ހަނދާން ނެތިއްޖެއެވެ. އިސްމާޢީލް ޢަލީ ރ.ކަނދޮޅުދޫ ކައިވެނީގެ ސަބަބުން ކާވެނި ޙަރާމްވާ އަންހެނެއްކަން ކުދިވެރީން ހިތާމަތަކެއް ކުރާނެކަން މުޖްތަމަޢުގައި ޤަދަރު ގެއްލޭނެކަން ފުރިހަމަ ނަމޫނާއެއް ދައްކަން ޖެހޭނެކަން ދިރިއުޅުން ބަރުބާދު ވާނެކަން ދަޅައެޅުމުން ހަނދާންނެތިއްޖެއެވެ. އަވާގައި ޖެހުނު ހިނދު ހެޔޮވިސްނުން ބީވެ ދިޔައެވެ. ކޮންމެ މަލެއް ފޮޅޭ ހިނދު ފަރިވާނެއެވެ. ގަސްއެކީ ކުލަބޮކިތަކެއްހެން ޒީނަތްތެރި ކުރުވާނެއެވެ. ހަވާނަފްސުގެ ގޮވުންވެސް މިފަދައެވެ. އަރާމާއި ލައްޒަތު ލިބިދެނީ ކުޑަ ހިނދުކޮޅަކުއެވެ. ޢުމުރުހަމަވުމާއިއެކު މާތައް މިލާމޯޅި ވެދެއެވެ. އުފާތައް ނެތިކޮށްލަނީ ފާފައިގެ […]
އިސްމާޢީލްއަލީ ރ.ކަނދޮޅުދޫ ހަނދެއްފަދަ މޫނަކަށް ހަދަން ބޭނުންވެއެވެ. ތިންދުވަހުން ދޮންވާ ކްރީމް އުނގުޅީމެވެ. ތިންމަސް ވީއިރުވެސް ބަދަލެއްނައެވެ. އުފެއްދެވުމުގައި ހުރިގޮތް އެންމެ ރަގަޅުކަމުގައިބެލީމެވެ. ދޮންކުރުމަށް ހޭދަވާ ވަގުތު ފައިދާ ހުރިކަމެއްގައި ހޭދަކުރެވޭގޮތްވިއެވެ. ދޮންކުރުމަށް ހޭދަކުރާ ފައިސާ ފައިދާ ހުރިކަމަކަށް ހޭދަކުރެވޭގޮތްވިއެވެ. ދޮންނޫނަސް ރީތި ވެދާނެގޮތް ވިސްނުނެވެ. ދޮނުގައި ކެއްކޭނެ ރިހައެއްނެތްކަން ހާމަވިއެވެ. މިރަށުގައި އިން އެންމެ ދޮންކުއްޖާގެ ހާލު ހެނގޭ ހެއްޔެވެ؟ މިހާރުވަނީ ބަދުނާމުގެ ލައްތަކުން މޫނު ކަޅުވެފައެވެ. މާދަމާ އެކަނިވެރި ބޮލެއް ދުނިޔެއަށް އިތުރު ކުރާނެއެވެ. […]
އިސްމާޢީލްޢަލީ ރ.ކަނދޮޅުދޫ އިރުއިރުކޮޅާ ހިތުގައި ވިކާހެން ހީވެއެވެ. ހަފަރާތް ބަލާ ނުފެނުމުން ދެރަވެއެވެ. ކެޔޮގަޑު ކަނޑާލީމާ ގަހުގެ ބޭނުމެއް އޮވޭހެއްޔެވެ؟ ޝުކުރުވެރިވުން ވާޖިބެއްކަމުގައި ދެކޭހެއްޔެވެ؟ ކޫރުމެއް ހިތުގައި އެޅޭނެކަން ވިސްނޭހެއްޔެވެ؟ ރުޅި އިސްކުރުމުން ހިތުގެ ރިހުން ގަދަވެއެވެ. ނީލަމަށް ލެވިފައިވާ އެއްޗަކަށް ވެއްޖެއެވެ. ލީކުވެ އަޑުތައް މުޅިރަށަށް ފަޟީޙަތް ވެއްޖެއެވެ. ސިޔާސަ ކުއްޖަކަށްވެ ނިމިއްޖެއެވެ. ތާރީޚް އިޢާދަ ނުވާނެކަން އެނގިއްޖެއެވެ. ރާޙަތެއްނުކުރި ލޯތްބަކަށްވެ ނިމިއްޖެއެވެ. ފެންނަ ފަށުގައި އަބަދު ހުންނާނެ ކަމުގާވިއެވެ. އުފާވެރި ޢީދަކާ އެއްވަރު […]
