سبحان الله, އޭނާގެ ހިތްވަރުގަދަކަން ހިތައްއަރާ ކޮންމެ ފަހަރަކު ގައިން ހީބިހިނަގައެވެ. ކެތްތެރި ކަމާއި އޯގާވެރިކަން ހިތައްއަރާ ހައިރާންވެ އަންތަރީސް ވާހާވެއެވެ. އެފިރުމުންތަކާއި، ލޯތްބާއި އަޅާލުން ދެވަނައެއް ނެތްފަދައެވެ. ތިމާގެ އަމިއްލަ ނަފުސައް ބެލުމެއްނެތިއެވެ. އެތައް އެތައް ރެޔެއްގެ އަރާމު ނިދިން މަހުރޫމުވަމުންނެވެ. ނަމަވެސް ހިނިތުން ވެލަމުންނެވެ. އެއްވެސް ވަރުބަލިކަމެއް ފޫހިވުމެއް ޝަކުވާއެއް ނެތިއެވެ. އެންމެ ދުވަހަކު ނުވަތަ ރެޔަކު ނޫނެވެ. އެތައް އަހަރުތަކަކަށެވެ. އޭނާގެ މުޅި ދިރިހުރުމުގެ އުންމީދަކީ ތިބާއެވެ. ތިބާ ބަލި ވެއްޖެނަމަ އަސަރާއި […]
އެއްދުވަހެއްގެ ހަވީރެވެ. މަންމަ ގޭގެ މަސައްކަތުގައި ބުރަކޮށް އުޅުމަށްފަހު ހަވީރު ސައި ތައްޔާރުކުރިއެވެ. ބިސްގަނޑަކާ ކަޅު ސައިތައްޓެއްގެ އިތުރުން ޓޯސްޓްކޮށްފައި ހުރި ޕާން ތަކެކެވެ. މަންމަ އަވަސް އަރުވާލަން ހަދައިގެން ޓޯސްޓްކޮށްފައި ހުރި ޕާން ފޮތިތައް ހުރީ ކޮންމެވެސް ވަރަކަށް އަނދާފައެވެ. އަދި ސައިތައްޓައް ހަކުރު އަޅަން ވެސް މަންމަ ހަނދާނެއް ނެތެވެ. ބައްޕައާއި އެކު ސައިބޯން އެރި ވަގުތުން ފެށިގެން އަހަންނަށް ފާހަގަ ކުރެވުނީ އެކަންތަކެވެ. އަހަރެން މަޑުކޮށްލައިގެން އިނީ ބައްޕައަށް އެކަންކަން ފާހަގަކުރެވި ޝަކުވާކުރާނެ […]
ހިރުދުގަސްދޮށު ކަމަނާ އަކީ ކޮންމެ ސައުވީސްގަޑި އިރަކުން ދެފަހަރު އަތިރިމަތީގައި ހިރުދުގަސްދޮށުގައި އިނދެ ފިނިކުރަމުންދާ ޒުވާން ރީތި ކަމަނާ އެކެވެ. އެގޮތަށް އެގަސްދޮށުގައި އެކަމަނާ(ރަފީގާ) އަބަދު އިންނާތީވެ މަހައްދޫ މީހުން އޭނާ އަށް ހިރުދުގަސްދޮށު ކަމަނާގެ ނަމުން މުޚާތަބު ކުރެއެވެ. މިގޮތަށް މީހުން ރަފީގާ އަށް ކިޔާތީ ބައެއްފަހަރު ރުޅިއައިސް އަނެއްބައިފަހަރު ހީސަމާސާވެސް ކުރެއެވެ. ދުވަސްވަރަކީ ގޯއާ އިން ފުރި ނަވެއް ބެހިގެން ރާއްޖެއަށް ވަދެވިގެން އުޅުނު ދުވަސްވަރެކެވެ. މި ނަވު އޮޔާއެކު އައިސް ލެއްގީ މަހައްދޫ […]
