެ. ހަޔާތުގެ ހުންގާނު ރިފާލްގެ އަތަށް އަހަރެން ދިނީ ވިސްނުންތެރި ކަމާއިއެކީ މަޑުމަޑުންނެވެ. އެގަދަ ކަނޑުގައި ދަތުރުކުރުމަށް ރިފާލް އަކީ އެންމެ އެކަށީގެންވާ މީހާކަމުގައި އަހަރެންގެ ޒަމީރު އެއްބަސްވުމުންނެވެ. ރިފާލް އާއި ކައިވެނިކުރެވުނު ދުވަހަކީ އަހަރެންގެ ހިތުން ދުވަހަކު ވެސް ފިލައިގެންދާނެ ދުވަހެއް ނޫނެވެ. އެދުވަހުގެ އުފާވެރިކަން މިގަލަމުން ބަޔާންކުރެވޭ ވަރަށްވުރެ ބޮޑެވެ. އަހަރެންގެ އަތުގައި ހިފައިލައިގެން ރިފާލް ކުރި […]
ސުކޫލުގައި ވަރަށް ބުރަ ދުވަސް ކޮޅެކެވެ. މެންދުރުގެ ހޫނުގަދަ ވަގުތު އަހަރެން ސުކޫލުން އައިސް،ގެޔަށް ވަދެ ބޫޓު ހަރުގަނޑަށް ލުމަށްފަހު، ވެފައިހުރި ވަރުބައްޔެއްގެ ބޮޑުކަމުން އަވަސްވެގަތީ ކޮޓަރި ހުޅުވުމަށެވެ. މަންމަވެސްވީ ސުކޫލުދަށަށް ކޮއްކޮ ބަލައިގޮސްކަމުން ގޭގައި އެވަގުތު މީހަކު ނެތެވެ. ކާގެއަށްގޮސް ގޮނޑިއެއް ހިފައިގެން އައިސް އަހަރެން އެއަށް އަރައި ފެންލައިޓުމަތީ އޮތް ތަޅުދަނޑިފަތި ނެގޭތޯ ބެލީމެވެ. ކަންދިމާކުރިގޮތުން އެކަން ވަރަށް ފަސޭހައިން ކާމިޔާބުވިއެވެ. އަހަރެން އަވަސް އަވަހަށް ގޮނޑިން ފައިބައި ދުވެފައިގޮސް ގޮނޑި ކާގެއަށް ލީމެވެ. އޭރުވެސް ކޮނޑުގައި އޮތް ދަބަހާއި ވައަތުގައި ހުރި ފޮތްތަށް ދިޔައީ އަހަންނަށް ބަރުކުރަމުނެވެ. ވަގުތު ބޭކާރުކުރަން ނުހަދައި ދޮރުހުޅުވުމަށްފަހު އެތެރެއަށްވަދެ އެންމެ ފުރަތަމަ ކަމަކަށް ތަޅުދަނޑިފަތި އޮތް ތަނަށް ލީމެވެ. މިއީ އަބަދު ކޮށްކޮށް އަހަންނަށް އާދަވެފައި ހުންނަ ކަމެކެވެ. ތަޅުހުޅުވައި ކޮޓަރިއަށް ވަނުމަށްފަހު އަބަދުވެސް ބޭއިޙްތިޔާރުގައި، އެންމެ ފުރަތަމައަށް ކުރެވޭނެ ކަމަކީ މިއީއެވެ. އަދި ހަމައެހެންމެ ކޮޓަރީގެ ތަޅުންގަނޑު ފުދޭވަރަކަށް އުސްކަމުން އަހަންނަށް އެކަމަށް ގޮނޑިއެއްގެ އެހީއެއްވެސް ބޭނުމެއް ނުވެއެވެ. އެއަށްފަހު އަތުގައި ހުރި ފޮތްތަކާއި ދަބަސްވެސް […]
