*މިހިތް އެދޭ….*ގޮތް ނުވަނީ އެކީއްވެގެންބާއޭ…*އުފާ މަގޭ މިހިތަށް ދެން ލިބުން ނެތީބާއޭ…؟*މަގޭ މިހިތުގަ އަޅާވޭންް ބުނަން މިހިތް އެދެޔޭ…..*މިހިތުގެ މާޒީ ހަނދާނުން ފިލައިގެނެއް ނުދެޔޭ… *ކަލާގެ ލޮތްބާއަޅާލުން ލިބުން މިހިތް އެދެޔޭ….*ފުރާނަޔާ ގުޅިފައިވާ ފަރާތަކީ ތޔައޭ….*ފިސާރި ލޯބިން އެކީގައި އުޅެން މިހިތް އެދެޔޭ….މިއީ ރީމާގެ ހިތުގެ ގޮވުންތަކެވެ. ހަގީގަތުގައިވެސް އަޔާޒަށްކަމެއްވުމުން ރީމާގެ އުފާވެރި ދުނިޔެ ނިމުމަކަށް އައިސްފައިވާހެން އޭނާއަށް ހީވެއެވެ. މިދުނިޔެއިން އޭނަދެކެ އެހައި ލޯބިވާނެ ފަރާތެއް ލިބޭނޭ ހެއްޔެވެ؟ ދުވަސްތަށް މާޒީވަމުންދިޔައީ އެންމެންގެ އުންމީދުތަކަށް ފަނޑުކަން ގެނެސްދެމުންނެވެ. ދުވަހެއްގެ އިރުއަރައި އޮއްސޭ ކޮންމެ ދުވަހަކީ އާ އުންމީދެއްގެ ހުޅުކޮޅެއް ލެވި އެ ހުޅުކޮޅު ކަނިވެގެން ދާ ދުވަހެކެވެ. ނަމަވެސް ރީމާގެ އުންމީދުތަކަށް ނިމުމެއް ނުވާފަދައެވެ. އޭނާގެ ހިތްވަރަށް ގުޑުމެއްވެސް ނާރައެވެ.ލޯބިވެރިޔާއަށް ހެޔޮ ދުޢާ ކުރުމުގައި ރޭގަނޑުގެ ނިދި ނަގާލައެވެ. އަދި ދުވާލުގެ ގިނަވަގުތުތަށް އޭނާ ހޭދަކުރަނީ އަޔާޒު ކައިރީ ހޮސްޕިޓަލުގައެވެ. އެ ލޯބީގެ ހިތްވަރުފެނި އެންމެންހެން ތިބީ ހައިރާންވެފައެވެ. ރީމާ ވަމުންދިޔައީ އަންހެނަކަށް ލޯބީގައި ވެވޭނެ އެންމެ މަތީ ގުރުބާނީއެވެ. ރީމާގެ މި ދިރިއުޅުން އާދަޔަކަށް ވިއެވެ. 2017ވަނަ އަހަރުގެ ޗުއްޓީނިމި ކިޔެވުމުގެ އާއަހަރެއް ފެށުނެވެ. ހަނާގެ ފަހު އަހަރު ކަމުން ހަނާވެސް […]
ނަމަވެސް ކެތްތެރިކަމެއްނެތި އެތާތިބި އެންމެންވެސް އިންތިޒާރު ކުރަމުންދިޔައީ ޑޮކްޓަރުގެ ބަހަކަށެވެ. ދަންވަރުގަޑިން 2 ޖަހަންކައިރިވެފައިވޔަސް ނިދިލޮލަށް އަންނާނެހެއްޔެވެ؟ އަޔާޒަކީ އެންމެންގެ ލޮލުގެ ނޫރުފަދަ މީހެކެވެ. ޑޮކަޓަރެއް ނުކުތުމުން އެންމެން އެއްފަހަރާ ގޮސް ކައިރިވެލިއެވެ. “އޮޕަރޭޝަން ކާމިޔާބު..އެކަމް” “އެކަމް ކިހިނެތްވީ؟” ކެތްތެރިކަންކޮޅުންލާ ހިސާބަށް ގޮސްފައިވުމުން ހަނާ އަހައިލިއެވެ.”އެކަމް ޕޭޝަންޓްގެ ހާލަތު ވަރަށް ދަށް… މީ އިޝާމް ދެއްތޯ..؟ އަޅުގަނޑާއެކު ވަޑައިގަންނަވާ.. ހިއްސާ ކޮށްލަން ބޭނުންވާ ވަރަށް ބައިވަރު ވާހަކަ އެބަހުރި..” ޑޮކްޓަރ އަރީފް ގެ ފަހަތުން އިޝާމް ހިނގައިގަތީ […]