ދުވަސްވަރަކީ ސްކޫލު ނިންމުމަށްފަހު މަތީ ތަޢުލީމު ހާސިލުކުރުމަށް ކޮލެޖަށް ދިޔަ ދުވަސްވަރެވެ. އަހަރެންނާއި ޢަލީ ދިމާވީ ކޮލެޖުންނެވެ. ފުރަތަމަ ފެނުނު ވަގުތުވެސް ތަފާތު އިހުސާސެއް ކުރެވުނެވެ. ފުރަތަމަ އެކަން ސިއްރުކުރީމެވެ. ދުވަސް ފާއިތުވަމުން ދިޔަވަރަކަށް ދެމީހުންގެ ދެމެދުގައި އޮތް ރަހުމަތްތެރިކަން ދިޔައީ ލޯތްބަށް ބަދަލުވަމުންނެވެ. އެންމެފަހުން ކައިވެނި ކުރީމެވެ. ދުވަހަކުވެސް ވަކި ނުވާނެ ކަމަށް ދެމީހުންވެސް ވައުދުވީމެވެ. ދެ އޮފީހެއްގައި ދެމީހުން ވަޒީފާ އަދާކުރަމުން ދިޔައިރު އެކަކު އަނެކަކަށް ބޭނުންވާ ވަގުތު ދިޔައީ ހުސްކުރަމުންނެވެ. ކައިވެންޏަށް 5 […]
މާދަމައަށްޓަކައި އެތައް ފޮނި އުންމީދެއް ކުރިބަޔަކު މިއަދު އެވަނީ ކަށްވަޅުގެ އަނދިރިކަމުގެ ތެރޭގައެވެ. ދުނިޔެވީ ކިތަންމެ ރީތި ހުވަފެންތަކެއް ބެލި ކަމުގައި ވީނަމަވެސް، ހިތް އެދޭ އެތައް ފޮނި އުންމީދުތަކެއް ހާސިލުކުރެވުނު ނަމަވެސް ހަޔާތުގެ ދަތުރުގައި އަބަދުބެސް ތިބެންވީ މަރަށް ތައްޔާރުވެ ފޮށި ތަންމަތި ބަނދެލައިގެނެވެ. ކަފުން ފިޔަވާ ކައްވަޅުގެ ތެރަށް ގެންދެވޭނެ ޒައްރެއްގެ މިންވަރު ނެތެވެ. ކުރި ހެޔޮއަމަލެއް ފިޔަވައެވެ. ކުރި ހެޔޮއަމަލުތަކުން މެނުވީ އެކައްވަޅުގެ ބިރުވެރިކަމާއި އަނދިރިކަމަށް އަލިކަމާ އަމާންކަން ލިބުމެއް ނުވެއެވެ. ޔާ […]
ލޮބުވެތި އެންމެހާ މުދައްރިސުންނޭވެ. އުނގަންނައި ދެއްވުމަށް ތިޔަ ކޮށްދެއްވި އަދި ކޮށްދެއްވަމުންދާ ބުރަ މަސައްކަތަށް ފަށްފަށުން ޝުކުރު ދަންނަވަމެވެ. އަޅުގަނޑުގެ އެދުމަކީ ނިމިދިޔަ ޖީ.ސީ.އޯލެވެލް އިމްތިހާނު ނިންމާ މިިއަދު މުޖުތަމައުއަށް ނިކުތް އެންމެހާ ދަރިވަރުންގެ ލީވިންގ ސެޓްފިކެޓް ޒީނަތްތެރިކޮށް ދިނުމެވެ. އެކި މިޒާޖުގެ ދަރިވަރުންތަކެއްގެ ޒިންމާ ބޮލު އަޅާ ކޮށްދެއްވި ހިދުމަތުގެ އަގު މިއަދު އެ ޒުވާން ދަރިވަރުންގެ ތެރެއިން މަދު ދަރިވަރަކު ވަޒަން ނުކުރި ނަމަވެސް މާދަމާ އެއިން ކޮންމެ ދަރިވަރަކަށްވެސް އެކަން ވިސްނޭނެކަން ކަށަވަރެވެ. […]