އަހަންނަކީ ޤުރުއާން ކިޔެވުމަށް ލޯބިކުރާ ކުއްޖަކީމެވެ. އެގޮތުން އަހަރެންގެ ބުރަ މަސައްކަތުން އެއްފަހަރެއްގައި ޤުރުއާން މުބާރާތުގަ ބައިވެރިވާން އަހަންނަށް ފުރުސަތު ލިބުނެވެ. އެއަށްފަހު މުބާރާތުން ރަންވަނައެއް ހޯދަން ގަދައަޅާ މަސައްކަތް ކުރީމެވެ. އަދި އެކަން ޙާސިލްވެސް ވި މެއެވެ. އަހަންނަށް މުބާރާތުން އެއްވަނަ ލިބުނެވެ. އަހަރެން ހީކުރީ އަހަރެންގެ މި ކާމިޔާބީއާއިމެދު އަހަރެންގެ އެކުވެރިން އަހަރެންގެ އުފަލުގައި ބައިވެރިވާނެކަމަށެވެ. އަހަންނަށްޓަކައި އެމީހުން އުފާކުރާނެ ކަމަށެވެ. ނަމަވެސް ކަންވީ ދިމާ އިދިކޮޅަށެވެ. ކަންތަށް ވީ އަހަރެން ދުވަހަކުވެސް އުންމީދު ނުކުރާ […]
އެއްސަހަރެއްގައި މާކުންބޭ ނަމަކަށް ކިޔާ ވަރަށް ދަހި މީހެއް އުޅުނެވެ. އޭނާ އަބަދުވެސް ވިސްނަނީ ކެއުމާ މެދުގައެވެ. މާކުންބޭގެ 3 އަންހެން ދަރިންނާއި 4 ފިރިހެން ދަރިން ތިބެއެވެ. މާކުންބޭގެ 7 ވަނަ ދަރި ވިހެއުމަށްފަހު އެކުދިންގެ މަންމަ ނިޔާވިއެވެ. މާކުންބޭ އޭނާގެ ދަރިންކޮޅާއެކު އެކަނި އުޅެން ޖެހުމުން ވަރަށް ގިނަ އުނދަގޫތަކާ ކުރިމަތިލާން ޖެހުނެވެ. މިގޮތުން އެންމެ ބޮޑު މައްސަލައަކަށް ވެފައިވަނީ ކެއުމުގެ މައްސަލައެވެ. މާކުންބޭ ބަނޑު ފުރޭވަރަށް ނުކެވޭތީއެވެ. އެހެންކަމުން މާކުންބޭއަށް ގޭތެރެ ބެލެހެއްޓުމަށް އުނދަގޫވެގެން އެރަށު ފާތުމާ ނަމަކަށް ކިޔާ މީހަކާ އިނެވެ. އެ އަންހެން މީހާއަކީ ވަރަސް ރީތި އެކަމަކު ވަރަށް އަނގަ ގަދަ ދޫ ނުބައި އަންހެނެކެވެ. އޭނާ މާކުންބޭގެ ދަރިންނާ އެއްވެސް ވަރަކަސް އަޅައެއް ނުލައެވެ. އެކުދިންނާ ވާހަކަވެސް ދައްކަނީ ވަރަށް ހުތުރު ބަހުންނެވެ. އެއްދުވަހު މާކުންބޭ ވަރަސް ބޮޑަށް ބަނޑުހައިވެގެން ފާތުމާ ގާތު ބުންޏެވެ. “އަހަރެން ވަރަސް ބަނޑުހައިވެއްޖެ. ޕިއްޒާއެއް ހަދައިދީބަލަ. އަންނާނަން އެއްޗެހި ގަނެގެން.” ފާތުމާ ނުރުހުންވެފައި ހުރި ރާގެއްގައި ބުނެލިއެވެ. “މިގޭގައި ކިތަންމެ ގިނަ ޕިއްޒާ ހެދިޔަސް އަހަރެމެންނަކަށް ރަހަވެސް ނުލިބޭނެ. ކަލޭގެ ދަރިން އެވަރަށް ކައިވިއްޔާ. އެހެން މީހަކަށް ވެސް