ކުއްލިއަކަށް އިވެންފެށީ ބޭރުދޮރުގައި ތަޅައިގަތް އަޑެވެ. ޓިނު ދޮރެއްކަމުން އެއަޑު އައީ ވަރަށް ބިރުވެރިކޮށެވެ. އަނެއްކާ މިއޮތް ވިއްސާރައިގައި ކާކުބާއޭ ސުމާގެ ހިތަށްއެރިއެވެ. އަނެއްކާވެސް އެއަޑުއައެވެ. ތެޅިތެޅި އޮތްހިތަކާއެކު ސުމާ މަޑުމަޑުން ކުރިއަށް ފިޔަވަޅު އަޅަން ފެށިއެވެ. ދޮރު ހުޅުވާލުމާއެކު ދޮރުން އެތެރެއަށްވަނީ ފަޔާޒެވެ. އެއީ ސުމާގެ މަންމަ ހަސްނާގެ ދޮށީ ފިރިހެން ދަރިއެވ. ހަސްނާވަނީ ސުމާގެ ބައްޕަޔާއިނުމުގެ ކުރިން އެހެން މީހަކާ އިނދެ 2 ދަރިން ތިބެއެވެ. ހަމަ އެގޮތަށް ސުމާބައްޕަ އަލީވެސް ކުރިން މީހަކާ […]
ފިހާރަޔަށްގޮސް ފޯރީގައި ވިޔަފާރިކުރަމުން ދިޔައިރު ރީމާއާ ފާތުމަވެސް ރީމާގެ ހެދުން ތައްޔާރުކުރުމުގައި އަވަދި ނެތި އުޅުނެވެ. އެރޭގެ ޖަލްސާއަށް ހަނާ ރީމާގެ ސްޕީޗް ލޔެދީފިއެވެ. އަދި އެޖަލްސާއަކީ ރީމާއަށް ނުހަނު ހާއްސަ ޖަލްސާއެކެވެ.އެހެންކަމުން ފާތުމަ ބެލީ ވަރަށް ފުރުހަމަކޮށް އެ ހެދުން ނިންމޭތޯއެވެ. އެމީހުންނަށް އެހެދުން އެއްކޮށް ނިންމާލެވުނީ ފަސްގަޑިބައިވެބޮޑުވިފަހުންނެވެ. އަޔާޒާ އަހުނަފަށް ވެސް ގެއަށް ދެވުންއިރު ބަންގިގޮވަނީއެވެ. ގަޑީގެ ކަށި ބުރަކަށްފަހު ބުރެއް ހަމަކުރަމުން އައިސް ޖަލްސާފެށެން ކުޑައިރުކޮޅަކަށް ވެއްޖެއެވެ. އަހުނަފާ އަޔާޒު މަޑުކޮށްގެން ތިބީ […]
ރީމާ ކޮށިއަރައިގަންނަ ކަހަލަ ގޮތެއްވިއެވެ. ލާނެތް ހުނުމަކާއެކު ހަނާ ފެންތަށްޓެއް ރީމާއަށް ދިއްކޮށްލިއެވެ. ރީމާ ލަދުން އިސްޖަހާލިއެވެ. ސައިބޮއެގެންވެސް ވާހަކައިގައި އެތަށް އިރަކު ތިއްބެވެ. އެންމެން ސަޔަށްފަހު ސިޓިންރޫމްގެ ކައުޗްތަށް ފުރާލިއެވެ. ފާތުމަ ގަޑިބަލާލަމުން ފިހާރަޔަށްދާންވީކަމުގައިި ބުނެލިއެވެ. ހުކުރު ދުވަސް ކަމުން އާދައިގެ މަތިން ކެއްކުންގަނޑެއް ހެދުމަށް އެއްޗެހި ގަންނާށެވެ. އެއީ ދިވެހިންގެ ވަރަށް ކުރިއްސުރެ އޮންނަ އާދައެކެވެ. ހުކުރު ދުވަހުގެ މެންދުރަށް ކެއްކުމެވެ. ހަނާއާ ރީމާވެސް ދާން ތައްޔާރުވުމުން ފާތުމަ ބޭރަށް ނުކުންނަން ހިނގައިގަތެވެ. “އަޔާވެސް […]
