ކޮރެއާ މެޗުގައި ސަޕޯޓަރުންގެ އަޑު އިވުމާއި އަމިއްލަ ފަސްގަނޑުގައި ސަޕޯޓަރުންގެ އަޑު އިވުމުން ކުރެވޭ އިޙްސާސްތައް ތަފާތު ވިއެވެ. ބެންޗުގައި އިންނަން ޖެހުނު ނަމަވެސް އިޝަލްގެ ހިތަށް ބަޔާން ކުރަން ދަތި ހަމަޖެހުމެއް ލިބެމުން ދިޔައެވެ. ކޮންމެސް ދުވަހަކުން އަދި ސަޕޯޓަރުން ކުރިމަތީ ރާއްޖޭ ޤައުމީ ޓީމަށް ކުޅެ ދިނުމުގެ ހުވަފެން ދެކެން ފެށުނެވެ. އެ ދުވަސް ވީ މާ ދުރުގައި ނޫންކަން ހިތްބުނަމުން ދިޔައެވެ. އޭނާ ޖެހޭނީ ކެތް ތެރިކަމާއެކު އެ ދުވަހަށް އިންތިޒާރުކޮށް އެ […]
ލީންގެ މަގަތުގައި ލަމްހާވެސް އޮށޯންނަން އުޅެނިކޮށް އޭނާގެ ފޯނު ރިންގުވިއެވެ. “ކީކޭ އޭޝްލީ؟” އޭޝްލީ ގުޅުމުން ލަމްހާ ކުޑަކޮށް ހައިރާން ވިއެވެ. “ލަމް.. އާދެބަލަ ވަރަށް އަވަހަށް.. ސުހާން” އޭޝްލީ އަޑު އައީ ކެނޑިގެންނެވެ. “ސުހާންއަށް ކިހިނެއްވީ؟” ލަމްހާގެ ހާސްވެ ބިރުގަތް ވަރުން އޭނާގެ މޫނު ހުދުވިއެވެ. **** “ސުހާން ހޭއަރާފި.. ހީ ވޯކް އަޕް” އޭޝްލީގެ އަޑުންވެސް އޭނާ އުފާވެފައި ހުރި ވަރު ދޭހަވެއެވެ. “އަސްލުވެސްތަ.. އޯކޭ އަހަރެން މިދަނީ” ލަމްހާ ފޯނު ބޭއްވިއިރު އެތުންފަތް […]
އާޒިމްއާއެކު ހޯލުން ނުކުތް ސުހާންގެ ފައިން ވަރު ދޫވެ ތިރި ވެވުނެވެ. މޭގައި އަތް އަޅާލެވުނީ ނޭވާ ލާން ދަތި ވެގެންނެވެ. “ސުހާން؟ ކިހިނެއްވި؟” އާޒިމް ހާސްވެފައި ބުނެލިއެވެ. ސުހާންގެ ބޮލަށް ބަރުވެ ރިއްސަން ފެށިއެވެ. ނާށިގަނޑު ފަޅާލާފައި ސިކުނޑި ނުކުންނަން އުޅޭ ހެން ހީވާން ފެށިއެވެ. ސުހާން އަތުލަފިކޮށްގެން ތިރިއަށް ފޭބުނީ ކިރިޔާއެވެ. ނަމަވެސް ކާރާ ހަމައަށް ދެވެން ވާއިރަށް ސުހާންގެ ހަބަރު ހުސްވެގެން ބިންމައްޗަށް ވެއްޓުނެވެ. **** އެމާޖެންސީ ރޫމުގެ ބޭރުގައި އާޒިމް ދެފަރާތަށް […]
ފެންނަމުން ދިޔައީ ފްރާންސްގެ ހޮސްޕިޓަލެކެވެ. އެކިއެކި ޑޮކްޓަރުންނާއި ނަރުހުން ހަރަކާތްތެރިވަމުން ދިޔައިރު އެތަނުގައި ތިބި ބަލި މީހުންގެ އަދަދު ވެސް ވަކި މަދެއް ނޫނެވެ. އެގާރަ އަހަރުގެ އިޒްކާން ކުރިއަށް ދިޔައީ ލަސް ހިނގުމެއް ގައެވެ. ދެލޮލުން ހޯސްލާފައި ފައިބަމުން ދިޔަ ކަރުނަތައް އެކުޑަ ދެއަތުން ފޮހެމުން އިޒްކާން ކުރިއަށް ދިޔައިރު ބަލާލާ ކޮންމެ މީހެއްގެ ލޮލުންވެސް ފާޅުވަމުން ގެންދަނީ ހަމްދަރުދީއެވެ. މަޑުމަޑުން ރޮމުން ދިޔަ އިޒްކާން ގޮސް އިށީނީ ކައިރީގައި ހުރި ގޮނޑިއެއްގައެވެ. އޭރުވެސް އިޒްކާންގެ […]
” ކަލޭ ހިތު ހުރި ގޮތަކަށް އުޅެފަ ދިޔާމަ އެމީހުން ނޫޅޭނެ ކަލެއަށް ތިކަން ކޮށްދޭކަށް… ކަލޭ އެމީހުންނަށް ޖައްސައިފައި އާ ޙާލު ހަނދާން ނެތުނީތަ؟.” އަމްނާ ބުންޏެވެ. ” ބަލަ އަހަރެން އެމީހުނަށް ގޮތަކަށް ނަހަދަމޭ.. މަގޭ މަންމަ އެއަށް ވުރެ ބޮޑަށް ވިސްނޭނެ.. އަހަރެން އޮތީ މަންމަ ކައިރީ ބުނެފަ އަމްނާގެ ހިތްހަމަޖެހުމަކަށް އަހަރެން ކުރާ ކަމެކޭ…އެވަރު ނުވިސްނެނީ އަމްނާއަކަށް ނޫންތަ؟.. އަހަރެން އަންނަން ވީމަވެސް މަންމަ ބުނި މަންމަގެ ހެޔޮދުޢާ އަހަރެންނާއެކު ވާކަމަށް..”އަހަރެން […]