ބަލަނީއެއްނޫން.” “ތިބުނީ ދޮގެއް ނޫން.” މާކުންބޭ އެއްބަސް ވިއެވެ. “އެބައޮތް އައިޑިއާއެއް! އެމީހުން ގާތު ނުބުނެ ހަދާނީ. އަހަރެން އެއްޗެހި ގެނެސްފަ ބަހައްޓާނަން ފޮރުވާފަ. މިރޭ އެކުދިން ނިންދަވާފަ ހަދާނީ.” މާކުންބޭ ބުނެލިއެވެ. އޭނާގެ އަންހެނުން އެކަމާ އެއްބަސްވިއެވެ. އެރޭ މާކުންބޭ ވަރަށް ކުރިން ދަރިންތައް ނިންދެވިއެވެ. އަދި އޭނާގެ އަންހެނުން އެކުދިންތައް ނިދީތޯ ވަރަށް ރަނގަޅަށް ޔަޤީން ކޮށްފައި ބަދިގެއަށް ވަދެ އެއްވެސް އަޑެއް ނުލައްވާ ޕިއްޒާއަށް އެއްޗެހި ކޮށާ ޕިއްޒާ ތައްޔާރުކުރުމުގެ މަސައްކަތް ކުރަން ފެށިއެވެ. މާކުންބެވެސް ކާހިތްވެފައިވާލެއް ބޮޑުކަމުން ބަދިގެތެރޭގައި އަންހެނުންނަށް އެހީވާން އުޅުނެވެ. ވަރަށް ގިނައިރު މަސައްކަތް ކޮށްގެން 7 ޕިއްޒާ ތައްޔާރުކުރެވިއްޖެއެވެ. އެދެމީހުން ކާން ތައްޔަރުވިތަނާ އެންމެ ހަގު ދަރިފުޅު ބިރުވެރި ހުވަފެނެއް ފެނިގެން ރޮމުން ރޮމުން ބަދިގެއާ ދިމާލަށް އައެވެ. އެ ކުއްޖާ ރުއިން ހުއްޓުވާފައި މާކުންބޭ އަވަހަށް އެ ކުއްޖާ ކޮޓަރިއަށް ފޮނުވާލަން އުޅުނެވެ. އެކުއްޖާ ގަދަހަދާލަމުން ބުންޏެވެ. “ތިތަނުން ޕިއްޒާއެއް ދިނީމަ ދާނީ” މާކުންބޭ އަވަހަށް އެކުއްޖާއާ ޕިއްޒާއެއް ގާތް ކޮށްލިބާރަށް އެއް ޕިއްޒާ އެއްކޮށް ކާލައިގެން ދިޔައެވެ. އަދި ދެން ތިބި ކުދިން ގާތު ނުބުނައްޗޭ މާކުންބޭ ބުނުމުންވެސް އެކުއްޖާގެ އަނގަގަދަކަމުން ގޮސް ހުރިހާ ކުދިންނަށް ގޮވާފައި ބުންޏެވެ. “ބައްޕައާ މަންމައާ އެބައުޅޭ ޕިއްޒާ ހަދައިގެން. ވަރަށް މީރު. މަމިއައީ ކައިގެން. ކަލޭމެން ވެސް ފަހަރަކު ކުއްޖަކު ބިރުވެރި ހުވަފެނެއް ފެނުނީ ކަމަށް ހަދައިފަ ދޭބަލަ ބަދިގެއަށް. ގޮއްސަ ބުނާނީ ޕިއްޒާއެއް ދިނީރުންނޭ އަންނާނީ.” ހުރިހާ ކުދިންވެސް އެކުއްޖާ ބުނިގޮތަށް ކަންތައް ކޮށްގެން ފަހަރަކު ކުއްޖަކު ދަމުން ދަމުން ގޮސް 7 ޕިއްޒާ އެއްކޮށް ހުސްކޮށްލައިފިއެވެ. މާކުންބޭގެ ރުޅިގަނޑު އިންތިހާއަށް ގަދަވެގެން ދިޔައެވެ. ފާތުމާއަށްވެސް