*މީ ހަގީގީ ހާދިސާއަކަށް ބިނާކޮށް އަޅުގަނޑު ލިޔާ ވާހަކައެކެވެ. މިވާހަކައިގައި މީހުންނަށާއި ތަންތަނަށް ދެވިފައިވާނީވެސް ހިޔާލީ ނަންނަމެވެ. މިއީ އާދައިގެ ފެށުމެކެވެ. އަދި މީއަޅުގަނޑު ލިޔާ ދެވަނަ ވާހަކަކަން ހިއްސާކޮއްލަން.. ވާހަކައަށް އިންތިޒާރުކޮށްލައްވާ……!!* ****************************** ޖެހެމުންދިޔަ މަޑުވައިރޯޅި ބާރުވަމުން ދިޔައެވެ. ހަވީރުއްސުރެ ބޯވަމުން އައިވިލާތަކުން ޖައްވުވަނީ އަނދިރިވެފައެވެ. އިރުއޮއްސެން މިދަނީ ބަނަރެއަކަށެވެ. ގަސްތަށް ވަޔާހެލެމުންދިޔައީ ބިރުވެރި ފުރޭތަތަކެއްފަދައިންނެވެ. އެ ބޮޑު ގޯތީގައި ހުރި ގޭގެ ފެންޑާގައި ހުރި އުނދޯލި މަޑުމަޑުން ހެއްލި ހެއްލި އިނެވެ. އާނއެކެވެ. އެތާ […]
ރީމާގެ މަސާޖުން ދެލޯ މެރިފައި އޮތަސް އަޔާޒުގެ ހިތްވަނީ އެލަވަޔަށް ވަދެ ހުސްވެފައެވެ. އެއާއެއްގޮތަށް ރީމާގެ ހިތްވެސް އެ ލަވަޔަށް ނަށަމުން ދިޔައެވެ. “ރީ…..” އިޝަގީ ރާގެއްގައި އަޔާޒު ގޮވާލިއެވެ. އަޔާޒުގެ ހިތް އޮބިނޯންނަވަރަށް އެމޫނުގައި ފިރުމާލުމަށް ގޮވަމުން ދިޔައެވެ. އެހެންކަމުން ރީމާގެ މޫނުމައްޗަށް ވެއްޓިފައިި އޮތް އިސްތަށި ކޮޅު އެއްފަރާތް ކޮށްލިއެވެ. ރީމާ މޫނު އަނބުރާލިއެވެ. “ކީއްވެތަ ތިހާ ލަދުގަންނަނީ ރީ…..؟ އަޔާއެއް ނޫޅެން އެއްވެސް ކަމެއްކުރަން… ތި ސްމައިލް ފެނިފަ މިހާރު ބޮލުގެ ރިހުން ރަނގަޅުވެއްޖެ…” އަޔާޒު ތެދުވެ ހިންދަމާލިއެވެ. ލަދުން އިން ރީމާ އިނީ މިހާރު ތަންކޮޅެއް ހަމަޖެހިފައެވެ. ގޭތެރެއަށް ވެރިވެފައިވަނީ ހިމޭންކަމެވެ. ރީމާ ތެދުވެގެން ގޮސް ވަނީ ބަދިގެއަށެވެ. އަޔާޒުވެސް ފަހަތުން އައިސްވަނެވެ. ކުޑަދޮރު ހުޅުވާލުމުން ކެތްމަދުވެފައި ތިބި ވައިރޯޅިތަށް އެތެރެއަށް ދެމިގެންފިއެވެ. ފިޔާތަކެއް ތަށްޓަކަށް އަޅައިގެން މޭޒުކައިރީ ރީމާހުރީ އެފިޔާތަށް ނޮޅުމުގައެވެ. ޖެހިލާ ފިނި ވައިރޯޅީގައި ހޫރެމުން ދިޔަ އިސްތަށިގަނޑު ވަނީ މިނިވަންކަންމަތީގައިވެ. އެފަރިކަމަށް ހިތާހިތުން ތައުރީފް