ވިސްނަން ހުރި އާނިމް ކޮޓަރިން ބޭރަށް ބޯދިއްކޮށްލިއެވެ.ޝަހާ ފެންނަން ހުރެދާނެ ކަމަށެވެ.އެކޮރިޑޯ ތެރޭގައި އެއްވެސް މީހެއްގެ ހިލަމެއް ފެންނާކަށް ނެތެވެ.މުޅި ކޮރިޑޯތެރޭގައި ދެކޮޅަށް ހިނގާލަ ހިނގާލަ އާނިމް ހުރީ ވަރަށް ބޮޑު ކަންބޮޑުވުމެއްގެ ތެރޭގައެވެ.ފޯނުވެސް ބާއްވާފައި ޝަހާ ދިއުމުން، އާނިމް ހުރީ އޭނާއަށް ގުޅޭނެގޮތެއްވެސް ނުވެފައެވެ.އެކިއެކި ޚިޔާލުތަކުގައި ހިނގަމުން ދެކޮޅަށް ދިޔަ އާނިމްގެ ކަންފަތުގައި އަންހެން ހުނުމެއްގެ އަޑު ޖެހުނެވެ.އެއަޑު ޖެހުމާއިއެކު ހިނގަމުންދިޔަ އާނިމްގެ ހިނގުން ކުއްލިއަކަށް ހުއްޓުނެވެ.އަދި ވަރަށް ރަނގަޅަށް އެއަޑާ ދޭތެރޭގައި އޭނާ ވިސްނާލިއެވެ.އެއަޑު […]
ވަގުތުކޮޅަކަށް އިކުރާމްގެ އަތުގައި ހުރި ފައިސާތަކަށް ބަލަން އެންމެނަށްވެސް ހުރެވުނެވެ. “އެހެންވީމަ ކީކޭ ބުނަނީ؟” ފައިސާތަކަށް ބަލަން ހުރި އެންމެނަށް އިކުރާމް އަހާލިއެވެ. “މިރުފިޔާތައް ބޭނުންވަންޏާ އާނ ބަސް ބުނޭ” އިކުރާމް އަނެއްކާވެސް ބުނެލިއެވެ.އިކުރާމްގެ އެބަހަށް އެންމެންވެސް ފަހަރަކުމީހެއްގެ މޫނަށް ބަލައިލުމަށްފަހު އަނެއްކާވެސް ފައިސާތަކަށް ބަލައިލިއެެވެ. އިޚްތިޔާރުކުރަންވީ އެއްޗަކާއި މެދު އެމީހުން ފިކުރުކޮށްލިއެވެ.އާނިމްތޯ ނުވަތަ އެފައިސާތައް ތޯއާމެދު އެމީހުންގެ ހިތުގައި ސުވާލު އުފެދިފައިވަނީ އެހާ ގިނަ ފައިސާތަކަކަށް ވަގުތުން އިންކާރުކުރަން ނުކެރުމުންނެވެ.އާނިމްގެ އަތްމަތި ދީލަތިކަމާއި ގިނަ ޚަރަދުތައް […]
މެންދުރު ނަމާދު ބަންގި ގޮވަން ގާތްވެފާ ވާތީ މަންމައާއެކު ވަލުތެރޭގައި ދަރުހޮވަން އުޅުމަށްފަހު ޒައިން މިސްރާބު ޖެހީ ގެއަށް ދިއުމަށެވެ. ޗުއްޓީ ދުވަހަކަށް ވުމާއެކު މަންމައާއެކު ވަލުތެރެއަށް ދަރުހޮވަން ދިއުމަކީ ޒައިންގެ އާދައެކެވެ. ޒައިންއަކީ ފަގީރު އާއިލާއެއްގެ ކުއްޖެކެވެ. އުމުރުން ތިން އަހަރުގައި ބައްޕަ ނިޔާވުމާއެކު އެކި މަސައްކަތް ކޮށްގެން ޒައިން ބަލަހައްޓަމުން އައީ އޭނާގެ މަންމައެވެ. އެހެނަސް ގިނަ ފަހަރު ލިބޭ މަދު ރުފިޔާކޮޅުން އޮންނަނީ ބޭނުންވާ އެއްޗެހި ނުގަނެވިފައެވެ. ސުކޫލަށް ގެންދާ ސާމާނަކީ އެކަށްވެސް […]