ވީހަމަ އެވަރެވެ. ދެމީހުންގެ މޫނު ރަތްވެ ދެ ކަންފަތުން ދުން ބުރައެވެ. “މީ ކިހާ ބޮޑު މުސީބާތެއް!” މާކުންބެ ރުޅިއައިސް ފުފިފައި ހުރެ ހަޅޭއް ލަވައިގަތެވެ. އޭނާއަށް އިތުރަށް ކެތް ނުކުރެވިގެން ގޮތެއް ނިންމިއެވެ. އަނެއް ދުވަހު ހެނދުނާ މާކުންބެ ދަރިންތައް ގޮވައިގެން މޫދަށް ދިޔައެވެ. އަދި ބޮޑު ބެޑެއް ފުއްޕާފައި ހުރިހާ ކުދިންތައް އެއަށް ލާފައި ވަރަށް ދުރަށް ގެންދިޔައެވެ. މާކުންބޭ އެކުދިންނާއެކު ހިސާބަކަށް ގޮސްފައި އެކުދިން އެތަނަށް ދޫކޮށްލާފައި އައީއެވެ. އެކުދިންނަކަށް މާކުންބޭގެ ރޭވުމެއް ނުވިސްނެއެވެ. އެއިން އެއްވެސް ކުއްޖަކަށް ފަތާކަށްވެސް ނޭނގެއެވެ. އެހެންވެ މާކުންބޭ ބަލާ އަންނާނެކަމުގެ އިންތިޒާރުގައި އެކުދިން ތިއްބެވެ. މާކުންބޭ ގެއަށް ހިންގައްޖެއެވެ. އޭރު އޭނާގެ އަންހެނުން ހުރީ ހެނދުނު ސަޔަށް ޗިލީ ޗިކަން އާއި ފަރާޓާ ހަދާފައެވެ. މާކުންބޭ އޭނާގެ އަންހެނުންނާއެކު ވަރަށް ހަމަޖެހިލައިގެން ސައިބުޔެވެ. އަދި ދަތްޕިލަ ސޭލަށް ލައިގެން އިނދެ ބުންޏެވެ. “އަދި ކިިރިޔާ ހަމަޖެހިލައިގެން ކާއެއްޗެއް މިކެވުނީ. ދޯ ފާތުމާ!” “އާނ ދޮގެއްވާ ނޫން. އެކުދިންނާ ދޭތެރޭ ދެން ވިސްނާނެކަމެއް ނެތް. އަހަރެމެން ރަނގަޅަށް ކައިލައިގެން އުފަލުގަ އުޅޭންވީ.” ފާތުމާ ކޮލުދަތްފެންނަ ވަރަށް ހީލައިގެން އިނެވެ. އެކުދިންތައް ތިބީ މާސިންގާ ބޮޑު ކަނޑުގެ މެދުގައި ކުޑަ ކުޑަ ބެޑެއްގެ މަތީ ބިރުން ވިރިވިރިއެވެ. ކައިރިން ރަށެއްފެނުމުން އެކުދިންގެ އުންމީދު އާވެގެން ދިޔައެވެ. އަދި އެރަށަށް ކައިރި ވުމާއެކު އެއްގަމަށް ފުންމައިލިއެވެ. އެކުދިންނަށް އެއީ ކޮން ރަށެއްކަމެއް ނޭނގެއެވެ. އެއީ ކޮން ރަށެއްކަން ބުނަންހެއްޔެވެ؟ އެއީ މަޝްހޫރު ކޮރެއާ އަށެވެ.