ނިފްޝާއަށް ވަނީ މިހާރު ނަފްސާނީ ގޮތުންވެސް އަސަރު ކޮށްފައިއެވެ. އަދި ފިރިހެނުންދެކެ އޭނާ އިންތިހާއަށް ފޫހިވެއެވެ. ރުޅިވެސް އާދެއެވެ. ބިރުވެސް ގަނެއެވެ. ނަމަވެސް އެނާ ކުރާނީ ކީއްހެއްޔެވެ؟ އެ އޮތްތަނުން ތެދުވެވެނީކީ ނޫނެވެ. ހަތަރެސްފައި ވަނީ ބަނދެފައެވެ. މުޅި ހަށިގަނޑުވަނީ އަނަރޫފަވެފައިއެވެ. އެތާ އޮވެގެން ނިފްޝާއަށް މިހާރު މާތްﷲ އަށް ދުޢާ ކުރެވުނު އަދަދެއްވެސް ނޭނގެއެވެ. އިހްސާން އޭނާއަށް މިހެން އެހަދަނީ ކީއްވެބާއޭ ނިފްޝާގެ ހިތަށް އެތަށް ފަހަރަކު އަރައެވެ. ”ހައިޝަމް.. ސިމާލު… މުޅި މިރަށް ބެލިއިރުވެސް އެހެރީ އަހަރެމެން ނުބަލައި ތަނެއް.. މިރަށުގަ ހުރި ހުރިހާ ފަޅުގެއެއް ބެލިއިރުވެސް އަދި އެހުރީ ނުބަލައި ގެއެއް… ހިގާބަ އެގެއަށް ދާން….” އައިޒަން އޭތާ ވަލުއެތެރޭގައި ހުރި ޓިނުން ހަދައިފައިވާ ކުޑަ ކުޑަ ގެއަކަށް އިޝާރާތް ކުރަމުން ކުރެހިފައި ހުރި އަޑަކުން ބުނެލިއެވެ. ”އާން ހިނގާ އެތަން ބަލާލަން ދާން… މަށަކަށް ހިޔެއްނުވެ ފުލުހުންވެސް އެތަން ބެލިހެންނެއް….” ހައިޝަމް ބުނެލިއެވެ. އައިޒަން ބާރު ހިނގުމެއްގައި ގޮސް އެގެއާއި ހަމައަށް ދިޔައެވެ. އޭނާގެ ހިތް ބާރު ބާރަށް ތެޅެމުން ދިޔައެވެ. އޭނާގެ ހިތް ބުނަމުން ދިޔައީ ނިފްޝާވީ އެތަނުގައި ކަމެވެ. ކީއްވެ ކަމެއް ނޭނގެއެވެ. ތެޅެމުން ދިޔަ ހިތަކާއިއެކު އައިޒަން ގޮސް ތަޅު ގައި ހިފާލިއެވެ. ނަމަވެސް ތަޅުލައިފައި ހުރުމުން ދޮރު ހުޅުވޭ ގޮތެއް ނުވިއެވެ. ”ސިމާލު… ހައިޝަމް… ހިނގާބަަލަ މި ދޮރު ވައްޓާލަން…” އައިޒަން ހާސްކަން އެކުލެވިގެންވާ އަޑަކުން ބުނެލިއެވެ. ”ނޫން އޭރުން އަހަރެމެން ކުއްވެރި ވެދާނެ… ތީމީހަކު އެއްޗެހި ރައްކާކުރާ ތަނަކަށް ވެސް ވެދާނެ….” ސިމާލު ގަނެފައި ހުރި ބިރާއެކު ބުނެލި ޖުމުލައިން އައިޒަން ރުޅި އަންނަ ގޮތްވިއެވެ. ”ނޫން… އަހަރެންގެ ހިތް އެބަ ބުނޭ ނިފްޝާވީ މިތަނުގައޭ… އާދޭސްކޮށްފަ އަހަރެންނާއިއެކު މިކަން ކޮށްދީބަލަ.. ސިމާލް…. ހައިޝަމް…..” އައިޒަން އާދޭހައިއެކު ބުނެލިއިރު އެދޮލުގައި ކަރުނައިގެ ފަށަލައެއްވެއެވެ. ހައިޝަމް، އައިޒަން އާއި ބައިވެރި ވީ އޭނާގެ އެކުވެރިއަށްޓަކައިއެވެ. ސިމާލުވެސް ބައިވެރިވިއެވެ. އަައިޒަންގެ ހިތަށް ކޮށްފައިވާ އަސަރު އެނގުނީކަމަށް ވެސް ވެދާނެއެވެ. އިން މީހުންގެ ބުރަ މަސައްކަތުން ދޮރު ހަލާކު ކޮށްލެވުނެވެ. ”ތިދެ މީހުން ހުރޭ ބޭރުގަ… މީހަކު އާދޭތޯ ބަލަން… އަހަރެން އެތެރެއަށް ވަންނާނަން..” އައިޒަން އަވަސްވެފައިވާ ހިތަކާއިއެކީ އޭނާގެ ދެ އެކުވެރިންނަށް އިރުޝާދު ދޭ ފަދައަކުން ބުނެފައި ގޮސް އެތެރެއަށްވަނެވެ. އޭގެ ދެވަނަ ސިކުންތުގައި އައިޒަން ހުއްޓުން އެރީއޭނާގެ ކުރިމަތިން ފެނުނު މަންޒަރަކުންނެވެ. މި މަންޒަރު ހުވަފެނަކަށް ވާނެ ބާއޭ އައިޒަން ގެ ހިތަށް އެރީ ކިތަށް ފަހަރަކު ކަމެއްވެސް ނޭނގެއެވެ. ނަމަވެސް އޭނާގެ ކުރިމަތިން އެފެންނަނީ ހަޤީޤަތެވެ. ކުރިމަތިން ފެންނަ މަންޒަރު ހުވަފެނަކަށް ހަދާނީވެސް ކިހިނަކުން ހެއްޔެވެ؟ އައިޒަންގެ ލޮލުން ކަރުނައައީ އޭނާއަށް ނުވެސް އެނގިހުއްޓައެވެ. އައިޒަން ބަލަން ނުހުރެ އަވަހަސް ގޮސް ދުރުގައި އޮތް މެރޫން ކުލައިގެ ހެދުން ހިފައިގެން އައިސް ނިފްޝާގެ ހަށިގަނޑު ނިވާކޮށްލިއެވެ. ނަމަވެސް އައިޒަން އެންމެ ފަހަރަކު ވެސް ނިފްޝާއާ ދިމާއަށް ބަލާފަކައެއް ނެތެވެ. ހެދުން ލައްވަން ކިތަންމެ އުނދަގޫ ވިނަމަވެސް ލޯ ހުޅުވާކަށް އައިޒަން ގަސްތެއް ނުކުރެއެވެ. ހެދުން ލައްވައި ނިމުމުން ކައިރީގައި އޮތް މަޑު ފިޔާތޮށި ކުލައިގެ ޝޯލް ނިފްޝާގެ ބޮލުގައި އޮޅާލިއެވެ. އޭރު އައިޒަންގެ ލޮލުން ހުއްޓުމެއްނެތި ކަރުނަ އަންނަމުން ދިޔައެވެ. ފިރިހެނަކަށްވެސް ކެތް ކުރެވޭނީ ވަކިވަރަކަށެވެ. ހުރިހައި ކަމެއް ކޮށް ނިމުމުން އައިޒަންގެ އެ ކުރެހިފައިވާ އަޑުން ސިމާލު އަށާއި ހައިޝަމްއަށް ގޮވާލީ ފުލުހުންނަށް ގުޅުމަށެވެ. އަދި ވަރަށް އުނދަގުލުން ނިފްޝާގެ ހަތަރެސްފައިގައި އައްސާފައި ހުރި ވާ ތައް މޮހައިލިއެވެ. ލުއިފަތެއްހެން އައިޒަންގެ ބާރުގަދަ އަތްދަނޑި މައްޗަށް ނިފްޝާ ލައިގެން އައިޒަން ބޭރަށް ނުކުތެވެ. އޭރު ފުލުހުންވެސް ވަނީ އެތަނާ ނުހަނު ކައިރީގައިއެވެ. ފުލުހުންގެ ޖިޕު އެތަނަށް ހުއްޓުމުން ތިން މީހުން އަވަސްވެގަނީ ޖިޕަށް ލައިގެން ނިފްޝާ ހޮސްޕިޓަލަށް ގެންދުމަށެވެ. ޖިޕަށް އެރުމަށްފަހު އައިޒަން ހަމަޖެހިލައިފައި ނިފްޝާގެ މަންމަމެންނަށް އެހަބަރު ދިނެވެ. އަދި ނިފްޝާގެ އެ ދިރުމެއްނެތް ހަށިގަނޑާ ދިމާއަށް ބަލަން އިނީ ކަރުނުން ފުރިފައިވި ދެލޮލުންނެވެ. ފަސް މިނެޓު ތެރޭގައި ޖިޕުގޮސް ހޮސްޕިޓަލުގެ ދޮރު ކުރިމައްޗަށް ހުއްޓިއެވެ. ސައިކަލުން ފެއިބި އިހްސާންގެ ތުންފަތުގައި ކުޅެލައިފައި ވަނީ ނުލަފައި ހިނިތުންވުމެކެވެ. އަދި މަޑު ހިނގުމެއްގައި ގޮސް ޓިނުން ހަނދައިފައި ހުރި ކުޑަ ގޭ ދޮރު ކުރިމަތީގައި ގޮސް ހުއްޓުނު އިހްސާން އަށް ސިހުން ގެނުވީ އެގޭގެ ދޮރު ވައްޓާލައިފައި ހުރުމުންނެވެ. އަވަސް އަވަހަށް ގޮސް އެތެރެއަށް ވަނީ އެތަނުގައި ނިފްޝާ އޮތްތޯ ބެލުމަށެވެ. އޭގެ އިރުކޮޅެއްފަހުން އެތަނަށް ހަނާން އާއި ޝާނާއައެވެ. ”އިހްސާން ކިހިނެއްވީ.. ކޮބައި ނިފްޝާ؟” ޝާނާ މޫޅި އެތަނަށް ބަލައިލަމުން ބުނެލިއެވެ. ” ކޮބާހޭ؟ މަށަށްތަ އިނގޭނީ އޭނާ ވީތަނެއް… ކަލޭމެންނަކަށް ނޫންތަ… މަމިތަނުން ދިޔައީ ކަލޭ މެން ކައިރީ ކީކޭ ބުނެފަ….. ކީކޭބުނެފަ ހޭ މަމިތަނުން ދިޔަ އީ…” އިހްސާންގެ ލޮލުން އަލިފާން ކަނި ބުރަ ބުރައި ހުއްޓެެވެ. އޭނާ ހީވީ ހަނާން އާއި ޝާނާވެސް ފިއްސާލަފާނެހެންނެވެ. ހުރިހާ ރުޅިއެއް އޭނާ ބޭލީ ހަނާން އަށާއި ޝާނާއަށެވެ. ”އިހްސާން ރުޅި މަޑު ކުރޭ… އަހަރެމެން ބަނޑުހައިވެފައި ހުރިވަރުން ކާން ދިޔައީ ވަރަށް އަވަހަށް އަންނަން… އަހަރެމެން ދިޔަތާ އަދި ބަރާބަރު ފަނަރަ މިނެޓު ވާނީ… އެކަމަކު އާއިރު މިއޮތީ މިތަން އޮތް ގޮތް… އެ ނިފްޝާގަނޑު ކޮންތާކަށް އެދިޔައީ؟” ޝާނާ ބިރުގަނެފައި ހުރިނަމަވެސް އެކަން ފޮރުވަމުން ބުނެލިއެވެ. ”ހެވޭ ދެން… ކޮންމެހެން ބަހަނާތަކެއް ދައްކާނެ ކަމެއްނެތް… އަންނަން ވީ އަހަރެންނާއެކު ދާން… އަހަރެމެންގެ ޕުލޭން ފުލޮޕް ވީމިދެން ކޮންކަމެއް ކުރެވޭނީ… މިތާ ހުރުމުގެ ބޭނުމެއް ކޮބާ؟ އަންނަން ވީ ދާން…. ބަދަލުވެސް ހިފުނީނު މި…. އެކަަމަކު އަދިވެސް އަހަރެން މިކަން ހުއްޓާއެއް ނުލަން… އަދިވެސް ބަދަލު ހިފާނަން…” އިހްސާން ދަތްތައް ފިއްތާލައިފައި ބުނެލިއިރު އެދެލޮލަށް ބަލައިލި މީހަކުވެސް ބިރު ގަންނާނެއެވެ. ”ކޮބާ މަގޭ ދަރިފުޅު… ކޮބާހޭ މަގޭ ދަރިފުޅު…” އިނާޝާ ހޮސްޕިޓަލަށް ވަނުމާއިއެކު ހަޅޭލަވައިގަތެވެ. ރޯރޯ އޭނާގެ ދެލޯ ވަނީ ރަތްވެފައިއެވެ. ”އިނާ ހަމަޖެހިބަލަ… އިރާދަކުރެއްވިއްޔާ އަހަރެމެންގެ ދަރިފުޅަކަށް އެއްވެސް ކަމެއް ނުވާނޭ… ދެން ނުރޮއިބަލަ… ހިތްވަރު ކޮށްބަލަ… އަލްހަމްދުލިއްލާހް.. އަހަރެމެންގެ ދަރިފުޅުވެސް ފެނުނީނު މި…” ސުޖާއު ދިޔައީ އިނާޝާއަށް ވިސްނައިދެމުންނެވެ. އޭނާގެ ހިތަށްވެސް ވަނީ ނުހަނު އަސަރު ކޮށްފައިއެވެ. ނަމަވެސް އޭނާ ރޯގެން އޭނާގެ އަންހެނުން ހުއްޓޭނީ ކިހިނަކުން ހެއްޔެވެ؟ ނިފްޝާގެ އާއިލާއެންމެން ހޮސްޕިޓާލަށް ދިޔައެވެ. އަދި ނިފްޝާވެއްދި ރޫމްގެ ކާއިރީގައި މަޑު ކޮށްލއިގެން ތިބީ ޑޮކްޓަރު ނިކުމަންނާނެ އިރަކަށެވެ. ”އައިޒަން.. އަހަރެންނަކަށް ނޭނގެ އައިޒަންއަށް ޝުކުރު އަދާކުރާނެ ގޮތެއްވެސް… އަހަރެމެންނަށް ތި ކޮށްދިނީ ވަރަށް ބޮޑު ކަމެއް…ދުވަހަކުވެސް އައިޒަންގެ ތި ހެޔޮ ކަން މިހިތަކުން ފިލައިގެން ނުދާނެ….” އިނާޝާ ، އައިޒަންގެ ކުރިމަށްޗަށް ގޮސް ހުއްޓިލައިފައި ރޮމުން ވާހަކަ ދައްކަމުން ދިޔައެވެ. އައިޒަންވެސް އެއީ އެއްވެސް ކަމެއް ނޫނޭ ބުނެ ވާހަކަ ކުރު ކޮށްލީ ޑޮކްޓަރު ނުކުމުންނެވެ. އިނާޝާ ބާރަށް ގޮސް ޑޮކްޓާރުގެ ކުރިމަތީގައި ހުއްޓި ނިފްޝާގެ ހާލު އެހިއެވެ. ”ނިފްޝާގެ ހާލު ވަރަށް ސީރިއަސް… ވީ އެންމެ އަވަހަކަށް މާލެ ގެންދުން ރަނގަޅީ.. މިތަނުން ދެވެން އޮތް ފަރުވާއެއް އަޅުގަނޑުމެން ދެމުން މިތަނީ…” ޑޮކްޓާރު ހިތާމަޔާއިއެކު ބުނެލި ވާހަކައިން އެތާ ތިބި އެންމެންނަށް ހީވީ މުޅި ދުނިޔެ ހުއްޓުނުހެންނެވެ. އިނާޝާ އަޑުން އަޑު ނަގައި ރޯން ފެށި އިރު ސުޖާއު ހުރީ ބަސް ހުއްޓިފައިއެވެ. ނިފްޝާ މާލެ ގެންދިތާ އޭގެ ދެވަނައަށް ވީ ދުވަހެވެ. މުޅި ރަށުގައި ކިޔަމުން ދިޔައީ ނިފްޝާ މި ފަނާވަނިވި ދުނިޔެއަށް އަލްވަދާޢު ކީ ވާހަކައެވެ. އައިޒަންގެ ކަންފަތާއު ހަމައަށް މި އަޑު ފޯރީ ހޮނު ގުގުރިއެއްގެ ސިފައިގައިއެވެ. ނިފްޝާ މިދުނިޔެއާއި ވަކިވެގެން އެދިޔައީ އެތައް ބައެއްގެ ރުހުން ހޯދައިފައިއެވެ. ދެރަ ނުވާނީ ފަހެ ކާކު ހެއްޔެވެ؟ ސިމާލު އާއި ހައިޝަމް ވެސް ވަނީ ނުހަނު ދެރަވެފައިއެވެ. އެމީހުންގެ ކުރިމަތީގައި އައިޒަން ހުރި އެއް ކަމަކު އޭނާއެކޭ ނެތް މީހެކޭ އެއްގޮތެވެ. އެހިތަށް ކޮށްފައިވާ އަސަރު ގަލަމަކުން ބަޔާން ކުރަން ވެސް ދަތި ވާނެއެވެ. އައިޒަން ހިތްހަމަޖެއްސުމަށްޓަކައި އޭނާގެ ދެ އެކުވެރިން ނުކުރަނީ ކޮން ކަމެއް ހެއްޔެވެ؟ އައިޒަން އަށް ނަސޭހަތްދެނީ އކުވެރިއެއްގެ ހައިސިއްޔަތަކުންނޫނެވެ. ކޮއްކޮ އެއްގެ ހައިސިއްޔަތުންނެވެ. އައިޒަންގެ ކޮންމެ އުފަލެއްގައާއި ހިތާމައެއްގައި އެދެ މީހުން ބައިވެރިވެއެވެ. އައިޒަންގެ މޫނު ފެންނަ މީހަކުގެ ހިތަށް ވެސް އަސަރު ކުރާނެއެވެ. ކޮން ކަހަލަ އަނިޔާވެރި ދުނިޔެއެއް ހެއްޔެވެ؟ ނިފްޝާ މަރުވިފަހުން އެއާއިލާގެ އެކަކުވެސް އެމީހުން ރަށަށް އައިސްފަކާއެއް ނެތެވެ. ދިރިއުޅުން އެއްކޮށް މާލެއަށް ބަދަލު ކުރީއެވެ.ނިފްޝާއަށް އެހެން ހެދީ ކޮން ބައެއްކަމެއް އަދިވެސް ފުލުހުންނަށް ވަނީ ނުހޯދިފައިއެވެ. ނަމަވެސް އެމީހުން ހުއްޓާ ނުލައި މަސައްކަތް ކުރަމުން އެދަނީ އެ މީހުން ފެނޭތޯއެވެ. ***ފަސް އަހަރު ފަސް*** ޕޮލިސް ޔުނީފޯމްގައި ސައިކަލުގައި ދުއްވާފައި ދިޔަ ޒުވާނާއަށް ވަނީ އެތައް ބައެއްގެ ލޯތައް އަމާޒުވެފައިއެވެ. ނަމަވެސް އެއިން އެއްވެސް ކަމަކަސް އަޅާނުލައި އެ ޒުވާނާ ދިޔައީ މަގުމައްޗަށް ސަމާލުވަމުންނެވެ. ދުއްވާފައި ގޮސް އެ ޒުވާނާ މަޑު އެކޮށްލީ ހީވާގޮތުންނަމަ އޭނާގެ ގޭ ދޮރުމަތީގައިއެވެ. ”އަހާ… ދަރިފުޅާ އައިޒަން… މިއަދު ހާދަ އަވަހަކަށް ތި އައީ… އެހެންނާ އަންނަ ގަޑިއަކު ނޫނެއްނު މިއަދު ތިޔައީ؟” އައިޒަން ގޮސް ގެއަށް ވަތް އިރަށް އައިޒަންގެ މަންމަގެ ސުވާލުތަކަކައި ކުރިމަތިވިއެވެ. ” ހުމް… މިއަދު ކުޑަކޮށް ބޮލުގައި ރިއްސާތީ އަވަހަށް މިއައީ…” އައިޒަން އޭނާގެ މަންމަ ގާތުގައި އެހެން ބުނެފައި ކޮޓަރިއައި ދިމާއަސް މިސްރާބު ޖެހިއެވެ. ހަމަ ހަޤީޤަތުގައިވެސް އައިޒަން މިއަދު އެއުޅެނީ ވަރަށް ބޮޑަށް ބޮލުގައި ރިއްސާތީއެވެ. އައިޒަން ގޮސް އެނދުގައި އޮއްތާލިއިރަށް ނިފްޝާގެ އެކި ހިޔާލުތަކުން އޭނާގެ ސިކުނޑި ފުރާލިއެވެ. އަދިވެސް އައިޒަންއަށް އެއުޅެނީ ނިފްޝާގެ ހިޔާލުތަކުން ދުރުނުވެވިގެންނެވެ. އެ ހިޔާލުތަކުން ދުރުވެވޭތޯ މިހާރު އައިޒަން އެތައް މަސައްކަތެއް ކޮށްފިއެވެ. އެކި ހިޔާލުތަކުގައި އޮތް އައިޒަންގެ ލޮލަށް ނިދި ސަވާރުވީ ބަސް ބުނާހާ އަވަހަށެވެ. އައިޒަންއަށް ނޭނގުނީ އޭނާގެ ހަޔާތުގައި ބާކީ އޮތް ދުވަސްތައް އޭނާއަށް ވެއެތު ކުރަން ޖެހޭނީ ކިހިނެއްކަމެވެ. އޭނާގެ ހަޔާތުގައި ކުރިއަށް ވާނީ ކޮންކަމެއް ކަމެވެ. ތަގުދީރު އެނގޭނީ ފަހެ ކާކަށް ހެއްޔެވެ؟ (ނުނިމޭ)
”ޕިސް ޕިސް ޕިސް…. އާދެ ވިއްޖެ ދޯ! މިހާރު ކޮން އިރެއް މިތާ ތިބޭތާ ނިފޫ ނައިސްގެން.. ބަނޑުހައި ވެގެން ގޮސް ހަލާކުވެއްޖެ މިހާރު… ދެންވެސް އަންނަން ވީ ތިތާ ނުހުރެ ކާން…” ނިފްޝާ އައުމުން ނިޔާޝް ބުނެލިއެވެ. ”ނިފޫ ދޮންބެ މިއަދު އެހިން ވާހަކައެއް ނިފޫމެން ސުކޫލްގަ ވީ ކަމެއް….” ނިޔާޝް ބުނެލިއެވެ. ”ކޮން ވާހަކައެއް އަނެއްކާ؟” ނިޔާޝް އެއުޅެނީ ބުނަން ކޮން ވާހަކައެއް ބާ އޭ ނިފްޝާގެ ހިތަށްއެރިއެވެ. ”ދޮންބެމެންނަށް އަނެއްކާ އިނގުނީ ހެއްޔެވެ؟ ނޫން އެހެންނެއް ނުވާނެ…” ނިފްޝާ ހިތަށް އެރިއެވެ. ނިފްޝާގެ މޫނުމަތިން ދާތިކިތައް ފާޅުވާން ނެގީ މަދު ސިކުންތު ކޮޅެކެވެ. ”މިއަދު ދޮންބެ ނަމާދުން ފައިބައިގެން ގެއަށް އައި މަގުމަތީގައި ކޮންމެވެސް ކުއްޖަކު ގޮވާފައި އެހީ ތި ނިފްޝާގެ ދޮންބެހޭ… ދެން ދޮންބެ ބުނިން އާއެކޭ… ފިރިހެން ކުއްޖެއް އެއީ.. ބުނީ މިއީ ނިފްޝާގެ ކުލާސް ކުއްޖެކޭ.. ނަމެއް ނުބުނި.. ދެން އެކި ވާހަކަތައް ދައްކާފަ ދޮންބެއަށް ދެއްކީ ފޮޓޯއެއް.. ބުނީ އެއީ ނިފްޝާއޭ… ނިފޫ ހުރީ ފިރިހެން ކުއްޖަކަށް ކޭކު ލަވަން އެ ފޮޓޯގަ.. ދޮންބެ ވަރަށް ރަނގަޅަށް ބެލިން އެފޮޓޯއަށް… ނިފޫ ކޭކު ލަވަން ހުރި ފިރިހެން ކުއްޖަކީ އައިޒަން.. ދޮންބެ ވަރަށް ރަނގަޅަށް ދަންނަން އައިޒަން…. މިސްކިތުން ދިމާވޭ ކޮންމެ ދުވަހަކު ކަހަލައިން…. ދެން ދޮންބެ އެހިން އެ ކުއްޖާގާތު ތި ކޮނދުވަހަކު ނެގި ފޮޓޯއެއް ހެއްޔޭ؟ އެކުއްޖާ ބުނީ އެއީ ނިފޫގެ އުފަންދުވަހު ނެގި ފޮޓޯއެކޭ… ސުކޫލްގެ ޕްލޭ ގުރައުންޑު ގައި ކުރިކަމެކޭ ބުނީ… އެހެން ގޮސް ވަރަށް ވާހަކަ ދެއްކި… މިހާރު މާ ބޮޑަށް ހަނދާނެއްވެސް ނެތް…” ނިޔާޝް ގެ އެ ވާހަކައިން ނިފްޝާއަށް އެއީ އިހްސާންކަން ޔަޤީންވިއެވެ. އިހްސާން ނޫން ދެވަނަ މީހަކު އެކަހަލަ ކަމެއް ނުކުރާނެއެވެ. ނިޔާޝް އެ ކިޔައިދިން ވާހަކައިން ނިފްޝާ އިނީ ބުނާނެ އެއްޗެއް ނޭނގިފައެވެ. އެއީ އިހްސާން އަށް އެކަހަލަ ކަމެއް ކުރަން ކެރުނީ ތީއެވެ. މިފަހަރުވެސް ނިފްޝާ ކޮޓަރިއަށް ގޮސް ވަނީ މޫޑު ކެޓުމުންނެވެ. ކާން އެޅި ބަތް ތަށިވެސް ބަހައްޓާފައިއެވެ. ނިޔާޝްގެ އެވާހަކައަށް ބަހެއްވެސް ބުނެނުލައެވެ. ”ނިޔާޝް ސާބަސް އިނގޭ…. މިއަދު އެއްކޮށް އެހުންނަނީ މޫޑު ކަޓާފައޭ މަންމަ ބުނީ.. ދެން ތި ވާހަކަ އެހެން ދުވަހަކު ވެސް ބުނެވިދާނު މިއަދު ނުބުނެ… ނުވެސް ކާ އެދިޔައީ….” ޒީނާ ނުރުހިފައި ބުނެލިއެވެ. ”ދެން އަހަރެންނަކަށް ވެސް ނޭނގޭ އެހެން ވާނެ ކަމެއް… އެކަން އޮޅުން ފިލުވައިލަން އަހަރެން މި އެހީ…. އެހެން ވާނެ ކަމެއް ކިހިނެއް އިނގޭނީ….” ނިޔާޝް ވެސް ދެރަވެލައިފައި ކަހަލަ ގޮތަކަށް ބުނެލިއެވެ. ***3 މަސް ފަސް*** މިއަދަކީ ލިމްޝާ އާއި ސުހެއިލުގެ ކައިވެނި އޮންނަ ދުވަހެވެ. ދެ އާއިލާއިން ވެސް އެކަން ފާހަގަ ކުރަނީ ވަރަށް ކުލަގަދަ ކޮށެވެ. ކައިވެނި އޮންނަނީ ސުހެއިލު މެން ގޭގައި ކަމުން އެންމެން ވެސް އަވަދިނެތި އުޅެމުން ދަނީ ގޭ ތައްޔާރު ކުރުމުގައި އާއި ކެއްކުމުގައިއެވެ. އެއްބަޔަކު އެއްޗެހި ކޮށަމުން ދިޔައިރު އެނެއްބަޔަކު އުޅެނީ ކެއްކުމުގައިއެވެ. ޕާޓީގެ ތީމް އަކީ މެރޫން ކުލައާއި ލައިޓް ޕިންކެވެ. މުޅި މާހައުލު ޒީނަތްތެރި ކޮށްފައިވަނީ އެދެ ކުލައިންނެވެ. ތަނަށް ބަލައިލި ކޮންމެ މީހަކުވެސް ތައުރީފުގެ ބަހެއް ބުނެ ނުލައި ނުދެއެވެ. އެއީ ނިޔާޝްގެ ބުރަ މަސައްކަތެވެ. ޕާޓީ އޮންނަނީ މިރޭ އަށެއްގައި ކަމުން އެންމެން ވެސް އަވަދިނެތި އުޅެމުން އެ ދަނީ އަވަހަށް ނިމޭތޯއެވެ. ހުދު ކުލައިގެ ބޮޑު ހެދުމަކާއި ހަމަ އެކުލައިގެ ވިދާ ޝޯލްއަކާއި އެކު އަތުގައި އޮތް މެރޫން ކުލައާއި ފިޔާތޮށި ކުލައިގެ މާ ބޮޑިން ލިމްޝާގެ ރީތިކަން ދުލުން ބަޔާން ކުރަން ވެސް ދަތި ވާނެއެވެ. އަދި ހެދުމުގައި ހުރި ކުދި ކުދި އެސްތަކުން އެރީތިކަން އިތުރުވެއެވެ. ކޮށްފައިވަނީ ލުއިމޭކަޕްއެކެވެ. ލިމްޝާ ފެންނަ ކޮންމެ މީހަކުވެސް އެ ރީތިކަމަށް ތައިރީފު ކޮށްނުލައި ނުދެއެވެ. ”ދައްތާ… އަޅުގަނޑަށް ހީވޭ މިރޭ ދައްތަ ގެއްލޭނެހެން އަދި…” ނިފްޝާ ސަމާސާ ރާގަކަށް ބުނެލިއެވެ. ” ކީއްވެ ގެއްލެން ވީ…” ލިމްޝާއަށް އެ ބުނި އެއްޗެއް ނޭނގިގެން އަހައިލިއެވެ. ” ރީތިކަމުންނެއްނު… މާޝާﷲ… މިރޭ ދައްތަ ވަރަށް ރީތި..” ނިފްޝާ ބުނެލިއެވެ. ” އެހެން ދޯ… ނޭނގޭނުން… އެންމެ ދުރު ދުރުން ވިޔަ ވާހަކަ ފަށަނީ… އެނީވޭ ތެންކްސް ނިފޫ…” ލިމްޝާ އުފާވެލައިފައި ބުނެލިއެވެ. އިރުކޮޅަކުން މަންމަ އައިސް ގާޒީން އައިއްސިއޭ ބުނުމުން ދެން އަވަސްވެގަނީ ކައިވެނި ކުރާ ތަނަށްދިޔުމަށެވެ. މެރޫން ކުލައިގެ ފަޓުލޫނަކާއި ހުދު ކުލައިގެ ގަމީހެއްގެ މަތިން މެރޫން ކުލައިގެ ކޯޓެއް ލައިގެން ހުރި ސުހެއިލުގެ ރީތި ކަން އިންތިހާއެވެ. އަދި އިސްތަށިގަނޑު ސުޓައިލް ކޮށްލައިފައިވާ ގޮތުން އެ ފިރިހެން ވަންތަ ކަން އިތުރު ކޮށްދެއެވެ. ލިމްޝާ ފެނުމުން ސުހެއިލުއަށް އެހެން ތަނެއް ބަލައިލާންވެސް ނޭނގުނެވެ. ހީވާގޮތުން ސުހެއިލު އެހުރީ ލިމްޝާ ނުފެނިގެން ކެތްމަދު ވެފައިއެވެ. ލިމްޝާއަށްވެސް ސުހެއިލު ފެނުމުން ވީ އެވަރެވެ. ގަބުވެފައި ހުރެވުނީއެވެ. ދެމީހުން ގޮސް މޭޒު ދޮށުގައި އިށީންނުމުން ކައިވެނި ފެށިގެން ދިޔައެވެ. ”އަނބި ގަބޫލުކޮށްފިން..” ސުހެއިލުގެ ދުލުން އެ ބަސް ނިކުތުމާއިއެކު ލިމްޝާއަށް ބަޔާންކުރަން ދަތި އިހުސާސްތަކެއް ކުރެވުނެވެ. ދެމަފިރިންވެސް ތިބެން ޖެހިފައިވާ ތަނަށް ގޮސް ކުޑަ އިރުކޮޅެއް ނުވަނީހެން މީހުން އަންނަން ފަށައިފިއެވެ. ޕާޓީއަކީ ކުޑަ ޕާޓީއެއް ކަމުން ހަމައެކަނި އަންނަނީ އަވައްޓެރިންނާއި އާއިލާމީހުންނާއި ތިމާގެ މީހުންނާއި ރައްޓެހިންނެވެ. އާއިލާ އެންމެން ވެސް ތިބީ މެރޫން ކުލައިގެ ހެދުމާއިއެކު ފިޔާތޮށި ކުލައިގެ ޝޯލް އަޅައިގެންނެވެ. މެރޫން ކުލައިގެ ބަޓަފުލައި އަބާޔާއަކާއިއެކު ފިޔާތޮށި ކުލައިގެ ޝޯލް އެއް ބޮޑުކޮށް އަޅައިގެން ހުރި ނިފްޝާ އެހެން ދުވަސް ދުވަހާއި ތަފާތެވެ. ކަޅުހެދުން ލާ ކުއްޖަކު ކުލަ ހެދުން ލީމަ ކަމަށްވެސް ވެދާނެއެވެ. ނަމަވެސް އެ ރީތިކަން ވީ ދެގުނައެވެ. ހެދުމުގެ މޭމަތީގައި ހަރުކުރެވިފައިވާ ފިޔާތޮށިކުލައިގެ މާގަނޑުގެ ސަބަބުން ނިފްޝާއާއި އެހެދުން ވަރަށް ގުޅެއެވެ. އެންމެންވެސް ތިބީ އެއްގޮތަކަށެވެ. ނަމަވެސް ނިފްޝާއަކީ ބަޓަފުލައި އަބާޔާ ލާ ކުއްޖެއްކަމުން ހަމައެކަނި ތަފާތީ ނިފްޝާގެ ހެދުމެވެ. ފޮޓޯ ނެގުމަށްޓަކައި އާއިލާއެންމެން ގޮސް ލިމްޝާމެން ގާތު ހުއްޓުނެވެ. ނަމަވެސް ނިފްޝާއަށް ނޭނގުނު ކަމަކީ މިރޭވެސް އޭނާއަށް މީހުންތަކެއް ޕާޓީ ތެރޭގައި ފާރަލަމުން ދިޔަކަމެވެ. ”ދަރިފުޅުމެން ދެން ދޭ ކާން… މިހާރު މީހުންވެސް މަދެއްނު…” އިނާޝާ އެހެން ބުނުމުން ލިމްޝާ ނޫނީ އިނާޝާގެ ހުރިހާ ދަރިން ކާން ދިޔައެވެ. ބަނޑުހައިވެފައި ހުރިލެއް ބޮޑު ކަމުން ކަމަށްވެސް ވެދާނެއެވެ. ތަށްޓަށް ކާ އެއްޗެހި އަޅަން ހުރި ނިފްޝާއަށް ތަންކޮޅެއް ދުރުގައި ހުރި ހަނާން