ހަތް ދަރިން

މީޝެލް ދިޔައީ ސުޕަރ މާރކެޓުން އެއްޗެހި ގަންނަމުންނެވެ. 260 ނެޕީއާއި 2 ކޭސް ކިރު ދަޅު އެއެޅީ ޓްރޯލީއަށެވެ. ދެއަހަރުގެ އެއްމާބަނޑު ދެކުދިން ކަމަށްވާ ލޫކާއި ލިލިއަން ތިބި ގޮނޑި ކުރިއަށް ޖައްސަމުން، އޭނާ ޕާސްޓާ ޕެކެޓުތަކާއި ޗޮކްލެޓުތައް ޓްރޯލީއަށް އަޅާލިއެވެ. އޭނާގެ ފަހަތުން، ފިރިމީހާ ކަމަށްވާ ކްރިސް. 34 ދިޔައީ ހަތަރު މަހުގެ ދެކުދިން ކަމަށްވާ އޮލީއާއި އޮލީވިއާ ތިބި ގޮނޑި ކުރިއަށް ޖައްސަމުންނެވެ. އެދެމަފިރިން ދިޔައީ ދެ ސަފްހާގެ ބާޒާރު ލިސްޓުގައިވާ ތަކެތި ހަމަކުރަމުންނެވެ.
އެމީހުންގެ ތަކެއްޗަށް 160 ޔޫރޯ ހޭދަވިއެވެ.
ސުޕަރ މާރކެޓުން ނިކުތުމަށްފަހު ދެ ކާރަށް، އެމީހުން ގަތް ތަކެތި ލުމަށްފަހު މިސްރާބުޖެހީ ނާސަރީއިން ދޮށީ ދެދަރިން ކަމަށްވާ ހަތަރު އަހަރުގެ އެންތޯނީއާއި އެޑަމް އަދި ތިން އަހަރުގެ އެންޑްރޫ ބަލައެވެ.
ކުރީގައި ޓީޗަރެއްގެ ވަޒީފާގައި ހުރި މީޝެލް، 37 އަކީ ހަތް ކުދިންގެ މަންމައެކެވެ. އެހުރިހާ ކުދިންނަކީވެސް ފަސް އަހަރުން ދަށުގެ ކުދިންނެވެ. މީޝެލާ އޭނާގެ އާއިލާ ދިރިއުޅެމުން އަންނަނީ އަޔަރލޭންޑުގެ ޑުބްލިންގައި ހުންނަ ގެއެއްގައެވެ.
ޕޯރޓްސްމައުތުގެ މީޝަލް އޭނާގެ ފިރިމީހާ ކްރިހާ ދިމާވީ އޮންލައިންކޮށެވެ. އެއީ 2008 ވަނަ އަހަރުގެ ޖެނުއަރީ މަހެވެ.
އެމީހުން އެކަކު އަނެކަކު ދެކިލުމަށްޓަކައި އިނގިރޭސިވިލާތާއި އަޔަރލޭންޑާ ދެމެދު ދަތުރުކުރިއެވެ. އެމީހުންގެ ގުޅުމަށް ތިންމަސް ވީތަނާހެން ބަނޑުބޮޑުކަން މީޝެލަށް އެނގުނެވެ.
މީޝެލްގެ މާމަގެ އެއްމާބަނޑު މީހެއް ހުރެއެވެ. އަދި ކްރިސްގެ ބޭބެގެ އެއްމާބަނޑު ތިން ކުދިން ތިބެއެވެ.
ދޮށީ ދެދަރިންނަށް 10 މަހުގައި މީޝެލް އޭނާގެ ދެވަނަ ދަރިފުޅަށް ބަލިވެ އިނެވެ. ދެވަނަ ދަރިފުޅަށް ފަސް މަހުގައި ތިންވަނަ ފަހަރަށް މީޝެލް ބަލިވެ އިނެވެ.
މީޝެލްގެ ދެމަފިރިން ޤަބޫލުކުރާ ގޮތުގައި ހަތް ކުދިންނަކީ އެމީހުންގެ ނަސީބެވެ. ކިތަންމެ ބުރަވިޔަސް ވެހެވެ.

ނޯޓް: މިއީ ހަޤީޤީ ހާދިޘާއެކެވެ.