އެކުދިންނަށް އެއީ ކޮންތަނެއްކަން އެނގުނީ އެތާހުރި ފިހާރައެއް ފެނުމުންނެވެ. އެ ފިހާރައަކީ އެކުދިންނަށް ޓީވީން ވަރަށް ގިނަ އިސްތިހާރުތަކުން ފެންނަ ތަނެކެވެ. އެކުދިންނަށް ހިނގަމުން ހިނގަމުން ގޮސް ވަދެވުނީ ކޮންސަރޓެއް ތެރެއަށެވެ. އެތަނުން ސްޓޭޖް މައްޗަށް ނިކުމެވުމާއެކު ސަޕޯޓަރުންގެ އަޑު ގުގުމައިގެން ދިޔައެވެ. ދެން އެކުދިން ލަވައެއް ހަދައިގެން ކިޔަން ފެށިއެވެ. އެލަވައިގައި ކީ އެކުދިންގެ ބައްޕަމެން އެކުދިންނަށް ހެދިގޮތުގެ ވާހަކައެވެ. މީހުންތައް ރޮމުން ގެންދިޔައެވެ. އެކުދިންނަށް އެ ރަށަށް އެރުނު ގޮތް އެމީހުންނަށް ކިޔައިދިނެވެ. އެދުވަހު ޚަބަރުގެ ފަލަ ސުރުޚީގައިވެސް އޮތީ އެކުދިންގެ ވާހަކައެވެ. މިޚަބަރު މާކުންބެއާ ހަމައަށް ފޯރައިފިއެވެ. އޭރު އެކުދިން އުޅެނީ އެރަށުގެ އެންމެ މުއްސަނދި މީހާގެ ގޭގައި މެހުމާނުންގެ ގޮތުގައެވެ. މާކުންބެއަށް އެތަނުން ލިބޭނެ ކާއެއްޗެހި ހިތައް އަރުވާލައިފައި އަވަހަށް ފާތުމާ ގޮވައިގެން ކޮރެއާއަށް ދިޔައެވެ. އަދި އެެކުދިން އުޅޭ ގެއަށް ގޮސްއެއީ އެކުދިންގެ ބައްޕައާއި ދޮންމަންމަ ކަމަށް ބުންޏެވެ. އެމީހުން ހީކުރިގޮތާ ޚިލާފަށް އެމީހުންނަށް މީރު ކެއުމުގެ ބަދަލުގައި ލިބުނީ އަދަބެވެ. ދަރިންނާ އަޅައި ނުލާ ދޫކޮށްލުމުގެ ސަބަބުން އެމީހުންނަށް ޙައްޤު އަދަބު ލިބުނެވެ. ނިމުނީ
ދުވަހަކީ ބަންދު ދުވަހެއް ކަމުން އަހަރެން އުޅުނީ ތަންތަން ފޮޅާ ސާފުކުރުމުގައެވެ. ގޭގައި ހުންނަން ލިބޭނެ މިއީ ހަމައެކަނި ދެދުވަސް ކަމާއިއެކު އަހަރެން ގެންގުޅޭ އެއްޗިއްސާއި ތަންތަން ސާފުކުރަންވެސް މިއީ ލިބޭ ރަނުގެ ފުރުސަތެކެވެ. ތަންތަން ފޮޅަމުން ގޮސް ފޮތް ހަރުގަނޑާއި ހަމައަށް އާދެވިއްޖެއެވެ. އަބަދުވެސް ފޮތް ހަރުގަނޑު ކައިރިއަށް އާދެވިއްޖެއްޔާއި އޭގައި ބަހައްޓާފައި ހުންނަ ފޮތްތައް ނަގާ އަހަންނަށް އެ އެއްޗެހި ބެލޭނެއެވެ. އެގޮތުން މިއަދުވެސް ކުރަން ހުރި މަސައްކަތް ބެހެއްޓުމަށްފަހު އެތަނުން ފޮތްތަކާއި ދިމާލަށް […]