އެކުވެރި ރަހުމަތްތެރިއަކު ކަމުގައި ދެކުދިން އައި އުޅެމުން އެކުގައި މެދު ނުކެނޑި ނަސޭހަތްތެރިވުމުގައި ދެމިތިބެ ސާބިތު ވާގޮތުގައި ހެލިފެލިވެ އުޅުނު ކޮންމެ ހިނދަކުގައި ބަލިހާލު ދުރުގައިވިވަގުތުގައި އެދި ކުރަމެ ދުޢާ ރައްބުގެ ޙަސްރަތުގައި ލެއްވުން އެދި ޖަންނަތުގައި އެކުގައި އެކުވެރި އައުދާޔާ މަމްދޫޙާ ދެކުދިންވިޔެ މީގެ މިސާލެއް ކަމުގައި
އާޅެން ނަސީބުގެ މާތައް ބިންނާށެވެ. އިސްމާޢީލް ޢަލީ ކަނދޮޅުދޫ ޚުލްޤު ހެޔޮވުމީ ފިޔަޖަހާ ތަރިތަކެއް ފަދައިން އުޖާލާވާ ކަމެކެވެ. ރިވެތި ޚުލްޤު ނެތުމީ ކަޅުފޮއިރޭގަޑެއް ފަދައިން އަނދިރިވާކަމެކެވެ. ޢިލްމުވެރި ކަމުގެ ފާހަގައަކީ،މީހާގެ ޢަމަލުތައް ހެޔޮވުމެވެ. އަޚްލާޤް ނެތުމީ،ޢިލްމުވެރި ކަމަށް ހިރަފުސް ބުރާ ކަމެކެވެ. މޭވާނާޅާ ގަހަކުން ކުރެވޭނެ ބޭނުމެއް ނެތްކަން ވިސްނަން ވާނެއެވެ. އިންސާނާ ނެތިފަނާވެދާނެކަން ޔަޤީނެވެ. ގެއްލި ނުދާނެ އެއްޗަކީ،ކުރެވޭ ހެޔޮޢަމަލެވެ. ހެޔޮކަމުގެ ތިލަފަތް ބަރުކުރުމީ ވާޖިބެކެވެ. ހެޔޮކަމުގެ ދޮރުވަނީ ހުޅުވިފައިކަން ކަށަވަރެވެ، ޓިކެޓާއި ނުލައި […]
އިސްމާޢީލް ޢަލީ ކަނދޮޅުދޫ ޞިއްޙަތު ސަލާމަތުން ހުރުމީ ހާސް ނިޢުމަތެވެ. ހާސް ނިޢުމަތަށް ފުރަގަސް ދޭން ވާނެހެއްޔެވެ؟ ދުންފަތުގެ ވިހަ ގުލްކޯޒް ތިއްކަކަށް ވުރެ މުހިއްމު ވެއްޖެއެވެ. މަސްތުވާ ތަކެތީގެ އެހީއާއި ނުލައި ހައިކަމެއް ނުފިލައެވެ. މިއީ ހަށިގަނޑު ސަލާމަތުން ނެތްކަމުގެ ހެއްކެކެވެ. ދުޅަހެޔޮކަމަށްޓަކައި ނުރަގަޅު ޢާދަ ތަކާއި ދުރުވާން ޖެހެއެވެ. އަވަހަށް ނިދައި، ބޮޑުފަތިހާ ތެދުވުމީ ރިވެތި އާދައެކެވެ. ފަތިހު ފިނީގައި ހިނގައި ކަސްރަތު ކުރުމީ މޮޅު ގޮތެކެވެ. ބަނޑަކީ ޖާޑީއަކަށް ނުހަދާށެވެ. އިންޖީނަށް ތެޔޮ […]