ޚަދީޖާއާ ވާހަކަދައްކާލުމަށްފަހު، ޝައިނާ އޭނާ ދިރިއުޅޭ އެޕާޓުމަންޓަށް ދާން ނިކުތެވެ. “އަދި އަންނައްޗެ އިނގޭ ކޮއްކޯ…ދެން މި ރަހުމަތްތެރިވީއޭ” ދޮރުމަތީގައި ހުރި ޝައިނާއަށް ޚަދީޖާ ބުނެލީ ހިނިތުންވުމަކާއިއެކުގައެވެ.ޚަދީޖާގެ އެބަހަށް ޝައިނާ ބޯޖަހާލުމާއެކު ޚަދީޖާ އެޕާޓުމަންޓުގެ ދޮރުޖަހާލިއެވެ. ޝައިނާ މަޑުމަޑުން ސިޑިން ތިރިއަށް ފައިބަމުންދިޔައެވެ.އޭނާގެ ބޮލުތެރޭގައިވަނީ އާނިމާއި ވާހަކަދައްކާނެ ގޮތެކެވެ.އާނިމަށް ވިސްނައިދެވޭތޯ ބަލާނަންކަމުގައި ޚަދީޖާ ގާތު ވައުދުވެފައިވާތީ، އެވައުދުފުއްދަން ޝައިނާ ބޭނުމެވެ.އާނިމާ ވާހަކަދައްކަން އޭނާއަށް ކެރޭނެބާވައޭ ނުވަތަ އާނިމް އޭނާގެ ނަސޭހަތް އަޑުއަހާނެބާވައޭ ޝައިނާގެ ހިތަށްއަރަމުންދިޔައެވެ.މިފަދަ އެތައް ސުވާލުތަކަކުން […]
“ދައްތަގެ ހަޔާތާ ބެހޭގޮތަކުން ޝައިނާއަކަށް މާބޮޑަކަށް ނޭނގެ…އާނިމުގެ ބައްޕައާ މާމަ އަދި ކާފަ ކޮބާ؟” ޚަދީޖާގެ ވާހަކަތައް އަޑުއަހަން އިން ޝައިނާ، އޭނާގެ ހިތުގައި އުފެދިފައިވާ ސުވާލުތައް ޚަދީޖާއާ ކޮށްލިއެވެ. “ދައްތައަކީ ރާއްޖެތެރޭ ރަށަކަށް އުފަން ވަރަށް ފަގީރު މީހެއް…މިގެއަކީ އާނިމުގެ ބައްޕަގެ މައިންބަފައިންގެ ގެއެއް…އެމީހުން ރާއްޖެއިން ބޭރަށް ފުރަން ދިޔަ ދުވަހު ކަނޑުމަތީގަ ހިނގި ހާދިޘާއެއްގަ ނިޔާވީ…އެމީހުން ނިޔާވުމުން މިގެ ލިބުނީ އާނިމުގެ ބައްޕަ އަބޫބަކުރަށް…އެއީ އަބޫބަކުރަކީ އެމީހުންގެ ހުރި ހަމައެކަނި ދަރިއަށްވެސް ވާތީއާއެކު…ފަހުން އާނިމުގެ […]
ޝައިނާ މަޑުމަޑުން ޚަދީޖާގެ އެޕާޓުމަންޓާ ގާތްވަމުންދިިޔައެވެ.އެއާއެކު ދޮރުގައި ތަޅާއަޑުވެސް ދިޔައީ ސާފުކޮށް އިވެމުންނެވެ.ޚަދީޖާގެ އެޕާޓުމަންޓަށް އެރެވުމާއެކު ދޮރާ ދިމާލަށް ޝައިނާ ބަލައިލިއެވެ.ހިމަރޮގެއް ވަރަށް ހުޅުވިފައިވާ އެދޮރާ ދިމާލަށް ބަލަން ޝައިނާއަށް ހުރެވުނެެވެ.ދޮރު ހުޅުވިފައި ހުރުމުން، އެތަނަށް ދާންވީބާއޭ ނުވަތަ އެނބުރި އޭނާ ދިރިއުޅޭ އެޕާޓުމަންޓަށް ފައިބަންވީބާވައޭ ހިތަށްއަރާ ހާލުގައެވެ. އިވެމުންދިޔަ އަޑު ކުއްލިއަކަށް ހުއްޓުނެވެ.ނަމަވެސް އިވުނުއަޑުގެ ހަގީގަތް ބަލަން ޝައިނާ ބޭނުންވިއެވެ.ފުންނޭވާއެއް ދޫކޮށްލުމަށްފަހު، ހުޅުވިފައިވާ ދޮރާ ދިމާލަށް ޝައިނާ ދިޔައެވެ.އަދި ދޮރުމަތީގައި ހުރެ ސަލާންގޮވާލިއެވެ.އެއްފަހަރެވެ.ދެފަަހަރަށްވެސް މެއެވެ.ނަމަވެސް އެއްވެސް […]