“ޔާއިންް” އަހަންނަށް ހަމަ ބިމަށް އާދެވުނީ ރިހާމްް ދެތިން ފަހަރު ގޮވާލުމުންނެވެ. ރަސްފައްނު ގެ ގޮނޑިއެއް ގައި އަހަރުމެން ތިބި އިރު ހިތްގައިމު ވައިރޯޅިތައް ޖެހެމުން ދިޔަ އެވެ. ނަމަވެސް އަހަރެންގެ ހިތަށް ކުޑަވެސް ފިނިކަމެއް ނުވެއެވެ. “ޔާން ހިތް ވަރު ކުރަންވާނެ އިންޝާﷲ ޔާން ގެ މަންމަ އަދި ރަނގަޅުވާނެ! ޔާން ހިތްވަރު އެލުވާ ލީމަ ކާކު ނައިރާ އަށް ހިތްވަރު ދޭނީ؟” ރިހާމްް އަހަންނަށް ވިސްނައިދޭން މަސައްކަތް ކުރަނީއެވެ. ނަމަވެސް އެއްޗެއް ވިސްނޭ ވަރަށްވުރެ […]
މިހާރު އެހެރަ މެންދުރު ވިއެވެ. ހެނދުނު އޮފީހަށް އައިގޮތަށް އަދި މި އުޅެނީ ނޭވާލާނެ ވަގުތެއް ވެސް ނުލިބިގެން ނެވެ. މިހާރު ބަނޑުހައި ވެގެން މީހާ ތުރުތުރު އަޅަން ފަށައިފިއެވެ. ފޯނުވެސް މިއަދު ހީވަނީ މޮޔަވެގެން އުޅޭހެންނެވެ. އާނފަހެ ސިކުންތަކު އެއް ފަހަރު އެބަ ރޮއެގަނެއެވެ. އޮފީހުގެ ކޮންމެ މީހަކުވެސް ކަމަކު ބޭނުންވީމަ އެ ގުޅަނީ މަށަށެވެ. ހީވަނީ މަމީ ކުރާނެ ކަމެއްނެތިގެން އުޅޭ މީހެއްހެންނެވެ. ކޮއްކޮ ވެސް ހީވަނީ މޮޔަވެގެން އުޅޭހެންނެވެ. އަދި މިއޮތީ ނިންމަން […]
ފާރިޝް މިދިލިގަހެެއްގައި ލެނގިލައިގެންހުރެ ވިސްނަމުން އެދަނީ ވީރާނާ ވަމުންދާ އޭނާގެ ހަޔާތާ މެދުގައެވެ.އެވޭނީ އިހްސާސްތައް މުޅި ހަށިގަނޑުވެސް ކުރާ ކަހަލައެވެ.އެހެން ނުވާންވީ ސަބަބެއް ނެތެވެ.ތިމާ ދިރިހުއްޓާ މަރުގެ އިންޒާރު ލިބުމަކީ ކިހާ ހިތާމެރި ކަމެއް ނޫން ހެއްޔެވެ؟ ފާރިޝްއަށް ޖެެހިފައި ހުރި އެޗް.އައި.ވީ ބައްޔަކީ އެއްވެސް ފަރުވާއެއް ނެތް ބައްޔެއްކަން އޭނާއަށް ހަނދާންވާ ކޮންމެ ފަހަރަކު ލޮލުން ކަރުނަ އޮހެން ފަށައެވެ.އެހާ ޒުވާން އުމުރުގައި ދުނިޔެ ދޫކޮށްދާން ބޭނުންވާނީ ފަހެ ކާކުހެއްޔެވެ؟ އެދުވަހު މަންމަގެ ބަސް އެހުނުނަމައޭ ފާރިޝްގެ ހިތަށް އަރަމުން ދިޔައެވެ. އިރުގެ ރަން ދޯދިތައް އެންމެންގެ މޫނުމަތިން ދާއޮހޮރުވަމުން ދިޔައިރު ބައެއް ކުދިންގެ މޫނުމަތިން ފެންނަމުން ދިޔައީ އުފާވެރި ކަމެވެ.އަނެއްބައި ކުދިންގެ މޫނުމަތިން ފެންނަމުން ދިޔައީ ހިތާމަ އާއި މޮޅިވެރިކަމެވެ. ފާރިޝްގެ މޫނުމަތިން ފެންނަނީ ހިތްހަމަޖެހުމުގެ ކުލަ ވަރެވެ.