ފެނުނެވެ. ލަސް ފިޔަވަޅުތަކެއްގައި ގޮސް ހަނާން ގާތު ނިފްޝާ ހުއްޓުނެވެ. ”ނިފޫ… ހާދަ ރީއްޗޭ މިރޭ… ކިރިޔާ ވަކި ކުރަން ވެސް އިނގުނީ..” ކައިރިއަށް އައިސް ހުއްޓުނު ނިފްޝާ ފެނުމުން ހަނާން ބުނެލިއެވެ. ”ހަނާ ވެސް ވަރަށް ރީތި މިރޭ… މާޝާﷲ…. ކީއްވެފަ މިތާ އެކަނި ތި ހުންނަނި؟؟” ނިފްޝާ ހަނާން އަށް ތައުރީފު ކޮށްލަމުން އަހައިލިއެވެ. ”މިހުރީ ޝާނާ ނައިސްގެން… ފާހަނާއަށޭ ކިޔައިފަ ދިޔައީ… އަދިވެސް ނާދެ.. މިހާރު ތިރީސް މިނެޓް ވަރަކަށް ވެދާނެ…” ހަނާން ބުނެލިއެވެ. ”ހިނގާ ދާން ހޯދަން ދާން.. ކޮންމެވެސް ކަމެއް ވީމަ އެއްނު ލަސް ވަނީ އެ…” ނިފްޝާ އެހެން ބުނެފައި ހިނގައިގަނެވެ. ހަނާންވެސް ނިފްޝާގެ ފަހަތުން ކަހަލަ ގޮތަކަށް ހިނގައިގަނެވެ. ފަހުން ފަހުން އައިސް ނިފަޝާއަށް ނޭނގުނު ކަމަކީ އޭނާގެ ފަހަތުން ހަނާން ނާންނަކަމެވެ. ނިފްޝާ ހުރީ ހާސްވެ ކަންބޮޑުވެފައިއެވެ. އެއީ އޭނާގެ ރަހުމަތްތެރިޔާއަށް ކަމެއްވެދާނެތީއެވެ. ނަމަވެސް ނިފްޝާއަށް ނޭނގުނުކަމަކީ އޭނާގެ އެ ދެ ރައްޓެހިން އޭނާއަށް ހެޔޮ ނޭދޭ ކަމެވެ. ”އާހް……….” ނިފްޝާއަށް ހަޅޭލަވައިގަނެވުނީ އޭނާގެ ނޭފަތާއިކައިރީ މީހަކު އައިސް ފޮތަގަނޑެއް އެޅުމުންނެވެ. އެމީހާގެ ކައިރިން ސަލާމަތްވެވޭތޯ ނިފްޝާ ވަރަށް މަސައްކަތް ކުރިއެވެ. ނަމަވެސް އެ ބާރުގަދަ ދެ އަތުން ނިފްޝާއަށް ސަލާމަތް ވެވޭނީ ކިހިނަކުން ހެއްޔެވެ؟ ހުރިހާ ފަހަރަކު ވެސް ވަނީ ނާކާމިޔާބެވެ. ނިފްޝާއަށް އެމީހެއްގެ މޫނު ފެންނަ ގޮތެއް ނުވެއެވެ. ސަބަބަކީ އެމީހާގެ މޫނުގައި އަޅައިފައިވާ މާސްކުންނެވެ. ނިފްޝާ އެމީހެއްގެ އަތް މައްޗަށް ހަބަރު ހުސްވީ އެތައް އިރަކު ތެޅި ތެޅި އޮއްވައެވެ. އޭގެ ތަންކޮޅެއް ފަހަތުގައި ދެ އަންހެން ކުދިން ހެވިފައި ތިއްބެވެ. ހީވާގޮތުން އެދެ ކުދިންނަކީވެސް އެކަމުގެ ތެރޭގައި އުޅޭ ކުދިންނެވެ. ”ނިފޫ…. ނިފޫ….. ނިފޫ…..” ނިޔާޝް ވެފައިހުރި ހާސް ކަމާއިއެކީ އޭނާ ހޯދަމުން އެދަނީ އޭނާގެ ކޮއްކޮ ނިފްޝާއެވެ. މިހާރު ނިފްޝާ ހޯދައިތާ އެއް ގަޑިއިރު ވަނީއެވެ. ނަމަވެސް ނިފްޝާފެންނަ ގޮތެއް ނުވިއެވެ. ނިފްޝާގެ ރައްޓެހި ހުރިހާ ގެއެއް މިހާރު ބަލައިފިއެވެ. ”ނިޔާޝް! ދެން ހިނގާ ފުލުނުންނަށް އަންގަން… މިހާރު ހޯދައިތާ ކޮޮންއިރެއް… ނުބަލާކަށް ތަނެއް ނެތް… މި ކުޑަ ކުޑަ ރަށުގަ ކިހިނެއް ކުއްޖަކު އެހައި ފަސޭހައިން ގެއްލޭނީ… މިތާ ތިބި އެންމެން ކައިރީ އެހީމަވެސް އެބުނީ ނުފެނޭ..” އިނާޝާ ރޮވިފައި ހުރިހާ ވާހަކައެއް ކިޔަމުން ދިޔައެވެ. އަމިއްލަ ބަނޑުން ވިހޭ ދަރިއެއް ގެއްލުމުން އަސަރުނުކުރާނީ ކޮން ހިތަކަށް ހެއްޔެވެ؟ އާއިލާ އެންމެން ވެސް ހޯދަމުން އެދަނީ ނިފްޝާފެނޭތޯއެވެ. ނިފްޝާގެ ބައްޕަ ސުޖާއުއަށް އެހަބަރު ލިބުމުން ވީ ގޮތް ބުނަން ވެސް ނޭނގެއެވެ. މިހާރު ސުޖާއު އެއުޅެނީ ރަށަށް އައުމުގެ މަގުމަތީގައިއެވެ. ނިފްޝާއަށް ހޭވެރިކަން ވީ އިރު އޭނާ އޮތްތަނުން ދިޔައީ ސިއްސައިގެންނެވެ. ޓިނުން ހަދައިފައިވާ ކުޑަ ކުޑަ ތަންކޮޅަކުއެވެ. ކަނު އަނދިރި ތަނެކެވެ. އެއްވެސް ދިރޭ މަޙްލޫގެއްގެ ހިލަމެއްނުވެއެވެ. ނަމަވެސް އޭގެ ކުޑަ އިރު ކޮޅެއްފަހުން ދެ މީހަކު ވާހަކަ ދައްކާ އަޑު އިވުނެވެ. ނިފްޝާ އަވަހަށް އެތަނުން ތެދުވަން އުޅުނީ ގަނެފައިވާ ބިރެއްގެ ސަބަބުންނެވެ. ނަމަވެސް ނިފްޝާއަށް ތެދުވެވޭ ގޮތެއްނުވިއެވެ. މުޅިގައިގާ ރިއްސާތީއެވެ.އަދި ހަތަރެސް ފައި ބަނެފައިވާތީއެވެ. އިރުކޮޅަކުން އެތަނުގެ ދޮރު ހުޅުވައިފައި ވަނީ އިސްކޮޅު ދިގު ހިކި ޒުވާނެކެވެ. އަނދިރިވުމުގެ ސަބަބުން ނިފްޝާއަށް އެމީހެއްގެ މޫނު ސާފެއްނުވިއެވެ. އެމީހާގެ ފަހަތުން ދެ އަންހެން ކުދިން ވަދެގެންއައެވެ. ނަމަވެސް އެއީ ކޮން ބައެއް ކަމެއް ނިފްޝާއަކަށް އެއް ގޮތަކަށްވެސް ނޭނގުނެވެ. އެ ފިރިހެން މީހާ ވާހަކަ ދައްކަން ފެށުމުން ނިފްޝާއަށް އެއީ ކާކުކަން ރަނގަޅަށް އެނގުނެވެ. ނަމަވެސް ފަހަތުގައި ހުރި އަންހެންކުދިންގެ ގޮތެއް ނޭނގުނެވެ. ނިފްޝާ އިނީ ބިރުން ތުރުތުރު އަޅައިއެވެ. އޭގެ ދެވަނަ ސިކުންތުގައި އެމީހާ ނިފްޝާގެ ގާތަށް އައީ މިނިކާވަގެއް ފަދައިންނެވެ. (ނުނިމޭ)
ނިފްޝާއަށް ހޭވެރިކަން ވީ އިރު އޭނާ އޮތްތަނުން ދިޔައީ ސިއްސައިގެންނެވެ. ޓިނުން ހަދައިފައިވާ ކުޑަ ކުޑަ ތަންކޮޅަކުއެވެ. ކަނު އަނދިރި ތަނެކެވެ. އެއްވެސް ދިރޭ މަޙްލޫގެއްގެ ހިލަމެއްނުވެއެވެ. ނަމަވެސް އޭގެ ކުޑަ އިރު ކޮޅެއްފަހުން ދެ މީހަކު ވާހަކަ ދައްކާ އަޑު އިވުނެވެ. ނިފްޝާ އަވަހަށް އެތަނުން ތެދުވަން އުޅުނީ ގަނެފައިވާ ބިރެއްގެ ސަބަބުންނެވެ. ނަމަވެސް ނިފްޝާއަށް ތެދުވެވޭ ގޮތެއްނުވިއެވެ. މުޅިގައިގާ ރިއްސާތީއެވެ.އަދި ހަތަރެސް ފައި ބަނެފައިވާތީއެވެ. އިރުކޮޅަކުން އެތަނުގެ ދޮރު ހުޅުވައިފައި ވަނީ އިސްކޮޅު ދިގު ހިކި ޒުވާނެކެވެ. އަނދިރިވުމުގެ ސަބަބުން ނިފްޝާއަށް އެމީހެއްގެ މޫނު ސާފެއްނުވިއެވެ. އެމީހާގެ ފަހަތުން ދެ އަންހެން ކުދިން ވަދެގެންއައެވެ. ނަމަވެސް އެއީ ކޮން ބައެއް ކަމެއް ނިފްޝާއަކަށް އެއް ގޮތަކަށްވެސް ނޭނގުނެވެ. އެ ފިރިހެން މީހާ ވާހަކަ ދައްކަން ފެށުމުން ނިފްޝާއަށް އެއީ ކާކުކަން ރަނގަޅަށް އެނގުނެވެ. ނަމަވެސް ފަހަތުގައި ހުރި އަންހެންކުދިންގެ ގޮތެއް ނޭނގުނެވެ. ނިފްޝާ އިނީ ބިރުން ތުރުތުރު އަޅައިއެވެ. އޭގެ ދެވަނަ ސިކުންތުގައި އެމީހާ ނިފްޝާގެ ގާތަށް އައީ މިނިކާވަގެއް ފަދައިންނެވެ. ނިފްޝާ ހޯދުމުގެ މަސައްކަތް އަދިވެސް ދަނީ ކުރިއަށެވެ. ފުލުހުންނަށް ވެސް މިހާރު އަންގާފިއެވެ. ނަމަވެސް ފެންނަ ގޮތެއް އަދިވެސް ނުވެއެވެ. އިނާޝާގެ ރުއިމަކަށް އެއްވެސް ބަދަލެއްނާދެއެވެ. ސުޖާއުވެސް އަދި ނިޔާޝްވެސް މިހާރު އިނާޝާއަށް ނަސޭހަތްދީފިއެވެ. ލިމްޝާމެން ވެސް ހުރީ ދެރަވެ ކަން ބޮޑުވެފައިއެވެ. އެއުފާވެރި ރޭ ހިތާމަވެރި ރެއަކަށް ބަދަލުވެދާނެ ކަމެއް އިނގޭނީ ފަހެ ކާކަށް ހެއްޔެވެ؟ ދުނިޔޭގައި އުޅޭއިރު ހީނުކުރާ ކަހަލަ ކަންތައްތައްވެސް ވާނެއެވެ. އެކި ކަހަލަ އިމްތިހާނުތަކާއި ކުރިމަތިވާނެއެވެ. އެ އިމްތިހާނުތަކުން ފާސް ވުމަށް ކޮންމެ އިންސާނަކުވެސް ގަދައަޅާ މަސައްކަތް ކުރަންޖެއެވެ. ”އަ…އާދޭސްކޮށްފަ… އަހަރެންނަށް ތިހެން ނުހަދާ….. އަހަރެންގެ ކޮން ކުށެއް އޮތީމަތަ ތިހެން ތި ހަދަނީ….”ނިފްޝާ އާދެހާއިއެކު ދައްކަމުން ދިޔަ ވާހަކަތަކަށް ބީރު ކަންފަތެއްދީފައި އެ ގޮތެއް ނެތް މީހާ އެ ކުރާކަމެއް ހުއްޓާ ނުލައި ކުރަމުން ދިޔައެވެ. އިންސާނިއްޔަތުގެ ކަން ފުޅެއްވެސް ނެތެވެ. އެއީވެސް ހަމަ ނިފްޝާ ކަހަލަ އިންސާނެއްވިއްޔާއެވެ. ނިފްޝާ އެވަރަށް ރޮއިފައި އާދޭސް ކުރަމުން ދިޔަ އިރުވެސް އެ ހިލައެއް ކަހަލަ ހަރު ހިތައް އެކައްޗެކޭވެސް ނާރައެވެ. ހާދަ ރަހުމުކުޑައެވެ. އެ ގޮތެއް ނެތް މީހާ އެ ކުރިކަމެއް ކޮށް ނިންމައިފައި އަނެއްކާވެސް ނިފްޝާގެ ހޭވެރިކަން ދުއްވާލިއެވެ. ދެން އެމީހާ ހިނގައިގަނީ އެޓިނުން ހަދައިފައިވާ ތަންކޮޅުގެ އެނެއް ފަރާތަށެވެ. އެއީ އޭނާއާއެކު އައި ދެ އަންހެން ކުދިންވީ އެތާކަމަށްވާތީއެވެ. ”ކޮބާ މިހާރު؟” އެ މީހާ ފެނުމުން އެތާ ހުރި އަންހެން ކުއްޖެއް ނުލަފައި ގޮތަކަށް ބުނެލިއެވެ. ”ވެއްޖެ އެތާ…. ހޭނައްތާލާފަ އޮންނާނީ….” އެމީހާ ބުނެލިއެވެ. ”ހަހަހަހަހ….. އޭނާއަށް ހަދަން ޖެހޭނީ އެހެން…. އަދި މާ މޮޅުމީހަކަށް ވެގެން އައިޒަންގެ ފަހަތުން ދުވެއޭ… ލަދެއް ހަޔާތެއްވެސް ނެތް އޭނާގެ ގަޔަކު…” ހަމަ އެއަންހެން ކުއްޖާ ނިފްޝާއާ ދިމާއަށް ކުދި ކިޔަމުން ދިޔައެވެ. ”އެމީހުން މިހާރު ފުލުހުންނަށް އަންގައިފި.. މިކަން ފަޅާނާރާ ގޮތަށް އުޅެން ޖެހޭނީ.. ވަރަށް ބަލައިގެން… ދެންމެ ވެސް މިމަގުން ދިޔަ ޕޮލިސް ޖިޕު….” ދެން ހުރި އަންހެން ކުއްޖާ ވަރަށް ހާސްވެފައި ބުނެލިއެވެ. ހީވާގޮތުން އެކުއްޖާ އެހުރީ ވަރަށް ބިރުގަނެފައެވެ. ”ކަމް އޯން… މިކަމެއް ނޭނގޭނެ އަހަރެމެން ތިން މީހުން ފިޔަވައި އެކަކަށްވެސް… އެނެއްކޮޅުން ނިފްޝާއެއޮތީ އޮތް ހާލު… އޭނާއަކަށް ނުބުނެވޭނެ މީހެއް ކައިރިއަކު އެއްޗެކޭ… އަހަރެން މިކަން ހުއްޓާނީ ނިފްޝާގެ ވަސް ވެސް މުޅި ދުނިޔެއިން ފޮހެލައިފަ… އޭނާގެ ސަބަބުން އަހަރެންނަށް އެންމެން މަލާމާތް ކުރީ… އެކަމުގެ ބަދަލު އަހަރެން ދޭނަން….” އެމީހާގެ ވާހަކަކޮޅު ނިންމާލަމުން އެންމެ ފަހު ޖުމުލަ ބުނެލީ ދަތްތައް ފިއްތާލައިފައިއެވެ. އިންސާނަކަށް އެހެން ހަދަން ކެރޭނީ ހާދަ ހިތަވަރެއް ހުރުމުންނެވެ. އެއްވެސް ކުށެއް ނެތް އިންސާނެއްގެ އިއްފަތްތެރިކަން ވެއްޔާ މޮޑެލީ އެ އިންސާނުންގެ ސިފައިގައި ތިބި ޖަނަވާރުންނެވެ. ”އައިޒަން…އައިޒަން.. ވަރަށް ބޮޑު ވާހަކައެއް ބުނަން މިއައީ…” ސިމާލު ނިދައިފައި އޮތް އައިޒަންއަށް ގޮވަމުން ބުނެލިއެވެ. އޭނާ އަދިވެސް ތެދުވާ ހިޔާލެއް ނުކުރެވެ. ރޭގައި ނުނިދައި އުޅުމުގެ ސަބަބުން އޭނާގެ ލޮލަށް ނިދި އަންނަނީ ތިޔަހެންނެއް ނޫނެވެ. ”އައިޒަން… ނިފްޝާ ގެއްލިގެން ހޯދައިބަ…” ސިމާލު ދެން ބުނި ވާހަކައިން އޭގެ ދެވަނަ ސިކުންތުގައި އައިޒަން ހުރީ ކޮޅަށެވެ. މިހާރު އެ މޫނު މަތިން ނީދީގެ އަސަރު ފެންނާކަށް ނެތެވެ. ކުޑަ ހިނދުކޮޅެއް ތެރޭގައި އެމޫނުމަތިން ފެންނަން ހުރީ ހާސް ކަމާއި ހިތާމަވެރިކަމެވެ. ” ކޮން އިރަކު ގެއްލުނީ؟؟” އައިޒަންގެ އަޑުނެވެސް އޭނާއަށް ކޮށްފައިވާ އަސަރު ފާޅުވާން ހުއްޓެވެ. ”ރޭގަ ޕާޓިގައި.. މީހުން އެވާހަކަ އެކި ގޮތް ގޮތައް ކިޔާއެބަ… ބައެއް މީހުން ކިޔާއެބަ ނިފްޝާ ރޭގަ ޕާޓީ ތެރެއިން ހަނާން އާއިއެކީ ހުރިތަން ފެނުނޭ… ނޭނގެ ދެން ކިހިނެއް ކަމެއް ވީ…” ސިމާލުވެސް އޭނާއަށް އިނގޭ އެއްޗެއް އައިޒަންއަށް ކިޔައިދެމުން ދިޔައެވެ. ”ނޫން ނުވާނެ އެހެންނެއް…. ނިޝްއެއް ނުގެއްލޭނެ…..” އައިޒަން ނިޝް އޭ ބުނެލި ގޮތުން ސިމާލު ގެ ހީ ޔަގީނަކަށްވިއެވެ. ”އައިޒަން ނިފްޝާދެކެ ލައިކް ވޭދޯ؟” ސިމާލު އެކަން ބޮޑަށް ޔަގީން ކުރަން އަނެއްކާވެސް ސުވާލެއްކުރިއެވެ. ” އާން ވަރަށް ވަރަށް ބޮޑަށް.. އަހަރެންނަށް ނިފްޝާ ފެނުނު ފުރަތަމަ ދުވަހުވެސް އަހަރެންގެ ހިތުގައި އެ ސޫރަ ކުރެހުނު.. އޭނާގެ ކޮންމެ ހަރަކާތެއް އަހަރެންނަށް ޝައުގުވެރިކަމާއިއެކު ބެލޭ… އަހަރެން ނިޝް ހޯދާނަން…” އައިޒަން ބޭއިޙްތިޔާރުގައި އޭނާގެ ހިތުގެ ހާލަތު ސިމާލުއަށް ކިޔާދެވުނެވެ. އޭނާއަށް ކޮށްފައިވާ އަސަރަކުންވެސް ވެދަނެއެވެ. ”އަހަރެމެން ކާރީ ނުވެސް ބުނެލަ… ކުރިން ބުނިނަމަ ތިކަން ކޮށްދިނީމުސް…. މަށަށް ކުރިން ވެސް ހީވިއޭ އައިޒަން ނިފްޝާދެކެ ލައިކް ވާހެން…” ހައިޝަމް ލާނެއް ގޮތަކަށް އެހެން ބުނެލިއިރު ސިމާލުއާއި އައިޒަން ފަހަތަށް އެބުރިލީ ސިއްސައިގެން ގޮހެވެ. ދެމީހުން ވާހަކައިގައި ތިބިއިރު އެތަނަށް ހައިޝަމް އާއި ކަން ވެސް ނޭނގުނީއެވެ. ދެން މިޖެހުނީ ކަންތަކާއޭ އައިޒަންގެ ހިތަށްއެރިއެވެ. ” ދެންވެސް ހިނގާބަލަ ނިޝް ހޯދަން ދާން…” އައިޒަން އަވަހަށް ނިފްޝާ ހޯދަން ދާން ބުނެލިއެވެ. މީހަކު ލޯބި ވާމީހަކަށް ކަމެއްވާތަން ދެކެން ބަލަން ހުންނާނީ ފަހެ ކާކު ހެއްޔެވެ؟ ނިފްޝާއަށް ކަމެއް ނުވުމަށް އެދި އައިޒަން ދިޔައީ ހިތާހިތުން މާތްﷲއަށް ދުޢާ ކުރަމުންނެވެ. ނިފްޝާއަށް ހޭވެރިކަން ވީއިރު އޭނާ ލައިގެން ހުރި ހެދުމެއް ގަޔަކުނެތެވެ. މާދުރަށް އޮތީ ހެދުން އެއްލައިލާފައިއެވެ. ނިފްޝާގެ ދިގު ފަން އިސްތަށިގަނޑުވެސް އޮތީ ރޫޅައިލާފައިއެވެ. ގެންފައިވާ ބިރާއެކުން ތުރުތުރު އަޅަމުން ދިޔަ އަތުން ނިފްޝާބެލީ އޭނާގެ ހެދުން އަތުގައި ޖެހޭތޯއެވެ. ނަމަވެސް ހެދުން އޮތްލެއް ދުރުކަމުން އަތުގައި ޖެހޭ ގޮތެއް ނުވިއެވެ. ނިފްޝާގެ މައިންބަފައިންގެ މަތިން ހަނދާން ވުމުން އަޑުން އަޑުނަގައި ރޯން ފެށުނެވެ. އަދި ހިތާހިތުން މާތްﷲއަށް ދުއާދެންނެވީ އެނާ މިކަމުން ސަލާމަތްކުރެއްވުމަށް އެދިއެވެ. މާތްﷲއަށް އޭނާ ދުވަހަކުވެސް ހިތްވަރު އެލުވައެއް ނުލާނެއެވެ. އަބަދުވެސް މާތްﷲއަށް ދުޢާ ދެންނެވުން މަތީ ހުންނާނެއެވެ. އެކަލާނގެއީ އެންމެހައި މީސްތަކުންނަށް ހެޔޮގޮތް މެދުވެރި ކުރައްވާ އިލާހެވެ. ދެރަގޮތެއް މެދުވެރިވެއްޖެ ނަމަ އެކަމުންވެސް ސަލާމަތް ކޮށްދެނީ ހަމަ އެއިލާހެވެ. ނިފްޝާއަބަދުވެސް އެކަން ގަބޫލުކުރެއެވެ. ”މިހާރު އޮންނާނީ ހޭ އަރައިފަ ކަންނޭގެ… އަންނާނަން..” ނިފްޝާއަށް މީހަކު ވާހަކަ ދެއްކީ އަޑު އިވުނެވެ. އަދި އެމީހާ އެބުނި އެއްޗެއް އިނގުމުން އެނާ އަވަހަށް ބެލީ ކުރިން އޮތްގޮތަށް އޮންނާށެވެ. ނަމަވެސް އޭގެ ދެވަނަ ސިކުންތުގައި ހަދާންވީ އޭނާގެ ގައިގައި ހެދުމެއްވެސް ނެތްކަމެވެ. އެހެންނަމަވެސް އެކަން ހަނދާން ނައްތާލުމަށްފަހު އެމީހާވަނުމުގެ ކުރިން އޮއްތީ އެނާ ހޭލާ އޮވެއްޖެނަމަ އޭނާގެ ވަކިތަކުން ސަލާމަތް ނުވާނެކަން އިނގުމުންނެވެ. އެމީހާ އައިސް ނިފްޝާގެ މޫނުގައި ފިރުމަންފެށިއެވެ. ނަމަވެސް ނިފްޝާ ގުޑިވެސް ނުލައި އޮތީ ހާދަ ހިތްވަރެއް ކޮށްލާފައިއެވެ. އިރުކޮޅަކުން އެތަނަށް ވަތް ދެ އަންހެން ކުދިންނަށް އިޝާރާއްކޮށްލަމުން އެމިހާ ބުނެލީ އަދިވެސް ހޭ ނާރާކަމެވެ. އެމީހާއަށް ނޭނގުނު ކަމަކީ ނިފްޝާއޮތީ ހޭ އަރައިފައިކަމެވެ. އަދި އެމީހުންނަށް ނޭނގޭނެހެން ނިފްޝާ ލޯހަނި ކޮށްލައިފައި ބަލައިލިއެވެ. ނިފްޝާއަށް ސިހުން ގެނުވީ ކުރިމަތީގައި ހުރި ތިން މީހުންފެނިފައެވެ. އެމީހުން ކުރިން މޫނުމަތީގައި އަޅާފައި ހުންނަ މާސްކު ނާޅާ ހުރުމުން ނިފްޝާއަށް އެމީހުން ފެންނަ ގޮތްވީއެވެ. އޭނާގެ ކުރިމަތީގައި އެހުރީ އިހްސާން ނޫން ދެވަނަ މީހެއްނޫނެވެ. އަދި އޭނާގެ ފަހަތުގައި އެހުރީ ނިފްޝާގެ އެންމެ ގާތް ދެ ރަހްމަތްތެރިން ކަމުގައިވާ ހަނާން އާއި ޝާނާއެވެ. ނިފްޝާގެ ދެ ރަހްމަތްތެރިން ފެނުމުން އޮތްތަނުން ތެދުވެވުނީ ވީ އުފަލެއްގެ ބޮޑުކަމުންނެވެ. ”ހަނާ… ޝާނާ… އަހަރެން ސަލާމަތްކޮށްދީ މިތަނުން… އާދެސްކޮށްފައި…” ނިފްޝާގެ އަޑަށް އެތާތިބި ތިން މީހުންވެސް ބަލައިލިއެވެ. ހަނާން އާއި ޝާނާ ފަހަތަށް އެބުރިލިގޮތުން އެ މީހުންވެސް އެތިބީ އިހްސާންއާއި އެކީކަން ނިފްޝާއަށް ވިސްނުނެވެ. އެންމެ ގާތް ދެ ރަހްމަތްތެރިން އެހެން ހަދާފާނެއެކޭ ވެސް ނިފްޝާގެ ހިތަށް ކުޑަކޮށްވެސް ނާރައެވެ. ނިފްޝާ ސަލާމަތްވާނެކަމަށް ދިއްލުނު ހުޅުކޮޅު ވެސް ނިވުނީއެވެ. ވިސްނުމެއްގައި އިން ނިފްޝާއަށް ހޭވެރިކަން ވީ ދޮރެއް ލެއްޕުނު އަޑަށެވެ. ނިފްޝާ މުޅިތަން ބަަލައިލިއިރު އޭނާއާއި އިހްސާން ނޫން އިތުރު މީހަކު އެތާކުނެތެވެ. ”އަހަރެންނަށް ފެން ފޮދެއް ދީބަލަ…” ނިފްޝާ ތުރުތުރު އަޅަމުން ބުނެލި ޖުމްލައާއިއެކު އިހްސާން އެތަނުން ދާން ހިނގައިގަނެވެ. ނިފްޝާ ކަރު ހިތްކާ ގަނެފައިވާ މިންވަރު ވަޒަން ކޮށްލެވުނީ ކަމަށްވެސް ވެދާނެއެވެ. އޭގެ މިނެޓެއް ފަހުން އިހްސާން އައީ ތަށީގެ ކިރިޔާ ފޫ ފޮރުވޭ ވަރަށް ތަށްޓަކަށް ފެން އަޅައިގެންނެވެ. ނިފްޝާއަށް އެ ދިނުމުން އެއްވެސް ޝާކުވާއަކައި ނުލާ އެ ބޯލިއެވެ. އޭނާއަށް ލިބުނު ކުޑަ ފެން ފޮދާާ މެދުވެސް މާތްﷲ އަށް ހަމްދުކުރިއެވެ. ދެން އިހްސާން އައިސް ނިފްޝާގެ ގައި މައްޗަށް ފުންމާލީ މޮޔަވެފައިވާ މީހަކު ފަދައިންނެވެ. އައިޒަން މުޅި ރަށް އެ ހޯދަނީ ނިފްޝާފެނޭތޯއެވެ. ނުބަލައި ތަނެއްނެތެވެ. ނަމަވެސް އޭނާ ނިފްޝާ ހޯދައިފައި ނޫނީ ހުއްޓައެއް ނުލާނެއެވެ. ފުލުހުންވެސް އަދިވެސް ދަނީ ނިފްޝާ ހޯދަމުންނެވެ. ނިފްޝާ ގެއްލިގެން އުޅޭތާ މިހާރު ހަފްތާއެއް ވަނީއެވެ. ނިފްޝާ ހޯދަން ކުރާ މަސައްކަތަށް ކުރިއެރުމެއް ނުލިބެއެވެ. ކައިރި ރަށް ރަށް ވެސް ބަލައިފިއެވެ. ނިފްޝާ ފެންނަ ގޮތެއް ނުވެއެވެ. ނިފްޝާ ގެއްލުނުތާ ހަފްތާއެއް ވީ އުރުވެސް އިނާޝާގެ އަނގައަށް ކާ އެއްޗެއް ނުލައެވެ. އެތައް ފަހަަރަކު މިހާރުއެކި މީހުންވެސް ނަސޭހަތްދީފިއެވެ. ނަމަވެސް ކާކަށް ނޫޅެއެވެ. އަބަދު ހުންނަނީ ގަބު އަރައިފައެވެ. ލިމްޝާވެސް މަންމަ އަށް ކާންދޭން ކުރާ މަސައްކަތްވަނީ ނާކާމިޔާބެވެ. ލިމްޝާގެ ފިރިމީހާ ސުހެއިލުގެ އާއިލާގެ މިހުންވެސް އެތައްފަހަރަކު އިނާޝާއަށް ނަސޭހަތް ދީފިއެވެ. އިނާޝާއަށް ކަހައިރުވަކު ދަނބެކޭވެސް ހީނުވެއެވެ. ނިފްޝާއަށް ވަނީ މިހާރު ނަފްސާނީ ގޮތުންވެސް އަސަރު ކޮށްފައިއެވެ. އަދި ފިރިހެނުންދެކެ އޭނާ އިންތިހާއަށް ފޫހިވެއެވެ. ރުޅިވެސް އާދެއެވެ. ބިރުވެސް ގަނެއެވެ. ނަމަވެސް އެނާ ކުރާނީ ކީއްހެއްޔެވެ؟ އެ އޮތްތަނުން ތެދުވެވެނީކީ ނޫނެވެ. ހަތަރެސްފައި ވަނީ ބަނދެފައެވެ. މުޅި ހަށިގަނޑުވަނީ އަނަރޫފަވެފައިއެވެ. އެތާ އޮވެގެން ނިފްޝާއަށް މިހާރު މާތްﷲ އަށް ދުޢާ ކުރެވުނު އަދަދެއްވެސް ނޭނގެއެވެ. އިހްސާން އޭނާއަށް މިހެން އެހަދަނީ ކީއްވެބާއޭ ނިފްޝާގެ ހިތަށް އެތަށް ފަހަރަކު އަރައެވެ. (ނުނިމޭ)
ހިނގާލައިގެން އައިސް ނިފްޝާ ކޮޓަރިއަށްވަނެ އިރުކޮޅެއްނުވަނީހެން އަނެއްކާވެސް އެ ނަމްބަރުން ގުޅަން ފެށިއެވެ. ނިފްޝާ ފޯނު ނަގައި ހިޔާލެއް ނުކުރެއެވެ. ނަަމަވެސް އެ ގުޅާ މީހަކަު އެކަން ހުއްޓާކަށް ވެސް ނޫޅެއެވެ. އެންމެ ފަހުން ދެ ހިޔާލެއްގަ މަތީގައި ހުރެނިފްޝާ ފޯނު ނެގިއެވެ. އެ ގުޅަނީ ހަނާން ކަމަށް ވެސް ވެދާނެތީއެވެ. ފޯނު ނަގައިފައި ނިފްޝާ ވާހަކަ ނުދައްކާ ހުރީ އެކޮޅުން ޖަވާބެއް ލިބެންދެންނެވެ. ފަަނަރަ ވަރަކަށް ސިކުންތު ފަހުން އެކޮޅުން އިވުނު އަޑުގެ ސަބަބުން ނިފްޝާ ދިޔައީ ސިއްސައިގެންނެވެ. ”ހަލޯ.. ކީއްވެ ވާހަކަ ނުދައްކަ ތި ހުރީ؟ ވާހަކަ ދައްކަބަލަ… ހަލޯ….” އެކޮޅުން ވާހަކަ ދެއްކި މީހާ ވަރަށް މަޑުމައިތިރި ކަމާއިއެކު ވާހަކަ ދެއްކިއެވެ. ނަމަވެސް ނިފްޝާ ވާހަކަ ނުދައްކާ ފޯނު ކަނޑާލިއެވެ. ނިފްޝާއަކީ ނުދަންނަ މީހުންނާ ފޯނުން ވާހަކަދައްކާ މީހެއްނޫނެވެ. އަދި ފިރިހެނުންނާ ވެސް އެގޮތަށް ވާހަކަ ދައްކާ މީހެއް ނޫނެވެ. ފޯނު ކަނޑާލި އިރަށް ދެވަނަ ފަހަރަށް ވެސް ހަމަ ގުޅަން ފެށިއެވެ. މިފަހަރު ނިފްޝާ ފޯނު ނުނަގައި ފޯނު ނިއްވާލީއެވެ. އެއީ މިވަގުތު ކުރުން އެންމެ ރަނގަޅު ކަމަކަށް ވީމައެވެ. ފޯނު އެނދުމަތީ ބާއްވާފައި ދެން ނިފްޝާ ދިޔައީ އިޝާ ނަމާދު ބަންގި ގޮވަން ކާއިރި ވެފައި ވުމުން އަވަހަށް މަޣްރިބު ނަމާދުކޮށްލާށެވެ. މަޣްރިބު ނަމާދު ކޮށް ނިންމައިފައި އިޝާ ނަމާދު ބަންގި ގޮވަން އަދި ދިހަ ވަރަކަށް މިނެޓް ހުރުމުން ދެން ނިފްޝާ އަވަސްވެގަތީ ޤުރްޢާން ކިޔަވައިލާށެވެ. މިއީ ނިފްޝާގެ މައިންބަފައިންގެ ބުރަ މަސައްކަތުގެ ނަތީޖާއެވެ. އިނާޝާ އާއި ސުޖާއުގެ ކޮންމެ ދަރިއަކީ ކޮންމެ ދުވަހަކު ފަރުޟު ފަސް ނާމާދު ކުރާ ކޮންމެ ނަމާދަކަށް ފަހުގައި ޤުރްޢާން ކިޔަވައި ކުދިންނެވެ. އަދި މާތްﷲ އަށް ބިރުވެތިވާ ކުދިންނެވެ. ”ނިފްޝާ ފޯނެއް ނުނަގަ އޭ…. މީ އަނެއްކާ އޭނާގެ ނަމްބަރުތަ؟ މިހާރު އޮތީ ފޯނުވެސް ނިއްވާލާފަ…” އިހްސާން އޭނާގެ ރައްޓެހިންނަށް ކުދި ކިޔަމުން އެދަނީ ނިފްޝާ ފޯނު ނުނެގުމުންނެވެ. އިހްސާން އަކީ ކުޑަ ކުޑަ ކަމެއްގައި ވެސް ރުޅި އަންނަ މީހެކެވެ. ކޮންމެ ފަހަރަކުވެސް އެ ރުޅި ގަނޑު ބާލާނީ އޭނާގެ ގާތުގައި ހުންނަ އެހެން މީހަކަށެވެ. އޭނާގެ ރައްޓެހިންވެސް މިހާރު އެތައް ފަހަރަކު އެރުޅިގަނޑު މައިތިރި ކުރަން ބުނެފިއެވެ. ނަމަވެސް އިހްސާން އެ ރުޅިގަނޑު މައިތިރި ކުރާކަށް ނޫޅެއެވެ. ” ހުރެބަލަ ނިކަން… އަހަރެން ނިފްޝާ ހާސިލް ކޮށްފައި ނޫނީ މިފަހަރު މިކަމެއް ނުހުއްޓާނަން…” އެތާނގައި ހުރި ގަހަކަށް ހުރިހާ ވަރެއް އަރުވަމުން އިހްސާން ދަތްތަކަށް ބާރުލާފައި ބުނެލިއެވެ. ************* ދުވަހަކަށް ފަހު ދުވަހެއް ނިމެމުން ދަނީ ހަލުވިކަމާއިއެކުއެވެ. ނިފްޝާމެންގެ ދެވަނަ ޓާމު ޓެސްޓު ވެސް މިހާރު ވަނީ ބޯމަތިވެފައެވެ. އެހެންކަމުން ނިފްޝާ މިހާރު ދަސްކުރުމުގައި އަވަދިނެތި އުޅެއެވެ. ކުރީ ފަހަރެކޭ އެއްގޮތަށް މިފަހަރުވެސް މުޅި ގުރޭޑުން އެއްވަނަ ހޯދަން ބޭނުންވެއެވެ. އަދި މުޅި ރާއްޖޭން ވެސްމެއެވެ. މިއީ ނިފްޝާގެ އެންމެ ބޮޑު އެއް ހުވަފެނެވެ. ފުރަތަމަ އޮތީ އިސްލާމް ޓެސްޓު ކަމުން އެފޮތް ދަސްކުރުމުގައި އުޅެއެވެ. މިހާރު ޓެސްޓު ފެށެން ބާކީ ދެން އޮތީ ހަފްތާއެކެވެ. ނަމަވެސް ނިފްޝާއަށް ވަނީ ގިނަ މާއްދާތައް ދަސްވެފައިއެވެ. އެހެން ކުދިން ވެސް މިހާރު އުޅެނީ ޓެސްޓަށް ތައްޔާރުވުމުގައިއެވެ. ގުރޫޕު ސްޓަޑީސް ހެދުމުގައި އާއި އެކަހަަލަ އެކި ކަންތައްތައް ކުރުމުގައިއެވެ. ޓެސްޓަކަށް ފަހު ޓެސްޓެއް ނިމި މިއަދަކީ ޕޭޕަރު ދައްކާ ދުވަހެވެ. ކޮންމެ ޓީޗާރ އެއްވެސް އައިސް ދަނީ ނިފްޝާއަށް ތައުރީފުގެ ބަސްތައް އޮއަސަމުންނެވެ. ސަބަބަކީ ނިފްޝާވަނީ ހަ މާއްދާއިން އޭ ޕުލަސް ހޯދައި އެއް މާއްދާއިން އޭ ހޯދައިފައިއެވެ. ހިސާބަކީ އަބަދުވެސް ނިފްޝާއަށް އެންމެ އުދަނގޫ އެއް މާއްދާއެވެ. ނިފްޝާ އިރުކޮޅަކާ ވިއްޔާ މާތްﷲ އަށް ޝުކުރުކުރެއެވެ. އޭނާކުރި ބުރަ މަސައްކަތުގެ ނަތީޖާ ކިހާ ފޮނި ހެއްޔެވެ؟ މީހުން އަބަދުވެސް ބުނެއެވެ. ކާމިޔާބީއަކީ މަސައްކަތްތެރިންގެ ހައްގެކެވެ. ނިފްޝާގެ މަންމައަށް ޕޭޕަރު ދެއްކުމުން ވަގުތުން އިނާޝާއަށް ރޮވުނީއެވެ. އުފަލުންނެވެ. ކޮންމެފަހަރަކުވެސް ނިފްޝާގެ ޕޭޕަރު ދެއްކުމުން އިނާޝާ ރޯން ފަށާނެއެވެ. ”އަހަރެންގެ ކޮންމެ ދަރިއެއް ވެސް މިގޮތަށް ކިޔަވައިނަމަ” އަބަދުވެސް އިނާޝާގެ ހިތުގައި އޮންނަނީ މިހެންނެވެ. ނިފްޝާ ނޫނީ ދެން ހުރި ދަރިންނަކީ ކިޔަވަން އެހައި މަސައްކަތް ކުރި ކުދިންނެއް ނޫނެވެ. ފަސް މާއްދާއިން އޭ ލިބި ދެ މާއްދާއިން އޭ ޕްލަސް ހޯދި އައިޒަންގެ ތުންފަތުގައި ވަނީ ރީތި ހިނިތުންވުމެކެވެ. އައިޒަން އެ ދަނީ އޭނާގެ މަންމައަށް އޭނާއަށް ލިބުނު ކާމިޔާބު ދައްކާލާށެވެ. އައިޒަންއަކީ ވެސް ކިޔެވުމަށް މޮޅު ކުއްޖެކެވެ. ކުލާހުގެ ތިން ވަނާގައި އަބަދުވެސް އުޅޭނީ އައިޒަންއެވެ. މިއީ އަބަދުވެސް އައިޒަންގެ މަންމަ އުސްވާ އެންމެ އުފައިވާ އެއް ކަމެވެ. އައިޒަންގެ ބައްޕަ ހުޒާމުވެސް މިކަމާ ފަޙުރުވެރިވެ އުފާކުރެއެވެ. ސަބަބަކީ އޭނާގެ ދަރިފުޅު މިޒަމާނުގެ ފިރިހެން ކުދިންނާ ތަފާތުވީމައެވެ. މިޒަމާނުގެ ފިރިހެން ކުދިންނަކީ ނުކިޔަވައި އަބަދުވެސް އެހެނިހެން ކަންކަމުގައި އުޅޭ ކުދިންނެވެ. ހުޒާމު އަބަދުވެސް އޭނާގެ ދަރިންނަށްޓަކައި ހެޔޮ ދުޢާ ކުރެއެވެ. އިހްސާންގެ އުނދަގުލެއް ނިފްޝާއަށް ކުރިމަތި ނުވާތީ ނިފްޝާ މިހާރު ހުންނަނީ ވަރަށް ހިތްހަމަ ޖެހިފައިއެވެ. ކުރީގައި އިހްސާން ކޮންމެ ދުވަހަކު ގުޅައެވެ. އަދި އެވަރު ނުވެގެން މެސެޖުވެސް ކުރެއެވެ. ނަމަވެސް ނިފްޝާ އެއިން އެއްވެސް ކަމަކަށް އަޅައެއްނުލައެވެ. މިއިން އެއްވެސް ވާހަކައެއް އަދި ނިފްޝާ އެކަކު ކައިރީވެސް ނުބުނެއެވެ. ނިފްޝާއަށް ނޭނގުނު ކަމީ އޭނާ ފޯނު ނުނަގައިގެން އިހްސާން ރުޅި އައިސްފައި ހުރި ވަރެވެ. އަދި އޭނާގެ ހަޔާތުގެ ބާކީ އޮތް ދުވަސްތަކުގައި ކަންތައްތައް ވާނެ ގޮތެވެ. ތަޤްދީރު އިނގޭނީ ފަހެ ކާކަށް ހެއްޔެވެ؟ *********** ”ނިފްޝާ! ވިލް ޔޫ ބީ މައި ޕުރިންސެސް؟” ނިފްޝާ ސުކޫލްގެ ޕްލޭ ގުރައުންޑުގައި ހުއްޓާ އިހްސާން އޭނާގެ މޫނުމަތީގައި މާބޮޑި އެއް ހިފައިގެން އައިސް ހުރިހާ ކުދިންގެ ތެރޭގައި ބުނެލިއެވެ. އަދި އެއް ފައި މައްޗަށް އިށީންދެލައިފައި މާ ބޮޑި ނިފްޝާއަށް ދިއްކޮށްލިއެވެ. ”ސޮރީ… އަހަރެން އަދި ބޭނުމެއް ނޫން މީހަކާ ރައްޓެހިވާކަށް…. ކިޔަވައި ނުނިމެނީހެން ނުވާނަން… އިރާދަކުރެއްވިއްޔާ އަހަރެން މީހަކާ ރައްޓެއްސެއް ނުވާނަން.. ހަމަ ސީދާ ކައިވެންޏަކާ ހަމައަށް ދާނީ… އިހްސާން ވެސް ކިޔަވައިގެން މޮޅު ކުއަޖަކަށް ވޭ…. ފުރަތަމަ ޖެހޭނީ ކިޔަވަން… އެއަށްފަހު އެހެން ކަންކަމަށް ވިސްނާނީ….” ނިފްޝާ ލަދު ގަނެފައި ހުރި ނަމަވެސް ހިތްވަރު ކޮށްލައިފައި ބުނެލިއެވެ. ނިފްޝާއަށް ނޭނގުނު ކަމަކީ ނިފްޝާގެ އެ ޖަވާބުން އިހްސާން ރުޅިއައިކަމެެވެ. އޭނާ ވީ ދެރައެއް ނޫނެވެ. ”އެކަމަކު ނިފްޝާ…. އަހަރެން ބޭނުން ނިފްޝާ….. އަހަރެންނަށް ފުރުސަތެއް ދީ..” އިހްސާން ދެރަވެލައިފައި ކަހަލަ ގޮތަކަށް އަހައިލިއެވެ. ”އަހަރެން ބުނެފީމެއްނު އަދި އަހަރެން ބޭނުމެއް ނޫނޭ މީހަކާ ރައްޓެހިވާކަށް….” ނިފްޝާ އެހެން ބުނެލައިފައި އެތަނުން ދާން ހިނގައިގަތެވެ. ނިފްޝާގެ އެ ޖުމުލައިން އިހްސާންގެ އަތުގައި އޮތް މާބޮނޑި ވެއްޓި ދެ އަތް މުއްކެވުނެވެ. އަދި ވެއްޓިފައި އޮތް މާބޮނޑި މައްޗައް އަރައިފައި އޭނާ ދިޔައީ ކުދިން އޭނާއަށް މަލާމާތް ކުރަން ފެށުމުންނެވެ. ކުދިން އޭނާއަށް މަލާމާތް އެ ކުރީ ނިފްޝާގެ ސަބަބުންނެވެ.އޭގެ ބަދަލު އަދި އޭނާ ނިފްޝާއަށް ދޭނެއެވެ. ނިފްޝާ ، އިހްސާން އަށް ދިން ޖަވާބު އިވިފައި އައިޒަން އަށް ލިބުނު އުފާު ބުނެދޭން ވެސް ނޭނގެއެވެ. ނަމަވެސް އައިޒަން ވެސް އަދީ މީހަކާ ރައްޓެހި ވާކަށް ބޭނުމެއް ނުވެއެވެ. ސަބަބަކީ އައިޒަން އަކީ ވެސް ދީނަށް ލޯބު ކުރާ މީހަކަށް ވީމައެވެ. ”އައިޒަނޫ…. ހާދަ އުފައި ވެފަ ތި ހުރީ…. އަނެއްކާ ކިހިނެއް ވީ؟” ސިމާލު ސަމާސާއަކަށް ބުނެލިއެވެ. ”އުފާ ވެފަތަ މިހުރީ…؟” އައިޒަން ވެސް ކޮށްލީ ސުވާލެކެވެ. ”އާން… ތި މޫނުން އެނގެއޭ އުފާ ވެފަ ހުރި ވަރު…. ހީކުރީ މަށަށް ނޭނގޭނެ ކަމަށްތަ؟ އަނެއްކާ ނިފްޝާ ، އިހްސާން އަށް ދިން ޖަވާބުންތަ ހެވި ދިލިފަ ތިހުންނަނީ؟” ސިމާލު ގޮތް ދޫކުރާ ހިޔާލެއް ނުކުރެއެވެ. ”މަށަށް ހީވޭ މި އައިޒަން ވަރަށް ނިފްޝާ އާ ހެދި އުޅޭހެން ދޮގެއްތަ މީ؟” މިފަހަރުވެސް ވާހަކަ ދެއްކީ ސިމާލުއެވެ. ”އާން ހަމަ ދޮގެއް ތީ… ހަހަހަހަހާ…” އައިޒަން ވާހަކައެއް ބުނަން އަނގަ ހުޅުވާލި ތަނާ ފަހަތުން ހައިޝަމް ވާހަކަ ދެއްކިއެވެ. ދެ މީހުން ވާހަކަ ދައްކަން ތިބި އިރު އެތަނަށް ހައިޝަމް އާކަން ވެސް ނޭނގުނީއެވެ. ”ކަލޯ ގަޔާ! ދުވަހެއްވެއްޖޭ ދައްކާ ނުލާތާ… ކޮން ތާކުތަ ތިއުޅެނީ…” އައިޒަން ވާހަކަ އޮޅުވައިލުުމުގެ ގޮތުން ހައިޝަމް އާ ވާހަކަދައްކަން ފެށިއެވެ. ”މިހާރުވެސް މިހިރީނު ފެންނަން…. ހެހެހެހެ….” ހައިޝަމް ބުނެލިއެވެ. ތިން މީހުން މަޖާކުރަމުން އެކި ވާހަކައިގައި ތިބިއެވެ. ”ދަރިފުޅާ ނިފްޝާ… އާދޭ ކާން… މިއަދު ބަނޑުހާ ވެސް ނުވަނީތަ؟ ދޮންބެ މެން ވެސް އެބަތިބި އައިސް… އާދޭ އަވަހަށް ކާން…” ނިފްޝާ މިއަދު އަދި ބަނޑަށް އެއްޗެއް ނުލާ ހުރުމުން އެނާގެ މަންމަ މިހާރު ތިން ފަހަރަށް ގޮވައިފިއެވެ. އެވަރުންވެސް ނިފްޝާ އޮތްތަނުން ގުޑާލާކަށް ނޫޅެއެވެ. މިއަދު ވީ ކަމަކުން އޭނާގެ މޫޑު އެއްކޮށް ދިޔައީއެވެ. ”ދޮންތީ! ދޮންތީ! ހިނގާ ކާން ދާން…. މިހާރު ކޮއްކޮ މެން އައިޝް ވަރަށް ގިނަ އިރު ވެއްޖެ… ދޮންތި ނުނިކުމެގެން ކޮއްކޮ ނުވެސް ކާ މިހިރީ… ޑެޑީ ވެސް ނުކައި…” ކުޑަ ކުޑަ އައިނީ އައިސް ނިފްޝާގެ ގައި މައްޗަށް އަރައި ފުންމަން ފެށިއެވެ. ނިފްޝާ އެންމެ އަވަހަށް ތެދުވަންނަނީ އެހެން ހެދުމުން ކަން އެ ކުޑަ ކުޑަ ސިކުނޑި އަށް ވިސްނެއެވެ. ” ކޮއްކި އައީ ކޮން އިރަކުތަ؟” ނިފްޝާ އައިނީ އަށް ސުވާލެއް ކުރިއެވެ. ނިފްޝާއަކީ ކުޑަ ކުދިންދެކެ ވަރަށް ލޯބިވާ މީހެކެވެ. އެހެން ކަމުން އޭނާ އިނީ އައިނީ އޭނާގެ ބަނޑު މަތީގައި ބައިންދާގެން އައިނީގެ ފަން ފަން ދިގު އިސްތަށިކޮޅާ ކުޅޭށެވެ. ”ކޮއްކޮ މެން އައިޝް މިހާރު ކޮން އިރެއްތަ… ދެން ދޮންތީ ހިނގާބަ ކާން ދާން… ކޮއްކޮ ވަރަށް ބަޑުހައި ވެއްޖެ..”އައިނީ ، ނިފްޝާގެ އުނގުން ފައިބާގެން އަތަށް ދަމަން ފެށިއެވެ. ”ދޮންތި ނުވޭ ބަނޑުހައެއް.. ކޮއްކި ދޭ ކާލަން… ނިފްޝާ ބުނެލިއެވެ. ”ދޮންތި ނުކަންޏާ ކޮއްކޮ ވެސް ނުކާނަން..” އައިނީ ބޮޑާ ހާކައިލައިފައި ބުނެލިއެވެ. އައިނީއަކީ ނިޔާޝް އާއި ޒީނާގެ ފުރަތަމަ ދަރިއެވެ. […]