އިސްމާޢީލް ޢަލީ ކަނދޮޅުދޫ ފަށުވިގަޑެއްފަދަ އިސްތަށިގަޑު ވަނީ ހާވާލެވިފައެވެ. ދެތުންފަތް ވަނީ ރޫޖެހިފައެވެ. ކޯތާފަތް ހީވަނީ ހުދުކަފަގަޑެއް ހެންނެވެ. ލޮލުން ފެންނަނީ ވީރާނާކަމެވެ. ކުޑަހިނދުކޮޅެއްތެރޭ އެފަރި ނާޒުކުކަން ގެއްލުނީ ކީއްވެބާވައެވެ! ފޭރިގަތުމުން ދެންބާކީ އޮންނާނީ ކޮންއެއްޗެއް ހެއްޔެވެ؟ ފޭރިގަތީ ރީތިކަން އެކަންޏެއްނޫނެވެ. އަބުރުގެ ދާވަނިވެސް ހަފުސްކޮށްލީއެވެ. އަބުރުވެރި ގޮތުގައި ޖިންސީ ބާރުތައް ބޭނުންކުރެވެން އެބައޮތެވެ . ކުކުޅުހާލަށްވުރެ ދަށު ދަރަޖައަކަށް ވެއްޓެނީ ކީއްވެހެއްޔެވެ؟ އަރާމާއިއެކު ލިބެވޭން އޮތް އުފާ ދަންތުރައަކަށް ހަދަނީ ކީއްވެހެއްޔެވެ؟ ހިތުން ބިރުވެރިކަން ނުފިލާނަމަ […]
އިސްމާޢީލް ޢަލީ ކަނދޮޅުދޫ ޙަޤީޤަތް ފޮރުވުމަށްޓަކައި، ލައްކައިން ފައިސާ ޚަރަދު ކުރިއެވެ. އިންޖެކްޝަން ލިބުނު މުނާސަބާ ފާހަގަ ކުރިއެވެ. ގޮވައިގެން ރާއްޖެއިން ބޭރަށް ދިޔައެވެ. ދުނިޔޭގެ މީހުންގެ ލޮލުގައި އަނދުން އެޅުވިއެވެ. ދުނިޔެ ދޫކުރީ ފާފަތަކުގެ ޝިކާރަ އަކަށް ވެގެންނެވެ. ދުނިޔޭގެ ޙަޤީޤަތަކީ،ނެތިދިއުމެވެ. ދިރިއުޅުމުގެ ޙަޤީޤީ ބޭނުމަކީ،ފަހުދުވަހަށް ތައްޔާރު ވުމެވެ. ޙަޤީޤީ މައިންބަފައިންނަކީ،ރަގަޅު ކަންތައް ކުރުވާ މީހުންނެވެ. ޙަޤީޤީ މުއްސަނދި ކަމަކީ، ފުދުންތެރި ކަމެވެ. ޙަޤީޤީ ރީތި ކަމަކީ،ރިވެތި އަޚްލާޤެވެ. ޙަޤީޤަތް ޒަހަރަށްވުރެ ހިތްޗެވެ. ޙަޤީޤަތް މާމުޔަށްވުރެވެސް […]
އިސްމާޢީލް ޢަލީ ކަނދޮޅުދޫ އުއްމަތުގެ ދިރުމަކީ އެކުވެރި ކަމެވެ. އެކުވެރި، ކަމަކީ ދިރިހުރި ބާރެކެވެ. އިސްލާޙަށް މަގުފަހި ވުމުގެ މަދަދުގާރެވެ. ދުޝްމަނުން ބަލިކުރުމުގެ އައްޑަނައެވެ. ތަރައްޤީގެ ސިއްރަކީ އެކުވެރިކަމެވެ. މުސްލިމުންގެ ރަމްޒަކީ އެއްބައެއްވަންތަ ކަމެވެ. ހަލާކުގެ އަސްލަކީ ވަކިވަކި ވުމެވެ. އުފާތައް މުގުރާލާ ހަތިޔާރަކީ އަނިޔާވެރިކަމެވެ. މުސްލިމުންގެ ބިރަކީ،ޢަދުލުވެރިކަން ގެއްލުމެވެ. ފާގަތި ޙަޔާތުގައި ސިއްކަ ޖަހަނީ ރުޅިވެރިކަމެވެ. ދަގަނޑުގެ ފާރަކަށްވުރެ އެކުވެރިކަމުގެ ބާރުގަދައެވެ. ފަނިފަކުސަގެ މެދުގައިވެސް އެކުވެރިކަން އޮވެއެވެ. ގުނަވަނަކަށް ވޭނެއްލިބުމުން މުޅިހަށިގަނޑު އެވޭން އުފުލައެވެ. މުސްލިމް […]