ކުރާހާލު އަޔާޒުގޮސް ރީމާކައިރި ހުއްޓުނެވެ. އެހިނދު ބޭރުން ބުޅަލެއްގެ ކޯޅުމުގެ އަޑު އިވިގެން ދިޔައެވެ. ބިރުވެރި ފާޑަކަށް ނުހަނު ބާރަށެވެ. ސިއްސައިގެން ގޮސް ރީމާއަށް އަޔާޒުގައި ބައްދާލެވުނީ ވަރަށް ބާރަށެވެ. އެކަމަށް ނުވިސްނައި ހުރި އަޔާޒު އަރިއަޅައިލައިފައި ނުވެއްޓުނީ ކިރިޔާއެވެ. ރީމާ ބިރުން ތުރުތުރު އަޅައެވެ. އަޔާޒުމަޑުމަޑުން ރީމާގެ ގައިގައި ބައްދާލީ އެ ލޯބި ކުއްޖާއަށް ހިމާޔަތާ ރައްކާތެރިކަން އިހުސަސާސްކޮށްދިނުމަށެވެ. ބިރުފިލުމުން ހުރެވުންތަން ހިތަށްއަރައި އަޔާޒުގެ މޭގައި އަޅާ ކޮށްޕާލެވުނެވެ. އަދި އަނެއްފަރަތަށް އެނބުރި ސޮރީ އޭ ބުނެވުނެވެ. އަޔާޒު ހިތަށް އަރާނީ […]
އާދުވަހަކަށް އިރުއޭގެ މަގާމުގައި ފިޔަޖަހަންފެށިއެވެ. ކޮވެލި ކާޅުތަށް އެކަން އިއުލާންކޮށްލަމުން އެސޮރުމުންގެ ހާލިތަށް ދޫކޮށް ނުކުތީ ބަނޑުފުރާނަ މުއްތިކުރުމަށެވެ. މިއީ ދުނިޔޭގެ އާދައެވެ. މަގުތަށް ހަލަބޮލިވެގެން ދިޔައީ ބަންދު ދުވަހެއް ނޫންކަން އަންގައިދެމުންނެވެ. ފަތިހުހޭލިގޮތަށް ނަމާދުކޮށްގެން ކިޔަވަން އިން ރީމާ ގަޑިބަލާލަމުން ޙަތިމް ލައްޕާލިއެވެ. ކޮޓަރިން ނުކުމެގެން ބަދިގެއަށް ވަންއިރު އާދައިގެ މަތިން ފާތުމަ ހުރީ ސައިހަދައިފައެވެ. މިއަދަކީ ސުކޫލަށް ދާންޖެހޭ ދުވަހެކެވެ. ރީމާމެންގެ ގްރެޖުއޭޝަން އަދި ބާއްވަން ރޭވި ޕާރޓީގެ އިންތިޒާމްތަށް ކުރަން ދިއުމަށް ދިވެހި […]
ގޭތެރެއަށްވަދެގެންއައި އަޔާޒު ހުއްޓުން އެރީ ކުރިމަތިން އެހިތުގެ ރާނީ ފެނުމުންނެވެ. އަޔާޒަށް އެސްފިޔައެއްޖަހަންވެސް ބުރަވިއެވެ. މީހަމަ ދުނިޔޭގައިވާ އެންމެރީތި މަލިކާއޭ ހިތަށް އެރިއެވެ. އެރީތިކަން ގަލަމަކުން ސިފަކޮށްލަން ޝާއިރަކަށްވެސް ދަތިވާާނެކަން ގައިމެވެ. އެހާވެސް ރީއްޗެވެ. “ލަސްވީދޯ” އަތުގައިވި ގަޑިއަށްބަލަމުން ރީމާ ބުނެލިއެވެ. އޭރު 50ވަނީއެވެ. “ނޫނޭ ދެންހަމަ ދާންވީ..” ރުހުމުގެ ލޮލަކަށް އައިބެއް ނުފެއްންނާނޭ ކިޔާ އުސޫލުން ލަަސްވެގެން އަޔާޒަށް އެއްޗެކޭ ބުނެވޭނެ ހެއްޔެވެ؟….. އަޔާޒާ ރީމާ ނުކުމެގެން އައި އިރު ދޮރާށި ކައިރީ ހަނާއާ އަހުނަފް […]