ގަޑިއަކަށްފަހު ގަޑިއެއް އަމާންކަމާއިއެކު ނިމެމުންދިޔައެވެ. ނިފްޝާއިނީ އުނދަގޫވެފައިިއެވެ. ސަބަބަކީ ކުލާހަށް އަލަށް އައި ކުއްޖެއްގެ ސަބަބުންނެވެ. އެކުއްޖާގެ ކަޅި ނިފްޝާއަށް ނޫނީ އެހެން ތަނަކަށް ދަތުރު ނުކުރެއެވެ. މިހާރު ކުލާސްކުދިން ވެސް އެ ވާހަކަ ކިޔަން ފަށައިފިއެވެ. ނަމަވެސް އެކުއްޖާ އެކަން ހުއްޓާކަށް ނޫޅެއެވެ. އެކުއްޖާގެ ސަބަބުން ނިފްޝާ އިނީ ނުކިޔެވޭ ގޮތްވެފައިއެވެ. މީގެ ކުރިން ވެސް ކުދިން ކުލާހަށް އާދެއެވެ. މި ނޫނިއްޔާ ކުއްޖެއް މި ގޮތަކަށް އުޅެފައެއް ނެތެވެ. ސުކޫލު ނިންމައިފައި ގެއަށް ދިޔަ މަގުމަތީގައި ވެސް ނިފްޝާއަށް ދިޔައީ އެކުއްޖާގެ ސަބަބުން އުނދަގޫވަމުންނެވެ. ނަމަވެސް ކެތްތެރިވެލައިގެން ހުރީއެވެ. ************* ހަވީރުގެ ހިތްގައިމު ވަގުތުގައި ނިފްޝާއިނީ ގޭގެ އިންނަ ބޭރު ޖޯލީގައި ފޮތެއް ހިިފައިގެން ކިޔާށެވެ. ނިފްޝާއަކީ ސުކޫލުގައި ނަގައިދޭފިލާވަޅުތައް ދުވަހުން ދުވަހަށް ދަސްކުރާ ކުއްޖެކެވެ. ނަތީޖާއެއްގެ ގޮތުން ނިފްޝާވަނީ ބެސްޓު އޯލް ރައުންޑުގައި ހިމެނި މުޅި ރާއްޖެއިން އެއްވަނަ ހޯދާފައިއެވެ. ”ދޮންތާ ހިނގާބަ ބޭރަށް ނިކުމެލަން…. ވަރަށް ފޫހިވޭ އެބަ… ނެތް ކުރާނި ކަމެއްވެސް..” މީޝާ ފޫހިވެފައި ކަހަލަ ގޮތަކަށް އައިސް ނިފްޝާ ގާތު ބުނެލިއެވެ. ”ނުދެވޭނެ…. މިގަޑީ މިއޮތީ ފޮތް ކިޔަން…. މީޝާ ވެސް ދޭބަލަ ފޮތެއް ހިފައިގެން އަންނަން…. މީޝާ އަށޭ ހަމަ ފައިދާ ވާނީ…”ނިފްޝާ އެގަޑީ ތަނަކަށް ދާހިތް ނުވުމުން މީޝާ ކައިރީ ބުނެލިއެވެ. ”އަހަރެން ނެތް ފޮތް ކިޔާ ހިތެއް…. ކޮބާ މަންމަ؟؟” މީޝާ އަށް މަންމަ ނުފެނުމުން އަހާލިއެވެ. ”ރިޔާ ލާން ދިޔައީ ޤުރްއާން ކުލާހަށް… އިރުކޮޅަކުން އަންނާނެ ހެން ހީވަނި…” ނިފްޝާ ބުނެލިއެވެ. ރިޔާޝާ އަކީ އިނާޝާގެ އެންމެ ހަގު ދަރިއެވެ. ރިޔާޝާ އަކީވެސް މީޝާ ކަހަލަ އަނގަ ގަދަ ކިއްޖެކެވެ. ނަމަވެސް އެހައިމެ ރުޅިވެސް ގަދައެވެ. ”އޯކޭ…. އޮވޭ ތިތާ އަހަރެން މަންމަ އައީމަ މަންމައާއި އެކު ދާނީބޭރަށް….. އިނޭ ތިތާ… އަދި ބުނަންތަ ވާހަކައެއް؟؟”މީޝާ ބުނެލިއެވެ. ”ހޫމް… ބުނެބަލަ..” ނިފްޝާ ވަރަށް ހަމަޖެހިލައިފައި މީޝާ ބުނަން އުޅޭ ވާހަކައެއް އަޑު އަހަން ތައްޔާރުވެލިއެވެ. ”ނޫން ނުބުނާނަން…… މާ އަޑު އަހާ ހިތް ވީމަ…ހައްހައްހާ…” މީޝާ ވަރަށް މަޖާވެލައިފައި ބުނެލިއެވެ. ”ހުއް.. ވަރަށް ފޫހިވޭ… އަބަދުވެސް ސަކަރާތް ޖަހަން އުޅޭނި…. އަދި ދޮންތަ ހީކުރީ ތި ބުނަން އުޅޭ ވާހަކަ ބޮޑުކަމުން ނުވެސް އުފުލޭނެ ކަމަށް….. އެކަމުވެސް ދެން ހެޔޮ އެހައި އަޑު އަހާ ހިތެއް ނުވެސް ނެތް….. ދެން ދޭ މިތަނުން ފޮތް ކިޔަން ވެއްޖެ….” ނިފްޝާ ފޫހިވެލައިފައި މީޝާ އަށް ކުދި ކިޔައިފައި އެތަނުން މީޝާ ފޮނުވާލީއެވެ. މީޝާ އެތައި ހުރެއްޖެނަމަ ނިފްޝާ އަށް ފޮތް ނުކިޔޭނެތީއެވެ. ”މަންމާ ކާން ހަދައިދީބަލަ… ވަރަށް ބަޑު ހައި ވެއްޖެ..”އައިޒަން ކުޅެގެން އައިސް ފެންވަރާލައިގެން ނިކުމެ ހައި ވެފައި ހުރިވަރުން މަންމަ ގާތު ކާން ހަދައިދޭށޭ ބުނެލިއެވެ. ”ދަރިފުޅާ އާދެ ކާން.. މިހުރީ ކާން ހެދިފައި…” އައިޒަން ގެ މަންމަ އުސްވާ ކާން ހަދައިފައި އައިޒަންއަށް ގޮވިއެވެ. ކާން އިނެގެން އައިޒަން ދިޔައީ އޭނާގެ މަންމައާ ތަފާތު އެކި ވާހަކަ ދައްކަމުންނެވެ. ދެމީހުންގެ ވާހަކަ ހުއްޓާލަން ޖެހުނީ އެތަނަށް އައިޒަންގެ ކޮއްކޮ މާޔާ އައުމުންނެވެ. އައިޒަންގެ ހަގަށް ދެ އަންހެން ކުދިން ތިބެއެވެ. މާޔާއަކީ ވަރަށް މަޑުމައިތިރި މިޒާޖެއްގެ ކުއެޖެެކެވެ.ނަމަވެސް މާޔާގެ ހަގަށް ހުންނަ މައިހާ އަކީ އޭގެ އިދިކޮޅެވެ. ހޭކުނި އަނގަގަދަ މައިހާ އެކޭ ފިރިހެން ކުއްޖެކޭ އެއްފަދައެވެ. އެހާވެސް ހޭކުނިއެވެ. ”މަންމާ ކޮއްކޮ ބުނީ އަންނާށޯ…”މާޔާ އައިސް ބުނެލިއެވެ. ”އާން މިދަނީ…” އުސްވާ ގޮޑިން ތެދުވެލަމުން ބުނެލިއެވެ. އައިޒަން ވެސް ކައި ނިމިފައި އިނުމުން އަތް ދޮވެލައިގެން ދެން ދިޔައީ ކޮޓަރިއަށެވެ. ކޮޓަރިއަށް ވަނެފައި އެނދުގައި ޖައްސާލީ ވެފައިހުރި ވަރުބަލިއެއްގެ ސަބަބުންނެވެ. ނަމަވެސް އައިޒަންއަކަށް ނިދޭ ގޮތެއް ނުވިއެވެ. ނިފްޝާގެ މަތިން ހަނދަވާވަރުންނެވެ. ނިދޭތޯ މޫނުމަތީގައި ބާލީސް އަޅައިގެން ވެސް އޮވެއްޖެއެވެ. މާދަމާއަކީ ވެސް ސުކޫލަށް ދާ ދުވަހެއްކަމުން އައިޒަން އެހާ ވަރެއްކޮށް ނިދަން އެއުޅެނީ އެހެންވެއެވެ. ނިދޭތޯ ލޯމަރައިލައިގެން އޮތް އައިޒަންގެ ލޮލަށް ނިދި ސަވާރުވީ ބަސް ބުނާހާ އަވަހަށެވެ. ސުކޫލު ހުޅުވުނިތާ ހަފްތާއެއް ވަނީއެވެ. ނަމަވެސް ނިފްޝާގެ ކުލާހުގައި އިންނަ ކުއްޖާގެ ކަންތައްތައް ދަނީ ދުވަހަކަށް ވުރެ ދުވަހެއް ބޮޑުވަމުންނެވެ. އެކުއްޖާގެ ސަބަބުން ނިފްޝާއާ ފިރިހެން ކުދިން ނުބެހޭ ދުވަހެއް ނުދެއެވެ. ސުޕަވައިޒަރުންގެ ގާތު އެވާހަކަ ނިފްޝާ ނުބުނެ އެހުންނަނީ ، އަދި އެއީ އެކުއްޖާއަށް ނުވިސްނޭތީ ކުރާކަމެއްކަން އެނގުމުންނެވެ. އެއީ ގޯސް ކަމެއްކަން ނޭނގި އެކުއްޖާ ކުރާ ކަމަކަށް ވީމައެވެ. ”އަހަރެންވެސް ދޯ…. ކުއްޖަކު ބަލާތީއޭ ކިޔައިފަ ކުލާހުގަ ނުކިޔަވަން ވީތަ… އެކުއްޖާ އިނދެގެން އަހަރެންނާ ދިމާލަށް ބެލީމަ އަހަރެންނަކަށް ނޫނެއްނު ގެއްލުން ވާނީ…. އެހެންވީމާ ރީތި ކޮށް އިނެގެން ކިޔަވާލަ….’ މީ ކޮންމެ ދުވަހަކުވެސް ނިފްޝާ އަމިއްލަ ސިކުޑިއަށް ވިސްނައިދޭ ގޮތެވެ. ”ނިފޫ! އަޑުއެހީމޭ ވާހަކައެއް….ހަނާން ސުކޫލުން ނިކުމި އިރަށް ނިފްޝާއާ ދިމާވުމުން ވާހަކަ ދެއްކިއެވެ. ”އަނެއްކާ ކޮން ވާހަކައެއްތަ އަޑު އެހީ؟؟” ނިފްޝާ ވެސް ކޮށްލީ ސުވާލެކެވެ. ”ތި ކުލާހުގަ އިންނަ އިހްސާން ގެ ވާހަކަ… ނިފޫ އާ ދިމާއަށް ވަރަށް ބަލާ ކުއްޖެކޯ އެއީ… އަހަރެންނަށް އަޑު އިވުނި އެގޮތަށް… ތެދެއްތަ؟” ހަނާން ދެއްކި ވާހަކައަކުން ނިފްޝާ ވީ ފޫއްސެއް ބުނަން ވެސް ނޭނގެއެވެ. ”ހުމް… އަބަދުވެސް އިންނަނި އަހަރެންނާ ދިމާއަށް ބަލަން… އެހެން ދިމާލަކަށް ނުބަލާ… ވަރަށް އުނދަގޫ ވޭ އެ އިހްސާންގެ ސަބަބުން އެކަމުވެސް ދެން ޖެހޭނީ ހަމަ އެއް ކުލާހެއްގަ އިންނަން ދޯ..” ފޫހިކަމާއިއެކު ނިފްޝާ ވާހަކަދެއްކިއެވެ. ”ޕޮއް” ދެމީހުން ސިއްސައިގެން ދިޔައީ އައިޒަން އައިސް ކުރިކަމުންނެވެ. ނިފްޝާއަށް ކުޑަކޮށް ހަޅޭވެސް ލަވައިގަނެވުނެވެ. ހަނާންއަށާއި ނިފްޝާއަށް ވީ ގޮތުން އައިޒަން ބަޑުގައި އަތް އަޅައިގެން ހުރެގެން ހެނީއެވެ. ނިފްޝާގެ ދެ ކޮލަށް ޖަންބު ކުލަ އަރައިގެން ދިޔަ އީ ހަނާން ވެސް އައިޒަން އާ އެއްބައިވެލައިގެން ހޭން ފެށީމައެވެ. އަދި އައިޒަންގެ ކުރިމަތީގައި ހަޅޭލަވައި ގެނެވުމުންނެވެ. ހަނާން އާއި އައިޒަން ބޮޑު ވާހަަކައިގައި ދިޔަ އިރު ނިފްޝާ ހުރި ވާހަކަވެސް ނުދައްކައެވެ. ނަމަވެސް ބައެއް ފަހަރު އައިޒަން ބުނެލާ ޖުމްލަ ޖުމްލައިން ހޭން ފަށައެވެ. ************* ”މަންމާ ކޮބައި މިގޭގައި އުޅޭ ތަތް ކަމަނާތައް؟؟؟ އަދިވެސް ރެޑީ ނުވެ ދޯ ހުރީ….. ގައިމު މީގެ 3 ގަޑި އިރު ކުރިން ގުޅައިފައި ބުނިން ދާނަމޭ ބަލާ ރެޑީ ވެގެން ހުންނާށޭ…..” ނިފްޝާގެ ދޮންބެެ ނިޔާޝް އައިސް ކަމުގެ ހަގީގަތް ނުބަލައި ވާހަކަދައްކަން ފެށިއެވެ. ”ދޮންބޭ…. ހީވޭތަ އަހަރެން ދޮންބެ މެން އަންނަން ވާއިރަށް ރެޑީ ނުވެ ހުރެ ދާނެހެން…. ތީއެއްނު މިގޭގައި އުޅޭ އެންމެ ތަތް މީހަ..” ނިފްޝާވެސް ދޫ ދޭކަށް ބޭނުމެއް ނުވިއެވެ. ނިޔާޝްއަށް ނިފްޝާ ފެނިއްޖާ އެންމެ ފަހަރަކުވެސް ނުބެހިލަ ނުހުރެވޭނެއެވެ. ރަތް ކުލައިގެ ޝޯލް އަކާއިއެކު ކަޅު ބަޓަފުލައި އަބާޔާ ލައިގެން ހުރި ނިފްޝާގެ ރީތިކަން އިންތިހާއެވެ. މޭކަޕް ނުކޮށް ހުންނައިރު ވެސް ހާދަ ރީއްޗެވެ. ނިފްޝާގެ އެއް އަތުގައި ވަނީ ނިޔާޝް އާއި ނިޔާޝްގެ އަންހެނުން ޒީނާ ، ނިފްޝާ މުޅި ރާއްޖޭން އެއްވަނަ ލިބުމުން ދިން ފޯނެެވެ. ”ނިފޫ! ކޮބާ އަނެއް ކަމަނަ؟ އެ ކަމަނަ ކާރީވެސް ބުނިން ރެޑީ ވާށޭ..” ނިޔާޝް ބުނެލިއެވެ. ”މިހިރީނުން..” މީޝާ ، ނިޔާޝްގެ ފަހަތުގައި ހުރުމުން ނިޔާޝް ދެއްކި ހުރިހާ ވާހަކައެއް އަޑު އިވުނެވެ. މަޑު ނޫކުލައިގެ ޝޯލްއަކާއި ފިޔާތޮށިކުލައިގެ ފަލަމަސްގަނޑާއި ހަމައަށް އަންނަ ބަޓަފުލައި އަބާޔާއުއެކު ކަޅު ޖިންސު ލައިގެން ހުރި މީޝާ ނުހަނު ޗާލެވެ. ރިޔާޝާވެސް ހުރީ ހަމަ މީޝާ ހުރި ގޮތަށެވެ. އެއްވެސް ތަފާތެއްނެތެވެ. އެންމެން ހަމަވުމުން އެންމެން އެއްކޮށް ދެން ދިޔައީ ހިނގާލާށެވެ. ނިޔާޝްގެ ހަގަށް ހުންނަ ލިމްޝާ ވީ މާލޭގައިއެވެ. ނިޔާޝްގެ ބައްޕަ ވެސް ވީ މަހަށް ގޮސް ކަމުގައި ވުމުން އަދި އާއިލާގައިދެމީހުން މަދެވެ. ސުޖާއު އާއި އިނާޝާގެ މުޅި ޖުމުލަ ފަސް ދަރިން ތިބެއެވެ. އެންމެން ދިޔައީ ތަފާތުއެކި ވާހަކަ ތަކުގައި ތިބެ މަޖާކުރަމުންނެވެ. ނިފްޝާވެސް ދިޔައީ އެކަމުގައި އެންމެ ފުރިހަމައަށް ބައިވެރިވަމުންނެވެ. އެއީވެސް ނިޔާޝްގެ ސަބަބުންނެވެ. އެންމެ ފަހަރަކުވެސް ނިފްޝާއާ ނުބެހިލަ ނުހުރެވެއެވެ. މިހާރު އެއްފަހަރު އިނާޝާވެސް ނިޔާޝް އަށް ގޮވައިލައިފިއެވެ. އެކި ވާހަކަތަކުގައި ހުރި ނިފްޝާއަށް ސިހުން ލިބުނީ އޭނާގެ ފޯނު ރިންގުވާން ފެށުމުންނެވެ. އެހެންނަމަވެސް ނުދަންނަ ނަމްބަރެއް ކަމުން ނިފްޝާ ފޯނު ނަގާ ހިޔާލެއް ނުކުރެއެވެ. ދެ ފަހަރަކު ގުޅައިފައި އޭގެ ފަހުން ދެން ނުގުޅައެވެ. އެހެންކަމުން އަނެއްކާވެސް އަލުން އަބުރައި ސަކަރާތް ޖެހުމުގެ މަސައްކަތަށް ނިފްޝާ ރުޖޫޢަވިއެވެ. ހިނގާލައިގެން އައިސް ނިފްޝާ ކޮޓަރިއަށްވަނެ އިރުކޮޅެއްނުވަނީހެން އަނެއްކާވެސް އެ ނަމްބަރުން ގުޅަން ފެށިއެވެ. ނިފްޝާ ފޯނު ނަގައި ހިޔާލެއް ނުކުރެއެވެ. ނަަމަވެސް އެ ގުޅާ މީހަކަު އެކަން ހުއްޓާކަށް ވެސް ނޫޅެއެވެ. އެންމެ ފަހުން ދެ ހިޔާލެއްގަ މަތީގައި ހުރެނިފްޝާ ފޯނު ނެގިއެވެ. އެ ގުޅަނީ ހަނާން ކަމަށް ވެސް ވެދާނެތީއެވެ. ފޯނު ނަގައިފައި ނިފްޝާ ވާހަކަ ނުދައްކާ ހުރީ އެކޮޅުން ޖަވާބެއް ލިބެންދެންނެވެ. ފަަނަރަ ވަރަކަށް ސިކުންތު ފަހުން އެކޮޅުން އިވުނު އަޑުގެ ސަބަބުން ނިފްޝާ ދިޔައީ ސިއްސައިގެންނެވެ. (ނުނިމޭ)