އޭ ލެވެލްގެ ހުރިހާ މާއްދާއަކުން ފާސްވީމެވެ. އިމްތިހާނުން ލިބުނު ނަތީޖާ ފުރިހަމަ ކަމުން ރަށް ކައިރި އޮތް ރިސޯޓަކުން ރައްޓެއްސެއްގެ އެހީތެރި ކަމާއެކު ވަރަށް ފަސޭހައިން ވަޒީފާއެއް ލިބުނެވެ.ކިޔަވާނިމުމުން މަސައްކަތެއް ނުކޮށް ހުރުމަށްވުރެއް ރިސޯޓަށް ގޮސް ރުފިޔާކޮޅެއް ހޯދާލުމަކީ މާބުއްދިވެރި ކަމެއް ކަމުގައި ފާރިޝްގެ މަންމަ އަދި ހުދު އޭނާވެސް ދެކުނެވެ. ރިސޯޓަށް ދާން ރަށުން ފުރީ މަންމައާއި ބައްޕަގެ އެތައް ނަސޭހަތެއް އަޑު އެހުމަށްފަހުގައެވެ. ލޯންޗަށް އަރަންދެން ރިސޯޓަށް ގޮސް ކުރަންވީ ކަންތަކާއި ނުކުރަންވީ ކަންތައްތައް ހަނދާން ކޮށްދެމުން ދިޔައެވެ.އެއީ ކޮންކަހަލަ ތަނެއްކަމާއި އެތަނަށް އައިސް ގޮސް އުޅޭނީ ކޮންކަހަލަ ބައެއްކަން ކިޔައި ދެމުން ދިޔައެވެ.އަދި ފެންނަޙާ ކުއްޖަކާ އޭނާގެ މަޢުލޫމާތު ނޭނގި ވާހަކަ ދައްކާ ގައިގޯޅި ނުވުމަށް ނަސޭހަތްތެރިވިއެވެ. ރިސޯޓަށް ފޭބުމާއެކު އެތަނުގެ މެނޭޖަރާއި ސީނިިއާރ ގިނަ ބަޔަކު ފާރިޝްއަށް މަރުހަބާކިޔެވެ.ތަންކޮޅެއް ދުރުގައި ހުރި އަންހެންކުއްޖާ ފާރިޝްގެ ލޮލުގައި އަޅައިގަތީ މެނޭޖަރާ ސަލާމްކުރަން އަތް ދިއްކޮށްލިތަނުންނެވެ.އެއީ މިރިސޯޓުގައި މަސައްކަތް ކުރާކުއްްޖެއް ނޫންކަން އެނގުނީ އެތަނުގެ ޔުނިފޯރމް ނުލާހުރުމުންނެވެ.އެއީ ޗުއްޓީއަށް ދަތުރު ހަދައިގެން އައިސް އުޅޭ ކުއްޖެކެވެ.ކައިރީގައި ހުރީ ދޮށީއުމުރުގެ ދެއަންހެނުންނެވެ.އެ އަންހެންކުއްޖާގެ މޫނުމަތިން އެއްވެސް ކަހަަލަ ހިތްހަމަޖެހުމެއް ނުފެނުނަސް ފާރިޝްގެ ހިތް އޭނާއަށް ދެވިއްޖެއެވެ.ގޮތް ނޭނގުނަސ ލޯބި މިކިޔާ އެއްޗެެއް ވެވިއްޖެއެވެ. ރޭގަނޑުގެ ހަމަހިމޭން ވަގުތެވެ.ރާޅުޖަހާ އަޑުނޫން އިތުރު އަޑެއް ނީވެއެވެ.މަސައްކަތަށް ނިކުންނަން ޖެހޭ ފުރުތަމަ ދުވަސް ކަމުން މާގިނަ މަސައްކަތެއް ނެތެވެ.ޖެހޭ މަޑު ފިނިވައިރޯޅިތަކުން ހިތްހަމަޖައްސާލަން ޖޯލިފަތީގައި އިށީންތަނާހެން ަެއްކަލަ ނުުދަންނަ ކުއްޖާ ފެނިއްޖެއެވެ.