” ދަރިފުޅާއެވެ. ކެތްތެރިވާން ވާނެއެވެ!. އަމިއްލައަށް މަރުވުން ﷲ ގެ ޙަޞުރަތުގައި ކުށަކަށް ނުވާނަމަ ކަށުނަމާދު ފަރުޟު ނަމާދެއް ކަމުގައި ހީވީހެވެ.” މިއީ މީގެ އެތައް އަހަރެއް ކުރިން ބަފަޔަކު އޭނަގެ ލޯބިވާ ދަރިފުޅުގެ އުމުރުން 13 ވަރަކަށް އަހަރުގައި ދިން ނަސޭހަތެކެވެ. ދަރިފުޅު ބައްޕަގެ އެވާހަކަތައް ސާފުކުރީ އިލްމުވެރިއެެއްގެ ކިބައިންނެވެ. އެއީ ބައްޕަ ނިޔާވެ ދިޔަތާ ދުވަސްތަކެއް ވީފަހުންނެވެ. އެ ދަރިފުޅުގެ އުމުރުން 18 އަހަރުވީ ފަހުންނެވެ. ޒުވާނާގެ އެ ބަސްތަކުން އިލްމުވެރިޔާއަށް ހައިރާންކަން […]
މިއީ ދެން އުމުރު ދުވަހު ޖެހިފައި އޮތް ކިހާ ބޮޑު ވެއްޖެ ކަމެއް، ހެއްޔެވެ؟ މިއީ ނިމުމެއް ނެތް ކަމެކެވެ، މިކަމަށް ފަރުވާ ކުރަން އެނގޭނެ ޑޮކްޓަރ މިދުނިޔޭގައި ވެސް ނެތޭ! އަހަރެން ވަރުބަލި ވެއްޖެއެވެ، ދުނިޔެމަތިން ފޫހިވެއްޖެއެވެ، ހަމަ ކޮންމެދުވަހަކު ކޮންމެ ދުވަހަކު ވެސް މެއެވެ، މިއީ މަރު ދުވަހާ ގުޅިފައި އޮތް ކަމެއް ނޫންބާއެވެ، މަރުވެގެން ކައްވަޅުގާ އޮވެވޭނެ ބާއޭ ހިތަށް އަރައޭ! އަހަރެން މި ދައްކަނީ ބޮޑެތިމީހުން ކުޑަ ކުދިންނަށް ފާޑު ފާޑު […]
ދަރިފުޅާއެވެ! މަންމަ އެކަނިކޮށް ނުލާށެވެ!… ދަރިފުޅު ދުނިޔެއަށް އުފަންވި ދުވަހަކީ މަންމަމެންގެ ހަޔާތުގައި އާ ސޮފްޙާއެއް ލިޔަން ފެށުނު ދުވަހެކެވެ. މަންމަމެން 21 އަހަރު ވަންދެން ދެކެމުން އައި ހުވަފެން އެންމެ ފަހުން ޙަޤީގަތަކަށް ވީއެވެ. މަންމައާއި ބައްޕަގެ ލޯބީގެ ގަހުގައި ލޯބި ލޯބި މަލެއް ފޮޅުނީއެވެ. މަންމަމެންގެ އަސްލު މަސައްކަތް އަދި ފެށުނީކަން އޭރު އިނގުނެވެ. މަންމަމެންގެ އެންމެ މުހިއްމު މަގުސަދަކަށް ހެދީ ދަރިފުޅަކީ މުޖުތަމަޢު ބަލައިގަންނާނެ ފަދަ، އެންމެހާ ރިވެތި ސިފަތަކުން ޒީނަތް ވެގެންވާ […]