ކޮލެޖަށް ވަދެވުނެހެން ބިރުވެރި އިހުސާސެއް ކުރެވުނެވެ. ދިއްލާފައިވާ އެންމެ އަލިމަޑު ބޮކިން ފަނޑު އަލިކަމެއް މުޅި ހަރުގެ ތެރެއަށް އެޅިފައިވެއެވެ. ކުއްލިއަކަށް ޖޫނާ ވަދެގެންއައި ދޮރު ފަހަތުން އަމިއްލައަށް ލެއްޕުނެވެ. ޖޫނާ ބިރުން އެ ދިމާއަށް ބަލައިލިއެވެ. އެކަކުވެސް ފެންނަން ނެތުމުން ދޮރާ ދިމާއަށް ނުކުތުމަށް ހިނގައިގަތެވެ. ކިތަންމެ މަސައްކަތްކުރި ނަމަވެސް ދޮރެއް ނުހުޅުވުނެވެ. ކުއްލިއަކަށް ފަހަތުން އަޑު އިވުނީ ލުބުނާގެ އަޑެވެ. “ކޮންތާކަށް ދާން ތިއުޅެނީ؟ މިއީ ކަލޭގެ ސެމިސްޓަރު ނިމުން ފާހަގަކުރުމަކީ.” އޭރު ޔައިމާއާއި […]
ކިލާސްތައް ނިންމުމަށްފަހު ކޮލެޖުން ނުކުމެވުނު އިރު ޝަފްރާއާއި ލުބުނާއާއި ޔައިމާ ދޮރުގެ މަގަތުގައި ތިއްބެވެ. ތިން މީހުންވެސް ޖޫނާގެ ވާހަކަތައް އަޑުގަދަކޮށް ދައްކަމުން ދިޔައެވެ. “އެއީ ތެދެއް؟ މިއަދު އާހިލުގެ ގަޔަށް ޖޫނާ ވެއްޓިގަތިއްޔޯ!” ޝަފްރާ ލުބުނާއާ ދިމާއަށް ބަލައިލިއެވެ. “މޫނުމަތި ރަތްވެސްވެފަޔޯ ހުރީ އެ ޖޫސްގަނޑު.” ޔައިމާ ޖޫނާ ފެނިގެން އަޑު ބާރުކޮށްލިއެވެ. “މަގޭ ރައްޓެހިވެގެން އުޅޭ މީހާއާ އޭނާ ބެހެންވީ ކީއްވެހޭ؟” ލުބުނާ ޖޫނާ ހިނގާފައި ދިޔަނުދިނުމަށް ހިފެހެއްޓުވިއެވެ. އަދި އައި ރުޅީގައި ކަންފައިމަތީގައި […]
މުޅި ރަށަށް އަނދިރިކަން ވެރިވެފައިވެއެވެ. ފަނޑު ހަނދުވަރުގެ ރިހި އަލިގަނޑު ގަސްތަކުގެ ތެރެއިން ފުރޭނެމުން ދިޔައެވެ. މަގުމަތީގައި ދިއްލާފައިހުރި ހޮޅި ބުރިއަކުން ލިބުނު އަލިކަން މަގުގެ މެދާ ހިސާބަށްވެސް ނާދެއެވެ. ނުވިތާކަށް ގޭތެރޭގައިވެސްވަނީ ފަނޑު އަލިކަމެވެ. ކޮޓަރީގައި އަވަދިނެތި ތައްޔާރުވަމުންދިޔަ ޖޫނާ އަނދުން އެޅުމުގައި އަވަދިނެތި އުޅެއެވެ. ލޯގަނޑާ މޫނު ގާތްކޮށްގެންހުރެ ނިކަން ފަރުވާތެރިކަމާއެކު އަނދުން އަޅަމުން ދިޔައެވެ. ޖޫނާ އަވަދިނެތިގެން އުޅުނީ އޭނާގެ ރައްޓެހި ސަމާގެ އުފަންދުވަސް ފާހަގަކުރަން ދިޔުމަށެވެ. އިޝާ ނަމާދުން އެނބުރިއައި އޭނާގެ […]