އިޝާ ނަމާދު ކޮށްގެން ނިފްޝާ ތައްޔާރު އެ ވަނީ މިރޭ އޮންނަ ބާބަކިއު އަށް ދިއުމަށެވެ. ނިފްޝާއަކީ ގަޑިއަށް ފަރުވާތެރިވާ ކުއްޖެއް ކަމުން މިރޭވެސް އަށެއް ޖަހަން ތިރީސް މިނެޓު އޮއްވާ ނިމުނެެވެ. އޭނާގެ ރައްޓެހި ހަނާން އާއި ޝާނާ އަންނަންދެން ދެން އިނީ ޤުރްޢާން ކިޔަވާށެވެ. ޤުރްޢާން ކިޔަވަން އިންދާ ވިހި މިނަޓު ވި އިރަށް ހަނާން އާއި ޝާނާ އައެވެ. ނިފްޝާ މިރޭ ބާބަކިއު އަށް އެދަނީ ކުރިއަށް ވާން އޮތް ގޮތް ނޭނގޭ […]
”ދޮންތާ ބަލާބަލަ…”މީޝާ އެހެން ކިޔާފައި ނިފްޝާ ކޮއްޕާލީ އެތަނުން ދިޔަ ފިރިހެން ގުރޫޕާދިމާލަށެވެ. މުޅި އެތަނުގައި ހަރުލާފައި ހުރީ ނިފްޝާގެ ހަޅޭކުގެ އަޑެވެ. ނިފްޝާ ގޮސް ޖެހުނީ އެތަނުން އެންމެ މިކޮޅަށް ހުރި ކުއްޖާގެ ގައިގައެވެ. ހުށިޔާރު ކަމާއެކީ އެކުއްޖާ ނިފްޝާ ނުވެއްޓި ހިފެހެއްޓިއެވެ. ވެއްޓެން ދިޔަ ނިފްޝާ މީހެއްގައިގާ ޖެހުމުން އެމީހާގެ ގަމީހުގައި ހިފަހައްޓާލިއެވެ. އެމީހާވެސް ހުށިޔާރު ކަމާއެކީ ނިފްޝާ ނުވެއްޓި ހިފެހެއްޓިއެވެ. އެހެންނަމަވެސް ވެއްޓިދާނެތީ ނިފްޝާ އޮތީ ދެލޯމަރައި ބާރު ކޮށްލައިގެންނެވެ. ނުވެއްޓި ގިނައިރު ވުމުން ލޯ ހުޅުވައި ބަލައިލި ނިފްޝާއަށް ކުރިމަތިން ފެނުނު ސޫރައިގެ ސަބަބުން ތެޅިގަނެވުނެވެ. ”އައިޒަން… ސޮރީ..” ރަތްވެގެން ދިޔަ މޫނަކާއެކު އަދި އެހާމެ ލަދުވެތި ކަމާއިއެކު އައިޒަންގެ ފަރާތުން މަޢާފަށް އެދުނެވެ. ”އިޓްސް އޯކޭ ނިފްޝާ..” ހިތްހެޔޮކަމާއެކު އައިޒަން ހިނިތުންވެލާފައި ބުނެލިއެވެ. ނިފްޝާވެސް އޭގް ބަދަލުގައި ހިނިތުންވުމެއް ރައްދު ކޮށްލާފައި ހިނގައިގަތެވެ. ”އައިޒަން…. ހާދަ ވަރެކޭ ދޯ ތި ވީ….ދެމީހުން އެހެން ތިބި އިރު ހީވަނި ފޮޓޯ އަކަށް ހުއްޓިލައިގެން ހުރިހެން… ހާދަ ޗާލޭ…” އައިޒަން ގެ ގާތުގައި ހުރި ސިމާލް އައިޒަން އާ ދިމާކޮށްލިއެވެ. ”ސިމާލް ވެސް ދައްކާ ވާހަކަ ދޯ… ދެން އެކަމު އެކުއްޖާ ވެއްޓެން ދިޔާމަ ސިމާލު ނަމަވެސް ހިފަހައްޓާނެ… ހަމައެކަނި އަހަންނެއް ނޫން އިނގޭ… ދޯ ހައިޝާމް..” އައިޒަންގެ ވާހަކަ ކޮޅު ނިންމާލީ އޭނާގެ ރަހުމަތްތެރި ހައިޝަމް އަށް ދޯ އޭ ކިޔައިފައެވެ. ”އާން.. އައިޒަން އެބުނީ ހަމަ ރަނގަޅަށް.. މަށަށް ހީވޭ އަދި ސިމާލު އަށް އެފުރުސަތު ލިބުނިނަމަ އެމަންޖެ ދޫ ނުކޮށްލާނެ ހެންވެސް..” ހައިޝަމް ވެސް އައިޒަން އާ އެއްބާވެލިއެވެ. ”ހޫން ދެން ހެވޭ..”ސިމާލު ކަޑަވެފައި ބުނެލި ގޮތުން އައިޒަން އަށާއި ހައިޝަމް އަށް ނުހީ ހަމަ ނުހުރެވުނެވެ. ދެ މީހުން ސިމާލު އާ ދިމާކުރަން ފެށިއެވެ. ”ދޮންތާ! ކިހިނެއް ތި ހެދީ….” މީޝާ ހެމުން ހެމުން ނިފްޝާ ގާތު ބުނެލިއެވެ. ”ދެން މީޝާ ވެސް ނުވާނެ ދޯ އެކަހަލަ ކަންތައް ކުރާކަށް… ނަސީބެންނު އެމީހުން ކުރިމަށްޗަށް ނުވެއްޓުނުކަން ވެސް..އެހެން ނޫންނަމަ ނޭނގެ ލަދުން ވާނި ގޮތް ވެސް… އެކަމު މިހާރު މީޝާ މާ ކަންތައް ބޮޑުވަނި އިނގޭ ތި.. ސަކަރާތް ޖެހިޔަސް މީހުން ކުރާ ކަހަލަ ކަންތައްތަ އެއީ؟؟؟.. ހުވާ ދެން ނުހުރެވޭނެ މަންމަ ގާތު ނުބުނެއެއް…” ނިފްޝާ ރުޅި އައިސްފައި ބުނެލިއެވެ. ”ދޮންތާ އިނގޭތަ؟ ތި ދެ މީހުން ވަރަށް ގުޅޭ އިނގޭ… ހަަމަ ޕާފެކްޓު ކަޕުލްއެއް…” މީޝާ މިފަހަރުވެސް ބެލީ ނިފްޝާ ރުޅި އަރުވާލެވޭތޯއެވެ. ކަން ވީ ވެސް އެހެންނެވެ. ނިފްޝާ ރުޅި އައިސްފައި މީޝާ އާއި ދިމާއަށް ކުދި ކިޔަމުން ގެއާއި ދިމާއަށް މިސްރާބު ޖެހިއެވެ. ނިފްޝާއަށް ނޭނގުނުކަމަކީ މީޝާ ، އައިޒަން އާއި ނިފްޝާގެ ފޮޓޯ ނެގިކަމެވެ. މިއަދު ދެން އެ ނިފްޝާގެ މޫޑު ވެސް ހަރާބު ވީ އެވެ. އެހެންނަމަވެސް މިއަދު މިވީ ކަންތައްތައް އެނާގެ މަންމަ އަށް ކޮންމެހެން ވެސް ކިޔާދޭން އެބަ ޖެހެއެވެ. އެހެންނޫނީ މީޝާ އެކަމެއް ނުހުއްޓާނެއެވެ. ގެއަށް ދެވުމުން ނިފްޝާ އޭނާގެ މަންމަ އަށް ލިންކުރޯޑުގައި ވީ ކަންތައްތައް އަކުރުން އަކުރަށް ކިޔާދިނެވެ. އަދި ނިފްޝާގެ މަންމަ އިނާޝާ ވަނީ މީޝާ އަށް ވިސްނެންދެން ނަސޭހަތް ދީފައެވެ. އެހެންނަމަވެސް އެ ނަސޭހަތްތަކަށް ކިޔަމަންވާނީ އެންމެ ދުވަހަކުއެވެ. ފިރިހެނަކާ ވަކި އަޅާ ކިޔޭކަށް ނެތެވެ. ނިފްޝާ އަށް ހަމަޖެހުމުގެ ނޭވާއެއް ލެވުނީ އޭނާގެ ކޮޓަރިއަށް ވަދެވުމުންނެވެ. ހަމަގައިމުވެސް ދެން އޭނާއަށް އުނދަގޫ ކުރާނެ މީހަކު ނުހުންނާނެއެވެ. ފެންވަރައިލާގެން ނިކުތް ނިފްޝާގެ މޫނުމަތިން ވަރުބަލިކަމާއި ނިދީގެ އަސަރު ފާޅުވާން ހުއްޓެެވެ. އެހެން ކަމުން އޭނާ އިޝާ ނަމާދު ކޮށްލައިގެން އައިސް އެނދުމަތީގައި އޮށޯވެލިއެވެ. ނިދި އައިސްފައި ހުރި ނަަމަވެސް ނިދޭ ގޮތެއް ނުވިއެވެ. އައިޒަންގެ މޫނު މިއަދު ނުހަނު ގާތުން ފެނުމުން ނިފްޝާގެ ހިތަށް ގޮތެއްވެލިއެވެ. މިރޭ އައިޒަންގެއެކި ހިޔާލުތައް އައިސް ނިފްޝާގެ ސިކުނޑި ވަނީ ފުރައިލާފައެވެ. އެހެން ނަމަވެސް އެއީ ގޯސް ކަމަކަށް ވުމުން އެހިޔާލު ތަކުން ދުރަށް ދެވޭތޯ ނިފްޝާ ވަރަށް މަސައްކަތްކުރިއެވެ. އެހެން އޮއްވާ ނިދި އައިސް ނިފްޝާގެ ލޮލަށް ސަވާރުވީ ކޮންއިރަކު ކަމެއްވެސް ނެނގެއެވެ. ލޮލަށް ނިދިނައިސްގެން އުޅުނު އައިޒަން އެނދުމަތީގައި އޮވެގެން ދެފަރާތަށް ފުރޮޅެނީއެވެ. މީ ކުރިން އޭނާއަށް ވީ ކަމެއް ނޫނެވެ. ނިދަން އޮށޯތްފަހުން މިހާރު އެއްގަޑި އިރު ވަނީއެވެ. އެހެންނަމަވެސް ނިދޭ ގޮތެއް ނުވިއެވެ. ލޯ މަރައިލާއިރަށް ސިފަ ވަނީ ނިފްޝާގެ އެ ދޮން މޫނެވެ. ފިޔާތޮށިކަން ގަދަ ތުންފަތެވެ. ކަޅު ކަންގަދަ އެސްފިޔައެވެ. މީގެ ކުރިން ނިފްޝާގެ މޫނު އެހައި ކާރިން އައިޒަން އަކަށް ނުފެނެއެވެ. މިއަދު އައިޒަންގެ ހިތުގައި ނިފްޝާގެ ސޫރަ ދުވަހަކު ފަނޑު ނުވާނޭ ވަރަށް ކުރެހުނެވެ. މީގެ ކުރިންވެސް އައިޒަންގެ ހިތުން ވަނީ ނިފްޝާއަށް ހާއްސަ މަގާމެއް ދެވިފައެވެ. އަދިއަދަށް ދާންދެން ވެސް އޭނާ ވަނީ އެންމެ ގާތް އެކުވެރިޔާއަށްވެސް އެކަން ސިއްރު ކޮށްފައެވެ. ނިފްޝާގެ ހިޔާލުތަކުގައި އޮވެ ނިދުނު އިރެއްވެސް އައިޒަން އަކަށް ނެނގެއެވެ. ******* ހަނދު އޭގެ ވާޖިބު އަދާކުރުމަށްފަހު ދުވާލުގެ ޑިއުޓީ އަށް އިރު ނުކުތީ އެތައް ބަޔަކަށް އުފާވެރިކަން އެނެއްބަޔަކަށް ހިތާމަ ގެނުވާފައިއެވެ. އަހަރުގެ ބޮޑު ޗުއްޓީ ކަމުން މަގުމަތިން ގިނަ މީހުން ފެންނާކަށް ނެތެވެ. ނަމަވެސް ފަތިސް ނަމާދު ކޮށްލައިގެން ނިފްޝާ މަގުމަތީގައި ކުނި ކަހަން އޮތެވެ. މަގުމަތިން ހާހަކުން ފަހަރަކު ނޫނީ މީހަކު ނުފެނެއެވެ. ނިފްޝާމެން ގޭގެ ފޫޓަކީ ބޮޑު ފޫޓެއް ކަމުން ކަހާ ނިމޭއިރު ހުންނަނީ ވަރުބަލިވެގެން ގޮސް ހަލާކުވެފައެވެ. މިއީ ކޮންމެ ދުވަހެއްގެ ވެސް އާދައެވެ. ސުކޫލް ބަންދު ދުވަހެއްވެއްޖާ އޭނާގެ މަންމަ އަށް އެހީވުމަށްޓަކައި ތަފާތު އެކި މަސައްކަތް ކޮށްދެއެވެ.ނަމަވެސް މީޝާ އަކީ އޭގެ އިދިކޮޅެވެ. ނިދައިގެން ވެސް ހޭލާނީ މެންދުރުވާފަހުންނެވެ. އެކެއްގެ ދަރިން ކަމުގައި ވީނަމަވެސް މީޝާ އާއި ނިފްޝާ އެތައް ގޮތަކުން ތަފާތެވެ. މީޝާއަކީ އަނގަގަދަ މަޖާ މިޒާޖެއްގެ ކުއްޖެކެވެ. އެހެންނަމަވެސް ނިފްޝާއަކީ މަޑުމައިތިރި މީހުންނާއި ގުޅޭ ކުއްޖެކެވެ. ”ނިފޫ….. އަދިވެސް ނުނިމޭތަ ކަހައެއް.. އަވަސް ކޮށްލަބަލަ އެއްޗެއް ގަންނަން ދާން…” ނިފްޝާގެ މަންމަ އިނާޝާ ބުނެލިއެވެ. ”ނޫނޭ މަންމާ! މިނިމުނީ ހަމަ……. އަންނާނަން ތައްޔާރު ވެލައިގެން.. މިހުރިގޮތައް ދާކަށް ނުކެރޭނެ…”ނިފްޝާ އަކީ ދީނަށް ލޯބިކުރާ ކުއްޖެއް ކަމުން އޭނާ ގެއިން ބޭރަށް ނުކުންނަނީ އަބަދުވެސް ބޮޑު ހެދުން ލައިގެންނެވެ. މަދުފަހަރަކު ނޫނީ ކުރުހެދުމެއް ލައިގެން ނުނިކުންނާނެއެވެ. […]