އެލޯތްބަށް ފެންބޮވައިގަނެފަ ހުރިލެއްބޮޑު ކަމުން އެއްވެސް ފަސްޖެހުމެއްނެތި ގޮސް އޭނާގެ އަތުގައި ހިފާފައި ނަން ބުނީމެވެ. އެކުއްޖާ އަތް ދަމާގަންނާކަށް ވެސް ނޫޅުނެވެ.ރައްދުގައި ހީލާފައި ނަންބުންޏެވެ.”ރީޝާ!” ފާރިޝްއަށް އެނަމާއި އެކުއްޖާވެސް ރީތި ވާހަކަ ބުނީ ރީޝާ އާއި ހަތަރު ކަޅިހަމަ ކޮށްފައެވެ.ކޮޓަރިއަށް ގޮސް އެނދުމަތީ ބޭނދުމާއެކު ރީޝާވެސް އިނީ އެކަމަށް ބޭނުންވެފައިކަން އޭނާގެ ދެލޮލުން ހާމަވެގެނ ދިޔައެވެ.ކުޑަވަގުތުކޮޅަކަށް ނަމަވެސް މަންމަ ބުނި ވާހަކަ މަތިން ފާރިޝް ހަނދާން ނެތިއްޖެއެވެ.އެއްވެސް ސަލާމަތީ ފިޔަވަޅަކަށް ބެލުމެއްނެތި އެކަކު އަނެކަކުގެ އެދުން ފުރިހަމަ ކޮށްދިފިއެވެ. ރިސޯޓުގައި މަސައްކަތް ކުރި ތިންމަހުގެ ތެރޭގައި ފާރިޝްއަށް ގޮތް ނޭނގޭ ގޮތްތަކެއް ވާންފެށިއެވެ.ޗުއްޓީ ހޭދަކޮށްލުމުގެ ބަހަނާގައި ލަންކާއަށް ގޮސް ޓެސްޓްތަކެއް ހަދައިފިއެވެ.ނަތީޖާ ލިބުމާއެކު ފާރިޝަގެ މޫނުމަތިން ކުލަ އޮއްސިއްޖެއެވެ.ޖެހިފައި ހުރީ އެޗޮ.އައި.ވީ ބަލިކަން އިނގުމުން ދުނިޔެއިން މޮޔަވި ކަހަލައެވެ.ރަނގަޅަށް ވިސްނާލުމުން އެއީ ރީޝާ ދިން ހަދިޔާއެއްކަން ފާރިޝްއަށް އިނގުނެވެ.މިކަހަލަ ޒަމާނެއްގައި ހުރަސްތަކާއި އެއްޗެހި ލިބެން ހުންނައިރުވެސް އޭގެ ބޭނުން ނުހިފުމުން ފާރިޝް ދެރަވެއްޖެވެ.މިކަހަލަ ބޮޑު ފާފައަކަށް އަރައިގަނެވުނީތީ ލަދުގަތެވެ. ރީޝާގެ ހިނިތުންވުމުގެ މާނަ ފާރިޝްއަށް އިނގުނީ އަދިކިރިޔާއެވެ.ރީޝާގެ ބޭނުމަކީ އޭނާގެ އެބަލި އެހެންމީހުންނަށް ހަދިޔާކުރުމެވެ. މަންމައަށް މިވާހަކަ އެންގީ އޭނާ ރަށަށް އައިސްފައެވެ.މަންމަ އެކަމާ ދެރަވިނަމަވެސް ދެން އެކަމާ ހިތްބަރުނުކުރުމަށް އެދުނެވެ.ވަޒީފާއިންވެސް ވަކިވީ އޭނާގެ ފަރާތުން އެހެން މީހަކަށް ދެރައެއް ނުދިނުމަށެވެ. ފާރިޝް ސިއްސައިގެންގޮސް އަމިއްލަ ދުނިޔެއިން ހޭލެވުނީ މަންމަ އާއި ބައްޕަ ގެއަށް ދާން އައިސް ބުނުމުންނެވެ.ދުނިޔެއިން އޭނާގެ ހަޔާތަށް އިތުރު އުފަލެއް ނުލިބުނަސް މަންމައާއި ބައްޕަ އޭނާއަށް ހިތްވަރުދީ ކައިރީގައި ހުންނާތީ މާތްﷲ އަށް ޝުކުރު ކުރެއެވެ.