ސަލާމް ކިޔުންތެރިން. އަޅުގަނޑުގެ ޖީސީ ފެށެން ގާތް ވުމާއެކު އަޅުގަނޑުވަނީ ކުޑަ ބްރޭކެއް ނަގަން ނިންމާފައި. ވީމާ ވަޢުދޭ ވެވޭމީގެ 19 ވަނަ އެޕިސޯޑް އިން ފެށިގެން ކުރިޔަށް ހުރި ބައިތަށް ކިޔާލަން ލިބޭނީ އަޅުގަނޑުގެ ޖީސީ ނިމުމުން. އިންޝާﷲ ނޮވެމްބަރ 15 ހިސާބު އަލުން ވާހަކަ ލިޔަން ފަށާނެން. ހުރިހާ ކުދިންނަށްވެސް އަންޑަރސްޓޭންޑް ވާނެކަމަށް އުންމީދު ކުރަން! ކިޔުންތެރިންގެ ފަރާތުން ލިބޭ އެއްބާރުލުމާ ލޯތްބަށް ޝުކުރިއްޔާ!
“މަންމާ…” އެޕާޓްމަންޓަށް ވަދެވުމާއެކު ހައިޒަލް އަޑުގެ ނެތްތަނަށް ރިހާނާއަށް ގޮވާލިއެވެ. އެންމެ ފަހަރަކު ނޫނެވެ. ތިން ހަތަރު ފަހަރަށެވެ. އުފަލުންގޮސް ދެފައި އެއްތާކު ނުޖެހިގެން އުޅެނިކޮށް ކޮޓަރިން ރިހާނާ ނުކުތެވެ. “ކިހިނެކޭ ވީ…” އަތުގައި އޮތް އިލޮށި ފަތި ފާރުގައި ލައްގާލަމުން ރިހާނާ އަހާލިއެވެ. “މި ވީކް ހޮނިހިރު ދުވަހު ކައިވެނީގެ ކަންތަކާ ވާހަކަ ދައްކަން އެގެޔަށް ދާން ބުނެފި… އަހަރެން އޮފީސް ނިންމާފަ ނިކުންނަނިކޮށް ސަރ އައިސް އެ ވާހަކަ ދެއްކީ…” ބައްތިރީސް ދަތް ސޭލަށް […]
މަތިންދާ ބޯޓުން ފޭބުމާއެކު ކުރިއަށްވުރެ ބޮޑަށް އަހަރެންގެ މޭ ތެޅެންފެށިއެވެ. ސަބަބެއް ނެތިއެއް ނޫނެވެ. ބަރާބަރު 2 އަހަރުފަހުން އުފަން ފަސްގަނޑުގައި ފައި މި ޖައްސާލީ މިއަދުއެވެ. ހަޤީގަތުގައި މިއަދު އަހަރެން އަންނަން ޖެހޭނީ އުފާވެރި ޚަބަރަކައިގެންނެވެ. އެހެންނަމަވެސް އަހަރެން މިއައީ މައިންބަފައިން ދުށް ހުރިހާ ފޮނި ހުވަފެނެއް ފުނޑުފުނޑު ކޮށްލާފަދަ ހިތްދަތި ޚަބަރަކައިގެންނެވެ. “ދަރިފުޅާ…” އެއާޕޯޓުން ނުކުމެވުމާއެކު މަންމަ ދުވެފައި އައިސް އޮޅުލައިގަތެވެ. އަހަރެން ހުރީ މަންމަގައިގައި އަތްޖައްސާލަންވެސް ނުކެރިފައެވެ. “ނައުރީން… ދަރިފުޅޫ ހާދަ ހިކިފައޭ […]
މިހާރު ހިތަށް އަރައެވެ. އެ ހިތުގެ ޝަކުވާތައް އަޑު އެހުނު ނަމައެވެ. ވާހަކަ ދައްކަން އުޅުނު ވަގުތު އަޑު އެހުނު ނަމައެވެ. ރޮމުން އައި ވަގުތު މަސަލަސް ކުރެވުނު ނަމައެވެ. އަނިޔާވި ވަގުތު ޒަޙަމުގައި ބޭސް އެޅުނު ނަމައެވެ. ލޯބިން ކައްކައިދިން ދުވަހު ކެވުނު ނަމައެވެ. ކަމަކު އެދުނު ދުވަހު އެ ކަމެއް ކޮށްދެވުނު ނަމައެވެ. ނަމަވެސް ކުރާނީ ކީއްހެއްޔެވެ؟ ނަމައަކުން ކެއްކޭނެ ރިހައެއް މިއަދަކު ނެތެވެ. އަހަރެންގެ ފަރުވާކުޑަކަމާ ޖާހިލުކަމާ ހިތްހަރުކަމުން އެ ލޯބި ނެތި […]