މެންދުރުގެ ހޫނު ވަގުތުގައި މަގުގެ އެއްކައިރިން ހިނގާފައި ދިޔަ ޒުވާން ފިރިހެން ކުއްޖާގެ މޫނުމަތިން ފެންނަމުން ދަނީ ވަރުބަލިކަމެވެ. ބަލާބެލުމަށް އެއީ ފަނަރަ އަހަރުގެ ކުއްޖެކެވެ. ލާފައި ވަނީ ކަޅުކުލައިގެ ޖިންސަކާއި ކަނޑު ނޫކުލައިގެ ގަމީހެކެވެ. އިސްތަށިގަނޑުގައި ފުނާ އަޅާފައިވާ ގޮތުން އެ ފިރިހެންވަންތަކަން އިތުރުކޮށްދެއެވެ. އަތުގައި އޮތް މެދުވަރުގެ ޙަތިމުން އެ ދަނީ ޤުރްޢާން ކިޔަވަން ކަން ޔަޤީނެވެ. އޭގެ ކުޑަ ތަންކޮޅެއް ފަހަތުން ދެ އަންހެން ކުދިން އަންނަތަން ފެނެއެވެ. އެ ދެ ކުދިންވެސް އެދަނީ ޤުރްޢާން ކިޔަވަންކަން ހާމަވަނީ އަތުގައި އޮތް ޙަތިމުންނެވެ. ކަޅުކުލައިގެ ބަޓަފުލައި އަބާޔާއަކާއި ކަޅުކުލައިގެ ބުރުގަލެއް އަޅައިގެން ހުރި އަންހެން ކުއްޖާ ބަލާބެލުމަށް ވައްތަރީ ފަނަރަ އަހަރުގެ ކުއްޖަކާއެވެ. ކާރީގައި ހުރި ކުޑަ އަންހެން ކުއްޖާ ވައްތަރީ ތޭރަ އަހަރުގެ ކުއްޖަކާއެވެ. ލާފައިވާ ނޫ ކުލައިގެ ޖިންސާއި ވައިލެޓް ކުލައިގެ ޓޮޕް ކޮޅުން އެއީ ފެޝަނަށް ލޯބިކުރާ ކުއްޖެއްކަން ހާމަވެއެވެ. ” ދޮންތާ ބަލާ! އެއޮށް ދަނީ ދޮންތަގެ ހޭންޑްސަމް.” އެތާހުރި ކުޑަ އަންހެން ކުއްޖާ އޭނަގެ ދޮންތައާއި ދިމާއަށް ކުރިމަތިން ދިޔަ ފިރިހެން ކުއްޖާއަށް ބުނެލިއެވެ. ”މީޝާ ގާތު ކިތައް ފަހަރު ބުނާނީ އެއީ ދޮންތަގެ ހޭންޑްސަމް އެއް ނޫނޭ! ދޮންތަ އަދި ނޫޅެމޭ މީހަކާ ހެދިއެއް! އެތާހުރި ބޮޑު އަންހެން ކުއްޖާ އޭނާގެ ކޮއްކޮ އަށް ބުނެލިއެވެ. ”ބަލަ ދޮންތައެއް ނޫންތަ ބުނީ އެއީ ދޮންތަގެ ހޭންޑްސަމް އޭ! މީޝާ އޭނާގެ ދޮންތަ އަށް ރައްދެއްދިނެވެ. ”މީޝާ! އެއީ ދޮންތަ މަޖަލަކަށް ބުނި އެއްޗެކޭ…. މީހަކަށް މަޖަލަކަށް އެއްޗެއް ބުނެލެވެން ވެސް ނެތެންނު މިހިރި ބޮޑު އަނގައާ ހެދި…… މުޅި އުމުރަށް ވެސް ދެން ކިޔާނެ….” މީޝާގެ ދޮންތަ އެހެން ބުނެފައި ގޮސް ކިޔަވަން ދާ ގެއަށްވަނިއެވެ. އައިޒަން! ކިޔަވާ! ކިޔަވާއްތަ ބުނެލިއެވެ. ”ދޮންތާ… ދޮންތާ..ހޭންޑްސަމް ކިޔަވަން ފަށަނި” ހަމައެކަނި ދޮންތައަށް އަޑު އިވޭވަރަށް މީޝާ ބުނެލިއެވެ. މީޝާ އެ ބުނިއެއްޗެއް އަޑު އިވޭކަމަށް ވެސް ހަދާނުލައި އޭނާގެ ދޮންތަ އިނެވެ. އޭގެ ކުޑަ އިރުކޮޅެއް ފަހުން އައިޒަން ކިޔަވަން ފެށިއެވެ.އައިޒަން ކިޔަވާ ނިމުމުން ދެން ކިޔަވާއްތަ ޖެއްސީ މިޝާގެ ދޮންތަ ނިފްޝާއަށެވެ. މީޝާ އޭނާގެ ދޮންތައާ ދިމާއަށް މީހުން ލަދުގަންނަވާލާ ކަހަލަ ގޮތަކަށް ބަލާލިއެވެ. ނިފްޝާ އަޅާނުލާ ކިޔަވަން ފެށިއެވެ. އެންމެން ކިޔަވާ ނިންމައިގެން ގެއަށް ދިއުމަށް ހިނގާގަނެވެ.ނަމަވެސް މީޝާ އާއި ނިފްޝާ ކިޔަވާ ގެއިން ނިކުމީ ތަންކޮޅެއް ލަހުންނެވެ. ”މި މީޝާގެ ކަންތަކޭ! ދެންވެސް ކިޔަވާގޭގަ ވާހަކަ ނުދައްކާތި! އެންމެން ދިޔަފަހުން އަހަރެމެންނަށް ގެއަށް މިދެވެނި….”ނިފްޝާ ބުނެލިއެވެ. ”ދޮންތާ މީޝްއަށް ހީވަނި ކިޔަވާއްތައަށް ވެސް އެނގޭހެން…” މީޝާ އެއްޗެއް ވިސްނަލާފައި ބުނެލިއެވެ. ” ކޯއްޗެއް؟؟”ނިފްޝާ އެއްޗެއް ނުވިސްނޭ ފަދައަކުން އަހާލިއެވެ. ” ދޮންތައާއި އެ ހޭންޑްސަމް……….”މީޝާއަށް ޖުމުލަ ފުރިހަމަ ނުކުރެވެނީހެން ނިފްޝާ އޭނާގެ ގައިގާ ޖަހާލިއެވެ. ދެ މީހުން ގެއަށް ދިޔައީވެސް ހަމަ ސަކަރާތުގައެވެ. ******************* ”މީޝާ އަވަސް ކޮށްބަލަ.. މިހާރު ކޮން އިރެއް މިހެން ކިޔާތާ….. މިދަނީ މިދަނީ ކިޔާތާ ވެސް ކޮން އިރެއް… ހަތަރެއް ޖަހާއިރު ދާން އުޅުނި މީހާވިއްޔަ… މިހާރު އެހެރި ހަތަރު ގަޑި ބައި ވީ އޭ…. ދެން ނިކުންނަން ވީ..!” މީޝާ ލަސް ކަމުން ނިފްޝާ އޭނާ އާ ދިމާއަށްހަޅޭލަވައިގަތެވެ. ”ސާބަހޭ ދޮންތާ…. ހާދަ ކެތްތެރިކަން ކުޑައޭ ދޯ…. ތިވަރުން ކިހިނެއް އުޅޭނި..” މީޝާ ބުނެލިއެވެ. ”ކެތްކުރިކަމަށް ވާނި މިތާ ފާރުބުޑުގަ އިނދެގެން މަރުވީމަތަ؟” ނިފްޝާ މަޖާ ކޮށްލަމުން ބުނެލިއެވެ. ”ހެހެހެހެހެހެހެ………… އަނެއްކާ މަރުވަންދެން މިތާ ފާރު ކާރީ އިންނާނީކީ ނޫން އިނގޭ….” މީޝާވެސް އެ މަޖަލުގައި ބާވެރިވިއެވެ. ”ހަހަހަހަ…….މަންމާ މިދަނީ ހިނގާލަން…. އެންމެ ރަނގަޅު ދޯ؟” ނިފްޝާ އޭނާގެ މަންމަގެ ހުއްދަ ހޯދިއެވެ. ”ހުމް…… އެކަމު ބަންގި ނުގޮވަނީހެން ގެއަށް އަންނާތި އިނގޭ!” ހުއްދަ ދެމުން މަންމަ ބުނެލިއެވެ. ”ލައްބަ މަންމާ!އަޅުގަނޑުމެން މިދަަނީ މުޅި އުމުރަކަށް ނޫނެއްނު… ދެން އަވަހަށް އަންނާނު…. މަންމަ ހާސްނުވެބަލަ އަޅުގަނޑުމެންނަކަށް ކަމެއް ނުވާނޭ…. ” މީޝާ އޭނާގެ މަންމަ ގާތު ބުނެލިއެވެ. ”ހުމް.. ދެން ހެޔޮލޭ….އަވަހަށް ދޭ ދެން..”މަންމަ ބުނެލިއެވެ. ލިންކުރޯޑުގެ ބޮޑުމަގުން ހިނގާފައި އަންނަ ދެ އަންހެން ކުދިންނަށް ވަނީ ގިނަ ލޯ ތަކެއް އަމާޒުވެފައެވެ. ކަނޑު ނޫ ކުލައިގެ ބަޓަފުލައި އަބާޔާ އަކާއިއެކު މުށި ކުލައިގެ ޝޯލްއެއް އަޅައިގެން ހުރި ނިފްޝާގެ ރީތިކަމަށް އިތުރު ފުރިހަމަ ކަމެއް ގެނެސްދެނީ އޭނާގެ ނުފިލާ ހިނިތުންވުމެވެ. މޭކަޕްއަކާއި ނުލައިވެސް ނިފްޝާ އެހައި ރީއްޗެވެ. ނިފްޝާ ދީނާ އެއްގޮތަށް ހެދުން އަޅާއިރު މީޝާ އަކީ އޭގެ އިދިކޮޅެވެ. ކަޅު ކުލައިގެ ސްކިނީ އަކާއި ފަލަމަސް ގަނޑާއިހަމައަށް އަންނަ ރަތް ކުލައިގެ ހެދުމާއިއެކު ކަޅުކުލައިގެ ޝޯލް އަޅާފައިވާ މީޝާގެ ރީތި ކަން ވެސް އިންތިހާއެވެ. ކޮށްފައިވާ ގަދަ މޭކަޕް އިން އެ ރީތި ކަން ދެގުނައެވެ. އެދެ ކުދިންނަށް ގިނަ ލޯ ތަކެއް އަމާޒުވެފައިވީ ނަމަވެސް އެއިން އެއްވެސް ކަމަކަށް އަޅާލާ ހެނެއް ހިޔެއްނުވެއެވެ. ހީވާގޮތުން ދެމީހުން ވެސް ތިބީ އަމިއްލަ ވަާހަކާގައެވެ. ނިފްޝާ އަކީ ޤުދުރަތީ ރީތި މަންޒަރުތަކަށް ލޯބިކުރާ ކުއްޖެއްކަމުން އޭނާ ދިޔައީ ފޯނުގައި އެ ރީތި މަންޒަރުތައް ރައްކާކުރަމުންނެވެ. އަދި މީޝާ ރުޅިއެރުވުމުގެ ގޮތުން ދިޔައީ ތަފާތު އެކި ވާހަކަ ދައްކަމުންނެވެ. ނަމަވެސް މީޝާ ދަނީ އެކަމުން ނިފްޝާއަށް ވުރެ ކުރި ހޯދަމުންނެވެ.ނިފްޝާ ބުނެލާ ކޮންމެ ބަހަކަށް މީޝާ ދިޔައީ ރައްދު ދެމުންނެވެ. ” ދޮންތާ ބަލާބަލާ.. އެހެރަ އަނަނީ ދޮންތަގެ ހޭންޑްސަމް… ދޮންތަ ހަމަ ކުރާ ކަންތަކޭ އޭނާވެސް އެކުރަނި.. ބަލާބަލަ ހަމަ ދޮންތަފޮޓޯނަގާތީ އޭ އޭނާވެސް އެ ނަގަނި….” މީޝާ ބުނި ވާހަކައިން ހަމަ ރަނގަޅަށްވެސް މިފަހަރު ނިފްޝާ ރުޅި އައެވެ. ”މީޝް އަށް ކިހިނެއް ހެދީމަތަ ދޮންތައާއި ނުބެހޭނި އޭނައޭ ކިޔާގެން….. ދެން ހަމަ މަންމަ ކާރީ އިނގޭ ބުނާނި..ދޮންތައަށް ހީވަނި މީޝް ހެން އުޅެނި އައިޒަންއާ ހެދި.. އެހެންވެ އެއްނު އަބަދު އެނަން ދުލުން ބޭރުވަނި…”ނިފްޝާ ވެސް ގޮތްދޫކުރާ ޙިޔާލެއް ނުކުރެއެވެ. ”ނޯ ވޭ ދޮންތާ… އަޅުގަނޑެއް ނޫޅެން އޭނަ އާ ހެދިއެއް… ހުއް.. ދެން އަޅުގަނޑެއް ވެސް ނޫޅޭނެ ދޯ ދޮންތަ އިންނަން އުޅޭ ކުއްޖަކާ ހެދިއެއް… ދޮންތަވެސް ދައްކާ ވާހަކަ…” މީޝާވެސް ގޮތް ދޫ ކުރާ ޙިޔާލެއް ނުކުރިއެވެ. ނިފްޝާ ފަހުން އެއްޗެއް ބުނާކަހަަލަ ޙިޔާލެއް ނުކުރިއެވެ. އެއީ ފަށައިގެން އުޅޭ ވާހަކަ ނިންމާލުމުގެ ގޮތުންނެވެ. ”ދޮންތާ އެއްޗެކޭ ނުބުނާނަންތަ؟” ހިމޭންކަމުގެ އެވަގުތުކޮޅު ދުއްވާލީ މީޝާއެވެ. […]
”ދަރިފުޅާ ޒީޝާން! މަންމަ އަށް ފެންފޮދެއް ގެނެސްދީބަލަ!” ޒަމްރާ ، އޭނާގެ ދަރިފުޅު ޒީޝާން އަށް ގޮވާލައިފައި ފެން ފޮދެއް ގެނެސްދިނުމަށް ބުނެލިއެވެ.”ދެން ކަންތަކާ މި ޖެހުނި… ތަނެއްގަ އެއްޗެއް ބަލާލަން ވެސް ނޯވެވޭނެ!” ޒީޝާން ކުދިކިޔަމުން މަންމައަށް ފެން ތަށްޓެއް ހިފާގެން ދިޔައެވެ. ޒީޝާންގެ މަންމަ ޒަމްރާއަކީ ފައިގެ މައްސަލައެއް ހުރުމުގެ ސަބަބުން ނުހިނގޭ މީހެކެވެ. މިކަމުގެ ސަބަބުން ޒީޝާން ހުންނަނީ އޭނާގެ މަންމަދެކެ ރުޅި އާއްސައެވެ. ސުކޫލު ދުވަސްވަރުގައި ކުލާހުގައި ތިބޭ ކުދިން އަބަދު ތިބެނީ ޒީޝާންއާ ދިމާކޮށްލަ ކޮށްލާއެވެ. ކުލާސްކުދިން ކުރާ މަލާމާތެއްގެ ސަބަބުން ޒީޝާން އަށް އޭނާގެ މަންމައަށް ނަފްރަތު ކުރެވެން ފެށިއެވެ. އެއީ މަންމަކަން ހަނދާން ނައްތާލެވުނެވެ. ޒީޝާންގެ ބައްޕަވަނީ ޒީޝާންގެ އުމުރުން އެންމެ ނުވައަހަރުގައި މުުޅި އުމުރަށް އެދެ މައިންނާއި ވަކިވެފައެވެ. ޒީޝާންގެ އާއިލާގައި އިތުރުމީހަކު ނެތުމުން އެދެމައިން އުޅުނީ ވަރަށް ނިކަމެތި ހާލުގައެވެ. ނުހިނގުނު ކަމުގައި ވީ ނަމަވެސް ޒަމްރާއަށް ކުރެވޭ މަސައްކަތެއް ކޮށްގެން އާމަދަނީ ހޯދައެވެ. ޒީޝާން ، ޒަމްރާ ދެކެ ކިތަންމެ ރުޅިއައި ކަމުގައި ވިއަސް ޒަމްރާ ، އޭނާގެ ދަރިފުޅު ދެކެ ލޯބިވެއެވެ. އެދަރިފުޅަށްޓަކައި އެތައް ޤުރުބާނީއެއްވިއެވެ. އެދަރިފުޅުގެ މުސްތަގުބަލަށްޓަކައި ކިޔަވައިދޭންމަސައްކަތް ކުރިއެވެ. ނަމަވެސް އޭގެ ބަދަލުގައި ޒީޝާން ޖެހީ ކޮޅުފައިންނެވެ. ޒަމްރާ އެ ދަރިފުޅަށްޓަކައި ކަރުނަ އަޅާނުރޮއި އެންމެ ދުވަހެއްވެސް ނުދާނެއެވެ. އެދަރިފުޅަށް ހެޔޮ ވިސްނުން ދެއްވާތޯ ދުޢާނުކުރާ އެންމެ ވަގުތެއްވެސް ނުދާނެއެވެ. މިހާރު ޒީޝާން ވަނީ ރަށުގަ އުޅޭ އެންމެ ނުލަފާކުދިންގެ ތެރޭގައި ހިމެނިފައެވެ. ގޭގޭން ވަގަށް އެއްޗެހި ނަގާ ، މީހުން އަތުން ފަހުންދޭ ގޮތަށް ރުފިޔާނަގައި ، ފިހާރަތަކުން ވައްކަންކޮށް، ސިނގިރޭޓު ބުއިމާއި މަސްތުވާތަކެތި ބޭނުން ކުރުމުގައި އެންމެ ކުރީ ސަފުގައި ހުންނަނީ ޒީޝާންއެވެ. ގަޔަށް ބާރު ޓޮޕާއި ޖިންސުލައިގެން ފިރިހެންކުދިންނާއިއެކު ރަށްކުޑަކުރުން ނޫން ކަމެއް ނުކުރެއެވެ. ގިނަރޭރޭ ގެއަށް ނިދަންވެސް ނާދެއެވެ. ޒަމްރާއާ ހަމައަށް މީހުންގެ ފަރާތުން މައްސަލައެއް ނާންނަ ދުވަހެއް ނުދާނެއެވެ. ކޮންމެ ދުވަހަކު ޒީޝާން ގެއަށް އަންނަ އިރަށް ، ދަނޑިގަޑުގެ އެހީގައި ހިގާފައި ގޮސް ޒީޝާންއަށް ވިސްނޭތޯ ކާރީގައި އިނެގެން ނަސޭހަތް ނުދޭ ދުވަހެއް ނުދާނެއެވެ. ނަމަވެސް އެއިން ކޮންމެ ފަހަރަކު ޒީޝާން ދެނީ ޒަމްރާ ދޭ ނަސޭހަތްތަކަށް ބީރު ކަންފަތެކެވެ. ބައެއްފަހަރު ފޫނެތް ފަޔަށް ފެން ފުރުން ކަހަލަ ކަމެކޭވެސް ޒަމްރާގެ ހިތައް އަރައެވެ. ނަމަވެސް ޒަމްރާ ހިތްވަރު އެލުވައެއް ނުލައެވެ. އެދަރިފުޅަށް ވިސްނެންދެން އޭނާ ނަސޭހަތްދޭނެއެވެ. ”ދަރިފުޅާ! ހަނދާންވޭބަތަ އެންމެ ފަހުން ނަމާދެއް ކުރި ދުވަހެއް؟ މުޅި އުމުރު ތި ހޭދަކުރަނީ ދުނިޔޭގެ ހިތްހަމަ ޖެހުން ހޯދުމުގައި! އުފަލާއި މަޖަލުގައި! މާތްﷲ ހަރާމް ކުރައްވާފައިވާ ކަންތައްތައް ކުރުމުގައި! މަންމަ ދަރިފުޅަށް ކީއްކޮށްގެންތަ ދަރިފުޅު މަންމަދެކެ ތިހާ ރުޅިތިއަންނަނީ؟” ރޭގަނޑުގެ ވަގުތެއްގައި ޒަމްރާ ބޭރު ޖޯލިފަތީގައި އިންދާ ، ޒީޝާން ގެއަށް އައިސް ވަނުމުން ހުއްޓުވައިފައި ވިސްނައިދެވޭތޯ ބެލިއެވެ. ”ކަލޭ ދެކެ މަ ރުޅި އަންނަ ސަބަބު ހަމަ ނޭނގިގެންތަ […]