ޖޫނާއަކީ އ.ދ ދަނގެތި ކޮލެޖުގައި ކިޔަވަމުން އަންނަ ދަރިވަރެކެވެ. އާދައިގެ ނަތީޖާތަކާއެކު ކިޔެވުމަށް ޝައުގުހުރި ކުއްޖެކެވެ. ނަމަވެސް ގިނަ މީހުންނަށް ނޭނގޭ ކަމަކީ ޖޫނާއަށް ކުރިމަިވަމުންދިޔަ މަލާމާތާއި ގަނާއެވެ. އޭނާއަށް ކުރެވުނު ކުޑަ މޮޔަ ކަމަކުން އޭނާގެ ހަޔާތަށް ބޮޑެތި އުނދަގޫތައް ކުރިމަތިވެގެން ދެއެވެ. ގިނަ ފަހަރަށް އޭނާ ވެއްޓޭ އަނދަވަޅުން ސަލާމަތް ކޮށްދޭނެ މީހަކު ނުހުރެއެވެ. އޭނާއަށް ޚާއްސަކޮށް ޖައްސާލާފައި ހުންނަ ލުބުނާމެންނަކީ އާދައިގެ ބައެއް ނޫނެވެ. ހަނގާކުރުމުން ރަން ތަށި ހާސިލުކުރެވޭ ވަރުގެ ފުރަދާރުންނެވެ. […]
“އެންމެ ރަނގަޅު. އަހަރެން މާދަން ކަލެއަށް ލާރީގެ ދެބައިކޮށްފަ އެއްބައި ދޭނަން. ނިމުނީނުން. އަވަހަށް ދަތުރު ހަމަ ޖައްސާ” ތުމުގައި އިން ސިނގިރޭޓުގައި އަލިފާން ރޯކޮށްލަމުން ބޮސް ބުންޏެވެ. (69 ވަނަ ބައި) އައި ޖީ އެމް އެޗް ހަސްފަތާލު ތެރޭގައި ވަނީ ހަލަބޮލި ކަމެވެ. މީހުންތައް ދެކޮޅަށް ހިނގަމުން ދިޔަ އިރު ޑަކްޓަރުންނާއި ނަރުހުންވެސް ދެކޮޅަށް ދުވަމުން ދިޔައެވެ. މުޅި ތަނުގައި ދުވަމުން ދިޔައީ ބޭސްފަދަ ތަކެތީގެ ވަހެވެ. އިރު އިރު ކޮޅުން ކައުންޓަރު ތަކުން […]
ދެމީހުން ލޯބީގެ މާބަގީޗާގެ ތެރޭގައި ފީނަމުން ދިޔައިރު ކަމެއް ގޯސް ވެގެން އުޅޭ ކަމުގެ ހިލަމެއްވެސް އޭރު ނުވެއެވެ. …………. “ތީދޯ ކަލޭމެން ގަންނަ ގަނޑަކީ މިއޮށްފަދަ ގަޑީގަވެސް.” ދެމީހުން ސިހިގެން ދިޔައީ ކުއްލިއަކަށް އެދިމާއަށް އަލިވުމުންނެވެ. ޔަޝްމީ ވަގުތުން ޝަޔާލްގެ ގައިގައި އަޅާ ކޮށްޕާލަން އުޅުނެވެ. ނަމަވެސް ޝަޔާލް ދެންވެސް ޔަޝްމީ އޭނާ އާއި އިތުރަށް ގާތްކޮށްލީއެވެ. “ދެން ޝަޔާލްލްލް!” ޔަޝްމީ ޝަޔާލްގެ މޭގައި ޖަހާލިއެވެ. ހެމުން އެންމެފަހުން ޝަޔާލް ޔަޝްމީގެ ގައިން ދޫކޮށްލިއެވެ. […]
