ލަޔާލީ ނަޔާންއާއި މާ ވެފައި ވާހަކަދައްކާތަން ފެނި އަނޫކްގެ މޫނުމަތި މުޅިން ބަނަވިއެވެ.ނިތައް ރޫތައް ގިނަކޮށްލައިގެން ހުރެ، އޭނާ އައިސް ސައިކަލަށް އަރާ ސްޓާޓް ކޮށްލިއިރު، ކަތުރު ކަށިގަނޑަށްވެސް ހުރީ ވާން ވެލައިފައެވެ.ނަޔާން އާއި ދިމާލަށް އޭނާ ބަލައިލި ފާޑުން ނަޔާން ދެކެވެސް އޭނާ ހުރީ ރުޅި އައިސްފައި ހެން އަހަންނަށް ހީވިއެވެ.ލަޔާލީ ދެކެ އެހާ ފޫހިވާ މީހަކު އެހެން މީހަކު ލަޔާލީ އާއި ’ފްލާޓު‘ ކުރާތީ ހިތް ހަމަނުޖެހެންވީ ސަބަބެއް އަހަންނަކަށް ނުވިސްނުނެވެ. އެމީހަކަށް ކަމުދާ […]
’ކިފްލު!!! މީ ކޮން ކަމެއް؟!!‘ އަދާރާ ވަރަށް ހިތްހަމަނުޖެހިފައި މުޚާތަބުކުރީ ކުޑަދޮރުން ބޭރުގައި ކުށްވެރިއަކު ފަދައިން އޭނާއާއި ދިމާލަށް ބަލަހައްޓައިގެން ހުރި ކިފްލުއަށެވެ.ކަޅު ކުލައިގެ ޖުއްބާއެއްގައި ހުރި އިރު އޭނާ ހީވަނީ ފިރިހެންވަންތަކަން ހުސްކޮށްލައިގެން ހުރިހެންނެވެ.އެ ތޫނު ދެ ލޮލުގައި އާދަޔާ ޚިލާފު ވިދުމެއް ހުރިހެން ވެސް އަދާރާއަށް ހީވިއެވެ. **** ’ކިފްލު އާއޭ އަހަރެން މިވާހަކަ ދައްކަނީ؟ މީ ކޮން ކަމެއްހޭ…؟!‘ އަދާރާ ދެވަނަ ފަހަރަކަށްވެސްް ސުވާލު ކޮށްލިއެވެ.އޭނާ ކުރި ސުވާލަށް ޖަވާބު ދިނުމުގެ ބަދަލުގައި […]
ލަޔާލީ ޝާއީގެ ކަންފަތް ބުޑުގައި ސިއްރުން ކޮންމެވެސް އެއްޗެކޭ ބުނިތަން އަހަންނަށް ފެނުނެވެ.ލަޔާލީ ބުނި އެއްޗެއް ނޭނގުނަސް އޭނާ އެ ބުނި އެއްޗަކުން ޝާއީގެ ތުންފަތުގައި ކުޅެލީ ލާނެތް ހިނިތުންވުމެކެވެ. **** ’ތެދެއް ހޭންޑްސަމް ކާކުތަ ތީ؟‘ ޝާއީ ހެމުން ހެމުން އަހަންނަށް ނިތް އެއްލަމުން ބުނެލިއެވެ.ލަޔާލީ ވަގުތުން އޭތް ވޭ ކިޔާ ޝާއީގެ އަތުގައި ބާރަކަށް ވިކައިގެންފިއެވެ. ޝާއީ ބާރަކަށް ’އާއޫ‘ އޭ ބުނެލިއެވެ.ވީ ގޮތް އަހަންނަށް ރެއަކާލީ ދެނެވެ.ލަޔާލީ ޝާއީ ކުރެން އަހަންނަކީ ކާކުކަން […]
އެއްޗެހި ހޫނުކޮށް ނިންމާފައި އަދާރާ ބަދިގެއިން ނުކުތް އިރު މާހައުލުގައި އެއް އަޑަކަށް ހިފާލައިފައި ވަނީ ރަފީގު ގޮވާ އަޑެވެ.ބޮކިތައް ނިވައި ދޮރުތައް ރަނގަޅަށް ތަޅުލާފައި އަދާރާ މަޑުމަޑުން ފޯނާއި ކުޅެމުން ގެއަށް ވަންނަން އައި ވަގުތު އޭނާގެ ވާތް ފަޅިން ބޫން ކަނޑާފައި ހިޔަންޏެއް ހުރަސްކޮށްލިއެވެ. އަދާރާގެ ގަޔަށް އަރައިގެން ދިޔަ އާދަޔާޚިލާފު ފިނިގަނޑާއިއެކު އޭނާގެ ހުރިހާ ލޯލިތަކެއް ކޮޅަށް ޖެހިގެން ދިޔައެވެ. **** ’ކާކު؟‘ ސިހުނު ވަރުން އަދާރާގެ ފިޔަވަޅުތައް މަޑު ޖެހުނެވެ. އޭނާ […]
ޑިޕްރެޝަން މީ ކިހާ ބަޔަކު ތަޙައްމަލު ކުރަމުންދާ ވޭނެއް ހެއްޔެވެ؟ އެކަމަކު އެކި މީހުން އެކަން ތަހައްމަލުކުރަނީ އެކި ލެވެލްގައެވެ. ގިނަ ފަހަރު މީހަކު ޑިޕްރެޝަނުގައި އުޅޭކަން އަހަރެމެނަށް އެނގެނީވެސް އެމީހަކަށް ތަންކޮޅެއް ބޮޑުވަރު ވެގެން ދާ ފަހުންނެވެ. އަމިއްލަ ނަފްސަށް ގެއްލުންދީ މީހާ މޮޔަވާ ދަރަޖައަށް ކަންތައްތައް ބޮއްސުންލައިގެން ދާ ހިސާބުންނެވެ. **** ޑިޕްރެޝަންގެ ތެރެއިންވެސް ’ހައި ފަންކްޝަނިން ޑިޕްރެޝަން‘ ތަހައްމަލު ކުރަމުންދާ މީހުންގެ އަދަދު ވަކި މަދެއް ނޫނެވެ.އެކަމަކު އެމީހުންގެ އާންމު ދިރިއުޅުމަށް އޭގެ […]