“އަހަރެން މިހާރު ސުހާންދެކެ ލޯތްބެއް ނުވޭ.. އަހަރެން މިހާރު އެހެން މީހަކު ދެކެ ލޯބި ވެވިއްޖެ” ލަމްހާ އެހެން ބުނެފައި ގެއަށް ވަނުމަށް ހިނގައި ގަތެވެ. “ބުނޭ ތީ ދޮގެކޭ.. ތިއީ ދޮގެއް. ކީއްވެ އަހަންނަށް ތިހެން ތިހަދަނީ” ސުހާން ލަމްހާ އަތުގައި ހިފަހައްޓާ ހުއްޓުވިއެވެ. “ސުހާން ޕުލީސް. އަހަރެން މަތިން ހަނދާން ނައްތާލާ..” ލަމްހާއެހެން ބުނެފައި އެތެރެއަށް ވަނެވެ. **** ދޮރުން އެތެރެއަށް ވަދެވުމާއެކު ލަމްހާގެ ރުއިން ފަޅައިގެން ދިޔައެވެ. ހިފެހެއްޓުމެއް ނެތި ލަމްހާއަށް ގިސްލެވެން […]
ކުރި ނުފެންނާތީ އިރު އިރުކޮޅާ ބޯއަރި ކޮއްފައި ބަލަމުން ކުރިއަށް ހިނގަމުން ދަނިކޮށް ކުއްލިއަކަށް ކުރި މައްޗަށް އެރި މީހާ ގައިގައި ލަމްހާ ޖެހުނެވެ. އަތުން ފޮއްޓާއި ކަރުދާސްތަށް ދޫވެ އަރި އަޅާލި ވަގުތު ލަމްހާގެ އަނގައިން ތޫލި ހަޅޭކެއް ބޭރުވިއެވެ. ބިރުގަތް ވަރުން ލަމްހާގެ ދެލޯ މަރާ ދަގުޅި ކޮއްލެވުނެވެ. ނަމަވެސް ބިންމަތީގައި ޖެހުމުގެ ބަދަލުގައި ލަމްހާއަށް އިހްސާސްވީ ބާރުގަދަ ދެއަތް އޭނަގެ އުނަގަނޑުގައި ހިފާލިކަމެވެ. ބާރަށް ތެޅެމުން ދިޔަ އޭނާގެ މޭގައި އަތް އަޅާލަމުން […]
ހަމީރާމެން ހަނގުރާމަ ކުރުމަށްޓަކައި އެއްވިއެވެ. ދެބައިމީހުން އަރައިގަތެވެ. ނަމަވެސް ހަމީރާ މެން ދިޔައީ ބަލިވަމުންނެވެ. ޝަމްސް ވެސް ދިޔައީ ދެވުނު ވަރަކަށް ހަމަލާ ދެމުންނެވެ. އެއީ ޔުމްނު ސަލާމަތް ކުރުމަށް ޓަކައެވެ. ހަނގުރާމަ އެތައް އިރަކަށް ދެމިގެން ދިޔައެވެ. *** ޕަންވާ ހުރީ ވަރަށް އުފަލުންނެވެ. އަނގޮޓި ހަދާ ނިމުނީމައެވެ. ހާއްސަ ފެނުން ދޮވުމުން އޭނާ ބޭނުން ކަމެއް އޭގެ އެހީގައި ކުރެވޭނެއެވެ. އޭނާގެ ބޮޑާކަމާއި ކިބުރުވެރިކަން ދެގުނަ ވިއެވެ. *** ހަނގުރާމަ ކުރުމުގެ ތެރެއިން ހަވަމީ […]
“ކައިޔަން.. ކައިޔަން..” މާޔާގެ ދުލުން ބޭރުވަމުން ދިޔަ ނަން ވެހެމުން ދިޔަ ވާރޭގެ ތެރެއިންވެސް ސާފުވަމުން ދިޔައެވެ. ބޯކޮށް ވެހެމުންދިޔަ ވާރޭ ތެރޭގައި ހުދުކުލައިގެ ފައިތިލައާއއި ހަމައަށް އަރާވަރުގެ ދިގު ހެދުމެއް ލައިގެން މާޔާ އިނީ ފްރާންސްގެ ހިސާބެއްގައި ހުރި ޕާރކެއްގެ ތެރޭގައި ބަހައްޓާފައި ހުރި ބެންޗްގައި އިށީނދެލައިގެންނެވެ. ކޯތާފަތުގައި ބޮސްދީފައި އޮހޮރެން ތައްޔާރަށް ހުރި ކަރުނަތައް ކޮންޓްރޯލް ކުރަންވެގެން ތުންފަތުގައި ދަތް އަޅާލައިގެން އިން މާޔާގެ ދެލޮލަށް ބަލާލި މީހާއަށް ވެސް އެ ދެލޮލުގައިވާ ވޭނާއި […]