“ބުނަން ވަރަށް ރަނގަޅު ވާހަކައެއް؟… އަހަރެންގެ އަންހެނުންނޭ ކިޔާފަ ވާހަކަ ދައްކަން ނުގުޅައްޗޭ ދެން…” ފާހަނައިން ނުކުތް ނައުހާއަށް ރައުލް ބުނި އަޑު އިވިފައި ހުއްޓުން އެރިއެވެ. ގުޅީ ކާކުކަން ޔަގީން ނުވިޔަސް އެ ގުޅި މީހަކު ދެއްކީ ނައުހާގެ ވާހަކަކަން ޔަގީންވެއްޖެއެވެ. “އާކިން…” ކުއްލިއަކަށް ކަމެއް ރޭކާލި ފަދައިން ނައުހާއަށް މަޑުމަޑުން ބުނެލެވުނެވެ. އެންމެފަހުން ސްވީޓް ސްޓޭ ހޮޓެލްއިން ދިމާވި ގޮތަކަށް އަދި އާކިންއަކާ ދިމައެއް ނުވެއެވެ. ގުޅާފިއްޔާ ފޯނު ބިޒީ ކޮށްލަނީއެވެ. “ނައު….” ފާހަނާ […]
“ހައި… ޒަލް…” ނައިނާގެ އަޑު އައީ ކެނޑި ކެނޑިގެންނެވެ. ނައިނާގެ ރީތިކަމަށް ގެއްލިފައި ހުރި ހައިޒަލްއަށް ނައިނާ ގޮވިކަންވެސް ރޭކާ ނުލިއެވެ. ހައިޒަލްގެ މޫނު ނައިނާގެ މޫނާ ކިރިޔާ ނުޖެހޭހާ ކައިރި ވުމާއެކު ނައިނާއަށް ދެލޯ މަރާލެވުނެވެ. “އަމައްޔާއި… ދޮރު ލައްޕައިން ތި ކުރާ ކަމެއް ކުރާ ނަމަ ދޯ؟…” ދޮރު ކައިރި ހުރެ ލޯ މަތީ އަތްއަޅާލަމުން ޒިޔާން ދިމާ ކޮށްލިއެވެ. ޒިޔާންގެ އަޑާއެކު ނައިނާއާއި ހައިޒަލް ސިހިފައި ދުރަށް ދިޔައެވެ. އޭރު ނައިނާގެ މޫނު […]
މަސައްކަތުގެ ތެރެއަށް ނައުހާ އެއްކޮށް ވަދެފައި ވަނިކޮށް ނައުހާގެ ފޯނު ރިންގުވި އަޑަށް ކުރަން ހުރި މަސައްކަތް ހުއްޓާލިއެވެ. އަދި ފޯނު ނަގައި ގުޅަނީ ކާކުތޯ ބަލާލިއެވެ. ސްކްރީނަށް އަރާފައި އިން ނަން ފެނި ނައުހާ ފޯނު ސައިލެންޓަށް ލިއެވެ. ގުޅަމުން ދިޔައީ އާކިންއެވެ. ނައުހާ ފޯނު ނުނެގުމުން އަނެއްކާވެސް އާކިން ގުޅަން ފެށިއެވެ. އެގޮތަށް ފަސް ވަރަކަށް ގުޅި ފަހުން ނައުހާ ފޯނު ނެގިއެވެ. “ހަމަ ފޯނު ނުނަގަން ވެގެން ދޯ؟…” އާކިން ބުނެލިއެވެ. “އާކިން… […]
“ދެމައިން ހާދަ ސަކަރާތެއް؟…” ބަދިގެއަށް ވަންނަމުން ރިޒާމް ބުނެލިއެވެ. ފަހަތުން އައި ޒިޔާންވެސް ތެދެކޭ ބުނެލިއެވެ. “މަންމާ… އަހަރެން މި ވިސްނަނީ ވަޒީފާއަކަށް ދާން ކަމަށް…” ކޮފީ ތަށިން އެތިކޮޅެއް ބޯލަމުން ޒިޔާން ބުނެލިއެވެ. “މަންމަ މިއޮއްހާ ދުވަހު ވަޒީފާއަކަށް ދާން ބުނީމަ ނުގޮސް ހުރެފަ ކުއްލިއަކަށް ވަޒީފާއަކަށް ދާން ތިއުޅެނިއްޔޯ؟…” ޒިޔާނާ އަހާލިއެވެ. ޒިޔާނާގެ މި ސުވާލަށް ޒިޔާން ހީލީއެވެ. ދޭނެ ޖަވާބެއް ނޭންގިގެންނެވެ. ހަގީގަތުގައި އޭނާ ވަޒީފާއަކަށް ދާން އެ އުޅެނީ ވެސް ވަރަށް […]
އެންމެން ވާހަކަދައްކަން ތިއްބާ ބޭރުން ސަލާމް ގޮވާލިއަޑަށް ޒިޔާނާ ތެދުވިއެވެ. އޭރު ޒާން ގޮވައިން ރިޒާމް އެތެރެއަށް ވަދެއްޖެއެވެ. ސަލާމް ބަލައި ގަންނަމުން ދޮރު ކަައިރިއަށް ހުއްޓުނު ޒިޔާނާގެ ހަށިގަނޑު ތުރުތުރު ލައިގަތީ ކުރިމަތީ ހުރި ނާޒިހު ފެނިފައެވެ. “ނާ.. ނާޒިހު…” ހިން ދިރުވައިލަމުން ޒިޔާނާ ގޮވާލިއެވެ. ނާޒިހު ފެނިފައި ޒިޔާނާގެ ހަނދާންތައް ދަތުރުކުރީ މީގެ އެތައް އަހަރެއްގެ ކުރިޔަށެވެ. އާދޭސް ކޮށްކޮށް އޮއްވާ ވަރިކޮށް، ދެއަހަރުވެސް ނުވާ ކުޑަކުޑަ ނައިނާއާ ވަކި ކުރި ގޮތެވެ. އެދުވަހު […]