ފޯނު ނަގަން ބޭނުން ނުވެގެން އަހަރެން ފޯނު ސައިލެންޓަށް ލީމެވެ. އެކަމަކު ހަމަ ކެނޑޭ އިރަށް އަނެއްކާވެސް ގުޅައެވެ.ވީ ފޫހިން އަހަންނަށް މޫނު ހަދައިލެވުނެވެ.ކަށިން ހިތްވަރު ލައިގެން އަހަންނަށް ގުޅަމުން ދިޔައީ އުސައިދުއެވެ. އަހަރެން އޭނާއާއި ގުޅުން ބަދަހި ކުރަން ބޭނުން ނުވާކަން ރަނގަޅަށް އެނގޭއިރު އަހަންނަށް އެވަރަށް ގުޅުމުގެ ބޭނުމަކީ ކޮބައި ހެއްޔެވެ؟ **** ’ޒައިފް…އޯކޭތަ؟‘ އަހަރެންގެ ޙަރަކާތްތަކަށް ސަމާލުކަން ދީގެން ޝާއީ އިންކަން އަހަންނަށް ރެއަކާލީ އޭނާ އެހެން އަހައިލީމައެވެ. ’އާނ…އޯކޭ… ކިހިނެއް ވީ؟‘ […]
ކިފްލު ގޮސް ގެއަށް ވަނުމުގެ ކުރިން އެއް ފަހަރު އެނބުރި ފަހަތް ބަލައިލިތަން އަދާރާ ދުށްޓެވެ. ނަމަވެސް އެކަން އެނގުނު ކަމަށް ނުހަދާ އޭނާ ކުނި ކެހުން ކުރިއަށް ގެންދިޔައެވެ. އެހެނަސް އިސާހިތަކު އޭނާގެ ހަގީގީ އިހުސާސްތައް، ހިނިތުންވުމެއްގެ ސިފަ ޖެހި އޭނާގެ ތުންފަތުން ޖާގަ ހޯދީ ހުއްދަ ހޯދުމަކާއިވެސް ނުލައެވެ. ކިފްލުގެ ސަމާލުކަން ލިބުމުން އޭނާ އެހާ އުފާ ވާންވީ ކީއްވެ ހެއްޔެވެ؟ ދެވަނަ ސިކުންތު, ދެފަރާތަށް ބޯހޫރާލަމުން އަދާރާ ’އައި ރޯލް‘ ކޮށްލިއެވެ. ***** […]
އަހަރެމެން ވަދެ މޭޒުކައިރީގައި އިށީނުމުން އަހަރެމެންނަށް ސައި ތައްޔާރުކޮށް ދިނުމަށް ޝާއީ އަވަސްވެގަތެވެ.އޭނާ އައިސް މޭޒުމަތީގައި ބަހައްޓާފައި ހުރި ތަށިތަކުގެ މަތި ނެގުމުން އެ ދުވަންފެށި ކާއެއްޗެހީގެ މީރު ވަހުން އަހަރެންގެ ބަނޑުން އަޑު ކިޔައިލިއެވެ. ހެނދުނުގެ ވަގުތެއް ކަމަކު މޭޒުމައްޗަށް ހީވަނީ އީދެއް އައިސްފައި އޮތް ހެންނެވެ.ރޮށްޓާއި، ދެވައްތަރެއްގެ ރިހައާއި، މަސްހުނީގެ އިތުރުން ހަނާކުރި ބޯށްޓާއި ތެލުލި ސޮސެޖާއި, ޕާން ޓޯސްޓުކޮށްފައި ބަޓަރާއި ޖޭމު ޖަހައިގެން ކެވޭ ގޮތަށްވެސް ހުއްޓެވެ. **** އަހަރެމެނަށް ފެނާއި ސައި […]
މަރްޔަމް ސޫރަތުން ފަށައިގެން އެ ސޫރަތުގެ މެދަކާ ހިސާބަށް ކިޔުނު ތަނާ ކޮޓަރީގެ ކުޑަދޮރުގައި އެއްޗެއް ކޫރު ދެމޭ ކަހަލަ އަޑެއް އިވިގެން ސިހިފައި އަދާރާ އެ ދިމާލަށް ބަލައިލިއެވެ. ދެވަނަ ސިކުންތު އޭނާ ތެދުވެ ކުޑަދޮރު ކައިރިއަށް ޖެހިލައި، ދޮރުފޮތިގަނޑު ކަހާލައިފާއި ދޮރުގައި ލޯ ޖަހައިލިއެވެ. އެވަގުތު ފެނުނު މަންޒަރުން އޭނާގެ ދެލޯ ތަންމިނަށް ބޮޑުވިއެވެ. **** ކުޑަދޮރާއި ދިމާލަށް ފުންމައިގެން އަރައި ބިއްލޫރިގަނޑުގައި ވަކި ދަމައިގަތްތަން ފެނުނީ އެއްކަލަ ލޯބި ހުދު ބުޅަލެވެ.ކިފްލުގެ ޗަންކީއެވެ. […]