ސަލާމް ކިޔުންތެރިން… ފުރަތަމަ ކަމަކަށްވެސް މިބައި ލަސްވީތީ ހުރިހާ ކިޔުންތެރިންގެ ކިބައިންވެސް ނިހާޔަތަށް މަޢާފަށް އެދެން. 66 ވަނަ ބައިގަ އަދި އަޅުގަނޑުގެ ސޯޝަލް މީޑިއާ ޕްލެޓްފޯމް ތަކުގައިވެސް އަޅުގަނޑުގެ އަތަށް އަނެއްކާވެސް ސީޓީއެސްގެ އުނދަގޫ ކުރާލެއް ބޮޑު ވުމުގެ ސަބަބުން، ވާހަކަ ލިޔަން އުނދަގޫ ވާހަކަ ވާނީ ހިއްސާ ކޮށްލާފައި. އަތް އައްސި ވުމުގެ ސަބަބުން މިވަގުތު އަޅުގަނޑު މިއުޅެނީ އަނެއްކާވެސް ‘ރިސްޓް ބްރޭސް’ ވެސް އަޅައިގެން. އަދި އޭގެ އިތުރުން ހަމަ އެ އަތް […]
ޒިވްޔާއަށް ހޭވެރިކަން ވުމާއެކު މަޖުބޫރުވީ އަލުން ދެލޯ މަރާލާށެވެ. އޭނާއަށް އޮވެވުނު މާޙައުލުގެ އަލިގަދަކަމުންނެވެ. ދެލޯ ތަގުޅިކޮށްލުމަށްފަހު އަނެއްކާވެސް މަޑުމަޑުން ޒިވްޔާ ދެލޯ ހުޅުވާލިއެވެ. ދެލޯ މަޑުމަޑުން ތަޅުވާލުމަށްފަހު އެ އައްޔަށް ހޭނޭތޯ މަސައްކަތް ކޮށްލިއެވެ. އޭރު އޭނާގެ މުޅި ހަށިގަނޑުގައި ގަދަ ވޭން އަޅަމުން ދިޔައެވެ. ހީވަނީ ދެންމެ ދެންމެ އަކު އޭނާގެ ކަށިތައް ބިންދަ ބިންދައިގެންފާނެ ހެނެވެ. އޭނާއަށް ކުކުރާލެވުނީ އެތަދަށް ކެތް ނުވުމުންނެވެ. އެއާއެކު ވަގުތުން ދުމްޔާގެ އަޑު އިވުނެވެ. “ޒިވީ. ދަރިފުޅާ.” […]
ޒިވްޔާމެން ޔަޝްމީގެ ގެއަށް ދިޔައިރު ވިޝާލް ވެސް އައިސް އުޅެއެވެ. އޭރު ގަޑިން އިރުއޮއްސި 7 ޖަހަނީއެވެ. ވިޝާލްގެ މައިންބަފައިންނަކީ އަބަދު ދަތުރުކޮށް އުޅެން ޖެހޭ ބައެއްކަމުން ވިޝާލް ވެސް އުޅެނީ އެގޭގައެވެ. “ހެއި ޒިވީ.” ވިޝާލް ސޯފާގައި އޮށޯވެލަމުން އަހާލިއެވެ. އޭނާ މަޑުކޮށްލީ ޒިވްޔާ މެންގެ ފަހަތުން އިތުރު މީހަކު އާދޭތޯއެވެ. ނަމަވެސް އޭނާ ދެކިލަން ބޭނުންވި މޫނު ނުފެނުމުން މާޔޫސްވިއެވެ. “ހަޔާ އަންނާނީ އަދި ފަހުންނޭ. ސާބަސް ވިޝާލަށް.” ޒިވްޔާ އާއި ޔަޝްމީ ހިނިގަނޑެއް […]