އާނިމާއި އޭނާގެ އެކުވެރިން ބިރެއް ސަރަމެއް، ޚިޔާލެއް ފިކުރެއްނެތި، ރާބޮއެ މަސްތުވުމާއި ޒިނޭކުރުންފަދަ ބޮޑެތި މުންކަރާތްތަކަށް އަރައިގަންނަމުންދިޔައެވެ.ލަދުގެ ކަންފުޅެއްވެސް ނެތިއެވެ.އެއްފަހަރާ ދެމީހުންނާއި އެކުގައެެވެ.ނޫނީ ތިން ހަތަރުމީހުންނާވެސް އެކުގައެވެ.ތިން ދުވަސް ވަންދެން އެހެންމީހުންނެެކޭ އެއްފަދައިން އާނިމުވެސް އެފާހިޝް އަމަލުތަކުގައި އަވަދިނެތި އުޅެމުންދިޔައެވެ.ގޭގައި އޭނާގެ އުފަންމަންމަ ވަނީ ކޮޓަރިން ބޭރަށް ނުނިކުމެވޭނެގޮތަށް އެތެރެއިންް ތަޅުލާފައިކަމެއް އާނިމުގެ ހިޔާލަކަށް އެއްގޮތަކަށްވެސް ނާދެއެވެެް .މަންމަ އެއީ ީދުނިޔޭގައި ހުރި މީހެއް ހެންވެސް އާނިމަށް ހީނުވާ ފަދައެެވެ ******************* އާނިމް އޭނާގެ ރަހުމަތްތެރިންނާއެކު މަޖާނަގަމުންދިޔައިރު، […]
،އާނިމުމެން ބަލައިލީ އަންހެން މުވައްޒަފުގެ ފަހަތުގައި ތިބި މީހުންނާ ދިމާލަށެވެެ.ފަސް ފިރިހެނުން ތިބިއިރު، ހަތް ވަރަކަށް ޒުވާން އަންހެނުންވެސް ތިއްބެވެ.އާނިމުމެންގެ އިތުރުން އައިސްތިބި އެންމެން ، ފަހަރަކު މީހަކު ތައާރަފް ވެލިއެވެ. “ކޮބާ ޗޭންޖިން ރޫމް…ހަމަ ކުރިންވެސް ދާ ރޫމަށްތަ ދާންވީ؟…ޑާންސް ކުރަން ލާން އަންނައުނުތައްވެސް ހިފައިގެން މިއައީ؟” އެއްބަޔަކު އަނެއްބަޔަކާ ތައާރަފް ވެލުމަށްފަހު، ނަށާ ގުރޫޕުން މީހަކު އަހާލިއެވެ.އެއިން ކޮންމެ އަންހެނެއްގެ ކޮނޑުގައި ފުދޭވަަރަކަށް ބޮޑު އަތްދަބަހެއް އޮތުމުން، އޭގައިވަނީ އެމީހުން ނަށަންލާ އަންނައުނުތައްކަން އާނިމުމެނަށް […]
އެޕޮއިންޓުމަންޓު ހައްދާލުމަށްފަހު، ޝަހާ އެނބުރި އޭނާގެ ކޮޓަރިއަށް އައެވެ. “ކޮބާ ޕޭކުރެވިއްޖެތަ؟” ޝަހާ އައުމުން އާނިމް އަހާލިއެވެ. “ހާނ…އިރުއޮއްސި ހައެއްޖަހާއިރަށް ހެއްދީ…މަސާޖުކޮށްދެނީ ފިލިޕީންސްގެ ތެރަޕިސްޓެއް” އާނިމަށް ޝަހާ ބުނެލިއެވެ. “ސޯ އައި ކެން ގޯ ދޯ؟…މަސާޖުނުކުރިއަސް ބަލަން އިނދެވިދާނެއެއްނު” އާނިމް ބުނެލިއެވެ.އާނިމްގެ އެބަހަަށް ޝަހާ ވަގުތުން އިންކާރުކުރިއެވެ. “ނޯ….ބޭބީ ނަޔަސް އޯކޭއޭ ޝަހާ ހަމަ މަސާޖުކޮށްލާފަ އަންނާނީ” ޝަހާ ބުނެލިއެވެ. ޝަހާ އާނިމް ގެންދަން ބޭނުންނުވާތީ އޭނާވެސް ކޮންމެހެން އެތަނަށް ވަންނާކަށް ބޭނުމެއްނުވިއެވެ.އެޕޮއިންޓްމަންޓު ހެއްދުނު ވާހަކަ އިކުރާމަށް […]